Book List

<h2 style="text-align: center;">အခန်း ၂၈၇</h2> <h2 style="text-align: center;">လက်စွပ်၏ စွမ်းရည်များကို အသုံးပြုသည့် အခြားနည်းလမ်း</h2> <h2 style="text-align: center;">*</h2> <p> </p> <p> </p> <p>လင်းမူ၏ အမြင်အာရုံ ရုတ်တရက် ပြောင်းလဲသွားပြီး အရာအားလုံး အမည်းနှင့် အဖြူအဖြစ် ပြောင်းလဲသွားသကဲ့သို့ ခံစားလိုက်ရ၏။ သူ ဘေးဘီဝဲယာကို ကြည့်လိုက်ရာ အရာဝတ္ထု အားလုံးမှာ ပုံသဏ္ဍာန် အမျိုးမျိုး ဖြစ်နေသည်ကို တွေ့လိုက်ရသည်။ အချို့အရာများမှာ ဝေဝါးနေပြီး အချို့မှာ ပုံပျက်ယွင်းနေ၏။ ဟင်းလင်းပြင် အလွှာများရှိ အားနည်းချက်များ ဖြစ်ပြီး အဆင့်နိမ့် ဟင်းလင်းပြင်ဆီသို့ ဦးတည်နေသော အမည်းရောင် အစက်အပြောက် အချို့ကိုလည်း သူ မြင်တွေ့နိုင်ပေသည်။</p> <p>လင်းမူအတွက် အချိန်အတော်ကြာ ကုန်ဆုံးသွားသကဲ့သို့ ထင်ရသော်လည်း လက်တွေ့တွင်မူ တစ်စက္ကန့်မျှသာ ကြာမြင့်ခဲ့ခြင်း ဖြစ်ပေသည်။ နောက်တစ်ခဏတွင် အရာအားလုံး ပုံမှန် ပြန်ဖြစ်သွားပြီး လင်းမူ အရောင်အသွေးများကို ပြန်လည် မြင်တွေ့နိုင်လာ၏။</p> <p>"ဟင်... အဲဒါ ဘာကြီးလဲ..." လင်းမူ ရေရွတ်လိုက်သည်။</p> <p>"ကဲ... မင်း ဘာတွေ ကြုံတွေ့ခဲ့ရလဲ..." ရွှီခုန်း မေးလိုက်၏။</p> <p>လင်းမူ ဟင်းလင်းပြင် ဓာတ်သဘာဝ ချီစွမ်းအင်ကို တိုက်ရိုက် အသုံးပြုပါက စွမ်းရည်များအပေါ် မည်သို့သော အကျိုးသက်ရောက်မှု ရှိမည်ကို ရွှီခုန်း ကိုယ်တိုင်လည်း မသိချေ။ သို့သော် အရာအချို့ကို သူ ခန့်မှန်းနိုင်ပြီး လင်းမူ အမှန်တကယ် ကြုံတွေ့ခဲ့ရသည်မှာ ထိုအရာများ ဟုတ်မဟုတ် သိချင်နေမိ၏။</p> <p>"ထူးဆန်းတယ်... အရာအားလုံး အမည်းနဲ့ အဖြူ ဖြစ်သွားတယ်... အချိန်ကလည်း... အကြောင်းပြချက် တစ်ခုခုကြောင့် နှေးကွေးသွားသလိုပဲ... အရာဝတ္ထုတွေကလည်း ပုံမှန် မဟုတ်ဘူး..." လင်းမူ ပြန်လည် အမှတ်ရရင်း ပြောလိုက်၏။</p> <p>"ဟင်းလင်းပြင် ဓာတ်သဘာဝ ချီစွမ်းအင်နဲ့ စွမ်းရည်ကို သုံးလိုက်တဲ့အခါ မင်း ဟင်းလင်းပြင် အာရုံခံနိုင်စွမ်းကို ရရှိသွားပုံရတယ်... အမည်းနဲ့ အဖြူ အရောင် ဖြစ်သွားတာက မင်းရဲ့ ကျွမ်းကျင်မှု နည်းပါးနေသေးလို့ပဲ... ပြီးတော့ အချိန်နှေးကွေးသွားတယ်လို့ ခံစားရတာက ပုံရိပ်ယောင် ဒါမှမဟုတ် အာရုံမှားယွင်းမှု တစ်ခုပဲ... ကျင့်ကြံသူ တစ်ယောက် ဟင်းလင်းပြင် အာရုံခံနိုင်စွမ်းကို စတင် အသုံးပြုတဲ့အခါ အဲဒီလို ဖြစ်တတ်တယ်...”</p> <p>“တကယ်လို့ မင်းသာ လှုပ်ရှားဖို့ ကြိုးစားခဲ့ရင် အရင်က အရှိန်အတိုင်းပဲ ရွေ့လျားနေပြီး အချိန် တကယ် နှေးကွေးမသွားဘူးဆိုတာ မင်း သဘောပေါက်လိမ့်မယ်... အရာဝတ္ထုတွေ ပုံမှန် မဟုတ်ဘူး ဆိုတာကတော့ ဟင်းလင်းပြင် ပုံပျက်ယွင်းမှုတွေ ဒါမှမဟုတ် စီးဆင်းနေတဲ့ ဟင်းလင်းပြင်ကြောင့် ဖုံးကွယ်ခံထားရလို့ ဖြစ်မယ်လို့ ငါ ယုံကြည်တယ်..." ရွှီခုန်း ရှင်းပြလိုက်၏။</p> <p>"နားလည်ပါပြီ စီနီယာ..." လင်းမူ ပြန်ဖြေလိုက်ပြီးနောက် အခြား စွမ်းရည်တစ်ခုကို အသုံးပြုရန် မစဉ်းစားလိုက်သည်။</p> <p>လင်းမူ စိတ်ဝိညာဥ်ချီ တိမ်တိုက်၏ အစိတ်အပိုင်း အနည်းငယ်ကို ထပ်မံ ယူဆောင်လိုက်ပြီး ထိုတစ်ကြိမ်တွင် ဒုတိယမြောက် စွမ်းရည် 'လျှပ်ခုန်ကူး' ကို အားဖြည့်ရန် အသုံးပြုလိုက်၏။ သူ ဘယ်နေရာကို ရွှေ့ပြောင်းချင်သလဲ ဆိုသည့် ရည်ရွယ်ချက် ရှိပြီးသား ဖြစ်၍ ပြဿနာ မရှိချေ။</p> <p>သူ အသုံးပြုလိုက်သည်နှင့် သူ့အမြင်အာရုံ နောက်တစ်ကြိမ် အမည်းနှင့် အဖြူအဖြစ် ပြောင်းလဲသွားသော်လည်း ထိုတစ်ကြိမ်တွင် ပထမဆုံး စွမ်းရည် 'အရိပ်ပြောင်း' ကို အသုံးပြုစဉ်ကကဲ့သို့ စိတ်ဝိညာဥ်အာရုံ အလုပ်မလုပ်သည့်အလား အေးခဲသွားသကဲ့သို့ မဖြစ်ဘဲ ဆက်လက် အသုံးပြုနိုင်သေးကြောင်း သူ သဘောပေါက်လိုက်၏။</p> <p>ပုံမှန်အားဖြင့် လင်းမူ လျှပ်ခုန်ကူး စွမ်းရည်ကို အသုံးပြု၍ ရွှေ့ပြောင်းလိုသောအခါ သူ့စိတ်ဝိညာဥ်အာရုံသည် စွမ်းရည်၏ အမြင့်ဆုံး အကွာအဝေး ဖြစ်သော ဆယ်မီတာအထိသာ ဖြန့်ကျက်နိုင်ပေသည်။ သို့သော် ယခု သူ ထိုကန့်သတ်ချက်မျိုး မရှိတော့မှန်း သဘောပေါက်လိုက်၏။ သူ့စိတ်ဝိညာဥ်အာရုံ၏ အမြင့်ဆုံး အရှည်အထိ လွတ်လပ်စွာ ရွှေ့ပြောင်းနိုင်ကြောင်း သူ အာရုံခံမိလိုက်သည်။</p> <p>'ဒါ... ဒါက အံ့သြစရာပဲ...' လင်းမူ စိတ်ထဲမှ အော်ဟစ်လိုက်၏။</p> <p>နောက်တစ်ခဏတွင် သူ စွမ်းရည်ကို အသက်သွင်းလိုက်ပြီး သူ့နေရာမှ ပျောက်ကွယ်သွားကာ သူ ရွေးချယ်ထားသော နေရာတွင် ပေါ်လာတော့သည်။</p> <p>ဟူး</p> <p>လင်းမူ သူကိုယ်တိုင်ပင် သတိမထားမိဘဲ အောင့်ထားသော အသက်ကို ရှူထုတ်လိုက်၏။ သူ အနည်းငယ် စိုးရိမ်နေပြီး အသက်အောင့်ထားမိမှန်း သိသာပေသည်။ ယခု အောင်မြင်သွားပြီ ဖြစ်၍ နောက်ဆုံးတွင် စိတ်သက်သာရာ ရသွား၏။</p> <p>"ဒီတစ်ခါ အကျိုးသက်ရောက်မှုက အတော်လေး သိသာတာပဲ..." ရွှီခုန်း အကျိုးသက်ရောက်မှုများကို သဘောကျစွာ ပြောလိုက်၏။</p> <p>"ဒုတိယမြောက် စွမ်းရည် 'လျှပ်ခုန်ကူး' ရဲ့ အကွာအဝေးက ဆယ်မီတာ အထိပဲ ကန့်သတ်မထားတော့ဘူး စီနီယာ... ကျွန်တော့် စိတ်ဝိညာဥ်အာရုံရဲ့ အမြင့်ဆုံး အကွာအဝေးအထိ ရွှေ့ပြောင်းဖို့ အဲဒါကို သုံးလို့ရပြီ..." လင်းမူ ရှင်းပြလိုက်၏။</p> <p>"ဒါ ကောင်းတယ်... အရေးပေါ် အခြေအနေတွေမှာ မင်း သုံးလို့ရတာပေါ့..." ရွှီခုန်း သဘောတူလိုက်သည်။</p> <p>လင်းမူ ခေါင်းညိတ်လိုက်ပြီး လက်စွပ်ထဲရှိ ဟင်းလင်းပြင် ချီစွမ်းအင် တိမ်တိုက်ကို စစ်ဆေးကြည့်လိုက်၏။ နှစ်ကြိမ် အသုံးပြုခဲ့ရာတွင် အသုံးပြုခဲ့သော ပမာဏက စုစုပေါင်း ပမာဏ၏ ခြောက်ရာခိုင်နှုန်းအထိ ရောက်ရှိသွားသည်။ ပထမဆုံး စွမ်းရည် 'အရိပ်ပြောင်း' ကို အသက်သွင်းရန် တစ်ရာခိုင်နှုန်း အသုံးပြုခဲ့ပြီး 'လျှပ်ခုန်ကူး' အတွက် ငါးရာခိုင်နှုန်း လိုအပ်ခဲ့ခြင်း ဖြစ်ပေသည်။</p> <p>ထိုစွမ်းရည်များကို အားဖြည့်ရန် ဟင်းလင်းပြင် ချီစွမ်းအင် အသုံးပြုခြင်းကို တကယ် လိုအပ်သည့် အချိန်များတွင်သာ ကန့်သတ်ထားခြင်းက အကောင်းဆုံး ဖြစ်ကြောင်း လင်းမူ နားလည်သွား၏။ ယခုအချိန်အထိ သူ အတော်လေး ဘေးကင်းနေပြီး အန္တရာယ်များမှ အလွယ်တကူ လွတ်မြောက်နိုင်ခဲ့ပေသည်။ သို့သော် အနာဂတ်တွင် သူ့စွမ်းရည်များ မလုံလောက်သည့် အချိန်များ ရှိလာနိုင်ပြီး ထိုအရာက အသုံးဝင်လာနိုင်ကြောင်း သူ သိထားပေသည်။</p> <p>လင်းမူ တတိယမြောက် စွမ်းရည် 'ဖောက်ထွင်း' အတွက် ဟင်းလင်းပြင် ချီစွမ်းအင် အသုံးပြုမည့် အကြံကို စဉ်းစားလိုက်၏။ ၎င်းက အသုံးပြုမှု အများဆုံး စွမ်းရည်ဖြစ်ပြီး အသုံးပြုလေလေ သူ့ချီစွမ်းအင်များကို ဆက်လက် စားသုံးလေလေ ဖြစ်ပေမည်။</p> <p>"အန္တရာယ်ကြုံမှ စမ်းသပ်တာထက် အခု စမ်းသပ်ပြီး အကျိုးသက်ရောက်မှုတွေကို သိထားတာက ပိုကောင်းပါတယ်..." လင်းမူ ကိုယ့်ဘာသာ ရေရွတ်လိုက်၏။</p> <p>ဟူး</p> <p>သူ အသက်ပြင်းပြင်း ရှူလိုက်ပြီး စိတ်ကို တည်ငြိမ်အောင် ထားလိုက်သည်။ ထို့နောက် စွမ်းရည်၏ အဓိက အကျိုးသက်ရောက်မှုမှာ ရုပ်ပိုင်းဆိုင်ရာ အရာဝတ္ထုများကို ဖြတ်သန်းသွားလာခွင့် ပြုခြင်း ဖြစ်သဖြင့် သစ်ပင်အချို့ အနီးသို့ သွားလိုက်၏။ သူ စွမ်းရည်ကို အသက်သွင်းလိုက်ရာ သူ့အမြင်အာရုံ နောက်တစ်ကြိမ် ပြောင်းလဲသွားသည်ကို တွေ့လိုက်ရသည်။</p> <p>လင်းမူ သစ်ပင်များကို ချက်ချင်း ဖြတ်သန်းသွားလိုက်ပြီး ကြီးမားသော ကွာခြားချက်ကို မခံစားရချေ။ သူ စွမ်းရည်ကို ချက်ချင်း ရပ်တန့်လိုက်ပြီး အသုံးပြုမှုကို စစ်ဆေးကြည့်လိုက်၏။</p> <p>ဟူး</p> <p>"ငါ မျှော်လင့်ထားတဲ့အတိုင်းပဲ... အတော်လေး များတာပဲ..."</p> <p>'ဖောက်ထွင်း' စွမ်းရည်ကို အသုံးပြုလိုက်သောအခါ တိမ်တိုက်၏ အရွယ်အစားက နောက်ထပ် နှစ်ဆယ်ရာခိုင်နှုန်း လျော့ကျသွား၏။ စိတ်ဝိညာဥ်ချီ အမျှင်တန်းများနှင့် အတိအကျ ညီမျှခြင်း မရှိသော်လည်း သူ့ထံတွင် ဟင်းလင်းပြင် ဓာတ်သဘာဝ ချီစွမ်းအင် ပမာဏ ကန့်သတ်ချက် ရှိနေသည်ကို ထည့်တွက်လျှင် အတော်လေး များပြားနေဆဲ ဖြစ်ပေသည်။</p> <p>စုစုပေါင်း သူ ဟင်းလင်းပြင် ချီစွမ်းအင် တိမ်တိုက်၏ နှစ်ဆယ့်ခြောက်ရာခိုင်နှုန်းခန့်ကို အသုံးပြုခဲ့ပြီး ၎င်း၏ အရွယ်အစားကို မူလ ပမာဏ၏ လေးပုံသုံးပုံအောက် အနည်းငယ် လျော့ကျသွားစေခဲ့၏။</p> <p>"စီနီယာ... ဟင်းလင်းပြင် ချီစွမ်းအင်ကို ထပ်ပြီး ဘယ်လို ရနိုင်မလဲ... အဲဒါ ပါဝင်တဲ့ ပစ္စည်းတွေကနေ ရနိုင်တယ် ဆိုတာတော့ သိပါတယ်... ဒါပေမဲ့ အဲဒါက တော်တော် ခက်ခဲလိမ့်မယ် မဟုတ်လား..." လင်းမူ မေးလိုက်၏။</p> <p>"အင်း... ဟင်းလင်းပြင် ချီစွမ်းအင်က တကယ်တော့ စကြဝဠာထဲမှာ အပေါများဆုံး ချီအမျိုးအစားတွေထဲက တစ်ခုပဲ... နေရာတိုင်းမှာ ရှိတယ်... လူအများစု ဒါမှမဟုတ် ကျင့်ကြံသူ အများစုက အာရုံမခံနိုင်ကြလို့သာ ဖြစ်တာ... အဲဒါကို ထိန်းချုပ်ဖို့က ပိုတောင် ခက်ခဲသေးတယ်... အဲဒါကြောင့် ရှာရခက်တယ်လို့ သူတို့ ထင်ကြတာ... သဘာဝအတိုင်း ဟင်းလင်းပြင် ချီစွမ်းအင် ပါဝင်တဲ့ ပစ္စည်းတွေကတော့ အတော်လေး ကန့်သတ်ချက် ရှိပါတယ်..." ရွှီခုန်း ရှင်းပြလိုက်၏။</p> <p>လင်းမူ သူ့စကားများကို ခေတ္တမျှ စဉ်းစားကြည့်ပြီးနောက် တစ်စုံတစ်ခုကို သဘောပေါက်သွား၏။</p> <p>"ဒါဆိုရင် လူတစ်ယောက်က ဟင်းလင်းပြင် ချီစွမ်းအင်ကို အာရုံခံနိုင်ပြီး ထိန်းချုပ်နိုင်ရင် ပစ္စည်းတွေထဲကို တိုက်ရိုက် ထည့်သွင်းနိုင်တယ်လို့ ဆိုလိုတာလား..." လင်းမူ မေးလိုက်၏။</p> <p>"အတိအကျပဲ... အထက်လောကတွေမှာ ဟင်းလင်းပြင် သိုလှောင်ကိရိယာတွေကို ဘယ်လို ဖန်တီးကြတယ်လို့ မင်း ထင်လဲ..."</p> <p> </p> <p> </p> <p style="text-align: center;">အခန်း ၂၈၇ ပြီး</p> <p style="text-align: center;">***</p>


Save