Book List

<h2 style="text-align: center;">အခန်း (၆၀၃)</h2> <h2 style="text-align: center;">ချန်ဇီယွင်၏ ပေးဆပ်မှု</h2> <h2 style="text-align: center;">နတ်ဘုရားအသွင်ပြောင်း ပြီးပြည့်စုံခြင်းအဆင့်သို့ တက်လှမ်းခြင်းနှင့်</h2> <h2 style="text-align: center;">စစ်မှန်သော ဝိညာဉ်လောက(၁)</h2> <h2 style="text-align: center;">*</h2> <p> </p> <p> </p> <p> </p> <p>ဤအခိုက်အတန့်တွင် ကောင်းကင်နှင့်မြေပြင်တစ်ခုလုံး တိတ်ဆိတ်ငြိမ်သက်နေလေ၏။</p> <p> </p> <p>ရှေးဟောင်းနတ်ဆိုးတံခါးပေါက် တစ်ခုလုံးသည်လည်း ငြိမ်သက်သွားခဲ့ချေပြီ။</p> <p> </p> <p>ဤတိုက်ခိုက်မှုမှာ ရှေးဟောင်းနတ်ဆိုးတံခါးပေါက်၏ အခြားတစ်ဖက်ရှိ နတ်ဆိုးများကို အကြီးအကျယ် တုန်လှုပ်ခြောက်ခြားသွားစေခဲ့သည်။</p> <p> </p> <p>၎င်းတို့သည်လည်း လူမိုက်များ မဟုတ်ကြပေ။</p> <p> </p> <p>ဤဘက်တွင် အစွမ်းထက်သောရန်သူ ရှိနေသည်ကို သိသိကြီးနှင့် မည်သို့လျှင် အသေခံရန် လာရောက်ဝံ့မည်နည်း။</p> <p> </p> <p>ထို့ကြောင့် ခဏတာမျှ မည်သည့်နတ်ဆိုးမှ ရှေးဟောင်းနတ်ဆိုးတံခါးပေါက်ကို ဖြတ်ကျော်လာရန် မဝံ့မရဲ ဖြစ်သွားကြလေသည်။</p> <p> </p> <p>"လူသားမျိုးနွယ်ရဲ့ နတ်ဘုရားအသွင်ပြောင်းအဆင့်ကျင့်ကြံသူ မင်းသိပ်ပြီး မမောက်မာတာ ကောင်းမယ်...”</p> <p> </p> <p>"အခုက အဆုံးအဖြတ်တိုက်ပွဲဆင်နွှဲရမယ့် အချိန်မဟုတ်သေးဘူး...”</p> <p> </p> <p>"ရှေးဟောင်းနတ်ဆိုးတံခါးပေါက် နောက်ထပ် အချိန်အတိုင်းအတာတစ်ခုအထိ ကြီးထွားလာမယ့်အချိန်သာ ရောက်လာကြည့်... ဟမ့်…”</p> <p> </p> <p>“အဲဒီနေ့က မင်းတို့လူသားမျိုးနွယ် အကုန် မျိုးပြုတ်တဲ့နေ့ပဲ…”</p> <p> </p> <p>ထိုအချိန်တွင် ရှေးဟောင်းနတ်ဆိုးတံခါးပေါက်၏ အနက်ရှိုင်းဆုံးနေရာမှ ရှေးကျပြီး ဩဇာပါသောအသံတစ်ခု ထွက်ပေါ်လာကာ စကားပြောနေသူမှာ ထိတ်လန့်ဖွယ်ကောင်းသော နတ်ဆိုးစွမ်းအားများကို ပိုင်ဆိုင်ထားသည့် ရှေးဟောင်းနတ်ဘုရားအသွင်ပြောင်းအဆင့် နတ်ဆိုးတစ်ကောင်ပင် ဖြစ်လေသည်။</p> <p> </p> <p>ကမ္ဘာတစ်ခုစာ ကွာဝေးနေသော်လည်း ဤနတ်ဆိုးအသံသည် လူတို့၏စိတ်နှလုံးကို ညို့ငင်နိုင်ပြီး ဝိညာဉ်များကို ဖျက်ဆီးနိုင်စွမ်းရှိပုံရ၏။</p> <p> </p> <p>ကံမကောင်းစွာဖြင့် ဤသည်မှာ ကျိုးစွေ့၏ 'အိပ်မက်ဝိညာဉ်ကူ' အတွက်မူ မည်သည့်အကျိုးသက်ရောက်မှုမှ မရှိပေ။</p> <p> </p> <p>၎င်း၏ အိပ်မက်ကမ္ဘာစွမ်းအားသည် ပတ်ဝန်းကျင်ကို ဖုံးလွှမ်းထားပြီးဖြစ်ရာ တစ်ဖက်လူ၏ နတ်ဆိုးအသံကို ကာကွယ်ပေးထားလေသည်။</p> <p> </p> <p>"ဒါဆိုရင်လည်း မင်းတို့လာမယ့်အချိန်ကို ကျုပ်စောင့်နေမယ်...”</p> <p> </p> <p>ကျိုးစွေ့က ခံစားချက်ကင်းမဲ့စွာဖြင့် ခပ်ပေါ့ပေါ့ပင် ပြန်ပြောလိုက်သည်။</p> <p> </p> <p>ဘာ…။</p> <p> </p> <p>ဤစကားကို ကြားလိုက်ရသောအခါ ရှေးဟောင်းနတ်ဆိုးတံခါးပေါက်၏ အခြားတစ်ဖက်ရှိ နတ်ဘုရားအသွင်ပြောင်းအဆင့် နတ်ဆိုးအုပ်စုမှာ အလွန်အမင်း အံ့အားသင့်သွားကြရသည်။ ဤလူသားကျင့်ကြံသူထံမှ ထိုကဲ့သို့သော တုံ့ပြန်မှုကို ရရှိလိမ့်မည်ဟု ၎င်းတို့ ထင်မှတ်မထားခဲ့ကြပေ။</p> <p> </p> <p>မည်သည့်ဒေါသတရားမှ မပါဝင်ဘဲ လွန်စွာ တည်ငြိမ်နေလေသည်။</p> <p> </p> <p>သို့သော် ထိုသို့သော တည်ငြိမ်မှုသည် သမုဒ္ဒရာကြီးတစ်စင်းကဲ့သို့ အဆုံးမဲ့ဖျက်ဆီးခြင်းစွမ်းအားများ ကိန်းအောင်းနေသည့်အလား ဖြစ်နေ၏။</p> <p> </p> <p>မလှုပ်ရှားလျှင် အေးဆေးတည်ငြိမ်နေမည်ဖြစ်သော်လည်း လှုပ်ရှားလိုက်သည်နှင့် ကောင်းကင်နှင့်မြေကြီးကို ဖျက်ဆီးကာ အရာအားလုံးကို ချေမှုန်းပစ်မည် ဖြစ်ပေသည်။</p> <p> </p> <p>ဤမျှ တည်ငြိမ်သောစကားများက နတ်ဘုရားအသွင်ပြောင်းအဆင့် နတ်ဆိုးများစွာကို ပို၍ပင် ထိတ်လန့်သွားစေခဲ့သည်ဟု ဆိုရပေမည်။</p> <p> </p> <p>၎င်းတို့၏စိတ်ထဲတွင် ကြောက်ရွံ့စိုးရိမ်စိတ်များကို ဖြစ်ပေါ်လာစေ၏။</p> <p> </p> <p>"ဒီနတ်ဘုရားအသွင်ပြောင်းအဆင့် လူသားက သာမန်မဟုတ်ဘူးပဲ… သူက ဟန်ရေးပြနေတာများလား...”</p> <p> </p> <p>နတ်ဘုရားအသွင်ပြောင်းအဆင့် နတ်ဆိုးတစ်ကောင်က လေးနက်သောမျက်နှာအမူအရာဖြင့် ပြောလိုက်၏။</p> <p> </p> <p>"ဟန်ရေးပြနေတာနဲ့ မတူဘူး… ခုနက ပြသသွားတဲ့ စွမ်းအားတွေက အတုမှမဟုတ်တာ… ဒါက သာမန်နတ်ဘုရားအသွင်ပြောင်းအဆင့် ကျင့်ကြံသူတစ်ယောက် လုပ်နိုင်တဲ့အရာ မဟုတ်ဘူး...”</p> <p> </p> <p>"လွန်ခဲ့တဲ့ နှစ်သောင်းပေါင်းများစွာက လူသားမျိုးနွယ်တွေ ပြင်းပြင်းထန်ထန် ထိခိုက်နစ်နာခဲ့ရတယ်ဆို… ဘာဖြစ်လို့ သူတို့ရဲ့စွမ်းအားတွေက ထိခိုက်သွားတဲ့ပုံ မပေါ်ရတာလဲ...”</p> <p> </p> <p>"ဒါကိုတော့ သေချာမသိဘူး… ဘာပဲဖြစ်ဖြစ် အချိန်တွေ အရမ်းကြာသွားခဲ့ပြီဆိုတော့ လူသားမျိုးနွယ်တွေမှာ ဘာတွေဖြစ်ခဲ့လဲဆိုတာ ဘယ်သူမှ မသိနိုင်ဘူးလေ...”</p> <p> </p> <p>"ဒါပေမယ့် ဘာပဲဖြစ်ဖြစ် အခု ရှေးဟောင်းနတ်ဆိုးတံခါးပေါက်က ငါတို့ကို လက်ခံနိုင်လောက်တဲ့အထိ မကြီးထွားသေးဘူး… လောလောဆယ်တော့ ထိပ်တိုက်ရင်ဆိုင်ဖို့ မသင့်တော်ဘူး… မဟုတ်ရင် လူသားတွေရဲ့ သတ်ဖြတ်တာကို ခံရုံပဲရှိမယ်… အကျိုးမရှိဘူး...”</p> <p> </p> <p>"မှန်တယ်… ဒီလောက်အချိန်အကြာကြီး စောင့်ခဲ့ပြီးမှ ဒီခဏလေးကိုတော့ အလောတကြီး လုပ်စရာမလိုပါဘူး...”</p> <p> </p> <p>နတ်ဘုရားအသွင်ပြောင်းအဆင့် နတ်ဆိုးများစွာက ပြောဆိုလိုက်ကြ၏။</p> <p> </p> <p>ကျိုးစွေ့ ပြသခဲ့သောစွမ်းအားက ဤနတ်ဘုရားအသွင်ပြောင်းအဆင့် နတ်ဆိုးတစ်စုကို လုံးဝ ထိတ်လန့်သွားစေခဲ့သည်ဟု ဆိုရပေမည်။</p> <p> </p> <p>ထို့ကြောင့် ၎င်းတို့သည် လူသားမျိုးနွယ်၏စွမ်းအားအပေါ် အကဲဖြတ်မှုကို အကန့်အသတ်မရှိ မြှင့်တင်လိုက်ကြလေသည်။</p> <p> </p> <p>မည်သို့ပင်ဖြစ်စေ ရှေးခေတ်ကာလက တိုက်ပွဲတွင် ၎င်းတို့သည် လူသားမျိုးနွယ်ရှေ့၌ အကြီးအကျယ် ရှုံးနိမ့်ခဲ့ဖူးသဖြင့် ၎င်းတို့၏မှတ်ဉာဏ်ထဲတွင် လတ်ဆတ်နေဆဲ ဖြစ်သည်။</p> <p> </p> <p>"ငါတို့ အရင်ဆုံး ရှေးဟောင်းမိစ္ဆာသားရဲကမ္ဘာကို ကျူးကျော်ဝင်ရောက်ရင်ကော ဘယ်လိုလဲ...”</p> <p>(စကားချပ် - နည်းနည်းရောနေတယ်ဆိုလို့ မိစ္ဆာသားရဲတွေရဲ့ လောကကို “ရှေးဟောင်းမိစ္ဆာသားရဲကမ္ဘာ” လို့ ပြောင်းလဲသုံးစွဲပါမယ်။ လက်ရှိမှာ လောကသုံးခု တိုက်မိနေတာပါ။ လူသားတွေရဲ့ “ကျင့်ကြံခြင်းလောက”၊ မိစ္ဆာသားရဲတွေရဲ့ “ရှေးဟောင်းမိစ္ဆာသားရဲကမ္ဘာ” နဲ့ နတ်ဆိုးတွေရဲ့ “ရှေးဟောင်းနတ်ဆိုးကမ္ဘာ” ပါ။)</p> <p> </p> <p>"ငါတို့ရဲ့ ရှေးဟောင်းနတ်ဆိုးတံခါးပေါက်က ရှေးဟောင်းမိစ္ဆာသားရဲကမ္ဘာမှာ ပေါ်လာတာဆိုတော့ နတ်ဘုရားအသွင်ပြောင်းအဆင့် နတ်ဆိုးတွေ အဝင်အထွက်လုပ်ဖို့ အဆင်ပြေပုံရတယ်...”</p> <p> </p> <p>"တကယ်တော့ ဒါက ကောင်းမွန်တဲ့အခွင့်အရေးတစ်ခုပဲ… ငါတို့က ရှေးဟောင်းမိစ္ဆာသားရဲကမ္ဘာကို အရင်သိမ်းပိုက်ပြီး ဒီမိစ္ဆာသားရဲတွေကို နတ်ဆိုးအဖြစ် ပြောင်းလဲလိုက်မယ်… ငါတို့နတ်ဆိုးမျိုးနွယ်ရဲ့ စွမ်းအားကို မြှင့်တင်ပြီးရင် နတ်ဆိုးပြောင်းလဲထားတဲ့ သားရဲအများကြီးကို ခေါ်ဆောင်ပြီး ကျင့်ကြံခြင်းကမ္ဘာထဲကို ထပ်မံ ဝင်ရောက်တိုက်ခိုက်မယ်...”</p> <p> </p> <p>"ဒီလိုဆိုရင် ကမ္ဘာနှစ်ခုရဲ့စွမ်းအားတွေကို သယ်ဆောင်လာတာဖြစ်လို့… ဒီတစ်ခါ လူသားမျိုးနွယ်တွေ ဘယ်လိုတားဆီးမလဲဆိုတာ ငါကြည့်ချင်သေးတယ်...”</p> <p> </p> <p>နတ်ဘုရားအသွင်ပြောင်းအဆင့် နတ်ဆိုးများစွာသည် ချက်ချင်းပင် ဆုံးဖြတ်ချက်ချလိုက်ကြ၏။</p> <p> </p> <p>၎င်းတို့သည် ကျင့်ကြံခြင်းကမ္ဘာကို တိုက်ခိုက်ရန် ယာယီစွန့်လွှတ်လိုက်ပြီး ရှေးဟောင်းမိစ္ဆာသားရဲကမ္ဘာကို တိုက်ခိုက်ရန် ရွေးချယ်လိုက်ကြလေသည်။</p> <p> </p> <p>ရှေးဟောင်းမိစ္ဆာသားရဲကမ္ဘာကို အရင်သိမ်းပိုက်ပြီးမှ ကျင့်ကြံခြင်းကမ္ဘာကို တိုက်ခိုက်မည်ဖြစ်သည်။</p> <p> </p> <p>…………</p> <p> </p> <p>ဝုန်း… ဝုန်း… ဝုန်း…။</p> <p> </p> <p>ဤအခိုက်အတန့်တွင် ရေတွက်၍မရသော နတ်ဆိုးအငွေ့အသက်များသည် လျင်မြန်စွာ ဆုတ်ခွာသွားကြပြီး ရှေးဟောင်းနတ်ဆိုးတံခါးပေါက်မှာ လွန်စွာ တည်ငြိမ်သွားလေသည်။</p> <p> </p> <p>ဤတံခါးပေါက်မှနေ၍ နတ်ဆိုးများ ထပ်မံ ထွက်ပေါ်လာတော့မည်ပုံ မပေါ်တော့ချေ။</p> <p> </p> <p>ယခုလေးတင် ဖြစ်ပွားခဲ့သောတိုက်ပွဲက နတ်ဆိုးများစွာကို လုံးလုံးလျားလျား ခြောက်လှန့်လိုက်ပြီး ကျင့်ကြံခြင်းကမ္ဘာထဲသို့ ထပ်မံခြေမချဝံ့တော့အောင် ပြုလုပ်လိုက်သကဲ့သို့ ဖြစ်နေချေသည်။</p> <p> </p> <p>"ယောက်ျား... ဒီနတ်ဆိုးအုပ်စု တကယ်ပဲ ကြောက်လန့်ပြီး ထွက်ပြေးသွားကြတာလား...”</p> <p> </p> <p>သခင်မမက်မွန်ပွင့်နှင့် အခြားသူများက ကျိုးစွေ့ကို စပ်စုချင်စိတ်ဖြင့် ကြည့်လိုက်ကြ၏။</p> <p> </p> <p>သူတို့သည် မူလက ကောင်းကင်နှင့်မြေကြီးကို တုန်လှုပ်စေနိုင်သော တိုက်ပွဲကြီးတစ်ခု ဖြစ်လာမည်ဟု ထင်မှတ်ထားခဲ့သည်။ ယခုကဲ့သို့ ဤအတိုင်းလေး ပြီးဆုံးသွားမည်ဟု မထင်မှတ်ထားခဲ့ကြပေ။</p> <p> </p> <p>ထိုနတ်ဆိုးအုပ်စုသည် တဇွတ်ထိုးမလုပ်ဘဲ အမှန်တကယ်ပင် နောက်ဆုတ်သွားခဲ့ကြလေသည်။</p> <p> </p> <p>"ကြောက်လို့ ထွက်ပြေးသွားတာ မဟုတ်ဘူး… လောလောဆယ် တိုက်ခိုက်မှုကို ယာယီရပ်တန့်လိုက်တာပဲ ဖြစ်မယ်...”</p> <p> </p> <p>"ဒီနတ်ဆိုးအုပ်စုက ဦးနှောက်မရှိတဲ့ကောင်တွေ မဟုတ်ဘဲ ဗျူဟာအကြောင်း ကောင်းကောင်းသိတဲ့ကောင်တွေဆိုတာ ထင်ရှားတယ်...”</p> <p> </p> <p>"ဒီတစ်ခါတော့ ဒုက္ခရောက်ပြီ...”</p> <p> </p> <p>"တကယ်လို့ တိုက်ခိုက်မှု စပြီဆိုတာနဲ့ အင်အားအလုံးအရင်းနဲ့ပဲ ဖြစ်လိမ့်မယ်...”</p> <p> </p> <p>ကျိုးစွေ့၏ မျက်နှာအမူအရာမှာ လွန်စွာ လေးနက်နေလေသည်။</p> <p> </p> <p>သူသည် စိတ်သက်သာရာရသွားခြင်း မရှိဘဲ ဤနတ်ဆိုးအုပ်စုမှာ ကိုင်တွယ်ရ ပိုခက်ခဲလာမည်ကို ခံစားမိလိုက်သည်။</p> <p> </p> <p>ရှေးဟောင်းခေတ်တွင် လူသားမျိုးနွယ်စု အဘယ်ကြောင့် ဤမျှအထိ အထိနာခဲ့ရသနည်းဟူသည်မှာ အံ့သြစရာ မဟုတ်တော့ပေ။</p> <p> </p> <p>ဤနတ်ဆိုးအုပ်စုမှာ တိုက်ခိုက်ရေးစွမ်းရည် ကြောက်မက်ဖွယ်ကောင်းရုံသာမက အသိဉာဏ်လည်း မြင့်မားကြလေသည်။</p> <p> </p> <p>ယခု ကျူးကျော်ခြင်း မပြုရခြင်းမှာ နတ်ဘုရားအသွင်ပြောင်းအဆင့် နတ်ဆိုးများ ဝင်ရောက်နိုင်စွမ်း မရှိသေးသောကြောင့်သာ ဖြစ်ပေ၏။</p> <p> </p> <p>ရှေးဟောင်းနတ်ဆိုးတံခါးပေါက်က နတ်ဘုရားအသွင်ပြောင်းအဆင့် နတ်ဆိုးများကို လက်ခံနိုင်လောက်သည်နှင့်တစ်ပြိုင်နက် ပထမဆုံးအကြိမ်အဖြစ် ညှာတာမှုကင်းမဲ့စွာ တိုက်ခိုက်လာလိမ့်မည် ဖြစ်သည်။</p> <p> </p> <p>"ယောက်ျား... ဒါဆို အခု ဘယ်လိုလုပ်ကြမလဲ...”</p> <p> </p> <p>ဤစကားကို ကြားသောအခါ သခင်မမက်မွန်ပွင့်နှင့် အခြားသူများ၏ မျက်နှာအမူအရာများလည်း လွန်စွာ လေးနက်သွားကြပြီး၊ ဤကိစ္စ၏ ကြောက်မက်ဖွယ်ကောင်းမှုကို သဘောပေါက်သွားကြလေသည်။</p> <p> </p> <p>"ဒီနေရာမှာ ပဉ္စမအဆင့် အစီအရင်တစ်ခုဖြစ်တဲ့ ဓာတ်ငါးပါးမိုးကြိုးဖျက်ဆီးခြင်းအစီအရင်ကို အရင်ဆုံး ချထားရမယ်...”</p> <p> </p> <p>"နတ်ဆိုးတွေ ရှေးဟောင်းနတ်ဆိုးတံခါးပေါက်ကနေ ထွက်လာတာနဲ့တစ်ပြိုင်နက် ငါတို့အစီအရင်ရဲ့ တိုက်ခိုက်မှုကို ချက်ချင်း ခံရလိမ့်မယ်...”</p> <p> </p> <p>ကျိုးစွေ့က မျက်လုံးများကို မှေးစင်းလိုက်ပြီး ဖြေရှင်းရမည့်နည်းလမ်းကို ချက်ချင်းပေးလိုက်၏။</p> <p> </p> <p>အစီအရင်ကြီးက ဤနေရာတွင် စောင့်ကြပ်နေသရွေ့ ဤနေရာမှ နတ်ဆိုးများ လွတ်မြောက်ရန်ကြိုးစားသည်နှင့် ချက်ချင်း ရှင်းလင်းခံရပေမည်။</p> <p> </p> <p>ထိုသို့ဆိုလျှင် နတ်ဆိုးများက အနယ်နယ်အရပ်ရပ်ကို ဒုက္ခပေးနိုင်တော့မည် မဟုတ်ချေ။</p> <p> </p> <p>ဓာတ်ငါးပါးမိုးကြိုးဖျက်ဆီးခြင်းအစီအရင်သည် ဓာတ်ငါးပါးမိုးကြိုးများကို စုစည်းပေးနိုင်သော ကြောက်မက်ဖွယ် အစီအရင်တစ်ခု ဖြစ်ပေသည်။</p> <p> </p> <p>စီရင်ထားလိုက်သည်နှင့် ကောင်းကင်နှင့်မြေကြီးကြားရှိ ဓာတ်ငါးပါးမိုးကြိုးများကို ဆင့်ခေါ်နိုင်ပေသည်။</p> <p> </p> <p>အစီအရင် အသက်ဝင်လာသည်နှင့် မိုးကြိုးများက နတ်ဆိုးများကို ချေမှုန်းပစ်မည် ဖြစ်၏။</p> <p> </p> <p>ဤနတ်ဆိုးများသည် မိုးကြိုးစွမ်းအားကို အကြောက်ဆုံးဖြစ်သောကြောင့် သူသည် သဘာဝကျစွာ မိုးကြိုးအစီအရင်ကို ခင်းကျင်းထားရန် လိုအပ်သည်။</p> <p> </p> <p>"ပဉ္စမအဆင့် အစီအရင်လား...”</p> <p> </p> <p>"ပြဿနာက ဒီနေရာမှာ ပဉ္စမအဆင့် ဝိညာဉ်သွေးကြော မရှိဘူးလေ… ဘယ်လိုလုပ် တည်ဆောက်လို့ရမှာလဲ...”</p> <p> </p> <p>ယဲ့ဖေးရိုသည်လည်း သူမ၏ခင်ပွန်းမှာ ပဉ္စမအဆင့် အစီအရင်ပညာရှင်ဖြစ်ကြောင်း သိထားပေသည်။ သို့သော် ဆန်မရှိဘဲ ထမင်းချက်၍ မရကြောင်းကိုလည်း နားလည်ထားသည်။</p> <p> </p> <p>အကယ်၍ ပဉ္စမအဆင့် ဝိညာဉ်သွေးကြောသာ မရှိပါက ပဉ္စမအဆင့် အစီအရင်ကြီးတစ်ခုကို ခင်းကျင်းထားရန်ဆိုသည်မှာ အလွန်တရာ ခက်ခဲသောကိစ္စ ဖြစ်သည်။</p> <p> </p> <p>"ဒါကတော့ စိတ်မပူပါနဲ့...”</p> <p> </p> <p>"ပဉ္စမအဆင့် ဝိညာဉ်သွေးကြော မရှိရင်တောင်မှ ပဉ္စမအဆင့် အစီအရင်ကြီးကို တည်ဆောက်လို့ရတယ်...”</p> <p> </p> <p>"ပဉ္စမအဆင့် အစီအရင်ပြားကို တည်ဆောက်လိုက်ရုံနဲ့ ရပြီ...”</p> <p> </p> <p>"ဒါပေမယ့် ပဉ္စမအဆင့် ဝိညာဉ်သွေးကြောက ထောက်ပံ့ပေးမယ့် စွမ်းအင်တွေ မရှိတဲ့အတွက် အထွတ်အထိပ်ဝိညာဉ်ကျောက်တုံးတွေ အများကြီး လိုအပ်လိမ့်မယ်...”</p> <p> </p> <p>"ပြီးတော့ ပဉ္စမအဆင့် အစီအရင်ကြီးကို အသက်သွင်းပြီးတိုင်း အထွတ်အထိပ်ဝိညာဉ်ကျောက်တုံး အများကြီးကို လဲလှယ်ပေးဖို့ လိုအပ်တယ်… အတော်လေးတော့ ဒုက္ခများတယ်...”</p> <p> </p> <p>"ဒါပေမယ့် ဘယ်လောက်ပဲ ဒုက္ခများပါစေ… ဒီနတ်ဆိုးတွေကို ဒီပင်လယ်ပြင်မှာ သောင်းကျန်းခွင့်ပြုတာထက်တော့ ပိုကောင်းပါသေးတယ်...”</p> <p> </p> <p>ကျိုးစွေ့က လက်သီးကို ဆုပ်လိုက်၏။</p> <p> </p> <p>"ဒါပေမယ့် ကျွန်မတို့ရွှမ်ဟွမ်ဂိုဏ်းမှာ အထွတ်အထိပ်ဝိညာဉ်ကျောက်တုံးတွေ သိပ်မရှိဘူးလေ...”</p> <p> </p> <p>ယဲ့ဖေးရိုက လွန်စွာ အခက်တွေ့နေဟန်ဖြင့် ပြောလိုက်သည်။</p> <p> </p> <p>"ဒါက ချန်လန်ပင်လယ်ပြင်တစ်ခုလုံးနဲ့ သက်ဆိုင်တဲ့ကိစ္စပဲ… ငါတို့ချည်းပဲ အင်အားစိုက်ထုတ်လို့ ဘယ်ဖြစ်မလဲ...”</p> <p> </p> <p>"ချန်လန်ပင်လယ်ပြင်တစ်ခုလုံးက အင်အားစုတွေအားလုံးက အထွတ်အထိပ် ဝိညာဉ်ကျောက်တုံးတွေကို ဝေပုံကျ ခွဲဝေကျခံပေးရမယ်...”</p> <p> </p> <p>"အင်အားမစိုက်ထုတ်နိုင်ရင် ငွေထုတ်ရမယ်...”</p> <p> </p> <p>"မဟုတ်ရင် ငါတို့ရွှမ်ဟွမ်ဂိုဏ်းက မညှာမတာ လုပ်တယ်လို့ အပြစ်မတင်နဲ့...”</p> <p> </p> <p>ကျိုးစွေ့သည် ချန်လန်ပင်လယ်ပြင်တစ်ခုလုံး၏ အင်အားစုများကို ပေါင်းစည်းရန်နှင့် ပင်လယ်ပြင်တစ်ခုလုံး၏ အရင်းအမြစ်များကို ပေါင်းစည်းရန် အချိန်တန်ပြီဟု ခံစားလိုက်ရလေသည်။</p> <p> </p> <p>ထိုသို့မဟုတ်ပါက အနာဂတ်တွင် နတ်ဆိုးမျိုးနွယ်နှင့် မိစ္ဆာသားရဲမျိုးနွယ်တို့၏အင်အားကို ယှဉ်ပြိုင်နိုင်ရန် ခက်ခဲပေလိမ့်မည်။</p> <p> </p> <p>ယခုအချိန်တွင် လူသားမျိုးနွယ်များ ပြန့်ကျဲနေ၍ မဖြစ်နိုင်တော့ပေ။</p> <p> </p> <p>"ဟုတ်ကဲ့ပါ ယောက်ျား...”</p> <p> </p> <p>ဤစကားကို ကြားသောအခါ ယဲ့ဖေးရိုသည်လည်း မတတ်သာဘဲ ခေါင်းညိတ်လိုက်လေသည်။</p> <p> </p> <p>ဤသည်မှာ ချန်လန်ပင်လယ်ပြင်တစ်ခုလုံးနှင့် သက်ဆိုင်သော ကိစ္စကြီးဖြစ်ရာ အခြားဂိုဏ်းများသည် သဘာဝကျကျ လက်ပိုက်ကြည့်နေ၍ မဖြစ်နိုင်ပေ။</p> <p> </p> <p>အကယ်၍ ၎င်းတို့သည်သာ မျက်နှာသာပေးမှုကို မသိတတ်ပါက သူတို့ကို ဂုဏ်သိက္ခာအား နားလည်အောင် လုပ်ပေးရမည်သာ ဖြစ်သည်။</p> <p> </p> <p>လောကလူသားများသည်လည်း ရွှမ်ဟွမ်ဂိုဏ်း၏ ဂုဏ်သတင်းကို သိရှိသင့်ပေသည်။</p> <p> </p> <p>……</p> <p> </p> <p style="text-align: center;">***</p> <p> </p>


Save