Book List

<h2 style="text-align: center;">အခန်း (၁၇၄)</h2> <h2 style="text-align: center;">ဟောက်တာ၏ ပြောင်းလဲမှု (၂)</h2> <h2 style="text-align: center;">*</h2> <p> </p> <p> </p> <p> </p> <p>ယန်ချင်း သင်တန်းကျောင်းသို့ စတင်ဝင်ရောက်လာချိန်တွင် ဟောက်တာက သူ၏ အထက်စီနီယာ ဖြစ်သည်။</p> <p> </p> <p>သူတို့သည် ပြစ်ဒဏ်များမှတစ်ဆင့် သူငယ်ချင်းကောင်းများ ဖြစ်လာခဲ့ကြသည်။ ဟောက်တာသည်လည်း ပြဿနာရှာတတ်သူ တစ်ဦး ဖြစ်သော်လည်း၊ သူ၏ ပြဿနာများမှာ ယန်ချင်းနှင့် အနည်းငယ် ကွဲပြားသည်။</p> <p> </p> <p> ယန်ချင်းက ရက်အနည်းငယ် နားခွင့်ရရန်အတွက် ကျင့်ကြံနေစဉ် ဒဏ်ရာရဟန်ဆောင်ခြင်းကဲ့သို့သော အန္တရာယ်ကင်းသည့် နောက်ပြောင်မှုမျိုးကိုသာ အမြဲတမ်း လုပ်လေ့ရှိသော်လည်း၊ ဟောက်တာ၏ ပြဿနာများမှာ သူ၏စိတ်နေစိတ်ထားနှင့် ပိုမိုသက်ဆိုင်သည်။</p> <p> </p> <p>သူသည် အဆင့် ၂ အင်ပါယာတစ်ခု၏ ဟောက်မျိုးနွယ်စုဟုခေါ်သည့် အဆင့် ၃ မျိုးနွယ်စုတစ်ခုမှ ဆင်းသက်လာသူ ဖြစ်သည်။</p> <p> </p> <p>သို့သော် သူ၏နောက်ခံကြောင့် ဟောက်မျိုးနွယ်စုတွင် သူ့ကိုယ်သူ ပေါ်လွင်အောင် လုပ်ရန် ခက်ခဲခဲ့သည်။</p> <p> </p> <p> သူ၏မိခင်မှာ မျိုးနွယ်စုမှ အစေခံမလေးတစ်ဦးဖြစ်ပြီး၊ အကြီးအကဲတစ်ဦးနှင့် ဟောက်တာကို ကိုယ်ဝန်ရရှိခဲ့ခြင်း ဖြစ်သည်။</p> <p> </p> <p>သို့သော် သူမွေးဖွားလာပြီးနောက်၊ သူနှင့် သူ၏မိခင်မှာ ထိုအကြီးအကဲ၏ မယားကြီးထံမှ အဆက်မပြတ် နှောင့်ယှက်အနိုင်ကျင့်ခြင်းကို ခံခဲ့ရသည်။</p> <p> </p> <p> ထိုအကြီးအကဲက အရာအားလုံးအပေါ် ဂရုမစိုက်သလိုသာ နေခဲ့သည်။ ဟောက်တာကို ဟောက်မျိုးနွယ်စုအမည် ခံယူခွင့် ပေးခဲ့သည်မှလွဲ၍ သူတို့ကို ကာကွယ်ပေးရန် တစ်ခါမှ ဝင်မပါခဲ့ပေ။</p> <p> </p> <p>အဆက်မပြတ် အနိုင်ကျင့်နှောင့်ယှက်မှုများအောက်တွင် ဟောက်တာ၏ မိခင်မှာ မိမိကိုယ်ကိုယ် အဆုံးစီရင်သွားခဲ့ပြီး၊ ဟောက်မျိုးနွယ်စုတွင် ဖက်တွယ်ထားစရာ ဘာမှမကျန်တော့သော ဟောက်တာမှာ မစ်ရှင်ထွက်နေစဉ်အတွင်း မိသားစုမှထွက်ပြေးသွားခဲ့သည်။</p> <p> </p> <p>ထွက်ပြေးလွတ်မြောက်လာပြီးနောက် အဖွဲ့အစည်းသို့ ဝင်ရောက်ရန် ဆုံးဖြတ်ခဲ့ပြီး၊ ဝင်ခွင့်စာမေးပွဲ အောင်မြင်ပြီးနောက်တွင်မှ သူ၏ နောက်ခံကို ထုတ်ဖော်ပြောကြားခဲ့သည်။</p> <p> </p> <p>သင်တန်းကျောင်းသို့ စတင်ဝင်ရောက်ချိန်တွင် အဆင်ပြေသော်လည်း၊ တစ်ခါတရံတွင် ပုံမှန်မဟုတ်ဘဲ ရူးသွပ်စွာ ပြုမူတတ်ပြီး သူ၏အတန်းဖော်များကို တိုက်ခိုက်တတ်သည်။</p> <p> </p> <p>သူ့အတွက် ကံဆိုးသည်မှာ၊ သင်တန်းကျောင်းက ဘီလူးသဘက်ဆန်သောမွန်းစတားများ စုဝေးရာ နေရာတစ်ခု ဖြစ်နေသဖြင့် မည်သူ့ကိုမျှ အလွယ်တကူ အနိုင်ကျင့်၍ မရခဲ့ပေ။</p> <p> </p> <p>သူ့တွင် နေရာတိုင်း၌ ပေါ်လွင်စေနိုင်သော အဆင့်မြင့် အပြာရောင်မဏ္ဍိုင်များ ရှိသော်လည်း၊ သင်တန်းကျောင်းတွင်မူ အပြာရောင်မဏ္ဍိုင်များ ရှိခြင်းက သာမန်မျှသာ ဖြစ်ပြီး၊ ထို့ထက်ပို၍ ရွှေရောင်မဏ္ဍိုင်များ ရှိသူများနှင့် ယန်ချင်းနှင့် ခန်းဟွေ့လန်တို့ကဲ့သို့ ရှားပါးသော ခရမ်းရောင်မဏ္ဍိုင်များ ရှိသူများပင် ရှိနေသေးသည်။</p> <p> </p> <p>အရေအတွက် သိပ်မများသော်လည်း အခြေတည်အဆင့်တွင် ရှိနေစဉ်အတွင်း ကျောင်းသားရာဂဏန်းခန့်တွင် အနည်းဆုံးတစ်ယောက်ကတော့ ခရမ်းရောင်မဏ္ဍိုင်များ ရှိတတ်သည်။</p> <p> </p> <p>ထို့ကြောင့် ဟောက်တာက တိုက်ပွဲများကို စတင်ဆွပေးချိန်တွင်၊ သင်တန်းကျောင်းရှိ လူတိုင်းက ထူးချွန်သော တိုက်ခိုက်နိုင်စွမ်းကို လေ့ကျင့်သင်ကြားထားသဖြင့် နောက်ဆုံးတွင် ခါးသီးသော တိုက်ပွဲတစ်ခုအဖြစ်သာ အဆုံးသတ်သွားလေ့ရှိသည်။</p> <p> </p> <p>ကျောင်းသား အချင်းချင်းကြားတွင် မဏ္ဍိုင်အဆင့် မည်သို့ပင် ရှိစေကာမူ အပြတ်အသတ်အနိုင်ရရန်မှာ လုံးဝမဖြစ်နိုင်သလောက်ပင်။</p> <p> </p> <p>အကယ်ဒမီအနေဖြင့် သူ၏ အဆုံးမရှိသော တိုက်ပွဲများကို သည်းခံခွင့်လွှတ်ပေးခဲ့သည်။</p> <p> </p> <p>အဘယ်ကြောင့်ဆိုသော် ထိုတံခါးများမှတစ်ဆင့် ဝင်ရောက်လာသူ အချို့သည် သူတို့နှင့်အတူ စိတ်ဒဏ်ရာများနှင့် ကြေကွဲဖွယ်အတိတ်များကို သယ်ဆောင်လာတတ်သောကြောင့် ဖြစ်သည်။</p> <p> </p> <p>အဖွဲ့အစည်းက သူတို့၏ အတိတ်များကို အဆင့်လိုက် ရင်ဆိုင် ဖြေရှင်းနိုင်ရန် ကူညီပေးမည် ဖြစ်ပြီး၊ ၎င်းတို့အနက် တစ်ခုမှာ ထိုကြောက်ရွံ့မှုများနှင့် စိတ်ပျက်အားငယ်မှုများကို ထွက်ပေါက်တစ်ခုပေးရန် ဖြစ်သည်။</p> <p> </p> <p> ထိုထွက်ပေါက်ကတော့ တိုက်ခိုက်ခြင်းပင် ဖြစ်သည်။ ထို့ကြောင့် ဟောက်တာသည် ခြိမ်းခြောက်မှုတစ်ခု ဖြစ်နေသည့်တိုင်အောင် သူတို့က သည်းခံပေးခဲ့ကြခြင်းဖြစ်ပေသည်။</p> <p> </p> <p>ထို့အပြင် သင်တန်းကျောင်းတွင်လည်း သူအလွယ်တကူ အနိုင်ကျင့်နိုင်မည့် အညတရများ မရှိသောကြောင့်လည်း ဖြစ်သည်။</p> <p> </p> <p>ထို့ကြောင့် ဟောက်တာက သူ၏ တိုက်ပွဲများကို ဆက်လက် ဆင်နွှဲနေခဲ့သော်လည်း၊ နောက်ပိုင်းတွင် ပိုမိုဆိုးရွားလာပြီး အဖွဲ့အစည်း၏ လူသစ်တစ်ဦးအတွက် ခွင့်လွှတ်၍ မရနိုင်သော အရာတစ်ခုကို ပြုလုပ်ခဲ့သည်။</p> <p> </p> <p> သူ စတင်ခဲ့သော တိုက်ပွဲများတွင် သူသာ အမြဲတမ်း ရှုံးနိမ့်နေသည်ကို မြင်သောအခါ၊ သတ်မှတ်အရေအတွက်ဖြင့် ဝင်ရောက်လာသော ခွဲတမ်းရကျောင်းသားများဘက်သို့ အာရုံပြောင်းသွားခဲ့သည်။</p> <p> </p> <p>အဖွဲ့အစည်းမှ ကျောင်းသားများသည် ဝင်ရောက်လာသူများ၏ အမြင်များကို ကျယ်ပြန့်စေရန် သူတို့နှင့် ပုံမှန်အစမ်းတိုက်ခိုက်လေ့ ရှိသော်လည်း၊  မည်သည့်အခါမှ အစွမ်းကုန် မတိုက်ခိုက်ကြဘဲ ကွာဟချက် အလွန်ကြီးမားနေသဖြင့် အမြဲတမ်း အလျှော့ပေးထားတတ်ကြသည်။</p> <p> </p> <p> ဝင်ရောက်လာသူများက အဆင့် ၂ နှင့် အထက် အဖွဲ့အစည်းများမှ မဟုတ်လျှင်ပေါ့။</p> <p> </p> <p>သူက အဆင့် ၁ နှင့် အဆင့် ၂ မှ သူများနှင့် စတင်ခဲ့ပြီးနောက်၊ အဆင့် ၃ နှင့် အဆင့် ၄ မှ သူများဆီသို့ အောက်ဘက်သို့ ဆင်းလာခဲ့သည်။</p> <p> </p> <p> ထိုအချိန်ရောက်မှသာ နည်းပြများက နောက်ဆုံးတွင် ဝင်ရောက် စွက်ဖက်ခဲ့ကြသည်။</p> <p> </p> <p> သူက ဘယ်တော့မှ အလွန်အကျွံ မလုပ်ခဲ့သော်လည်း၊ အောက်ခြေအဆင့် အဖွဲ့အစည်းများမှ ပြိုင်ဘက်များကို မခံမရပ်နိုင်အောင် နှိပ်စက်တတ်သဖြင့်၊ အချို့ဆိုလျှင် သူတို့၏ သုံးနှစ်တာကာလ မပြည့်မီမှာပင် ထွက်ခွာရန် စဉ်းစားခဲ့ကြသည်။</p> <p> </p> <p>ဟောက်တာသည် သူ၏ ပြဿနာများကို ဖြေရှင်းရန် အခြားနည်းလမ်းတစ်ခုခုကို မရှာဖွေပါက ကျောင်းထုတ်ခံရမည့်ဟူသော သတိပေးချက်နှင့် အကျဥ်းထောင်တွင် ယာယီနေထိုင်ရနိုင်ခြေရှိကြောင်း သတိပေးခံခဲ့ရသည်။</p> <p> </p> <p>ထိုသတိပေးချက်ကို ထုတ်ပြန်လိုက်သည့် အချိန်မှစ၍ ဟောက်တာသည် လူသစ်တစ်ဦးအဖြစ် ပြောင်းလဲသွားခဲ့ပြီး၊ သူ၏ နောက်ဆုံးနှစ်တွင် မည်သည့် ပြဿနာကိုမျှ မဖန်တီးခဲ့တော့ပေ။</p> <p> </p> <p>သူ ကျောင်းဆင်းချိန်တွင် တရားသူကြီးတစ်ဦးဖြစ်ရန် တောင်းဆိုခဲ့သော်လည်း၊ သူ၏ အတိတ်က အပြုအမူများကြောင့် အဖွဲ့အစည်းက သူ့ကို မယုံကြည်နိုင်သဖြင့် သူ၏ တောင်းဆိုချက်ကို ငြင်းပယ်ခဲ့ပြီး သူ့ကို စုံစမ်းစစ်ဆေးရေးမှူးအဖြစ်သာ ခန့်အပ်ခဲ့သည်။</p> <p> </p> <p>သူ့ကို အခြားဌာနခွဲတစ်ခုသို့ မပြောင်းရွှေ့မီ သတ်မှတ်ထားသော အချိန်ကာလ တစ်ခုအထိ မတူညီသော ဌာနခွဲအသီးသီးသို့ စေလွှတ်မည် ဖြစ်သည်။</p> <p> </p> <p> အဖွဲ့အစည်းက သူ၏ စရိုက်လက္ခဏာ တည်ငြိမ်ပြီဟု မယူဆမချင်း ထိုရာထူးတွင် ဆက်လက် နေထိုင်ရမည် ဖြစ်သည်။</p> <p> </p> <p> သူ့ကို လျှို့ဝှက်စွာ စောင့်ကြည့်ရန် စေလွှတ်ထားသော အထူးစုံစမ်းစစ်ဆေးရေးမှူး တစ်ဦးနှင့်အတူ၊ ဌာနခွဲမှူးများကလည်း သူ့ကို အကဲဖြတ်ရန် တာဝန်ရှိသည်။</p> <p> </p> <p>ဟောက်တာသည် ထိုရာထူးတွင် တာဝန်ထမ်းဆောင်နေသည်မှာ ၁၅ နှစ်နီးပါး ရှိပြီ ဖြစ်သည်။</p> <p> </p> <p>ယန်ချင်းက သူ့ထံ အဆက်အသွယ် လုပ်လေ့ရှိသော်လည်း၊ အဖွဲ့အစည်း၏ ရက်စက်လှသော အလုပ်ချိန်ဇယားကြောင့် သိပ်များများစားစားတော့ မဟုတ်ပေ။</p> <p> </p> <p>အဆက်အသွယ် သိပ်မရသော်လည်း၊ လွန်ခဲ့သော တစ်နှစ်ခန့်က ဟောက်တာကို ပင်မဌာနချုပ်တွင် အပြင်စည်း ပင်မတရားရုံး တရားသူကြီးအဖြစ် ရာထူးတစ်ခု ကမ်းလှမ်းခဲ့ကြောင်းကို သူ ကြားသိခဲ့ရသည်။</p> <p> </p> <p>၎င်းမှာ သူ၏ အိပ်မက်ဖြစ်သဖြင့် ထိုအခွင့်အရေးကို ချက်ချင်း လက်ခံလိမ့်မည်ဟု ယန်ချင်း ထင်မှတ်ထားခဲ့သော်လည်း၊ မီးသုံးပါးဌာနခွဲ၏ ဌာနခွဲမှူးက အကယ်ဒမီတွင် နည်းပြတစ်ဦးအဖြစ် လုပ်ကိုင်ရန် ရွေးချယ်ကာ ဌာနချုပ်တွင် မိသားစုနှင့်အတူ အခြေချနေထိုင်သွားသဖြင့်၊ ဟောက်တာက ထိုရာထူးကို ငြင်းပယ်ကာ မီးသုံးပါးဌာနခွဲတွင် ဌာနခွဲမှူးအဖြစ် တာဝန်ယူရန် ရွေးချယ်ခဲ့လေသည်။</p> <p> </p> <p>ယန်ချင်းက အားကျစွာဖြင့် စိတ်ထဲမှ တွေးလိုက်သည်။</p> <p> </p> <p> ‘အင်း... အဲဒါက အောက်ကို ဆင်းသွားတာမှ မဟုတ်တာ... ဌာနခွဲမှူးတွေက မယုံနိုင်လောက်အောင် များပြားတဲ့ အရင်းအမြစ်တွေကို ရကြတယ်လေ’</p> <p> </p> <p>‘သူက နန်းတော်အဆင့်ရဲ့ တတိယအဆင့်မှာပဲ ရှိသေးတယ် ဆိုပေမဲ့ အစောပိုင်းနယ်မြေအဆင့် ကျွမ်းကျင်သူတစ်ယောက်နဲ့ ထိုက်တန်တဲ့ အရင်းအမြစ်တွေကို ရရှိဖို့ အလားအလာ များတယ်...’</p> <p> </p> <p>‘ အန္တရာယ်တွေ မရှိဘူးဆိုရင် ငါလည်း ဌာနခွဲမှူးလုပ်ဖို့ လျှောက်လိုက်ပြီ... လစာလည်းကောင်းတယ်၊ ပြီးတော့ ကိုယ့်အလုပ်ချိန်ကိုလည်း ကိုယ်တိုင်ဆုံးဖြတ်လို့ ရတယ်...’</p> <p> </p> <p>သို့သော် ၎င်းမှာ အတွေးသက်သက်သာ ဖြစ်ပေလိမ့်မည်။</p> <p> </p> <p>ပိုမိုကောင်းမွန်သော လစာအတွက် ပင်မဌာနချုပ်၏ ယုံကြည်စိတ်ချရသော အကာအကွယ်၏ သက်သောင့်သက်သာ ရှိမှုကို စွန့်ခွာရန် စွန့်စားမည် မဟုတ်ပေ။</p> <p> </p> <p> အရင်းအမြစ်များနှင့် အာဏာကို ခံစားရန်အတွက် အပြင်လောကတွင် သူ အလွန်အမင်း သတိထားနေရပေလိမ့်မည်။</p> <p> </p> <p>…</p> <p> </p> <p>လုပ်ဆောင်ရမည့် အချိန်ဇယား ရှိနေပြီး အချိန်လည်း သိပ်မရှိတော့သဖြင့်၊ ထိုအတွေးများကို ရှင်းထုတ်ရန် ယန်ချင်းက သူ၏ ခေါင်းကို ခါယမ်းလိုက်သည်။</p> <p> </p> <p>“စီနီယာဟောက်တာ... ဒီနှစ်ယောက်ကို ခင်ဗျားဆီမှာ ထားခဲ့မယ်နော်... စောစောက ပြောခဲ့သလိုပဲ၊ တစ်ပတ်လောက်နေရင် ဝင်ခွင့်စာမေးပွဲ စတော့မှာမို့လို့...အဖွဲ့အစည်းဆီကို အချိန်မီရောက်အောင် ပို့ပေးပါဦး...”</p> <p> </p> <p>“သွေးမိစ္ဆာကျင့်ကြံသူကိုလည်း ခင်ဗျားဆီမှာပဲ ထားခဲ့မယ်... ဘယ်သူသိမလဲ... ခင်ဗျား သူ့ဆီကနေ သတင်းအချက်အလက်တွေ တူးထုတ်နိုင်ရင်လည်း တူးထုတ်နိုင်မှာပေါ့”</p> <p> </p> <p>“ကျွန်တော် သူ့ကို ဖမ်းမိတုန်းက သူ့ဆီမှာ ဒါလေး ပါလာတယ်...”</p> <p> </p> <p> သွေးမိစ္ဆာကျင့်ကြံသူထံမှ သိမ်းယူထားသော အဆောင်ကို ကမ်းပေးရင်း ယန်ချင်းက ပြောလိုက်သည်။</p> <p> </p> <p>အဆောင်ကို သေသေချာချာ စစ်ဆေးကြည့်ရင်း ဟောက်တာက တီးတိုးပြောလိုက်သည်။</p> <p> </p> <p>“ဒါက ကောင်းကင်အဆင့် ထုတ်ကုန်တစ်ခုအတွက်ဆိုရင်တောင် တော်တော်လေး ကောင်းမွန်တဲ့ ရတနာတစ်ခုပဲ...”</p> <p> </p> <p>“ဒီလောက် အားနည်းတဲ့လူတစ်ယောက်ဆီမှာ တစ်နေရာရာကနေ ခိုးလာတာ မဟုတ်ရင်... ဒီလောက်ကောင်းတဲ့ အရာမျိုး ရှိနေတာက ထူးဆန်းတယ်...”</p> <p> </p> <p>“ဒါပေမဲ့ ဒါက သွေးမိစ္ဆာကျင့်ကြံသူတွေအတွက် သီးသန့် ရည်ရွယ်ပြီး ဖန်တီးထားတဲ့ပုံပဲ...”</p> <p> </p> <p>“ကျွန်တော် ထင်တာလည်း အဲဒီအတိုင်းပဲ... သူက သွေးမိစ္ဆာကျင့်ကြံသူတွေရဲ့ အဖွဲ့အစည်းတစ်ခုခုက ဖြစ်နိုင်တယ်လို့ သံသယ ရှိတယ်”</p> <p> </p> <p>“သူ့ကို ခရမ်းမြို့တော်မှာ ဖမ်းမိတာဆိုတော့... သူပါဝင်နေတဲ့ အဖွဲ့အစည်းက ဒီအနီးအနား တစ်နေရာရာမှာ ရှိနေနိုင်တယ်လေ...”</p> <p> </p> <p>“မေပယ်နီအင်ပါယာထဲမှာ ဖြစ်ဖြစ်၊ သမင်တောင်တိုင်းပြည်လိုမျိုး အဲဒီနဲ့ နယ်နိမိတ်ချင်း ထိစပ်နေတဲ့ တခြားအဖွဲ့အစည်းတွေမှာ ဖြစ်ဖြစ်ပေါ့...”</p> <p> </p> <p>“သူ့ကို ခင်ဗျားဆီမှာ ထားခဲ့တာက ပိုကောင်းပါလိမ့်မယ်...”</p> <p> </p> <p>ယန်ချင်းက သတိလစ်နေသော သွေးမိစ္ဆာကျင့်ကြံသူကို ဆွဲမကာ ဟောက်တာထံသို့ ကမ်းပေးလိုက်သည်။</p> <p> </p> <p> အောက်ကိုသာ ငုံ့ကြည့်နေကြဆဲဖြစ်သော ကျိုးမောင်နှမ နှစ်ယောက်ကိုလည်း ချထားပေးလိုက်သည်။</p> <p> </p> <p>ယန်ချင်းက ပြောလိုက်သည်။ “ကျိုးရီ၊ ကျိုးလီချင်... သုံးရက်နေရင် ပြန်တွေ့ကြမယ်”</p> <p> </p> <p>“အဲဒီရောက်လို့ နေရာချထားပေးပြီးသွားရင်၊ ရနံ့တစ်ထောင်စားသောက်ဆိုင် ချိုက်ယင်ဆိုတဲ့ လူတစ်ယောက်ကို သွားရှာလိုက်ပါ... သူက မင်းတို့ကို နေရာအနှံ့ လိုက်ပြပေးလိမ့်မယ်...”</p> <p> </p> <p>“ဟုတ်ကဲ့ပါ...”</p> <p> </p> <p>ကျိုးမောင်နှမက တွန့်ဆုတ်စွာ မော့ကြည့်ရင်း ပြန်ဖြေလိုက်ကြသည်။</p> <p> </p> <p>“စိတ်မပူပါနဲ့ ဂျူနီယာယန်ချင်း... သူတို့ကို ဘေးကင်းကင်းနဲ့ရောက်အောင် ပို့ပေးပါ့မယ်”</p> <p> </p> <p>“မင်းကိုယ်မင်းလည်း ဂရုစိုက်ဦး... ဒါနဲ့ စကားမစပ်၊ လိုင်လဲ့နဲ့ တိုင်ချန်တို့ရော အခြေအနေဘယ်လိုရှိလဲ...” ဟောက်တာက သက်ပြင်းချရင်း မေးလိုက်သည်။</p> <p> </p> <p>“လိုင်လဲ့ကတော့ အဆင်ပြေပါတယ်... ဆေးကုသရေး တောင်ကြားကနေ ဆင်းသွားပြီ”</p> <p> </p> <p>“တိုင်ချန်ကတော့ လိုင်လဲ့ကို တိုက်ခိုက်သွားတဲ့ သူတွေအပေါ် စုံစမ်းစစ်ဆေးမှုတွေကနေ ရလဒ်ထွက်လာမယ့် အချိန်ကိုစောင့်ရင်း အဲဒီမှာ ဆက်နေနေတယ်...”</p> <p> </p> <p>“လောလောဆယ်တော့ သူလုပ်နိုင်တာက စောင့်ဖို့ပဲ ရှိတာလေ...” ယန်ချင်းက လေးနက်စွာ ပြန်ဖြေလိုက်သည်။</p> <p> </p> <p>တိုင်ချန်သည် ဟောက်တာနှင့် တစ်နှစ်တည်း ကျောင်းဆင်းများ ဖြစ်ကြပြီး၊ သူတို့ကို ရင်းနှီးသော သူငယ်ချင်းများဟု မသတ်မှတ်နိုင်သော်လည်း သူတို့သည် အသိမိတ်ဆွေများ ဖြစ်ကြကာ တိုင်ချန်သည် ဟောက်တာ တစ်ခါမှ ပြဿနာ မရှာခဲ့ဖူးသော လူအနည်းငယ်ထဲမှ တစ်ဦး ဖြစ်သည်။</p> <p> </p> <p>ဟောက်တာဘက်မှ ကြောက်ရွံ့မှုကြောင့်လား သို့မဟုတ် တိုင်ချန်၏ ပေါ့ပေါ့ပါးပါး နေတတ်သော သဘောသဘာဝကြောင့်လား ဆိုသည်ကို ယန်ချင်း သေချာ မသိသော်လည်း၊ ပထမအချက်က ပိုဖြစ်နိုင်ခြေ များသည်ဟု  ခံစားရသည်။</p> <p> </p> <p>တိုင်ချန်၏ ပင်ကိုစရိုက်မှာ ပေါ့ပေါ့ပါးပါးနေတတ်သူ တစ်ဦးဖြစ်ပြီး သူ့ကို ဒေါသထွက်အောင် လုပ်ရန် ခက်ခဲသော်လည်း၊ တိုက်ပွဲများတွင် တိုင်ချန်သည် ရင်ဆိုင်ရခက်ခဲသော ပြိုင်ဘက်များထဲမှ တစ်ဦးဖြစ်သည်။</p> <p> </p> <p>အကယ်ဒမီတွင် ရှိနေစဉ် ကာလတစ်လျှောက်လုံး သူ၏ အတန်းဖော်များထံမှရော၊ အကျဥ်းထောင်မှ ရက်စက်ကြမ်းကြုတ်သော အကျဉ်းသားများထံမတတပါ တစ်ခါမျှ ရှုံးနိမ့်ဖူးခြင်း မရှိခဲ့ပေ။</p> <p> </p> <p>ဘီလူးကဲ့သို့ မွန်စတားသတ္တဝါ အချင်းချင်း ယှဉ်ပြိုင်နေရသော နေရာမျိုးတွင် ၎င်းမှာ လူများစွာ မပိုင်ဆိုင်နိုင်သော စံချိန်တစ်ခု ဖြစ်သည်။</p> <p> </p> <p> မိမိကိုယ်ကိုယ် ထူးချွန်လှပြီဟု ကြွေးကြော်ထားသော ယန်ချင်းပင်လျှင် အကြိမ်အနည်းငယ်ခန့် အရိုက်ခံခဲ့ရဖူးပြီး၊ ထိုသို့ ဖြစ်တိုင်း နည်းပြများက ခမ်းနားသော ပါတီပွဲတစ်ခု အမြဲတမ်းကျင်းပပေးလေ့ ရှိသည်။</p> <p> </p> <p>ယန်ချင်းက ဟောက်တာနှင့် စကားအနည်းငယ် ထပ်ပြောပြီးနောက် သူတို့ အသီးသီး လမ်းခွဲခဲ့ကြသည်။</p> <p> </p> <p>ဟောက်တာက ကျိုးမောင်နှမကို လေဟာနယ်အစီအရင်တစ်ခုဖြင့် အနီးဆုံးရှိ အဖွဲ့အစည်း၏ အဓိကဌာနခွဲတစ်ခုသို့ ပို့ဆောင်ပေးမည် ဖြစ်ပြီး၊ ယန်ချင်းကမူ သမင်တောင်တိုင်းပြည်၏ မြောက်ဘက်သို့ ခရီးဆက်ခဲ့သည်။</p> <p> </p> <p>သူ၏ နောက်ထပ် ပစ်မှတ်မှာ ဓားမြစ်ဂိုဏ်းဖြစ်သည်။ ၎င်းမှာ သူ မလုပ်ချင်သော အကဲဖြတ်မှုတစ်ခု ဖြစ်သည်။</p> <p> </p> <p> အဘယ်ကြောင့်ဆိုသော် မုရုံမျိုးနွယ်စု၏ အကဲဖြတ်မှုနှင့် မတူဘဲ၊ သူ၏ နောက်ထပ် အကဲဖြတ်မှုမှာ ဂိုဏ်းကို အဆင့်မရှိသော ဂိုဏ်းတစ်ခုအဖြစ်သို့ လျှော့ချပစ်နိုင်မည့် အလားအလာရှိသော အဆင့်လျှော့ချရေး အကဲဖြတ်မှုတစ်ခု ဖြစ်နေသောကြောင့်ပင်။</p> <p> </p> <p> </p> <p style="text-align: center;">***</p> <p> </p>


Save