Book List

<h2 style="text-align: center;">အခန်း ၇၅</h2> <h2 style="text-align: center;">စွမ်းအင်ထွက်ရှိမှုက တန်ချိန် သန်း ၁၂၀ ကျော်တယ်</h2> <h2 style="text-align: center;">*</h2> <p> </p> <p style="text-align:justify">ချိုက်ကျိကွမ်က ဝင်လာသည်။ သူ၏ လက်ထဲတွင် ချိတ်ပိတ်ထားသော သေတ္တာရှည်တစ်လုံးနှင့် စာအုပ်ထူထူတစ်အုပ်ကို ကိုင်ဆောင်ထားသည်။</p> <p style="text-align:justify">"ဒါက မင်းတောင်းဆိုထားတဲ့ ဓားသိုင်းပညာရပ်ပဲ" </p> <p style="text-align:justify">ပြောပြောဆိုဆိုဖြင့် သေတ္တာရှည်ကို ကမ်းပေးလိုက်သည်။</p> <p style="text-align:justify">"ဒီစာအုပ်က ဒုတိယဥက္ကဋ္ဌ ပို့ပေးလိုက်တာ... အဲဒီထဲမှာ ကောင်းကင်ခွဲ နတ်ဓားသိုင်းနဲ့ ပတ်သက်တဲ့ သူ့ရဲ့ နားလည်သဘောပေါက်မှုတွေနဲ့ အမြင်တွေ ပါတယ်"</p> <p style="text-align:justify">လုချန်က ခေါင်းညိတ်လိုက်သည်။ ထို့နောက် ရှောင်ဝမ်လုံထံသို့ ကျေးဇူးတင်ကြောင်း မက်ဆေ့ချ်တစ်စောင် ပို့လိုက်သည်။ တစ်ဖက်လူက လက်သီးနှင့် လက်ဝါးပူးထားသော emojiတစ်ခု ပြန်ပို့လာသည်။ </p> <p style="text-align:justify">"ဒီအဘိုးကြီးက emojiတွေတောင် သုံးတတ်နေတာလား" </p> <p style="text-align:justify">လုချန်က သူ့ဘာသာသူ တီးတိုးရေရွတ်လိုက်သည်။ သူက ပြုံးစိစိ ဖြစ်သွားရသည်။ ချိုက်ကျိကွမ် ထွက်သွားပြီးနောက် လုချန်က ထိုင်ချလိုက်သည်။ သေတ္တာရှည်ကို ဖွင့်လိုက်သည်။ ကျမ်းလိပ်ကို ဖြန့်ချလိုက်သည်။</p> <p style="text-align:justify">ကောင်းကင်ခွဲ နတ်ဓားသိုင်းက လွန်ခဲ့သော နှစ် ၄၀ ခန့်က မျောလွင့်တိုက်ကြီးတစ်ခု၏ အပျက်အစီးများထဲမှ ရှာဖွေတွေ့ရှိခဲ့သော ကျမ်းစာတစ်ပိုင်းတစ်စသာ ဖြစ်သည်။ ၎င်းတွင် အဋ္ဌမအလွှာသာ ရှိသည်။ အကယ်၍ တစ်စုံတစ်ယောက်က အားလုံးကို တတ်မြောက်သွားမည်ဆိုလျှင် အခြေခံခွန်အားကို ၈ ဆ အထိ တိုးမြှင့်ပေးနိုင်သည်။</p> <p style="text-align:justify">“အဆင့်မြင့် ဓားသိုင်းပညာရပ် "ကောင်းကင်ခွဲ နတ်ဓားသိုင်း" ကို ထောက်လှမ်းတွေ့ရှိပါသည်။ သင် သင်ယူလိုပါသလား”</p> <p style="text-align:justify">"သင်ယူမယ်" </p> <p style="text-align:justify">သူက တုံ့ဆိုင်းနေခြင်းအလျဉ်းမရှိဘဲ ဖြေလိုက်သည်။</p> <p style="text-align:justify">“အမြင့်ဆုံးအဆင့် နားလည်သဘောပေါက်နိုင်စွမ်း အသက်ဝင်သွားပါပြီ... ကောင်းကင်ခွဲ နတ်ဓားသိုင်းအား အရပ်ဆယ်မျက်နှာ ဖျက်ဆီးခြင်း ဓားသိုင်းသို့ အဆင့်မြှင့်တင်ပြီးပါပြီ”</p> <p style="text-align:justify">“အရပ်ဆယ်မျက်နှာ ဖျက်ဆီးခြင်း ဓားသိုင်း”</p> <p style="text-align:justify">၎င်းတွင် စုစုပေါင်း အဆင့် ၁၀ ဆင့် ပါဝင်သည်။ ပျက်စီးယိုယွင်းစေနိုင်သော စွမ်းအားများကို ထုတ်လွှတ်ပေးနိုင်သည်။</p> <p style="text-align:justify">ပထမအဆင့် : အခြေခံခွန်အား ၂ ဆ တိုးမည်။<br /> ဒုတိယအဆင့် : အခြေခံခွန်အား ၄ ဆ တိုးမည်။<br /> တတိယအဆင့် : အခြေခံခွန်အား ၆ ဆ တိုးမည်။<br /> စတုတ္ထအဆင့် : အခြေခံခွန်အား ၉ ဆ တိုးမည်။<br /> ပဉ္စမအဆင့် : အခြေခံခွန်အား ၁၂ ဆ တိုးမည်။<br /> ဆဋ္ဌမအဆင့် : အခြေခံခွန်အား ၁၅ ဆ တိုးမည်။<br /> သတ္တမအဆင့် : အခြေခံခွန်အား ၂၁ ဆ တိုးမည်။<br /> အဋ္ဌမအဆင့် : အခြေခံခွန်အား ၂၇ ဆ တိုးမည်။<br /> နဝမအဆင့် : အခြေခံခွန်အား ၃၃ ဆ တိုးမည်။<br /> ဒသမအဆင့် : အခြေခံခွန်အား ၆၀ ဆ တိုးမည်။</p> <p style="text-align:justify">လုချန်က မျက်တောင်တစ်ချက် ခတ်လိုက်သည်။ Systemပေါ်ရှိ ရှင်းလင်းချက်များကို ကြည့်ရင်း ပြောလိုက်သည်။</p> <p style="text-align:justify">“နေဦး...”</p> <p style="text-align:justify">“ဒါက ဘာကြီးလဲ... ခွန်အား အဆ ၆၀ တောင် တိုးလာတာလား”</p> <p style="text-align:justify">“ဒါက ဘာကို ဆိုလိုတာလဲ...”</p> <p style="text-align:justify">အကယ်၍ သူသာ အရပ်ဆယ်မျက်နှာ ဖျက်ဆီးခြင်း ဓားသိုင်းကို အဆင့် ၁၀ အထိ ကျင့်ကြံနိုင်မည်ဆိုပါက စုစုပေါင်း တန်ချိန် ၁၁.၀၇ သန်း ရှိသော ခွန်အားများကို ထုတ်လွှတ်နိုင်မည် ဖြစ်သည်။ အဆင့်C၏ ဒသမအလွှာ စစ်သည်တော်တစ်ဦး၏ အခြေခံခွန်အားက ခန့်မှန်းခြေအားဖြင့် တန်ချိန် ၂.၅၄ သန်းခန့်သာ ရှိသည်လေ။ ဤသည်မှာ လူတိုင်းတွင်ရှိသော ဓာတ်သဘာဝ အပိုဆု စွမ်းအင်များကို ထည့်မတွက်ရသေးပေ။</p> <p style="text-align:justify">ဒီကမ္ဘာပေါ်ရှိ သိုင်းပညာရပ်များနှင့် တိုက်ခိုက်ရေး ကျင့်စဉ်အများစုက အခြေခံခွန်အားကို အများဆုံး ၅ ဆ ခန့်သာ တိုးမြှင့်ပေးနိုင်သည်။ လူသားလောက၏ ထိပ်တန်းဓားသိုင်း သုံးခုထဲမှ တစ်ခုဖြစ်သော ကောင်းကင်ခွဲ နတ်ဓားသိုင်းကို အထွတ်အထိပ်အထိ ကျင့်ကြံနိုင်လျှင်တောင်မှ ၈ဆ သာ တိုးမြှင့်ပေးနိုင်သည်။ ထိုသို့ဆိုလျှင် တန်ချိန် ၂၀.၃၂ သန်းခန့်အထိ ရောက်ရှိသွားမည် ဖြစ်သည်။</p> <p style="text-align:justify">သို့သော် လုချန်၏ ကောင်းကင်ခွဲ နတ်ဓားသိုင်း၏ ဓားရည်ရွယ်ချက်က အဆင့် ၁၀ သို့ ရောက်ရှိနေပြီ ဖြစ်သည်။ ၎င်းက အခြေခံခွန်အားကို ၁၁ ဆ တိုးမြှင့်ပေးထားသည်။ ထို့အပြင် အရပ်ဆယ်မျက်နှာ ဖျက်ဆီးခြင်း ဓားသိုင်းမှ အဆ ၆၀ တိုးမြှင့်မှု ပါဝင်လာသေးသည်။ ဆိုလိုသည်မှာ ၆၆၀ဆပင်။</p> <p style="text-align:justify">သူ၏ လက်ရှိ အခြေခံခွန်အားက တန်ချိန် ၁၈၄,၅၇၆ ဖြစ်သည်။ ၎င်းကို ၆၆၀ ဖြင့် မြှောက်လိုက်လျှင် သူ၏ ဓာတ်သဘာဝ စွမ်းအားပေါင်းစပ်မှုက တန်ချိန် ၁၂၁.၈၂ သန်းကျော်လွန်သွားမည်ဟု ဆိုလိုခြင်းဖြစ်သည်။ </p> <p style="text-align:justify">“ဒါက တန်ချိန် သန်း ၁၂၀ ကျော်လေ သောက်ကျိုးနည်းပဲ...”</p> <p style="text-align:justify">၎င်းက အဆင့်B ဆဋ္ဌမအလွှာ စစ်သည်တော်တစ်ဦး၏ အခြေခံခွန်အားကိုပင် လုံးဝ ကျော်လွန်သွားခဲ့ပြီ ဖြစ်သည်။ “ရူးချင်စရာပဲ တကယ်ကို ရူးသွပ်စရာ ကောင်းလွန်းတယ်...”</p> <p style="text-align:justify">“စွမ်းအင်ထွက်ရှိမှုက တန်ချိန် သန်း ၁၂၀ ကျော်တယ်... မင်းတို့ ကြောက်သွားပြီလား...”</p> <p style="text-align:justify">သေချာသည်ကတော့ အရပ်ဆယ်မျက်နှာ ဖျက်ဆီးခြင်း ဓားသိုင်းကို အဆင့် ၁၀ သို့ ရောက်ရန် အချိန်အနည်းငယ် ယူ၍ ကျင့်ကြံရန် လိုအပ်သေးသည်။ သို့သော် သူ၏ အခြေခံ အရည်အချင်းများက မနက်ဖြန်တွင် နောက်ထပ် နှစ်ဆ ထပ်တိုးဦးမည် မဟုတ်ပါလား။ လုချန်က ကမ္ဘာနှစ်သွယ်ဓားကို ဆွဲကိုင်လိုက်သည်။ ဝိညာဉ်စွမ်းရည်ကို အသက်သွင်းလိုက်သည်။ အရပ်ဆယ်မျက်နှာ ဖျက်ဆီးခြင်း ဓားသိုင်းကို စတင်ကျင့်ကြံလေတော့သည်။</p> <p style="text-align:justify">ယခုအချိန်က မွန်းလွဲ ၁ နာရီ ၃၀ မိနစ်။ </p> <p style="text-align:justify">အချိန်များ စက္ကန့်နှင့်အမျှ ကုန်ဆုံးသွားသည်။ လုချန်က မရပ်မနား ကျင့်ကြံနေခဲ့သည်။ မနက် ၇ နာရီအထိ ကျင့်ကြံခဲ့သည်။</p> <p style="text-align:justify">“အရပ်ဆယ်မျက်နှာ ဖျက်ဆီးခြင်း ဓားသိုင်းသည် ဒုတိယအဆင့်သို့ တက်လှမ်းသွားပါပြီ”</p> <p style="text-align:justify">လုချန်က လေကို ပြင်းပြင်းတစ်ချက် မှုတ်ထုတ်လိုက်သည်။ </p> <p style="text-align:justify">"ဝိုး... ဒီ အရပ်ဆယ်မျက်နှာ ဖျက်ဆီးခြင်း ဓားသိုင်းက အရမ်းကို ခက်ခဲလွန်းတယ်... ငါ့ရဲ့ အခြေခံ ပါရမီက တကယ်ပဲ အဲဒီလောက် ဆိုးရွားနေတာလား"</p> <p style="text-align:justify">လုချန်က အနည်းငယ် စိတ်ရှုပ်ထွေးသွားရသည်။ အကယ်၍ လူသားလောက၏ နံပါတ် ၁ ပညာရှင်ကြီးသာ သိသွားခဲ့မည်ဆိုလျှင်... သူက ကောင်းကင်ခွဲ နတ်ဓားသိုင်းကို အရပ်ဆယ်မျက်နှာ ဖျက်ဆီးခြင်း ဓားသိုင်းအဖြစ် အဆင့်မြှင့်တင်လိုက်ကြောင်း ပြီးတော့ ရှစ်နာရီအတွင်း အဆင့်နှစ်ဆင့်အထိ တက်လှမ်းသွားကြောင်း ထိုမျှမက သူကိုယ်သူ သနားစရာကောင်းလှချည်ရဲ့ဆိုပြီး ညည်းတွားနေသေးကြောင်းကို သိသွားလျှင် သူတို့က ဒေါသထွက်လွန်း၍ နေရာမှာတင် ပေါက်ကွဲသေဆုံးသွားလောက်ပေသည်။</p> <p style="text-align:justify">သို့သော် လုချန်ကတော့ ကျေနပ်မှု မရှိသေးပေ။ သူ စနစ်ပြကွက်ကို ဖွင့်လိုက်သည်။ “Sign-in ဝင်မယ်”</p> <p style="text-align:justify">နာမည် : လုချန်<br /> ခွန်အား : ၄,၆၁၄,၄၀၀<br /> စိတ်ဝိညာဉ် : ၄,၆၁၄,၄၀၀<br /> ဝိညာဉ်စွမ်းရည် : အမြင့်ဆုံးအဆင့် နားလည်သဘောပေါက်နိုင်စွမ်း </p> <p style="text-align:justify">အခြေခံခွန်အားက တန်ချိန် ၃၆၉,၁၅၃ အထိ ရောက်ရှိသွားပြီ ဖြစ်သည်။ သူ၏ ယနေ့အတွက် အထွတ်အထိပ် တိုက်ခိုက်ရေးစွမ်းရည်မှာ...</p> <p style="text-align:justify">ကောင်းကင်ခွဲ နတ်ဓားသိုင်း၏ ဓားရည်ရွယ်ချက် အဆင့် ၁၀ (×၁၁)<br /> အရပ်ဆယ်မျက်နှာ ဖျက်ဆီးခြင်း ဓားသိုင်း အဆင့် ၂ (×၄)<br /> ဓာတ်သဘာဝ စွမ်းရည် အပိုဆု (×၂)</p> <p style="text-align:justify">စုစုပေါင်း တိုးမြှင့်မှု : ၈၈ ဆ။<br /> စွမ်းအင်ထွက်ရှိမှု : တန်ချိန် ၃၂.၄၉ သန်း။</p> <p style="text-align:justify">၎င်းက အဆင့်C နဝမအလွှာ စစ်သည်တော်တစ်ဦး၏ အမြင့်ဆုံး စွမ်းအင်ထွက်ရှိမှုကို ကျော်လွန်သွားခဲ့ပြီ ဖြစ်သည်။ အဆင့်C ဒသမအလွှာ စစ်သည်တော်တစ်ဦးက အဆင့် ၈ ကောင်းကင်ခွဲ နတ်ဓားသိုင်းကို အသုံးပြုလိုက်သည့်အချိန် ထွက်ပေါ်လာမည့် အမြင့်ဆုံး စွမ်းအင်ထွက်ရှိမှုနှင့် အလွန်နီးကပ်နေပြီ ဖြစ်သည်။</p> <p style="text-align:justify">လုချန်က သူ၏ စွမ်းအားအတွက် အလွန် ကျေနပ်သွားလေသည်။ ထို့နောက် ရေချိုးလိုက်သည်။ ထွက်လာပြီးနောက် မနက်စာ မှာလိုက်သည်။ ၈ မိနစ်အကြာတွင် အစားအသောက်များ ရောက်လာသည်။ လုချန်က မနက်စာကို မြိန်ယှက်စွာ စားသုံးလိုက်သည်။</p> <p style="text-align:justify">“ဒီနေ့...”</p> <p style="text-align:justify">သူ ကျောင်းသို့ ပြန်သွားရန် ပြင်ဆင်နေသည်။ မနေ့က... ချိုက်ကျိကွမ်က သူမှာထားသော အဆင့်မြင့် ခန္ဓာကိုယ်သန့်စင်ဆေးရည် ပုလင်း ၅၀ ကို လာပို့ပေးသွားခဲ့သည်။ ၎င်းတို့ကို လော့နျန်ဝေ၊ ကောဂျီနှင့် အခြား ဆွေမျိုးသူငယ်ချင်းများကို ပေးရန် ရည်ရွယ်ထားသည်။ ထို့အပြင် ယခင်က သူ့ကို ကူညီခဲ့ဖူးသော အတန်းဖော်အချို့ကိုလည်း ပေးမည်ဖြစ်သည်။ </p> <p style="text-align:justify">ဒီနေ့ ကျောင်းသားအားလုံး ကျောင်းသို့ လာကြမည် ဖြစ်သည်။ ရန်အဖိုးကြီးက စာမေးပွဲနှင့် စည်းမျဉ်းများအကြောင်း နောက်ဆုံး ရှင်းလင်းချက်များ ပေးမည်ဖြစ်သည်။ ထို့နောက် အားလုံးက စာမေးပွဲအတွက် ပြင်ဆင်ရန် အိမ်သို့ ပြန်ကြမည် ဖြစ်သည်။ မနက်စာစားပြီးနောက် လော့နျန်ဝေထံသို့ ဖုန်းဆက်လိုက်သည်။</p> <p style="text-align:justify">"နျန်ဝေ... ရှစ်နာရီ လေးဆယ်ကျရင် ကိုယ် လာခေါ်မယ်နော်" </p> <p style="text-align:justify">"အိုကေ"</p> <p style="text-align:justify">ထို့နောက် လုချန်က သူ၏ လျှို့ဝှက်ဘဏ်အကောင့်ကို ဝင်စစ်ကြည့်လိုက်သည်။ သူ့အကောင့်ထဲသို့ နောက်ထပ် ယွမ် ထရီလီယံ ၁၀ ဝင်လာခဲ့ပြီ ဖြစ်သည်။ ယခင်က ထရီလီယံ ၄၀ နှင့် ပေါင်းလိုက်လျှင် သူ၏ လက်ထဲတွင် ငွေသား ထရီလီယံ ၅၀ တိတိ ရှိနေပြီ ဖြစ်သည်။ </p> <p style="text-align:justify">ဤအရောင်းအဝယ်က ပြီးစီးသွားခဲ့ပြီ ဖြစ်သည်။ နောက်ဆက်တွဲ ငွေပေးချေမှုများကိုသာ စောင့်ဆိုင်းရန် ကျန်တော့သည်။ သို့သော် ဟိုဘက်တွင် ချိုက်ကျိကွမ်က တာဝန်ယူပေးထားသဖြင့် စိုးရိမ်စရာ ဘာမှမရှိပေ။ သူ၏ ကိုယ်ပွားကလည်း မည်သည့်လှုပ်ရှားမှုမှ မလုပ်ရသေးချေ။ ယနေ့တွင် သူတို့ တရားဝင် အမဲလိုက်ခြင်းကို စတင်ကြမည် ဖြစ်သည်။</p> <p style="text-align:justify">လုချန်က ဟိုတယ်ထဲမှ ထွက်လာခဲ့သည်။ ဒီနေ့ သူက ဂျင်းဘောင်းဘီအဖြူ၊ တီရှပ်အမည်းနှင့် စနီကာဖိနပ်အဖြူကို ဝတ်ဆင်ထားသည်။ ရိုးရှင်းပြီး စတိုင်ကျကာ ပေါ့ပေါ့ပါးပါး လူငယ်ဆန်လှသည်။ </p> <p style="text-align:justify">လုချန်က စူပါကားပေါ်သို့ တက်လိုက်သည်။ လော့နျန်ဝေကို ဖုန်းဆက်ကာ အသင့်ပြင်ထားခိုင်းလိုက်သည်။ သူမကို သွားကြိုပြီးနောက် သူတို့နှစ်ဦး အတူတူ ကျောင်းသို့ မောင်းနှင်သွားကြလေသည်။</p> <p style="text-align:justify"> </p> <p style="text-align: center;">***</p>


Save