Book List

<h2 style="text-align: center;">အခန်း (၆၀၈)</h2> <h2 style="text-align: center;">တောက်ပရွှန်းလဲ့နေသော ချန်ဇီယွင်</h2> <h2 style="text-align: center;">ယောက်ျားများကို မြူဆွယ်တတ်သည့် မိစ္ဆာမ(၁)</h2> <h2 style="text-align: center;">*</h2> <p> </p> <p> </p> <p> </p> <p>“ဒီလိုဆိုရင်လည်း ဘာမှမဟုတ်ပါဘူး… အန္တရာယ်ကို ပြောကြေးဆိုရင် ကျင့်ကြံခြင်းလောကကလည်း လျော့မနေပါဘူး...”</p> <p> </p> <p>“ကျင့်ကြံမှုအားနည်းတဲ့သူတွေက လွယ်လွယ်ကူကူ သေဆုံးနိုင်တာပါပဲ...”</p> <p> </p> <p>ချန်ဇီယွင်က လေးနက်သောလေသံဖြင့် ပြောလိုက်၏။</p> <p> </p> <p>သူမသည် ‘ကောင်းကင်မိစ္ဆာဂိုဏ်း'မှ ဆင်းသက်လာသော ကျင့်ကြံသူတစ်ဦးဖြစ်ရာ ဤအကြောင်းကို အရှင်းလင်းဆုံး သိရှိထားပေသည်။</p> <p> </p> <p>သူမက ယခင်ဂိုဏ်းချုပ်၏ တပည့်ဖြစ်နေသည့်တိုင် မိစ္ဆာလမ်းစဉ်ဂိုဏ်းတွင် မွေးဖွားလာခဲ့သဖြင့် နေရာတိုင်း၌ သွေးခင်းသောလမ်းများဖြင့်သာ ပြည့်နှက်နေဆဲ ဖြစ်၏။</p> <p> </p> <p>ယနေ့အချိန်အခါကဲ့သို့ အောင်မြင်မှုနှင့် ကျင့်ကြံမှုမျိုး ရရှိလာစေရန် မည်မျှပင် များပြားသော လုပ်ကြံမှုများကို ကာကွယ်ခဲ့ရသည်ကိုပင် မသိနိုင်တော့ချေ။</p> <p> </p> <p>အကယ်၍ ဝိညာဉ်လောကသို့ အမှန်တကယ် တက်လှမ်းသွားရပြီး အမျိုးမျိုးသော အန္တရာယ်များနှင့် ရင်ဆိုင်ရလျှင်ပင် သူမအတွက် ပြဿနာကြီးကြီးမားမား ရှိမည်မဟုတ်ဟု ခံစားမိသည်။</p> <p> </p> <p>သေချာပေါက် အလျင်အမြန် အသားကျသွားနိုင်ပေလိမ့်မည်။</p> <p> </p> <p>“ဒီလိုဆိုတော့လည်း ဟုတ်ပါတယ်...”</p> <p> </p> <p>ကျိုးစွေ့က ခေါင်းညိတ်လိုက်၏။</p> <p> </p> <p>နောင်တစ်ချိန်တွင် အကယ်၍ ဟင်းလင်းပြင်ဆုံမှတ်ကို ရှာတွေ့ပြီး ဝိညာဉ်လောကသို့ ခိုးဝင်မည်ဆိုလျှင်ပင် သူ၏ အစစ်အမှန်ခန္ဓာကိုယ်က ပထမဦးဆုံး တက်သွားမည်မဟုတ်ဘဲ ကိုယ်ပွားကိုသာ စေလွှတ်သွားမည်ဟု သူ တွေးလိုက်မိသည်။</p> <p> </p> <p>ကိုယ်ပွားဖြစ်သူက လုံးဝလုံခြုံသောနေရာကို ရှာတွေ့ပြီးမှသာ သူ၏ အစစ်အမှန်ခန္ဓာကိုယ်က ဝိညာဉ်လောကသို့ အမှန်တကယ် တက်လှမ်းသွားမည် ဖြစ်၏။</p> <p> </p> <p>ဤသည်ကသာ အမှန်တကယ် သတိထားတတ်သောလမ်းစဉ် ဖြစ်ပေသည်။</p> <p> </p> <p>သေချာသည်မှာ ယခုအချိန်၌ ဤအကြောင်းများကို ပြောရန်မှာ စောလွန်းနေသေးပြီး နတ်ဘုရားအသွင်ပြောင်းအဆင့်သို့ ဦးစွာပထမ တက်လှမ်းနိုင်ရန်သာ လိုအပ်ပေသည်။</p> <p> </p> <p>ဝိညာဉ်လောကသို့ တက်လှမ်းမည့်ကိစ္စနှင့် ပတ်သက်၍ နောက်မှ ဆွေးနွေးလျှင်လည်း အမှန်တကယ် နောက်ကျမည် မဟုတ်ချေ။</p> <p> </p> <p>“ယောက်ျား.. ရှင် ပြန်တော့မလို့လား...”</p> <p> </p> <p>ချန်ဇီယွင်က ငြူစူချင်နေသော မျက်နှာအမူအရာဖြင့် ကျိုးစွေ့ကို ကြည့်လိုက်၏။</p> <p> </p> <p>သူမ၏ မျက်လုံးများသည်ကား လင်ယောက်ျားဖြစ်သူ၏ စွန့်ပစ်ခြင်းကို ခံလိုက်ရသော အိမ်တွင်းပုန်း အမျိုးသမီးတစ်ဦးနှင့် တူနေချေသည်။</p> <p> </p> <p>တစ်ဖက်လူမှာ သူမအား စားပြီးနားမလည် လုပ်သွားသကဲ့သို့ ဖြစ်နေတော့သည်။</p> <p> </p> <p>“ဟုတ်တယ်… ကိုယ် ရွှမ်ဟွမ်ကျွန်းကို ပြန်ဖို့ စီစဉ်ထားတယ်...”</p> <p> </p> <p>“ဘာပဲဖြစ်ဖြစ် ကိုယ်က နောက်ထပ် တံခါးပိတ်ကျင့်ကြံပြီး နတ်ဘုရားအသွင်ပြောင်းအဆင့်ကို တက်လှမ်းဖို့ ကြိုးစားရဦးမယ်လေ...”</p> <p> </p> <p>“ဒါကြောင့် မင်း ကိုယ်နဲ့အတူ လိုက်ပြန်မလား...”</p> <p> </p> <p>ကျိုးစွေ့က ချန်ဇီယွင်ကို ကြည့်လိုက်သည်။</p> <p> </p> <p>သူ၏ လက်ရှိကျင့်ကြံမှုက ဝိညာဉ်သန္ဓေသားအထွတ်အထိပ်အဆင့်သို့ ရောက်ရှိနေပြီး ကျင့်ကြံမှုများစွာ တိုးတက်လာသောကြောင့် နတ်ဘုရားအသွင်ပြောင်းအဆင့်သို့ တက်လှမ်းရန် ပြင်ဆင်ဖို့အတွက် ပြန်လည်၍ တံခါးပိတ်ကျင့်ကြံလိုသည်မှာ သဘာဝပင် ဖြစ်၏။</p> <p> </p> <p>သို့သော် သူနှင့် ချန်ဇီယွင်တို့သည် လွန်လွန်ကျူးကျူးဖြစ်သွားခဲ့ပြီဖြစ်ရာ အမှန်တကယ် တာအိုလက်တွဲဖော် ဆက်ဆံရေးမျိုး ဖြစ်လာခဲ့ပေပြီ။</p> <p> </p> <p>ထို့ကြောင့် မိမိ၏ တာအိုလက်တွဲဖော်ကို ကောင်းကင်မိစ္ဆာဂိုဏ်းတွင် ချန်ထားရစ်ခဲ့ရန်မှာ သဘာဝကျကျ မဖြစ်နိုင်တော့ချေ။</p> <p> </p> <p>“သေချာတာပေါ့… ဟွန့်… ခုမှတော့ သျှောင်နောက် ဆံထုံးပါရတော့မှာပေါ့...”</p> <p>“ယောက်ျား ဘယ်နေရာကိုသွားသွား ကျွန်မလည်း လိုက်မယ်...”</p> <p> </p> <p>ဤစကားကို ကြားသောအခါ ချန်ဇီယွင်၏ ရင်ထဲတွင် ရုတ်တရက် ဝမ်းသာပျော်ရွှင်မှုများ ပြည့်နှက်သွားပြီး၊ ကျိုးစွေ့ကို ဆွဲဆောင်မှုအပြည့်ရှိသော မျက်လုံးများဖြင့် ကြည့်လိုက်ကာ အနည်းငယ် မြူးတူးသွားပုံရသည်။</p> <p> </p> <p>သို့သော် သူမ ပို၍ လုပ်ချင်သောအရာမှာ ယဲ့ဖေးရို၏ ရှေ့တွင် သွားရောက်ကာ ကြွားလုံးထုတ်ရန်ပင် ဖြစ်၏။</p> <p> </p> <p>ဤအခွင့်အရေးကို အသုံးချ၍ ထိုမိန်းမအား သူမ၏ စွမ်းဆောင်ရည်ကို သိစေချင်သည်။</p> <p> </p> <p>ယဲ့ဖေးရိုတစ်ယောက် ရူးသွပ်သွားမည့်ပုံစံကို တွေးမိသည်နှင့် သူမ၏ ရင်ထဲတွင် ပို၍ပင် ပျော်ရွှင်လာခဲ့သည်။</p> <p> </p> <p>“မင်းက ကောင်းကင်မိစ္ဆာဂိုဏ်းကို မပြန်တော့ဘူးလား...” ကျိုးစွေ့က စူးစမ်းလိုစိတ်ဖြင့် မေးလိုက်၏။</p> <p> </p> <p>မည်သို့ပင်ဖြစ်စေကာမူ ချန်ဇီယွင်သည် ကောင်းကင်မိစ္ဆာဂိုဏ်း၏ ဂိုဏ်းချုပ်ဖြစ်ပြီး ကြီးမားသော မိစ္ဆာလမ်းစဉ်ဂိုဏ်းတစ်ခုကို ချုပ်ကိုင်ထားသော ရာထူးအာဏာကြီးမားသူဖြစ်ရာ၊ ဤမျှကြီးမားသော အခြေခံအုတ်မြစ်ကို မည်ကဲ့သို့ စွန့်လွှတ်နိုင်ပါမည်နည်း။</p> <p> </p> <p>ဤသည်က အနည်းငယ် လက်တွေ့မကျလှချေ။</p> <p> </p> <p>“သေချာပေါက် ပြန်မှာပေါ့...”</p> <p> </p> <p>“ကျွန်မက ကောင်းကင်မိစ္ဆာဂိုဏ်းရဲ့ ဂိုဏ်းချုပ်ပဲလေ… သဘာဝကျကျ ကောင်းကင်မိစ္ဆာဂိုဏ်းကို စွန့်ပစ်မှာ မဟုတ်ဘူး...”</p> <p> </p> <p>“ဘာပဲဖြစ်ဖြစ် ရွှမ်ဟွမ်ကျွန်းနဲ့ ကောင်းကင်မိစ္ဆာတောင်ထွတ်ကြားမှာ တည်နေရာရွှေ့ပြောင်းအစီအရင် ရှိနေတာပဲလေ...”</p> <p> </p> <p>“ပြန်ချင်တယ်ဆိုရင် အချိန်မရွေး ပြန်လို့ရတာပဲလေ… အချိန်လည်း သိပ်မကုန်ပါဘူး...”</p> <p> </p> <p>ချန်ဇီယွင်က ယုတ္တိတန်စွာဖြင့် ပြောလိုက်၏။</p> <p> </p> <p>ရွှမ်ဟွမ်တောင်ထွတ်တွင် နေထိုင်ရုံဖြင့် ကောင်းကင်မိစ္ဆာဂိုဏ်း၏ ကိစ္စရပ်များကို မစီမံနိုင်တော့မည် မဟုတ်ပေ။</p> <p> </p> <p>အလွန်ဆုံးရှိလှ နေ့လယ်ဘက်တွင် ကောင်းကင်မိစ္ဆာဂိုဏ်းသို့ သွားရောက်အလုပ်လုပ်ပြီး ညဘက်ကျလျှင် ရွှမ်ဟွမ်ကျွန်းသို့ ပြန်လာရုံပင်။</p> <p> </p> <p>မည်သို့ပင်ဖြစ်စေ တည်နေရာရွှေ့ပြောင်းအစီအရင် ရှိနေသောကြောင့် အချိန်များစွာ ကုန်ဆုံးမည် မဟုတ်ချေ။</p> <p> </p> <p>တည်နေရာရွှေ့ပြောင်းအစီအရင်ကို အသက်သွင်းရန် ဝိညာဉ်ကျောက်တုံးစွမ်းအင်များ လိုအပ်သော်လည်း ထိုအရာများက အကောင်းဆုံးအရည်အသွေး ဝိညာဉ်ကျောက်တုံးများသာ ဖြစ်သည်။</p> <p> </p> <p>စွမ်းအင်များ ကုန်ဆုံးသွားလျှင်ပင် အလျင်အမြန် ပြန်လည်ဖြည့်တင်းနိုင်သောကြောင့် ဆုံးရှုံးမှုတစ်ခုဟု မသတ်မှတ်နိုင်ချေ။</p> <p> </p> <p>အရေးအကြီးဆုံးမှာ ဂိုဏ်းချုပ်တစ်ဦးအနေဖြင့် တကယ်တမ်း လုပ်ဆောင်ရမည့်ကိစ္စများမှာ သိပ်မများလှခြင်းပင် ဖြစ်၏။</p> <p> </p> <p>ကိစ္စရပ်အများစုကို ခန်းမသခင်များ၊ ဒုတိယဂိုဏ်းချုပ်နှင့် ဝိညာဉ်သန္ဓေသားအဆင့် အကြီးအကဲများထံ လွှဲပြောင်းပေးထားသည် မဟုတ်ပါလော။</p> <p> </p> <p>သူမက အဓိကဦးတည်ချက်ကိုသာ ထိန်းကြောင်းပေးရုံဖြင့် လုံလောက်ပြီး လုံးဝကို အေးအေးဆေးဆေး နေနိုင်ပေသည်။</p> <p> </p> <p>“ဒီလိုဆိုမှတော့ သွားကြတာပေါ့...”</p> <p> </p> <p>ကျိုးစွေ့က ခေါင်းညိတ်လိုက်သည်။</p> <p> </p> <p>ခဏအကြာတွင် သူတို့နှစ်ဦးသည် တည်နေရာရွှေ့ပြောင်းအစီအရင်ကို စီးနင်းကာ ကောင်းကင်မိစ္ဆာဂိုဏ်းမှ ရွှမ်ဟွမ်ကျွန်းရှိ ရွှမ်ဟွမ်တောင်ထွတ်သို့ ပြန်လည်ရောက်ရှိလာခဲ့ကြ၏။</p> <p> </p> <p>ထိုအခိုက်အတန့်၌ ရွှမ်ဟွမ်တောင်ထွတ်ပေါ်တွင် ရှိနေကြသော ချူတျဲယီ၊ ယဲ့ဖေးရို၊ ကျိပင်းယွီ၊ မုဇီယန်၊ ရှားကျင်းယန်၊ လန်ယွဲ့ရှီနှင့် သခင်မမက်မွန်ပွင့် အစရှိသည့် တာအိုလက်တွဲဖော်များကလည်း တောက်ပရွှန်းလဲ့နေသော ချန်ဇီယွင်ကို ချက်ချင်းပင် မြင်တွေ့လိုက်ရလေသည်။</p> <p> </p> <p>တစ်ဖက်လူသည် အနီရောင်ဂါဝန်ရှည်ကို ဝတ်ဆင်ထားပြီး ဆွဲဆောင်မှုရှိသော ခန္ဓာကိုယ်အချိုးအစားနှင့်အတူ မျက်နှာမှာလည်း ရဲတွတ်နေကာ မကြာသေးမီကမှ ချစ်ကြည်နူးတစ်တီတူးထားပုံ ပေါက်နေချေသည်။</p> <p> </p> <p>သူမတို့သည် ဝါရင့်တာအိုလက်တွဲဖော်များဖြစ်ပြီး အတွေ့အကြုံရင့်ကျက်သူများဖြစ်ရာ၊ ဤမိန်းမ၏ ခန္ဓာကိုယ်ပေါ်မှ အပြောင်းအလဲများက အဘယ်ကြောင့်ဖြစ်သည်ကို မည်သို့လျှင် မသိဘဲနေပါမည်နည်း။</p> <p> </p> <p>သေချာပေါက် သူတို့နှစ်ဦး နတ်ပြည်တက်သောကိစ္စကို ပြုလုပ်ခဲ့ကြခြင်းပင် ဖြစ်၏။</p> <p> </p> <p>ထို့ကြောင့်သာ သူမတို့၏ ယောက်ျားဖြစ်သူက ဤမိန်းမကို နေအိမ်သို့ ခေါ်လာခဲ့ခြင်း ဖြစ်ရပေမည်။</p> <p> </p> <p>ဤမြင်ကွင်းကို မြင်သောအခါ ကျိပင်းယွီသည် တိတ်တဆိတ် သက်ပြင်းချလိုက်မိ၏။ မိမိတို့၏ ယောက်ျားဖြစ်သူမှာလည်း အလွန့်အလွန် စွမ်းလွန်းလှသည်။</p> <p> </p> <p>အင်မော်တယ်ရှားကျွန်းမှ ထွက်ခွာခဲ့သည်မှာ မည်မျှကြာသေး၍ ယခုကဲ့သို့ နာမည်ကျော်ကြားသော သူတော်စင်မများနှင့် မိစ္ဆာမများကို သိမ်းပိုက်နိုင်ခဲ့ရပါသနည်း။</p> <p> </p> <p>ချန်လန်ပင်လယ်ပြင်ရှိ အထွတ်အထိပ် ဂိုဏ်းကြီးနှစ်ခု၏ ဂိုဏ်းချုပ်များကိုပင် သိမ်းပိုက်လိုက်နိုင်သေးသည်။</p> <p> </p> <p>ဤသည်ကား မြူနှင်းနန်းတော်နှင့် ကောင်းကင်မိစ္ဆာဂိုဏ်းကို ဝါးမျိုလိုက်သည်နှင့် အတူတူပင် ဖြစ်ပေသည်။</p> <p> </p> <p>ထို့အပြင် ဩဇာအာဏာကြီးမားလှသော နတ်ဘုရားအသွင်ပြောင်းအဆင့် အမျိုးသမီးကျင့်ကြံသူ နှစ်ဦးလုံးမှာလည်း ရွှမ်ဟွမ်ဂိုဏ်းထဲတွင် ရှိနေကြသည်။</p> <p> </p> <p>အကယ်၍ ဤကိစ္စသာ သတင်းပျံ့သွားပါက မည်မျှပင် များပြားသော ကျင့်ကြံသူများကို လန့်သေသွားစေမည်ကိုပင် မသိနိုင်တော့ချေ။</p> <p> </p> <p>သေချာပေါက် ကြီးမားသော လှုပ်ခတ်မှုကြီးတစ်ခုကို ဖြစ်ပေါ်စေလိမ့်မည်။</p> <p> </p> <p>“ချန်ဇီယွင်… နင့်လို အရှက်မဲ့တဲ့ မိန်းမက ရည်ရွယ်ချက်ကောင်း မရှိဘူးဆိုတာ ငါသိပြီးသားပါ...”</p> <p> </p> <p>“နတ်ဘုရားအသွင်ပြောင်းအဆင့်ကို တက်လှမ်းဖို့အတွက် ငါ့ယောက်ျားကိုတောင် မြူဆွယ်ရဲတယ်ပေါ့လေ… နင်က တကယ်ကို အရှက်အကြောက် မရှိတာပဲ...”</p> <p> </p> <p>ယဲ့ဖေးရိုသည် အံကို တင်းတင်းကြိတ်ထားရပြီး ထိုမိန်းမ၏ ကြီးမားသော ရင်သားများကို ပြင်းပြင်းထန်ထန် ထုရိုက်ပစ်ချင်စိတ် ပေါက်သွားလေသည်။</p> <p> </p> <p>မိမိ၏ အားသာချက်ကို အားကိုးပြီး မိန်းမတို့၏ကျင့်ဝတ်ကိုပင် မစောင့်ထိန်းသော ဤကဲ့သို့ ကိစ္စမျိုးကို ပြုလုပ်ရဲပေသည်။</p> <p> </p> <p>မည်သည့် ယဉ်ကျေးမှု၊ တရားမျှတမှုနှင့် အရှက်အကြောက်ကိုမှ လုံးဝ မသိရှိချေ။</p> <p> </p> <p>“ခစ်ခစ်… ငါ့ကို လာအပြစ်တင်နေတာလား… တင်မယ့်တင် ငါ့ရဲ့ မွေးရာပါ လှပမှုနဲ့ ဆွဲဆောင်မှုတွေကိုပဲ အပြစ်တင်ရမှာပေါ့...”</p> <p> </p> <p>“ရိုးရိုးသားသားပြောရရင် နင့်မှာသာ တကယ် ဆွဲဆောင်မှု အပြည့်အဝရှိနေရင် သခင်လေးကျိုးက ဘာလို့ အပြင်မှာ မိန်းမရှာနေရဦးမှာလဲ... ဟတ်ဟတ်…”</p> <p> </p> <p>“ဒီတော့ ဆွဲဆောင်မှုမရှိဘဲ ကိုယ့်ယောက်ျားကို မထိန်းနိုင်တဲ့ နင့်ကိုယ်နင်ပဲ အပြစ်တင်ရမယ်...”</p> <p> </p> <p>“ပြီးတော့ ယောက်ျားရှာတယ်ဆိုတာက အရင်ရောက်တိုင်း နေရာရတယ်ဆိုတဲ့ ကိစ္စမျိုး မဟုတ်ဘူး… နင် အရင်ရသွားလို့ အမြဲတမ်း နင့်အပိုင် ဖြစ်နေမယ်လို့ မဆိုလိုဘူးလေ...”</p> <p> </p> <p>“အရေးအကြီးဆုံးက မိန်းမတစ်ယောက်အနေနဲ့ မျှဝေခံစားတတ်ဖို့ သင်ယူထားရမယ်...”</p> <p> </p> <p>“ကိုယ်တိုင်လည်း ခံစားဖူးပြီးပြီပဲဟာ… ဘာလို့ တခြားမိန်းမတွေကိုလည်း စမ်းကြည့်ဖို့ ဝေမျှမပေးရတာလဲ… နင်က အရမ်းကို တစ်ကိုယ်ကောင်းဆန်လွန်းတယ်...”</p> <p> </p> <p>ချန်ဇီယွင်က တခစ်ခစ်ရယ်မောလိုက်ပြီး မိခင်တစ်ဦးကဲ့သို့ လောကကို အုပ်စိုးထားသည့် အိမ်ထောင်ရှင်မတစ်ဦး၏ အရှိန်အဝါကို ထုတ်ဖော်ပြသလိုက်၏။</p> <p> </p> <p>“နင့်မေကြီးကို တစ်ကိုယ်ကောင်းဆန်ပါ့လား...”</p> <p> </p> <p>“နင့်လို အရှက်မဲ့တဲ့ မိစ္ဆာမက ဒီမှာလာပြီး အဓိပ္ပာယ်မရှိတာတွေ လာပြောနေတယ်… အဖြူကို အမည်းလုပ်ပြီး ပေါက်ကရလာပြောနေတာပဲ...”</p> <p> </p> <p>“နင် နတ်ဘုရားအသွင်ပြောင်းအဆင့်ကို တက်လှမ်းသွားရုံနဲ့ ငါက နင့်ကို ဘာမှမလုပ်နိုင်ဘူးလို့ ထင်မနေနဲ့...”</p> <p> </p> <p>“ဒီနေ့တော့ ဒီပင်လယ်ပြင်မှာ ဘယ်သူက အသန်မာဆုံး အမျိုးသမီးကျင့်ကြံသူလဲဆိုတာ နင့်ကို သိအောင် ပြရသေးတာပေါ့...”</p> <p> </p> <p>ယဲ့ဖေးရိုသည် ဒေါသထွက်လွန်း၍ လဲပင်သေမတတ် ဖြစ်သွားလေသည်။</p> <p> </p> <p>စကားပြောဆိုမှုစွမ်းရည်ကို ယှဉ်ရမည်ဆိုလျှင် သူမသည် ချန်ဇီယွင်ကဲ့သို့သော မိစ္ဆာမကို မည်ကဲ့သို့ ယှဉ်နိုင်ပါမည်နည်း။</p> <p> </p> <p>ထို့ကြောင့် သူမသည် မည်သည်ကိုမှ ဆက်လက်မငြင်းခုံတော့ဘဲ တိုက်ရိုက်ပင် တိုက်ခိုက်ရန် ကြံလိုက်တော့သည်။</p> <p> </p> <p>ဤတစ်ကြိမ်တွင် သူမသည် ဤမိန်းမ၏ ခေါင်းတစ်ခုလုံး ဖူးရောင်သွားသည်အထိ ရိုက်နှက်ပစ်ကာ မိမိ၏ယောက်ျားအား မြူဆွယ်ရဲသေးမည်လား ဆိုသည်ကို ကြည့်ချင်ပေသည်။</p> <p> </p> <p>“အဟွတ်... ကဲကဲ... တော်ကြတော့...”</p> <p> </p> <p>“နောင်ဆိုရင် အားလုံးက မိသားစုဝင်တွေ ဖြစ်သွားပြီပဲဟာ… မရန်ဖြစ်ကြပါနဲ့တော့...”</p> <p> </p> <p>ထိုအချိန်မှာပင် ကျိုးစွေ့၏ပုံရိပ်က လျှပ်တစ်ပြက် လှုပ်ရှားသွားပြီး ယဲ့ဖေးရိုနှင့် ချန်ဇီယွင်တို့ နှစ်ဦးကို ချက်ချင်း ဖက်လိုက်ကာ သူမတို့၏ တိုက်ခိုက်မှုကို တားဆီးလိုက်လေသည်။</p> <p> </p> <p>ထိုသို့မဟုတ်ဘဲ နတ်ဘုရားအသွင်ပြောင်းအဆင့် နှစ်ဦးသာ တိုက်ခိုက်ကြပါက ရွှမ်ဟွမ်ကျွန်းတစ်ခုလုံး ပျက်စီးသွားမည်ကို သူ စိုးရိမ်မိပေသည်။</p> <p> </p> <p>“ဒါက...”</p> <p> </p> <p>ယဲ့ဖေးရိုနှင့် ချန်ဇီယွင်တို့သည် မူလက တင်းမာမှုများပြည့်နှက်နေပြီး ရန်လိုနေခဲ့သော်လည်း ကျိုးစွေ့၏ ဖက်တွယ်ခြင်းကို ခံလိုက်ရပြီးနောက် မွေးပျံ့သောရနံ့တစ်ခုက သူမတို့၏ ခန္ဓာကိုယ်ထဲသို့ ချက်ချင်း ဝင်ရောက်လာကာ သူမတို့၏ ခန္ဓာကိုယ်များကို ပျော့ခွေသွားစေခဲ့၏။</p> <p> </p> <p>ခန္ဓာကိုယ်တစ်ခုလုံး နေရောင်ခြည်၏ လွှမ်းခြုံမှုကို ခံလိုက်ရသကဲ့သို့ တစ်ကိုယ်လုံး နွေးထွေးသွားပေသည်။</p> <p> </p> <p>သူမတို့က နတ်ဘုရားအသွင်ပြောင်းအဆင့် ကျင့်ကြံသူများ ဖြစ်နေလျှင်ပင် ယခုအချိန်၌ မည်သည့်စွမ်းအားကိုမှ ထုတ်ဖော်နိုင်စွမ်း မရှိတော့ချေ။</p> <p> </p> <p>“ကဲပါ… ပြောစရာရှိရင် ဂူဗိမာန်ထဲ ပြန်ရောက်မှ ဆက်ပြောကြတာပေါ့...”</p> <p> </p> <p>ကျိုးစွေ့၏ပုံရိပ်က လျှပ်တစ်ပြက် လှုပ်ရှားသွားပြီး မိန်းမနှစ်ဦးကို ဖက်လျက် ဂူဗိမာန်ထဲသို့ ဝင်ရောက်သွားလေသည်။</p> <p> </p> <p>သူသည် အမျိုးသမီးနှစ်ဦးနှင့် သေချာစွာ အသေးစိတ် ကိုယ်ဖိရင်ဖိဆွေးနွေးပြီး သူမတို့၏ ရန်ငြိုးများကို ဖြေရှင်းပေးရန် ရည်ရွယ်ထား၏။</p> <p> </p> <p>ထိုသို့ပြုလုပ်မှသာ သူ၏ မိသားစုအတွင်း စည်းလုံးမှုကို သေချာစေနိုင်မည်ဖြစ်ပြီး၊ အိမ်နောက်ဖေးမှ မီးထလောင်မည်ကို စိုးရိမ်နေရမည် မဟုတ်တော့ပေ။</p> <p> </p> <p>ကျိပင်းယွီနှင့် အခြားသူများက တခစ်ခစ်ရယ်မောလိုက်ကြပြီး နောက်မှ လိုက်ဝင်သွားကြတော့သည်။</p> <p> </p> <p>…………</p> <p> </p> <p style="text-align: center;">***</p> <p> </p>


Save