Book List

<h2 style="text-align: center;">အခန်း ၁၇၃</h2> <h2 style="text-align: center;">ပါးတစ်ချက် ရိုက်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ဝမ်အားကု…" </p> <p>လီရှင်းထင် ထိုလူကို မြင်သည်နှင့် ဒေါသကြောင့် နှုတ်ခမ်းတို့ တုန်ယင်သွား၏။</p> <p>"နင် ဒီမှာ ဘာလာလုပ်တာလဲ" </p> <p>သို့သော် ဝမ်အားကုကတော့ ရမ္မက်လွှမ်းသော အပြုံးကြီးဖြင့် ပြန်ဖြေ၏။ </p> <p>"ဘာလုပ်တာလဲ ဟုတ်လား... ငါ့အသည်းလေးကို လာကြည့်တာပေါ့... အဲဒါ နင်နဲ့ ဘာဆိုင်လို့လဲ…"</p> <p>ထို့နောက် သူက ဘေးရှိ ကုလားထိုင်တွင် အေးအေးလူလူ ဝင်ထိုင်ကာ ကျိုးရှုရီ ချန်ထားခဲ့သည့် ပြောင်းဖူးဆန်ပြုတ် ပန်းကန်ဝက်ကို ကောက်ယူလိုက်လေသည်။</p> <p>ထို့ပြင် ဇွန်းဖြင့် ခပ်စားရင်း သူ၏ ဖုန်းထဲသို့ လှမ်းပြောနေ၏။ </p> <p>"ဟေ့... သူငယ်ချင်းတို့... အစားအသောက် ဖြုန်းတီးတာ ငရဲကြီးတယ်နော်... ဒီမှာ အရသာရှိတဲ့ ဆန်ပြုတ်တွေ အများကြီး ကျန်နေသေးတာ... ဒါနဲ့ မင်းတို့ ယုံမလား... ငါ တင်တောင်းငွေတွေ ပေးပြီးလို့ မနက်ဖြန် မင်္ဂလာဆောင်တော့မှာကို တစ်ယောက်ယောက်က ငါ့အသည်းလေးကို ပြန်ပေးဆွဲဖို့ ကြိုးစားနေတယ်... မင်းတို့သာ ငါ့နေရာမှာဆို ဘယ်လိုလုပ်မလဲ..."</p> <p>ထိုအချိန်မှသာ ကျိုးရှုရီနှင့် လီရှင်းထင်တို့ ဝမ်အားကု Live လွှင့်နေသည်ကို သတိထားမိကြတော့သည်။</p> <p>ကြည့်ရှုသူ ထောင်နှင့်ချီ ရှိနေလေသည်။ လီယီတောင်းကဲ့သို့ ထိပ်တန်း Streamer များက သန်းနှင့်ချီ ရရှိနိုင်သော်လည်း သာမန် Streamer များအတွက်မူ ဤပမာဏမှာ အတော်လေး များပြားလှပေသည်။ </p> <p>လီရှင်းထင်က ဝမ်အားကုကို ဒေါသတကြီး စိုက်ကြည့်နေသော်လည်း ဘာမှ ထပ်မပြောတော့ပေ။ သူမက နာမည်ကြီး Streamer တစ်ယောက် ဖြစ်သဖြင့် စကားမှားသွားပါက ဝေဖန်ခံရနိုင်သည် မဟုတ်ပါလား။ </p> <p>ဝမ်အားကု၏ ယုတ်မာသော အပြုအမူကို ရှင်းပြနေလည်း အလကားပင်။</p> <p>ဝမ်အားကု၏ Live ထဲတွင်မူ သူ၏ နောက်လိုက်များမှာ ဆူညံပွက်လောရိုက်နေကြလေပြီ။</p> <p>"လခွမ်း... ဘယ်ကောင်က ငါ့အစ်ကိုကုရဲ့ မိန်းမကို လုရဲတာလဲ..."</p> <p>" အစ်ကိုကု သူ့ကို ပညာပေးလိုက်စမ်းပါ... ဟိုတစ်ခါက ပိန်ညှောင်ညှောင်ကောင်ကို လုပ်သလိုမျိုးပေါ့..."</p> <p>"ရှူး... ကောလာဟလတွေ မဖြန့်နဲ့... ဟိုကောင်က သူ့ဘာသာ ဒဏ်ရာရတာပါ... အစ်ကိုကုနဲ့ ဘာမှမဆိုင်ဘူး..."</p> <p>"ဟုတ်တယ်... သူ့ဘာသာ ဖြစ်တာ... အစ်ကိုကုနဲ့ မဆိုင်ဘူး..."</p> <p>"အစ်ကိုကု... အကူအညီ လိုလား... လာနေပြီဟေ့... ဘယ်ကောင်က အစ်ကိုကု မိန်းမကို လုတာလဲ... သူက ဘာကောင်မို့လို့လဲ..."</p> <p>"နေဦး... ဗီဒီယိုထဲက မိန်းမက ရင်းနှီးနေသလိုပဲ..."</p> <p>"အင်း... ခဏပဲ မြင်လိုက်ရတာ... ဒါပေမဲ့ ငါလည်း သိသလိုလို ရှိတယ်..."</p> <p>တစ်စုံတစ်ယောက်က အခန်းထဲရှိ အခြားလူများကို သတိထားမိသွား၏။</p> <p>"ခဏလေး... လူနှစ်ယောက်တောင်ပါလား... အစ်ကိုကု မိန်းမအပြင် အခန်းထဲမှာ နောက်ထပ် မိန်းကလေး နှစ်ယောက် ရှိနေတာပဲ... သူတို့က Streamer တွေ မဟုတ်လား..."</p> <p>"ဟုတ်တယ်... တစ်ယောက်က အာကျယ်တဲ့ တစ်ယောက်လေ... နောက်တစ်ယောက်က... အဲဒါ အလှလေး မဟုတ်လား..."</p> <p>"လခွမ်း... သူတို့ပါလား... ဒါ ကျိုးရှုရီနဲ့ အလှလေး မဟုတ်လား... သူတို့ အဲဒီမှာ ဘာလုပ်နေကြတာလဲ..."</p> <p>"သူတို့က Streamer တွေပဲလေ... အစ်ကိုကုနဲ့ သိလို့လား... ကူညီဖို့ ရောက်နေတာလား..."</p> <p>"အဲဒီလိုတော့ မထင်ဘူး... အခြေအနေက တင်းမာနေသလိုပဲ..."</p> <p>"မဟုတ်ဘူး... ဒါက အဓိပ္ပာယ် မရှိဘူး... ကြည့်ပါဦး... အစ်ကိုကုက အလှလေးနဲ့ ရန်ဖြစ်နေသလိုပဲ..."</p> <p>"ဟုတ်တယ်... အလှလေး မျက်နှာက ဒေါသထွက်နေတာ... ကျိုးရှုရီလည်း စိတ်တိုနေပုံပဲ..."</p> <p>"ဘာတွေ ဖြစ်နေတာလဲ... တစ်ယောက်ယောက်က အစ်ကိုကု မိန်းမကို လုဖို့ ကြိုးစားနေတယ် ဆို... အဲဒီလူက ဘယ်မှာလဲ... ပြီးတော့ ကျိုးရှုရီနဲ့ အလှလေးက ဘာလို့ ပါနေရတာလဲ..."</p> <p>"အင်း... ငါ ထင်တာတော့... ကျိုးရှုရီနဲ့ အလှလေး ကိုယ်တိုင်က အစ်ကိုကု မိန်းမကို လုဖို့ ကြိုးစားနေတာများလား..."</p> <p>"ကျိုးရှုရီနဲ့ အလှလေးက အစ်ကိုကု မိန်းမကို လုမယ် ဟုတ်လား... နောက်နေတာလား... သူတို့က ဘာလုပ်လို့ရမှာလဲ..."</p> <p>"သူတို့ဆီမှာ ပစ္စည်းကိရိယာတွေ ရှိရင် ဖြစ်နိုင်တာပဲလေ..." </p> <p>လူတိုင်း ဆွံ့အသွားကြ၏။</p> <p>"အပေါ်ကကောင်ကတော့ တကယ်ကို ငစားပဲ... ဘယ်လိုတောင် တွေးလိုက်တာလဲ... တွေးလိုက်ရင် တဆုံးပဲ… ဒါပေမဲ့ ကျိုးရှုရီနဲ့ အလှလေးက တခြား တစ်ယောက်ကို ကူညီနေတာရော မဖြစ်နိုင်ဘူးလား..."</p> <p>"ဟက်... မင်းလည်း အဲဒီလို ထင်လား... ဝါး... ဒါ တကယ်ရော ဖြစ်နိုင်လို့လား..."</p> <p>"မင်းတို့ ဘာတွေ ပြောနေကြတာလဲ... ဘယ်သူ့ကို လုပေးနေတာလဲ... ဘယ်သူလဲ..."</p> <p>"ဟီးဟီး... ကျိုးရှုရီနဲ့ အလှလေး အခု ဘယ်မှာ နေနေလဲဆိုတာ စဉ်းစားကြည့်လေ... အခုတလော ဘယ်သူနဲ့ အတူတူ တွဲသွားတွဲလာ လုပ်နေလဲ... ယောက်ျားတစ်ယောက်လေ... ကျိုးရှုရီ ကူညီပေးနိုင်တဲ့သူပေါ့..."</p> <p>"အို... ဘုရားရေ... အစ်ကိုယီတောင်း လား..."</p> <p>"အားလုံးက တစ်သဘောတည်း ဖြစ်နေတာပဲ... အစ်ကိုယီတောင်းက အစ်ကိုကု မိန်းမကို လုချင်နေတာများလား..."</p> <p>"နေဦး... အစ်ကိုကုက အစ်ကိုယီတောင်း မိန်းမကို လုထားလို့ အခု အစ်ကိုယီတောင်းက ပြန်လုနေတာများလား..."</p> <p>"လခွမ်း... မင်းတို့ စိတ်ကူးတွေကတော့ လိုက်မမှီတော့ဘူးဟေ..."</p> <p>ထိုအခိုက်အတန့်တွင် ဝမ်အားကု၏ Live ထဲ၌ အလွန် စည်ကားနေလေသည်။ နောက်မှ ရောက်လာသူများပင်လျှင် တစ်ခုတော့ သေချာ သိနေကြလေပြီ။ အစ်ကိုယီတောင်း၏ မိန်းမ ခိုးယူခံလိုက်ရသဖြင့် ယခုအခါ ကျိုးရှုရီနှင့် အလှလေးတို့က ပြန်လုရန် မစ်ရှင် ဆင်းနေကြခြင်း ဖြစ်သည် ဟူ၍။ ၎င်းမှာ အဓိပ္ပာယ် မရှိသော်လည်း လူသိများစေရန်အတွက်ဆိုလျှင် မည်သူက ယုတ္တိတန်၊ မတန် ဂရုစိုက်နေမည်နည်း။</p> <p>ဝမ်အားကု သတိထားမိချိန်တွင် အခြေအနေမှာ ထိန်းမနိုင် သိမ်းမရ ဖြစ်နေလေပြီ။</p> <p>သူသည် လီရှင်းထင်ထက် အရှိန်အဝါ ပိုကြီးသည့် ကျိုးရှုရီ ရှိနေသည်ကို အစက သတိမထားမိခဲ့ပေ။ လီရှင်းထင်မှာမူ Streamer တစ်ယောက် ဖြစ်မှန်း သူသိထားသဖြင့် သူမ၏ ပရိသတ်များကို အသုံးချရန် Live လွှင့်လိုက်ခြင်း ဖြစ်၏။ အခြေအနေက မမျှော်လင့်ထားသလို ဖြစ်လာသဖြင့် သူ အံ့သြနေမိသည်။</p> <p>ယခုအခါ ကျိုးရှုရီလည်း ရှိနေကြောင်း သူ သိလိုက်၏။ ၎င်းတို့ သုံးဦး၏ ပတ်သက်မှုမှာ အခုတလော အင်တာနက်တွင် အတော်လေး နာမည်ကြီးနေသဖြင့် Streamer တစ်ယောက်အနေနှင့် သူ ဤသတင်းကို မသိဘဲ မနေနိုင်ပေ။</p> <p>"ဟဲဟဲ... ဒါဆို ခင်ဗျားက ကျိုးရှုရီ ပေါ့... လူချင်း တွေ့ရလိမ့်မယ်လို့ မထင်ထားဘူး... ကျွန်တော်က ခင်ဗျားရဲ့ ပရိသတ်ပါဗျာ" </p> <p>ဝမ်အားကုက ကျိုးရှုရီကို လှမ်းပြောလိုက်သော်လည်း ရမ္မက်လွှမ်းသော အပြုံးကြောင့် ကျိုးရှုရီရော လီရှင်းထင်ပါ သူ့ကို ရွံရှာစွာ ကြည့်လိုက်ကြသည်။</p> <p>ကျိုးရှုရီ ဆိုလျှင် အလိုလိုပင် နောက်သို့ တစ်လှမ်း ဆုတ်လိုက်၏။</p> <p>"ကဲ... ခုနက ကိစ္စကို ပြန်သွားရအောင်... ခင်ဗျားတို့က ငါ့မိန်းမကို လုဖို့ ကြံနေတာလား..."</p> <p>"ဒါမှမဟုတ် ခင်ဗျားတို့ နှစ်ယောက်ထဲက တစ်ယောက်က ငါ့မိန်းမ လုပ်မလို့လား..."</p> <p>"ဝမ်အားကု… နင် တကယ့် တိရစ္ဆာန်ပဲ…" </p> <p>လီရှင်းထင် သည်းမခံနိုင်တော့ဘဲ အော်ဟစ်လိုက်လေသည်။ Live လွှင့်နေသည်၊ မလွှင့်သည်ကို သူမ ဂရုမစိုက်နိုင်တော့ပေ။</p> <p>"ဝမ်အားကု... ငါ ပြောလိုက်မယ်... နင် သဘောတူတူ၊ မတူတူ ချင်းယွဲ့ ဒီနေ့ ငါနဲ့ လိုက်ခဲ့ရမယ်… ဒီကိစ္စက ညှိနှိုင်းနေစရာ မလိုဘူး... ယွမ် ၁၈၈,၈၀၀ မဟုတ်လား... နင့်ကို ငါ နှစ်ဆ ပေးမယ်..."</p> <p>လီရှင်းထင် မျက်လုံးထဲတွင် ဒေါသများ တောက်လောင်နေ၏။ သို့သော် ဝမ်အားကုကတော့ ခပ်ဟဟ ရယ်မောလိုက်သည်။</p> <p>သူက Live ထဲသို့ ဆက်ပြောလိုက်၏။ </p> <p>"အားလုံး မြင်ကြလား... ပိုက်ဆံရှိတာနဲ့ပဲ ဒီလိုမောက်မာလို့ရလား... အကုန် စီစဉ်ပြီးထားတဲ့ မင်္ဂလာဆောင်ကို ဖျက်ချင်တာလား..."</p> <p>သူက လှောင်ပြောင်သရော်လိုက်သည်။ </p> <p>"ဒါက ခင်ဗျားတို့ အားလုံး အားပေးနေတဲ့ 'နာမည်ကြီး Streamer' ပေါ့... ငါကတော့ ကမြောက်ကခြောက် Streamer လေးမို့ ကြောက်ပါတယ်ဗျာ..."</p> <p>သူ၏ လေသံနှင့် အမူအရာက တကယ့်ကို ရွံစရာ ကောင်းလှပေသည်။ </p> <p>ထိုအချိန်တွင် ဖြန်းခနဲ အသံတစ်ချက် ထွက်လာ၏။</p> <p>ဒေါသထွက်နေသည့် လီရှင်းထင်  မျက်လုံးပြူးသွား၏။</p> <p>Live ထဲရှိ ပရိသတ်များလည်း ထိတ်လန့်သွားကြ၏။ </p> <p>ပါးရိုက်လိုက်သူမှာ ကျိုးရှုရီပင်။ သူမက ဝမ်အားကုကို အေးစက်စက် စိုက်ကြည့်ကာ နောက်တစ်ခါ ထပ်ပြောလျှင် ပါးတစ်ချက် ထပ်ချမည်ဟု အမူအရာဖြင့် သတိပေးလိုက်လေသည်။</p> <p> </p>


Save