Book List

<h2 style="text-align: center;">အခန်း (၆၀၄)</h2> <h2 style="text-align: center;">ချန်ဇီယွင်၏ ခန္ဓာကိုယ်ပေးဆပ်မှု</h2> <h2 style="text-align: center;">နတ်ဘုရားအသွင်ပြောင်း ပြီးပြည့်စုံခြင်းအဆင့်သို့</h2> <h2 style="text-align: center;">တက်လှမ်းခြင်းနှင့် စစ်မှန်သော ဝိညာဉ်လောက(၂)</h2> <h2 style="text-align: center;">*</h2> <p> </p> <p> </p> <p>ရှေးဟောင်းနတ်ဆိုးတံခါးပေါက် ထွက်ပေါ်လာသည်နှင့်တစ်ပြိုင်နက် ကျင့်ကြံခြင်းကမ္ဘာတစ်ခုလုံးရှိ ချိပ်ပိတ်ခံထားရသော နတ်ဘုရားအသွင်ပြောင်းအဆင့် နတ်ဆိုးတိုင်းသည်လည်း ချက်ချင်းပင် နိုးထလာကြတော့သည်။</p> <p> </p> <p>ကောင်းကင်နှင့်မြေကြီးကြားတွင် တဖြည်းဖြည်း တိုးပွားလာနေသော ရှေးဟောင်းနတ်ဆိုးအငွေ့အသက်များကို ၎င်းတို့က အာရုံခံသိရှိနိုင်ကြပြီး တစ်ကောင်စီတိုင်းသည် ဝမ်းသာလုံးဆို့နေကြ၏။</p> <p> </p> <p>ရေငတ်သေတော့မည့် သားရဲကြီးတစ်ကောင်က ရုတ်တရက် မိုးရွာသည်နှင့် ကြုံတွေ့လိုက်ရသကဲ့သို့ ဖြစ်နေတော့သည်။</p> <p> </p> <p>"ဒီလောက်အချိန်အကြာကြီး စောင့်ခဲ့ရပြီးတော့ နောက်ဆုံးမှာ ရှေးဟောင်းနတ်ဆိုးကမ္ဘာ ရောက်လာတာကို စောင့်နိုင်ခဲ့ပြီ...”</p> <p> </p> <p>"မကြာတော့ဘူး… မကြာခင် ချိပ်ပိတ်ခံထားရတာကနေ ရုန်းထွက်နိုင်တော့မယ်...”</p> <p> </p> <p>"မကောင်းတဲ့လူသားတွေ… ဒီတစ်ခါတော့ မင်းတို့ကို အပြတ်ရှင်းပစ်ရမယ်...”</p> <p> </p> <p>"ကလေးတို့… မြန်မြန်လာခဲ့ကြ…. ငါ့ရဲ့ချိပ်ပိတ်မှုကို လာဖြည်ပေးကြစမ်း...”</p> <p> </p> <p>နတ်ဘုရားအသွင်ပြောင်းအဆင့် နတ်ဆိုးများစွာသည် ဒေါသတကြီး ဟိန်းဟောက်လိုက်ကြ၏။</p> <p> </p> <p>၎င်းတို့သည် မိမိတို့၏သတင်းစကားများကို နည်းလမ်းအမျိုးမျိုးဖြင့် ဖြန့်ဝေရန် ကြိုးစားကြပြီး၊ ၎င်းတို့၏ မျိုးနွယ်စုဝင်များကို လာရောက်ကယ်တင်စေရန် လုပ်ဆောင်နေကြလေသည်။</p> <p> </p> <p>နှစ်သောင်းပေါင်းများစွာ အကျဉ်းကျခံခဲ့ရသဖြင့် ၎င်းတို့သည် ရူးသွပ်လုမတတ်ဖြစ်နေကြပြီး အချုပ်အနှောင်မှ ရုန်းထွက်ရန် မစောင့်ဆိုင်းနိုင်တော့ပေ။</p> <p> </p> <p>ကျင့်ကြံခြင်းလောကတစ်ခုလုံးသည် ရှေးဟောင်းနတ်ဆိုးကမ္ဘာ၏ ဆင်းသက်လာမှုကြောင့် ကြီးမားသော လှုပ်ခတ်မှုများ ဖြစ်ပေါ်နေတော့သည်။</p> <p> </p> <p>လူသားဂိုဏ်းအသီးသီးမှ ကျင့်ကြံသူများမှာ စိုးရိမ်ထိတ်လန့်နေကြပြီး အန္တရာယ်ရှိနေပြီဖြစ်ကြောင်း ခံစားနေကြရသည်။</p> <p> </p> <p>အထူးသဖြင့် နတ်ဘုရားအသွင်ပြောင်းအဆင့် အရှင်သခင်ကြီးများမှာမူ ပို၍ပင် စိုးရိမ်ပူပန်နေကြလေသည်။</p> <p> </p> <p>ဤနတ်ဘုရားအသွင်ပြောင်းအဆင့် နတ်ဆိုးများ ချိပ်ပိတ်မှုမှ ရုန်းထွက်လာနိုင်ခဲ့ပါက၊ မည်မျှကြီးမားသော ပေးဆပ်မှုမျိုး လုပ်ရမည်ကို ၎င်းတို့က ကောင်းစွာ သိရှိထားကြပေသည်။</p> <p> </p> <p>၎င်းတို့၏လက်ရှိစွမ်းအားများဖြင့် ဤနတ်ဘုရားအသွင်ပြောင်းအဆင့် နတ်ဆိုးများကို တားဆီးနိုင်မည် မဟုတ်ပေ။</p> <p> </p> <p>"ရှေးဟောင်းနတ်ဆိုးကမ္ဘာက ဒီလောက်မြန်မြန် ရောက်လာလိမ့်မယ်လို့ မထင်ထားခဲ့မိဘူး… တကယ်ကို မျှော်လင့်မထားတာပဲ...”</p> <p> </p> <p>"ဒါကလည်း ဘာမှမတတ်နိုင်ဘူးလေ… ကမ္ဘာပေါင်းစပ်ခြင်းဖြစ်စဉ် ရောက်လာမယ့်အချိန်ကို ဘယ်သူမှ ကြိုတင် မခန့်မှန်းနိုင်ဘူး...”</p> <p> </p> <p>"အခု ဘယ်လိုလုပ်ကြမလဲ… အခုလောလောဆယ် ရှေးဟောင်းနတ်ဆိုးတံခါးပေါက်က နတ်ဘုရားအသွင်ပြောင်းအဆင့် နတ်ဆိုးတွေကို လက်မခံနိုင်သေးပေမဲ့ ဒါက အနှေးနဲ့အမြန် ဖြစ်လာမှာပဲ…"</p> <p> </p> <p>“တိုက်ဖို့ဆိုတာကတော့ သေချာပေါက် မဖြစ်နိုင်ဘူး... ရှေးဟောင်းခေတ်က နတ်ဘုရားအသွင်ပြောင်းအဆင့်တွေတောင် မယှဉ်နိုင်တာကို ငါတို့က ဘယ်လိုလုပ် ယှဉ်မှာလဲ...”</p> <p> </p> <p>“ဒါဆို မင်းတို့က ထွက်ပြေးဖို့ စဉ်းစားနေတာလား... မင်းတို့ရဲ့ တပည့်တွေနဲ့ မျိုးဆက်တွေကို စွန့်ပစ်ခဲ့တော့မှာလား... နှစ်ပေါင်းများစွာ တည်ထောင်ခဲ့တဲ့ အခြေခံအုတ်မြစ်တွေကိုကော...”</p> <p> </p> <p>“မိုက်မဲလိုက်တာ... ကျင့်ကြံခြင်းလမ်းစဉ်ဆိုတာ ကိုယ့်အတွက်ကိုယ်ပဲလေ... ဘယ်လောက်ပဲ အမွေအနှစ်တွေက အရေးကြီးပါစေ ကိုယ့်အသက်ထက်တော့ အရေးမကြီးပါဘူး...”</p> <p> </p> <p>"ပြောတာမှန်တယ်… ငါတို့အသက်ရှင်နေသရွေ့ အမွေအနှစ်ဆိုတာ ဆက်ရှိနေဦးမှာပဲ… ငါတို့သေသွားရင်တော့ အမွေအနှစ်ဆိုတာလည်း ပျောက်ကွယ်သွားရုံပေါ့… ငါသေပြီးမှတော့ ကမ္ဘာကြီးရေလွှမ်းလွှမ်း ဘာဖြစ်ဖြစ် ဂရုစိုက်နေစရာမလိုတော့ပါဘူး...”</p> <p> </p> <p>“ဒါလည်း ဟုတ်တာပဲ... အခု ငါတို့ အမြန်ဆုံး ဟင်းလင်းပြင်ဆုံမှတ်ကို ရှာပြီး ဝိညာဉ်လောကကို ခိုးဝင်ဖို့ပဲ ရှိတော့တယ်...”</p> <p> </p> <p>"ရှေးဟောင်းမိစ္ဆာသားရဲကမ္ဘာမှာလည်း ခိုးထွက်လို့ရမယ့် ဟင်းလင်းပြင်ဆုံမှတ်ရှိတယ်လို့ ကြားဖူးတယ်… ရှေးဟောင်းမိစ္ဆာသားရဲကမ္ဘာကို သွားတာ ပိုမကောင်းဘူးလား...”</p> <p> </p> <p>"မိုက်မဲလိုက်တာကွာ… ရှေးဟောင်းမိစ္ဆာသားရဲကမ္ဘာကို သွားပြီး ကူးပြောင်းမယ်ဆိုရင် ဝိညာဉ်ကမ္ဘာက သားရဲမျိုးနွယ်တွေရဲ့ နယ်မြေဆီကို ရောက်သွားမှာပေါ့… ကူးပြောင်းပြီးတာနဲ့ အသတ်ခံရမှာပဲဆိုရင် ဘာအဓိပ္ပာယ်ရှိတော့မှာလဲ...”</p> <p> </p> <p>"ကြည့်ရတာ ကျင့်ကြံခြင်းလောကမှာပဲ နည်းလမ်းရှာရလိမ့်မယ်… အခုက တစ်ကိုယ်ကောင်းဆန်ပြီး ဖုံးကွယ်ထားရမယ့်အချိန် မဟုတ်တော့ဘူး… အားလုံးက စိတ်တူကိုယ်တူ ပူးပေါင်းဆောင်ရွက်ဖို့ လိုတယ်… မဟုတ်ရင် နတ်ဘုရားအသွင်ပြောင်းအဆင့် နတ်ဆိုးတွေ ရောက်လာတဲ့အခါ မင်းရောငါပါ သေကြရလိမ့်မယ်...”</p> <p> </p> <p>နတ်ဘုရားအသွင်ပြောင်းအဆင့် အရှင်သခင်အများအပြားသည် မျက်နှာအမူအရာ တင်းမာစွာဖြင့် ဆွေးနွေးတိုင်ပင်နေကြသည်။</p> <p> </p> <p>သူတို့သည် နတ်ဆိုးမျိုးနွယ်၊ မိစ္ဆာသားရဲမျိုးနွယ်တို့နှင့် လုံးဝမရင်ဆိုင်လိုကြဘဲ အခွင့်ကောင်းယူကာ ဝိညာဉ်ကမ္ဘာဆီသို့ ကူးပြောင်းတက်လှမ်းချင်ရုံသာ ဖြစ်၏။</p> <p> </p> <p>ဤဒုက္ခတောထဲမှ လွတ်မြောက်ချင်ကြခြင်းသာ ဖြစ်ပေသည်။</p> <p> </p> <p>သူတို့သည် ဂိုဏ်းကြီးအသီးသီးမှ ဘိုးဘေးများဖြစ်ကြသော်လည်း လူသားမျိုးနွယ်နှင့်အတူ ရှင်သန်သေဆုံးမည့်ကိစ္စကိုမူ မလိုလားကြချေ။</p> <p> </p> <p>အင်မော်တယ်လမ်းစဉ်ဟူသည် တစ်ကိုယ်ကောင်းဆန်မှုသာ ဖြစ်ပေသည်။</p> <p> </p> <p>အကယ်၍ ထွက်ပြေးရန် အခွင့်အရေးသာရှိပါက သူတို့သည်လည်း တုံ့ဆိုင်းနေမည်မဟုတ်ပေ။</p> <p> </p> <p>အမွေအနှစ်ဆိုသည်မှာလည်း မိမိတို့၏အသက်နှင့် နှိုင်းယှဉ်လျှင် ဘာမှမဟုတ်သကဲ့သို့ ပြောပလောက်သည့်အရာ မဟုတ်တော့ချေ။</p> <p> </p> <p>မှန်ပေသည်၊ လူသားမျိုးနွယ်နှင့်အတူ ရှင်သန်သေဆုံးလိုသည့် နတ်ဘုရားအသွင်ပြောင်းအဆင့် အရှင်သခင်အချို့လည်း ရှိပေသေးသည်။</p> <p> </p> <p>ဝမ်းနည်းစရာကောင်းသည်မှာ ထိုသို့သောသူများမှာ အလွန်နည်းပါးလွန်းပြီး လက်ချိုးရေတွက်၍ပင် ရနိုင်လေသည်။</p> <p> </p> <p>…………</p> <p> </p> <p>မှန်ပေသည်၊ သက်ရောက်မှုအဆိုးရွားဆုံး ခံစားရသည်မှာ ရှေးဟောင်းမိစ္ဆာသားရဲကမ္ဘာပင် ဖြစ်၏။</p> <p> </p> <p>အဘယ်ကြောင့်ဆိုသော် ရှေးဟောင်းမိစ္ဆာသားရဲကမ္ဘာတွင်လည်း ရှေးဟောင်းနတ်ဆိုးတံခါးများ တစ်ခုပြီးတစ်ခု ပေါ်လာခဲ့သောကြောင့်ပင်။ ထိုအထဲမှ နတ်ဆိုးအမြောက်အမြား ထွက်ပေါ်လာကာ ရှေးဟောင်းမိစ္ဆာသားရဲကမ္ဘာအနှံ့ သောင်းကျန်းဖျက်ဆီးပြီး နေရာအနှံ့မှ မိစ္ဆာသားရဲများအား သတ်ဖြတ်နေကြလေသည်။</p> <p> </p> <p>ခဏချင်းအတွင်းမှာပင် ရှေးဟောင်းနတ်ဆိုးကမ္ဘာတစ်ခုလုံး စစ်မီးများတောက်လောင်ကာ စစ်ပွဲများဖြင့် ဖရိုဖရဲ ဖြစ်သွားချေပြီ။</p> <p> </p> <p>မိစ္ဆာတစ်သောင်းနန်းတော်တစ်ခုလုံးရှိ နတ်ဘုရားအသွင်ပြောင်းအဆင့် မိစ္ဆာကျင့်ကြံသူများသည်လည်း မျက်နှာများ အလွန်အမင်း ပျက်ယွင်းနေကြ၏။</p> <p> </p> <p>သူတို့သည် မိမိတို့ကိုယ်တိုင် ဤသို့သော အသက်အန္တရာယ်နှင့် ရင်ဆိုင်ရလိမ့်မည်ဟု ထင်မှတ်မထားခဲ့ကြပေ။</p> <p> </p> <p>မျက်တောင်တစ်ခတ်အတွင်းမှာပင် မိစ္ဆာသားရဲမျိုးနွယ်တစ်ခုလုံး ပျက်စီးသွားတော့မည့်အလား ဖြစ်နေခြင်းမှာ အမှန်တကယ်ပင် ယုံကြည်နိုင်စရာမရှိလှချေ။</p> <p> </p> <p>"ဘယ်လိုလုပ်ပြီး ဒီလိုဖြစ်ရတာလဲ...”</p> <p> </p> <p>"ရှေးဟောင်းနတ်ဆိုးကမ္ဘာက လူသားမျိုးနွယ်ကျင့်ကြံခြင်းလောကကို အဓိကပစ်မှတ်ထားတာ မဟုတ်ဘူးလား… ဘယ်လိုလုပ်ပြီး ငါတို့ကမ္ဘာဆီ ရောက်လာရတာလဲ...”</p> <p> </p> <p>"တစ်ပြိုင်နက်တည်းမှာ ရှေးဟောင်းနတ်ဆိုးတံခါး ခြောက်ခုတောင် ပေါ်လာတာ… ဒီလောက်အများကြီးကို ငါတို့ ဘယ်လိုမှ မပိတ်ဆို့နိုင်ဘူး...”</p> <p> </p> <p>"ဟူး... မတတ်နိုင်ဘူးလေ… နတ်ဆိုးမျိုးနွယ်ဆိုတာ စိတ္တဇကောင်တွေပဲ… သူတို့က လူသားမျိုးနွယ်တို့၊ မိစ္ဆာသားရဲမျိုးနွယ်တို့ဆိုတာတွေ ဂရုမစိုက်ဘူး… နတ်ဆိုးမျိုးနွယ်မဟုတ်သရွေ့ အကုန်လုံးကို သတ်ဖြတ်ပစ်ကြမှာပဲ...”</p> <p> </p> <p>"လွန်ခဲ့တဲ့ နှစ်သောင်းချီတုန်းက လူသားမျိုးနွယ်တွေ ခံခဲ့ရတာ… အခု နောက်ဆုံးတော့ ငါတို့အလှည့် ရောက်လာပြီလား...”</p> <p> </p> <p>"ဒါဟာ လုံးဝရှောင်လွှဲလို့မရတဲ့ ဘေးအန္တရာယ်တစ်ခုဆိုတာ ငါစောကတည်းက သိထားပြီးသားပါ...”</p> <p> </p> <p>နတ်ဘုရားအသွင်ပြောင်းအဆင့် မိစ္ဆာသားရဲကျင့်ကြံသူအများအပြားမှာ အံကြိတ်ကာ ဒေါသထွက်နေကြလေသည်။</p> <p> </p> <p>မူလက သူတို့သည် ကျင့်ကြံခြင်းလောကကို အလုံးအရင်းနှင့် ကျူးကျော်ရန်နှင့်၊ ထိုမျှမက ကျင့်ကြံခြင်းလောကတစ်ခုလုံးကိုပါ သိမ်းပိုက်ရန် အစီအစဉ်ဆွဲထားခဲ့ကြခြင်း ဖြစ်၏။</p> <p> </p> <p>သို့သော် မည်သူက ထင်မှတ်ထားခဲ့မည်နည်း။ ရှေးဟောင်းနတ်ဆိုးကမ္ဘာက ရုတ်တရက် ထိုးဖောက်ဝင်ရောက်လာခဲ့၏။</p> <p> </p> <p>ထို့နောက် နတ်ဆိုးအမြောက်အမြား ကျူးကျော်လာခဲ့ကြသည်။</p> <p> </p> <p>ထိုအရာက သူတို့၏အစီအစဉ်ကို ရုတ်တရက် ဖျက်ဆီးပစ်လိုက်လေသည်။</p> <p> </p> <p>ထို့ကြောင့် သူတို့သည် အဓိကခွန်အားများကို နတ်ဆိုးမျိုးနွယ်အား ရင်ဆိုင်ရာတွင် အသုံးချရန် ဖိအားပေးခံလိုက်ရသည်။</p> <p> </p> <p>အဘယ်ကြောင့်ဆိုသော် သတိအနည်းငယ်လွတ်သွားသည်နှင့် ရှေးဟောင်းမိစ္ဆာသားရဲကမ္ဘာတစ်ခုလုံး လုံးဝပျက်စီးသွားမည် ဖြစ်သောကြောင့်ပင်။</p> <p> </p> <p>ထိုအချိန်ရောက်လျှင် ကျင့်ကြံခြင်းလောကကို သိမ်းပိုက်ရန်အသာထား၊ မိမိတို့၏ အသိုက်အမြုံကိုပင် ကာကွယ်နိုင်တော့မည် မဟုတ်ချေ။</p> <p> </p> <p>"ပိုပြီးကြောက်စရာကောင်းတာက ဒီရှေးဟောင်းနတ်ဆိုးချီတွေက အရမ်းကို ထိုးဖောက်လွှမ်းမိုးနိုင်စွမ်း ရှိနေတာပဲ...”</p> <p> </p> <p>"စိတ်စွမ်းအားအားနည်းတဲ့ မိစ္ဆာသားရဲတွေဆိုရင် သတိနည်းနည်းလွတ်တာနဲ့ နတ်ဆိုးချီရဲ့ လွှမ်းမိုးတာကိုခံရပြီး နတ်ဆိုးအဖြစ် ပြောင်းလဲသွားလိမ့်မယ်...”</p> <p> </p> <p>"ဆိုလိုတာက နတ်ဆိုးမျိုးနွယ်ရဲ့ အရေအတွက်ဟာ တိုက်လေ များလာလေပဲ ဖြစ်နေလိမ့်မယ်...”</p> <p> </p> <p>"ဒီလိုဆိုရင် ကမ္ဘာပေါ်က မိစ္ဆာသားရဲတွေ အကုန်လုံးကို သတ်ပစ်လိုက်ရင်တောင်မှ ဒီတစ်ကြိမ် နတ်ဆိုးဘေးအန္တရာယ်ကို ဖြေရှင်းနိုင်မှာ မဟုတ်ဘူး...”</p> <p> </p> <p>အချို့သော နတ်ဘုရားအသွင်ပြောင်းအဆင့် မိစ္ဆာသားရဲကျင့်ကြံသူများ၏ မျက်နှာများမှာ အလွန်အမင်း ပျက်ယွင်းနေကြလေသည်။</p> <p> </p> <p>သူတို့သည်လည်း နတ်ဆိုးမျိုးနွယ်၏ ကြောက်မက်ဖွယ်ကောင်းမှုကို သဘောပေါက်သွားကြပေပြီ။</p> <p> </p> <p>အတိအကျဆိုရလျှင် မျိုးနွယ်စုအားလုံး၏ ကပ်ဆိုးကြီးပင် ဖြစ်ပေသည်။</p> <p> </p> <p>သူတို့နှင့်ယှဉ်လျှင် လူသားမျိုးနွယ်ဆိုသည်မှာ ဘာမှမဟုတ်တော့ချေ။</p> <p> </p> <p>ထိုနတ်ဆိုးများသည် ကျိုင်းကောင်များကဲ့သို့ပင် အရာအားလုံးကို ကိုက်ဖြတ်စားသောက်ကာ အားလုံးကို ဝါးမြိုပစ်ကြလေသည်။</p> <p> </p> <p>"အတိတ်တုန်းက လူသားမျိုးနွယ်တွေဟာ ဒီနတ်ဆိုးတွေကို ဘယ်လိုများ မောင်းထုတ်ခဲ့ကြပါလိမ့်… ဒီလောက်များပြားတဲ့ နတ်ဘုရားအသွင်ပြောင်းအဆင့် နတ်ဆိုးတွေကို ဘယ်လိုများ ခုခံခဲ့ကြတာလဲ...”</p> <p> </p> <p>နတ်ဘုရားအသွင်ပြောင်းအဆင့် မိစ္ဆာသားရဲကျင့်ကြံသူအများအပြားမှာ ထိုအချက်ကို တွေးမိလျက်သား ဖြစ်သွားကြ၏။</p> <p> </p> <p>မူလက သူတို့သည် ရှေးခေတ်ကာလမှ လူသားမျိုးနွယ်ကျင့်ကြံသူများအပေါ် အနည်းနှင့်အများဆိုသလို အထင်သေးခဲ့ကြပြီး လူသားမျိုးနွယ်မှာ ဤမျှလောက်သာရှိသည်ဟု ထင်မြင်ခဲ့ကြ၏။</p> <p> </p> <p>နတ်ဆိုးမျိုးနွယ်၏ တိုက်ခိုက်မှုကြောင့် ဤမျှအထိ အခြေအနေ ဆိုးသွားခဲ့သည် မဟုတ်လော။</p> <p> </p> <p>သို့သော် ယခုမူ မတူတော့ချေ။</p> <p> </p> <p>သူတို့သည် နတ်ဆိုးမျိုးနွယ်၏ ကြောက်မက်ဖွယ်ကောင်းမှုကို အမှန်တကယ် မြင်တွေ့ပြီးနောက်တွင် လူသားမျိုးနွယ်ဘိုးဘေးများအပေါ် တစ်ယောက်ပြီးတစ်ယောက် ရိုသေလေးစားစိတ်များ ဖြစ်ပေါ်လာကြလေသည်။</p> <p> </p> <p>ဤနတ်ဆိုးများကို ချိပ်ပိတ်ပြီး မောင်းထုတ်နိုင်ရန်အတွက် မည်မျှကြီးမားသော ပေးဆပ်မှုမျိုး လုပ်ခဲ့ရမည်ကို သူတို့ မခန့်မှန်းနိုင်တော့ပေ။</p> <p> </p> <p>"ဘာပဲဖြစ်ဖြစ် ရှေးဟောင်းမိစ္ဆာသားရဲကမ္ဘာဟာ ငါတို့သားရဲမျိုးနွယ်ရဲ့ နယ်မြေပဲ… ငါတို့ကမ္ဘာကို သူတို့ ကျူးကျော်ဝင်ရောက်လာတာကို လုံးဝခွင့်မပြုနိုင်ဘူး...”</p> <p> </p> <p>"ဘယ်လောက်ပဲ ပေးဆပ်ရပါစေ… ကျူးကျော်လာတဲ့ နတ်ဆိုးတွေကို အကုန်အစင် သတ်ပစ်ရမယ်...”</p> <p> </p> <p>"ဒါပေမဲ့ တချို့နတ်ဘုရားအသွင်ပြောင်းအဆင့် မိစ္ဆာသားရဲကျင့်ကြံသူတွေက ဝိညာဉ်ကမ္ဘာကို ကူးပြောင်းချင်နေကြပြီ… ဒီပြဿနာထဲမှာ မပါဝင်ချင်ကြတော့ဘူး...”</p> <p> </p> <p>"သစ္စာဖောက်တွေ... အကုန်လုံး သစ္စာဖောက်တွေပဲ… မျိုးနွယ်စုအသီးသီးရဲ့ ဘိုးဘေးတွေဖြစ်နေလျက်နဲ့ ဒီလိုမျိုး ထွက်သွားချင်နေတာက… မျိုးနွယ်ဝင်တွေအပေါ် တာဝန်ကျေရဲ့လား…"</p> <p> </p> <p>"တက်လှမ်းခြင်းစင်မြင့်ကို ဖျက်ဆီးပစ်လိုက်တာက ပိုကောင်းမယ်… အားလုံးပဲ ကူးပြောင်းဖို့ မစဉ်းစားကြနဲ့တော့… အသေခံတိုက်ကြတာပေါ့…”</p> <p> </p> <p>"မိုက်မဲလိုက်တာ… ဒါက ကိုယ့်လွတ်လမ်းကိုကိုယ် ပိတ်လိုက်တာ မဟုတ်ဘူးလား… အကယ်လို့ တကယ်သာ နတ်ဆိုးမျိုးနွယ်ကို မယှဉ်နိုင်ရင် ငါတို့ လုံးဝပြီးသွားပြီပေါ့… မင်းတို့က သာမန်မိစ္ဆာသားရဲတွေနဲ့အတူ သေချင်နေတာလား...”</p> <p> </p> <p>"ပြောတာမှန်တယ်… အကယ်လို့ အခြေအနေ မဟန်တော့ဘူးဆိုရင် ငါတို့လည်း တိုက်ရိုက်ကူးပြောင်းကြတာပေါ့… ဒီအဆင့်နိမ့် မိစ္ဆာသားရဲတွေနဲ့အတူ အသေခံစရာအကြောင်းမရှိဘူး… ငါတို့လည်း အစွမ်းကုန် ကြိုးစားခဲ့ပြီးပြီမလို့ မျိုးနွယ်ဝင်တွေအပေါ် တာဝန်ကျေပါတယ်လေ...”</p> <p> </p> <p>နတ်ဘုရားအသွင်ပြောင်းအဆင့် မိစ္ဆာသားရဲကျင့်ကြံသူအများအပြားမှာ ဆွေးနွေးတိုင်ပင်နေကြသည်။</p> <p> </p> <p>သူတို့သည်လည်း နတ်ဆိုးမျိုးနွယ်ကို မောင်းထုတ်ချင်ကြသည်မှာ သဘာဝပင် ဖြစ်၏။</p> <p> </p> <p>သို့သော် အကယ်၍ အမှန်တကယ် အခြေအနေမဟန်တော့ပါက သူတို့သည်လည်း ရှေးဟောင်းမိစ္ဆာသားရဲကမ္ဘာ၌ နေပြီး အသေခံကြမည်မဟုတ်ပေ။</p> <p> </p> <p>နတ်ဘုရားအသွင်ပြောင်းအဆင့် အရှင်သခင်များအနေဖြင့် မည်မျှပင် ကိုယ်ကျိုးစွန့် အနစ်နာခံသည်ဆိုစေကာမူ အတိုင်းအတာတစ်ခုအထိသာ ရှိမည်ဖြစ်သည်။</p> <p> </p> <p>…</p> <p> </p> <p style="text-align: center;">***</p> <p> </p>


Save