Book List

<h2 style="text-align: center;">​အခန်း ၄၁၂</h2> <h2 style="text-align: center;">မသေမျိုး ကိုယ်တိုင်</h2> <h2 style="text-align: center;">*</h2> <p> </p> <p>​ဤအချိန်တွင် ဝတုတ်သော ကိုယ်တော်သည် အရင်ကကဲ့သို့ ကြင်နာပြီး လျစ်လျူရှုထားသောသူ မဟုတ်တော့ပေ။</p> <p>သူသည် ရုပ်ထုကို ဖုံးကွယ်မထားနိုင်သော တောင့်တမှုများဖြင့် ကြည့်လိုက်သည်။</p> <p>“ပြင်ပတာအိုဓမ္မခန္ဓာဟာ ဓမ္မခန္ဓာနဲ့ နီးကပ်စွာ ဆက်စပ်နေတယ်လို့ ငါပြောခဲ့ပြီးပြီ။ ဒါဟာ သူ့ရဲ့ အစွမ်းထက်တဲ့ နေရာပဲ။</p> <p>ဒီကိုယ်ပွားဟာ ဓမ္မခန္ဓာနဲ့ ပေါင်းစပ်သွားနိုင်ပြီး ဒုတိယကိုယ်တိုင် အဖြစ် ပြောင်းလဲသွားနိုင်တယ်!”</p> <p>!!</p> <p>ပေါင်းစပ်မှု? ပြောင်းလဲမှု? ဒုတိယကိုယ်တိုင်?</p> <p>လင်းချီယဲ့သည် အနည်းငယ် ဇဝေဇဝါ ဖြစ်သွားသည်။</p> <p>“မင်းပြောတာကို ငါနားမလည်ဘူး။ ဒုတိယကိုယ်တိုင်နဲ့ ကိုယ်ပွားကြားမှာ ဘာကွာခြားမှု ရှိလို့လဲ။”</p> <p>သူ၏ အမြင်အရ ကိုယ်ပွားက ကျင့်ကြံနိုင်သည်ဆိုမှတော့ မူလခန္ဓာကိုယ်နဲ့ ဘယ်လောက်များ ကွာခြားနေဦးမှာလဲ။</p> <p>ဝတုတ်သော ကိုယ်တော်က ရှင်းပြသည်။ “သေချာတာပေါ့၊ ကွာခြားတာ ရှိတာပေါ့။ ပြင်ပတာအိုဓမ္မခန္ဓာဟာ သူစတင် ဖြစ်တည်လာချိန်မှာ မင်းရဲ့ ဝိညာဉ်နဲ့ ဆက်သွယ်ထားတာပဲ။ သူဟာ သီးခြားဝိညာဉ်တစ်ခုကို မွေးဖွားပေးလို့ မရဘူး။ မင်းရဲ့ ဆန္ဒအတိုင်း လိုက်လုပ်ပြီး ကျင့်ကြံနေတဲ့ ရုပ်သေးတစ်ခုလို့ပဲ သတ်မှတ်နိုင်တယ်။</p> <p>ဒါ့အပြင် သူ့ရဲ့ ဝိညာဉ်ဟာ စတင်ဖြစ်တည်လာချိန်မှာကတည်းက နှိပ်ကွပ်ခံထားရတာကြောင့် သူ့ရဲ့ ဝိညာဉ်အာကာသဟာ အတိုင်းအဆမရှိ ကျဉ်းမြောင်းနေပြီး အားအနည်းဆုံး ဝိညာဉ်ကိုတောင် မခံနိုင်ဘူး။</p> <p>ဒါကြောင့် မင်းသေသွားရင် သူလည်း ပျက်စီးသွားလိမ့်မယ်။</p> <p>ဒါပေမဲ့ ဒုတိယကိုယ်တိုင် ကတော့ ကွဲပြားတယ်။ သူဟာ သီးခြားဝိညာဉ်တစ်ခုကို မွေးဖွားပေးလို့ မရသေးပေမဲ့ သူ့ရဲ့ ဝိညာဉ်အာကာသက မင်းရဲ့ မူလခန္ဓာကိုယ်နဲ့ အတူတူပဲ!</p> <p>မင်းသေသွားရင်တောင်မှ မင်းရဲ့ ဝိညာဉ်ဟာ မျက်စိတစ်မှိတ်အတွင်းမှာပဲ အာကာသကို ဖြတ်ကျော်ပြီး မင်းရဲ့ ဒုတိယကိုယ်တိုင် ဆီကို ကူးပြောင်းသွားနိုင်တယ်။</p> <p>ခန္ဓာကိုယ်နှစ်ခုထဲက တစ်ခုပဲ ရှင်သန်နေသရွေ့ ဘယ်သူမှ မင်းကို သတ်နိုင်မှာ မဟုတ်ဘူး!</p> <p>ပျက်စီးသွားတဲ့ ခန္ဓာကိုယ်ကိုလည်း ပစ္စည်းတွေ စုဆောင်းပြီး ပြန်လည် တည်ဆောက်နိုင်သေးတယ်။</p> <p>မင်းဟာ သူပဲ၊ သူဟာလည်း မင်းပဲ။ မင်းတို့ နှစ်ယောက်လုံးဟာ တစ်ချိန်တည်းမှာ တည်ရှိနေကြပေမဲ့ နှစ်ယောက်လုံးက သီးခြား စဉ်းစားနိုင်ကြတယ်။ ဒါပေမဲ့ မင်းရဲ့ ဆန္ဒအတိုင်းပဲ လိုက်လုပ်နေဦးမှာပဲ!”</p> <p>ဝတုတ်သော ကိုယ်တော်သည် အချက်အလက်များစွာကို တစ်ဆက်တည်း ရှင်းပြလိုက်သည်။</p> <p>လင်းချီယဲ့သည် တုန်လှုပ်သွားသည်။</p> <p>ဒုတိယကိုယ်တိုင်က သူ့ရဲ့ ဝိညာဉ်ကို လက်ခံဖို့ အာကာသတွေကို ဖြတ်ကျော်နိုင်တယ်?</p> <p>ဒါဆိုရင် အနာဂတ်မှာ သူ့ကို ချေမှုန်းနိုင်တဲ့ ပြိုင်ဘက်နဲ့ တွေ့ရင်တောင်မှ အသတ်ခံရမှာကို စိတ်ပူစရာ မလိုတော့ဘူးပေါ့။</p> <p>ဒါ့အပြင် သူရော ဒုတိယကိုယ်တိုင်ရောက သီးခြားစီ စဉ်းစားနိုင်ကြတယ်။</p> <p>ဒီနည်းနဲ့ဆိုရင် သူ့ရဲ့ ကျင့်ကြံခြင်း နားလည်မှု အရှိန်အဟုန်က နှစ်ဆ ဖြစ်မသွားဘူးလား။</p> <p>ကျင့်ကြံခြင်း နိယာမတွေကို နားလည်သဘောပေါက်မှု ဆိုတာက လူတစ်ယောက်ရဲ့ အတွေးနဲ့ ဝိညာဉ်ထဲမှာ တိုက်ရိုက် တည်ရှိနေတာပဲ။</p> <p>သူတို့မှာ တူညီတဲ့ အတွေးနဲ့ ဝိညာဉ်ရှိနေသရွေ့ ခန္ဓာကိုယ် ဘယ်နှခုပဲ ရှိရှိ လင်းချီယဲ့ဟာ တူညီတဲ့ နားလည်မှု အဆင့်ကို ရရှိနိုင်မှာပဲ။</p> <p>“ဒါဟာ အရမ်းကို အစွမ်းထက်လွန်းတယ်!”</p> <p>လင်းချီယဲ့သည် တံတွေး တစ်ချက်ကို မသိမသာ မျိုချလိုက်မိသည်။ သို့သော်လည်း သူသည် ချက်ချင်းပင် ဇဝေဇဝါ ဖြစ်သွားပြန်သည်။</p> <p>“ဒါပေမဲ့ မင်းပြောတာက ပြင်ပတာအိုဓမ္မခန္ဓာနဲ့ ဓမ္မခန္ဓာ ပေါင်းစပ်ဖို့ လိုတယ်ဆို။ ဓမ္မခန္ဓာဆိုတာ လျှို့ဝှက်ပညာရပ်နဲ့ ခေါ်ယူထားတဲ့ တစ်ကြိမ်သုံး ပစ္စည်းတစ်ခု မဟုတ်ဘူးလား။ သူက ပြင်ပတာအိုဓမ္မခန္ဓာနဲ့ ပေါင်းစပ်လိုက်တဲ့အခါမှာ ဘယ်လိုဖြစ်ပြီး ဒီလောက်အထိ ထူးခြားတဲ့ ပြောင်းလဲမှုတွေ ဖြစ်လာရတာလဲ။”</p> <p>ဝတုတ်သော ကိုယ်တော်က လင်းချီယဲ့၏ ဇဝေဇဝါ ဖြစ်မှုကို မြင်သောအခါ ဆက်လက် ရှင်းပြသည်။</p> <p>“မင်းမြင်ရတာက အပေါ်ယံပဲ ရှိသေးတယ်။ ဓမ္မခန္ဓာဟာ လျှို့ဝှက်ပညာရပ်ရဲ့ ရလဒ်တစ်ခုပဲ ဖြစ်ပေမဲ့ သူ့ရဲ့ အရင်းအမြစ်က မင်းရဲ့ ဝိညာဉ်အသိစိတ်ပဲ။ မင်း ဓမ္မခန္ဓာနဲ့ ပေါင်းစပ်လိုက်တဲ့အခါမှာ မင်းရဲ့ ဝိညာဉ်ဟာလည်း ပြင်ပတာအိုဓမ္မခန္ဓာနဲ့ ပေါင်းစပ်သွားပြီး မင်းရဲ့ မူလခန္ဓာကိုယ်နဲ့ တူညီတဲ့ ဝိညာဉ်အာကာသတစ်ခုကို ဖြည်းဖြည်းချင်း ဖွင့်လှစ်ပေးသွားမှာပဲ။</p> <p>ဒါပေမဲ့ ဒီဖြစ်စဉ်က တစ်ညတည်းနဲ့ မရနိုင်ဘူး။ ပြီးပြည့်စုံတဲ့ အဆင့်ကို ရောက်ဖို့အတွက် အကြိမ်ကြိမ် ပေါင်းစပ်မှုတွေ လုပ်ဖို့ လိုအပ်တယ်။”</p> <p>လင်းချီယဲ့က ခေါင်းကို အနည်းငယ် ငြိမ့်လိုက်သည်။ “နားလည်ပါပြီ။ ဒါဆို ပြင်ပတာအိုဓမ္မခန္ဓာအတွက် ဝိညာဉ်အာကာသတစ်ခု ဖွင့်ပေးဖို့ တခြားနည်းလမ်းတွေ သုံးလို့ မရဘူးလား။”</p> <p>ဝတုတ်သော ကိုယ်တော်က ခေါင်းခါယမ်းလိုက်သည်။</p> <p>“သေချာတာပေါ့၊ မရဘူး။ မင်းနဲ့ အဘက်ဘက်က လိုက်ဖက်တဲ့ ဓမ္မခန္ဓာကသာ မင်းရဲ့ ဝိညာဉ်ကို ပြင်ပတာအိုဓမ္မခန္ဓာဆီကို ပြီးပြည့်စုံစွာ ကူးပြောင်းပေးနိုင်တာ။ တခြားနည်းလမ်းတစ်ခုခု သုံးလိုက်ရင် မင်းဟာ ပြင်ပတာအိုဓမ္မခန္ဓာရဲ့ ဝိညာဉ်အာကာသကို ဖျက်ဆီးပစ်လိုက်သလို ဖြစ်သွားလိမ့်မယ်။ အဲ့ဒီအချိန်ကျရင် ဒုတိယကိုယ်တိုင် ဖန်တီးဖို့ ဝေးစွ၊ သူ့ရဲ့ တန်ဖိုးက အလောင်းတစ်ခုနဲ့ ဘာမှမခြားတော့ဘူး။”</p> <p>လင်းချီယဲ့သည် တုန်လှုပ်သွားပြီး သတိထားလာမိသည်။ ဤကဲ့သို့ ရှားပါးသော အခွင့်အရေးကို သူ၏ ပေါ့ဆမှုကြောင့် ဆုံးရှုံးမခံနိုင်ပေ။</p> <p>“ဆရာကြီး၊ ကျွန်တော့်ရဲ့ ပြင်ပတာအိုဓမ္မခန္ဓာ ရင့်ကျက်ဖို့ ဘယ်လောက်ကြာမလဲ။ ပြီးတော့ ဓမ္မခန္ဓာနဲ့ ပေါင်းစပ်တဲ့အခါ ဘာတွေလုပ်ရမလဲ။” လင်းချီယဲ့က မျှော်လင့်တကြီး မေးလိုက်သည်။</p> <p>ဝတုတ်သော ကိုယ်တော်သည် သန့်စင်သောကလေးငယ် ရုပ်ထုကို နောက်တစ်ကြိမ် ကြည့်လိုက်ပြီး လက်စွဲစာအုပ် တစ်အုပ်ကို ထုတ်ယူကာ လင်းချီယဲ့ထံ ကမ်းပေးလိုက်သည်။</p> <p>“မင်းသိချင်တာတွေ အားလုံး ဒီထဲမှာ ရှိပါတယ်။ ဒီတာအိုကိုယ်တော်နုံရဲ့ တာဝန်ကတော့ ပြီးဆုံးသွားပါပြီ၊ ဒါကြောင့် ငါအရင် ပြန်ပါရစေဦး။”</p> <p>သူသည် လင်းချီယဲ့ကို ရှုပ်ထွေးသော အမူအရာဖြင့် ကြည့်လိုက်သည်။ ထိုအထဲတွင် မနာလိုစိတ်နှင့် မျှော်လင့်ချက်များ ပါဝင်နေသည်။</p> <p>သူ၏ စကားဆုံးသွားပြီးနောက် သူသည် လင်းချီယဲ့ကို နောက်ထပ် မေးခွန်းမေးရန် အခွင့်အရေး မပေးတော့ဘဲ ဘုရားကျောင်းထဲမှ ပျောက်ကွယ်သွားလေသည်။</p> <p>လင်းချီယဲ့သည် သူ၏ လက်ထဲရှိ ပါးလွှာပြီး မာကျောသော အဖုံးပါသည့် လက်စွဲစာအုပ်ကို စိုက်ကြည့်နေမိသည်။</p> <p>သူဖတ်ရန် ပြင်လိုက်စဉ်မှာပင် သူသည် မူးဝေလာပြီး အမြင်အာရုံများ ဝေဝါးသွားသည်။ ထို့နောက် သူ၏ အမြင်အာရုံများ မှောင်အတိ ကျသွားပြီး သတိလစ်သွားလေသည်။</p> <p>နောက်တစ်နေ့တွင် လင်းချီယဲ့သည် မူးနောက်နောက်ဖြင့် နိုးလာသောအခါ သူသည် သူ၏ အိပ်ခန်းထဲသို့ ပြန်ရောက်နေသည်ကို တွေ့လိုက်ရသည်။</p> <p>​“ဘာတွေဖြစ်နေတာလဲ။”</p> <p>သူသည် ခေါင်းကို ခါယမ်းလိုက်ရာ အရင်က ဖြစ်ခဲ့သည့် ဖြစ်ရပ်များ ပေါ်လာသည်။</p> <p>ဝတုတ်သော ကိုယ်တော်၊ ရုပ်ထု၊ ဒုတိယကိုယ်တိုင်...</p> <p>သူသည် ချက်ချင်းပင် အသိစိတ် ပြန်ဝင်လာသည်။</p> <p>လင်းချီယဲ့သည် အမြန်ထလိုက်ပြီး ပတ်ဝန်းကျင်ကို စစ်ဆေးလိုက်သည်။</p> <p>နောက်ဆုံးတွင် သူသည် ခေါင်းအုံးဘေး၌ မာကျောသော အဖုံးပါသည့် လက်စွဲစာအုပ်ကို တွေ့လိုက်ရသဖြင့် သက်ပြင်းတစ်ချက် ချလိုက်မိသည်။</p> <p>“ဟူး။ ဒါက အိမ်မက်မဟုတ်လို့ တော်သေးတာပေါ့။”</p> <p>စိတ်လှုပ်ရှားမှုကို မထိန်းနိုင်တော့ဘဲ လင်းချီယဲ့သည် လက်စွဲစာအုပ်ကို ချက်ချင်း လှန်ကြည့်လိုက်ပြီး ဖတ်ရှုလိုက်သည်။</p> <p>လက်စွဲစာအုပ်သည် ဆယ်မျက်နှာသာ ရှိသည်။</p> <p>ပထမ ခြောက်မျက်နှာသည် ဝတုတ်သော ကိုယ်တော် ညက ပြောခဲ့သည်များနှင့် တူညီသော်လည်း ပိုမို အသေးစိတ်ကျသည်။</p> <p>သတ္တမမြောက်နှင့် အဋ္ဌမမြောက် မျက်နှာများတွင် ပြင်ပတာအိုဓမ္မခန္ဓာကို ရရှိခဲ့ဖူးသည့် ဒဏ္ဍာရီလာ ပုဂ္ဂိုလ်အချို့ကို မှတ်တမ်းတင်ထားသည်။</p> <p>“လီမျိုးနွယ်ရဲ့ လူပျိုကြီး ပညာရှိ 'ရှီဟုန်း' ဟာ တိုက်ဆိုင်မှုတစ်ခုကြောင့် သူ့ရဲ့ ဒုတိယကိုယ်တိုင် ကို ဖန်တီးခဲ့တယ်။ အဲ့ဒီနှစ်မှာပဲ သူတို့ရဲ့ မျိုးနွယ်စုဟာ ဖျက်ဆီးခံလိုက်ရပြီး သူဟာ ရန်သူတွေရဲ့ လိုက်လံ သတ်ဖြတ်ခြင်းကို ခံခဲ့ရတယ်။ သူဟာ အကြိမ်ပေါင်းများစွာ အသတ်ခံခဲ့ရပေမဲ့ သူပြန်ပေါ်လာတိုင်း သူ့ရဲ့ ကျင့်ကြံခြင်း အဆင့်အတန်းက တဟုန်ထိုး တိုးတက်လာခဲ့တယ်။ နောက်ထပ် ဆယ်နှစ်အတွင်းမှာ သူဟာ နတ်မင်းကြီးနယ်ပယ်ကို ရောက်ရှိခဲ့ပြီး ရန်သူမျိုးနွယ်စုတွေကို ချေမှုန်းနိုင်ခဲ့တယ်။ အနှစ်သုံးဆယ် ကြာတဲ့အခါမှာ သူဟာ အထက်နတ်မင်းကြီး တစ်ယောက် ဖြစ်လာခဲ့ပြီး တိုက်ပွဲတစ်ခုတည်းမှာတင် တခြား အထက်နတ်မင်းကြီး ဆယ်ယောက်ကို သတ်ဖြတ်နိုင်ခဲ့တယ်။ သူ့ရဲ့ ကျော်ကြားမှုဟာ ခေတ်တစ်ခေတ်လုံးကို တုန်လှုပ်စေခဲ့ပြီး အရပ်ရပ်ကို ပျံ့နှံ့သွားခဲ့တယ်။”</p> <p> </p> <p style="text-align: center;">***</p> <p> </p>


Save