Book List

<h2 style="text-align: center;">အခန်း ၂၉၉</h2> <h2 style="text-align: center;">*</h2> <p> </p> <p> </p> <p> </p> <p> </p> <p>၎င်းသည် ကောင်းကင်ယံအထက်မှ မြို့တော်ဆီသို့ ဆင်းသက်လာပြီး ယဇ်ပလ္လင်ရှိရာသို့ တိုက်ရိုက်ဦးတည်သွားခဲ့သည်။ ယဇ်ပလ္လင်ထံမှ ထူးဆန်းသော အလင်းလုံးပေါင်း ဒါဇင်နှင့်ချီ၍ ထွက်ပေါ်လာပြီး ၎င်း၏ခန္ဓာကိုယ်အတွင်းသို့ ပေါင်းစပ်သွားရာ ထိုကင်းမြီးကောက်ကြီး၏ သွေးစွမ်းအင်မှာ ၂၀၀,၀၀၀ အထိ ရုတ်တရက် ထိုးတက်သွားခဲ့သည်။</p> <p>ကြည့်ရသည်မှာ နည်းပါးသည်ဟု ထင်ရသော်လည်း လက်တွေ့တွင်မူ အလွန်ပင် ကြောက်မက်ဖွယ်ကောင်းလှသည်။</p> <p>၎င်းတို့သည် သွေးစွမ်းအင်၊ စိတ်ဝိညာဉ်နှင့် ညစ်ညမ်းမှုတို့၏ အသန့်စင်ဆုံးသော ပုံသဏ္ဌာန်များဖြစ်ပြီး တစ်စုံတစ်ရာသော ကံကြမ္မာများကိုပင် သယ်ဆောင်ထားကြသည်။</p> <p>၎င်း၏ ဝမ်းဗိုက်အတွင်းသို့ ရောက်ရှိသွားချိန်တွင် အနည်းငယ် နောက်ကျိနေနိုင်သော်လည်း အချိန်အတိုင်းအတာတစ်ခုပေးပါက အလွယ်တကူပင် အစာချေဖျက်နိုင်မည် ဖြစ်သည်။</p> <p>တစ်ကြိမ်တည်း ဝါးမြိုလိုက်ရုံနဲ့ သွေးစွမ်းအင် ၂၀၀,၀၀၀ တောင် ရတာလား။ ကျင့်ကြံခြင်းက တကယ်ပဲ ဒီလောက်အထိ လွယ်ကူနေတာလား။</p> <p>ရွှီရန်မှာ အံ့အားသင့်စွာဖြင့် တောက်ခေါက်လိုက်မိသည်။</p> <p>“နတ်ဘုရားတွေက သူတို့ရဲ့ ခန္ဓာကိုယ်တွေ ပျက်စီးသွားပြီးရင်တောင် နှစ်ပေါင်း ၅၀ အတွင်းမှာ ဘာကြောင့် ပြန်လည်ရှင်သန်နိုင်သလဲဆိုတာ အံ့သြစရာမရှိတော့ပါဘူး။ နတ်ဘုရားတိုင်းမှာ ကိုယ်ပိုင်မြို့တော်တွေ ရှိနေကြတာကိုး... တစ်မြို့ထက်တောင် ပိုကောင်း ပိုနိုင်ဦးမယ်... မြို့တော်ရဲ့ ယဇ်ပူဇော်မှုတွေကနေ ရလာတဲ့ သန့်စင်ပြီးသား သွေးအာဟာရတွေကို အမှီပြုပြီး သူတို့က အလျင်အမြန် ပြန်လည်နာလန်ထူနိုင်ကြတာပဲ”</p> <p>ရွှီရန်၏ အကြည့်များမှာ စူးရှသွားခဲ့သည်။</p> <p>သူသည် ယဇ်ပူဇော်ခြင်းဆိုင်ရာ အတတ်ပညာကို သင်ယူခဲ့ပြီးပြီဖြစ်သော်လည်း အိမ်ပြန်</p> <p>ရောက်သည့်အခါတွင်မူ ပြုပြင်မွမ်းမံမှုအချို့ ပြုလုပ်ရန် လိုအပ်ပေလိမ့်မည်။</p> <p>သို့သော်လည်း ပြုပြင်မွမ်းမံထားသော ယဇ်ပလ္လင်မှာ မင်္ဂလာမရှိသော အငွေ့အသက်များဖြင့်သာ ပြည့်နှက်နေပေလိမ့်မည်။</p> <p>ဤအရာမှာ သာမန်လူတစ်ယောက် အသုံးပြုနိုင်သည့်အရာ မဟုတ်ပေ။</p> <p>ရွှီရန်က အနည်းငယ် မျက်မှောင်ကြုတ်လိုက်မိ၏။</p> <p>“ဘာပဲဖြစ်ဖြစ်... စမ်းကြည့်ရတာပေါ့။ အိမ်မွေးတိရစ္ဆာန်တွေကို အစာကျွေးဖို့အတွက်တော့ မဆိုးပါဘူး”</p> <p>သူသည် ထိုအရာအတွက် အသုံးဝင်မည့် နည်းလမ်းတစ်ခုကို တွေးတောမိသွားသည်။</p> <p>အချိန်များမှာ ကုန်ဆုံးသွားခဲ့သည်။</p> <p>မျက်တောင်တစ်ခတ်အတွင်းမှာပင် ၁၉ ရက်တာ အချိန်ကာလမှာ ကုန်လွန်သွားခဲ့သည်။</p> <p>[ဉာဏ်အလင်းပွင့်မှု ကျွမ်းကျင်သူအဆင့်သို့ ရောက်ရှိသွားသည်]</p> <p>အဆောင်တံဆိပ်တစ်ခုကို ထွင်းထုနေရင်း ရွှီရန်၏ နှုတ်ခမ်းအစုံမှာ ရူးသွပ်သော အပြုံးတစ်ခုအဖြစ် ကွေးညွတ်သွားပြီး တိုးညင်းသော ရယ်မောသံကိုပင် မထိန်းချုပ်နိုင်တော့ပေ။</p> <p>နောက်ဆုံးတော့... မင်းကို ငါ စောင့်ခဲ့ရတာ အောင်မြင်ပြီ။</p> <p>စကားတစ်ခွန်းမျှပင် မဆိုတော့ဘဲ သူနေထိုင်ရာ ဂူအတွင်းမှ ထွက်ခွာခဲ့ပြီး ချေဖျက်ခြင်း ယဇ်ပလ္လင်ဆီသို့ အပြေးအလွှား သွားရောက်ခဲ့သည်။</p> <p>ဉာဏ်အလင်းပွင့်မှု ကျွမ်းကျင်သူ အဆင့်ရှိသော တွေးခေါ်မြော်မြင်မှုနှင့် ထိုးထွင်းသိမြင်မှု အရှိန်အဟုန်မှာ ယခင်က အဆင့်မြင့် ထိုးထွင်းသိမြင်မှုနှင့်မူ နှိုင်းယှဉ်၍ပင် မရနိုင်တော့ပေ။</p> <p>အကယ်၍ အဆင့်မြင့် ထိုးထွင်းသိမြင်မှုက သာမန် ထူးချွန်ကျောင်းသားတစ်ယောက်နှင့် တူညီသည်ဆိုပါက ဉာဏ်အလင်းပွင့်မှု ကျွမ်းကျင်သူမှာမူ တက္ကသိုလ်တစ်ခု၏ အထူးတန်းမှ ထိပ်တန်း ပါရမီရှင်တစ်ဦးနှင့် တူညီလှသည်။</p> <p>ထူးချွန်ကျောင်းသားတစ်ယောက် အမှတ်ပြည့်ရခြင်းမှာ သူ၏ အရည်အချင်းက ထိုအမှတ်</p> <p>ပြည့်အထိသာ ရှိသောကြောင့်ပင်။</p> <p>ပါရမီရှင်တစ်ယောက် အမှတ်ပြည့်ရခြင်းမှာမူ ထိုစာမေးပွဲတွင် ပေးစရာ အမှတ်ပြည့်မှာ ထိုမျှသာ ရှိသောကြောင့်ပင်။</p> <p>ဤစွမ်းရည်၏ မြှင့်တင်မှုအောက်တွင် ရွှီရန်၏ ထိုးထွင်းသိမြင်နိုင်စွမ်းမှာ တဟုန်ထိုး မြင့်တက်လာခဲ့သည်။ ရှုပ်ထွေးလှသော ကိစ္စရပ်များကို ဖုံးလွှမ်းထားသည့် အနက်ရောင် ချည်မျှင်တန်းများကို အကြမ်းပတမ်း ဆွဲဖြဲပစ်လိုက်သကဲ့သို့ အတွင်းပိုင်းရှိ အနှစ်သာရများမှာ ပေါ်လွင်ထင်ရှားလာခဲ့သည်။</p> <p>ယဇ်ပလ္လင်ရှိ ကျောက်တိုင်များမှာ အလွန်ပင် အဆင့်မြင့်ပြီး ရှုပ်ထွေးလှသော်လည်း ရွှီရန်သည် ကျောက်တိုင်တစ်တိုင်ပေါ်ရှိ အကြောင်းအရာများကို နားလည်ရန် တစ်ရက်သာ အချိန်ပေးလိုက်ရသည်။ ထိုအခါမှပင် ဤယဇ်ပလ္လင်မှာ နတ်ဘုရားတစ်ပါးပါးက ဖန်တီးထားခြင်း မဟုတ်ဘဲ ဤလောကကမ္ဘာကြီးက ကိုယ်တိုင် မွေးဖွားသန့်စင်ပေးထားခြင်း ဖြစ်ကြောင်း သူ သိရှိသွားခဲ့ရသည်။</p> <p>ဤလျှို့ဝှက်ချက်ကို သိလိုက်ရသဖြင့် ရွှီရန်မှာ အတော်ကြာအောင် မှင်သက်သွားခဲ့ရ၏။</p> <p>ဒီကမ္ဘာကြီးက ဘယ်လိုမျိုး သရဲသဘက်ဆန်တဲ့ အရာတွေကို မွေးထုတ်ပေးနေတာလဲ။</p> <p>သာမန်ရတနာတွေ၊ ဝိညာဉ်စွမ်းအင်တွေကို  ညစ်ညမ်းမှုတွေအဖြစ် ပြောင်းလဲပစ်တာလား</p> <p>ဒါဆို ဒါက ညစ်ညမ်းနေတဲ့ ကမ္ဘာကြီးလား။</p> <p>ဒါကြောင့် သလင်းကျောက်သားရဲဂြိုဟ်၊ နာကျည်းမှုသားရဲဂြိုဟ်နဲ့ ဝိညာဉ်ဂြိုဟ်တွေက အရင်</p> <p>ကတည်းက ညစ်ညမ်းနေခဲ့တာလား။</p> <p>အပြာရောင်ဂြိုဟ်ကတော့ ညစ်ညမ်းမှုတွေ စတင်ဝင်ရောက်လာတဲ့ အဆင့်မှာပဲ ရှိသေးတာပေါ့။</p> <p>ဆိုလိုတာက အမြင့်မြတ်ဆုံး နတ်ဘုရားဆိုသူက အပြာရောင်ဂြိုဟ်ကို ညစ်ညမ်းအောင် လုပ်</p> <p>ချင်နေတာပဲ...</p> <p>“အပြာရောင်ဂြိုဟ်ရဲ့ သက်ရှိအဆင့်အတန်းက ဒီလောက်တောင် နိမ့်ပါးနေတာကို ဘာလို့ အဲဒီဂြိုဟ်ကိုမှ ညစ်ညမ်းအောင် လုပ်ဖို့ ဇွဲကြီးနေရတာလဲ”</p> <p>ရွှီရန်အနေဖြင့် ထိုအချက်ကို တွေးတော၍ မရနိုင်တော့ပေ။</p> <p>နောက်ဆုံးတွင်မူ သူသည် ခေါင်းကိုသာ ခါယမ်းလိုက်တော့သည်။</p> <p>“ကံကောင်းတာက ကမ္ဘာကြီးကနေ သန့်စင်ပေးထားတဲ့ ဒီယဇ်ပလ္လင်ဟာ သိပ်ပြီးတော့ မရှုပ်ထွေးနေတာပဲ။ မဟုတ်ရင် ဒါကို နားလည်ဖို့အတွက် နောက်ထပ် အဆင့်မြင့်ကျင့်စဉ်တစ်ခု ထပ်လိုနေဦးမှာ”</p> <p>သူသည် အလွန်ပင် ကျေးဇူးတင်ရှိနေမိသည်။</p> <p>ချေဖျက်ခြင်းနှင့် အသွင်ပြောင်းခြင်း ယဇ်ပလ္လင်ကို နားလည်သဘောပေါက်သွားခြင်းမှာ ဤခရီးစဉ်၏ အကြီးမားဆုံးသော ရလဒ်များထဲမှ တစ်ခုပင် ဖြစ်သည် ဤယဇ်ပလ္လင်မှ ရရှိမည့် အကျိုးကျေးဇူးများမှာ မွန်မြတ်သောရွှေရောင်သွေးအစက်ပေါင်း တစ်ရာကျော်ထက်ပင် မနည်းလှပေ။</p> <p>ရွှီရန်မှာ အင်အားများ ပြည့်ဝနေခဲ့သည်။ သူသည် ဆယ်ရက်တိုင်တိုင် အချိန်ပေးကာ ယဇ်ပလ္လင်၏ အကြောင်းအရာများကို အသေးစိတ် ထိုးထွင်းသိမြင်အောင် ကြိုးပမ်းခဲ့သည်။</p> <p>သူသည် ဉာဏ်အလင်းပွင့်မှု အကြိမ် ၆၀ ကျော်အထိ ရရှိခဲ့ရာ ပျမ်းမျှအားဖြင့် လေးနာရီလျှင် တစ်ကြိမ် ဉာဏ်အလင်းပွင့်ခဲ့ခြင်းပင်။ ထိုသို့ အကြိမ်ပေါင်းများစွာ ဉာဏ်အလင်းပွင့်ပြီးနောက်တွင်မူ ယဇ်ပလ္လင်ရှိ ကျောက်တိုင်များပေါ်မှ အချက်အလက်များမှာ သူ၏ စိတ်ထဲ၌ ရှင်းလင်းပြတ်သားသွားခဲ့သည်။</p> <p>သူသည် အရာအားလုံးကို အပိုင်တွက်နိုင်ခဲ့ပြီး ၎င်းကို ပြောင်းပြန်အသုံးချရန်မှာလည်း ပြဿနာမဟုတ်တော့ပေ။</p> <p>ညစ်ညမ်းမှုများကို သန့်စင်သော ဝိညာဉ်စွမ်းအင်များအဖြစ် ပြောင်းလဲပေးနိုင်သည့် ယဇ်ပလ္လင်ရာပေါင်းများစွာ၊ ထောင်ပေါင်းများစွာ၊ သောင်းပေါင်းများစွာကိုပင် သူကိုယ်တိုင် ဖန်တီးနိုင်စွမ်းရှိသည်ဟု ရွှီရန်က အပြည့်အဝ ယုံကြည်နေခဲ့သည်။</p> <p>“သိပ်ကောင်းတာပဲ။ ရက်ပေါင်း ၂၂၀ ကျော် လေ့ကျင့်ပြီးတဲ့နောက်မှာ ဒုတိယမြောက် ရည်မှန်းချက်ကို ငါ အောင်မြင်အောင် လုပ်ဆောင်နိုင်ခဲ့ပြီ”</p> <p>“အိမ်ပြန်ရောက်လို့ ယဇ်ပလ္လင်တွေကို အလုံအလောက် တည်ဆောက်ပြီးတာနဲ့ ကောင်းကင်ဘုံကွက်လပ်ထဲမှာ ကျန်ရှိနေတဲ့ ညစ်ညမ်းမှုတွေအားလုံးကို ဝိညာဉ်စွမ်းအင်တွေအဖြစ် အကုန်ပြောင်းလဲပစ်မယ်”</p> <p>ထိုအချိန်ကျလျှင် ကပ်ဘေးကြီးမှာ ကံကောင်းခြင်းများအဖြစ်သို့ ကူးပြောင်းသွားပေလိမ့်မည်။</p> <p>အမြင့်မြတ်ဆုံး နတ်ဘုရားဆိုသူ၏ ဆင်းသက်ခြင်း ထုံးတမ်းစဉ်လာမှာလည်း ဒုတိယအကြိမ်မြောက် ဝိညာဉ်စွမ်းအင် ပြန်လည်နိုးထခြင်းသက်သက်သာ ဖြစ်သွားပေတော့မည်။</p> <p>ဤအချက်များကို တွေးတောရင်း ရွှီရန်က ပြုံးလိုက်မိသည်။</p> <p>အပြာရောင်ဂြိုဟ်၏ နှောင့်နှေးကြန့်ကြာမှုများကို ထိုနတ်ဘုရားဆိုသူက ဒီအတိုင်း ထိုင်</p> <p>ကြည့်နေမည်မဟုတ်သော်လည်း သူသာ အပြာရောင်ဂြိုဟ်ပေါ်သို့ ဆင်းသက်လာလိုပါက ယခင်ကထက် ပိုမိုဆိုးရွားလှသော ပေးဆပ်မှုများကို ပြုလုပ်ရပေလိမ့်မည်။</p> <p>ခြုံငုံကြည့်ရလျှင် ဤယဇ်ပလ္လင်သည် အချိန်ကို ဆွဲဆန့်ပေးနိုင်ရုံသာမက အမြင့်မြတ်ဆုံး နတ်ဘုရားဆင်းသက်လာမှုအတွက် ပေးဆပ်ရမည့် တန်ဖိုးကိုလည်း ပိုမိုမြင့်တက်စေမည် ဖြစ်သည်။</p> <p>ဒါမိုကလီးစ်၏ ဓားသွားမှာ ဦးခေါင်းထက်၌ အမြဲတမ်း ချိတ်ဆွဲခံထားရဆဲ ဖြစ်သော်လည်း ထိုဓား မကျဆင်းလာမီ အချိန်အတွင်းမှာပင် ရွှီရန်အနေဖြင့် အမြင့်မြတ်ဆုံး နတ်ဘုရားထံသို့ အပြင်းထန်ဆုံးသော ချက်ချင်းလက်ငင်း ပျက်သုဉ်းခြင်းတိုက်ကွက်ကို ပို့လွှတ်ရန် လုံလောက်သော အချိန်ရရှိသွားပြီ ဖြစ်သည်။</p> <p>အသေအလဲ တိုက်ပွဲဝင်ရမယ်။</p> <p>ပြီးတော့ ပြင်းပြင်းထန်ထန် တိုက်ခိုက်ရမယ်။</p> <p>အပြာရောင်ဂြိုဟ်မှာ အားနည်းချက်များ ရှိနေနိုင်သော်လည်း နောက်ဆုံးအချိန်အထိ မည်သူက အနိုင်ရမည်၊ မည်သူက ရှုံးနိမ့်မည်ဆိုသည်မှာ မသေချာသေးပေ။</p> <p>အခုအချိန်အထိတော့ အမြင့်မြတ်ဆုံး နတ်ဘုရားဘက်က အပြတ်အသတ် သာလွန်နေတာ အမှန်ပဲ။ သူ့ရဲ့ အရှိန်အဝါက ကောင်းကင်တစ်ခုလုံးကို ဖုံးလွှမ်းထားနိုင်တုန်းပေါ့။ ဒါပေမဲ့ အနာဂတ်မှာ ဘာတွေဖြစ်လာဦးမလဲဆိုတာ ဘယ်သူသိနိုင်မှာလဲ။</p> <p>ရွှီရန်က ခေါင်းညိတ်လိုက်ပြီး သူ၏ မျက်ဝန်းများမှာ စူးရှစွာ တောက်ပနေခဲ့သည်။</p> <p>ဘယ်လောက်ပဲ ခက်ခဲပင်ပန်းပါစေ၊ လူဆိုတာ လုံ့လစိုက်ထုတ် ကြိုးစားရမှာပဲ။</p> <p>ကျော်လွှားလို့ မရတဲ့ စိန်ခေါ်မှုဆိုတာ မရှိပါဘူး။ အကယ်၍ ရှိခဲ့ရင်တောင် လမ်းကြောင်းအသစ်တွေကို ထပ်ပြီး ဖွင့်လှစ်ပစ်ရုံပါပဲ။</p> <p>ဤသို့တွေးတောရင်း ရွှီရန်သည် မှိုမြို့တော်၏ အထက်ကောင်းကင်ယံ၌ ပျံသန်းနေခဲ့သည်။</p> <p>“မထွက်ခွာခင်မှာ အချိန်စွမ်းအင်တွေပါတဲ့ အဲဒီကျောက်မျက်ရတနာကို ယူသွားရမလား”</p> <p>“ဒါမှမဟုတ် တခြားမြို့တွေကို သွားကြည့်ရမလား”</p> <p>“ဒီကို ရောက်နေမှတော့ တစ်ခါတည်း လှည့်ပတ်ကြည့်တာ ပိုကောင်းပါတယ်လေ”</p> <p>သွေးစွမ်းအင် ၂.၆၅ သန်း ရှိနေပြီဖြစ်သော ရွှီရန်သည် တွန့်ဆုတ်မနေတော့ဘဲ ကပ်ဘေးအဆင့် ညစ်ညမ်းဇုန်၏ ပိုမိုနက်ရှိုင်းသော နေရာများဆီသို့ အရှိန်အဟုန်ဖြင့် ပျံသန်းသွားခဲ့သည်။</p> <p>ဆယ်ရက်တိုင်တိုင် ခရီးနှင်ပြီးနောက် သူသည် နတ်ဘုရားအဆင့် သလင်းကျောက်သားရဲသုံးကောင်နှင့် တွေ့ဆုံခဲ့သည်။ ၎င်းတို့၏ တဟုန်ထိုး တက်နေသော သွေးစွမ်းအင်မှာ အမှန်</p> <p>တကယ်ပင် ကြောက်မက်ဖွယ်ကောင်းလှသော်လည်း ရွှီရန်၏ တည်ရှိမှုကိုမူ သူတို့ လုံးဝ သတိမထားမိခဲ့ကြပေ။</p> <p>“ဒီမြို့က အများကြီး ပိုကြီးတာပဲ”</p> <p>ရွှီရန်သည် တောင်ထိပ်ပေါ်တွင် ရပ်တန့်လျက် အဝေးရှိ မြို့တော်ကြီးကို လှမ်း၍ ကြည့်လိုက်သည်။</p> <p>တစ်ဖန် ညစ်ညမ်းသော ဒြပ်ဝတ္ထုများဖြင့် မြင့်မားလှသော မြို့တံတိုင်းကြီးများကို တည်ဆောက်ထားပြန်သည်။ ထိုကဲ့သို့သော မြို့တော်ကို တိုက်ခိုက်လိုသည့် လူသားများအတွက်မူ ထိုအရာမှာ အလွန်ပင် ခက်ခဲမည်မှာ မြေကြီးလက်ခတ်မလွဲပေ။</p> <p>မြို့အတွင်း၌မူ ဝိုင်းစက်သော အမိုးခုံးပုံသဏ္ဌာန် အဆောက်အအုံ အမျိုးမျိုးကို စနစ်တကျ တည်ဆောက်ထားကြသည်။</p> <p>မြို့တော်အတွင်း၌ ဧရာမ ယဇ်ပလ္လင်ကြီး အများအပြားကိုလည်း မြင်တွေ့ရပြီး တစ်ခုချင်းစီမှာ မှိုမြို့တော်ရှိ ယဇ်ပလ္လင်များထက် ဆယ်ဆမက ပိုမိုကြီးမားနေတော့သည်။</p> <p>***</p> <p> </p>


Save