Book List

<h2 style="text-align: center;">အခန်း (၇၅)</h2> <h2 style="text-align: center;">လုပ်ကြံသတ်ဖြတ်သူ၏ အလိုအလျောက်သိစိတ်</h2> <h2 style="text-align: center;">*</h2> <p> </p> <p> </p> <p> </p> <p>ချင်ဖုန်းထံတွင် မြအဆင့် ပစ္စည်းကိရိယာ အနည်းငယ် ရှိပြီးသား ဖြစ်၏။</p> <p> </p> <p>ယခင်က ပလက်တီနမ်အဆင့်ဘော့စ် 'အောက်ဘုံဝိညာဉ် ဖေဆယ်လ်' အား ပထမဆုံး ရှင်းလင်းနိုင်ခဲ့ချိန်၌ပင် လုပ်ကြံသတ်ဖြတ်သူ ပစ္စည်းကိရိယာချည်း သုံးခုအထိ ကျဆင်းခဲ့ဖူးပေသည်။</p> <p> </p> <p>သို့သော် ထိုအချိန်က ချင်ဖုန်း၏ အဆင့်မှာ မမြင့်မားသေးသဖြင့် ၎င်းတို့ကို အသုံးမပြုနိုင်ခဲ့ချေ။</p> <p> </p> <p>ယခုအခါ ဤ 'သံမဏိသူတော်စင်မ' က ချင်ဖုန်းအတွက် နောက်ထပ် လုပ်ကြံသတ်ဖြတ်သူ ပစ္စည်းကိရိယာနှစ်ခုကို ထပ်မံ ချပေးခဲ့လေပြီ။</p> <p> </p> <p>【အနက်ရောင်မီးတောက် လက်ဆောင် - အရိုးဖောက် သားရေချပ်ဝတ် (မြအဆင့်) - လုပ်ကြံသတ်ဖြတ်သူ ပစ္စည်းကိရိယာ။ ရုပ်ပိုင်းဆိုင်ရာ ကာကွယ်မှု +၉၅၊ ဒြပ်စင်အားလုံး ခံနိုင်ရည် +၁၂၀၊ ပျက်စီးမှု လျော့ကျစေခြင်း +၇၇၊ ကိုယ်ခံအား +၇၇။ ဝတ်ဆင်ရန် လိုအပ်ချက် - အဆင့် ၁၃။】</p> <p> </p> <p>【အနက်ရောင်မီးတောက် လက်ဆောင် - တိုက်ခိုက်သည့်အခါ သို့မဟုတ် တိုက်ခိုက်ခံရသည့်အခါ ပစ်မှတ်အပေါ်သို့ 'အနက်ရောင်မီးတောက်' ၁ ထပ် သက်ရောက်စေမည်ဖြစ်ပြီး ၅ ထပ်အထိ ထပ်ပေါင်းနိုင်ပါသည်။ 'အနက်ရောင်မီးတောက်' ၁ ထပ်စီက ပစ်မှတ်၏ ကာကွယ်မှုနှင့် ဒြပ်စင်ခံနိုင်ရည်များကို ၇% စီ လျှော့ချပေးမည် ဖြစ်သည်။】</p> <p> </p> <p>(မှတ်ချက် - မြအဆင့်ထက် ကျော်လွန်သော ဘော့စ်များအပေါ်၌ အားနည်းသွားစေသည့် အာနိသင် လျော့ကျသွားမည် ဖြစ်သည်။)</p> <p> </p> <p>မြအဆင့် ပစ္စည်းကိရိယာများမှာ ယခင်က ပစ္စည်းကိရိယာများနှင့် နှိုင်းယှဉ်လျှင် လုံးဝ ကွဲပြားခြားနားသော အဆင့်တစ်ခု၌ ရှိနေပေသည်။</p> <p> </p> <p>အခြေခံ ကိန်းဂဏန်းအချက်အလက်များကပင် အဆင့်တူ ပလက်တီနမ်အဆင့် ပစ္စည်းကိရိယာများထက် ၇၀% ကျော် ပိုမို မြင့်မားနေ၏။</p> <p> </p> <p>“ဒီရုပ်ပိုင်းဆိုင်ရာကာကွယ်မှု၊ ဒီဒြပ်စင်ခံနိုင်ရည်၊ ပြီးတော့ ပျက်စီးမှုလျော့ကျစေခြင်းနဲ့ ကိုယ်ခံအား ၇၇ မှတ်...”</p> <p> </p> <p>“ဒီသားရေချပ်ဝတ် တစ်စုံတည်းကတင် တခြားသူတွေရဲ့ အကာအကွယ် ပစ္စည်းကိရိယာ တစ်စုံလုံးထက် ကာကွယ်မှုကို ပိုပေးနိုင်တယ်”</p> <p> </p> <p>“ပြီးတော့ 'အနက်ရောင်မီးတောက်လက်ဆောင်' အာနိသင်လည်း ပါသေးတယ်။ ပစ်မှတ်ရဲ့ ကာကွယ်မှုနဲ့ ဒြပ်စင်ခံနိုင်ရည်ကို လျှော့ချပေးနိုင်တယ်...”</p> <p> </p> <p>ချင်ဖုန်းက တုံ့ဆိုင်းနေခြင်း အလျဉ်းမရှိဘဲ သူ၏ 'နာကြည်းခြင်းသားရေချပ်ဝတ်' ကို ချက်ချင်း လဲလှယ်ဝတ်ဆင်လိုက်၏။</p> <p> </p> <p>“ဒီအနက်ရောင်မီးတောက်လက်ဆောင် သားရေချပ်ဝတ်က အောက်ဘုံဝိညာဉ်ဆီကနေ ရတဲ့ဟာထက်တောင် ပိုအသုံးဝင်တာပဲ”</p> <p> </p> <p>“အောက်ဘုံဝိညာဉ် ချပေးခဲ့တဲ့ အဆင့် ၁၃ လုပ်ကြံသတ်ဖြတ်သူ သားရေချပ်ဝတ်မှာက လျှပ်စီးခံနိုင်ရည်ကို အမှတ် ၂၀၀ အထိ တိုးမြှင့်ပေးတဲ့ အထူးအာနိသင် ပါဝင်နေတာ...”</p> <p> </p> <p>“အဲ့ဒါက သီးခြားအခြေအနေတချို့မှာတော့ အသုံးဝင်နိုင်ပါတယ်လေ”</p> <p> </p> <p>“ဒါပေမဲ့ နေ့စဉ်အသုံးပြုဖို့အတွက်ကျတော့ အနက်ရောင်မီးတောက်လက်ဆောင်က ပိုသင့်တော်တယ်”</p> <p> </p> <p>နောက်တစ်ခုက မြအဆင့် စွမ်းရည်စာအုပ် တစ်အုပ် ဖြစ်၏။</p> <p> </p> <p>【လုပ်ကြံသတ်ဖြတ်သူ၏ အလိုအလျောက်သိစိတ် (မြအဆင့်) - သင်သည် ကိုယ်ဖျောက်ထားသော ယူနစ်များ၏ ပုံပန်းသဏ္ဍာန်များကို အတိုင်းအတာတစ်ခုအထိ လေ့လာစောင့်ကြည့်နိုင်စွမ်း ရှိသည်။ ကိုယ်ဖျောက်မြင်နိုင်စွမ်းအဆင့် +၂ ကို ရရှိမည်။ အဆင့်သတ်မှတ်ချက် - ၁၃။】</p> <p> </p> <p>ဤစွမ်းရည်စာအုပ်မှာ ကိုယ်ဖျောက်မြင်နိုင်စွမ်း စွမ်းရည် ဖြစ်၏။</p> <p> </p> <p>ချင်ဖုန်းက ၎င်းကို သင်ယူပြီးနောက် ဒဏ္ဍာရီလာအဆင့်သို့ ချက်ချင်းပင် မြှင့်တင်လိုက်လေသည်။</p> <p> </p> <p>မူလက ပွဲကြည့်စင်အပျက်အစီးများထဲမှ ထွက်ခွာလာပြီးနောက် သိမ်မွေ့သောလွတ်မြောက်ခြင်းကဲ့သို့ စွမ်းရည်များကို ဆင့်ကဲပြောင်းလဲခဲ့ရာ သူ့ထံ၌ ဆင့်ကဲပြောင်းလဲခြင်း အမှတ် ၁၀ မှတ် ကျန်ရှိနေခဲ့၏။</p> <p> </p> <p>'သံမဏိသူတော်စင်မ' ကို သတ်ဖြတ်လိုက်ခြင်းက သူ့အား ဆင့်ကဲပြောင်းလဲခြင်း အမှတ် ၁၂၀ ကို ပေးစွမ်းခဲ့ပေသည်။</p> <p> </p> <p>ထို့ကြောင့် သူ့ထံ၌ စုစုပေါင်း အမှတ် ၁၃၀ ရှိနေခဲ့ပြီ ဖြစ်၏။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၁+၂+၃၀ ကို အသုံးပြုလိုက်ပါသည်။ ၉၇ မှတ် ကျန်ရှိပါသေးသည်။】</p> <p> </p> <p>【လုပ်ကြံသတ်ဖြတ်သူ၏ အလိုအလျောက်သိစိတ် (မြ → စိန် → မော်ကွန်း → ဒဏ္ဍာရီလာ) - သင်သည် ကိုယ်ဖျောက်ထားသော ယူနစ်များ၏ ပုံပန်းသဏ္ဍာန်များကို အတိုင်းအတာတစ်ခုအထိ လေ့လာစောင့်ကြည့်နိုင်စွမ်း ရှိသည်။ ကိုယ်ဖျောက်မြင်နိုင်စွမ်းအဆင့် +၂ → ၃ → ၄ → ၅ ကို ရရှိမည်။】</p> <p> </p> <p>【ဒဏ္ဍာရီလာအဆင့် အသစ်ထပ်တိုး အာနိသင် - သင်သည် ပစ်မှတ်၏ အားနည်းချက်များကို ပိုမိုထက်မြက်စွာ အာရုံခံနိုင်စွမ်း ရှိလာမည် ဖြစ်သည်။ အားနည်းချက်ကို တိုက်ခိုက်မှု တည့်မတ်ခြင်း +၅၀%။】</p> <p> </p> <p>...</p> <p> </p> <p>ဤစွမ်းရည်က ဒဏ္ဍာရီလာအဆင့်သို့ ဆင့်ကဲပြောင်းလဲသွားချိန်၌ ချင်ဖုန်း၏ ကိုယ်ဖျောက်မြင်နိုင်စွမ်းအဆင့်မှာ အဆင့် ၅ သို့ ရောက်ရှိသွားခဲ့လေပြီ။</p> <p> </p> <p>ဤအရာက ချင်ဖုန်းကို အနည်းငယ် စိတ်ဓာတ်ကျသွားစေခဲ့၏။</p> <p> </p> <p>“ငါက လုပ်ကြံသတ်ဖြတ်သူလေ။ ဒါပေမဲ့ ငါ့ရဲ့ ကိုယ်ဖျောက်မြင်နိုင်စွမ်းက ကိုယ်ဖျောက်မှုအဆင့်ထက် ပိုမြင့်နေတယ်ပေါ့”</p> <p> </p> <p>“ကိုယ်ဖျောက်မှုအဆင့်ကို တိုးမြှင့်ပေးတဲ့ စွမ်းရည်တစ်ခု သင်ယူပြီး အဲ့ဒါကိုပါ ဆင့်ကဲပြောင်းလဲရမယ့်ပုံပဲ...”</p> <p> </p> <p>အဓိပ္ပာယ်အမဲ့ဆုံးအပိုင်းမှာမူ ဤစွမ်းရည်က ဒဏ္ဍာရီလာအဆင့်၌ နောက်ထပ် အာနိသင်တစ်ခုကိုပါ ရရှိသွားခြင်းပင်။</p> <p> </p> <p>ပစ်မှတ်၏ အားနည်းချက်များကို ပိုမို ထက်မြက်စွာ အာရုံခံနိုင်ခြင်း ဖြစ်သည်။</p> <p> </p> <p>“နောက်ထပ် အားနည်းချက်ကို တိုက်ခိုက်မှု တည့်မတ်ခြင်း ၅၀% လား”</p> <p> </p> <p>မူလကတည်းက ချင်ဖုန်း၏ ရှေ့ရှိ ပစ်မှတ်အများစုမှာ ဧရာမခေါင်းကြီးများ တပ်ဆင်ထားသည့်အလား ဖြစ်နေခဲ့ပြီးသားပင်။</p> <p> </p> <p>ယခုမူ နောက်ထပ် ၅၀% ထပ်ပေါင်းလိုက်သောအခါတွင် သိမ်မွေ့သော လွတ်မြောက်ခြင်း၏ အလိုအလျောက် စွမ်းရည်နှင့် ထပ်ပေါင်းလိုက်လျှင် စုစုပေါင်းက ၃၅၀% ဖြစ်သွားလေပြီ။</p> <p> </p> <p>“အားနည်းချက်တွေက ၃.၅ ဆအထိ ကျယ်ပြန့်သွားတာလား”</p> <p> </p> <p>“ငါ မျက်စိမှိတ်ပြီး တိုက်ခိုက်ရင်တောင် သူတို့ရဲ့ အားနည်းချက်တွေကို ထိနိုင်တယ်...”</p> <p> </p> <p>ချင်ဖုန်းမှာ အားနည်းချက်ကို တိုက်ခိုက်မှု တည့်မတ်ခြင်းအား ပေါင်းထည့်ပေးသော အခြားစွမ်းရည်များစွာ ရှိနေသေးကြောင်းကို မတွေးဘဲ မနေနိုင်တော့ချေ။</p> <p> </p> <p>အကယ်၍ ထိုစွမ်းရည်များအားလုံးကို သူသာ သင်ယူလိုက်မည်ဆိုပါက ပြိုင်ဘက်၏ အားနည်းချက်များကို ဆယ်ဆ သို့မဟုတ်... အဆတစ်ရာအထိ ကျယ်ပြန့်သွားစေနိုင်မည် မဟုတ်ပါလော။</p> <p> </p> <p>“အဲ့ဒီအချိန်ကျရင် ငါက ကောင်းကင်ပေါ်ကို လှံပစ်တင်လိုက်ရင်တောင် ပြိုင်ဘက်ရဲ့ အားနည်းချက်ဆီကို အလိုအလျောက် ခြေရာခံပြီး သွားမှန်တော့မှာလား”</p> <p> </p> <p>ဤအရာက အခြေခံအားဖြင့် အလိုအလျောက် ချိန်ရွယ်ပေးသော စနစ်တစ်ခုလိုပင်။</p> <p> </p> <p>'အဆုံးမဲ့ ဆင့်ကဲပြောင်းလဲခြင်း' ပါရမီသာ မရှိခဲ့လျှင် ဤအရာကို ချင်ဖုန်းအနေဖြင့် လုံးဝ စိတ်ကူးယဉ်နိုင်ခဲ့မည် မဟုတ်ချေ။</p> <p> </p> <p>'အားနည်းချက်ကို တိုက်ခိုက်မှု တည့်မတ်ခြင်း' စွမ်းရည်က တကယ်ကြီး ဤမျှ မြင့်မားစွာ ထပ်ပေါင်းနိုင်သည်လော။</p> <p> </p> <p>နောက်ဆုံးအာနိသင်က တွေးကြည့်ရုံမျှဖြင့်ပင် အဓိပ္ပာယ်မဲ့လွန်းနေပေသည်။</p> <p> </p> <p>“ဆင့်ကဲပြောင်းလဲခြင်း အမှတ် ၉၇ မှတ် ကျန်သေးတယ်။ တစ္ဆေအရိပ် မှုန်ဝါးခြင်းကို အရင်ဆုံး ဒဏ္ဍာရီလာအဆင့် ပြောင်းလိုက်တာပေါ့”</p> <p> </p> <p>ချင်ဖုန်းက မော်ကွန်းအဆင့်သို့ ရောက်ရှနေိပြီးဖြစ်သော 'တစ္ဆေအရိပ် မှုန်ဝါးခြင်း' ကို ဆင့်ကဲပြောင်းလဲရန် ရွေးချယ်လိုက်၏။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၈၀ ကို အသုံးပြုလိုက်ပါသည်။ ၁၇ မှတ် ကျန်ရှိပါသေးသည်။】</p> <p> </p> <p>【တစ္ဆေအရိပ် မှုန်ဝါးခြင်း (မော်ကွန်း → ဒဏ္ဍာရီလာ) - ၇၅% → ၈၅% ရှောင်တိမ်းနိုင်စွမ်းကို အလိုအလျောက် ရရှိမည်။ ရှောင်တိမ်းမှုကို အသက်ဝင်စေပါက ပျက်စီးမှုအားလုံးကို ထိခိုက်မှုမှ ကင်းလွတ်စေမည် ဖြစ်သည်။ အဆင့် ၅။】</p> <p> </p> <p> </p> <p>ရှောင်တိမ်းနိုင်စွမ်း ၁၀% သာ ပေါင်းထည့်ပေးလိုက်သည်ဟု ထင်ရသော်လည်း အမှန်တကယ်တွင်မူ ဤအာနိသင်က ပြိုင်ဘက်၏ အခြေခံ ထိမှန်နှုန်းကို ၂၅% မှနေ၍ ၁၅% အထိ လျှော့ချပစ်လိုက်ခြင်းပင်။</p> <p> </p> <p>အဆင့်နိမ့် မိစ္ဆာများနှင့် သာမန်ကစားသမားများကို ရင်ဆိုင်ရာတွင် ဤမျှ မြင့်မားသော ရှောင်တိမ်းနိုင်စွမ်းက ချင်ဖုန်းအား အနိုင်ယူ၍ မရနိုင်သူအဖြစ် ပြောင်းလဲပေးရန် လုံလောက်နေပေသည်။</p> <p> </p> <p>မြအဆင့် 'အနက်ရောင်မီးတောက်လက်ဆောင် - အရိုးဖောက် သားရေချပ်ဝတ်' ၏ မြင့်မားသော ကာကွယ်မှုနှင့် ပေါင်းစပ်လိုက်လျှင် လက်ရှိ ကစားသမားများနှင့် ပလက်တီနမ်အဆင့်အောက်ရှိ မိစ္ဆာများက သူ့အတွက် ခြိမ်းခြောက်မှုတစ်ခု လုံးဝ ဖြစ်မလာနိုင်တော့ချေ။</p> <p> </p> <p>၎င်းတို့အပြင် သံမဏိသူတော်စင်မက အခြားအလုပ်အကိုင်များအတွက် မြအဆင့်မှ ပလက်တီနမ်အဆင့်အထိ ပစ္စည်းကိရိယာအချို့ကိုလည်း ချပေးခဲ့သေး၏။</p> <p> </p> <p>လောလောဆယ်၌ ထိုအရာများကို မည်သူကမျှ ဝတ်ဆင်နိုင်စွမ်း မရှိကြချေ။</p> <p> </p> <p>မည်သို့ပင်ဆိုစေကာမူ ၎င်းတို့အားလုံးမှာ အဆင့် ၁၃ မှ ၁၅ အထိ ပစ္စည်းများ ဖြစ်ကြသောကြောင့်ပင်။ အခြားသူများအနေဖြင့် ထိုအဆင့်သို့ ရောက်ရှိရန် အချိန်အတော်ကြာ ယူရဦးမည် ဖြစ်၏။</p> <p> </p> <p>ချင်ဖုန်းက ထိုပစ္စည်းများကို ရှင်းလင်းပစ်ရန် လောမနေခဲ့ချေ။</p> <p> </p> <p>သူက အရင်ဆုံး ပစ္စည်းများအားလုံးကို ကောက်ယူလိုက်ပြီးနောက် 'ဘုရားကျောင်း ခိုလှုံရာစခန်း သော့' ကို ယူကာ ကိုယ်ဖျောက်လျက် ထိုနေရာမှ ထွက်ခွာလာခဲ့လိုက်သည်။</p> <p> </p> <p>ထို့နောက် သူက ဝမ်မုန့်ထံသို့ ဆက်သွယ်လိုက်၏။ “ငါ့ဆီမှာ မင်းကို ရောင်းချင်တဲ့ ပစ္စည်းကိရိယာတွေနဲ့ စွမ်းရည်စာအုပ်တစ်သုတ် ရှိတယ်။ ပြီးတော့ ကောင်းတဲ့ ပစ္စည်းတစ်ခုလည်း ပါသေးတယ်... မင်း ဘယ်တော့ အားလဲ”</p> <p> </p> <p>ဝမ်မုန့်က အလျင်အမြန် ပြန်ဖြေလာသည်။ “ခင်ဗျား ကျွန်တော်တို့ကို လိုအပ်တယ်ဆိုရင် ဘယ်အချိန်ပဲဖြစ်ဖြစ် အားပါတယ်။ ဟားဟား။ ခဏလေးသာစောင့်၊ နေရာကိုသာ ပို့ပေးထားလိုက်၊ ကျွန်တော်တို့ ချက်ချင်း အရောက်လာခဲ့မယ်”</p> <p> </p> <p>ချင်ဖုန်းက ဝမ်မုန့်ထံသို့ တည်နေရာတစ်ခုကို ပို့ပေးလိုက်ပြီးနောက် တစ္ဆေညခရီးသွားဝံပုလွေကို စီးနင်းကာ မိမိကိုယ်ကိုယ်ရော တိုက်ပွဲဝင်သတ္တဝါကိုပါ ကိုယ်ဖျောက်လျက် ထိုနေရာသို့ ထွက်ခွာသွားလိုက်၏။</p> <p> </p> <p>ထိုနေရာမှာ 'ဘုရားကျောင်း ခိုလှုံရာစခန်း' ၏ အပြင်ဘက်ရှိ လူသူကင်းမဲ့သော နေရာတစ်ခု ဖြစ်ပေသည်။</p> <p> </p> <p>ချင်ဖုန်းရောက်ရှိသွားချိန်၌ 'စုပြုံ' မိစ္ဆာခုနစ်ကောင်၊ ရှစ်ကောင်ခန့်က ထိုလမ်းကြားငယ်လေးထဲ၌ ပြွတ်သိပ်နေကြသည်ကို သူတွေ့လိုက်ရသည်။</p> <p> </p> <p>စုပြုံမိစ္ဆာများက အဆင့် ၁၂ မိစ္ဆာများဖြစ်ကြကာ တစ်ကောင်ချင်းစီတိုင်းက အလွန်အမင်း ဝဖြိုးသော နတ်ဆိုးများ ဖြစ်ကြသည်။ သူတို့ စုပြုံနေချိန်၌ အသားတောင်ကြီးတစ်ခုနှင့်ပင် တူနေပေသည်။</p> <p> </p> <p>သူတို့တွင် ကာကွယ်မှု ထပ်ပေါင်းသည့် အာနိသင်တစ်ခုလည်း ရှိသေးကာ စုပြုံမိစ္ဆာတစ်ကောင်စီတိုင်းက အဆင့်တူ သာမန်မိစ္ဆာတစ်ကောင်ထက် နှစ်ဆ၊ သုံးဆခန့် ပိုမို၍ ခံနိုင်ရည် ရှိကြ၏။</p> <p> </p> <p>အကယ်၍ သာမန်ကစားသမားအဖွဲ့တစ်ဖွဲ့သာ ၎င်းတို့နှင့် တွေ့ဆုံခဲ့ပါလျှင် သေချာပေါက် သွေးချောင်းစီးသွားမည် ဖြစ်သည်။</p> <p> </p> <p>သို့သော် ချင်ဖုန်းအတွက်မူ လျပ်တပျက် အရိပ်ခုတ်ချက် တစ်ချက်တည်းဖြင့်ပင် ထိုအကောင်များအားလုံးကို အဆုံးသတ်ပေးလိုက်နိုင်၏။</p> <p> </p> <p>ထိုမိစ္ဆာအစုအဝေးကို သတ်ဖြတ်ပြီးနောက် ချင်ဖုန်းက ထိုနေရာ၌ ရပ်မစောင့်နေတော့ဘဲ ပတ်ဝန်းကျင်ရှိ အခြားသောမိစ္ဆာများကိုပါ ဆက်လက် ရှင်းလင်းနေလိုက်သည်။</p> <p> </p> <p>ဆယ်မိနစ်ကျော် ကြာပြီးနောက်မှသာ ဝမ်မုန့်၊ အန်းယွီနှင့် တခြားသူများက အတူတကွ ရောက်ရှိလာကြ၏။</p> <p> </p> <p>၎င်းက အရောင်းအဝယ်တစ်ခုသက်သက်သာ ဖြစ်သော်လည်း ယခင်အတွေ့အကြုံများအရ ချင်ဖုန်းထံ၌ ကျောပိုးအိတ်နေရာများစွာ ရှိနေမှန်း သူတို့ သိထားကြသဖြင့် အဖွဲ့တစ်ဖွဲ့လုံး လိုက်လာခဲ့ကြခြင်း ဖြစ်သည်။</p> <p> </p> <p>ဤသည်မှာ ပစ္စည်းများဝယ်ယူပြီးနောက် ကျောပိုးအိတ်နေရာ မလုံလောက်ခြင်းမျိုး မဖြစ်စေရန် ရှောင်ရှားခြင်းပင်။</p> <p> </p> <p>ပြန်လည်တွေ့ဆုံချိန်၌ ဝမ်မုန့်နှင့် အခြားသူများ၏ ပစ္စည်းကိရိယာများနှင့် တိုက်ခိုက်ရေးစွမ်းအားများ သိသိသာသာ တိုးတက်လာကြောင်းကို ချင်ဖုန်းက သတိပြုမိလိုက်၏။</p> <p> </p> <p>ဦးဆောင်လာသော ဝမ်မုန့်ထံတွင် ချင်ဖုန်းဆီမှ ဝယ်ယူထားသည့် ပလက်တီနမ်အဆင့် ပစ္စည်းကိရိယာနှစ်ခု ရှိနေပြီး ကျန်သောပစ္စည်းများမှာ အခြေခံအားဖြင့် ရွှေအဆင့်များ ဖြစ်ကြသည်။</p> <p> </p> <p>သေချာသည်မှာ ထိုရွှေအဆင့်ပစ္စည်းများကို အစပြုမြို့ငယ်တွင် ရှာဖွေထားခြင်းဖြစ်သဖြင့် အဆင့်များက အတော်လေး နိမ့်ကျနေမည်ဖြစ်ကြောင်း ချင်ဖုန်းက သိထားပေသည်။</p> <p> </p> <p>ချင်ဖုန်းထံရှိ ကိန်းဂဏန်းအချက်အလက်များနှင့် နှိုင်းယှဉ်လျှင် ကွာဟချက်က ကြီးမားနေဆဲပင်။</p> <p> </p> <p>အကယ်၍ သူတို့၏ ပစ္စည်းများအားလုံးကို ပေါင်းလိုက်မည်ဆိုလျှင် ကွာဟချက်က ပို၍ပင် ကြီးမားနေဦးမည် ဖြစ်၏။</p> <p> </p> <p>“ဂုရုကြီး၊ ရှင်က တစ်ညတည်းနဲ့ အဆင့် ၁၃ ကို ရောက်သွားတာလား။ ဒါက အရမ်းကို ကြမ်းလွန်းတယ်”</p> <p> </p> <p>အန်းယွီက ချင်ဖုန်းကို မြင်သည်နှင့်တစ်ပြိုင်နက် သူမ၏ လှပသော မျက်လုံးများထဲတွင် လေးစားအားကျမှုများ ပြည့်နှက်စွာဖြင့် သူ့ထံသို့ စိတ်အားထက်သန်စွာ ပြေးလာတော့၏။</p> <p> </p> <p>***</p> <p> </p> <p> </p>


Save