Book List

<h2 style="text-align: center;">အခန်း (၇၂)</h2> <h2 style="text-align: center;">သူတစ်ပါးကို ကူညီချင်တဲ့ စိတ်ဆန္ဒတွေကို စွန့်လွှတ်လိုက်ပါ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ချန်ဝူမင်နှင့်အတူ သူရဲကောင်းခန်းမဂိုဏ်း၏ အခြားအဖွဲ့ဝင်များပါ အသတ်ခံလိုက်ရ၏။</p> <p> </p> <p>သို့သော် ဘော့စ်ကို ဝိုင်းဝန်းတိုက်ခိုက်နေချိန်၌ သူတို့၏ နေရာယူမှုများက အတော်လေး ပြန့်ကျဲနေခဲ့ပေသည်။</p> <p> </p> <p>ချင်ဖုန်းက လူတိုင်းကို မသတ်ခဲ့ချေ။</p> <p> </p> <p>ကစားသမားသုံးလေးယောက်မှာ ထိုအခြေအနေကို မြင်သည်နှင့်တစ်ပြိုင်နက် ချက်ချင်းပင် လူစုခွဲ၍ ထွက်ပြေးသွားကြတော့၏။</p> <p> </p> <p>ချင်ဖုန်းက လိုက်မဖမ်းခဲ့ချေ။</p> <p> </p> <p>မလိုအပ်ခြင်းကြောင့်ပင်။ သူ၏ အဓိကပစ်မှတ်က သူ့ရှေ့ရှိ သုံးထပ်တိုက်လောက် မြင့်မားစွာဖြင့် ရပ်နေသော ပလက်တီနမ်အဆင့်ဘော့စ် 'သံမဏိသူတော်စင်မ' ပင်။</p> <p> </p> <p>၎င်းမှာ သံမဏိသီးသန့်ဖြင့် သွန်းလောင်းထားသော ဧရာမသံမဏိမိစ္ဆာကြီး ဖြစ်ပေသည်။</p> <p> </p> <p>၎င်း၏ ခန္ဓာကိုယ်အောက်ပိုင်းတွင် ခြေထောက်များ မရှိဘဲ သံမဏိအောက်ခံခုံတစ်ခုသာ ရှိပြီး ၎င်းကို မှော်စွမ်းအင်များဖြင့် မြှောက်တင်ထားသောကြောင့် လေထဲတွင် လွင့်မျောနေ၏။</p> <p> </p> <p>ထိုအကောင်ကြီး၏ ထူးဆန်းပြီး ရက်စက်သော အပြုံးက ကလေးတစ်ယောက်ကိုပင် ငိုသွားစေရန် လုံလောက်ပေသည်။</p> <p> </p> <p>“ပန်းပွင့်ခြင်း ကျိန်စာ”</p> <p> </p> <p>ချင်ဖုန်းက လက်ကိုမြှောက်ကာ ချန်ဝူမင်အပါအဝင် သူ၏ ပတ်ဝန်းကျင်ရှိ အလောင်းများအားလုံးအပေါ်သို့ ပန်းပွင့်ခြင်းကျိန်စာကို အသုံးပြုလိုက်၏။</p> <p> </p> <p>သူတို့၏ ကျန်ရှိနေသော လဲလှယ်၍ရသည့် သက်တမ်းများနှင့် လဲလှယ်၍မရသည့် သက်တမ်း ၅၀% အထိပါ ကျိန်စာသင့်ပန်းပွင့်၏ ဝါးမျိုခြင်းကို ခံလိုက်ရလေသည်။</p> <p> </p> <p>ကစားသမားများ၏ အသိစိတ်များက နတ်ဘုရားစွန့်ပစ်ဂိမ်းထဲသို့ ဝင်ရောက်လာကတည်းကပင် ဂိမ်းထဲရှိ သူတို့၏ ခန္ဓာကိုယ်များကို စနစ်က ဖန်တီးပေးထားခြင်း ဖြစ်၏။</p> <p> </p> <p>သူတို့အနေဖြင့် ပြန်လည်ရှင်သန်လာလျှင်ပင် အလောင်းများက အချိန်အတိုင်းအတာတစ်ခုအထိ ကျန်ရှိနေဦးမည် ဖြစ်သည်။</p> <p> </p> <p>...</p> <p> </p> <p>“ငါ...မသား”</p> <p>“မင်း အမဲသား မစားတာက ငါနဲ့ ဘာဆိုင်လို့လဲ”</p> <p> </p> <p>“ငါက မင်းပါးစပ်ထဲကို အမဲသားတွေ လာထိုးထည့်မိလို့လား”</p> <p> </p> <p>ချန်ဝူမင်က ကျန်းဟိုင်မြို့ဟောင်းအပျက်အစီးများ၏ အလယ်ဗဟို၌ ပြန်လည်ရှင်သန်လာချိန်တွင် သူ၏ မျက်နှာပေါ်၌ ဒေါသများနှင့် စိတ်ပျက်မှုများ ပြည့်နှက်နေပေသည်။</p> <p> </p> <p>အရိပ်က သူ့အား သတ်ချင်လို့ သတ်ခြင်းဖြစ်ကြောင်း ဆိုလိုချင်မှန်း သူနားလည်ပေသည်။</p> <p> </p> <p>သူပြန်လည်ရှင်သန်လာသော နေရာမှာ သံမဏိသူတော်စင်မနှင့် ကီလိုမီတာ ဆယ်ဂဏန်းကျော် ဝေးကွာနေ၏။</p> <p> </p> <p>သူတို့၏ အမြန်နှုန်းဖြင့်ဆိုလျှင် ထိုနေရာသို့ အလျင်အမြန် ပြန်သွားရန်မှာ လုံးဝ မဖြစ်နိုင်သလောက်ပင်။ ထို့ပြင် သူတို့ ပြန်ရောက်သွားလျှင်ရော ဘာထူးပါမည်နည်း။</p> <p> </p> <p>ထိုသူက စွမ်းရည်တစ်ခုတည်းဖြင့် သူတို့အများကြီးကို သတ်ပစ်ခဲ့ခြင်းပင်။</p> <p> </p> <p>ထို့ပြင် ထိုပျက်စီးမှုအားက... သောင်းဂဏန်းကျော်နေ၏။</p> <p> </p> <p>သူတို့အားလုံး ချက်ချင်းအသတ်ခံလိုက်ရရုံသာမက အရိပ်ထံ၌ အသက်ကြွေးများပါ တင်သွားကြသေးပေသည်။</p> <p> </p> <p>မူလက ချန်ဝူမင်နှင့် တခြားသူများက ဤတစ်ကြိမ်၌ သူတို့ အလွန်အမင်း ကံဆိုးလှပြီဟု ထင်ထားခဲ့ကြ၏။</p> <p> </p> <p>သို့သော် ပိုဆိုးသောအရာများ လာဦးမည်ဟု သူတို့ ထင်မထားခဲ့ကြချေ။</p> <p> </p> <p>ချင်ဖုန်းက ပန်းပွင့်ခြင်းကျိန်စာကို အသုံးပြုလိုက်ချိန်၌ သက်တမ်းလျော့ကျသွားကြောင်း စနစ်အသိပေးချက်များက ချန်ဝူမင်နှင့် တခြားသူများ၏ စိတ်ထဲ၌ ပေါ်လာခဲ့လေသည်။</p> <p> </p> <p>ထိုအရာက သူနှင့် သူ့ဂိုဏ်းသားများ၏ မျက်နှာများကို ဖြူဖျော့သွားစေခဲ့၏။</p> <p> </p> <p>ဤတစ်ကြိမ်တွင်မူ သေဆုံးချိန်၌ သက်တမ်းတစ်ဝက် ဆုံးရှုံးသွားရုံတင် မကဘူးလော။</p> <p> </p> <p>သူတို့၏ သက်တမ်းများက ကြောက်စရာကောင်းသည့် စွမ်းရည်တစ်ခု၏ ဆက်တိုက် ဝါးမျိုခြင်းကိုပါ ခံနေရသေးသည်လော။</p> <p> </p> <p>သူတို့၏ လဲလှယ်၍မရသော သက်တမ်းများပင် အပိုဆောင်း ဝါးမျိုခံနေရပေသည်။</p> <p> </p> <p>ခေတ္တအကြာတွင်။</p> <p> </p> <p>ဝါးမျိုမှု ရပ်တန့်သွားချိန်၌ ဤတစ်ကြိမ် သေဆုံးမှုကြောင့် သူတို့၏ လဲလှယ်၍ရသော သက်တမ်းများအားလုံး ကုန်ဆုံးသွားခဲ့ပြီး လဲလှယ်၍မရသည့် သက်တမ်း ၇၅% ကိုပင် ဆုံးရှုံးလိုက်ရကြောင်း သူတို့ တွေ့ရှိလိုက်ရပေသည်။</p> <p> </p> <p>အခင်းဖြစ်ပွားရာနေရာ၌ အသက်ရှင်ကျန်ရစ်ပြီး အဝေးမှ စောင့်ကြည့်နေသော ဂိုဏ်းသားများ၏ သတင်းပေးပို့ချက်များအရ သူတို့အားလုံး၏ အလောင်းများပေါ်တွင် ကြောက်မက်ဖွယ်ကောင်းသော နီရဲနေသည့် သွေးပန်းပွင့်များ ပွင့်လာခဲ့ကြောင်း ချန်ဝူမင်မှာ သိလိုက်ရ၏။</p> <p> </p> <p>ဤအရာက သူရဲကောင်းခန်းမဂိုဏ်းချန်နယ်ထဲတွင် ငိုယိုသံများနှင့် ဆဲဆိုသံများ ဆက်တိုက် ထွက်ပေါ်လာစေခဲ့တော့၏။</p> <p> </p> <p>သို့သော် အရိပ်ကို ရင်ဆိုင်ရာတွင်... သူတို့ထဲမှ တစ်ယောက်ကမိျှ ဖြေရှင်းနိုင်မည့် နည်းလမ်း မရှိကြချေ။</p> <p> </p> <p>သူတို့လူအများကြီးက အရိပ်၏ အရိပ်ကိုပင် မမြင်လိုက်ရဘဲ အသတ်ခံလိုက်ရခြင်းပင်။ ကလဲ့စားချေဖို့ဆိုသည်မှာ အဝေးကြီး ဖြစ်ပေသည်။</p> <p> </p> <p>အကယ်၍ သူတို့သာ တကယ်ကလဲ့စားချေချင်ပါက ရလဒ်အနေဖြင့် တစ်ဖက်လူ၏ သတ်ဖြတ်ခြင်းကို တစ်ခါ၊ နှစ်ခါမှနေ၍... အကြိမ်ရေ မရေမတွက်နိုင်လောက်အောင် ခံရဖို့သာ ရှိလိမ့်မည် ဖြစ်သည်။</p> <p> </p> <p>ချန်ဝူမင်ထံ၌ ကလဲ့စားချေလိုသည့် အတွေး လုံးဝ မရှိတော့ချေ။</p> <p> </p> <p>သို့သော် ချင်ဖုန်းကမူ သက်တမ်းဝါးမျိုနေသည့် လုပ်ငန်းစဉ်အတွင်း၌ စနစ်၏ အသိပေးချက်များကို ပေါ့ပေါ့ပါးပါး တစ်ချက် ကြည့်လိုက်၏။</p> <p> </p> <p>ထို့နောက် ရင်းနှီးနေသော အမည်ပြောင်တစ်ခုကို သူ တွေ့လိုက်ရ၏။ 'ရှောင်ယွဲ့' ပင်။</p> <p> </p> <p>“သူက သူရဲကောင်းခန်းမဂိုဏ်းထဲကို ဝင်သွားတာလား”</p> <p> </p> <p>ချင်ဖုန်းက စနစ်၏ အသိပေးချက်ကို ခံစားချက်မဲ့စွာဖြင့် ကြည့်လိုက်သည်။</p> <p> </p> <p>ပန်းပွင့်ခြင်းကျိန်စာမှတဆင့် သူက သူမထံမှ လဲလှယ်၍ရသော သက်တမ်း ၄ ရက်နှင့် လဲလှယ်၍မရသည့် သက်တမ်းတစ်နှစ်ကျော်ကို ဝါးမျိုနိုင်ခဲ့၏။</p> <p> </p> <p>၎င်းက သူမ၏ လက်ရှိသက်တမ်းမှာ ကုန်ခမ်းလုနီးပါး ဖြစ်နေပြီဖြစ်ကြောင်း ဆိုလိုနေပေသည်။</p> <p> </p> <p>သူမက ရှင်သန်ရန်ပင် မနည်းရုန်းကန်နေရသဖြင့် သူရဲကောင်းခန်းမဂိုဏ်းသို့ ကျွန်အဖြစ် ဝင်ရောက်ရန် ရွေးချယ်ခဲ့ခြင်း ဖြစ်လောက်ပေသည်။</p> <p> </p> <p>ထိုသို့ဆိုလျှင်...</p> <p> </p> <p>သူမ၏ ရှင်သန်မှုအတွက် အာမခံချက် ရနိုင်သော်လည်း သူမ၏ သက်တမ်းဝင်ငွေ ၅၀% ကို ဂိုဏ်းသို့ ပေးသွင်းရမည်ဖြစ်လေရာ သူမအနေဖြင့် ဖွံ့ဖြိုးတိုးတက်လာပြီး အဆင့်မြင့်လာရန်မှာ လုံးဝ မဖြစ်နိုင်သလောက်ပင်။</p> <p> </p> <p>ချင်ဖုန်းက ထိုအရာအပေါ် မည်သည့် အတွေးမှ ရှိမနေခဲ့ချေ။</p> <p> </p> <p>သူတစ်ပါးအား ကူညီချင်သော စိတ်ဆန္ဒများကို စွန့်လွှတ်လိုက်ရမည်ပင်။ သူတို့၏ ကံတရားကို လေးစားရမည် ဖြစ်သည်။</p> <p> </p> <p>ချင်ဖုန်းက ထိုအမည်ပြောင်ကို တစ်ချက်သာ ကြည့်လိုက်ကာ သူ၏ အာရုံကို ရှေ့ရှိ သံမဏိသူတော်စင်မဆီသို့ ပြန်ပြောင်းလိုက်၏။</p> <p> </p> <p>“ဒီဘော့စ်ရဲ့ ပထမအဆင့်က ဘာမှ မခက်ခဲဘူး”</p> <p> </p> <p>“ခက်ခဲတာက သွေးတစ်ဝက်ကျသွားပြီးနောက် ဒုတိယအဆင့် ရောက်သွားတဲ့အချိန်ပဲ၊ အထူးသဖြင့် ငါ့အတွက်...”</p> <p> </p> <p>ချန်ဝူမင်နှင့် တခြားသူများကို သတ်ဖြတ်ပြီးနောက် ချင်ဖုန်းက ကိုယ်ဖျောက်လိုက်ကာ ဘော့စ်နှင့် ဆယ်မီတာခန့်အကွာအဝေးတွင် နေနေလိုက်သည်။</p> <p> </p> <p>သံမဏိသူတော်စင်မက ပတ်ဝန်းကျင်ရှိ ကစားသမားအများအပြား သေဆုံးသွားပြီးနောက်တွင်လည်း တိုက်ပွဲအခြေအနေမှ ထွက်မသွားဘဲ ၎င်း၏ အဓိကပစ်မှတ် ပျောက်ဆုံးသွားပြီးနောက် ဧရိယာတိုက်ခိုက်မှုများကို စတင် ထုတ်လွှတ်လာခဲ့၏။</p> <p> </p> <p>၎င်း၏ သံမဏိစက်ဝိုင်းပြားလက်မောင်းများက ခေါင်းနှင့် ခန္ဓာကိုယ်အပေါ်ပိုင်းနှင့်အတူ လှည့်ပတ်လာကာ စက်ဝိုင်းပုံစံများ စတင် ရေးဆွဲလာတော့သည်။</p> <p> </p> <p>သံမဏိစက်ဝိုင်းပြားလက်မောင်းများက ပတ်ပတ်လည် ဆယ်မီတာအတွင်းသို့ သုံးကြိမ်ဆက်တိုက် လှည့်ပတ်ခုတ်ပိုင်းသွား၏။</p> <p> </p> <p>ထိုစွမ်းရည်ပေါ်လာချိန်၌ သူရဲကောင်းခန်းမဂိုဏ်း၏ ချန်ဝူမင်အနေဖြင့် ထိုနေရာ၌ ရှိနေသေးလျှင်ပင် ၎င်းကို ခံနိုင်ရည်ရှိလိမ့်မည် မဟုတ်ချေ။</p> <p> </p> <p>သို့သော် ချင်ဖုန်းကမူ စောစောစီးစီးကတည်းက ဆုတ်ခွာထားခဲ့ပြီး ဖြစ်သည်။</p> <p> </p> <p>လျပ်တပျက်အရိပ်ခုတ်ချက်၏ ပြန်လည်အသုံးပြုရန်ကြာချိန် ကုန်ဆုံးသွားသည်နှင့်တစ်ပြိုင်နက် တိုက်ပွဲအခြေအနေမှ ယာယီထွက်ခွာသွားမှုကို အခွင့်ကောင်းယူကာ သူ၏ လက်နက်ကို တစ္ဆေသင်္ဘောအမွှာဓားသို့ ပြောင်းလဲလိုက်ပြီး လျပ်တပျက် အရိပ်ခုတ်ချက်ကို ချက်ချင်း အသုံးပြုလိုက်၏။</p> <p> </p> <p>ရွှပ်။</p> <p> </p> <p>သူက ပုံရိပ်ယောင်တစ်ခုအဖြစ် ပြောင်းလဲသွားကာ သံမဏိသူတော်စင်မ၏ မြင့်မားလှသောခန္ဓာကိုယ်ကို လျပ်တပျက် ခုတ်ပိုင်းဖြတ်သန်းသွားလေသည်။</p> <p> </p> <p>ဓားအလင်းတန်းများ ပေါက်ကွဲထွက်ပေါ်လာကာ သံမဏိသူတော်စင်မ၏ ခန္ဓာကိုယ်ပေါ်၌ ပွင့်လန်းသွား၏။</p> <p> </p> <p>-၇၅၅၁ (အားနည်းချက်ကို တိုက်ခိုက်မှု)။</p> <p> </p> <p>-၇၅၂၇ (အားနည်းချက်ကို တိုက်ခိုက်မှု)။</p> <p> </p> <p>-၇၅၃၆ (အားနည်းချက်ကို တိုက်ခိုက်မှု)။</p> <p> </p> <p>...</p> <p> </p> <p>“သံမဏိအပျိုစင် ပီသပါပေတယ်၊ သူ့ရဲ့ ကာကွယ်မှုက အဆင့်တူ တခြားဘော့စ်တွေထက် အများကြီး သာလွန်နေတာပဲ”</p> <p> </p> <p>ချင်ဖုန်းက ဘော့စ်၏ သွေးပမာဏကို တည်ငြိမ်စွာ စောင့်ကြည့်နေလိုက်သည်။</p> <p> </p> <p>လျပ်တပျက် အရိပ်ခုတ်ချက် ကိုးချက်စလုံးက အားနည်းချက်များကို ထိမှန်သွားခဲ့ကာ ဘော့စ်အပေါ် ပျက်စီးမှုအား ခြောက်သောင်းကျော် ဖြစ်ပေါ်စေခဲ့၏။</p> <p> </p> <p>ဘော့စ်အတွက် ၎င်းက သွေးပမာဏ ၁၅% ခန့် ရှိပေသည်။</p> <p> </p> <p>သံမဏိသူတော်စင်မ၏ စုစုပေါင်းသွေးပမာဏက လေးသိန်းခန့် ရှိမည်ဟု ထင်ရ၏။</p> <p> </p> <p>ထိုသွေးပမာဏက အောက်ဘုံဝိညာဉ် ဖေဆယ်လ်ထက် အတော်လေးနည်းပါးသော်လည်း ၎င်း၏ ကာကွယ်မှုက ပိုမြင့်မားသဖြင့် ၎င်း၏ ခံနိုင်ရည်မှာ အောက်ဘုံဝိညာဉ်ထက် မနိမ့်ကျလှချေ။</p> <p> </p> <p>အရေးအကြီးဆုံး အချက်မှာ... သံမဏိသူတော်စင်မ၏ သွေးပမာဏ တစ်ဝက်အောက် ရောက်သွားချိန်၌ ၎င်းတွင် 'ပျက်စီးမှု တန်ပြန်ခြင်း' စွမ်းရည်တစ်ခု အမြဲတမ်းနီးပါး ရှိလာမည်ဖြစ်ကာ ၎င်းက ၁၀၀% တန်ပြန်ခြင်း ဖြစ်ပေသည်။</p> <p> </p> <p>ဤအရာက သံမဏိသူတော်စင်မ၏ အကြီးမားဆုံးသော စိန်ခေါ်မှုပင်။</p> <p> </p> <p>ထို့ကြောင့်ပင် ချင်ဖုန်းက သိမ်မွေ့သောလွတ်မြောက်ခြင်း၏ တက်ကြွစွမ်းရည်ကို အသုံးပြုရန် အစီအစဉ် မရှိခဲ့ခြင်း ဖြစ်၏။</p> <p> </p> <p>ထိုစွမ်းရည်၏ လည်လှီးခြင်းမှ ဖြစ်ပေါ်သော စဉ်ဆက်မပြတ် ပျက်စီးမှုအားက လက်ရှိတွင် ချင်ဖုန်း၏ ပျက်စီးမှုအားကို ခြောက်ဆအထိ တိုးမြှင့်ပေးနိုင်သော်လည်း သူ၏ ပျက်စီးမှုအားက အရမ်းမြင့်မားသွားပါလျှင် ဘော့စ်ကို ဒုတိယအဆင့်သို့ တိုက်ရိုက် ဝင်ရောက်သွားစေမည် ဖြစ်သည်။</p> <p> </p> <p>ထိုသို့ဖြင့် တန်ပြန်ခြင်းအာနိသင်ကို အသက်ဝင်သွားစေမည်ဖြစ်ကာ ပျက်စီးမှုအားများကို ချင်ဖုန်းထံသို့ ပြန်လည်တန်ပြန်လာစေလျှင် ကိုယ့်ကိုယ်ကိုယ် သတ်သေလိုက်သလို ဖြစ်သွားမည်ပင်။</p> <p> </p> <p>“လျပ်တပျက် အရိပ်ခုတ်ချက်မှာ ခုတ်ချက် ကိုးချက် ရှိတယ်”</p> <p> </p> <p>“လျပ်တပျက် အရိပ်ခုတ်ချက်က လည်လှီးခြင်းကို အသက်ဝင်စေတိုင်း ငါက တန်ပြန်ပျက်စီးမှု ကိုးခါ ပြန်ရလိမ့်မယ်။ အနက်ရောင်အလင်းဒိုင်းက အဲ့ဒါကို အတော်လေး ခံနိုင်ရည်ရှိပေမဲ့ ပြန်လည်အသုံးပြုရန်ကြာချိန်ကတော့ မှီမှာ မဟုတ်ဘူး...”</p> <p> </p> <p>ထို့ကြောင့်ပင် ချင်ဖုန်းက ဘော့စ်နှင့် မတိုက်ခိုက်ခင်၌ ကပ်ရောဂါဓားကို တစ္ဆေသင်္ဘောအမွှာဓားအဖြစ် ပြောင်းလဲခဲ့ရခြင်း ဖြစ်၏။</p> <p> </p> <p>အကယ်၍ ကပ်ရောဂါဓားသာ ဖြစ်နေမည်ဆိုပါလျှင် မည်သည့် တိုက်ခိုက်မှုမဆို ၃ စက္ကန့်အကြာ၌ အပိုဆောင်း အဆိပ်ပေါက်ကွဲမှု ပျက်စီးမှုအားကို ဖြစ်ပေါ်စေမည် ဖြစ်ကာ ထိုပျက်စီးမှုအားများက ချင်ဖုန်းကိုယ်တိုင်ထံသို့ အပြည့်အဝ တန်ပြန်လာမည် ဖြစ်၏။</p> <p> </p> <p>သို့သော် တစ္ဆေသင်္ဘောအမွှာဓားတွင်မူ ထိုပြဿနာ မရှိချေ။</p> <p> </p> <p>သိမ်မွေ့သော လွတ်မြောက်ခြင်း၏ လည်လှီးခြင်းပျက်စီးမှုအားကိုပင် ဤဘော့စ်နှင့် တိုက်ခိုက်ရာ၌ ချင်ဖုန်းက စွန့်လွှတ်လိုက်ရ၏။</p> <p> </p> <p>“ဒါပေမဲ့...”</p> <p> </p> <p>“ဒုတိယအဆင့်မှာ သံမဏိအပျိုစင်က စွမ်းရည်တစ်ခု ထုတ်လွှတ်လိုက်တိုင်း 'ပျက်စီးမှု တန်ပြန်ခြင်း' အာနိသင်က ယာယီ ပျောက်ကွယ်သွားလိမ့်မယ်”</p> <p> </p> <p>“သူ့ရဲ့ စွမ်းရည်ထုတ်လွှတ်မှု ကြားကာလတွေမှာ ငါက တိုက်ခိုက်မယ်ဆိုရင် တန်ပြန်ပျက်စီးမှုတွေကနေ ရှောင်လွှဲနိုင်ပြီ”</p> <p> </p> <p>ချင်ဖုန်း၏ အစီအစဉ်က အသေးစိတ်ကျလှသည့်အပြင် သူက လောမနေခဲ့ချေ။</p> <p> </p> <p>လျပ်တပျက် အရိပ်ခုတ်ချက် တစ်ချက် အသုံးပြုပြီးနောက် သူက ကိုယ်ဖျောက်ကာ ဆုတ်ခွာလိုက်ပြီးသည်တွင် ဘော့စ်က နေရာ၌ အမျိုးမျိုးသော ဧရိယာစွမ်းရည်များ ထုတ်လွှတ်နေသည်ကို တိတ်တဆိတ် စောင့်ကြည့်နေလိုက်ကာ ထပ်မံတိုက်ခိုက်ရန် အခွင့်အရေးကို စောင့်ဆိုင်းနေလိုက်၏။</p> <p> </p> <p>ထိုအချိန်၌ပင်...</p> <p> </p> <p>သံမဏိသူတော်စင်မ၏ ဆူညံသံများကြောင့် ပတ်ဝန်းကျင်မှ ကစားသမား အများအပြားက ထပ်မံ ရောက်ရှိလာကြလေသည်။</p> <p> </p> <p>***</p> <p> </p> <p> </p>


Save