Book List

<h2 style="text-align: center;">အခန်း (၆၀၁)</h2> <h2 style="text-align: center;">ဒုတိယမြောက် နတ်ဘုရားအသွင်ပြောင်း တာအိုလက်တွဲဖော်</h2> <h2 style="text-align: center;">အိမ်ကမိန်းမတွေက လုံလောက်အောင် ကောင်းမပေးနိုင်လို့လား…</h2> <h2 style="text-align: center;">အပြင်ထွက်ပြီး မိန်းမထပ်ရှာဖို့ လိုသေးတယ်လား(၄)</h2> <h2 style="text-align: center;">*</h2> <p> </p> <p> </p> <p>ဝုန်း…။</p> <p> </p> <p>ဆက်တိုက်ဆိုသလိုပင် ကပ်ဘေးငွေ့အသက်များဆီမှ အသိတစ်ခုမှာ ကျိုးစွေ့၏ အသိစိတ်ပင်လယ်ထဲသို့ လျှပ်တစ်ပြက် ဝင်ရောက်လာ၏။ ဤသည်မှာ 'ကံကြမ္မာကူ'ထံမှ ကြိုတင်သတိပေးချက်ပင် ဖြစ်လေသည်။</p> <p> </p> <p>“မဖြစ်နိုင်တာ... ရှေးဟောင်းနတ်ဆိုးလောကနဲ့ ကျင့်ကြံခြင်းလောကတို့ ပေါင်းစည်းပြီး ကမ္ဘာ့တံခါးပေါက်တွေ ပေါ်လာတာပဲ… လောကချင်းပေါင်းစည်းတဲ့ဖြစ်စဉ် ဖြစ်ပွားနေတာလား…”</p> <p> </p> <p>“အဲဒါက ဘယ်လိုလုပ်ပြီး ဒီလောက်မြန်မြန် ဖြစ်လာရတာလဲ…”</p> <p> </p> <p>ကျိုးစွေ့မှာ ချက်ချင်းပင် အံ့အားသင့်သွားရ၏။ ယခင်က သူသည် ဟယ်ဟွမ်းဂိုဏ်းချုပ် ချိုးရူယွီနှင့် ဤအကြောင်းကို ဆွေးနွေးခဲ့ဖူးပြီး၊ ရှေးဟောင်းနတ်ဆိုးလောကနှင့် ကျင့်ကြံခြင်းလောကတို့ ဆုံတွေ့ခဲ့လျှင်ပင် ဤမျှမြန်မြန်ဆန်ဆန် ဖြစ်လာလိမ့်မည်မဟုတ်ဟု ထင်မှတ်ထားခဲ့ကြသည်။ အနည်းဆုံး အချိန်အတိုင်းအတာ တစ်ခုတော့ ရဦးမည်ဟု ယူဆခဲ့ကြသည်။ သို့သော် ယခုကြည့်ရသည်မှာ ကျိုးစွေ့၏ ခန့်မှန်းချက်များထက် လုံးဝ ကျော်လွန်သွားခဲ့ချေပြီ။</p> <p> </p> <p>“ကျင့်ကြံခြင်းလောကကတော့ တကယ်ကို ကပ်ဘေးတွေနဲ့ မပြတ်ပါလား…”</p> <p> </p> <p>“အရင်က မိစ္ဆာသားရဲမျိုးနွယ်တွေရဲ့ ကျူးကျော်မှုကို ခံခဲ့ရပြီး… အခုတော့ ရှေးဟောင်းနတ်ဆိုးတွေရဲ့ ကျူးကျော်မှုကို ထပ်ခံရပြန်ပြီ…”</p> <p> </p> <p>“ကျင့်ကြံခြင်းလောကကို အသက်ရှူချိန်တောင် မပေးတော့ဘူးပဲ…”</p> <p> </p> <p>“အမိုးပေါက်တဲ့အိမ်ကိုမှ မိုးကရွာချလိုက်သလိုပါပဲလား... ကံဆိုးတာကလည်း ကံမကောင်းတဲ့သူဆီပဲ ရွေးပြီးရောက်လာတော့တာပဲ…”</p> <p> </p> <p>ကျိုးစွေ့၏ မျက်လုံးများထဲတွင် ကြောက်မက်ဖွယ်ကောင်းသော အလင်းတန်းများ ပေါ်ထွက်လာသည်။<br />  </p> <p>ထင်ရှားသည်မှာ ရှေးဟောင်းနတ်ဆိုးလောက၏ ကျူးကျော်မှုမှာ ရှေးဟောင်းမိစ္ဆာသားရဲလောက၏  ကျူးကျော်မှုထက် ပိုမိုပြင်းထန်လှပေသည်။</p> <p> </p> <p>ရှေးဟောင်းခေတ်ကာလတွင် ကျင့်ကြံခြင်းလောကမှာ ဤမျှသနားစဖွယ် အခြေအနေသို့ ရောက်ရှိခဲ့ရခြင်းမှာ ရှေးဟောင်းနတ်ဆိုးများ၏ ကျူးကျော်မှုကြောင့်ပင် ဖြစ်၏။</p> <p> </p> <p>ထိုသို့ဖြစ်ခြင်းကြောင့် နတ်ဘုရားအသွင်ပြောင်းအဆင့် ဂိုဏ်းအမြောက်အမြား ပျောက်ကွယ်သွားခဲ့ရသည်။ ကျင့်ကြံခြင်းလောက၏ ဝိညာဉ်ကြောများမှာလည်း ဆုတ်ယုတ်သွားခဲ့ရပြီး လူသားမျိုးနွယ်၏ခွန်အားကို အကြီးအကျယ် ထိခိုက်စေခဲ့ပေသည်။</p> <p> </p> <p>နှစ်ပေါင်းသောင်းချီ ကြာမြင့်ခဲ့သည့်တိုင်အောင် လူသားမျိုးနွယ်မှာ ယခင်ကကဲ့သို့ ဘုန်းကျက်သရေနှင့် ခွန်အားမျိုး ပြန်လည်ရရှိရန် မဖြစ်နိုင်သေးပေ။</p> <p> </p> <p>သို့သော် ယခုအခါတွင်မူ ရှေးဟောင်းနတ်ဆိုးလောကမှာ ထပ်မံ၍ ကျူးကျော်လာပြန်ချေပြီ။</p> <p> </p> <p>ထို့ကြောင့် ဤဖြစ်ရပ်မှာ ကျင့်ကြံခြင်းလောကအတွက် မည်မျှဆိုးရွားသော နောက်ဆက်တွဲရလဒ်များကို ဆောင်ကြဉ်းလာမည်ကို ခန့်မှန်းကြည့်နိုင်ပေသည်။</p> <p> </p> <p>သေချာပေါက် သေကြေပျက်စီးမှုများစွာနှင့် သွေးချောင်းစီးသည့် မြင်ကွင်းများကို မြင်တွေ့ရပေတော့မည်။</p> <p> </p> <p>ဝုန်း…။</p> <p> </p> <p>ထိုအချိန်တွင် 'ကံကြမ္မာကူ'ထံမှ ကြီးမားသော သတင်းအချက်အလက်များက ထပ်မံဝင်ရောက်လာပြန်သည်။ ကျိုးစွေ့၏ခန္ဓာကိုယ်မှာ သိသိသာသာ တုန်ခါသွားလေသည်။</p> <p> </p> <p>သူသည် အနန္တဟင်းလင်းပြင်ကြီးထဲတွင် ကြီးမားသော အလင်းလုံးကြီး သုံးလုံးကို မြင်လိုက်ရသကဲ့သို့ ရှိပေသည်။</p> <p> </p> <p>ထိုအလင်းလုံးကြီး သုံးလုံးမှာ ကျင့်ကြံခြင်းလောက၊ ရှေးဟောင်းနတ်ဆိုးလောကနှင့် ရှေးဟောင်းမိစ္ဆာသားရဲလောကတို့ပင် ဖြစ်ကြ၏။ ၎င်းတို့မှာ ယခုအခါ တစ်ခုနှင့်တစ်ခု ရောယှက်ကာ ပေါင်းစည်းနေကြပြီ ဖြစ်သည်။</p> <p> </p> <p>စက်ဝိုင်းကွင်း သုံးခုသဖွယ် ဖြစ်နေလေ၏။ ဤသို့ဆုံတွေ့ခဲ့ခြင်းကြောင့်ပင် လောကချင်းပေါင်းစည်းသည့် ဖြစ်စဉ်များ ဖြစ်ပေါ်လာပြီး နယ်ခြားတံခါးများ ပေါ်ပေါက်လာခြင်း ဖြစ်ပေသည်။</p> <p> </p> <p>“ဒါပေမဲ့ ဒီတစ်ခါ ကျင့်ကြံခြင်းလောကနဲ့ ရှေးဟောင်းနတ်ဆိုးလောကတို့ ဆုံတွေ့တဲ့အခါမှာ နယ်ခြားတံခါးတွေ အများကြီး ပေါ်လာမှာမဟုတ်ဘူး…”</p> <p> </p> <p>“ရှေးဟောင်းနတ်ဆိုးတံခါး ကိုးခုပဲ ပေါ်လာလိမ့်မယ်…”</p> <p> </p> <p>“နေဦး... အဲဒီထဲက တံခါးသုံးခုက ကျင့်ကြံခြင်းလောကမှာ ပေါ်လာပြီး တံခါးခြောက်ခုက ရှေးဟောင်းမိစ္ဆာသားရဲလောကမှာ ပေါ်လာတာပဲ…”</p> <p> </p> <p>“မဖြစ်နိုင်တာ... အဲဒီလိုဆိုရင် ရှေးဟောင်းမိစ္ဆာသားရဲလောကကတော့ ကံဆိုးတော့မှာပဲ…”</p> <p> </p> <p>ကျိုးစွေ့၏မျက်နှာတွင် ထူးဆန်းသော အမူအရာတစ်ခု ပေါ်လာလေသည်။ အထက်ပါ သတင်းအချက်အလက်များသည် ကံကြမ္မာ၏ သတိပေးချက်များဖြစ်သလို ကောင်းကင်နှင့်မြေကြီး၏ သတိပေးချက်များလည်း ဖြစ်ပေသည်။</p> <p> </p> <p>တစ်ချိန်တည်းမှာပင် ဤသည်မှာ 'ကံကြမ္မာကူ'၏ ထူးခြားသော စွမ်းအားလည်းဖြစ်၏။ ၎င်းသည် အနန္တကပ်ဘေးငွေ့အသက်များထဲမှနေ၍ အနာဂတ်တွင် ဖြစ်ပေါ်လာမည့် ဘေးဒုက္ခများကို ကြိုတင်သိရှိနိုင်စွမ်းရှိပေသည်။</p> <p> </p> <p>ဤနည်းဖြင့် ကျင့်ကြံသူသည် ကပ်ဘေးများကို ရှောင်ရှားနိုင်ပြီး ကြိုတင်ပြင်ဆင်မှုများ ပြုလုပ်နိုင်မည် ဖြစ်၏။ အကယ်၍ 'ကံကြမ္မာကူ'၏ အကူအညီသာ မပါဝင်ပါက သူသည် ယခုအချိန်ထိ ဘေးဒုက္ခ၏ အရင်းအမြစ်ကို သိရှိနိုင်မည်မဟုတ်ပေ။</p> <p> </p> <p>အမှန်အတိုင်းဆိုရလျှင် ရှေးဟောင်းခေတ်ကာလက ရှေးဟောင်းမိစ္ဆာသားရဲလောကသည် မိမိတို့၏ခွန်အားကို ထိန်းသိမ်းထားနိုင်ခဲ့ခြင်းမှာ နတ်ဆိုးများ၏ ကျူးကျော်မှုကို များစွာမခံခဲ့ရသောကြောင့် ဖြစ်၏။</p> <p> </p> <p>သို့သော် ယခုအခါတွင်မူ မတူတော့ပေ။ ရှေးဟောင်းနတ်ဆိုးလောကနှင့် ပေါင်းစည်းသွားမှုကြောင့် ရှေးဟောင်းမိစ္ဆာသားရဲလောကတွင် နယ်ခြားတံခါးခြောက်ခု ပေါ်လာမည် ဖြစ်လေသည်။</p> <p> </p> <p>ထို့ကြောင့် သေချာပေါက် နတ်ဆိုးအမြောက်အမြားမှာ ထိုနယ်ခြားတံခါးများမှ ထွက်ပေါ်လာကြပေလိမ့်မည်။ ဤသည်မှာ ရှေးဟောင်းမိစ္ဆာသားရဲလောကအတွက် ကြီးမားသောဘေးဒုက္ခကို ဆောင်ကြဉ်းပေးမည်ဖြစ်ကာ သေကြေပျက်စီးမှုများစွာလည်း ရှိပေလိမ့်မည်။</p> <p> </p> <p>“ဒါပေမဲ့ ဒါဟာ ကောင်းတဲ့အချက်လည်း ဖြစ်နိုင်တယ်…”</p> <p> </p> <p>“အရင်တစ်ခါက မိစ္ဆာသားရဲမျိုးနွယ်တွေက ဘေးကနေ ကြည့်နေရုံနဲ့တင် အကျိုးအမြတ်တွေ ရခဲ့ကြတာ…”</p> <p> </p> <p>“အခုတော့ အဲဒီလိုလုပ်ဖို့ မဖြစ်နိုင်တော့ဘူး…”</p> <p> </p> <p>“မိစ္ဆာသားရဲမျိုးနွယ်တွေက ရှေးဟောင်းနတ်ဆိုးတွေရဲ့ ခွန်အားတစ်စိတ်တစ်ပိုင်းကို ခုခံပေးနေမယ်ဆိုရင် လူသားမျိုးနွယ်အတွက် ဖိအားတွေ လျော့နည်းသွားနိုင်တာပဲ…”</p> <p> </p> <p>“ပြီးတော့ ရှေးဟောင်းနတ်ဆိုးတွေရဲ့ ကျူးကျော်မှုကြောင့် မိစ္ဆာသားရဲမျိုးနွယ်တွေအနေနဲ့ လူသားမျိုးနွယ်ကို ဂရုစိုက်ဖို့ အချိန်ရှိတော့မှာ မဟုတ်ဘူး…”</p> <p> </p> <p>ကျိုးစွေ့က ခပ်ဖွဖွပြုံးလိုက်ရင်း ဝမ်းမြောက်နေလေသည်။</p> <p> </p> <p>ဤသို့ဆိုလျှင် ရှေးဟောင်းနတ်ဆိုးလောက၏ ကျူးကျော်မှုမှာ ကောင်းသော အချက်တစ်ခုပင် ဖြစ်နိုင်ပေသည်။</p> <p> </p> <p>မိစ္ဆာသားရဲမျိုးနွယ်များ၏ ကျူးကျော်မှုကို နှောင့်နှေးသွားစေနိုင်ပေသည်။ သို့မဟုတ်ပါက မိစ္ဆာသားရဲမျိုးနွယ်များမှာ အမှန်တကယ်ပင် ထင်တိုင်းကြဲနေကြပေလိမ့်မည်။ ယခုအခါ သူတို့ကိုလည်း နတ်ဆိုးမျိုးနွယ်များ၏အစွမ်းကို မြည်းစမ်းခွင့် ပေးလိုက်ရမည် ဖြစ်၏။</p> <p> </p> <p>“စုစုပေါင်း ရှေးဟောင်းနတ်ဆိုးတံခါး သုံးခုပေါ့…”</p> <p> </p> <p>“အဲဒီအထဲက တစ်ခုက အရှေ့ပိုင်းကုန်းမြေတိုက်ကြီးမှာ၊ နောက်တစ်ခုက ချန်လန်ပင်လယ်ဒေသမှာ… ကျန်တဲ့တစ်ခုက အနောက်ပိုင်းကုန်းမြေတိုက်ကြီးမှာပဲ…”</p> <p> </p> <p>“ယေဘူယျအားဖြင့် မတူညီတဲ့ အရပ်မျက်နှာသုံးခုမှာ ခွဲထွက်နေတာပဲ…”</p> <p> </p> <p>“အကယ်၍ ရှေးဟောင်းနတ်ဆိုးတံခါးကို စောင့်ကြပ်နိုင်မယ်ဆိုရင်… နတ်ဆိုးတွေ အပြင်ကို ထွက်မလာအောင် တားဆီးနိုင်မှာပဲ…”</p> <p> </p> <p>“မဖြစ်နိုင်တာ... ဒီလောက်တောင် ကံဆိုးရသလား”</p> <p> </p> <p>“ရွှမ်ဟွမ်ကျွန်းအနီးအနားမှာတင် ရှေးဟောင်းနတ်ဆိုးတံခါး တစ်ခု ပေါ်လာတာပဲ”</p> <p> </p> <p>“မဟုတ်ဘူး... ဒါက ကံဆိုးတာမဟုတ်ဘူး၊ ဖြစ်ကိုဖြစ်ရမယ့်အရာပဲ…”</p> <p> </p> <p>“နယ်ခြားတံခါးတွေ ပေါ်လာတာက အကြောင်းမဲ့မဟုတ်ဘူး… ဝိညာဉ်ကြောတွေနဲ့ အများကြီး သက်ဆိုင်နေတာပဲ…”</p> <p> </p> <p>“ရွှမ်ဟွမ်ကျွန်းမှာ ပဥ္စမအဆင့် ဝိညာဉ်ကြောရှိနေတယ်…”</p> <p> </p> <p>“ဒီဝိညာဉ်ကြောကြောင့်ပဲ နယ်ခြားတံခါး ပေါ်လာအောင် ဆွဲဆောင်လိုက်တာ ဖြစ်နိုင်တယ်…”</p> <p> </p> <p>ကျိုးစွေ့ မျက်မှောင်ကြုတ်လိုက်မိသည်။ ထင်ရှားသည်မှာ ဤရှေးဟောင်းနတ်ဆိုးတံခါး ပေါ်လာခြင်းသည် ဆိုးကျိုးရှိသကဲ့သို့ ကောင်းကျိုးလည်း ရှိပေသည်။</p> <p> </p> <p>ဆိုးကျိုးမှာ ရှေးဟောင်းနတ်ဆိုးတံခါးတစ်ခု ပေါ်ပေါက်လာခြင်းကြောင့် နတ်ဆိုးများ မပြတ်မကွက် ထွက်ပေါ်လာမည် ဖြစ်၏။</p> <p> </p> <p>သို့သော် တစ်ဖက်တွင်လည်း ကောင်းကျိုးရှိပေသည်။ ဤသို့ဆိုလျှင် ရွှမ်ဟွမ်ဂိုဏ်းအနေဖြင့် ခွန်အားအားလုံးကို စုစည်းကာ ဤနတ်ဆိုးတံခါးကို ချိပ်ပိတ်ထားနိုင်မည် ဖြစ်သည်။</p> <p> </p> <p>ထိုသို့ဖြင့် အတွင်းရှိ နတ်ဆိုးများ အပြင်သို့ ထွက်မလာနိုင်အောင် တားဆီးထားနိုင်ပေမည်။ ချန်လန်ပင်လယ်ဒေသတစ်ခုလုံးရှိ လူသားများအား နတ်ဆိုးများ၏ ဘေးရန်မှ ကာကွယ်ပေးနိုင်မည် ဖြစ်၏။</p> <p> </p> <p>ဝှစ်… ဝှစ်… ဝှစ်…။</p> <p> </p> <p>ထိုအချိန်တွင် သခင်မမက်မွန်ပွင့်၊ ယဲ့ဖေးရို၊ ချူတျဲယီနှင့် ရှရွှေယန် စသည့် တာအိုလက်တွဲဖော်များ အားလုံးမှာ ပျံသန်းရောက်ရှိလာကြပြီး ကျိုးစွေ့၏ဂူဗိမာန်အတွင်းသို့ ရောက်လာကြတော့သည်။</p> <p> </p> <p>တစ်ဦးချင်းစီ၏ မျက်နှာများမှာလည်း နီမြန်းနေကြပေသည်။ ထင်ရှားသည်မှာ ၎င်းတို့မှာ ယခင်တိုက်ပွဲမှ အရှိန်များ ကျန်ရှိနေသေးပုံရလေ၏။</p> <p> </p> <p>ယခင်က တိုက်ပွဲမှာ အလွန်ပင် ပင်ပန်းနွမ်းနယ်စရာ ကောင်းခဲ့သော်လည်း တစ်စုံတစ်ခုမူမမှန်ကြောင်း ပင်ကိုအသိစိတ်ဖြင့် ခံစားမိသဖြင့် ကျိုးစွေ့ရှိရာသို့ အမြန်လာခဲ့ကြခြင်း ဖြစ်ပေသည်။</p> <p> </p> <p>အဘယ်ကြောင့်ဆိုသော် ဤကဲ့သို့သော ထူးခြားသည့် ကောင်းကင်နှင့်မြေကြီး ဖြစ်စဉ်မှာ ကြီးမားသော ဖြစ်ရပ်တစ်ခု ဖြစ်ပွားခြင်းကြောင့် ဖြစ်ရမည်ကို သူတို့ သိရှိထားသောကြောင့် ဖြစ်လေသည်။</p> <p> </p> <p>“ယောက်ျား... ခုနက ဘာတွေဖြစ်ခဲ့တာလဲ…”</p> <p> </p> <p>ယဲ့ဖေးရိုနှင့် အခြားသူများမှာ ကျိုးစွေ့ကို ကြည့်လိုက်ကြသည်။</p> <p> </p> <p>“ရှေးဟောင်းနတ်ဆိုးလောကနဲ့ ကျင့်ကြံခြင်းလောကတို့ ဆုံတွေ့သွားကြပြီ…”</p> <p> </p> <p>ကျိုးစွေ့သည် မိမိသိထားသည့် အကြောင်းအရာများကို ချက်ချင်းပင် ပြောပြလိုက်လေသည်။</p> <p> </p> <p>“ဘာ…”</p> <p> </p> <p>ခဏအကြာတွင် ယဲ့ဖေးရိုနှင့် အခြားသူများမှာ မျက်နှာပျက်သွားကြရသည်။ ကျင့်ကြံခြင်းလောကမှာ မိစ္ဆာသားရဲမျိုးနွယ်များ၏ ကျူးကျော်မှုကို ခံနေရရုံသာမက၊ ယခုအခါ နတ်ဆိုးမျိုးနွယ်များ၏ ကျူးကျော်မှုကိုပါ ထပ်မံရင်ဆိုင်ရတော့မည်ကို သူတို့ လုံးဝမထင်မှတ်ထားခဲ့ကြပေ။</p> <p> </p> <p>နောက်ပိုင်းတွင် ကျင့်ကြံခြင်းလောကမှာ မည်မျှအထိ ကြောက်မက်ဖွယ်ကောင်းအောင် ပြောင်းလဲသွားမည်ကို သူတို့ စိတ်ကူးပင် မယဉ်နိုင်တော့ချေ။ ရှေးခေတ်ဦးကာလ၏ ကြောက်မက်ဖွယ်ရာ အဖြစ်ဆိုးများ ပြန်လည်ဖြစ်ပွားလာနိုင်ချေ ရှိပေသည်။</p> <p> </p> <p>ပြဿနာမှာ ရှေးခေတ်ဦးကာလတွင် နတ်ဘုရားအသွင်ပြောင်းအဆင့် အရှင်သခင် အမြောက်အမြား ရှိခဲ့သော်လည်း ယခုခေတ်တွင်မူ ထိုမျှလောက် မရှိတော့ခြင်း ဖြစ်၏။</p> <p> </p> <p>ဤမျှများပြားလှသော နတ်ဆိုးတို့၏ ကျူးကျော်မှုကို သူတို့ မည်သို့ ခုခံနိုင်ပါမည်နည်း။</p> <p> </p> <p>“စိတ်မပူကြပါနဲ့… အခုက ရှေးဟောင်းနတ်ဆိုးတံခါးက ပေါ်လာခါစပဲ ရှိသေးတာ...”</p> <p> </p> <p>“လောလောဆယ်တော့ နတ်ဘုရားအသွင်ပြောင်းအဆင့် နတ်ဆိုးတွေ ဝင်လာလို့ မရသေးဘူး...”</p> <p> </p> <p>“ဒါကြောင့် ခဏတဖြုတ်တော့ ငါတို့ရဲ့ ချန်လန်ပင်လယ်ဒေသမှာ ဘာပြဿနာမှ ရှိမှာမဟုတ်ဘူး...”</p> <p> </p> <p>“ငါတို့ရဲ့ စွမ်းအားနဲ့ပဲ ဒီပင်လယ်ပြင်ကို စောင့်ရှောက်နိုင်ပါတယ်...”</p> <p> </p> <p>“ငါသာ နတ်ဘုရားအသွင်ပြောင်းအဆင့်ကို တက်လှမ်းနိုင်သွားရင်တော့ သူတို့ဘက်က ဘယ်လောက်ပဲ အားကောင်းတဲ့ နတ်ဆိုးတွေ ပေါ်လာပါစေ အလွယ်တကူပဲ ရှင်းပစ်နိုင်မှာပါ...”</p> <p> </p> <p>ကျိုးစွေ့က နှစ်သိမ့်စကား ပြောလိုက်၏။</p> <p> </p> <p>သူ၏ စိတ်ထဲတွင်မူ အရေးတကြီး အလျင်လိုသည့် တင်းကျပ်သော ခံစားမှုတစ်ခု ဖြစ်ပေါ်လာချေသည်။ မူလက သူသည် အေးအေးဆေးဆေးသာ ကျင့်ကြံပြီး အဆင့်တက်ရန် ကြံရွယ်ထားသော်လည်း ရန်သူများက သူ့အား ထိုကဲ့သို့ အချိန်ပေးမည့်ပုံ မရပေ။</p> <p> </p> <p>နတ်ဘုရားအသွင်ပြောင်းအဆင့် အရှင်သခင်တစ်ပါး ဖြစ်လာမှသာ ဤပြဿနာကို အမြစ်ပြတ် ဖြေရှင်းနိုင်ပေလိမ့်မည်။</p> <p> </p> <p style="text-align: center;">***</p> <p> </p>


Save