Book List

<h2 style="text-align:center">အခန်း ၁၇၆</h2> <h2 style="text-align:center">သုံးကြိမ် သုံးခါ</h2> <h2 style="text-align:center">*</h2> <p> </p> <p> </p> <p> </p> <p> </p> <p>ဤအခိုက်အတန့်လေးမှာ ထူးဆန်းလောက်အောင် တိတ်ဆိတ်နေလေသည်။ ကျိုးရှုရီနှင့် လီရှင်းထင်တို့ပင် လုံးဝ ဇဝေဇဝါ ဖြစ်နေကြ၏။</p> <p>ယန်ချင်းယွဲ့... ဒါက တကယ်ပဲ ယန်ချင်းယွဲ့လား... ခုနလေးတင် တည်ငြိမ်နေတဲ့ ကောင်မလေးက ဘယ်ရောက်သွားတာလဲ...။</p> <p>သူမ၏ ပုံစံမှာ ရုတ်တရက် ပြောင်းလဲသွားပြီး အေးစက်စက် အငွေ့အသက်တို့ လွှမ်းခြုံလာသည်။</p> <p>ဝမ်အားကုလည်း ယန်ချင်းယွဲ့ စကားကြောင့် လန့်သွားသော်လည်း ချက်ချင်းပင် သတိဝင်လာပြီး ဒေါသ ပေါက်ကွဲလာတော့၏။</p> <p>သူ ယန်ချင်းယွဲ့ရှိရာသို့ တည့်တည့်မတ်မတ် လျှောက်သွားလိုက်သည်။</p> <p>ထိုအချိန်တွင် လီယီတောင်း၏ ခေါင်းထဲ၌ စနစ်၏ အသိပေးသံ ချက်ချင်း ပေါ်လာလေ၏။</p> <p>[ကတောင်... အရည်အသွေးမြင့် ဖောက်သည်ကို တွေ့ရှိပါသည်။ ID - ဝမ်အားကု Live Stream]</p> <p>[သေဆုံးမှု အခြေအနေ စစ်ဆေးခြင်း - အမည်မသိ အင်အားစုကြောင့် သေဆုံးမည်၊ သေဆုံးနိုင်ခြေ ၉၉ %]</p> <p>[သင့်အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။]</p> <p>သူ သေတော့မှာလား...</p> <p>လီယီတောင်း Live ထဲ စဝင်စဉ်က ဤသို့သော အရိပ်အယောင်မျိုး မရှိခဲ့ပေ။ သို့သော် ယခုကျမှ အသိပေးချက် တက်လာခြင်းမှာ အံ့ဩစရာပင်။</p> <p>အကြည့်များက ဗီဒီယိုထဲမှ ယန်ချင်းယွဲ့ဆီသို့ ရောက်သွား၏။ သူမထံမှ ထူးခြားသော အငွေ့အသက်တစ်ခုကို ခံစားလိုက်ရသည်။</p> <p>ဒါက... ရင်းနှီးနေသလိုပဲ...</p> <p>ဒီ ယန်ချင်းယွဲ့က မရိုးရှင်းဘူး...</p> <p>ခေတ္တမျှ စဉ်းစားပြီးနောက် ဝမ်အားကုကို Follow လုပ်ရန် ဆုံးဖြတ်လိုက်လေသည်။ မည်သို့ပင်ဖြစ်စေ သေရမည့်သူမို့ Follow ထားလိုက်လျှင် သက်တမ်းအချို့ ရနိုင်သည် မဟုတ်ပါလား။ ဝမ်အားကု၏ အခြေအနေမှာ ထူးခြားနေသဖြင့် အနည်းဆုံး ဆယ်စုနှစ်နှင့်ချီသော သက်တမ်းကို ရရှိနိုင်ပေသည်။</p> <p>ဒါက တကယ့်ကို အမြတ်ပဲ...။</p> <p>အစ်ကိုယီတောင်း ဝမ်အားကုကို Follow လိုက်သည်နှင့် Live ထဲတွင် ပွက်လောရိုက်သွားတော့၏။</p> <p>ပထမဆုံး ပေါက်ကွဲလာသူများမှာ ဝမ်အားကု၏ ပရိသတ်များ ဖြစ်ကြသည်။</p> <p>"လခွမ်း... ငါ အခုပဲ မြင်လိုက်တာလား... အစ်ကိုယီတောင်း တကယ်ကြီး Follow လိုက်တာလား... အစ်ကိုကု... မြန်မြန် ပြေးတော့..."</p> <p>"ဟုတ်တယ် အစ်ကိုကု... မြန်မြန်ပြေး... အစ်ကိုယီတောင်း တကယ် စိတ်တိုနေပုံပဲ..."<br /> "ဒါကတော့ လွန်လွန်းတယ် အစ်ကိုယီတောင်း... ဘယ်လိုပဲဖြစ်ဖြစ် လူတစ်ယောက်ကို ဒီလိုကြီး ဒုက္ခပေးလို့ မရဘူးလေ..."</p> <p>"အစ်ကိုကု လုပ်တာ နည်းနည်း မှားတယ် ဆိုပေမဲ့ သူက မိန်းမရဖို့ ကြိုးစားနေတာပဲလေ... အဲဒီလောက်ထိ ရက်စက်ဖို့ လိုလို့လား..."</p> <p>"အတိအကျပဲ... ဒီအတိုင်းကြီး ဒုက္ခပေးတော့မှာလား... နောက်နေတာလား..."</p> <p>"အစ်ကိုယီတောင်း ကတော့ ရှယ်ပဲကွာ... လခွမ်း..."</p> <p>လီယီတောင်း၏ ပရိသတ်များကလည်း ထို Comment များကို ဒီအတိုင်း ကြည့်မနေကြပေ။</p> <p>သူတို့က ချက်ချင်း ပြန်လည် တိုက်စစ်ဆင်ကြလေသည်။</p> <p>"ဟက်... အမှိုက် Streamer မှာ အမှိုက် ပရိသတ်တွေ ရှိတာ မဆန်းပါဘူး... အခုကျမှ အစ်ကိုယီတောင်းကို လာပြီး အပြစ်တင်နေတာလား..."</p> <p>"ဟုတ်တယ်... အစ်ကိုယီတောင်း Follow လုပ်တယ်ဆိုကတည်းက အကြောင်းရှိလို့ပေါ့... အဲဒီကောင် သေသင့်လို့ သေတာပဲ..."</p> <p>"စကားတွေ အများကြီး ပြောမနေနဲ့ အစ်ကိုယီတောင်း... သူ့ကို အခုပဲ အပြတ်ရှင်းပစ်လိုက်..."</p> <p>"ငါတို့ ကျိုးရှုရီကို ထိရဲတယ်ပေါ့... အစ်ကိုယီတောင်း... သူ့ကို သတ်ပစ်လိုက်..."</p> <p>"ဘယ်သူ့မိန်းမကို လာနှောင့်ယှက်တာလဲ... အခုကျမှ ကြောက်နေတာလား... တိုက်ရိုက်သာ သတ်ပစ်လိုက်..."<br /> "လုပ်လိုက်တော့... သူ့ရဲ့ ယုတ်မာတဲ့ အကျင့်တွေကို ပြင်ပေးလိုက်ဦး... အစ်ကိုယီတောင်း ကတော့ တကယ့်ကို မိုက်တယ်..."</p> <p>"ဒီ ဝမ်အားကု က လူကောင်း မဟုတ်ဘူး... ငါ အခုပဲ အင်တာနက်မှာ ရှာကြည့်လိုက်တာ... ဒီကောင်က ရွာထဲမှာ ပြဿနာ ရှာနေတဲ့ကောင်တဲ့... သေသင့်တယ်..."</p> <p>"အစ်ကိုယီတောင်း က ဆရာကြီးပဲ..."</p> <p>လီယီတောင်းက Live ထဲမှ ဆွေးနွေးငြင်းခုန်မှုများကို ဂရုမစိုက်ပေ။</p> <p>ကျိုးရှုရီနှင့် လီရှင်းထင်တို့၏ အခြေအနေကိုတော့ သိပ်ပြီး စိတ်မပူတော့ပေ။ ယန်ချင်းယွဲ့၏ အပြုအမူကို မြင်လိုက်ရပြီးနောက် စိုးရိမ်စိတ်များ လျော့ကျသွားခဲ့လေပြီ။ သေဆုံးရမည့် အကြောင်းရင်းကို စနစ်က အမည်မသိဟု ပြနေခြင်းနှင့် ပတ်သက်၍လည်း အကြံတစ်ခု ရရှိသွား၏။</p> <p>ဗီဒီယိုထဲမှ ယန်ချင်းယွဲ့ကို သေချာ စိုက်ကြည့်နေမိသည်။</p> <p>ဒီ အမည်မသိ အကြောင်းရင်းက ဒီမိန်းကလေးနဲ့ ပတ်သက်နေတာများလား...။</p> <p>ဝမ်အားကုလည်း Live ထဲမှ လှုပ်ရှားမှုကို သတိထားမိလိုက်၏။ လီယီတောင်း Follow လိုက်ခြင်းအတွက် အထူးပြုလုပ်ချက်တစ်ခု ပေါ်လာသည် မဟုတ်ပါလား။</p> <p>ဤစနစ်မှာ ပလက်ဖောင်းဘက်မှ လီယီတောင်းအတွက် သီးသန့် ဖန်တီးပေးထားခြင်း ဖြစ်ပြီး အကုန်အကျ အတော်လေး များခဲ့ပေသည်။ အဓိက အကြောင်းရင်းမှာ လီယီတောင်း Follow လုပ်ခြင်း၏ အကျိုးသက်ရောက်မှုက ကြီးမားလွန်းသောကြောင့် ပလက်ဖောင်းဘက်မှ အလေးအနက် ထားခဲ့ခြင်းပင်။</p> <p>လီယီတောင်း မိမိကို Follow လိုက်မှန်း သိလိုက်ရသည့်အခါ ဝမ်အားကု မျက်နှာ ချက်ချင်း ပျက်သွားလေသည်။</p> <p>ဝမ်အားကုက ငတုံး မဟုတ်ပေ။</p> <p>Streamer တစ်ယောက်အနေနှင့် အစ်ကိုယီတောင်း၏ ကျော်ကြားမှုကို သူ သေချာပေါက် ကြားဖူးထားသည် မဟုတ်ပါလား။ ယခုအချိန်သည် အစ်ကိုယီတောင်း လူများကို စတင် Follow လုပ်ကာ လူများက သံသယ ဝင်နေကြသည့် အချိန် မဟုတ်တော့ပေ။</p> <p>ယနေ့ခေတ်တွင် အစ်ကိုယီတောင်းဟူသော နာမည်ကို ကြားလိုက်ရုံနှင့် လူတိုင်း မျက်နှာပျက် ပျာယာခတ်ကုန်ကြသည် မဟုတ်ပါလား။ အထူးသဖြင့် အန္တရာယ်များသော စတန့်များ လုပ်ပြသူများ၊ အစားအသောက် အလွန်အကျွံ စားပြသူများနှင့် မသင့်လျော်သော အကြောင်းအရာများ တင်သူများအတွက် ပိုဆိုးလေသည်။</p> <p>သူတို့၏ ဗီဒီယို သို့မဟုတ် Live များတွင် အစ်ကိုယီတောင်း နာမည် ပေါ်လာလျှင်ပင် အားလုံး နှုတ်ဆိတ်သွားကြရ၏။ အချို့ဆိုလျှင် ကြောက်လန့်လွန်း၍ ထွက်ပြေးရန်ပင် စဉ်းစားကြလေသည်။</p> <p>ဝမ်အားကုလည်း ထိုနည်းတူပင်။</p> <p>စောစောက လီယီတောင်း Live ထဲ စဝင်လာတည်းက သူ စိုးရိမ်နေခဲ့ခြင်း ဖြစ်၏။ မဟုတ်လျှင် ယန်ချင်းယွဲ့က ထွက်သွားရန် ခြိမ်းခြောက်ပြီး သူမနှင့် အနီးကပ် ရှိနေသည့်တိုင် အဘယ်ကြောင့် ဒေါသကို မျိုသိပ်ကာ ငြိမ်နေပါမည်နည်း။</p> <p>အစ်ကိုယီတောင်း၏ တည်ရှိမှုက သူ့ကို ခြိမ်းခြောက်နေသော်လည်း ယခုတော့ သူ ဒေါသ ထိန်းမရတော့ပေ။</p> <p>ငါ့ကို Follow တယ် ဟုတ်လား... ငါ သေမှာကို ကျိန်ဆဲနေတာလား...။</p> <p>မျိုသိပ်ထားသမျှ ဒေါသများ ပေါက်ကွဲကာ ဝမ်အားကု ရှေ့သို့ ပြေးတက်သွား၏။ ထို့နောက် လက်ကို မြှောက်ကာ ယန်ချင်းယွဲ့ ပါးကို ရိုက်ရန် ပြင်လိုက်လေသည်။</p> <p>၎င်းကို မြင်လိုက်ရသည့်အခါ ကျိုးရှုရီနှင့် လီရှင်းထင်တို့လည်း ရှေ့သို့ အလျင်အမြန် ပြေးဝင်သွားကြ၏။ သို့သော် ထူးဆန်းသော အရာတစ်ခု ဖြစ်ပျက်သွားလေသည်။</p> <p>ဝမ်အားကု ပါးရိုက်ရန် ပြင်လိုက်စဉ်မှာပင် ရုတ်တရက် ဟန်ချက်ပျက်သွားခြင်းပင်။ သူက ခလုတ်တိုက်ကာ ဘိုင်းခနဲ မြေပြင်ပေါ်သို့ လဲကျသွားတော့သည်။</p> <p>ထိုမျှနှင့် မကသေး၊ လဲကျပြီး နှုတ်ခမ်းပါ ပေါက်သွား၏။</p> <p>"ဒီနေ့တော့ နင့်ကို ငါ သတ်ပစ်မယ်..."</p> <p>ဝမ်အားကုက အော်ဟစ်ရင်း ပြန်ထလာကာ ယန်ချင်းယွဲ့ကို ကန်ရန် ပြင်ပြန်သည်။ သို့သော် ဤကန်ချက်က အားပါလွန်းသွားပုံ ရ၏။</p> <p>သူ့ဟန်ချက် ထပ်မံ ပျက်သွားပြန်ပြီး ယန်ချင်းယွဲ့နှင့် လွဲကာ မြေပြင်ပေါ်သို့ ထပ်မံ လဲကျသွားပြန်လေသည်။</p> <p>ယန်ချင်းယွဲ့ကတော့ ထိုနေရာမှာပင် မထုံတတ်တေး မျက်နှာပေးဖြင့် ထိုင်နေဆဲ။ သူမ၏ မျက်လုံးထဲတွင် လှောင်ပြောင်သည့် အရိပ်အယောင်တို့ ရှိနေလျက်။</p> <p>သူမ၏ မျက်နှာပေးကို မြင်လိုက်ရသည့်အခါ ဝမ်အားကု အသိစိတ် လုံးဝ လွတ်သွားလေသည်။ အနီးရှိ ကုလားထိုင်ကို ကောက်ကိုင်ကာ ယန်ချင်းယွဲ့ဆီသို့ လွှဲယမ်းလိုက်ပြီး... "တောက်... ဒီနေ့ နင့်ကို ငါ သတ်နိုင်မလား ကြည့်ရသေးတာပေါ့..." ဟု ကျိန်ဆဲလိုက်လေသည်။</p> <p>သို့သော် သူ ကုလားထိုင်ကို မြှောက်လိုက်သည့်အချိန်တွင် မျက်နှာကြက်၌ ချိတ်ထားသော အသီးအနှံခြောက် တစ်ခုကို မတော်တဆ သွားတိုက်မိသွား၏။</p> <p>၎င်းကြောင့် သူ ဟန်ချက် ထပ်မံ ပျက်သွားပြန်ပြီး မြေပြင်ပေါ်သို့ ပြုတ်ကျသွားပြန်သည်။ ကုလားထိုင်ကပါ လွင့်စင်ကာ သူ့အပေါ်သို့ တည့်တည့်ကြီး ကျလာလေတော့သည်။</p> <p>ဝမ်အားကုမှာ နာကျင်လွန်းသဖြင့် မြေပြင်ပေါ်တွင် လူးလိမ့်နေပြီး မျက်နှာမှလည်း သွေးများ စီးကျနေ၏။ ၎င်းမှာ သူ တတိယမ္မိ အရှက်တကွဲ လဲကျခြင်းပင်။ </p> <p>Live ကြည့်နေသည့် ပရိသတ်များမှာလည်း လုံးဝ ကြောင်အမ်းသွားကြလေသည်။</p> <p>"လခွမ်း... အစ်ကိုယီတောင်း ရဲ့ 'Follow' စနစ်က အခုလို စွမ်းရည်တွေပါ ရနေပြီလား..."</p> <p>"သူက ကောင်မလေးကို သုံးခါ တိုက်ခိုက်ဖို့ ကြိုးစားပေမဲ့ သုံးခါလုံး သူ့ဘာသာသူ လဲကျသွားတာပဲ... ဒါက တိုက်ဆိုင်မှု မဟုတ်လောက်ဘူး..."</p> <p>"ဒါက တကယ်ကို ရူးချင်စရာပဲ... တကယ့်ကို မယုံနိုင်စရာပဲ..."</p> <p>"ဟို ကောင်မလေးကို ကြည့်ဦး... တည်ငြိမ်လိုက်တာ... သူမရဲ့ စိတ်ဓာတ်ကို လေးစားမိတယ်..."</p> <p>"သူမက လှရုံတင် မကဘူး... သူမရဲ့ အမူအရာက တကယ့်ကို အထာကျတယ်... ဝမ်အားကုလို လူမျိုးကို ဘာလို့ ရွေးခဲ့တာလဲ... ဒီမှာ တစ်ခုခုတော့ သေချာပေါက် ရှိရမယ်..."</p> <p>"ဒါနဲ့ ရဲကို ဖုန်းမဆက်ထားဘူးလား... ဘာလို့ ဒီလောက် ကြာနေရတာလဲ..."<br /> "ဒီလို ရွာသေးသေးလေးမှာဆိုရင် မြို့ပေါ်ထက်တော့ ရဲတွေ လာဖို့ ပိုကြာမှာပေါ့... ဒါပေမဲ့ သူတို့ လာနေလောက်ပါပြီ မဟုတ်လား..."</p> <p>"ဟေး... ခုနကတင် ရဲကား ဥသြသံ ကြားလိုက်သလိုပဲ... ရဲတွေ ဖြစ်ရမယ်..."</p> <p>"ငါလည်း ကြားလိုက်သလိုပဲ... ဒီကောင်တော့ ဂိပြီ... ဝမ်အားကု ဘယ်ကို ပြေးနိုင်မလဲ ကြည့်ရသေးတာပေါ့..."</p> <p>"ဟုတ်တယ်... ကျိုးရှုရီနဲ့ အလှလေးတို့ သတိထားဦး... ပြေးကြတော့... ဟိုမိန်းကလေးက ဘာလို့ ထိုင်နေတုန်းလဲ... မြန်မြန်လုပ်..."</p> <p>"တောက်... ဝမ်အားကုက ရူးသွားပြီလား... ကြည့်နေတဲ့သူတွေ ဒီလောက်များတဲ့ Live ထဲမှာ ဓားနဲ့ တိုက်ခိုက်ဖို့ ကြိုးစားနေတာလား..."</p> <p>"ပြေးတော့... မြန်မြန်ပြေး... ဟိုမိန်းကလေး... ဘာလို့ ထိုင်နေတုန်းပဲလဲ... ငါတို့မှာတော့ ရင်တုန်လိုက်တာ..."<br /> "အစ်ကိုယီတောင်း... ဝင်ပါပြီး ရှင်းလိုက်ပါတော့..."</p> <p>"ဟုတ်တယ် အစ်ကိုယီတောင်း... ကျိုးရှုရီတို့ အုပ်စုကို ကယ်လိုက်ပါဦး..."</p> <p>"လခွမ်း... နောက်ကျသွားပြီ..."</p> <p> </p>


Save