Book List

<h2 style="text-align: center;">အခန်း (၈၀)</h2> <h2 style="text-align: center;">ကပ်ဘေး ရှေးဟောင်းနတ်ဘုရား၏ ကျိန်စာသင့် ကျောက်စာချပ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>တစ်မိနစ်ခန့် အကြာတွင်...</p> <p> </p> <p>ချင်ဖုန်းက 'ကပ်ဘေး ရှေးဟောင်းနတ်ဘုရား ဥတိုစ်' ၏ အက္ခရာအစဉ်လိုက်အတိုင်း ရွှေအဆင့်ဘော့စ်နှစ်ကောင်ကို ဆက်တိုက် သတ်ဖြတ်ခဲ့သော်လည်း...</p> <p> </p> <p>ထိုရွှေအဆင့်ဘော့စ်နှစ်ကောင်က ချက်ချင်းဆိုသလို ပြန်လည်ရှင်သန်လာခဲ့ကြဆဲပင်။</p> <p> </p> <p>ထိုအရာက ချင်ဖုန်းကို အနည်းငယ် စိတ်ရှုပ်ထွေးသွားစေခဲ့၏။</p> <p> </p> <p>“အစဉ်လိုက် သတ်ရမှာ မဟုတ်ဘူးလား”</p> <p> </p> <p>မည်သို့ပင်ဆိုစေကာမူ သူက ကိုယ်ဖျောက်နိုင်စွမ်း ရှိပေသည်။</p> <p> </p> <p>စမ်းသပ်မှု ကျရှုံးသွားသဖြင့် သူက တိုက်ရိုက် ကိုယ်ဖျောက်လိုက်ပြီးနောက် ပတ်ဝန်းကျင်မြေပုံကို စတင် စူးစမ်းရှာဖွေလိုက်လေသည်။</p> <p> </p> <p>သို့သော် တိတ်ဆိတ်ငြိမ်သက်နေသော ရေအိုင်ပတ်လည်တွင် ရှာဖွေပြီးနောက်၌ မည်သည့် သံသယဖြစ်ဖွယ်ရာကိုမျှ သူ မတွေ့ခဲ့ရချေ။</p> <p> </p> <p>အချိန်အနည်းငယ် ကြာပြီးနောက် သူလျစ်လျူရှုထားမိခဲ့သော အရာတစ်ခုကို တွေးမိသွား၏...</p> <p> </p> <p>“နေဦး၊ ဒီရေအိုင်ထဲကို ငါ မရှာရသေးဘူးပဲ”</p> <p> </p> <p>ချင်ဖုန်းက ရေအိုင်ကမ်းစပ်သို့ ရောက်လာခဲ့သည်။</p> <p> </p> <p>ရေအိုင်၏ မျက်နှာပြင်မှာ မှန်တစ်ချပ်လို ချောမွေ့နေသဖြင့် ရေအောက်ထဲတွင် မည်သည့်အရာရှိနေကြောင်းကို လုံးဝ မမြင်နိုင်ချေ။</p> <p> </p> <p>ချင်ဖုန်းအနေဖြင့် ရွေးချယ်စရာ မရှိသဖြင့် 'အနက်ရောင်အလင်း ဒိုင်းလွှား' ကို အရင်ဆုံး ထုတ်လွှတ်လိုက်ရ၏။</p> <p> </p> <p>သူလက်မြှောက်လိုက်သည်နှင့် သူ၏ ရှောင်တိမ်းမှုနှုန်းတစ်ခုလုံးက အနက်ရောင်အကာအကွယ် အထပ် ၁၀ ထပ်အဖြစ် ပြောင်းလဲသွားကာ သူ၏ ခန္ဓာကိုယ်ကို ဝန်းရံကာကွယ်ပေးလိုက်တော့သည်။</p> <p> </p> <p>ထို့နောက် သူက ရေထဲသို့ ခုန်ချလိုက်၏။</p> <p> </p> <p>ရေအိုင်အောက်ခြေ၏ အလယ်ဗဟို၌ သော့ခတ်ထားသော ရှေးဟောင်းကျောက်စာချပ်တစ်ခုကို သူ မြင်တွေ့လိုက်ရသည်။</p> <p> </p> <p>၎င်းမှာ ရှေးဟောင်းနတ်ဘုရား ကျောက်စာချပ်၏ ပုံပန်းသဏ္ဍာန်အတိုင်းပင် ဖြစ်၏။</p> <p> </p> <p>ထိုကျောက်စာချပ်၏ ပတ်ပတ်လည်တွင် အခြားသော ကျောက်စာချပ် ခုနှစ်ခု ရှိနေကာ တစ်ခုချင်းစီ၌ သင်္ကေတတစ်ခုစီ ပါရှိနေပေသည်။ ထိုသင်္ကေတများက ဘော့စ်ခုနှစ်ကောင်ပေါ်ရှိ သင်္ကေတများနှင့် ထပ်တူကျနေ၏။</p> <p> </p> <p>“သက်ဆိုင်ရာ သင်္ကေတပါတဲ့ ရွှေအဆင့်ဘော့စ်ကို အဲ့ဒီသင်္ကေတနဲ့ တူညီတဲ့ ကျောက်စာချပ်နားမှာ သတ်ရမယ်ထင်တယ်”</p> <p> </p> <p>“အဲ့ဒါမှ ကျောက်စာချပ်ရဲ့ ချိပ်ပိတ်မှုက ပွင့်သွားမှာလား”</p> <p> </p> <p>ထိုအတွေးဝင်လာသည်နှင့်တစ်ပြိုင်နက် ချင်ဖုန်းက ချက်ချင်း လက်တွေ့လုပ်ဆောင်လိုက်တော့၏။</p> <p> </p> <p>သိပ်မကြာခင်၌ပင် သူက ပထမဆုံး ရွှေအဆင့်ဘော့စ်ကို ၎င်း၏ သင်္ကေတနှင့် ကိုက်ညီသော ကျောက်စာချပ်အနီး ရေအိုင်ထဲသို့ ဆွဲခေါ်လာခဲ့သည်။</p> <p> </p> <p>ဤဘော့စ်မှာ 'ကျိန်စာသင့် ပြားချပ်ကြွက်လူသား' ဖြစ်၏။ ၎င်း၏ ပိန်ချုံးနေသော ခန္ဓာကိုယ်က ရေထဲတွင် အနက်ရောင်ချွဲကျိကျိ အရည်များကို အဆက်မပြတ် ထွေးထုတ်ကာ ချင်ဖုန်းထံသို့ အဝေးမှနေ၍ တိုက်ခိုက်လာလေသည်။</p> <p> </p> <p>ချင်ဖုန်းက 'တစ္ဆေညခရီးသွားဝံပုလွေ' ကို အသုံးပြု၍ အခြားဘော့စ်များကို တခြားတစ်နေရာသို့ ခေတ္တမျှ ဆွဲဆောင်ထားစေလိုက်၏။</p> <p> </p> <p>“ဒီလောက်ဆို ရလောက်ပြီ”</p> <p> </p> <p>“သေစမ်း”</p> <p> </p> <p>ချင်ဖုန်းက လျပ်တပျက်အရိပ်ခုတ်ချက်ဖြင့် နောက်သို့ လှည့်လိုက်ကာ 'ကျိန်စာသင့် ပြားချပ်ကြွက်လူသား' ကို နောက်တစ်ကြိမ် ထပ်မံ သတ်ဖြတ်လိုက်လေသည်။</p> <p> </p> <p>ယခုတစ်ကြိမ်၌မူ ဘော့စ်ထံမှ ပစ္စည်းကိရိယာများ ကျဆင်းလာခဲ့ကာ ချင်ဖုန်းထံသို့ အတွေ့အကြုံရမှတ်များနှင့် ဆင့်ကဲပြောင်းလဲခြင်း အမှတ်များကို ပေးစွမ်းသွားတော့၏။</p> <p> </p> <p>“မဆိုးဘူး။ ကြည့်ရတာ ငါ့အတွေးက မှန်နေပုံပဲ”</p> <p> </p> <p>ဘော့စ်အသတ်ခံလိုက်ရချိန်၌ ၎င်း၏ ခန္ဓာကိုယ်ပေါ်ရှိ သင်္ကေတက အနက်ရောင်အလင်းတန်းများ လင်းလက်သွားကာ ရေအောက်ကျောက်စာချပ်ပေါ်ရှိ တူညီသောသင်္ကေတနှင့် တုံ့ပြန်သွားလေသည်။</p> <p> </p> <p>၎င်းက ထိုကျောက်စာချပ်ကို တိုက်ရိုက် ကွဲကြေသွားစေခဲ့၏။</p> <p> </p> <p>အလယ်ဗဟိုရှိ 'ရှေးဟောင်းနတ်ဘုရား ကျောက်စာချပ်' ပေါ်ရှိ သံကြိုးများ၏ အစိတ်အပိုင်းတစ်ခုက နောက်ဆုံး၌ ပြတ်တောက်သွားခဲ့လေပြီ။</p> <p> </p> <p>...</p> <p> </p> <p>ဆယ်မိနစ်ကျော် ကြာပြီးနောက်။</p> <p> </p> <p>အလားတူနည်းလမ်းကို အသုံးပြု၍ ချင်ဖုန်းက ကျန်ရှိနေသော ဘော့စ်ခြောက်ကောင်ကို သက်ဆိုင်ရာ ကျောက်စာချပ်များအနီးသို့ ဆွဲခေါ်ကာ သတ်ဖြတ်လိုက်၏။</p> <p> </p> <p>ဤအချိန်၌ ထိုရှေးဟောင်းနတ်ဘုရား ကျောက်စာချပ်အတွက် ဘော့စ်အစီအရင်များကို သူက အတည်ပြုနိုင်ခဲ့လေပြီ။</p> <p> </p> <p>“အရင်ဆုံး သူတို့ပေါ်မှာ ကပ်ဘေး ရှေးဟောင်းနတ်ဘုရား သင်္ကေတတွေ ပေါ်လာဖို့အတွက် ဒီဘော့စ်ခုနှစ်ကောင်ကို တစ်ပြိုင်နက်တည်း သတ်ရမယ်”</p> <p> </p> <p>“ပြီးတော့မှ ဒီကျောက်စာချပ်တွေနားကို ဆွဲခေါ်လာပြီး ကိုက်ညီတဲ့နေရာမှာ အသီးသီး သတ်ရတာပဲ”</p> <p> </p> <p>“တကယ်လို့ တရားဝင်အဖွဲ့တွေသာ ဒီအကြောင်းကို လေ့လာရမယ်ဆိုရင် ဆယ်ရက်၊ လဝက်လောက်နဲ့တောင် ပြီးနိုင်မှာ မဟုတ်ဘူး။ ပြီးတော့ ဆုံးရှုံးမှုကလည်း အင်မတန် ကြီးမားလိမ့်မယ်...”</p> <p> </p> <p>ချင်ဖုန်းက ခေါင်းခါယမ်းလိုက်၏။</p> <p> </p> <p>အရေးအကြီးဆုံးအချက်မှာ အခြားကစားသမားများအတွက် ဤဘော့စ်များကို တိုက်ခိုက်ရန် အခက်အခဲက အရမ်းမြင့်မားလွန်းနေခြင်းပင်။</p> <p> </p> <p>ရွှေအဆင့်ဘော့စ်တစ်ကောင်တည်းကို ရှင်းလင်းရန်ပင် အလွန်အမင်း ခက်ခဲလှ၏။ လက်ရှိ ကျန်းဟိုင်မြို့တစ်ခုလုံး၌ ထိုသို့လုပ်နိုင်သော အဖွဲ့က ဆယ်ဖွဲ့ထက် ပိုမရှိနိုင်ချေ။</p> <p> </p> <p>ဘော့စ်ခုနှစ်ကောင်ကို တစ်ပြိုင်နက်တည်း ကိုင်တွယ်ရင်း သတ်မှတ်ထားသော အခြေအနေမျိုးစုံနှင့် ကိုက်ညီအောင် လုပ်ဆောင်ရမည် ဆိုလျှင်တော့ ပြောနေစရာပင် မလိုတော့ချေ။</p> <p> </p> <p>ခက်ခဲမှုအပေါ် ထပ်ဆင့်ခက်ခဲမှုများပင်။</p> <p> </p> <p>သို့သော် ချင်ဖုန်းအတွက်မူ ဤတောင်ကြားသို့ ရောက်ရှိလာသည့် အချိန်မှစ၍ ပဟေဋ္ဌိများအားလုံးကို ဖြေရှင်းရန် ဆယ့်ငါးမိနစ်ခန့်သာ အချိန်ယူခဲ့ရ၏။</p> <p> </p> <p>ဤဘော့စ်ခုနှစ်ကောင်စလုံးမှာ အဆင့် ၁၀ ရွှေအဆင့်ဘော့စ်များ ဖြစ်ကြပေသည်။</p> <p> </p> <p>သူတို့ကို အားလုံးရှင်းလင်းလိုက်ပြီးနောက် သူက အတွေ့အကြုံရမှတ်များ၊ သက်တမ်းများနှင့် ဆင့်ကဲပြောင်းလဲခြင်း အမှတ်များစွာကို ရရှိခဲ့လေပြီ။</p> <p> </p> <p>သူ၏ အဆင့်ကလည်း အဆင့် ၁၄ သို့ တိုက်ရိုက် တက်လှမ်းသွားခဲ့၏။</p> <p> </p> <p>သူ၏ ဆင့်ကဲပြောင်းလဲခြင်း အမှတ်များမှာလည်း တစ်ပြိုင်နက်တည်းဆိုသလို အမှတ် ၂၉၄ မှတ်အထိ တိုးလာခဲ့ပေသည်။</p> <p> </p> <p>“အရင်က ကျန်နေတာတွေနဲ့ ပေါင်းလိုက်ရင် အခု ငါ့ဆီမှာ ဆင့်ကဲပြောင်းလဲခြင်း အမှတ် ၃၂၅ မှတ် ရှိသွားပြီ”</p> <p> </p> <p>“လောလောဆယ် လျပ်တပျက်အရိပ်ခုတ်ချက်က ငါ့ရဲ့ အဓိက ပျက်စီးမှုပေးနိုင်တဲ့ စွမ်းရည်ပဲ”</p> <p> </p> <p>“ဒီလိုဆိုမှတော့ ဒီစွမ်းရည်ကို ဒဏ္ဍာရီအဆင့်အထိ ဆင့်ကဲပြောင်းလဲကြည့်ဖို့ အမှတ် ၂၁၀ ကို အရင်သုံးကြည့်ရမယ်”</p> <p> </p> <p>လက်ရှိ မော်ကွန်းအဆင့် လျပ်တပျက်အရိပ်ခုတ်ချက်မှာ 'သိမ်မွေ့သောလွတ်မြောက်ခြင်း' ထံမှ 'လည်ပင်းဖြတ်ခြင်း' အသက်ဝင်အာနိသင်နှင့် ပေါင်းစပ်လိုက်ပါက စုစုပေါင်း အခြေခံပျက်စီးမှု ၅ သိန်းမှ ၆ သိန်းအထိပင် ပေးစွမ်းနိုင်နေပြီ ဖြစ်၏။</p> <p> </p> <p>အကယ်၍ ထပ်မံ ဆင့်ကဲပြောင်းလဲလိုက်ပါက အာနိသင်မှာ မည်သို့ ဖြစ်လာပါမည်နည်း။</p> <p> </p> <p>【သင်သည် ဆင့်ကဲပြောင်းလဲခြင်း အမှတ် ၂၁၀ ကို အသုံးပြုလိုက်ပါပြီ။ အမှတ် ၁၁၅ မှတ် ကျန်ရှိပါသေးသည်။】</p> <p> </p> <p>【လျပ်တပျက်အရိပ်ခုတ်ချက် (မော်ကွန်း → ဒဏ္ဍာရီ) - ဦးတည်ရာတစ်ဖက်သို့ လျပ်တပျက် ရွေ့လျားသွားပြီး (အများဆုံး မီတာ ၃၀ → ၄၀) ကိုယ်ဖျောက်ထားသည့် အခြေအနေသို့ ဝင်ရောက်သွားမည် (၁၂ → ၁၅ စက္ကန့် ကြာမြင့်မည်)။ လမ်းကြောင်းတစ်လျှောက်ရှိ ရန်သူအားလုံးကို ၉ ချက် ခုတ်ပိုင်းမည်။ စွမ်းရည်ပြန်လည်ပြည့်ဝချိန် - ၁၂ (၈.၈) စက္ကန့်။ အဆင့် ၄။】</p> <p> </p> <p>【ခုတ်ပိုင်းမှုအကျယ် - ၅ → ၆ မီတာ။ ခုတ်ပိုင်းမှု တစ်ချက်ချင်းစီတွင် တိုက်ခိုက်ရေးစွမ်းအား ၅၀၀ → ၇၀၀ ထပ်ဆောင်းပေါင်းထည့်မည်။】</p> <p> </p> <p>【အသစ်ထပ်တိုး - ခုတ်ပိုင်းမှု ထိမှန်တိုင်း သင့်အများဆုံး သွေးပမာဏ၏ ၁၀၀% နှင့် ညီမျှသော ဒိုင်းလွှားတစ်ထပ်ကို ရရှိမည်ဖြစ်ပြီး အထပ် ၉ ထပ်အထိ ထပ်ပွားနိုင်မည် ဖြစ်သည်။ ဒိုင်းလွှားမှာ စက္ကန့် ၆၀ အထိ ခံနိုင်ရည်ရှိမည်။】</p> <p> </p> <p>အကွာအဝေးက ပိုမို ဝေးကွာသွားကာ အကျယ်က ပိုမို ကျယ်ပြန့်သွားပြီး ဧရိယာကလည်း ပိုမို ကြီးမားသွားလေသည်။</p> <p> </p> <p>ခုတ်ပိုင်းမှု အရေအတွက်ကတော့ တိုးမလာခဲ့ချေ။</p> <p> </p> <p>သို့သော် အာနိသင်အသစ်တစ်ခု ထပ်တိုးလာခဲ့၏။ ခုတ်ပိုင်းမှု ထိမှန်တိုင်း ဒိုင်းလွှားတစ်ထပ် ရရှိမည်ဖြစ်ကာ ၎င်းမှာ သူ၏ သွေးပမာဏကို နှစ်ဆ တိုးသွားစေခြင်းနှင့် အတူတူပင် ဖြစ်သည်။</p> <p> </p> <p>“သောက်ရမ်းမိုက်တာပဲ...”</p> <p> </p> <p>“ဒါက လျပ်တပျက်အရိပ်ခုတ်ချက် တစ်ချက်သုံးလိုက်တိုင်း ၉ ချက်စလုံးသာ ထိသွားရင် ငါ့ရဲ့ လက်တွေ့သွေးပမာဏက မူလထက် ၁၀ ဆကို ချက်ချင်း မြင့်တက်သွားမယ်ဆိုတဲ့သဘော မဟုတ်ဘူးလား”</p> <p> </p> <p>ချင်ဖုန်းမှာ မှင်သက်သွားတော့၏။</p> <p> </p> <p>နတ်ဘုရားစွန့်ပစ်ဂိမ်းထဲရှိ ဒဏ္ဍာရီအဆင့် စွမ်းရည်များအားလုံးက ထူးခြားသော အာနိသင်များကို ပိုင်ဆိုင်ထားကြကြောင်း သူသိထားပေသည်။</p> <p> </p> <p>ထို့ပြင် ဤလျပ်တပျက်အရိပ်ခုတ်ချက်၏ အာနိသင်က...</p> <p> </p> <p>သူ၏ အသက်ရှင်သန်နိုင်စွမ်းကို တိုက်ရိုက်ဆိုသလို အမြင့်ဆုံးအထိ တွန်းတင်ပေးလိုက်ခြင်းပင်။</p> <p> </p> <p>သေချာသည်မှာ နတ်ဘုရားစွန့်ပစ်ဂိမ်းထဲရှိ စွမ်းရည်အချို့က ဒိုင်းလွှားများကို ဆန့်ကျင်ရာ၌ အပိုပျက်စီးမှုများ ပေးစွမ်းနိုင်ကြပြီး အလွန်နည်းပါးသော အရေအတွက်ကသာ ဒိုင်းလွှားများကို ဖောက်ထွင်းနိုင်စွမ်း ရှိကြပေသည်။</p> <p> </p> <p>သို့သော် ပထမတစ်ခုက သိပ်ပြီး သက်ရောက်မှု မရှိလှသလို နောက်ဆုံးတစ်ခုကလည်း သာမန်စွမ်းရည်များတွင် ပါလာမည် မဟုတ်ချေ။ အနည်းဆုံး မော်ကွန်းအဆင့်လောက်တွင်သာ ဖြစ်နိုင်ချေရှိပေသည်။</p> <p> </p> <p>“ဘော့စ်အများကြီးကို တိုက်ခိုက်တဲ့နေရာမှာ အမှားခံနိုင်စွမ်းကလည်း အများကြီး ပိုမြင့်သွားပြီ”</p> <p> </p> <p>ဤအာနိသင်ကို ချင်ဖုန်းက အတော်လေး ကျေနပ်သွားလေသည်။</p> <p> </p> <p>တစ်ခုတည်းသော နှမြောစရာအချက်မှာ မော်ကွန်းအဆင့်မှ ဒဏ္ဍာရီအဆင့်သို့ ပြောင်းလဲသွားရာတွင် လျပ်တပျက်အရိပ်ခုတ်ချက်၏ ပျက်စီးမှုတိုးတက်လာခြင်းက သိပ်မများပြားလှခြင်းပင်။</p> <p> </p> <p>သို့သော် ချင်ဖုန်း၏လက်ရှိ တိုက်ခိုက်ရေးစွမ်းအားဖြင့်ဆိုလျှင် သူက ပျက်စီးမှုပေးနိုင်စွမ်း လိုအပ်မနေခဲ့ချေ။</p> <p> </p> <p>“ငါ့ဆီမှာ ဆင့်ကဲပြောင်းလဲခြင်းအမှတ် တစ်ရာကျော် ကျန်နေသေးတယ်။ လောလောဆယ်တော့ သိမ်းထားလိုက်ဦးမယ်။ ပိုများလာတဲ့အထိ စုပြီးမှ တစ်ပြိုင်နက်တည်း ဆင့်ကဲပြောင်းလဲတာ ပိုကောင်းမယ်”</p> <p> </p> <p>လောလောဆယ်၌ တိုက်ခိုက်ရေးစွမ်းအား လုံလောက်နေပြီဖြစ်သဖြင့် ချင်ဖုန်းက သူ၏ကိုယ်ပေါ်၌ ဆင့်ကဲပြောင်းလဲခြင်းအမှတ်အချို့ကို အမြဲတမ်းချန်ထားရန် ဆုံးဖြတ်လိုက်၏။</p> <p> </p> <p>ဤသို့ပြုလုပ်ခြင်းက အရေးကြီးသော အခြေအနေများတွင် အခြေအနေပေါ် မူတည်၍ ဆင့်ကဲပြောင်းလဲနိုင်စေမည်ဖြစ်ကာ အခြေအနေအမျိုးမျိုးကို ဖြေရှင်းရာ၌ သူ့ကို ပိုမို ပျော့ပြောင်းလွယ်ကူစေမည် ဖြစ်သည်။</p> <p> </p> <p>'လျပ်တပျက်အရိပ်ခုတ်ချက်' ကို ဆင့်ကဲပြောင်းလဲခြင်း ပြီးဆုံးသွားပြီးနောက်တွင်...</p> <p> </p> <p>ချင်ဖုန်း၏ အာရုံစိုက်မှုက တဖြည်းဖြည်းချင်းဆိုသလို ချိပ်ပိတ်မှုများ ပွင့်လာသော 'ရှေးဟောင်းနတ်ဘုရား ကျောက်စာချပ်' ထံသို့ ရောက်ရှိသွားတော့၏။</p> <p> </p> <p>ပတ်ပတ်လည်ရှိ ကျောက်စာချပ်ခုနှစ်ခုပေါ်မှ ချိပ်ပိတ်မှုများအားလုံး ပွင့်သွားချိန်၌ အလယ်ဗဟိုရှိ ရှေးဟောင်းနတ်ဘုရား ကျောက်စာချပ်ကို ရစ်ပတ်ထားသော အနက်ရောင် သံကြိုးများကလည်း တဖြည်းဖြည်း ပျက်စီးပြိုကွဲသွားလေသည်။</p> <p> </p> <p>ခေတ္တမျှစောင့်ဆိုင်းပြီးနောက် ချင်ဖုန်းက လက်လှမ်းလိုက်ကာ လက်တော့ပ်အရွယ်အစားခန့်ရှိသော ရှေးဟောင်းကျောက်စာချပ်ကို ဆုပ်ကိုင်လိုက်၏။</p> <p> </p> <p>သူ၏လက်နှင့် ထိတွေ့သွားသည်နှင့်တစ်ပြိုင်နက် ဆူညံရှုပ်ထွေးနေသော တီးတိုးရေရွတ်သံများက ချင်ဖုန်း၏ စိတ်ထဲ၌ ထွက်ပေါ်လာတော့သည်။</p> <p> </p> <p>【ဂုဏ်ယူပါသည်။ သင်သည် 'ကပ်ဘေး ရှေးဟောင်းနတ်ဘုရား၏ ကျိန်စာသင့် ကျောက်စာချပ်' ကို ရရှိလိုက်ပါပြီ။】</p> <p> </p> <p>【'ကပ်ဘေး ရှေးဟောင်းနတ်ဘုရား၏ ကျိန်စာသင့် ကျောက်စာချပ်' - ဤကျောက်စာချပ်တွင် ကပ်ဘေး ရှေးဟောင်းနတ်ဘုရား ဥတိုစ် ထံမှ မြစ်ဖျားခံလာသော ကျိန်စာသင့်စွမ်းအားများ ပါဝင်ပါသည်။】</p> <p> </p> <p>【အသက်ဝင်အသုံးပြုမှု - မည်သည့် ပစ္စည်းကိရိယာကိုမဆို 'ကျိန်စာ' တစ်ခု တွဲဖက်ပေးနိုင်သည်။ ကျိန်စာသည် ပစ္စည်းကိရိယာနှင့် သင့်အလုပ်အကိုင် ဝိသေသလက္ခဏာများအပေါ် အခြေခံ၍ အကျိုးပြု အပိုဂုဏ်သတ္တိ တစ်ခုကို ကျပန်း ထောက်ပံ့ပေးမည် ဖြစ်သော်လည်း တစ်ချိန်တည်းမှာပင် အပျက်သဘောဆောင်သော အပိုဂုဏ်သတ္တိ တစ်ခုကိုလည်း ရရှိမည် ဖြစ်သည်။】</p> <p> </p> <p>【ရှေးဟောင်းနတ်ဘုရား ကျောက်စာချပ်ကို သယ်ဆောင်ထားစဉ်အတွင်း သတ်မှတ်ထားသော မိစ္ဆာအရေအတွက်တစ်ခုကို သတ်ဖြတ်ပြီးပါက အသုံးပြုမှုအကြိမ်အရေအတွက်ကို ပြန်လည်သတ်မှတ်ပေးမည် ဖြစ်သည်။ (မည်သည့် ပစ္စည်းကိရိယာတွင်မဆို ပြန်လည်အသုံးပြုနိုင်သော်လည်း တူညီသော ကျိန်စာသင့် ကျောက်စာချပ်မှာ တစ်ကြိမ်လျှင် ပစ္စည်းကိရိယာတစ်ခုကိုသာ ကျိန်စာတိုက်နိုင်သည်။ ပြန်လည်အသုံးပြုသောအခါ အာနိသင်အဟောင်း သို့မဟုတ် အသစ်ကို သိမ်းဆည်းထားရန် ရွေးချယ်နိုင်သည်)။】</p> <p> </p> <p>ရှေးဟောင်းနတ်ဘုရား ကျောက်စာချပ်များကို 'ကောင်းချီးပေး ကျောက်စာချပ်' နှင့် 'ကျိန်စာသင့် ကျောက်စာချပ်' ဟူ၍ အမျိုးအစားနှစ်မျိုး ခွဲခြားထားသည်။</p> <p> </p> <p>ပထမတစ်ခုက ပစ္စည်းကိရိယာများတွင် အကျိုးပြု အပိုဂုဏ်သတ္တိများကို သီးသန့်ထပ်ပေါင်းထည့်ပေးသော်လည်း အာနိသင်များက နှိုင်းယှဉ်ချက်အရ အားနည်းလှ၏။</p> <p> </p> <p>နောက်ဆုံးတစ်ခုကမူ ပစ္စည်းကိရိယာကို ကျိန်စာတိုက်ခြင်းဖြစ်ရာ အကျိုးပြု အပိုဂုဏ်သတ္တိနှင့် အပျက်သဘောဆောင်သော အပိုဂုဏ်သတ္တိ နှစ်ခုစလုံးက တစ်ပြိုင်နက်တည်း ပေါ်ထွက်လာမည် ဖြစ်ပေသည်။</p> <p> </p> <p>“ရှေးဟောင်းနတ်ဘုရား ကျောက်စာချပ်တစ်ခုရဲ့ အာနိသင်က ပစ္စည်းကိရိယာတစ်ခုရဲ့ ဂုဏ်သတ္တိတွေကိုတောင် နှစ်ဆ တိုးသွားစေနိုင်တယ်။ ကံကောင်းရင် အလုပ်အကိုင်ရဲ့ ဝိသေသလက္ခဏာတွေကို ပြောင်းလဲပေးနိုင်တဲ့ အစွမ်းထက် အပိုဂုဏ်သတ္တိတွေကိုတောင် ကျပန်းရနိုင်သေးတယ်”</p> <p> </p> <p>“ပြီးတော့ အဲ့ဒါကို သယ်ဆောင်ပြီး မိစ္ဆာတွေကို သတ်နေသရွေ့ ပြန်လည်အသုံးပြုနိုင်တယ်။ အကယ်၍ ရလာတဲ့ အပိုဂုဏ်သတ္တိကို သဘောမကျဘူးဆိုရင် အဆုံးအစမရှိ ပြန်လည် လန်းဆန်းအောင် လုပ်လို့ရတယ်...”</p> <p> </p> <p>ဤရှေးဟောင်းနတ်ဘုရား ကျောက်စာချပ်ကို ရရှိပြီးနောက် ချင်ဖုန်းက သူ၏ ပစ္စည်းကိရိယာစာရင်းကို ချက်ချင်း ဖွင့်လိုက်၏။</p> <p> </p> <p>“အာနိသင်ကို အရင်ဆုံး စမ်းသပ်ကြည့်ရမယ်”</p> <p> </p> <p>***</p> <p> </p>


Save