Book List

<h2 style="text-align: center;">အခန်း ၂၉၁</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>သေမင်းလောက်ကောင်က နှာခေါင်းတစ်ချက် ရှုံ့လိုက်ရင်း “ပြိုင်ဘက်တစ်ယောက်ကို ငါတို့ ဘာလို့ သတ်လို့မရရမှာလဲ။ သူက သစ်သားအနှစ်ကို လိုချင်နေတာဆိုတော့ သေချာပေါက် ပြန်လာဦးမှာပဲ။ ဒီနယ်မြေမှာ ထူးဆန်းတဲ့ သစ်ပင်ဘုရင်သုံးပင်ပဲ ရှိတာ။ တခြားသစ်ပင်ဘုရင်တစ်ပင်ကတော့ နတ်ဘုရားဖြစ်ခြင်း အခမ်းအနားကို အောင်မြင်စွာ အဆုံးသတ်ပြီး သစ်သားအနှစ်ကို ဝါးမြိုသွားပြီ။ ဒါကြောင့် သူခိုးက မင်းရဲ့ သစ်သားအနှစ်ကိုပဲ လာခိုးလို့ ရတော့မယ်”</p> <p>“မင်းနဲ့ငါ ပူးပေါင်းပြီး... သူ့ကို ဝိုင်းညှပ်သတ်ကြတာပေါ့”</p> <p>သစ်ပင်မိစ္ဆာသည် အားရပါးရ ရယ်မောလိုက်ပြီး “ကောင်းပြီ ကောင်းပြီ အကြံကောင်းပဲ”</p> <p>သူတို့နှစ်ဦးသည် မည်သည့်အရာကိုမျှ ထည့်တွက်မနေဘဲ တိုးတိုးတိတ်တိတ် ပူးပေါင်းကြံစည်နေကြသည်။ အဘယ်ကြောင့်ဆိုသော် သူတို့မှာ နတ်ဘုရားအဆင့်သတ္တဝါများဖြစ်ကြသဖြင့် ပတ်ဝန်းကျင်ကို ကောင်းစွာ အာရုံခံနိုင်သောကြောင့်ပင်။</p> <p>တစ်စုံတစ်ယောက်ကသာ ချောင်းမြောင်းနားထောင်နေပါက သူတို့ ချက်ချင်း သိရှိသွားပေလိမ့်မည်။</p> <p>မည်သူကမျှ နတ်ဘုရားအဆင့်သတ္တဝါနှစ်ကောင်၏ စကားကို ချောင်းနားထောင်ရဲလောက်အောင် သတ္တိမရှိပေ။</p> <p>အခြားသော နတ်ဘုရားအဆင့် ဝိညာဉ်သလင်းကျောက်သားရဲတစ်ကောင်ဖြစ်လျှင်မူ တစ်မျိုးပေ။</p> <p>...</p> <p>လက်တွေ့တွင်မူ သေမင်းလောက်ကောင်နှင့် သစ်ပင်မိစ္ဆာတို့၏ ရဲတင်းမှုမှာ မှားယွင်းခြင်း မရှိပေ။</p> <p>ရွှီရန်မှာမူ အဝေးသို့ ထွက်ပြေးတိမ်းရှောင်သွားခဲ့ပြီ ဖြစ်သည်။</p> <p>“တောက်... ဘာလို့ နတ်ဘုရားအဆင့်သတ္တဝါတစ်ကောင်က ရုတ်တရက်ကြီး ပေါ်လာတာလဲ ဒါက ကပ်ဘေးအဆင့် ညစ်ညမ်းဇုန်ရဲ့ အစပ်နားလေးပဲ ရှိသေးတာကိုတောင် ကျောချမ်းစရာ ကောင်းလိုက်တာ”</p> <p>ရွှီရန်သည် ညစ်ညမ်းနေသော လေထုကို ဝဝလင်လင် ရှူထုတ်လိုက်မိသည်။</p> <p>ခုနက အခြေအနေမှာ အမှန်တကယ်ပင် အသက်ဘေးနှင့် နီးကပ်ခဲ့ခြင်းပင်။</p> <p>တကယ်တမ်းတွင် ထိုသို့သော အရှိန်နှုန်းဖြင့် နောက်သို့ပင် လှည့်မကြည့်ဘဲ ထွက်ပြေးခဲ့ခြင်းမှာ မှန်ကန်သည်။ တစ်စက္ကန့်မျှ နောက်ကျသွားရုံနှင့် ပိတ်မိသွားနိုင်သလို ပြင်းထန်စွာ ဒဏ်ရာရရှိခြင်း သို့မဟုတ် သေဆုံးခြင်းနှင့်ပင် ရင်ဆိုင်ရနိုင်သောကြောင့်ပင်။ ထိုသို့ဖြစ်လာပါက သွေးဆာနေသော မသေနိုင်သည့်အရိုး၏ စွမ်းပကားကို အတင်းအကျပ် အသုံးပြုရမည်ဖြစ်ပြီး ထိုအတတ်ဖြင့် အချိန်အကြာကြီး တိုက်ခိုက်နေပါက အနီးအနားရှိ အခြားသော နတ်ဘုရားအဆင့် သတ္တဝါများ၏ စူးစမ်းချောင်းမြောင်းမှုကိုပါ ဆွဲဆောင်မိသွားနိုင်သည်။</p> <p>၎င်းမှာ အလွန်ပင် အန္တရာယ်များလှ၏။</p> <p>သူ၏ ဘေးကင်းလုံခြုံမှုကို ထိန်းချုပ်၍မရသော အခြေအနေမျိုးထဲသို့ ပစ်ထည့်လိုက်ခြင်းမျိုးကိုမူ ရွှီရန်အနေဖြင့် အဖြစ်မခံနိုင်ပေ။</p> <p>အကယ်၍ ထိုအခြေအနေကို မြန်မြန်ဆန်ဆန် ဖြေရှင်းလိုပါက သူ၏ နောက်ဆုံးလက်နက်</p> <p>ဖြစ်သော ချက်ချင်းဖျက်ဆီးခြင်းကို ထုတ်သုံးရပေလိမ့်မည်။</p> <p>ကံကောင်းထောက်မစွာဖြင့် သူ၏ တုံ့ပြန်မှုမှာ လျင်မြန်ခဲ့၍သာ သူ လွတ်မြောက်ခဲ့ခြင်းပင်။</p> <p>“တကယ်ကို အသက်နဲ့အမျှပဲ အဲဒီ နတ်ဘုရားအဆင့် မိစ္ဆာကြီးရဲ့ သွေးစွမ်းအင်က သန်း ၃၀ လောက်တောင် ရှိနိုင်တယ်။ ဒါက ဘယ်လိုမျိုး နတ်ဘုရားအဆင့်လဲ”</p> <p>ရွှီရန်မှာ မောဟိုက်စွာဖြင့် အသက်ကို တရစပ် ရှူနေရသည်။</p> <p>“ဒါက ကပ်ဘေးအဆင့် ညစ်ညမ်းဇုန်ရဲ့ အစွမ်းပဲလား။ တကယ့် ကပ်ဘေးအဆင့် ညစ်ညမ်းဇုန်ရဲ့ အလယ်ဗဟိုကိုတောင် မရောက်သေးဘူး။ ဒီလောက် အန္တရာယ်ကြီးတာကို... အထဲကိုသာ တကယ်ဝင်သွားရင် ပိုပြီး ကြောက်စရာကောင်းမှာ သေချာတယ်”</p> <p>“ဒါကြောင့်လည်း အဖွဲ့ဝင် ခုနစ်ယောက်နဲ့ အသင်းဖွဲ့ပြီးမှ ဝင်ကြတာကိုး”</p> <p>ကပ်ဘေးအဆင့် ညစ်ညမ်းဇုန်အတွင်းသို့ ဝင်ရောက်ကြသော နတ်ဘုရားသတ်တပ်ဖွဲ့များသည် ပုံမှန်အားဖြင့် သွေးစွမ်းအင် ၈ သန်းအထက် ရှိကြသူများဖြစ်ပြီး ခုခံကာကွယ်မှု အကာအကွယ်များနှင့် စွမ်းအားမြှင့်တင်မှုများအပြင် ခုနစ်ယောက်တစ်တွဲ ပူးပေါင်းတိုက်ခိုက်မှသာ သွေးစွမ်းအင် သန်းနှင့်ချီရှိသော နတ်ဘုရားအဆင့် မိစ္ဆာများကြားတွင် ရှင်သန်နိုင်ကြခြင်းပင်။</p> <p>သို့သော်လည်း သွေးစွမ်းအင် သန်း ၃၀ ရှိသော နတ်ဘုရားအဆင့် မိစ္ဆာမျိုးမှာ အလွန်ပင် ရှားပါးလိမ့်မည်ဟု ရွှီရန် ခန့်မှန်းမိသည်။ သူ့အနေဖြင့်မူ တကယ့်ကို ကံဆိုးသွားခြင်းပင်။</p> <p>နတ်ဘုရားအဆင့် မိစ္ဆာအများစု၏ သွေးစွမ်းအင်တန်ဖိုးမှာ သန်းနှစ်ဆယ်အောက်တွင်သာ ရှိတတ်ကြသည်။ အကယ်၍ နတ်ဘုရားသတ်တပ်ဖွဲ့ကို ဝိုင်းဝန်းညှပ်ပိတ် တိုက်ခိုက်ခြင်းမျိုး မဟုတ်ပါက ထိုတပ်ဖွဲ့များသည် လွတ်မြောက်အောင် ထွက်ပြေးနိုင်စွမ်း ရှိကြသည်။ တကယ်တော့ ရွှီရန်၏ ခန့်မှန်းချက်မှာ မှန်ကန်နေသည်။ သူ ယခုပင် တိုးမိခဲ့သည်မှာ ဤနယ်မြေတစ်ခုလုံးတွင်ရှိသော တစ်ကောင်တည်းသော အဆင့်မြင့်နတ်ဘုရား ဖြစ်ပြီး အဆင့်နိမ့်နတ်ဘုရားများထက် အဆပေါင်းများစွာ ပိုမိုအစွမ်းထက်သူ ဖြစ်သည်။</p> <p>သူ ဖန်တီးခဲ့သော ဆူပူလှုပ်ရှားမှုများမှာလည်း မသေးလှပေ။ ထူးဆန်းသော ဧရာမသစ်ပင်ကြီး တစ်သောင်းခန့်နှင့် အဆိုပါ အဖိုးတန်အရင်းအမြစ်များအားလုံး ခြောက်သွေ့ပျက်စီးသွားခြင်းကို အဆင့်မြင့်နတ်ဘုရားတစ်ပါးအနေဖြင့် ငြိမ်ခံနေမည် မဟုတ်ပေ။</p> <p>“အဲဒီဧရိယာက နတ်ဘုရားအဆင့် မိစ္ဆာရဲ့ နယ်မြေဖြစ်ရမယ်”</p> <p>ညစ်ညမ်းဧရိယာအတွင်းရှိ သတ္တဝါများသည် နယ်မြေပိုင်းခြား သတ်မှတ်ထားတတ်ကြပြီး အထူးသဖြင့် နတ်ဘုရားအဆင့် သတ္တဝါများ၏ နယ်မြေစိုးမိုးလိုစိတ်မှာ ပိုမိုပြင်းထန်တတ်သည်ကို ရွှီရန် သိရှိထားသည်။</p> <p>“ဒါပေမဲ့ သွေးစွမ်းအင် သန်းသုံးဆယ်ရှိတဲ့ နတ်ဘုရားအဆင့် သတ္တဝါတစ်ကောင်က ကပ်ဘေးအဆင့် ညစ်ညမ်းဇုန်ထဲမှာ မနေဘဲ ဘာလို့ ပထမအဆင့် ညစ်ညမ်းဧရိယာထဲကို ရောက်လာတာလဲ။ သူက တခြားသူတွေနဲ့ မပြိုင်ချင်တာလား ဒါမှမဟုတ် ပြိုင်ပွဲမှာ ရှုံးနိမ့်ခဲ့တာလား”</p> <p>“တကယ်လို့သာ သူက အစွမ်းအစ အပြည့်ရှိတဲ့ သန်းသုံးဆယ်တန် နတ်ဘုရားအဆင့် ဝိညာဉ်သလင်းသားရဲ သာ ဖြစ်နေမယ်ဆိုရင် ငါ လွတ်အောင် ပြေးနိုင်ဖို့ မလွယ်ဘူး”</p> <p>“ဒါပေမဲ့ ငါ သူ့ကို ရှောင်တိမ်းနိုင်ခဲ့တယ်ဆိုတော့... ဖြစ်နိုင်တာက သူ အိုမင်းနေတာ ဒါမှမဟုတ် ဒဏ်ရာရထားလို့ ပထမအဆင့် ညစ်ညမ်းဧရိယာထဲကို ဆုတ်ခွာလာပြီး ပြန်လည်နာလန်ထူဖို့ ကြံစည်နေတာပဲ ဖြစ်ရမယ်”</p> <p>“အဲဒီလို အိုမင်းနေတဲ့ ခွေးအိုကြီး ဒါမှမဟုတ် ဒဏ်ရာရစစ်သည်တစ်ယောက်ကို ငါ သတ်နိုင်ပါ့မလား”</p> <p>ရွှီရန်သည် အလေးအနက် စဉ်းစားနေမိသည်။</p> <p>သူသည် ထူးဆန်းသော ဧရာမသစ်ပင်ကြီး၏ သစ်သားအနှစ်ကို လိုချင်နေသောကြောင့်ပင်။</p> <p>ထိုသစ်သားအနှစ်၏ ရှားပါးမှုကြောင့် အဆင့်မြင့်နတ်ဘုရားတစ်ပါးကိုယ်တိုင် စောင့်ကြပ်</p> <p>နေသည်ဆိုပါက ၎င်းက အလွန်ပင် တန်ဖိုးရှိလှပေလိမ့်မည်။</p> <p>ဖြစ်နိုင်သည်မှာ ဤနေရာတစ်ခုတည်း၌သာ ရှိနေခြင်းပင်။</p> <p>အကယ်၍ ထိုအဆင့်မြင့်နတ်ဘုရားကို မဖယ်ရှားနိုင်ပါက သူသည် သစ်ခုတ်သမားအလုပ်ကို ဆက်လက်လုပ်ကိုင်နိုင်တော့မည် မဟုတ်ပေ။</p> <p>ရွှီရန် အတွေးနက်နေမိသည်။</p> <p>နောက်ဆုံးတွင်မူ... သေချာစွာ စဉ်းစားပြီးနောက် သူသည် ခေါင်းကို ခါယမ်းလိုက်သည်။</p> <p>“ဒါက ကပ်ဘေးအဆင့် ညစ်ညမ်းဇုန်ရဲ့ အစပ်ကို ရောက်နေပြီ။ ငါ အန္တရာယ် အဖြစ်မခံနိုင်ဘူး။ သွေးဆာနေသော မသေနိုင်သည့်အရိုးကို အသုံးပြုရင် သူ့ကို သတ်နိုင်ကောင်း သတ်နိုင်လိမ့်</p> <p>မယ်။ ဒါပေမဲ့ အဲဒါက ထိပ်တိုက်ရင်ဆိုင်ရမယ့် အသေအလဲတိုက်ပွဲ ဖြစ်သွားလိမ့်မယ်။ အဲဒီလို ပြင်းထန်တဲ့ တိုက်ပွဲအရှိန်အဟုန်က ပိုပြီး အစွမ်းထက်တဲ့ သတ္တဝါတွေကို ဆွဲဆောင်မိသွားနိုင်</p> <p>တယ်။ တကယ်လို့များ အမြင့်ဆုံးနတ်ဘုရားအချို့သာ ဝိုင်းညှပ်ပြီး တိုက်ခိုက်လာမယ်ဆိုရင် ငါ သေမှာ သေချာတယ်”</p> <p>ကိုယ်ယောင်ဖျောက်ခြင်းအတတ်နှင့် တံဆိပ်အဆင့်တက်ခြင်းတို့မှာသာ သူ၏ အစိတ်ချရဆုံးသော မဟာဗျူဟာများပင်။ မည်သို့ပင်ဆိုစေ သူ၏ သွေးစွမ်းအင်မှာ ၁.၀၈ သန်းနှင့် ဝိညာဉ်</p> <p>အင်အား ၃ သိန်းခန့်သာ ရှိသေးသည်။</p> <p>“ဟင်”</p> <p>ရုတ်တရက် စိတ်ဝင်စားစရာကောင်းသော အတွေးတစ်ခုမှာ ရွှီရန်၏ ရင်ထဲ၌ ပေါ်ပေါက်လာခဲ့သည်။</p> <p>သူသည် လှည့်ကွက်တစ်ခုကို စဉ်းစားမိသွားခြင်းပင်။</p> <p>သူသည် အဆင့်မြင့်နတ်ဘုရား၏ မျက်စိအောက်မှာတင် အေးအေးလူလူ သစ်ခုတ်သမားတစ်ယောက်အဖြစ် ဆက်လက်ရှိနေနိုင်မည့် နည်းလမ်းပင်။</p> <p>ထိုအစီအစဉ်ကို တွေးမိသည်နှင့် ရွှီရန်သည် အားရပါးရ မရယ်ဘဲ မနေနိုင်တော့ချေ။</p> <p>“ကောင်းပြီ ကောင်းပြီ ကောင်းပြီ ဘာမှ အနှောင့်အယှက် မရှိဘူးဆိုရင်တော့ ဒီထူးဆန်းတဲ့ ဧရာမသစ်ပင်ကြီးတစ်သောင်းလုံးက ငါ့အပိုင်ပဲ”</p> <p>ရွှီရန်၏ မျက်ဝန်းများမှာ အရောင်တောက်နေခဲ့သည်။ သူသည် ဤနည်းလမ်းကို ပိုမိုပြည့်စုံအောင် ပြုလုပ်ပြီးနောက် လက်တွေ့အကောင်အထည်ဖော်ရန် ဆုံးဖြတ်လိုက်တော့သည်။</p> <p>***</p> <p> </p>


Save