Book List

<h2 style="text-align: center;">အပိုင်း (၇၇၂)</h2> <h2 style="text-align: center;">မျက်နှာဖုံးကို ခွာချခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ငါ့ကို အပြင်လူတွေရဲ့ ခေါင်းဆောင်အဖြစ် ဟန်ဆောင်ခိုင်းပြီး မြို့တော်ကောင်စီဆီကို အပ်မယ်ပေါ့"</p> <p>ကောင်းမင်သည် ကောင်စီဝင်စီမေ၏ ယုတ်မာမှုကို နားလည်မှုအသစ်တစ်ခု ရရှိသွားပြန်သည်။ သူ့အား သတ်ဖြတ်ရန် လက်နက်တစ်ခုကဲ့သို့ အသုံးချပြီး သူ၏နောက်ဆုံးတန်ဖိုးအထိ ညှစ်ထုတ်ယူသွားခြင်းပင်။</p> <p>"မင်းက အလင်းရောင်နောက်ကို လိုက်ချင်တယ်မှဆိုတော့ အခုက မင်းရဲ့ ခွန်အားတွေကို ပေးဆပ်ရမယ့် အချိန်ပဲ"</p> <p>ကောင်စီဝင်စီမေသည် ကောင်းမင်၏ ကံကြမ္မာကို အချိန်အတော်ကြာကတည်းက ကြိုတင် စီစဉ်ထားပုံရသည်။</p> <p>"ငါသာ အမှောင်ထုကို ဖယ်ရှားနိုင်ခဲ့ရင် မင်းအတွက် ရုပ်တုတစ်ခု ထုပေးပြီး ယုံကြည်သူတွေရဲ့ ပူဇော်မှုကို ခံယူစေရပါ့မယ်"</p> <p>"လမ်းတလျှောက်မှာရှိတဲ့ ရုပ်တုတွေကလည်း ကရုဏာဖောင်ဒေးရှင်းရဲ့ သားကောင်တွေပဲလား"</p> <p>လမ်းတွင် နံရံ၌ ချိတ်ဆွဲထားသည့် ‘အရေးကြီးပုဂ္ဂိုလ်များ’ ကို ကောင်းမင် ဝေဝေဝါးဝါး သတိရသွားသည်။</p> <p>"သူတို့က သူတို့ရဲ့ ခန္ဓာကိုယ်တွေနဲ့ ကယ်တင်ခြင်းလမ်းကို ခင်းပေးခဲ့ကြတာပါ"</p> <p>ကောင်စီဝင်စီမေက ယင်းကို အလွန်မြင့်မြတ်သယောင် ပြောနေခြင်းဖြစ်သည်။ သို့သော်လည်း သူမသည် အလောင်းများပေါ်တွင် ရပ်နေကာ မျက်နှာပေါ်တွင် သွေးများ စွန်းထင်နေပြီး သူမ၏ အပြုံးတွင်ပင် လှောင်ပြောင်သရော်မှုများ ပါဝင်နေသည်။</p> <p>မရေမတွက်နိုင်သည့် ယုံကြည်သူများ ကိုးကွယ်နေသော အလင်းရောင်သည် ခမ်းနားသော အဝတ်အစားများ ဝတ်ဆင်ထားသည့် ‘သရဲ’ တစ်ကောင်သာဖြစ်ပြီး ကြောက်စရာအကောင်းဆုံး ‘လူသား’ ပင် ဖြစ်သည်။</p> <p>ဤမှောင်မိုက်သော မြို့ကြီးတွင် ကရုဏာအဖွဲ့ကို အဘယ်ကြောင့် တည်ရှိခွင့်ပြုထားသနည်း။ မြို့တော်ကောင်စီက ကောင်စီဝင်စီမေကို အဘယ်ကြောင့် ရွေးချယ်ခဲ့သနည်း။ ကောင်းမင် အခုမှ နားလည်သွားတော့သည်။ သူမက အမှန်တကယ်ကြင်နာတတ်သည့် စိတ်ထားရှိလို့ မဟုတ်ဘဲ လုံလောက်အောင် မှောင်မိုက်နေလို့သာ ဖြစ်သည်။</p> <p>“တကယ့်ကို ပြောင်မြောက်တဲ့ အစီအစဉ်ပဲ”</p> <p>ကောင်းမင်က လက်ခုပ်လက်ဝါးပင် တီးလိုက်ချင်မိသည်။</p> <p>“ငါက မင်းအသုံးချခဲ့တဲ့ ပထမဆုံးလူ မဟုတ်ဘူးမလား၊ လမ်းတလျှောက်က ရုပ်တုတွေက ဒီမြို့ကြီးရဲ့ တကယ့်အလင်းရောင်တွေ ဖြစ်မှာပါ၊ သူတို့က မင်းရဲ့ လှည့်စားမှုကိုခံရပြီး အရာအားလုံးကို စတေးခဲ့ကြတယ်၊ နောက်ဆုံးတော့ မင်းရဲ့ အလျှော့အတင်းလုပ်စရာ အပေါင်ပစ္စည်းတွေ ဖြစ်သွားကြတာပဲ”</p> <p>“ကရုဏာအဖွဲ့က စကားလေးပြောရုံနဲ့ ဒီအခြေအနေအထိ ရောက်လာတာလို့ မင်းထင်နေတာလား၊ အမြဲတမ်း စတေးမှုတွေနဲ့ ပေးဆပ်မှုတွေရှိနေမှ ရှေ့ကို ဆက်သွားနေနိုင်မှာ”</p> <p>ကောင်စီဝင်စီမေသည် သွေးကန်ကို နောက်ခံထား၍ စင်မြင့်ပေါ်တွင် ရပ်လိုက်သည်။</p> <p>“တကယ်တော့ အသက်ရှင်ကျန်ရစ်တဲ့သူတွေက ပိုအခံစားရဆုံးပဲ၊ အလင်းရောင်ဆောင်ကြဉ်းပေးဖို့ ငါဟာ ဘယ်လောက်တောင် နာကျင်မှုတွေ ခံစားခဲ့တယ်ဆိုတာ မင်းသိမှာမဟုတ်ဘူး”</p> <p>“မျက်နှာဖုံးစွပ်ပြီး မင်းရဲ့ ရက်စက်ကြမ်းတမ်းတဲ့ဗီဇကို အတင်းအကျပ် ဖိနှိပ်ထားရတာ တကယ် နာကျင်ရမှာပဲ”</p> <p>ကောင်းမင် သူ့အရေပြားကို ဓားဖြင့် လှီးချလိုက်သည်။ သွေးများသည် စီးကျမလာဘဲ အသက်ဝင်နေသည့်အလား အန္တရာယ်ရှိသော အမျှင်တန်းများအဖြစ် ပေါ်ထွက်လာသည်။</p> <p>“ဒီရက်ပိုင်းအတွင်း မင်းဟာ ကရုဏာအဖွဲ့အတွက် အများကြီး လုပ်ပေးခဲ့တယ်၊ ဒီတစ်ခုကတော့ နောက်ဆုံးအလုပ်ပါပဲ”</p> <p>ကောင်စီဝင်စီမေက လက်ယပ်ခေါ်ကာ သွေးကန်ဘေးတွင် ထိုင်ချလိုက်သည်။ သေနတ်ကိုင်ထားသော လက်အောက်ငယ်သားများက ကောင်းမင်ဆီသို့ ချဉ်းကပ်လာကြသည်။ သူတို့သည် ကောင်းမင်ကို အရှင်ဖမ်း၍ တားမြစ်နယ်မြေမှ တွေ့ရှိထားသော ထူးဆန်းသည့် ပုံစံကွက်များကို သူ့ကိုယ်ပေါ်တွင် ထွင်းထုပြီး မြို့တော်ကောင်စီထံ ပို့ရန် ပြင်ဆင်နေကြခြင်း ဖြစ်သည်။</p> <p>"မင်းရုန်းကန်ရင် ပိုနာကျင်ရုံပဲ ရှိမယ်နော်"</p> <p>သေနတ်ဖြင့် အချိန်ခံထားရသော ကောင်းမင်သည် အစကတည်းက စစ်ဆေးခံထားရသဖြင့် လက်နက်မဲ့နေလေသည်။ သူသည် ရုန်းကန်မှုကို လက်လျှော့လိုက်သည့်အလား လက်နှစ်ဖက်ကို တိတ်ဆိတ်စွာ မြှောက်ထားလိုက်သည်။</p> <p>"မင်းရဲ့ မျက်လုံးတွေနဲ့ မင်းရဲ့ အလုပ်လုပ်ပုံကို ငါ တကယ်သဘောကျတယ်၊ မင်းသာ ဒီလောက် ရုပ်မဆိုးဘဲနဲ့ မအိုသေးရင် မင်းကို ကစားစရာတစ်ခုလို နှိပ်စက်ချင်သေးတယ်"</p> <p>အခြေအနေကို ထိန်းချုပ်ထားနိုင်ပြီဟု ထင်နေသော ကောင်စီဝင်စီမေက သူမ၏ စိတ်ရင်းကို ဖွင့်ဟပြောလိုက်သည်။ လီဆန်းစီ၏ ရုပ်ဆိုးအိုမင်းသော မျက်နှာက ထိုမျှအကာအကွယ် ပေးနိုင်လိမ့်မည်ဟု ကောင်းမင် လုံးဝမမျှော်လင့်ထားခဲ့ပေ။</p> <p>သွေးကန်နောက်ကွယ်ရှိ လျှို့ဝှက်လမ်းကြောင်းက ပွင့်ဟလာသည်။ ကောင်းမင်အား သေနတ်ဖြင့် ချိန်၍ အတွင်းသို့ အတင်းအကျပ်ဝင်ခိုင်းလိုက်ကြသည်။ သူသည် လုံးဝမရုန်းကန်ဘဲ တစ်စုံတစ်ခုကို ခပ်တိုးတိုး ရေရွတ်နေခဲ့သည်။</p> <p>သွေးနံ့မှာ ပြင်းထန်လှသည်။ လျှို့ဝှက်လမ်းကြောင်းနောက်တွင် လူ့အင်္ဂါအစိတ်အပိုင်းများ ထားရှိသည့် ပြခန်းတစ်ခု ရှိနေသည်။ ၎င်းမှာ ကောင်စီဝင်စီမေ၏ ဝါသနာလော သို့မဟုတ် ကရုဏာဖောင်ဒေးရှင်းက လူ့အင်္ဂါအစိတ်အပိုင်းများကို ရောင်းစားပြီး ပိုက်ဆံရှာနေခြင်းလော မသိရပေ။ သို့သော်လည်း အင်္ဂါတစ်ခုချင်းစီသည် အလွန်ပင် ပြည့်စုံသပ်ရပ်လှပြီး အချို့မှာ အထူးနည်းလမ်းဖြင့် ထိန်းသိမ်းခံထားရသည်။</p> <p>"ကောင်စီဝင်ရဲ့ ပန်းတွေကို မထိခိုက်စေနဲ့"</p> <p>ခေါင်းပြားပြားနှင့် ရုပ်ပျက်ဆင်းပျက်ဖြစ်နေသော ဆရာဝန်တစ်ဦးက ပြခန်းအတွင်း အလုပ်ရှုပ်နေလေသည်။ သူ့ခန္ဓာကိုယ်မှာ ပြုပြင်မွမ်းမံခံထားရခြင်းဖြစ်ပြီး ခန္ဓာကိုယ်အောက်ပိုင်းက နံရံနှင့် ဆက်နေကာ ထိုနေရာမှ လက်မောင်းများနှင့်တူသော အသားရောင် အမြစ်များ ထွက်ပေါ်နေခဲ့သည်။</p> <p>"ကောင်စီဝင် ဘာလိုချင်လဲဆိုတာ ငါသိတယ်၊ အဲ့ဒီတော့ အသုံးမကျတဲ့ လူတွေ... အပြင်ထွက်သွားကြစမ်း"</p> <p>ထိုခေါင်းပြားဆရာဝန်သည် နားရွက်ဖြတ်ခံထားရသော အမျိုးသမီးများအပေါ် လေးစားမှု သို့မဟုတ် သနားမှု လုံးဝမရှိချေ။ သူတို့အား ပစ္စည်းများကဲ့သို့ သဘောထားကာ ဆိုးယုတ်သည့် စကားများ ပြောဆိုနေခဲ့သည်။</p> <p>ကောင်းမင်၏ ခြေလက်များသည် ထိုအသားရောင် အမြစ်များဖြင့် ရစ်ပတ်ခံလိုက်ရပြီး ခွဲစိတ်ခုတင်ပေါ်သို့ ဆွဲတင်ခံလိုက်သည်။ ဗြိဟူသော အသံနှင့်အတူ သူ့အဝတ်အစားများလည်း ဆွဲဖြဲခံလိုက်ရသည်။</p> <p>ခေါင်းပြားဆရာဝန်က အနားသို့ ချဉ်းကပ်လာ၏။ တစ်လုံးကြီး တစ်လုံးသေးဖြင့် မညီမညာဖြစ်နေသော သူ့မျက်လုံးနှစ်လုံးက အံ့သြမှုကြောင့် ရုတ်တရက် ပြူးကျယ်သွားသည်။</p> <p>"ဒါ ဘယ်ဂိုဏ်းရဲ့ တက်တူးလဲ၊ ငါ တစ်ခါမှ မမြင်ဖူးပါလား"</p> <p>သူသည် တားမြစ်နယ်မြေမှ ရရှိထားသော တက်တူးကို ကောင်းမင်၏ ကိုယ်ပေါ်တွင် ရေးဆွဲရန် ကောင်စီဝင်စီမေထံမှ အမိန့်ရထားခြင်း ဖြစ်သည်။ သို့သော် ကောင်းမင်၏ အဝတ်အစားများကို ဆွဲဖြဲလိုက်သောအခါ တစ်ဖက်လူတွင် နဂိုကတည်းက ထူးဆန်းပြီး အန္တရာယ်ရှိသော တက်တူးတစ်ခု ရှိနေသည်ကို သူတွေ့လိုက်ရသည်။</p> <p>"ဂိုဏ်းတစ်ခုတိုင်းရဲ့ တက်တူးက စွမ်းအားတစ်ခု ဒါမှမဟုတ် ဒီမြို့ရဲ့ စည်းမျဉ်းတစ်ခုကို ဖော်ပြနေတာ၊ မင်းရဲ့ တက်တူးက... အပြင်လူတစ်ယောက်နဲ့ တူပေမဲ့ ငါသတ်ခဲ့ဖူးတဲ့ အပြင်လူတွေထဲမှာ ဒီလိုတက်တူးမျိုး တစ်ယောက်မှ မရှိဘူး... မင်းကများ..."</p> <p>ဆရာဝန်၏ ပါးစပ်မှာ အလိုလို ပွင့်ဟသွားပြီး သူ့စိတ်ထဲတွင် အတွေးတစ်ခု ထွက်ပေါ်လာတော့သည်။</p> <p>ကောင်းမင်သည် အချိန်ကို တွက်ချက်နေခဲ့ပြီး သွေးများ သွေးမြို့တော်သရဲတက်တူး တစ်ခုလုံးကို ဖုံးလွှမ်းသွားသောအခါမှ ခေါင်းကို မော့လိုက်သည်။</p> <p>"မှန်တယ်... ငါက အစကတည်းက ခေါင်းဆောင်ပဲ"</p> <p>အပေါ်ထပ်မှ နားကွဲမတတ် ပေါက်ကွဲသံကြီးတစ်ခု ထွက်ပေါ်လာ၏။ ကြောက်မက်ဖွယ်ကောင်းသော အဖျက်စွမ်းအားကို မြေအောက်အနက်ပိုင်းအထိပင် ခံစားလိုက်ရသည်။ ကရုဏာဖောင်ဒေးရှင်း၏ ဘုရားကျောင်း တိုက်ခိုက်ခံလိုက်ရပြီဖြစ်ကာ တစ်စုံတစ်ယောက်က ဖျက်အားမြင့် ပေါက်ကွဲပစ္စည်းများကို အသုံးပြုလိုက်ခြင်းပင်။</p> <p>“ပိုင်ဟောက်က တကယ် အချိန်တိကျတာပဲ”</p> <p>ကောင်းမင်သည် ဤနေရာသို့ မလာမီကတည်းက ဤအစီအစဉ်ကို ကြိုတင်ဆွဲထားခဲ့ခြင်း ဖြစ်သည်။</p> <p>သူသည် ကောင်စီဝင်စီမေအတွက် အသုံးမဝင်တော့သလို ကောင်စီဝင်စီမေသည်လည်း သူ့အတွက် အရေးမပါတော့ပေ။ လီဆန်းစီ၏ မိခင်မှာ ကောင်စီဝင်စီမေထက် ပို၍ ကိုးကွယ်ထိုက်သော ပစ္စည်းတစ်ခုဖြစ်လာပြီ ဖြစ်သည်။</p> <p>ဆိုးယုတ်မှုများ တိုးထွက်လာပြီး ကောင်းမင်ခန္ဓာကိုယ်ပေါ်ရှိ သွေးမြို့တော်တက်တူးက လီဆန်းစီ၏နှလုံးသားထဲမှ ဆိုးယုတ်မှုများနှင့် ပေါင်းစပ်သွား၏။၎င်းက ခေါင်းပြားဆရာဝန်အား ကြိတ်ခြေလိုက်သော အနီရောင်လှိုင်းလုံးကြီးအဖြစ် ပြောင်းလဲသွားသည်။</p> <p>မကြာသေးမီ ရက်များအတွင်း လီဆန်းစီ၏ ဆိုးယုတ်မှုများက သူ့ခန္ဓာကိုယ်ကို ဝါးမြိုသွားခြင်းမှ ကာကွယ်ရန် ကောင်းမင်သည် သူ့စွမ်းအားကို မသုံးမိအောင် ကြိုးစားခဲ့သည်။ လီဆန်းစီနှင့် အမှန်တကယ် ပေါင်းစပ်သွားပါက မည်မျှ ကြောက်စရာကောင်းသွားမည်ကို သူမသိပေ။ နောက်ထပ် တောင်ဘုရင်အသစ်တစ်ဦး မွေးဖွားလာခြင်းလည်း ဖြစ်နိုင်ပေသည်။</p> <p>သိပ်သည်းလှသော သရဲပုံစံကွက်များက သူ့ခန္ဓာကိုယ်ကို ရစ်ပတ်ထားပြီး အသားနံ့တွင် ထူးဆန်းသော ဆိုးယုတ်မှုများကို သယ်ဆောင်လာသည်။ ကောင်းမင်၏ နောက်ကျောတွင် ဆယ်မီတာခန့် မြင့်မားသော သရဲနတ်ဘုရားကြီးတစ်ပါး ပေါ်လာပုံရသည်။ ၎င်းသည် သားစားကြူးနတ်ဘုရားနှင့် ရှစ်ပုံကိုးပုံခန့် ဆင်တူသော်လည်း အလွန်ပြင်းထန်သည့် မိစ္ဆာမျက်လုံးများ ပါရှိနေသည်။ ၎င်း၏ ခန္ဓာကိုယ်တွင်လည်း အနက်ရောင် ဆိုးယုတ်မှုချိန်းကြိုးများ ထွက်ပေါ်လာလေသည်။</p> <p>အမှောင်ယဇ်ပလ္လင်အတွင်း ဖြစ်ပျက်နေသမျှ အရာအားလုံးမှာ ပုံရိပ်တစ်ခုသာ ဖြစ်သည်။ အခြား ရှုထောင့်မှ ကြည့်လျှင် တစ်စုံတစ်ယောက်သည် ကောင်းမင်နှင့် လီဆန်းစီတို့ကြား ခန္ဓာကိုယ်ကို လုယူရန် ကြိုးစားနေခြင်းကို မြင်ရမည် ဖြစ်သည်။ယင်းသည် အမှောင်ယဇ်ပလ္လင်ပိုင်ရှင်နှင့် သားစားကြူးနတ်ဘုရားတို့က ကောင်းမင်၏ ခန္ဓာကိုယ်အတွက် တိုက်ပွဲဝင်နေခြင်းလည်း ဖြစ်သည်။</p> <p>"ဒါက ဘာကြီးလဲ"</p> <p>ခေါင်းပြားဆရာဝန် မတုံ့ပြန်နိုင်မီမှာပင် အသားမြစ်များ ဖြတ်တောက်ခံလိုက်ရသည်။ ကောင်းမင်၏ လက်ငါးချောင်းက သူ၏ ဦးခေါင်းကို ဆုပ်ကိုင်လိုက်သည်။ ထိုအခိုက်အတန့်တွင် သူသည် ဆယ်မီတာမြင့်သော နတ်ဘုရားတစ်ပါးက သူ့နှလုံးသားကို ဆုပ်ကိုင်ထားသကဲ့သို့ ခံစားလိုက်ရပြီး မည်သို့ပင် ရုန်းကန်သော်လည်း အချည်းနှီးသာ။</p> <p>"မင်း လူတွေရဲ့ ကိုယ်အင်္ဂါတွေကို အများကြီး ထုတ်ယူခဲ့တယ်၊ တစ်နေ့မှာ မင်းကိုယ်တိုင်လည်း အခေါင်းပေါက်ကြီး ဖြစ်သွားမယ်လို့ စဉ်းစားဖူးလား"</p> <p>ကောင်းမင်၏ လက်က ဆရာဝန်၏ ဝမ်းဗိုက်အတွင်းသို့ ထိုးဝင်သွားပြီး သူ့အား နံရံမှ ဆွဲထုတ်လိုက်သည်။</p> <p>ထိုအချိန်တွင် သေနတ်သံများ ထွက်ပေါ်လာတော့သည်။ ကောင်းမင် ရှောင်တိမ်းလိုက်ပြီး ခေါင်းပြား ဆရာဝန်၏ အလောင်းကို နားရွက်ဖြတ်ခံထားရသော အမျိုးသမီးများဆီသို့ ပစ်ပေါက်လိုက်သည်။ သူသည် အခန်းအတွင်းရှိ လျှပ်စစ်မီးကို ဖြတ်တောက်လိုက်ပြီး တားမြစ်နယ်မြေ ရှုထောင့်ကို အသုံးပြု၍ အမှောင်ထဲတွင် သူ၏ အမဲလိုက်ခြင်းကို စတင်လိုက်တော့သည်။</p> <p>သွေးမြို့တော်သရဲတက်တူးနှင့် ဆိုးယုတ်မှုစွမ်းအားတို့ ပေါင်းစပ်ခြင်းသည် ကောင်းမင်နှင့် လီဆန်းစီကို ပိုမို နက်ရှိုင်းစွာ ပေါင်းစပ်သွားစေမည်ဖြစ်သည်။ သို့သော်လည်း ကောင်းမင်သည် ကောင်စီဝင်စီမေကို သတ်ဖြတ်ရန်နှင့် ကရုဏာဖောင်ဒေးရှင်းကို ထိန်းချုပ်ရန်အတွက် ၎င်းတို့ကို ဂရုမစိုက်နိုင်တော့ပေ။ လူ့အင်္ဂါအစိတ်အပိုင်းများ ထည့်ထားသောပုလင်းများ တစ်ခုပြီးတစ်ခု ပြုတ်ကျကုန်ပြီး ဖော်မလင်နံ့နှင့် အသားညှီနံ့များ ရောနှောသွားသည်။ ကောင်းမင်သည် ထိုအရာများကြားမှ လျင်မြန်စွာ ဖြတ်သန်းသွားကာ ကောင်စီဝင်စီမေဆီသို့ ခုန်ဝင်လိုက်တော့သည်။</p> <p>***</p> <p> </p>


Save