Book List

<h2 style="text-align: center;">အခန်း (၅၀)</h2> <h2 style="text-align: center;">ကြေးအရေပြား ကျင့်စဉ် ကိုးဆင့်မြောက်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ချန်လော့သည် သူ၏ ဘောင်းဘီကို ချွတ်ရန် ပြင်လိုက်သော်လည်း တစ်စုံတစ်ခုကို သတိရသွားပုံရပြီး ရုတ်တရက် ရပ်တန့်သွားကာ သူ၏ နောက်ကျောဘက်ရှိ ကျောက်မန်ကို လှည့်ကြည့်လိုက်သည်။</p> <p> </p> <p>"မင်း... လှည့်နေ..."</p> <p> </p> <p>ကျောက်မန်မှာ ခဏတာ မှင်တက်သွားပြီး အခြေအနေကို ချက်ချင်း သဘောမပေါက်နိုင်သေးဘဲ ကြောင်ကြည့်နေမိသည်။</p> <p>"ငါ အတွင်းခံ မဝတ်ထားဘူး..."</p> <p> </p> <p>ထိုစကားကို ကြားလိုက်ရချိန်တွင် ကျောက်မန်သည် ချန်လော့ကို ရွံရှာဖွယ် အကြည့်ဖြင့် ကြည့်လိုက်သည်။</p> <p> </p> <p>"ခုနက ရွှေမြုတေ ပေါက်ကွဲတုန်းက ပျက်စီးသွားလို့ပါ..."</p> <p>ချန်လော့က တည်ကြည်သော အမူအရာဖြင့် ရှင်းပြလိုက်သည်။</p> <p> </p> <p>ထိုအခိုက်အတန့်တွင် ကျောက်မန်သည် ထူထပ်သော မီးခိုးများထဲတွင် ဘောင်းဘီ ဝတ်နေသော ချန်လော့၏ ပုံစံကို ရုတ်တရက် မှတ်မိသွားပြီး ဘာဖြစ်နေသည်ကို ချက်ချင်း သဘောပေါက်သွားသည်။</p> <p> </p> <p>သူမ လှည့်တော့မည့်ဆဲဆဲတွင် အတိတ်က သူမအပေါ် ချန်လော့ ပြုမူခဲ့သော လုပ်ရပ်များကို တွေးမိလိုက်ရာ၊ သူမ၏ အတွင်းထဲမှ ဒေါသမီးတောက် တစ်ခု ထွက်ပေါ်လာခဲ့သည်။</p> <p> </p> <p>ဒီလောက် ကောင်းတဲ့ အခွင့်အရေးကြီးကို သူမ လုံးဝ လက်လွှတ်ခံလို့ မဖြစ်ဘူးလေ…</p> <p> </p> <p>"ကျွန်မမလှည့်ရင်ရော... ရှင် ကျွန်မကို ဘာလုပ်နိုင်မှာမို့လို့လဲ..."</p> <p> </p> <p>ကျောက်မန်သည် ချန်လော့ကို မောက်မာသော အမူအရာဖြင့် ကြည့်လိုက်သည်။  လက်ရှိအခြေအနေအရ၊ ချန်လော့သည် သူမ၏ လက်အောက်သို့ ရောက်နေပြီ ဖြစ်ကာ ၊ သူသည် ဒူးထောက်ကာ သူမကို "အဘွား‌ေလး” ဟု ခေါ်ကာ တောင်းဆိုလိမ့်မည်ဟု ယုံကြည်ထားသည်။</p> <p> </p> <p>သို့သော် ချန်လော့သည် သူမကို အရူးတစ်ယောက်လို ကြည့်နေခဲ့သည်။</p> <p> </p> <p>"ကြည့်ချင်လည်း ကြည့်... မကြည့်ချင်လည်း နေ... ဘာပဲဖြစ်ဖြစ် ငါက ဘာမှ ဆုံးရှုံးမှာ မဟုတ်ဘူး..."</p> <p> </p> <p>"မင်း ကြည့်ချင်ရင် ကြည့်လေ..."</p> <p> </p> <p>ထိုသို့ပြောပြီးနောက်၊ သူသည် အနည်းငယ်မျှ တွေဝေခြင်း မရှိဘဲ ဘောင်းဘီကို စတင် ချွတ်ချလိုက်တော့သည်။</p> <p> </p> <p>ထိုအရာကို မြင်လိုက်ရချိန်တွင် ကျောက်မန်၏ မျက်နှာမှာ နီရဲသွားသည်။</p> <p> </p> <p>ချန်လော့ မှ ဘောင်းဘီကို ဆွဲမချွတ်နိုင်မီမှာပင် သူမသည် ရုတ်တရက် လှည့်လိုက်ပြီး၊ သူမ၏ မျက်နှာကို ဖုံးအုပ်လိုက်သည်။</p> <p> </p> <p>"ဒီကောင် ယုတ်မာတဲ့ လူလိမ်... တိရစ္ဆာန်... အောက်တန်းကျပြီး အရှက်မရှိတဲ့ ကောင်..."</p> <p> </p> <p>"ချန်လော့... ရှင်က အကြိမ်တစ်ထောင် သေသင့်တယ်... ရှင် သေသွားရင်တောင်မှ လူတွေက နင့်ကို သင်္ချိုင်းထဲကနေ ပြန်တူးပြီး ရှင့်အလောင်းကို ကြာပွတ်နဲ့ ရိုက်ကြလိမ့်မယ်..."</p> <p> </p> <p>ကျောက်မန်သည် မျက်နှာကို ဖုံးအုပ်ထားပြီး ၊ သူမ၏ ပါးပြင်များက နီရဲကာ ပူထူနေသည်။</p> <p>ချန်လော့ကို သူမ၏လက်ခုပ်ထဲကရေကဲ့သို့ ထိန်းချုပ်ထားနိုင်ပြီဟု ထင်ခဲ့သော်လည်း၊ အမှန်တကယ်တွင်မူ ချန်လော့၏ အရှက်မဲ့နိုင်စွမ်းကို သူမ အတော်လေး အထင်သေးခဲ့မိကြောင်း ယခုမှပင် သဘောပေါက်သွားတော့သည်။</p> <p>ဘောင်းဘီတို အသစ်ကို ဝတ်ဆင်ထားသော ချန်လော့သည် သူ့ကို ကျောပေးထားသော ကျောက်မန်ကို  ဆွံ့အစွာဖြင့် စိုက်ကြည့်နေမိသည်။</p> <p> </p> <p>"ငါက လူလိမ်လား... ငါက မင်းကို အရင် သတိပေးခဲ့တာလေ... ပြီးတော့ မင်းကိုယ်တိုင်ကပဲ မလှည့်ဘူးလို့ ပြောခဲ့တာ မဟုတ်ဘူးလား... လူလိမ်လို ပြုမူနေတာက မင်းပဲ မဟုတ်ဘူးလား..."</p> <p> </p> <p>"ငါ့အပေါ် ရမ္မက်စိတ်တွေ ဖြစ်ပြီး ငါ့ရဲ့ ကိုယ်လုံးတီးကို ကြည့်ချင်နေတာက မင်းပဲလေ... ဒါပေမဲ့ ငါ တကယ် ချွတ်ပြတော့ မင်းက ကြည့်ဖို့ ကြောက်သွားပြန်တယ်..."</p> <p> </p> <p>"ဟူး... မင်းက ဆန္ဒသာ ရှိပြီး သတ္တိ မရှိဘူးပဲ... မင်း ဒီလိုမျိုးနဲ့ ဘယ်တော့မှ ဘာမှ ဖြစ်လာမှာ မဟုတ်ဘူး..."</p> <p> </p> <p>ချန်လော့၏ စကားများကို ကြားပြီး ကျောက်မန်၏ မျက်နှာမှာ ပို၍ပင် ပူထူလာသည်။</p> <p> </p> <p>သူမသည် ချန်လော့ကို ပြန်လည် ချေပချင်ခဲ့သော်လည်း စကားပြောရန် ခဏတာ ဆွံ့အသွားပြီး ဘယ်ကနေ စပြောရမည်မှန်း မသိအောင် ဖြစ်ခဲ့ရသည်။</p> <p> ချန်လော့သည် တကယ်ပဲ သူမကို အင်္ကျီချွတ်ပြရဲလိမ့်မည်ဟု သူမ မျှော်လင့်မထားခဲ့ပေ။</p> <p> </p> <p>"ဒုန်း..."</p> <p> </p> <p>ရေထဲမှ အသံတစ်သံ ထွက်ပေါ်လာသည်။ အသံကို ကြားပြီးနောက် ကျောက်မန်သည် ခေါင်းကို ဖြည်းညင်းစွာ လှည့်ကြည့်လိုက်သည်။ ချန်လော့ သည် ရေထဲရောက်နေပြီ ဖြစ်ကြောင်း အတည်ပြုပြီးမှသာ သူမ သက်ပြင်းချနိုင်တော့သည်။</p> <p> </p> <p>ထိုသို့ ဖြစ်နေသည့်တိုင် သူမသည် ချန်လော့ကို မကြည့်ရဲသေးဘဲ ခေါင်းငုံ့ကာ သူမ၏ လက်ထဲရှိ မီးတောက်မြိုသားရဲ သေးသေးလေးကိုသာ ကစားနေလိုက်သည်။</p> <p> </p> <p>ချန်လော့သည် ကျောက်မန်နှင့် ငြင်းခုံရန် ပျင်းလွန်းသည်။ သူသည် မြေအောက်ရေပူစမ်းထဲသို့ ခုန်ချလိုက်သည်နှင့် တစ်ပြိုင်နက်၊ မိမိ၏ ခန္ဓာကိုယ်တစ်ခုလုံးကို အဆက်မပြတ် လှုံ့ဆော်ပေးနေသည့် အားကောင်းသော စွမ်းအင်လှိုင်းတစ်ခုကို ပြင်းထန်စွာ ခံစားလိုက်ရသည်။</p> <p>အထူးသဖြင့် ဒဏ်ရာရှိသော နေရာများက မြေအောက်ရေပူစမ်း၏ အပူရှိန်ကြောင့် စပ်ဖျဉ်းဖျဉ်းနှင့် ပူလောင်မှုကို ခံစားလိုက်ရသည်။</p> <p>တစ်ချိန်တည်းမှာပင် သူ၏ ကြေးအရေပြားကျင့်စဉ် အဋ္ဌမအဆင့်ရှိ အတားအဆီးများမှာ ပြေလျော့လာပြီး အဆင့်တက်ရန် နီးကပ်လာကြောင်းကိုလည်း သူသည် ရှင်းလင်းစွာ အာရုံခံမိလိုက်သည်။</p> <p>“ဒီမြေအောက်ရေပူစမ်းက တကယ့်ကို နာမည်နဲ့လိုက်ဖက်တာပဲ၊ ငါ ဒီထဲရောက်တာ ခဏလေးပဲ ရှိသေးတာတောင် ငါ့ရဲ့ကျင့်ကြံခြင်းအတားအဆီးတွေ ပြေလျော့လာတာကို သိသိသာသာ ခံစားနေရပြီ”</p> <p> </p> <p>"လက်ရှိ အခြေအနေအရ ဆိုရင် ဆယ်ရက် မပြည့်ခင် ကြေးအရေပြား ကျင်စဉ် ကိုးဆင့်မြောက်ကို ရနိုင်သင့်တယ်..."</p> <p> </p> <p>"ဒါပေမဲ့ ကြေးအရေပြား ကျင့်စဉ် ကိုးဆင့်မြောက် က ငါ့အတွက် လုံးဝ မလုံလောက်သေးဘူး..."</p> <p> </p> <p>ထိုသို့ ပြောပြီးနောက် ချန်လော့သည် ရုတ်တရက် တွေးလိုက်သည်။</p> <p> </p> <p>"စနစ်... အဆ ၁၀၀ တိုးပွားခြင်း စနစ် ကို အသက်သွင်းလိုက်..."</p> <p> </p> <p>"ဝိညာဉ်ကျောက်တုံး ၁၀၀ ကို သုံးပြီး အဆ ၁၀၀ တိုးပွားခြင်း စနစ် ကို အသက်သွင်းလိုက်ပါသည်..."</p> <p> </p> <p>ထို့နောက် ချန်လော့သည် "ခန္ဓာကိုယ်သန်မာစေသော ဆေးလုံး" တစ်လုံးကို ထုတ်ယူ၍ တစ်ခါတည်း မျိုချလိုက်သည်။</p> <p> </p> <p>"သင် သည် ခန္ဓာကိုယ်သန်မာစေသော ဆေးလုံး တစ်လုံးကို သောက်သုံးလိုက်ပါသည်... အဆတစ်ရာ တိုးပွားခြင်း စနစ် ကြောင့် သင်သည် ခန္ဓာကိုယ်သန်မာစေသော ဆေးလုံး အလုံးတစ်ရာ သောက်သုံးခြင်းနှင့် ညီမျှသော အကျိုးသက်ရောက်မှုကို ရရှိပါသည်..."</p> <p> </p> <p>"သင်သည် ခွင့်ပြုထားသော ဆေးလုံး အရေအတွက် ကန့်သတ်ချက်ထက် ကျော်လွန်၍ သောက်သုံးမိပါသည်... ဆယ်လုံး၏ ဆေးစွမ်းကိုသာ စုပ်ယူနိုင်ပါသည်..."</p> <p> </p> <p>စနစ်၏ အသံကို ကြားသည်နှင့် ချန်လော့ သည် ပြုံးလိုက်သည်။</p> <p> </p> <p>"အရင်က မီးတောက်မြိုသားရဲ ဘုရင် နဲ့ တိုက်ပွဲမှာ ငါ ရခဲ့တဲ့ ဒဏ်ရာတွေက ငါ ရနိုင်တဲ့ အကောင်းဆုံး လေ့ကျင့်မှုပဲ..."</p> <p> </p> <p>"အခု ခန္ဓာကိုယ်သန်မာစေတဲ့ ဆေးလုံး နဲ့ မြေအောက်ရေပူစမ်း ရဲ့ အကျိုးကျေးဇူးတွေ ထပ်ပေါင်းလိုက်တော့ သံအရိုး အဆင့်ကို တိုက်ရိုက် ပစ်မှတ်ထားဖို့ ကြိုးစားနိုင်ပြီ..."</p> <p> </p> <p>ချန်လော့၏ ဤတစ်ကြိမ် ရည်မှန်းချက်မှာ ကြေးအရေပြား ကျင့်စဉ် ကိုးဆင့်မြောက် တစ်ခုတည်းပင် မဟုတ်ပေ။</p> <p> </p> <p>ကြေးအရေပြား ကျင့်စဉ် ကိုးဆင့်မြောက် သည် ချီသန့်စင်ခြင်းနယ်ပယ် နဝမအဆင့် နှင့် ညီမျှပြီး ၊ ၎င်းသည် ခန္ဓာကိုယ်ကျင့်ကြံမှု၏ ပထမအဆင့် နောက်ဆုံးပိုင်း ဖြစ်သည်။</p> <p> </p> <p>သူ၏ ကျင့်ကြံခြင်းကို နောက်တစ်ဆင့်မြှင့်တင့်ရန်အတွက် ‘သံအရိုးအဆင့်’ ဆိုသည့် နယ်ပယ်သစ်ထဲသို့ ထိုးဖောက်ဝင်ရောက်နိုင်ရန် လိုပေသည်။</p> <p> </p> <p>သံအရိုး အဆင့်သည် ကျင့်ကြံသူများ၏ အခြေခံတည်ဆောက်ခြင်းအဆင့် နှင့် ညီမျှပြီး ၊ ၎င်းကိုလည်း အဆင့်ကိုးဆင့် ထပ်မံ ခွဲခြားထားသေးသည်။</p> <p> </p> <p>ချန်လော့သည် သံအရိုး အဆင့်သို့ ဝင်ရောက်သွားသည်နှင့် ၊ သူ၏ ရုပ်ပိုင်းဆိုင်ရာ ခန္ဓာကိုယ် စွမ်းအားတစ်ခုတည်းကိုသာ အားကိုး၍ အခြေခံတည်ဆောက်ခြင်းအဆင့်ရှိ ကျင့်ကြံသူ နှင့် အပြန်အလှန် ယှဉ်ပြိုင်နိုင်မည် ဖြစ်သည်။</p> <p> </p> <p>သူ၏ အခြေခံတည်ဆောက်ခြင်း တတိယအဆင့်ရှိ စွမ်းရည်များနှင့် ပေါင်းစပ်လိုက်ပါက၊ ထိုစွမ်းရည်နှစ်ရပ်လုံး၏ အစွမ်းမှာ တစ်ဟုန်ထိုး မြင့်တက်လာပြီး ပိုမိုကြီးမားသော စွမ်းအားများကို ထုတ်လွှတ်နိုင်မည်ဖြစ်သည်။</p> <p>ထိုအဆင့်သို့ ရောက်ရှိသွားပါက အခြေခံတည်ဆောက်ခြင်းနယ်ပယ်၏ အစွမ်းအထက်ဆုံးဖြစ်သော နှောင်းပိုင်းအဆင့် သို့မဟုတ် အထွတ်အထိပ်အဆင့် ကျင့်ကြံသူများနှင့် ရင်ဆိုင်ရလျှင်ပင် ချန်လော့အနေဖြင့် အနည်းငယ်မျှပင် တုန်လှုပ်စရာ အကြောင်းမရှိတော့ပေ။</p> <p> </p> <p>ချန်လော့သည် အချိန်မဖြုန်းတော့ပေ။ သူသည် မျက်လုံးများကို ချက်ချင်း မှိတ်လိုက်ပြီး ကျင့်စဉ် ကို စတင် လည်ပတ်စေကာ မြေအောက်ရေပူစမ်း ၏ စွမ်းအားများကို သူ၏ ခန္ဓာကိုယ်ထဲသို့ အဆက်မပြတ် ဆွဲယူလိုက်သည်။</p> <p> </p> <p>နာရီဝက်ခန့် အကြာတွင် ခန္ဓာတောင်ထွတ် မှ အတွင်းဂိုဏ်းသား များကလည်း မြေအောက်ရေပူစမ်း ရှိရာ နေရာသို့ ရောက်ရှိလာကြသည်။</p> <p> </p> <p>ချန်လော့သည် အထဲတွင် ကျင့်ကြံခြင်း လုပ်နေပြီ ဖြစ်ကြောင်း မြင်လိုက်ရသဖြင့် သူတို့သည် ဘေးရှိ ကျောက်မန်ကို နှုတ်ဆက်လိုက်ကြပြီးနောက် အင်္ကျီများကို ချွတ်ကာ မြေအောက်ရေပူစမ်း ထဲသို့ ဝင်ရောက်၍ ကျင့်ကြံခြင်း ကို စတင်လိုက်ကြသည်။</p> <p> </p> <p>သူတို့အားလုံး မြေအောက်ရေပူစမ်းထဲသို့ ဝင်ရောက်လာကြသည့် ခဏမှာပင်၊ ချန်လော့သည် မိမိစုပ်ယူနေသော စွမ်းအင်များသည် သိသိသာသာ လျော့နည်းသွားကြောင်း ခံစားလိုက်ရသည်။ ယခုအခါတွင်မူ မူလပမာဏ၏ ၆၀ ရာခိုင်နှုန်းခန့်သာ ကျန်ရှိတော့သည်။</p> <p> </p> <p>သို့သော်လည်း  မတတ်နိုင်ပေ။အရင်းအမြစ်ဟူသည်မှာ အကန့်အသတ်ရှိစမြဲဖြစ်ရာ၊ လူတိုင်းက ဝေစုခွဲဝေရရှိရန် ကြိုးပမ်းလာသည်နှင့် တစ်ဦးချင်းစီ ရရှိနိုင်မည့် ပမာဏမှာ သဘာဝကျစွာပင် နည်းပါးသွားတော့သည်။</p> <p>ကျောက်မန်သည် ထိုနေရာတွင် တစ်ယောက်တည်း ထိုင်ကာ မီးတောက်မြိုသားရဲပေါက်လေးများကို  ရံဖန်ရံခါ အစာကျွေးနေလေ၏။</p> <p> </p> <p>ထိုမှတစ်ပါး သူမအနေဖြင့် တိတ်ဆိတ်စွာ စောင့်ဆိုင်းနေရုံမှလွဲ၍ အခြားမတတ်နိုင်ပေ။ စမ်းသပ်လေ့ကျင့်ရေးကွင်းသို့ ရောက်ရှိပြီးနောက်ပိုင်း ပထမဆုံးအကြိမ်အဖြစ် ဘဝသည် အနည်းငယ် ပျင်းရိငြီးငွေ့စရာကောင်းပြီး စိတ်ဝင်စားစရာ မရှိတော့သလို သူမ ခံစားလိုက်ရသည်။</p> <p> </p> <p> ဆန့်ကျင်ဘက်အနေဖြင့် ချန်လော့သည် ကျင့်ကြံခြင်း၌ အာရုံစိုက်နေပြီး အချိန်သည် အလွန် လျင်မြန်စွာ ကုန်ဆုံးသွားသည်။</p> <p> </p> <p>တစ်ရက်တစ်ညသည် မျက်တောင်တစ်ခတ်အတွင်း ကုန်ဆုံးသွားသကဲ့သို့ပင်။</p> <p> </p> <p>"သင် သည် တစ်နေ့လုံး ကျင့်ကြံခဲ့ပါသည်... အဆတစ်ရာ တိုးပွားပြီးနောက် သင်သည် ရက်တစ်ရာ ကျင့်ကြံခြင်းနှင့် ညီမျှသော အကျိုးသက်ရောက်မှုကို ရရှိပါသည်..."</p> <p> </p> <p>"သင်၏ အတွင်းပိုင်းတွင် ကြီးမားသော စွမ်းအင်များကို စုဆောင်းမိနေပါသည်..."</p> <p> </p> <p>ချက်ချင်းပင် သူ၏ ခန္ဓာကိုယ်အတွင်း စုစည်းနေသော စွမ်းအားများသည် ရူးသွပ်နေသော သားရဲ တစ်ကောင်ကဲ့သို့ ပေါက်ကွဲထွက်လာတော့သည်။</p> <p> </p> <p>"အောင်မြင်ခြင်း သို့မဟုတ် ကျရှုံးခြင်းက ဒီအပေါ်မှာပဲ မူတည်တယ်..."</p> <p> </p> <p>ချန်လော့သည် သူ၏ ခန္ဓာကိုယ်အတွင်း လှိုင်းထန်နေသော စွမ်းအားများကို ဖိနှိပ်ထားလိုက်သည်။ ၎င်းမှာ ‘သံအရိုးအဆင့်’ သို့ ထိုးဖောက်တက်လှမ်းနိုင်ရန်အတွက် စွမ်းအင်များကို တမင်တကာ စုဆောင်းသိမ်းဆည်းထားခြင်း ဖြစ်သည်။</p> <p> </p> <p>ခဏအကြာတွင် ချန်လော့သည် ကျင့်စဉ်ကို အသက်သွင်းကာ မိမိ၏ စွမ်းအားများကို တစ်ကိုယ်လုံးရှိ အရေပြား အစိတ်အပိုင်းတိုင်းဆီသို့ စိမ့်ဝင်စီးဆင်းသွားစေခဲ့သည်။</p> <p>စက္ကန့်အနည်းငယ်အကြာတွင် ချန်လော့ကို ဝိုင်းရံထားသော မြေအောက်ရေပူစမ်းမျက်နှာပြင်ထက်၌ လှိုင်းဂယက်များ ရုတ်ခြည်းထလာသည်။ ထို့နောက် သူ၏ခန္ဓာကိုယ်မှ အားကောင်းသော ချီစွမ်းအင်တစ်ခု ထွက်ပေါ်လာရာ၊ ယင်းက ခန္ဓာတောင်ထွတ် မှ အတွင်းဂိုဏ်းသားအားလုံး၏ အာရုံစိုက်မှုကို ချက်ချင်းလက်ငင်း ဆွဲဆောင်နိုင်ခဲ့သည်။</p> <p>"ပိုင်ရှင်သည် ကြေးအရေပြား ကျင့်စဉ် ကိုးဆင့်မြောက် သို့ အဆင့်တက် သွားပါသည်..."</p> <p> </p> <p>စနစ်၏ အသံ ထွက်ပေါ်လာသော်လည်း ချန်လော့သည် ပျော်ရွှင်မှု သို့မဟုတ် အံ့အားသင့်မှု မရှိပေ။</p> <p> </p> <p>အကြောင်းမှာ သူ့အတွက် ကြေးအရေပြား ကျင့်စဉ် ကိုးဆင့်မြောက် သို့ အဆင့်တက် ရန်မှာ ကျရှုံးရန် လုံးဝ မဖြစ်နိုင်သလောက်ပင်။</p> <p> </p> <p>ချန်လော့၏ ကျင့်ကြံမှု အခြေခံအုတ်မြစ်မှာ ထိုအဆင့်သို့ ရောက်ရှိနေပြီဖြစ်ရာ၊ ယခုကဲ့သို့ အဆင့်တက်လှမ်းနိုင်ခြင်းမှာ သဘာဝကျသော အကျိုး ရလဒ်တစ်ခုသာ ဖြစ်သည်။</p> <p>အမှန်တကယ် စိန်ခေါ်မှုမှာ သံအရိုး အဆင့်သို့ အဆင့်တက်ရန်သာ ဖြစ်၏။</p> <p> </p> <p>"အစ်ကိုကြီး ချန်က... ခန္ဓာကိုယ်ကျင့်ကြံမှု ရဲ့ ပထမအဆင့် အထွတ်အထိပ် ကို ရောက်သွားပြီလား..."</p> <p>ခန္ဓာတောင်ထွတ် မှ အတွင်းဂိုဏ်းသား တစ်ဦးက အံ့အားသင့်စွာဖြင့် မေးလိုက်သည်။</p> <p> </p> <p>"အခြေအနေကိုကြည့်ရတာ အဲဒါ မှန်လောက်တယ်..." အခြား အတွင်းဂိုဏ်းသား တစ်ဦးက ပြန်ဖြေလိုက်သည်။</p> <p> </p> <p>လူတိုင်းက ချန်လော့ကို ကြည့်လိုက်ကြပြီး ၊ သူတို့၏ မျက်လုံးများထဲတွင် မနာလိုမှု အရိပ်အယောင်များ ဖြစ်ပေါ်လျက်ရှိသည်။</p> <p> </p> <p>ဘေးတွင် ရပ်နေသော ကျန်းချွမ် ပင်လျှင် အနည်းငယ် အံ့အားသင့်သွားသည်။</p> <p> </p> <p>မည်သို့ပင်ဖြစ်စေ သူ ကိုယ်တိုင်ပင် ပထမအဆင့် အထွတ်အထိပ် သို့ ရောက်ရှိခဲ့သည်မှာ အချိန်တိုလေးသာ ရှိသေးသည် မဟုတ်လော။</p> <p> </p> <p>သူတို့သည် ခန္ဓာတောင်ထွတ် မှ အတွင်းဂိုဏ်းသား များ ဖြစ်ကြသော်လည်း ၊ သို့သော် လူတော်တော်များများသည် ခန္ဓာကိုယ်ကျင့်ကြံမှု ကို သိပ်အာရုံမစိုက်ကြပေ။</p> <p> </p> <p>လက်တွေ့တွင် သူတို့အားလုံးသည် တာအိုကျင့်ကြံခြင်း ကိုသာ အဓိက အာရုံစိုက်ကြပြီး ၊ ခန္ဓာကိုယ်ကျင့်ကြံမှု သည် ကျင့်ကြံခြင်းကို အထောက်အကူပြုရန် နည်းလမ်း တစ်ခု သက်သက်သာ ဖြစ်သည်။</p> <p> </p> <p>ဂိုဏ်းအတွင်းရှိ အခြားတောင်ထွတ်များမှ အတွင်းဂိုဏ်းသားများနှင့် နှိုင်းယှဉ်ပါက၊ ခန္ဓာတောင်ထွတ်သည် ခန္ဓာကိုယ်ကျင့်ကြံခြင်းဆိုင်ရာ အရင်းအမြစ်များနှင့် လမ်းညွှန်မှုများကို ပိုမိုရရှိနိုင်သဖြင့် ထိပ်တန်းရွေးချယ်မှုတစ်ခု ဖြစ်ပေသည်။ သို့သော်လည်း ထိုကဲ့သို့ ပြင်းထန်သော ကျင့်ကြံမှု လိုအပ်ချက်များကြောင့် ခန္ဓာတောင်ထွတ်တွင် အတွင်းဂိုဏ်းသားဦးရေ အနည်းငယ်သာ ရှိသည်။</p> <p> </p> <p> </p> <p> </p>


Save