Book List

<h2 style="text-align: center;">အခန်း ၁၈၀</h2> <h2 style="text-align: center;">တက်ကြွတဲ့ကြက်ဖ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>Live ထဲသို့ ပထမဆုံး ဝင်လာသူမှာ ဆံပင်ကျွတ်နေသော ထိပ်ပြောင်ပြောင်နှင့် လူတစ်ယောက် ဖြစ်လေသည်။</p> <p>မကြာမီ ဇဝေဇဝါ ဖြစ်နေသော အသံတစ်ခု ထွက်ပေါ်လာ၏။ </p> <p>" ဒီ Live ကို ဘယ်လို လုပ်ရတာလဲ... ငါ့ဘက်ကနေ ဗီဒီယိုကို ဘာလို့ မမြင်ရတာလဲ... " </p> <p>သူ စကားပြောနေစဉ် ကင်မရာက ရှေ့သွားနှစ်ချောင်း ကျိုးနေသော သူ၏ ထူးခြားမှု မရှိလှသည့် မျက်နှာကို ပြန်လည် ချိန်ရွယ်လိုက်လေသည်။</p> <p>လက်ရှိ မြင်ကွင်းတွင် ကင်မရာ အနေအထားကြောင့် သူ၏ နှာခေါင်းပေါက် နှစ်ပေါက်စလုံးကို အထင်းသား မြင်နေရ၏။</p> <p>" ဟေး... နောက်ဆုံးတော့ ပုံပေါ်လာပြီ... "</p> <p>" ဟင်... ငါ့ဖုန်းထဲမှာ ဘာလို့ ငါ့ရဲ့ အချစ်တော် ပျားမလေး ပေါ်နေတာလဲ... "</p> <p>" အင်း... ဒီနေ့ Live လွှင့်ရင် ပျားမလေး နဲ့ အပြန်အလှန် စကားပြောခွင့် ရမယ်လို့ ကြားတယ်... "</p> <p>" ငါ ဒီ Live ကို မီပါစေလို့ မျှော်လင့်ရတာပဲ... " </p> <p>Live ထဲတွင် တစ်ယောက်တည်း ရေရွတ်နေသော သူ၏ စကားများကို ကြားသောအခါ လူတိုင်း နေရာမှာတင် အေးခဲသွားကြတော့သည်။</p> <p>ရှောင်ဝမ် လည်း သူမရှေ့ရှိ Live ကို ကြည့်ရင်း ဇဝေဇဝါ ဖြစ်သွားလေသည်။</p> <p>ပျားမလေး ကတော့ ပို၍ပင် ဇဝေဇဝါ ဖြစ်သွား၏။</p> <p>ဒီလို အခြေအနေမျိုးကို သူမ ဘယ်တုန်းကများ ကြုံဖူးလို့လဲ...။</p> <p>သူမ ရင်ထဲမှာ တကယ်ကို ပြာယာခတ်နေပြီလေ...။</p> <p>မသိစိတ်မှပင် သူမ တံတွေး တစ်ချက် မျိုချလိုက်မိသည်။</p> <p>ဒါက တကယ်ကို... နည်းနည်းတော့ လက်ခံဖို့ ခက်ခဲတာပဲ...။</p> <p>ပျားမလေး မှ မဟုတ်ပါဘူး... ဒီလို အခြေအနေမျိုးမှာ ဘယ်သူမဆို လက်ခံဖို့ ခက်ခဲမှာပဲ မဟုတ်လား...။</p> <p>" ဟင်... အဲဒါ ငါလား... " </p> <p>ဗီဒီယိုထဲမှ အမျိုးသားက သူ Live ထဲတွင် ပါနေကြောင်း သတိထားမိသွားပုံ ရလေသည်။</p> <p>သူ ကင်မရာကို လက်ပြ နှုတ်ဆက်လိုက်၏။</p> <p>နောက်ဆုံးတော့...</p> <p>သူ ဗီဒီယိုထဲမှာ ပါနေတယ် ဆိုတာကို သူ အတည်ပြုလိုက်နိုင်ပြီ... ပြီးတော့ စခရင်ရဲ့ တစ်ဝက်က ပျားမလေး ဖြစ်နေတာကိုလည်း သူ မြင်လိုက်ရတယ်လေ...။</p> <p>သူက ဒီ Live ဆော့ဖ်ဝဲလ်ကို သိပ်မကျွမ်းကျင်ပေမဲ့... တခြားသူတွေ သုံးနေတာကိုတော့ သူ မြင်ဖူးပါတယ်...။</p> <p>" ဟေး... ဟယ်လို... တစ်ဆိတ်လောက်... ကျွန်တော် အခု နတ်သမီးလေးနဲ့ အပြန်အလှန် စကားပြောနေရတာလားဗျ... " </p> <p>သူ၏ မျက်နှာပေါ်တွင် စိတ်လှုပ်ရှားမှုများ အပြည့်။ သူ စကားပြောရာတွင်ပင် အသံများ တုန်ယင်နေလေသည်။</p> <p>ဤအချိန်တွင် Live ထဲရှိ ပရိသတ်များကလည်း ချက်ချင်း တုံ့ပြန်လာကြတော့၏။ </p> <p>" လခွမ်း... ပလက်ဖောင်းက ဘာတွေ လုပ်နေတာလဲ... ပျားမလေး ဘယ်လောက်တောင် လန့်သွားလဲ ကြည့်ပါဦး... "</p> <p>" မဟုတ်ဘူး... ဒီလို မဖြစ်သင့်ဘူး... ထိပ်တန်း ကြယ်ပွင့် တစ်ယောက် အနေနဲ့ သူ့ပရိသတ်တွေကို ဘယ်လိုလုပ် မကြိုက်သလို လုပ်ပြလို့ ရမှာလဲ... ဒီလို ပရိသတ်တွေကို ပလက်ဖောင်းဘက်က မောင်းထုတ်ပစ်သင့်တာ... "</p> <p>" ဒီလူ ဘာတွေ လုပ်နေတာလဲ... ထိပ်ကလည်း ပြောင်နေတာပဲ... ကွန်ပျူတာ ပရိုဂရမ်မာ တစ်ယောက်လား... "</p> <p>" သွားစမ်းပါ... ပရိုဂရမ်မာ တွေကို လာ မဘလိန်းစမ်းနဲ့... ကြည့်စမ်း... ရှေ့သွား နှစ်ချောင်းတောင် ကျိုးနေတာ... သေချာပေါက် အရိုက်ခံထားရတာပဲ... ဆံပင်တွေလည်း အဆွဲခံထားရတာ ဖြစ်မယ်... "</p> <p>" အထူးသဖြင့် ဒီကောင်... လခွမ်း... ငါ သည်းမခံနိုင်တော့ဘူး... သူ့ကိုတောင် သွားထိုးချင်လာပြီ... ငါ့ရဲ့ ပျားမလေး ကို အချစ်တော် တဲ့လား... သူမက အဲဒီလို ခေါ်ဖို့ ခွင့်ပြုထားလို့လား... "</p> <p>" အာ... တကယ် ကံကောင်းတာပဲ... ငါက ဘာလို့ အဲဒီလို ကံမကောင်းရတာလဲ... ငါလည်း Live လွှင့်နေတာပဲကို... "</p> <p>" ကဲ... ကဲ... မင်းတို့တွေက ဘာလို့ ဒီလိုတွေ ဖြစ်နေရတာလဲ... တခြား ရှုထောင့်ကနေ တွေးကြည့်ပါဦး... ဒီလို ချိတ်ဆက်မှုက ဒီအစီအစဉ်ရဲ့ ပွင့်လင်းမြင်သာမှုကို ပိုပြီး သက်သေပြနေတာ မဟုတ်ဘူးလား... " </p> <p>" ပွင့်လင်းမြင်သာမှု မင်းကြီးတော်ပဲ... ပွင့်လင်းမြင်သာတယ် ဆိုရင်တောင် ငါတို့ရဲ့ ပျားမလေး ကို ဒီလို မဆက်ဆံသင့်ဘူးလေ... ဖက်ခ်... "</p> <p>" မှန်တယ်ဗျာ... ပလက်ဖောင်းရဲ့ စီမံခန့်ခွဲသူတွေ ရူးသွားပြီလား... "</p> <p>" ဘာ အသုံးမကျတဲ့ စီမံခန့်ခွဲမှုလဲ... ပြီးတော့ အဲဒီ အစီအစဉ် တင်ဆက်သူကော... အရင်ကတော့ သူ့ရုပ်လေးကို သဘောကျခဲ့တာ... အခုတော့ သူက ရုပ်ပဲရှိပြီး ဦးနှောက် မရှိဘူး ဆိုတာ သိလိုက်ရပြီ... " </p> <p>" ဒီ Streamer ကို ပျားမလေး နဲ့ ချိတ်ဆက်ပေးတာက တကယ်ကို အံ့မခန်းပါပဲ... မနက်ဖြန် Trending စာရင်းမှာ ဒါတွေချည်းပဲ ပြည့်နေတော့မှာ မဟုတ်လား... " </p> <p>" အာ... ငါတို့ရဲ့ ပျားမလေး အိပ်မက်ဆိုးတွေ မမက်အောင် ပလက်ဖောင်းက ဒါကို မြန်မြန် ဖြတ်ချလိုက်ဖို့ မျှော်လင့်ပါတယ်... ညဘက်ကျရင် သူမကို ငါ နှစ်သိမ့် မပေးနိုင်ဘူးလေ... "</p> <p>" အပေါ်ကလူ... မင်း ဘာပြောလိုက်တာလဲ... "</p> <p>" ဘာ အဓိပ္ပာယ်မရှိတာတွေ ပြောနေတာလဲ... ညဘက် နှစ်သိမ့် မပေးနိုင်ဘူး ဟုတ်လား... "</p> <p>" သူငယ်ချင်း... မင်း အခုလေးတင် ပြောလိုက်တဲ့ စကားအတွက် တာဝန်ယူရဲလား... ငါ့ဓားက ၁၈ စင်တီမီတာ ရှည်တယ်နော်... " </p> <p>" ဟားဟား... အားလုံးပဲ အတည်မယူကြပါနဲ့... ကျွန်တော်က ဒီအတိုင်း အာချောင်လိုက်တာပါ... အားလုံးပဲ ဟာသ တစ်ခု အနေနဲ့ သဘောထားပေးကြပါ... "</p> <p>ပရိသတ်များ၏ ရူးသွပ်သော ဝေဖန်မှုများ အကြားတွင် " တက်ကြွတဲ့ကြက်ဖ" ဟု အမည်ရသည့် ထို Streamer ၏ Follower အရေအတွက်မှာ ဂဏန်း ခြောက်လုံးကိုပင် ကျော်လွန်သွားခဲ့လေပြီ။</p> <p>ဝန်ခံရမည်ဆိုလျှင်... </p> <p>၎င်းမှာ ဤအစီအစဉ်၏ အဓိပ္ပာယ်ပင် ဖြစ်၏။</p> <p>၃ မိနစ်၊ ၅ မိနစ်လေး အတွင်းမှာတင် အကောင့်သစ် တစ်ခုက Follower သိန်းဂဏန်းလောက် ရသွားတယ်လေ...။ </p> <p>ဒါ ဘာအဓိပ္ပာယ်လဲ...။</p> <p>တကယ်လို့ သူသာ ဒီ Follower တွေကို ဆက်ထိန်းထားနိုင်ရင်... သူ နာမည်ကြီးသွားပြီ ဆိုတဲ့ သဘောပဲ...။</p> <p>ဒါကြောင့် သူ ရွှေတွင်းတူးမိသွားပြီလို့ ပြောလို့ရတယ်...။</p> <p>ယခုမှ မည်သည်တို့ ဖြစ်ပျက်နေသည်ကို Streamer သဘောပေါက်သွားပြီးနောက် အံ့ဩသွားလေသည်။</p> <p>စက္ကန့်သုံးဆယ်တိတိ ကြာပြီးနောက်မှ သူ သဘောပေါက်သွားပုံ ရ၏။</p> <p>ထို့နောက် သူ အတည်ပြုရန် ထပ်မံ ပြောလိုက်လေသည်။ </p> <p>" တဆိတ်လောက်... ကျွန်တော် အခု... Live ကနေတစ်ဆင့် အပြန်အလှန် စကားပြောနေရတာလားဗျ... " </p> <p>ရှောင်ဝမ် အနည်းငယ် မှင်သက်သွားလေသည်။ ဤကဲ့သို့သော အခြေအနေမျိုးကို သူမ အရင်က မကြုံဖူးခဲ့ပေ။ ထို့ပြင် သူမက ပရော်ဖက်ရှင်နယ် အစီအစဉ် တင်ဆက်သူ တစ်ဦးလည်း မဟုတ်ပါ။</p> <p>ဤအစီအစဉ်ကို တင်ဆက်ရန် သူမကို ရွေးချယ်ခဲ့ခြင်းမှာ တကယ်တမ်းတွင် ဝမ်ရှန်းချန်၏ အကြံအစည် ဖြစ်၏။</p> <p>သူက ရှောင်ဝမ်ကို ပလက်ဖောင်း၏ အင်တာနက် ဆယ်လီ တစ်ယောက် ဖြစ်လာစေချင်ပေသည်။</p> <p>၎င်းက သူတို့အတွက်လည်း အကျိုးကျေးဇူး အချို့ ရှိလာနိုင်လေသည်။</p> <p>နောက်ပိုင်းတွင် ပလက်ဖောင်းက သူမအတွက် ကိုယ်ပိုင် သီးသန့် Live တစ်ခုတောင် ဖန်တီးပေးလာနိုင်သေးသည် မဟုတ်ပါလား။</p> <p>ဘာပဲဖြစ်ဖြစ်...</p> <p>အခကြေးငွေယူပြီး ကြော်ငြာရတာက တကယ်ကို တွက်ခြေကိုက်တာပဲလေ...။</p> <p>ပလက်ဖောင်းက ရတဲ့ ဝေစုလေး နည်းနည်းနဲ့ သူတို့ မရောင့်ရဲနိုင်တော့ဘူး...။</p> <p>အားလုံး ခဏတာ တိတ်ဆိတ်သွားလေသည်။</p> <p>မည်သူကမျှ ပြန်မပြောကြပေ။</p> <p>လူငယ်လေးက အနည်းငယ် ပြာယာခတ်လာ၏။</p> <p>" ဟယ်လို... လူရှိလားဗျ... ဟယ်လို... ကျွန်တော် Live ကနေ အပြန်အလှန် စကားပြောနေရတာလားဗျ... " </p> <p>တကယ်တမ်းတွင် ပရိသတ် အများအပြားက Live ၏ comment များမှတစ်ဆင့် သူ အပြန်အလှန် စကားပြောနေရကြောင်းကို ပြောပြနေခဲ့ကြပြီ ဖြစ်၏။</p> <p>ဒါပေမဲ့ ဒီကောင်လေးက နည်းနည်းတော့ ဒူတဲ့ပုံပဲ...။ သူ တစ်ခုခု မှားပိတ်ထားတာလား…။</p> <p>ဒါကြောင့် သူ ဘာမှ မမြင်ရတာပေါ့...။</p> <p>အချိန်များ တစ်စက္ကန့်ပြီး တစ်စက္ကန့် ကုန်ဆုံးသွားသည်နှင့်အမျှ ဤအစီအစဉ်၏ ကြီးကျယ်ခမ်းနားသော ဖွင့်ပွဲကြီးက ကြီးမားသော ဂွကျကျ အဖြစ်အပျက် တစ်ခု အဖြစ် ပြောင်းလဲသွားတော့မည့်အလားပင်။</p> <p>နောက်ကွယ်တွင်တော့ ဝမ်ရှန်းချန် တစ်ယောက် စိုးရိမ်ပူပန်နေလေပြီ။</p> <p>ဒီငပိန်းကောင်ကို ဘန်းပစ်လိုက်ရင် ကောင်းမလား…။</p> <p>ဤအချိန်တွင် ပျားမလေးက သတိဝင်လာပြီး ထိပ်တန်း ကြယ်ပွင့် တစ်ဦး ပီသစွာ တုံ့ပြန်လိုက်လေသည်။</p> <p><br /> " မင်္ဂလာပါ Streamer... တွေ့ရတာ ဝမ်းသာပါတယ်... ကျွန်မက ပျားမလေး ပါ... " </p> <p>သူမ၏ နှုတ်ခမ်းများတွင် အပြုံးတစ်ခု ပြန်လည် ပေါ်လာပြီး ညင်သာစွာ ပြန်ဖြေလိုက်၏။</p> <p>တကယ်လို့ ဒီအချိန်မှာ ဘယ်သူမှ ဝင်မပြောရင်... ပလက်ဖောင်းရဲ့ ပြဿနာ တစ်ခုတည်း ဖြစ်တော့မှာ မဟုတ်ဘူး...။</p> <p>သူမနဲ့ ပတ်သက်တဲ့ ကောလာဟလတွေ၊ အတင်းအဖျင်းတွေက တောမီးလို ပျံ့နှံ့သွားတော့မှာလေ...။ </p> <p>ဒါကြောင့်မို့... သူမ သိပ်သဘောမကျရင်တောင်မှ... သဘောထား တစ်ခုတော့ ပြရမယ်လေ...။</p> <p>ပျားမလေး၏ အသံကို ကြားသောအခါ လူငယ်လေး၏ မျက်လုံးများထဲတွင် အံ့အားသင့်မှုများ ပြည့်နှက်သွားတော့၏။</p> <p>ထို့နောက် အံ့အားသင့်မှုများက စိတ်လှုပ်ရှားမှုနှင့် ပျော်ရွှင်မှု အဖြစ် ပြောင်းလဲသွားလေသည်။</p> <p>" တကယ်ကြီး ပျားမလေး လား... "</p> <p>တစ်ဖက်မှ ပျားမလေး မှာ ပြုံးလျက် ခေါင်းညိတ်ရုံသာ တတ်နိုင်တော့၏။ </p> <p>" ကျွန်တော် Live ဖွင့်လိုက်တာနဲ့ တန်းချိတ်မိသွားတာလား... ကျွန်တော် ဒီလောက်တောင် ကံကောင်းနေတာလား... " </p> <p>" ရေစက် ပါလာလို့များလား... " </p> <p>" ရေစက် ပါလာလို့များလား " ဟူသော စကားကို ကြားသောအခါ ပျားမလေး၏ နှုတ်ခမ်းများ တွန့်ကွေးသွားသော်လည်း သူမ ထိန်းချုပ်လိုက်လေသည်။</p> <p>သူမ ဘာစကားမျှ မဆိုဘဲ ဆက်၍သာ ပြုံးနေလိုက်၏။</p> <p>" ဟားဟား... ဟားဟား... ကျွန်တော် ပျားမလေး နဲ့ တကယ်ကြီး အပြန်အလှန် စကားပြောခွင့် ရခဲ့တာပဲ... ကျွန်တော် ပျားမလေး နဲ့ တကယ် စကားပြောခဲ့ရတာ... ဒါ မယုံနိုင်စရာပဲ... အရာအားလုံးကို မှတ်တမ်းတင်ထားမှ... "</p> <p>" ဟုတ်တယ်... ဟုတ်တယ်... မှတ်တမ်းတင်ထားမှ... " </p> <p>သူက ပြောရင်း မတ်တပ်ရပ်ကာ ပတ်ဝန်းကျင်ကို လိုက်ရှာနေလေသည်။ </p> <p>" ငါ့ဖုန်း ဘယ်မှာလဲ... ငါ့ဖုန်း ဘယ်နားထားလိုက်ပါလိမ့်... ဒါကို မှတ်တမ်းတင်ထားမှ ဖြစ်မယ်... "</p> <p>သူ၏ အခြေအနေကို ကြည့်ရင်း Live ထဲရှိ ပျားမလေး အတော်လေး ရှက်သွားလေသည်။</p> <p>ဤအချိန်တွင် ရှောင်ဝမ် လည်း အခြေအနေကို သဘောပေါက်သွားလေပြီ။ ဘာပဲဖြစ်ဖြစ်... သူမ၏ နားကြပ်ထဲမှတစ်ဆင့် ဝမ်ရှန်းချန် စတင် အော်ဟစ်နေပြီ မဟုတ်ပါလား။</p> <p>အကယ်၍ ရှောင်ဝမ် ယခု ဝင်မပါလျှင် တကယ့်ကို ကမောက်ကမ ဖြစ်သွားနိုင်လေသည်။</p> <p>သူမ အသက်ပြင်းပြင်း တစ်ချက် ရှူသွင်းလိုက်ပြီး ဝင်ပါရန် ဆုံးဖြတ်လိုက်၏။</p> <p>ဘာပဲဖြစ်ဖြစ်... ဒီအဆင့်ရောက်မှတော့ ဒီ ' တက်ကြွတဲ့ကြက်ဖ' ကို ဒီတိုင်း ဖြတ်ချလိုက်လို့ မရဘူးလေ...။ </p> <p>ဒါပေမဲ့...</p> <p>သူမ စတင် လှုပ်ရှားရန် ပြင်လိုက်ချိန်မှာပင် တက်ကြွတဲ့ကြက်ဖ၏ Live က စတင် အသက်ဝင်လာလေသည်။</p> <p>" တွေ့ပြီ... တွေ့ပြီ... ဒီမှာ ငါ့ဖုန်း... "</p> <p>" ငါ မှတ်တမ်းတင်ချင်လို့... ဒီဗီဒီယိုကို မရရအောင် ရိုက်ကူးထားရမယ်... "</p> <p>" ဟင်... ကင်မရာကို သုံးနေတယ် ဟုတ်လား... ဘာလို့ သုံးနေတာလဲ... "</p> <p>" အို... ငါ Live လွှင့်နေတာပဲ... "</p> <p>" ပိတ်လိုက်... ပိတ်လိုက်... ပျားမလေး နဲ့ ငါ့ရဲ့ အပြန်အလှန် စကားပြောနေတာကို အရင် မှတ်တမ်းတင်ထားရမယ်... " </p> <p>၎င်းမှာ ထိုလူငယ်၏ နောက်ဆုံး စကားပင် ဖြစ်လေသည်။</p> <p>ထို့နောက် သူ၏ Live မှာ အမည်းရောင် ပြောင်းသွားတော့၏။</p> <p>ပျားမလေးနှင့် အပြန်အလှန် ချိတ်ဆက်နေမှုကလည်း ပြတ်တောက်သွားလေပြီ...။</p> <p>အစီအစဉ်ကို ကြိုတင် ပြင်ဆင်ထားပြီး ဖြစ်သော ရှောင်ဝမ်မှာ သူမ၏ စကားများကို ပြန်မျိုချလိုက်ရလေသည်။</p> <p>သူမက အမည်းရောင် ပြောင်းသွားသော Live စခရင်ကို ဇဝေဇဝါဖြင့် ကြည့်နေမိ၏။</p> <p>ပျားမလေး ကလည်း ဇဝေဇဝါ ဖြစ်နေလေသည်။</p> <p>ဒါက...</p> <p>တက်ကြွတဲ့ကြက်ဖ ဆိုတဲ့ လူငယ်...။</p> <p>ဖြစ်နိုင်တာက... သူ တကယ်ပဲ စိတ်ဓာတ်တွေ တအား တက်ကြွလွန်းနေလို့လား...။</p> <p>သူ့မှာ တစ်ခုခုများ ချို့ယွင်းချက် ရှိနေလို့လား...။</p> <p> </p>


Save