Book List

<h2 style="text-align: center;">အခန်း (၅၉၃)</h2> <h2 style="text-align: center;">နောက်ဆုံးစမ်းသပ်မှု</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>​"မင်း ဘာများပြောမလဲလို့ ငါ စဉ်းစားနေတာ... ဒါကိုး။ မင်းက လူအတစ်ယောက်ဆိုတာ ငါသိပေမဲ့ အခုတော့ ငါ့ရဲ့ မျှော်လင့်ချက်ထက်တောင် ကျော်လွန်သွားပြီပဲ" လုံချန်းက သက်ပြင်းချရင်း ဆိုလိုက်သည်။ ဤကဲ့သို့ ပြောလိုက်ရုံဖြင့် အလုပ်ဖြစ်လိမ့်မည်ဟု ယုံကြည်နေသော သူက မည်မျှပင် တုံးအကြောင်း သူ နားမလည်နိုင်အောင် ဖြစ်ရသည်။</p> <p>​"နံပါတ် ၁၇၊ အဖြူရောင်ဘုရင်ကို သတ်ပြီး သူ့ရဲ့ ဒုက္ခတွေကို အဆုံးသတ်ပေးလိုက်စမ်း" လုံချန်းက သူ၏ ဘုရင်မအကွက်ကို အမိန့်ပေးလိုက်သည်။</p> <p>​ဘုရင်မသည် ဆံပင်နီကောင်အနားသို့ ချဉ်းကပ်သွားပြီး သူ၏ ရင်ဘတ်ထဲသို့ လက်ဖြင့် ထိုးဖောက်ကာ နှလုံးကို ဆွဲထုတ်လိုက်သည်။ ထို့နောက် ထိုနှလုံးကို ဆံပင်နီကောင်၏ မျက်စိရှေ့မှာတင် ချေမွပစ်လိုက်တော့သည်။</p> <p>​ထို့နောက်တွင်တော့ သူမသည် ဆံပင်နီကောင်၏ ဦးခေါင်းကို လက်သီးဖြင့် ထိုးနှက်လိုက်ရာ ဦးခေါင်းမှာ သစ်သီးတစ်လုံးကဲ့သို့ ချက်ချင်းပင် ပေါက်ကွဲထွက်သွားပြီး ဦးနှောက်အစိပ်အပိုင်းများ နေရာအနှံ့ စင်ထွက်ကုန်သည်။ အချို့မှာ ဘုရင်မ၏ မျက်နှာပေါ်သို့ပင် ကျရောက်သွားခဲ့သည်။</p> <p>​"သူ အောင်မြင်သွားပြီလား"</p> <p>​"သူ နိုင်သွားပြီ"</p> <p>​"အံ့သြစရာပဲ။ သူက အလားအလာအကောင်းဆုံး ပြိုင်ဘက်တစ်ယောက်ကို အနိုင်ယူလိုက်တာပဲ"</p> <p>​စောင့်ကြည့်နေကြသော အကြီးအကဲများအားလုံး လုံချန်း၏ အောင်ပွဲကို မြင်တွေ့ရသောအခါ အံ့အားသင့်ကုန်ကြသည်။ သူတို့အားလုံးသည် လုံချန်း၏ အောင်မြင်မှုအတွက် မူယွမ်ကို ဝိုင်းဝန်း ဂုဏ်ပြုကြတော့သည်။</p> <p>​မပျော်မရွှင်ဖြစ်နေသော အကြီးအကဲ အနည်းငယ်သာ ရှိပြီး ထိုအထဲတွင် လုံချန်း သတ်လိုက်သော ဆံပင်နီကောင်၏ ဖခင်လည်း ပါဝင်သည်။ သူသည် လက်သီးကို တင်းတင်းဆုပ်ထားသော်လည်း ဘာမှတော့ ထုတ်မပြောပေ။</p> <p>​လုံချန်းသည် မိမိကိုယ်မိမိ ချည်နှောင်ထားသည့် အင်အားစုတစ်ခုမှ လွတ်မြောက်သွားသလို ခံစားလိုက်ရသည်။ ယခုအခါ သူသည် ဘုရင်တစ်ယောက်ကဲ့သို့ နေရာတစ်ခုတည်းမှာ ပိတ်မိမနေတော့ဘဲ အခန်းထဲတွင် လွတ်လပ်စွာ လှုပ်ရှားသွားလာနိုင်ပြီ ဖြစ်သည်။</p> <p>​သူ၏ရှေ့တွင် တံခါးတစ်ပေါက် ပေါ်လာသည်ကို သူ မြင်လိုက်ရသည်။</p> <p>​'ကျေးဇူးပဲ ရွှင်း... နင်မရှိရင် ငါ ဒါကို လုပ်နိုင်မှာ မဟုတ်ဘူး' လုံချန်းက ပြုံးလျက် ရွှင်းကို ကျေးဇူးတင်စကား ဆိုလိုက်သည်။</p> <p>​"ငါက စည်းမျဉ်းတွေကိုပဲ ပြောပြခဲ့တာပါ။ ကျန်တာအားလုံးကို နင်ကိုယ်တိုင် လုပ်ခဲ့တာလေ။ နင် တကယ် ကောင်းကောင်း ကစားနိုင်ခဲ့ပါတယ်။ နင် ဒီလောက် တော်မယ်လို့ ငါ မထင်ထားဘူး" ရွှင်းက ခေါင်းခါရင်း ပြန်ပြောသည်။</p> <p>​"ငါက တော်ပြီးသားပါ။ ငါတို့ ခရီးစကတည်းက နင့်ကို ငါ ပြောနေတာပဲလေ" လုံချန်းက ရယ်မောရင်း တံခါးထဲသို့ ဝင်လိုက်သည်။</p> <p>​"အဲဒါကိုတော့ ငါ အခုထိ သံသယရှိတုန်းပဲ" ရွှင်းက ရှက်ကိုးရှက်ကန်း အပြုံးဖြင့် ပြန်ပြောလိုက်သည်။</p> <p>​လုံချန်းသည် တံခါးထဲသို့ ဝင်ကာ လျန်ရီအခန်းမှ ထွက်ခွာခဲ့ပြီး လူအချို့ ရောက်နှင့်နေပြီဖြစ်သော အခြားနေရာ တစ်နေရာသို့ ရောက်ရှိသွားသည်။ သူ ရောက်သွားသည့် အခန်းထဲတွင် လူ ၄ ယောက် ရောက်နှင့်နေပြီဖြစ်ရာ လုံချန်းမှာ ၅ ယောက်မြောက် ရောက်ရှိလာသူ ဖြစ်သည်။</p> <p>​ထို ၄ ယောက်စလုံးမှာ လုံချန်းထက် ကျင့်ကြံခြင်းအဆင့် မြင့်မားသူများ ဖြစ်ကြသည်။ သူတို့အထဲတွင် ၂ ယောက်မှာ ကောင်းကင်အဆင့် ထိပ်ဆုံးသို့ ရောက်နေသူများ ဖြစ်ကြပြီး တစ်ယောက်မှာ ကောင်းကင်အဆင့် ၇ နှင့် ကျန်တစ်ယောက်မှာ ကောင်းကင်အဆင့် ၅ တို့ ဖြစ်ကြသည်။</p> <p>​လုံချန်းသည် ကောင်းကင်အဆင့် ၁ သာ ရှိသဖြင့် အားလုံးထက် အားနည်းနေသော်လည်း သူ၏ အစစ်အမှန် ခွန်အားမှာတော့ ထိုအဆင့်ထက် များစွာ သာလွန်သည်။</p> <p>​'တခြားစမ်းသပ်မှုတွေ အောင်မြင်လာတဲ့ တပည့်တွေလား။ ဒါက တူညီတဲ့ စမ်းသပ်မှုအဆင့်တွေကို အောင်မြင်လာတဲ့သူတွေ စောင့်ဆိုင်းရမယ့်နေရာ ထင်တယ်။ ဒီနေရာကစပြီး စမ်းသပ်မှုတွေက တစ်ခုတည်း ပြန်ဖြစ်သွားတာနေမှာ။ ငါ့အထင်အရတော့ ပါဝင်သူ အများစုက အခုလောက်ဆို ပြုတ်ကုန်ကြပြီ ထင်တယ်။ ဒီကို ရောက်လာနိုင်တဲ့သူတွေကတော့ ထိပ်တန်းတွေပဲ ဖြစ်ရမယ်။ ဘယ်နှစ်ယောက်လောက် အောင်မြင်မလဲဆိုတာ စိတ်ဝင်စားဖို့ ကောင်းတယ်' လုံချန်းသည် ထိုသို့ တွေးတောရင်း အခြားတပည့်များကဲ့သို့ပင် ဘေးတစ်နေရာတွင် ဝင်ထိုင်လိုက်သည်။</p> <p>​"ကလေးတစ်ယောက်က ဒီကို ရောက်လာတာလား။ ငါ မမှားဘူးဆိုရင် သူက အကြီးအကဲ မူယွမ်ရဲ့ သားပဲ။ သူက ကောင်းကင်အဆင့်ကိုတောင် မရောက်သေးဘူး မဟုတ်လား။ ဘယ်လိုလုပ် ဒီကို ရောက်လာတာလဲ" အဆင့် ၅ ကျင့်ကြံသူက မျက်မှောင်ကြုတ်ကာ ဆိုသည်။</p> <p>​"မင်း ရောက်လာသလိုမျိုးပဲပေါ့။ သူလည်း ခွန်အားကို အဓိကမထားတဲ့ လွယ်ကူတဲ့ စမ်းသပ်မှုတစ်ခုနဲ့ ကြုံခဲ့ရလို့ ဖြစ်မှာပေါ့" ကောင်းကင်အဆင့် ထိပ်ဆုံး ကျင့်ကြံသူက ခနဲ့တဲ့တဲ့ ပြောလိုက်သည်။</p> <p>​"စမ်းသပ်မှု အောင်မြင်တဲ့သူတွေ အကုန်ရောက်လာပြီး ကျန်တဲ့သူတွေ ပြုတ်သွားပြီဆိုရင် ငါတို့ ဒီအခန်းကနေ ထွက်လို့ရမှာပါ။ သူတို့ ငါတို့ကို အကြာကြီး စောင့်ခိုင်းမှာ မဟုတ်ပါဘူး" အဆင့် ၇ ကျင့်ကြံသူက ဝင်ပေါက်ဆီသို့ ကြည့်ရင်း ပြောသည်။</p> <p>​"ဝူမင်လည်း လာနေတုန်း ဖြစ်ရမယ်။ သူ ဒီကို ပိုမြန်မြန် ရောက်လိမ့်မယ်လို့ ငါ ထင်ထားတာ။ ဘာတွေ ကြာနေတာလဲ မသိဘူး" ကောင်းကင်အဆင့် ထိပ်ဆုံး ကျင့်ကြံသူက မျက်မှောင်ကြုတ်ကာ ရေရွတ်သည်။</p> <p>​သူ ပြောနေသည့် ကျင့်ကြံသူမှာ ယခင်စမ်းသပ်မှုတွင် လုံချန်း၏ လက်ချက်ဖြင့် အသက်ပျောက်သွားပြီဆိုသည်ကို သူ မသိပေ။</p> <p>​ဆယ်မိနစ်ခန့် ငြိမ်သက်စွာ ကုန်ဆုံးသွားပြီးနောက် ခြေသံအချို့ကို ထပ်မံ ကြားလိုက်ရပြန်သည်။ အားလုံးက ဝင်ပေါက်ဆီသို့ လှမ်းကြည့်လိုက်ကြသည်။</p> <p>​"သူလား။ သူက ၆ ယောက်မြောက် ရောက်လာတဲ့သူပေါ့" လုံချန်းက ရောက်လာသူကို မြင်သောအခါ ရေရွတ်လိုက်သည်။</p> <p>​ထိုသူမှာ မီယင် ဖြစ်သည်။ သူမသည် ဝမ်ကျွင်းနှင့်အတူ သေမင်းခန်းမထဲကို ဝင်လာခဲ့သည့် မိန်းကလေး ဖြစ်ပြီး မူလင်းကို သတ်ခဲ့သည့် မိန်းကလေး၏ အစ်မလည်း ဖြစ်သည်။ မူလင်း သေဆုံးမှုတွင် သူမသည် နောက်ကွယ်ကနေ ကြိုးကိုင်ခဲ့သူ ဖြစ်ကြောင်း လုံချန်း သိရှိထားသည်။</p> <p>​မီယင်သည် အခန်းထဲသို့ ဝင်လာပြီး လုံချန်းကို တစ်ချက်သာ လှမ်းကြည့်ကာ အခန်း၏ အခြားတစ်ဖက်တွင် ဝင်ထိုင်လိုက်သည်။</p> <p>​'သူ့မှာ ထူးဆန်းတာတစ်ခုခု ရှိနေတယ်။ ပုံမှန် မဟုတ်ဘူး' လုံချန်းက သူမကို ကြည့်ရင်း တွေးလိုက်သည်။</p> <p>​'ငါလည်း အဲဒီလို ခံစားရတယ်။ သူ့ရဲ့ ပတ်ပတ်လည်မှာ ထူးဆန်းတဲ့ အငွေ့အသက်တစ်ခု ရှိနေတယ်။ အဲဒီအငွေ့အသက်က သူ့ရဲ့ ကျင့်ကြံခြင်းအဆင့်ကို ဖုံးကွယ်ထားပုံရတယ်။ သူက မြင်ရတာထက် ပိုသန်မာလိမ့်မယ်။ ဘယ်သူမှ သူ့ရဲ့ ဖုံးကွယ်ထားတဲ့ အဆင့်ကို မသိနိုင်ဘူးဆိုရင် သူ့ရဲ့ ပညာရပ်က နင် ပထမဆုံး စမ်းသပ်မှုတုန်းက သွေးမျိုးဆက်ကျောင်းတော်မှာ ရခဲ့တဲ့ ကောင်းကင် ဖုံးလွှမ်းခြင်းလိုမျိုး သန်မာတာ ဖြစ်ရမယ်' ရွှင်းက ဆိုသည်။</p> <p>​'ငါသိတယ်။ သူက သူ့ရဲ့ ကျင့်ကြံခြင်းအဆင့်ကို ကောင်းကင်အဆင့် အလယ်လောက်ပဲ ရှိသယောင် ပြထားတာ။ သူက အနည်းဆုံးတော့ ကောင်းကင်အဆင့် အမြင့်ပိုင်း၊ ဖြစ်နိုင်ရင် အဆင့် ၁၀ လောက်မှာ ရှိနေမှာ' လုံချန်းက မျက်လုံးမှိတ်ကာ တွေးလိုက်သည်။</p> <p>​'ဘာပဲဖြစ်ဖြစ်လေ... သူ ဖုံးကွယ်ချင်သလောက် ဖုံးကွယ်ထားပါစေ။ ခွန်အားချင်း ယှဉ်ရမယ်ဆိုရင်လည်း ငါ သူ့ကို အနိုင်ယူမှာပဲ၊ ဦးနှောက်ချင်း ယှဉ်ရမယ်ဆိုရင်လည်း ငါ သူ့ကို အနိုင်ယူမှာပဲ။ ငါ မရှုံးစေရဘူး။ လျှို့ဝှက်နယ်မြေဆိုတာ တကယ်ကို စိတ်ဝင်စားဖို့ ကောင်းသလို ကျောင်းတော်ရဲ့ အထက်ပိုင်းအဆင့်တွေဆီကနေ သတင်းအချက်အလက်တွေ ရဖို့ ငါ့ရဲ့ အစီအစဉ်အတွက်လည်း အရေးကြီးတဲ့ အစိတ်အပိုင်း တစ်ခုပဲ' သူက ရွှင်းကို ပြောပြသည်။</p> <p>​"သူနဲ့ ပတ်သက်ရင်တော့ သတိထားပါ။ ဒီမှာ ရှိနေတဲ့သူတွေထဲမှာ သူက အန္တရာယ်အရှိဆုံးလို့ ငါ ခံစားရတယ်။ သူ့ကို လျှော့မတွက်နဲ့နော်" ရွှင်းက လုံချန်းကို အလေးအနက် သတိပေးလိုက်သည်။</p> <p>​'ငါ သတိထားပါ့မယ်' လုံချန်းက ခေါင်းညိတ်ပြသည်။ 'ငါ့ရဲ့ စိတ်ခံစားချက်တွေက ငါ့ကို လွှမ်းမိုးခွင့် မပေးဘူး'</p> <p>​"ကောင်းပါပြီ"</p> <p>​အချိန်အနည်းငယ် ထပ်မံ ကုန်ဆုံးသွားပြီးနောက် နောက်ထပ် တပည့်တစ်ဦး ရောက်လာပြန်သည်။ ထိုသူမှာ နောက်ထပ် ကောင်းကင်အဆင့် ထပ်ဆုံး ကျင့်ကြံသူ တစ်ဦးပင် ဖြစ်သည်။</p> <p>​အချိန်များ ကုန်ဆုံးသွားသည်နှင့်အမျှ တပည့်အသစ်များ တဖြည်းဖြည်း ရောက်ရှိလာကြသည်။ ၁၀ ယောက်မြောက် တပည့် ရောက်ရှိလာသည်နှင့် တစ်ပြိုင်နက် ဝင်ပေါက်မှာ ပိတ်သွားတော့သည်။</p> <p>​"ဒီလောက်ပဲ ထင်တယ်။ နောက်ဆုံးတော့ စမ်းသပ်မှုရဲ့ နောက်တစ်ဆင့်ကို စလို့ရပြီ" တပည့်များက ဝင်ပေါက် ပိတ်သွားသည်ကို မြင်သောအခါ မတ်တပ်ရပ်ရင်း ပြောလိုက်ကြသည်။ ဆိုလိုသည်မှာ ယခင်စမ်းသပ်မှုများကို အောင်မြင်ခဲ့သူအားလုံး ရောက်ရှိသွားပြီဖြစ်ကာ ကျန်ရှိသူများမှာ ပြုတ်သွားပြီ ဖြစ်သည်။</p> <p>​ရောက်ရှိနေသော တပည့် ၁၀ ယောက်ထဲတွင် မီယင် တစ်ယောက်သာ မိန်းကလေး ဖြစ်သည်။ အခြားတစ်ဖက်တွင်တော့ လုံချန်းသည် ကောင်းကင်အဆင့် ၁ သာ ရှိသဖြင့် ကျင့်ကြံခြင်း အားနည်းဆုံး ဖြစ်နေသည်။ မီယင်မှာ အဆင့် ၄ ဖြင့် ဒုတိယ အားနည်းဆုံး ဖြစ်သော်လည်း သူမသည် ဤနေရာတွင် အသန်မာဆုံး ဖြစ်နိုင်ပြီး ကျင့်ကြံခြင်းအဆင့်မှာ အတုအယောင် ဖြစ်ကြောင်း လုံချန်း သိနေသည်။</p> <p>​ဝင်ပေါက် ပိတ်သွားပြီးနောက် ရှေ့ဘက်နံရံတွင် နောက်ထပ် တံခါးတစ်ပေါက် ပေါ်လာသည်။</p> <p>​"နောက်တစ်ဆင့် စမ်းသပ်မှုဆီကို သွားကြရအောင်" ကောင်းကင်အဆင့် ထိပ်ဆုံး ကျင့်ကြံသူများက ဦးဆောင်၍ အခန်းထဲမှ ထွက်ခွာသွားကြသည်။ လုံချန်းသည်လည်း သူတို့နောက်မှ လိုက်ပါသွားခဲ့သည်။</p> <p>​တပည့် ၁၀ ယောက်စလုံးမှာ ကျယ်ဝန်းသော အခန်းကြီးတစ်ခန်းထဲသို့ ရောက်ရှိသွားကြသည်။ သူတို့ရှေ့တွင် အပေါ်သို့ တက်လှမ်းရမည့် လှေကား ၁၀ စင်း ရှိနေသည်။</p> <p>​"လှေကား တစ်စင်းကို ရွေးချယ်ပြီး ပထမဆုံး လှေကားထစ်မှာ ရပ်လိုက်ကြပါ" ထိုလျှို့ဝှက်ဆန်းကြယ်သော အသံက အခန်းထဲတွင် ပဲ့တင်ထပ်ကာ ထွက်ပေါ်လာပြီး ဘာလုပ်ရမည်ကို ညွှန်ကြားလိုက်သည်။</p> <p>​ကောင်းကင်အဆင့် ထိပ်ဆုံး ကျင့်ကြံသူများမှာ အမြန်ဆုံးဖြစ်ပြီး လှေကားတစ်စင်းစီကို ချက်ချင်း ရွေးချယ်ကာ ပထမအဆင့်တွင် ရပ်လိုက်ကြသည်။ အခြားသူများကလည်း ထိုအတိုင်း လိုက်လုပ်ကြသည်။ လုံချန်းကတော့ နောက်ဆုံးကျန်ရှိနေသည့် လှေကားတစ်စင်းကိုသာ ရွေးချယ်လိုက်သည်။</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save