Book List

<h2 style="text-align: center;">အခန်း ၁၇၉</h2> <h2 style="text-align: center;">ပျားမလေး ရောက်လာပြီ... </h2> <h2 style="text-align: center;">*</h2> <p> </p> <p> </p> <p> </p> <p> </p> <p>မျက်နှာအပျက်ပျက်ဖြင့် လီယီတောင်း နာရေးဝန်ဆောင်မှု ဆိုင်သို့ ပြန်ရောက်လာ၍ ကျိုးရှုရီနှင့် လီရှင်းထင်တို့က ဇဝေဇဝါဖြင့် ကြည့်လိုက်ကြ၏။</p> <p>" အစ်ကိုယီတောင်း... ချင်းယွဲ့ကော... "</p> <p>စောစောက အဘိုးအိုထံမှ ဖုန်းရပြီးနောက် ယန်ချင်းယွဲ့ကို အဘိုးအိုဆီ ခေါ်သွားချိန်တွင် ကျိုးရှုရီနှင့် လီရှင်းထင်တို့ကို သူ အသိပေးခဲ့ပြီး ဖြစ်လေသည်။</p> <p>ဘာပဲဖြစ်ဖြစ် ယန်ချင်းယွဲ့က သူတို့နဲ့ အတူတူ လာခဲ့တာလေ...။</p> <p>သူမကို ခေါ်သွားမယ် ဆိုရင်တော့ တစ်ခုခု ပြောပြရမှာပေါ့...။</p> <p>သို့သော် လီယီတောင်း မမျှော်လင့်ထားခဲ့သည်မှာ ကျိုးရှုရီ ကိုယ်တိုင်ကလည်း အဘိုးအို၏ ဗီလာတွင် နေရန် ဆုံးဖြတ်လိုက်ခြင်းပင်။</p> <p>အဘိုးအို၏ ရှင်းပြချက်အရ ယန်ချင်းယွဲ့မှာ လမ်းမှားပေါ် ရောက်နေပြီဟု ဆိုပေသည်။ အဓိပ္ပါယ် အသေးစိတ်ကိုတော့ ရှင်းမပြ၍ လီယီတောင်း မသိပေ။</p> <p>မည်သို့ပင်ဖြစ်စေ အဘိုးအိုက ယန်ချင်းယွဲ့ကို သူ့အနားမှာ နေရန် ခေါ်ထားလိုက်လေပြီ။</p> <p>" အင်း... သူ လူကြီး တစ်ယောက်ဆီမှာ ခဏ နေနေတယ်... သူ့ကိစ္စတွေ ရှင်းသွားရင် ပြန်လာလိမ့်မယ်... " </p> <p>ထိုသို့ ပြောပြီးနောက် လီယီတောင်းက ဘာမျှ ထပ်မရှင်းပြတော့ဘဲ နာရေးဝန်ဆောင်မှု ဆိုင်ထဲသို့ ပြန်ဝင်သွား၏။</p> <p>သူတို့အချင်းချင်း ဆက်သွယ်လို့ ရတာပဲလေ...။</p> <p>အခုခေတ်မှာ ဖုန်းတစ်ချက် ခေါ်လိုက်ရုံနဲ့ သူတို့ သိချင်တာတွေ အကုန် သိနိုင်တာပဲ...။ </p> <p>လီယီတောင်း နာရေးဝန်ဆောင်မှု ဆိုင်ထဲသို့ ဝင်သွားသည်ကို မြင်သောအခါ ကျိုးရှုရီနှင့် လီရှင်းထင်တို့ အချင်းချင်း ကြည့်လိုက်ကြပြီး ဖုန်းများကို ထုတ်လိုက်ကြလေသည်။</p> <p>ဆိုင်ထဲ ရောက်သည်နှင့် လီယီတောင်းက အဘိုးအို ပေးလိုက်သော ကြေးမုံပြင်ကို အိတ်ကပ်ထဲမှ ထုတ်ယူလိုက်၏။</p> <p>ကြေးမုံပြင်၏ အရှေ့ဘက်မှာ အရင်အတိုင်း မပြောင်းလဲသော်လည်း အနောက်ဘက်တွင်တော့ ဂါထာ အက္ခရာများကို ထွင်းထွင်းထားသည်ကို တွေ့ရလေသည်။</p> <p>ဒီအက္ခရာတွေရဲ့ အဓိပ္ပာယ်ကိုတော့ နားမလည်ဘူး... နားမလည်လည်း ဘာမှ မဖြစ်ဘူး…။</p> <p>ကြေးမုံပြင်ရဲ့ ပြဿနာက လုံးဝ ရှင်းသွားတာ မဟုတ်ပေမဲ့ အခု လောလောဆယ် သုံးဖို့အတွက်တော့ ဘာပြဿနာမှ မရှိတော့ဘူးလို့ အဘိုးအိုက ပြောတယ်...။</p> <p>ဒါပေမဲ့ နောင်ကျရင်တော့ ဒီလို ဖြစ်ချင်မှ ဖြစ်မယ်လို့ သူက သေချာ သတိပေးလိုက်သေးတယ်။</p> <p>ကြေးမုံပြင်ရဲ့ တိကျတဲ့ အသုံးဝင်ပုံကတော့ တော်တော်လေး ရိုးရှင်းတယ်...။</p> <p>ဘုံကျောင်းမှာ ကြုံခဲ့ရတဲ့ အခြေအနေနဲ့ ဆင်တူတယ်... လူတွေကို နေရာမှာတင် အေးခဲသွားအောင် လုပ်နိုင်တဲ့ စွမ်းအား ရှိတယ်...။</p> <p>အဘိုးအို၏ လမ်းညွှန်မှုအောက်တွင် ဤကြေးမုံပြင်ကို မည်သို့ အသုံးပြုရမည်ကို လီယီတောင်း သင်ယူခဲ့ရလေသည်။</p> <p>စောစောက ဖြစ်ပျက်ခဲ့သည်များကို ပြန်တွေးမိပြီး သူ ခေါင်းနည်းနည်း ကိုက်လာသလို ခံစားလိုက်ရ၏။</p> <p>ငါ့စိတ်နဲ့ ကြေးမုံပြင် ကြားမှာ ထူးဆန်းပြီး သိမ်မွေ့တဲ့ ဆက်သွယ်မှု တစ်ခု ရှိနေသလိုပဲ...။</p> <p>ဒီကြေးမုံပြင်နဲ့ ဆိုရင် မှန်ထဲမှာ ပေါ်လာတဲ့ လူတွေကို ငါ့စိတ်တိုင်းကျ အေးခဲသွားအောင် လုပ်နိုင်တယ်...။</p> <p>ဒီအရာ အားလုံးက တော်တော်လေး လျှို့ဝှက်ဆန်းကြယ်နေပေမဲ့ ဒီလို သဘာဝလွန် အဖြစ်အပျက်တွေကို အသားကျနေပြီလေ...။</p> <p>ဘာပဲဖြစ်ဖြစ်... ထူးဆန်းတဲ့ အခြေအနေတွေ အများကြီးကို ငါ ရင်ဆိုင်ခဲ့ဖူးတာပဲ...။</p> <p>အခန်းထဲ ပြန်ရောက်သောအခါ လီယီတောင်း တစ်ယောက် ပင်ပန်းနွမ်းနယ်လွန်း၍ နှစ်ခြိုက်စွာ အိပ်မောကျသွားတော့၏။</p> <p>နောက်နှစ်ရက်တာ အချိန်များ တိတ်ဆိတ်စွာ ကုန်ဆုံးသွားလေသည်။</p> <p>လီရှင်းထင်တို့ ပြန်ရောက်နေပြီမို့ လီယီတောင်း အနေဖြင့် ထမင်း ဘယ်မှာစားရမလဲ ဆိုသည်ကို စိတ်ပူစရာ မလိုတော့ပေ။</p> <p>သို့သော် သူ၏ အစားအသောက်များကို အခန်းထဲသို့ ယူမသွားတော့ပေ။</p> <p>ထိုအစား... မီးဖိုချောင်ထဲတွင် ထိုင်စားလေသည်။</p> <p>ဘာပဲဖြစ်ဖြစ်... ချောမောလှပတဲ့ မိန်းကလေး နှစ်ယောက်နဲ့ အတူတူ စားရတာက စိတ်အပြောင်းအလဲလေး တစ်ခုပေါ့...။</p> <p>ယန်ချင်းယွဲ့ ကတော့ အခုထိ ပြန်မလာသေးပေ။</p> <p>လီယီတောင်း ခန့်မှန်းရသလောက် အချိန်နည်းနည်း ထပ်ယူရဦးမည့်ပုံ ပေါ်လေသည်။</p> <p>ကျိုးရှုရီနှင့် လီရှင်းထင်တို့ ညီအစ်မ နှစ်ယောက်ကလည်း သူ့ကို မေးလာမြန်းလား မလုပ်ကြပေ။ ၎င်းက သူတို့ ယန်ချင်းယွဲ့နှင့် ဆက်သွယ်ပြီးပြီ ဆိုတာကို ညွှန်ပြနေလေသည်။</p> <p>တတိယမြောက်နေ့တွင် ပလက်ဖောင်းက အစီအစဉ်ကို စတင်လေသည်။ ကြီးငယ်မရွေး Streamer အများအပြားက ဤအစီအစဉ်အတွက် အသင့်ပြင်ထားကြ၏။</p> <p>ဒါက Follower တွေ ပိုရလာဖို့ အကောင်းဆုံး အခွင့်အရေးပဲလေ...။</p> <p>ကိုယ့်ပရိသတ် အင်အားအပေါ် လီယီတောင်းလို ဂရုမစိုက်တဲ့သူက ရှားတယ် မဟုတ်လား...။</p> <p>အကယ်၍သာ လီယီတောင်း၏ အကောင့်ကို စီမံခွင့် ရမည်ဆိုလျှင် ငွေတွေ ပုံအောဝင်လာလိမ့်မည်ဟု အချို့က ဆိုကြလေသည်။</p> <p>သို့သော် ယခုအချိန်အထိ မည်သည့် အဖွဲ့ကမှ လီယီတောင်းထံ ဤသို့သော သဘောတူညီချက်မျိုး လာရောက် ကမ်းလှမ်းခြင်း မရှိသေးပေ။</p> <p>အစ်ကိုယီတောင်းနဲ့ ကစားဖို့ ဆိုတာ အရမ်း အန္တရာယ်များတယ် ဆိုတာကို သူတို့ သိကြတယ်လေ...။</p> <p>အတိုချုပ် ပြောရရင်... ဘယ်သူကမှ သူ့ကို လာမရှုပ်ရဲကြဘူး...။</p> <p>အစ်ကိုယီတောင်းနဲ့ ကစားမယ် ဟုတ်လား... ရယ်စရာပဲ...။</p> <p>ပလက်ဖောင်း၏ စီမံခန့်ခွဲရေး ဌာနတွင် ရှောင်ဝမ် တစ်ယောက် ထိန်းချုပ်ရေးခလုတ်များ ရှေ့၌ စိုးရိမ်တကြီး ထိုင်နေလေသည်။</p> <p>သူမက ဒီအစီအစဉ်အတွက် အစီအစဉ် တင်ဆက်သူလေ...။</p> <p>အစီအစဉ် စတင်ရန် နောက်ဆုံး သုံးမိနစ် အလိုတွင် ရှောင်ဝမ်က သူမကိုယ်သူမ တည်ငြိမ်အောင် အစွမ်းကုန် ကြိုးစားလိုက်၏။</p> <p>နေ့စဉ် နာမည်ကြီး အနုပညာရှင်များနှင့် သူတို့၏ ပရိသတ်များ ကြား အပြန်အလှန် တွေ့ဆုံမှုများကို ထိန်းချုပ်ရန်မှာ သူမ၏ အလုပ် ဖြစ်သည်။</p> <p>အစကတော့ အကျိုးအမြတ် အများဆုံး ရရှိရန်အတွက် နာမည်ကြီး Streamer များနှင့် ချိတ်ဆက်ရန် စီစဉ်ထားခဲ့ခြင်း ဖြစ်၏။</p> <p>သို့သော် နာမည်ကြီး Streamer များနှင့်သာ ချိတ်ဆက်ပါက အစီအစဉ်သည် ကြိုတင် ဇာတ်တိုက်ထားသကဲ့သို့ ဖြစ်သွားနိုင်သဖြင့် သူတို့၏ ဗျူဟာကို ပြောင်းလဲလိုက်ကြလေသည်။</p> <p>ဤအခြေအနေမျိုးတွင် သူတို့က ရွေးချယ်မှု လုပ်ငန်းစဉ်ကို ပြောင်းလဲလိုက်ပြီး လူသစ် အများအပြား အပါအဝင် ကျပန်း ပါဝင်သူများကို ရွေးချယ်လိုက်ကြ၏။</p> <p>တကယ်လို့ အရည်အချင်းရှိတဲ့ လူသစ် တချို့ကိုသာ ရှာတွေ့ခဲ့မယ် ဆိုရင်... အဲဒါက အကောင်းဆုံး ရလဒ်ပဲလေ...။</p> <p>ဤနေရာတွင် ရှောင်ဝမ်က အပြန်အလှန် တွေ့ဆုံမှုများ မည်သို့ ဖြစ်ပေါ်လာမည်ကို ဆုံးဖြတ်ရာ၌ အရေးပါသော အခန်းကဏ္ဍမှ ပါဝင်လေသည်။</p> <p>သို့သော် ဤလူသစ်များက အပြန်အလှန် တွေ့ဆုံရန် သဘောတူ၊ မတူ ဆိုသည်မှာ ကံတရား အပေါ်တွင်သာ အဓိက မူတည်နေ၏။</p> <p>ပါဝင်သူများကို သတ်မှတ်ထားသော ဒေသများ သို့မဟုတ် အချိန်များအလိုက် အုပ်စုဖွဲ့ထားပြီး သူတို့၏ အပြန်အလှန် တွေ့ဆုံမှုများမှာ ကျပန်း ဖြစ်မည် ဖြစ်သည်။</p> <p>လီယီတောင်း၊ ကျိုးရှုရီနှင့် လီရှင်းထင်တို့ ကဲ့သို့သော နာမည်ကြီး Streamer များအတွက်တော့ သူတို့၏ ကိုယ်ပိုင် စာရင်းများ ရှိလေသည်။</p> <p>သူတို့အတွက် ရှောင်ဝမ်က အပြန်အလှန် တွေ့ဆုံမှုများ မစတင်မီ သူတို့၏ သဘောတူညီချက်ကို တောင်းခံရမည် ဖြစ်၏။</p> <p>အစ်ကိုယီတောင်း ကဲ့သို့သော Streamer များအတွက်တော့ အခြေအနေက ကွဲပြားလေသည်။</p> <p>အပြန်အလှန် တွေ့ဆုံမှု တောင်းဆိုချက် တစ်ခုခု မပို့မီ အစ်ကိုယီတောင်းနှင့် အရင် အတည်ပြုရမည် ဖြစ်၏။</p> <p>အစ်ကိုယီတောင်းလို ထင်ရှားတဲ့ သူတစ်ယောက်နဲ့ ဆက်ဆံရတဲ့ အခါ အဲဒီလိုပဲ အလုပ်လုပ်ရတာလေ...။</p> <p>အချိန်ကျရောက်လာသောအခါ ရှောင်ဝမ်က တရားဝင် ပလက်ဖောင်း၏ Live တွင် နွေးထွေးစွာ ပြုံးလျက် ပေါ်လာလေသည်။</p> <p>" အားလုံးပဲ မင်္ဂလာပါရှင်... ကျွန်မကတော့ ဒီအစီအစဉ်ရဲ့ အစီအစဉ် တင်ဆက်သူ ရှောင်ဝမ် ပါ... "</p> <p>" ဒီအစီအစဉ်ကို အားလုံး စောင့်မျှော်နေကြတာ ကြာပြီလို့ ယုံကြည်ပါတယ်... ဒါကြောင့် အချိန်မဆွဲတော့ဘဲ ဒီနေ့ရဲ့ ကြယ်ပွင့် ဖြစ်တဲ့ ကျွန်မတို့ရဲ့ ပျားမလေး ကို ကြိုဆိုလိုက်ကြရအောင်... "</p> <p>ရှောင်ဝမ်၏ ကြေညာချက်နှင့်အတူ ပျားမလေး၏ ဗီဒီယို ပုံရိပ်က စခရင်ပေါ်တွင် ပေါ်လာပြီး တစ်ဖက်မှ ပျားမလေးက အပြုံးဖျော့ဖျော့လေးဖြင့် ပြန်လည် နှုတ်ဆက်လိုက်လေသည်။</p> <p>" အားလုံးပဲ မင်္ဂလာပါ... ဒီအစီအစဉ်အတွက် ပလက်ဖောင်းပေါ် ရောက်လာရတာ အရမ်း ဝမ်းသာပါတယ်... ပလက်ဖောင်းက Streamer တွေနဲ့ အပြန်အလှန် တုံ့ပြန်ရမှာကိုလည်း အရမ်း မျှော်လင့်နေပါတယ်... ကျွန်မကို ချစ်တဲ့ ပရိသတ်တွေ အားပေးကြလိမ့်မယ်လို့ မျှော်လင့်ပါတယ်... "</p> <p>သူမ ပေါ်လာသည်နှင့် တစ်ပြိုင်နက် Live မှာ လျင်မြန်စွာ ပွဲဆူသွားတော့၏။</p> <p>ဒါက ပျားမလေး ပလက်ဖောင်းပေါ်မှာ ပထမဆုံး Live လွှင့်တာလေ...။</p> <p>ပလက်ဖောင်း အနေဖြင့် Live ၏ အစစ်အမှန် အွန်လိုင်း ကြည့်ရှုသူ အရေအတွက်ကို ထုတ်ပြန်မည် မဟုတ်ပေ။</p> <p>အစီအစဉ်၏ ပထမဆုံး နေ့တွင် ထိပ်တန်း ကြယ်ပွင့် ပျားမလေးကို အဖွင့် အနေဖြင့် တင်ဆက်ရာ၌ ပရိသတ် အရေအတွက်က သန်းနှင့်ချီ မကျော်လွန်ပါက အရှက်ရစရာ ဖြစ်မည် မဟုတ်ပါလား။</p> <p>သို့သော် Live စတင်သည်နှင့် တစ်ပြိုင်နက် သူမ၏ ကြည့်ရှုသူ အရေအတွက်မှာ ဆယ်သန်းကျော်သွားခဲ့လေပြီ။</p> <p>" ငါ့မိန်းမ ရောက်လာပြီဟေ့... ဟားဟား... ချစ်တယ် မိန်းမရေ... "</p> <p>" ထွက်သွားစမ်း အပေါ်ကကောင်... ပျားမလေးက ငါတစ်ယောက်တည်း အပိုင်ကွ... "</p> <p>" ငမွဲကောင်တွေ... ပျားမလေးက မင်းတို့ကို သိတောင် သိလို့လား... ဟိုလူ့ မိန်းမ ဒီလူ့ မိန်းမ လျှောက်ခေါ်နေတယ်... "</p> <p>" ငါ ပြောပြမယ်... ပျားမလေးက ယောကျ်ားတွေကို မကြိုက်ဘူးကွ... ဒီနှစ်တွေ အကုန်လုံး သူ ဘာလို့ ရည်းစား မထားတာလဲ စဉ်းစားကြည့်လေ... "</p> <p>" အဲဒါ တကယ်ကြီးလား... နောက်နေတာလား... မင်းကို ငါ ပညာပေးလိုက်မယ်နော်... " </p> <p>" ဒီကောလာဟလကို ငါ ကြားဖူးတာ ကြာပြီ... တကယ်ကြီးလား... "</p> <p>" လခွမ်း... ငါတို့ရဲ့ ပျားမလေး က ဘယ်လိုလုပ် အဲဒီလို ဖြစ်ရမှာလဲ... သူ့မှာ ကောလာဟလ ထွက်ဖူးတဲ့ ရည်းစားတွေ အများကြီး ရှိခဲ့တာလေ... "</p> <p>" ရည်းစားတွေ ဟုတ်လား... ငါတို့ရဲ့ ပျားမလေးက လောကီ အညစ်အကြေးတွေ မကပ်ငြိတဲ့ ဖြူစင်တဲ့ နတ်သမီးလေးကွ... မင်းတို့ကောင်တွေကို သူက ဘယ်လိုလုပ် စိတ်ဝင်စားနိုင်မှာလဲ... "</p> <p>" မင်းတို့ အကုန်လုံး မှားနေပြီ... "</p> <p>Live ထဲရှိ သူမ၏ ပရိသတ်များ၏ စိတ်အားထက်သန်သော ဆွေးနွေးမှုများကို ပျားမလေး တစ်ယောက် စိတ်ဝင်တစား ကြည့်နေလေသည်။</p> <p>သူမ၏ မျက်လုံးများထဲတွင် ရှက်ရွံ့နေသည့် အရိပ်အယောင်လေး ပေါ်လွင်နေ၏။</p> <p>ဒီလို မြင်ကွင်းမျိုးကို သူ ဘယ်တုန်းကများ မြင်ဖူးလို့လဲ...။</p> <p>Live ထဲက ဒီလို ပြင်းထန်ပြီး တခါတလေ ရိုင်းစိုင်းတဲ့ comment တွေက ဘာတွေလဲ...။</p> <p>တကယ်ကို ခံနိုင်ရည် မရှိတော့ဘူး...။</p> <p>ပျားမလေး ၏ Live ထဲရှိ လေထုက မမျှော်လင့်ထားသော လမ်းကြောင်းသို့ ပြောင်းလဲသွားသည်ကို မြင်သောအခါ ရှောင်ဝမ်က အလျင်အမြန် ဝင်ပြောလိုက်လေသည်။ </p> <p>" အဟမ်း... အားလုံးက ဒီလောက် စိတ်အားထက်သန် နေကြပြီ ဆိုတော့... ပထမဆုံး Streamer နဲ့ အပြန်အလှန် ပြောဆိုမှုကို စလိုက်ကြရအောင်... "</p> <p>ရှောင်ဝမ်က လုပ်ငန်းစဉ်ကို စတင်လိုက်သည်နှင့် အစစ်အမှန် ဖြစ်စေရန်အတွက် ပထမဆုံး အပြန်အလှန် ပြောဆိုမှုကို ကျပန်း ရွေးချယ်လိုက်၏။ လက်ရှိ Live လွှင့်နေသော ပလက်ဖောင်းပေါ်ရှိ Streamer များ အားလုံးထဲမှ ရွေးချယ်လိုက်ခြင်း ဖြစ်၏။</p> <p>ဒါက ကျပန်း ရွေးချယ်ဖို့ အစစ်မှန်ဆုံး နည်းလမ်းပဲလေ...။</p> <p>သို့သော် ရှောင်ဝမ် ရွေးချယ်လိုက်ပြီး အပြန်အလှန် တွေ့ဆုံမှုကို စတင်လိုက်ချိန်တွင်... သူမနှင့် Live ထဲရှိ ပရိသတ်များ အားလုံး အပါအဝင် ပျားမလေး ပင်လျှင် မှင်သက်သွားကြလေသည်။</p> <p>ဒီ Streamer က တော်တော်လေး ထူးခြားနေတယ်...။</p> <p> </p>


Save