Book List

<h2 style="text-align: center;">အခန်း (၇၆)</h2> <h2 style="text-align: center;">ဧကရှစ်ရာကျယ်ဝန်းသော ခိုလှုံရာစခန်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ချင်ဖုန်းက ခေါင်းထဲတွင် လေသာရှိပုံရသော ရဲမေလေးကို တစ်ချက်ကြည့်ကာ ပြုံးလိုက်၏။</p> <p> </p> <p>သူ့အပေါ်ထားရှိသော ဤကောင်မလေး၏ လေးစားအားကျမှုများက တဖြည်းဖြည်း ကြီးထွားလာနေကြောင်း ထင်ရှားနေပေသည်။</p> <p> </p> <p>လျှို့ဝှက်အလုပ်အကိုင် 'နဂါးဓားသမား' ကို တစ်ဦးတည်း ပိုင်ဆိုင်ထားသူအနေဖြင့် သူမ၏ အလုပ်အကိုင်မှ အလိုအလျောက်စွမ်းရည်က သာမန်တိုက်ခိုက်မှုတိုင်းတွင် 'နဂါးမီးတောက်' ကို အသက်ဝင်စေနိုင်သည့် ဖြစ်တန်စွမ်းတစ်ခု ရှိနေပေသည်။ အလုပ်အကိုင်အဆင့်များ ထပ်မံမြင့်တက်လာပြီးနောက်တွင် သာမန်တိုက်ခိုက်မှုများက 'နဂါးဟောက်သံ' ၊ 'နဂါးချပ်ဝတ်' နှင့် 'နဂါးပြောင်းပြန်ကြေးခွံ' ကဲ့သို့သော အာနိသင်များကိုပါ အသက်ဝင်စေနိုင်ဦးမည် ဖြစ်သည်။</p> <p> </p> <p>နောက်ဆုံးတွင်မူ သူမက သာမန်တိုက်ခိုက်မှုများမှတစ်ဆင့် အမျိုးမျိုးသော နဂါးပုံရိပ်ယောင်များကိုပင် ဆင့်ခေါ်နိုင်လာမည် ဖြစ်သည်။</p> <p> </p> <p>သူမက ရွှေအဆင့် တိုက်ပွဲဝင်ချပ်ဝတ်တန်ဆာတစ်ခုကို ဝတ်ဆင်ထားလေရာ ပို၍ပင် သူရဲကောင်းဆန်ကာ ထူးခြားနေပုံရပြီး စစ်မြေပြင်မှ အမျိုးသမီးစစ်သူကြီးတစ်ဦး၏ ရဲရင့်ကာ လွတ်လပ်ပေါ့ပါးသော အငွေ့အသက်မျိုး ပိုင်ဆိုင်ထားပေသည်။ သို့သော် သူမ၏ သွယ်လျသောခါးတွင် ချိတ်ဆွဲထားသည့် ငွေအဆင့်ဓားရှည်ကမူ အနည်းငယ် နေရာလွဲမှားနေသယောင် ရှိနေ၏။</p> <p> </p> <p>သူမ၏ တစ်ကိုယ်လုံးတွင် ရွှေအဆင့်ပစ္စည်းကိရိယာများဖြင့် ပြည့်နှက်နေသော်လည်း သူမ၏ လက်နက်က ငွေအဆင့်သာ ရှိနေသေးပေသည်။ ဤကောင်မလေး၏ ကံတရားက အနည်းငယ် စောင်းချိတ်နေပုံပင်။</p> <p> </p> <p>ဝမ်မုန့်ကလည်း သက်ပြင်းတစ်ချက်ချလိုက်သည်။ သူက မျက်နှာပေါ်တွင် ခံစားချက်များ ပြည့်နှက်နေလျက် “ငါတို့က တစ်ညလုံး အဆင့်တွေ တင်နေခဲ့တာတောင် အဆင့် ၁၁ ရောက်ဖို့ အဆင့်ဝက်လောက် လိုနေသေးတယ်။ မင်းရဲ့ အမြန်နှုန်းက အရမ်းမြန်လွန်းတယ်...”</p> <p> </p> <p>သူ၏ စကားမဆုံးခင်၌ပင် အန်းယွီက ချက်ချင်း လက်လှမ်းကာ သူ့စကားကို ဖြတ်ပြောလိုက်၏။ “အဓိပ္ပာယ်မရှိတာတွေ လျှောက်မပြောနဲ့။ ယောကျာ်းတစ်ယောက်ရဲ့ အမြန်နှုန်းက မြန်တယ်လို့ ဘယ်သူက ပြောလဲ”</p> <p> </p> <p>“…”</p> <p> </p> <p>လူတိုင်း မှင်သက်သွားကြသည်။</p> <p> </p> <p>အန်းယွီက ချင်ဖုန်းကို ပြုံး၍ ကြည့်လိုက်၏။ “ဂုရုကြီး၊ ကျွန်မပြောတာ မှန်တယ်မလား”</p> <p> </p> <p>“...”</p> <p> </p> <p>ချင်ဖုန်းမှာ ဤအမျိုးသမီး၏ လက်အောက်၌ အရှုံးပေးလိုက်ရလေပြီ။</p> <p> </p> <p>သူက သူတို့နှင့် စကားများများစားစား ဆက်မပြောနေတော့ချေ။</p> <p> </p> <p>သူရောင်းချင်သော ပစ္စည်းကိရိယာများနှင့် စွမ်းရည်စာအုပ်များကိုသာ တိုက်ရိုက်ထုတ်ပြလိုက်၏။ “ဈေးနှုန်းတွေကို ငါသတ်မှတ်ထားတယ်။ မင်းတို့ လိုချင်ရင် တိုက်ရိုက်ယူလိုက်လို့ ရတယ်။ ပြီးတော့ ငါ့ဆီမှာ နောက်ထပ် ကောင်းမွန်တဲ့ ပစ္စည်းတစ်ခု ရောင်းဖို့ ရှိသေးတယ်။ မင်းတို့တွေ ခိုလှုံရာစခန်းတွေအကြောင်း ရင်းနှီးလား”</p> <p> </p> <p>“ခိုလှုံရာစခန်းတွေလား”</p> <p> </p> <p>ထိုစကားကိုကြားသည်နှင့်တစ်ပြိုင်နက် အန်းယွီက ချက်ချင်း ခေါင်းညိတ်လိုက်သည်။ “ကျွန်မတို့ ကြားဖူးတယ်။ ကျန်းဟိုင်မြို့ဟောင်းအပျက်အစီးတွေထဲမှာ ဘေးကင်းဇုန်တွေ မရှိပေမဲ့ ကစားသမားအဖွဲ့တွေက ခိုလှုံရာစခန်းတွေကို အခြေစိုက်စခန်းတွေအနေနဲ့ အသုံးပြုဖို့ သိမ်းပိုက်နိုင်ကြတယ်လေ”</p> <p> </p> <p>“ကျွန်မတို့က ခိုလှုံရာစခန်းထဲမှာ ပစ္စည်းကိရိယာတွေနဲ့ တခြားအရင်းအမြစ်တွေကို သိမ်းဆည်းထားလို့ ရတယ်။ အဲ့ဒါအပြင် ခိုလှုံရာစခန်းတွေက အရေးကြီးတဲ့အချိန်တွေမှာ အပြင်ဘက်က ဝင်ရောက်ကျူးကျော်မှုတွေကို ခုခံဖို့အတွက် မှော်ကာကွယ်ရေး အတားအဆီးတွေကို ဖွင့်လှစ်နိုင်တယ်...”</p> <p> </p> <p>ပြောနေရင်းဖြင့် ထိုကောင်မလေး၏ လှပသော မျက်လုံးများက ရုတ်တရက် တောက်ပသွား၏။ “ဂုရုကြီး၊ ရှင့်ဆီမှာ ရောင်းစရာ ခိုလှုံရာစခန်းတစ်ခုရှိတယ်လို့ ပြောချင်တာတော့ မဟုတ်ပါဘူးနော်”</p> <p> </p> <p>ချင်ဖုန်းက ခေါင်းညိတ်လိုက်သည်။ “ငါ့ရဲ့ ဒီခိုလှုံရာစခန်းက သေးတော့ မသေးဘူး။ ပလက်တီနမ်အဆင့်ဘော့စ်ကို အနိုင်ယူပြီးမှ ငါ ဒါကို ရထားတာ... မင်းတို့ကြားဖူးတဲ့ ခိုလှုံရာစခန်းသတင်းက ရွှေအဆင့်ဘော့စ်ကို အနိုင်ယူပြီး ခိုလှုံရာစခန်းငယ်လေးတစ်ခု ရသွားတဲ့ တခြားသူတွေဆီကနေ လာတာဖြစ်မယ် မဟုတ်လား”</p> <p> </p> <p>အန်းယွီက ခေါင်းကို ဆက်တိုက်ညိတ်ပြလိုက်၏။ “ဟုတ်တယ်။ ဒါပေမဲ့ ကျွန်မတို့ ကျန်းဟိုင်တရားဝင်အာဏာပိုင်တွေဘက်ကတော့ ဘယ်ခိုလှုံရာစခန်းကိုမှ ရှာမတွေ့သေးဘူး။ မော့တူမြို့ဘက်က တရားဝင်အာဏာပိုင်တွေက အလယ်အလတ်စားခိုလှုံရာစခန်းတစ်ခုကို သိမ်းပိုက်နိုင်ခဲ့ပြီဆိုတော့ အဲ့ဒီကနေ ကျွန်မတို့ သိလိုက်ရတာ...”</p> <p> </p> <p>ချင်ဖုန်းက “အဲ့ဒီလိုဆိုရင် မင်းတို့က ခိုလှုံရာစခန်းတစ်ခုရဲ့ တန်ဖိုးကို သိလောက်မှာပါ။ ဒါက 'ဘုရားကျောင်း ခိုလှုံရာစခန်း သော့' ပဲ။ ဒါကို အသုံးပြုပြီးရင် မင်းက ဘုရားကျောင်းခိုလှုံရာစခန်းရဲ့ ပိုင်ရှင် ဖြစ်လာလိမ့်မယ်။ ဒီခိုလှုံရာစခန်းက ဧကရှစ်ရာ ကျယ်ဝန်းတယ်။ မင်းတို့ ဘယ်လောက်ပေးနိုင်လဲဆိုတာကို ပြန်သွားပြီး ဆွေးနွေးကြည့်လို့ ရတယ်။ ပြီးမှ မင်းတို့ကို ရောင်းသင့်၊ မရောင်းသင့်ဆိုတာ ငါ စဉ်းစားမယ်”</p> <p> </p> <p>ထိုစကားကို ကြားသည်တွင် ဝမ်မုန့်၊ အန်းယွီနှင့် တခြားသူများအားလုံး၏ မျက်လုံးများမှာ ပြူးကျယ်သွားကြ၏။ “ဧကရှစ်ရာ”</p> <p> </p> <p>သူတို့အားလုံး အံ့အားသင့် မှင်သက်သွားကြခြင်းပင်။</p> <p> </p> <p>မော့တူမြို့မှ တရားဝင်အာဏာပိုင်များ သိမ်းပိုက်နိုင်ခဲ့သော ခိုလှုံရာစခန်းမှာ ဘောလုံးကွင်းတစ်ကွင်းစာခန့်သာ ရှိပြီး ၁၀ ဧကကျော်ခန့်သာ ကျယ်ဝန်းကြောင်း သူတို့ သိထားကြပေသည်။</p> <p> </p> <p>၎င်းကပင် သူတို့ကို အလွန်အမင်း အားကျစေခဲ့၏။</p> <p> </p> <p>သို့သော် ယခု အရိပ်ထံတွင်မူ... သူက ဧကရှစ်ရာကျယ်ဝန်းသော ခိုလှုံရာစခန်းတစ်ခုကို အမှန်တကယ် ရရှိထားသည်လော။</p> <p> </p> <p>“ခိုလှုံရာစခန်း ဧရိယာက ပိုကျယ်လေလေ ကာကွယ်ရေးစွမ်းအား ပိုအားကောင်းလေလေပဲ။ ပြီးတော့ အတွင်းပိုင်းက အခြေခံအဆောက်အအုံတွေကလည်း ပိုပြီး ခိုင်ခံ့တယ်...”</p> <p> </p> <p>“ဧကရှစ်ရာကျယ်တဲ့ ခိုလှုံရာစခန်းက ငါတို့ ကျန်းဟိုင်တရားဝင်အဖွဲ့ထဲက အဖွဲ့ဝင်တိုင်း အထဲမှာ ကိုယ်ပိုင်အခန်းတွေ ရရှိဖို့ လုံလောက်တယ်...”</p> <p> </p> <p>အန်းယွီနှင့် တခြားသူများမှာ လုံးဝကို တုန်လှုပ်သွားကြပေသည်။</p> <p> </p> <p>သို့သော် ပြန်တွေးကြည့်လျှင် 'အရိပ်' က ဤခိုလှုံရာစခန်းကို ပလက်တီနမ်အဆင့်ဘော့စ်တစ်ကောင်အား သတ်ဖြတ်ပြီးမှ ရရှိခဲ့ခြင်းဖြစ်လေရာ ခိုလှုံရာစခန်းမှာ ဤမျှ ကြီးမားနေခြင်းက သဘာဝကျလှပေသည်။</p> <p> </p> <p>“ဒါပေမဲ့ ဒီလောက်ကြီးတဲ့ ခိုလှုံရာစခန်းအတွက်... ရှင်က ဘယ်လောက်နဲ့ ရောင်းဖို့ စဉ်းစားထားလဲ”</p> <p> </p> <p>အန်းယွီက သူမ၏ စကားလုံးများကို သေချာရွေးချယ်ကာ သတိထား၍ မေးလိုက်၏။</p> <p> </p> <p>လောလောဆယ်၌ ဤခိုလှုံရာစခန်းကို လိုချင်နေသည်က တရားဝင်အာဏာပိုင်များသာ မဟုတ်ဘဲ အခြားသော အဖွဲ့အစည်းများစွာကလည်း လိုချင်နေကြမည်ဖြစ်ကြောင်း သူမက နားလည်ထားပေသည်။</p> <p> </p> <p>ချင်ဖုန်းက ဈေးနှုန်းကို တိုက်ရိုက်မပြောဘဲ ဤသို့သာ ဆိုလိုက်သည်။ “အရင်ဆုံး မင်းတို့ ဘယ်လောက်ပေးနိုင်မလဲဆိုတာ ပြန်သွားပြီး ဆွေးနွေးကြည့်ပါ။ မင်းတို့ ပေးတဲ့ဈေးကို ငါ အရင်ကြည့်မယ်”</p> <p> </p> <p>အမှန်တကယ်တွင်မူ သူ၏ အတိတ်ဘဝက အခြေအနေများအပေါ် အခြေခံ၍ ချင်ဖုန်းက ဤခိုလှုံရာစခန်းကို သက်တမ်း နှစ်နှစ်ထောင်ခန့်ဖြင့် ရောင်းချနိုင်မည်ဟု အကြမ်းဖျင်း ခန့်မှန်းထားခဲ့၏။</p> <p> </p> <p>၎င်းက ရက်ပေါင်း ၇၃၀,၀၀၀ နှင့် ညီမျှပေသည်။</p> <p> </p> <p>သို့သော် လက်တွေ့တွင်မူ လူများက ခိုလှုံရာစခန်းများကဲ့သို့သော အရာများကို ရောင်းချလေ့ မရှိကြချေ။</p> <p> </p> <p>အဘယ်ကြောင့်ဆိုသော် ၎င်းက အဖွဲ့အစည်းတစ်ခု၏ ဘေးကင်းလုံခြုံသောနေရာနှင့် အခြေစိုက်စခန်းတစ်ခု ဖြစ်နေသောကြောင့်ပင်။ အထူးသဖြင့် အစောပိုင်းအဆင့်များတွင် ၎င်းက အခြေခံအားဖြင့် ထိုးဖောက်ဝင်ရောက်၍ မရနိုင်သော တည်ရှိမှုတစ်ခု ဖြစ်ပေသည်။</p> <p> </p> <p>ဘေးကင်းဇုန်များ မရှိသော မြို့ဟောင်းအပျက်အစီးများထဲတွင် ခိုလှုံရာစခန်းတစ်ခု၏ အရေးပါမှုက ဆိုဖွယ်ရာပင် မရှိတော့ချေ။</p> <p> </p> <p>“ကောင်းပြီလေ”</p> <p> </p> <p>အန်းယွီက လေးနက်သော မျက်နှာထားဖြင့် ခေါင်းညိတ်လိုက်၏။</p> <p> </p> <p>ထို့နောက် သူမက ချင်ဖုန်း၏ အခြားသောပစ္စည်းများကို စတင် စစ်ဆေးလိုက်သည်။</p> <p> </p> <p>နောက်ဆုံးတွင် သူမက ချင်ဖုန်း ရောင်းချနေသော ပစ္စည်းကိရိယာများနှင့် အရင်းအမြစ်များကို သက်တမ်း ရက်ပေါင်း ၄၅,၀၀၀ ဖြင့် ဝယ်ယူလိုက်လေသည်။</p> <p> </p> <p>ချင်ဖုန်းက အဆင့် ၁၃ အောက်ရှိ ပစ္စည်းကိရိယာများနှင့် စွမ်းရည်စာအုပ်များအားလုံးကို ရောင်းချပစ်လိုက်၏။</p> <p> </p> <p>အဆင့် ၁၃ မှ ၁၅ အထိ ပစ္စည်းများအတွက်မူ လောလောဆယ်၌ သူက ဆက်သိမ်းထားလိုက်သည်။</p> <p> </p> <p>မည်သို့ပင်ဖြစ်စေကာမူ သူက အရာအားလုံးကို အောက်ဘုံဝိညာဉ်နယ်မြေထဲတွင် သိမ်းဆည်းထားနိုင်သဖြင့် ကျောပိုးအိတ်နေရာ မလုံလောက်မည်ကို မစိုးရိမ်တော့ချေ။</p> <p> </p> <p>“အခု လဲလှယ်လို့ရတဲ့ သက်တမ်းက ၃၇၂ နှစ် ရှိသွားပြီ”</p> <p> </p> <p>“လဲလှယ်လို့မရတဲ့ သက်တမ်းကတော့ ၂,၇၂၄ နှစ်ပဲ”</p> <p> </p> <p>ချင်ဖုန်းက သူ၏ လက်ရှိ ဖွံ့ဖြိုးတိုးတက်မှုနှုန်းကို အတော်လေး ကျေနပ်နေ၏။</p> <p> </p> <p>သို့သော် လဲလှယ်၍ရသော သက်တမ်းပမာဏက ဂိမ်းထဲရှိ သူ၏ စွမ်းရည်များအားလုံးကို လက်တွေ့ကမ္ဘာထဲသို့ ထုတ်ယူရန်အတွက် လုံလောက်လိမ့်မည် မဟုတ်ချေ။</p> <p> </p> <p>“သိမ်မွေ့သော လွတ်မြောက်ခြင်း တစ်ခုတည်းကတင် ငါးသောင်းကျော် လိုတယ်”</p> <p> </p> <p>“တိုက်ပွဲဝင်သတ္တဝါကလည်း သုံးသောင်းကနေ ငါးသောင်းကြား လိုဦးမယ်”</p> <p> </p> <p>“အဲ့ဒါတွေ ပေါင်းလိုက်ရင်ပဲ ရက်ရှစ်သောင်း၊ ကိုးသောင်းလောက် ရှိနေပြီ...”</p> <p> </p> <p>“ပြီးတော့ မြအဆင့် ပစ္စည်းကိရိယာတွေလည်း ရှိသေးတယ်။ အဲ့ဒါတွေကို လက်တွေ့ကမ္ဘာထဲ ထုတ်ယူဖို့ကလည်း သက်တမ်းတွေ အများကြီး လိုအပ်တယ်”</p> <p> </p> <p>သို့သော် 'ဘုရားကျောင်း ခိုလှုံရာစခန်း' ကို ရောင်းချလိုက်နိုင်သရွေ့ ချင်ဖုန်း၏ သက်တမ်းက လုံလောက်သွားမည် ဖြစ်၏။ 'အောက်ဘုံဝိညာဉ်နယ်မြေ' ခိုလှုံရာစခန်းကိုပင် လက်တွေ့ကမ္ဘာထဲသို့ ထုတ်ယူနိုင်စွမ်း ရှိသွားမည် ဖြစ်သည်။</p> <p> </p> <p>“လက်တွေ့ကမ္ဘာထဲကို ထုတ်ယူထားတဲ့ ခိုလှုံရာစခန်းတစ်ခုက အရမ်းအားကောင်းတဲ့ ကာကွယ်ရေးစွမ်းရည်တွေ ရှိတယ်ဆိုတော့ ဘေးကင်းလုံခြုံမှုကို အာမခံနိုင်ပြီ”</p> <p> </p> <p>“ဒါပေမဲ့ ခိုလှုံရာစခန်းထဲမှာ နေထိုင်ဖို့အတွက် မရှိမဖြစ်လိုအပ်တဲ့ နေထိုင်မှု အသုံးအဆောင်တချို့ကိုတော့ ထည့်သွင်းဖို့ လိုတယ်...”</p> <p> </p> <p>လျှပ်စစ်မီးများ၊ အိမ်သုံးပစ္စည်းများ၊ ကုတင်များ၊ ဗီရိုများ စသည်တို့ပင်။</p> <p> </p> <p>ထိုအရာများထဲမှ မည်သည့်အရာကမျှ ပြင်ပအကူအညီ မလိုအပ်ချေ။</p> <p> </p> <p>ချင်ဖုန်းအနေဖြင့် ဂိမ်းထဲရှိ NPC တစ်ဦးကို ရှာဖွေကာ အရာအားလုံးကို ဖြေရှင်းရန် သက်တမ်းအနည်းငယ် အသုံးပြုလိုက်ရုံသာ ရှိပေသည်။</p> <p> </p> <p>“ဒါနဲ့ ဂုရုကြီး...”</p> <p> </p> <p>ရုတ်တရက် အန်းယွီက တစ်စုံတစ်ခုကို သတိရသွားပုံဖြင့် “ကျွန်မတို့ရဲ့ ကျန်းဟိုင်မြို့ရဲ့ အစပြုမြို့ငယ်တစ်ခုမှာ ရွှေအဆင့်ဘော့စ် ခုနှစ်ကောင် စုဝေးနေကြတယ်ဆိုတဲ့ သတင်းကို အခုလေးတင် ကျွန်မတို့ လက်ခံရရှိထားတယ်။ အဲ့ဒီဘော့စ်တွေရဲ့ သတ်ဖြတ်တာကို လူအတော်များများ ခံလိုက်ရပြီးပြီ...”</p> <p> </p> <p>“ဂုရုကြီး အဲ့ဒါကို သွားဖြေရှင်းချင်မလားလို့ ကျွန်မက မေးချင်လို့ပါ။ ကျွန်မတို့ တရားဝင်အဖွဲ့က ဆုကြေးငွေအနေနဲ့ သက်တမ်းဆယ်နှစ် ပေးဖို့ ဆန္ဒရှိပါတယ်”</p> <p> </p> <p>ရွှေအဆင့်ဘော့စ် ခုနှစ်ကောင် စုဝေးနေသည်လော။</p> <p> </p> <p>ဤအခြေအနေက ချင်ဖုန်းကို အနည်းငယ် အံ့အားသင့်သွားစေကာ သူ၏ နှလုံးခုန်သံကိုပင် အနည်းငယ် မြန်ဆန်သွားစေခဲ့၏။</p> <p> </p> <p>“ရှေးဟောင်းနတ်ဘုရားကျောက်စာချပ်များ ဖြစ်နေမလား”</p> <p> </p> <p>ယေဘုယျအားဖြင့် ဘော့စ်အဆင့် မိစ္ဆာများက တစ်ကောင်နှင့်တစ်ကောင် သီးခြားစီ နေတတ်ကြကာ အတူတကွ နေထိုင်လေ့ မရှိကြချေ။</p> <p> </p> <p>ရွှေအဆင့်ဘော့စ်ခုနှစ်ကောင် အတူတကွ စုဝေးနေခြင်းက သူတို့သည် 'ရှေးဟောင်းနတ်ဘုရား ကျောက်စာချပ်' တစ်ခုကို စောင့်ကြပ်နေသည့် ဖြစ်တန်စွမ်း အလွန်မြင့်မားနေကြောင်း ဆိုလိုနေပေသည်။</p> <p> </p> <p>“အကယ်၍ တကယ်သာ ရှေးဟောင်းနတ်ဘုရား ကျောက်စာချပ် ဖြစ်နေမယ်ဆိုရင်တော့... အတော်လေး မိုက်သွားပြီ”</p> <p> </p> <p>ထိုအရာက ကစားသမားတစ်ဦး၏ တိုက်ခိုက်ရေးစွမ်းအားကို သိသိသာသာ မြှင့်တင်ပေးနိုင်စွမ်း ရှိ၏။</p> <p> </p> <p>ထို့ပြင် ရှေးဟောင်းနတ်ဘုရား ကျောက်စာချပ်တိုင်းမှာ ဂိမ်း၏ နောက်ဆုံးအဆင့်များအထိ အသုံးပြုနိုင်သော အရာတစ်ခု ဖြစ်ပေသည်။</p> <p> </p> <p>“ငါ သွားကြည့်ရမယ်”</p> <p> </p> <p>ချင်ဖုန်းက ဆုံးဖြတ်ချက် ချလိုက်၏။</p> <p> </p> <p>ထို့ကြောင့် သူက အန်းယွီဘက်သို့ လှည့်ကာ ခေါင်းညိတ်လိုက်သည်။ “ကောင်းပြီ၊ ငါ သွားကြည့်လို့ ရတယ်။ ဘယ်မြို့ငယ်လဲ”</p> <p> </p> <p>***</p> <p> </p> <p> </p>


Save