Book List

<h2 style="text-align: center;">အခန်း ၉၀ - စီဟန်ဓားသိုင်းစဉ်</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">လင်းကျန်းယွမ်က သူ့လက်ထဲကဓားကိုသိမ်းပြီး ဓားရိုးမပါသည့် လေးလက်မခန့်ရှည်လျားသော ဓားပျံတစ်လက်ကို ဆင့်ခေါ်လိုက်သည်။ သူက လက်ချောင်းများကိုစုပြီး အပေါ်ကို ထိုးညွှန်လိုက်စဉ် သူ၏ချီက တလိပ်လိပ်ထိုးတက်လာ၏။ သူ၏ အဝတ်အစားက လေမတိုက်ဘဲ လှိုင်းတွန့်လာသည်။</p> <p style="text-align:justify">“တက်စမ်း”</p> <p style="text-align:justify"> </p> <p style="text-align:justify">ဤသည်မှာ လေလွင့်ကျင့်ကြံသူများ၏ ဓားထိန်းချုပ်နည်းစနစ်ထက် များစွာပိုမိုအဆင့်မြင့်သော ချီသန့်စင်သူများ၏ ဓားပဲ့ထိန်းနည်းစနစ်ဖြစ်သည်။ ဓားပျံက လင်းကျန်းယွမ်ကို တစ်ပတ်အပြည့်လှည့်ပတ်ပြီးနောက် ဒုတိယအပတ်မှာ အလျင်အဟုန်က ဆပွားတိုးလာပြီး ဝေဝါးသောအဖြူရောင်အရိပ်တစ်ခုအဖြစ် ပြောင်းလဲသွား၏။ နောက်ဆုံးမှာတော့ ၎င်းသည် သာမန်မျက်စိဖြင့်မမြင်နိုင်သောအဆင့်ထိ ရောက်ရှိသွား၏။</p> <p style="text-align:justify"> </p> <p style="text-align:justify">ကျန်းယွဲ့လုက သူမ၏ ဓားရှည်ကို ရှေ့မှာကိုင်မြှောက်ကာ တည်ငြိမ်နေ၏။</p> <p style="text-align:justify"> </p> <p style="text-align:justify">ကောင်းကင်ဘုံအဆင့်ကိုမရောက်ခင် လျှို့ဝှက်ဆန်းကြယ်စွမ်းရည်များ၏ ကျင့်ကြံမှုလမ်းကြောင်းများက ပုံသေနည်းတကျရှိလေသည်။ သို့သော် ခြွင်းချက်များလည်းရှိသည်။ အကြီးအကဲများသည် သမားရိုးကျလမ်းကြောင်း၏ အပြင်ဘက်မှာရှိသော လျော်ကန်သည့် လျှို့ဝှက်ဆန်းကြယ်စွမ်းအင်များနှင့် နည်းစနစ်များကို သူတို့၏ တပည့်များအား သင်ကြားပေးနိုင်သည်။</p> <p style="text-align:justify"> </p> <p style="text-align:justify">သူတို့သည် အခြားသောလမ်းကြောင်းများကနေလည်း သီးသန့်သင်ယူလေ့လာနိုင်ကြသည်။ ဥပမာအားဖြင့် ချီရွှမ်းစုသည် တာအိုဂိုဏ်းတော်၏ ချမှတ်ထားသောလမ်းကြောင်းများမှာမပါဝင်သည့် လျှို့ဝှက်ဆန်းကြယ်စွမ်းရည်များကို ချင်းဖျင်အသင်းတော်ထံကနေ ရရှိနိုင်သည်။</p> <p style="text-align:justify"> </p> <p style="text-align:justify">ကျန်းယွဲ့လု၏ ဆရာသည် သူတော်စင်ချင်းဝေနှင့် သူတော်စင်တန်ဟွားတို့နှင့် တန်းတူရည်သူကျော်ကြားသော သူတော်စင်စီဟန်ဖြစ်သည်။ သူတော်စင်စီဟန်က မဟာသူတော်စင်တစ်ပါးမဟုတ်သော်လည်း သူမသည် ကျန်းယီဂိုဏ်းမှာ ကောင်းကင်ဆရာသခင်ပြီးလျှင် ဩဇာအာဏာအရ ဒုတိယနေရာမှာရှိလေသည်။  သူမသည် ကျန်းယွဲ့အားက စီဟန်ဓားသိုင်းစဉ်ကို သင်ကြားပေးခဲ့သည်။</p> <p style="text-align:justify"> </p> <p style="text-align:justify">စစ်ဟန်ဓားသိုင်းစဉ်သည် မိုးကြိုးငါးစင်း ကောင်းကင်နှလုံးသားကျင့်စဉ်ထက် မနိမ့်ကျသော မဟာကျင့်စဉ်တစ်ခုဖြစ်သည်။</p> <p style="text-align:justify"> </p> <p style="text-align:justify">ထိုကျင့်စဉ်၏ တစ်စိတ်တစ်ပိုင်းသည် ရွှမ်အရှင်မြတ်၏ လမ်းစဉ်များထဲမှာ ပါဝင်ပြီး လူတိုင်းကျင့်ကြံနိုင်ကြသည်။ သို့သော်လည်း အချို့သောလျှို့ဝှက်ဆန်းကြယ်စွမ်းရည်များကို အများသူငါသင်ယူနိုင်အောင် ထုတ်ဖော်မထားပေ။ ကျန်းယီဂိုဏ်း၏ ပင်မတပည့်ဂိုဏ်းသားများသာလျှင် ထိုစွမ်းရည်များကို ကျင့်ကြံနိုင်ပြီး သူတို့ကလည်း အခြားသူများကို ပြန်လည်သင်ကြားပေမည်မဟုတ်ပေ။</p> <p style="text-align:justify"> </p> <p style="text-align:justify">စစ်ဟန်ဓားသိုင်းစဉ်ကို ဓားသိုင်းစဉ်၊ နှလုံးသားသိုင်းစဉ်၊ ဗလာနယ်သိုင်းစဉ်နှင့် မူလပကတိသိုင်းစဉ်ဟူ၍ အဆင့်လေးဆင့်ခွဲခြားထားသည်။ သူတို့ထဲမှာ မူလပကတိသိုင်းစဉ်က အမြင့်ဆုံးအဆင့်ဖြစ်ပြီး ဗလာနယ်သိုင်းစဉ်၊ နှလုံးသားသိုင်းစဉ်နှင့် ဓားသိုင်းစဉ်တို့က အစဉ်လိုက်ရပ်တည်နေကြသည်။</p> <p style="text-align:justify"> </p> <p style="text-align:justify">မြင့်မားသော အဆောက်အအုံများဆောက်လုပ်သည့်နေရာမှာ ခိုင်မာသောအခြေခံအုတ်မြစ်ခင်းကျင်းရသလို ဤသိုင်းစဉ်လေးခုကို အစဉ်အလိုက်ကျင့်ကြံရသည်။</p> <p style="text-align:justify"> </p> <p style="text-align:justify">ယေဘုယျအားဖြင့်ပြောရလျှင် စီဟန်ဓားသိုင်းစဉ်၏ အခြေခံအုတ်မြစ်သည် ဓားနှင့်နှလုံးသားပေါင်းစည်းမှုပေါ် အခြေခံထားပြီး အပေါ်မှာနှလုံးသား အခြေမှာဓားဖြစ်သည်။ ဤသည်မှာ နှလုံးသားက ဓားကို ထိန်းချုပ်မည်ဟု ဆိုလိုသည်။ ထို့ကြောင့် ဓားသိုင်းစဉ်နှင့် ဗလာနယ်သိုင်းစဉ်က ဓားကိုအဓိကထားပြီး နှလုံးသားသိုင်းစဉ်နှင့် မူလပကတိသိုင်းစဉ်ကတော့ နှလုံးသားကို အဓိကထားလေသည်။</p> <p style="text-align:justify"> </p> <p style="text-align:justify">ဓားသိုင်းစဉ်နှင့် ဗလာနယ်သိုင်းစဉ်နှစ်ခုစလုံးက ဓားသိုင်းစစ်စစ်များဖြစ်ပြီး အဓိကကွာခြားချက်မှာ ဓားသိုင်းစဉ်က အပြင်ပိုင်းကို အဓိကထားပြီး ဗလာနယ်သိုင်းစဉ်က အတွင်းပိုင်းကို အဓိကထားခြင်းဖြစ်သည်။</p> <p style="text-align:justify"> </p> <p style="text-align:justify">ဓားသိုင်းစဉ်သည် ဓားပေါင်းထောင်ချီကို ထိန်းချုပ်ရန် ပြင်ပအစွမ်းအစပေါ် အာရုံစိုက်ထားသည်။ ဓားနည်းစနစ်များက အင်မတန်ရှုပ်ထွေးပြီး လုံးလုံးလျားလျား ကွဲပြားသောပုံစံများနှင့် ဓားနည်းစနစ် ၆၄မျိုး ပါဝင်လေသည်။ သို့သော်လည်း သူတို့၏ ကွဲပြားပုံကို ပဋိပက္ခမရှိဘဲ လိုက်ဖက်ညီစွာ ပေါင်းစပ်ထားပြီး အင်မတန် ခန့်မှန်းရ ခဲယဉ်းလေသည်။</p> <p style="text-align:justify"> </p> <p style="text-align:justify">ဗလာနယ်သိုင်းစဉ်မှာ ကျင့်ကြံသူသည် သူတို့၏ ချီကို မျိုးစေ့တစ်စေ့အဖြစ်ပြောင်းလဲပြီး သူတို့၏ ဒါန်ထျန်များထဲမှာ ထိုမျိုးစေ့ကို စိုက်ပျိုးရသည်။ ဤအပြုအမူသည် ဓားချီကဲ့သို့ ပုံသဏ္ဍာန်မရှိသည့် ချီအသစ်တစ်မျိုး ထွက်ပေါ်လာစေရန် သူတို့၏ ပင်ကိုယ်ချီကို ဖျက်ဆီးရခြင်းနှင့်တူသည်။</p> <p style="text-align:justify"> </p> <p style="text-align:justify">ဤဓားချီအသစ်သည် ဓားများကို ထိန်းချုပ်စေနိုင်၊ ခန္ဓာကိုယ်ကို အားဖြည့်ပေးနိုင်ပြီး စိတ်ဝိညာဉ်ကို ဉာဏ်အလင်းပေးနိုင်သည်။ ဓားချီက မရီးဒါန်များနှင့် သွေးကြောဆုံမှတ်များမှာ လှည့်ပတ်ပြီး တစ်နေ့ထက်တစ်နေ့ လည်ပတ်သည့် လမ်းကြောင်းကို ပိုမိုကျယ်ပြန့်စေကာ လူတစ်ယောက်၏ ကျင့်ကြံမှုအလားအလာကို မြှင့်တင်ပေးလေသည်။</p> <p style="text-align:justify"> </p> <p style="text-align:justify">လူတစ်ယောက်၏ ဒါန်ထျန်မှာ ခံနိုင်ရည်ရှိမှုအတိုင်းအတာနှင့် မရီးဒါန်များက အကန့်အသတ်ရှိသောကြောင့် ကျင့်ကြံသူသည် သူတို့၏ ခန္ဓာကိုယ်တွင် တဖြည်းဖြည်းအသားကျလာစေမည့် ဒါန်ထျန်မှ ဓားချီအသစ်တစ်မျိုးကို ကျင့်ကြံရန် သူတို့၏ ပင်ကိုယ်ချီကို ဖျက်ဆီးရသည်။ ကျင့်ကြံသူက သူတို့၏ ပင်ကိုယ်ချီကို တဖြည်းဖြည်းအသားကျစေခြင်းမရှိဘဲ ဓားချီအဖြစ် တိုက်ရိုက်ပြောင်းလဲပစ်မည်ဆိုလျှင် သူတို့၏ ခန္ဓာကိုယ်ထဲမှာ ထက်ရှသော ဓားသွားထောင်ချီကို ဖြတ်သန်းခိုင်းထားခြင်းနှင့်တူလေသည်။ ထိုအခါ ကျင့်ကြံသူသည် ထိုနည်းစနစ်၏ အလားအလာအပြည့်အဝကို မရရှိနိုင်ခင်မှာပင် အရင်သေရပေလိမ့်မည်။</p> <p style="text-align:justify"> </p> <p style="text-align:justify">ထို့ကြောင့်ပင် လူအများစုက နှလုံးသားသိုင်းစဉ်မှာ ရပ်တန့်နေကြခြင်းဖြစ်သည်။ သူတို့သည် သူတို့တစ်ဘဝလုံး ခက်ခက်ခဲခဲကြိုးစားကျင့်ကြံထားရသည့် သူတို့၏ ပင်ကိုယ်ချီကို ဖျက်ဆီးမပစ်လိုကြပေ။ ဤအဆင့်သည် ဗလာနယ်သိုင်းစဉ်ကို ရောက်ရှိဖို့အတွက် မရှိမဖြစ် လိုအပ်ချက်တစ်ခုဖြစ်ရုံသာမက လူတစ်ယောက်၏ စိတ်နေစရိုက်အတွက် စမ်းသပ်ချက်တစ်ခုလည်းဖြစ်သည်။ ထို့ကြောင့်ပင် နှလုံးသားကျင့်စဉ်ပြီးမှ ဗလာနယ်သိုင်းစဉ်လာခြင်းဖြစ်သည်။</p> <p style="text-align:justify"> </p> <p style="text-align:justify">နှလုံးသားသိုင်းစဉ်သည် ဓားသိုင်းစဉ်၏ အဆင့်မြှင့်တင်မှုဖြစ်ပြီး ဗလာနယ်သိုင်းစဉ်၏ အခြေခံအုတ်မြစ်ဖြစ်သည်။ အဓိကအချက်သည် သူ့အမည်အတိုင်း နှလုံးသားအပေါ်မှာ မူတည်နေသည်။ ဤသိုင်းစဉ်မှာ နှလုံးသားဟူသော အဓိပ္ပါယ်သည် အစက ဗုဒ္ဓဝါဒကနေ ဆင်းသက်လာသော်လည်း နောက်ပိုင်းမှာ ၎င်းသည် တာအိုဝါဒအဓိပ္ပါယ်၊ ကွန်ဖြူးရှပ်ဝါဒအဓိပ္ပါယ်တို့နှင့် ပေါင်းစည်းသွားသည်။ ထိုသို့ဖြင့် ၎င်းသည် ဘာသာသုံးခုပေါင်းစည်းမှု၏ စံပြနည်းစနစ်တစ်ခုဖြစ်လာခဲ့သည်။</p> <p style="text-align:justify"> </p> <p style="text-align:justify">ယခုအချိန်မှာ ကျန်းယွဲ့လုသည် ဗလာနယ်သိုင်းစဉ်မှာ နည်းလမ်းတချို့ကို ရရှိထားဆဲဖြစ်သော်လည်း သူမသည် နှလုံးသားသိုင်းစဉ်မှာ ပိုမိုကျွမ်းကျင်ပိုင်နိုင်လေသည်။ သူမသည် စိတ်နှလုံးမျက်လုံးနည်းစနစ်ကို သင်ယူလေ့လာထားသည်။ ဓားပျံတစ်လက်က ဘယ်လောက်ပင် မြန်ဆန်သည်ဖြစ်စေ သူမ၏ စိတ်နှလုံးမျက်လုံးနှင့်အတူ ၎င်းကို အေးအေးဆေးဆေးမြင်နိုင်ဆဲဖြစ်သည်။</p> <p style="text-align:justify"> </p> <p style="text-align:justify">လင်းကျန်းယွမ်၏ လက်ချောင်းများလှုပ်ရှားမှုက ဆတ်ခနဲပြောင်းလဲသွားပြီး သူ၏ဓားချီက လျင်မြန်စွာမြင့်တက်လာသည်။ သူ့ဓားပျံသည် ကျန်းယွဲ့လုရှိရာသို့ ပျံသန်းလာပြီး ဓားချီက ဘေးပတ်လည်မှာရှိသော နှင်းများကို ပြန့်ကျဲသွားစေ၏။</p> <p style="text-align:justify"> </p> <p style="text-align:justify">ကျန်းယွဲ့လုက မရှောင်တိမ်းဘဲ သူမ၏ စက္ကူဓားကို ဓား ၆၄လက်အဖြစ် ပွားကာ အမြီးဖြန့်ထားသော ဒေါင်းတစ်ကောင်ကဲ့သို့ သူမ၏နောက်ဘက်မှာ ဖြန့်ကြက်သွားစေ၏။ ဓား ၆၄ လက်က တစ်ပြိုင်နက်တည်းလှုပ်ရှားနေပြီး လင်းကျန်းယွမ်၏ ဓားပျံက မည်သည့်ထောင့်ကနေ ဝင်ရောက်လာသည်ဖြစ်စေ ထိုခံစစ်ကို မဖြတ်ကျော်နိုင်ပေ။</p> <p style="text-align:justify"> </p> <p style="text-align:justify">သူတို့၏ ကျင့်ကြံမှုအဆင့်က တူညီသလောက်ဖြစ်သော်လည်း ကျန်းယွဲ့လု၏ ပုံသဏ္ဍာန်မဲ့စက္ကူသည် လင်းကျန်းယွမ်၏ ဓားပျံထက် ပို၍အဆင့်မြင့်သည်။ ဒါ့အပြင် ကျန်းယွဲ့လုသည် အခြားသောလမ်းစဉ်များထက် သဘာဝအလျောက်သာလွန်သော နတ်သက်ကြွေအင်မော်တယ်တစ်ဦးဖြစ်သည်။ ထို့ကြောင့် သူတို့၏ တိုက်ခိုက်ချိန်ကြာမြင့်လေ လင်းကျန်းယွမ်က ခွန်အားကို ပို၍ဆုံးရှုံးရလေပင်။ သူက အရေးမသာသောအခြေအနေသို့ မလွဲမသွေကျဆင်းသွားရပေတော့မည်။</p> <p style="text-align:justify"> </p> <p style="text-align:justify">ဤသည်ကိုနားလည်ပြီး လင်းကျန်းယွမ်က ချီရွှမ်းစုကို ဆက်လက်၍ မဖမ်းဆီးလိုတော့ပေ။ ထိုအစား သူက လှည့်ထွက်ပြေးလိုက်၏။</p> <p style="text-align:justify"> </p> <p style="text-align:justify">ကျန်းယွဲ့လုက စက္ကူဓား ၆၄ လက်ကို တစ်လက်တည်းအဖြစ် ပေါင်းစည်းပြီး ဓားကိုင်ကာ ပြေးသွားသော လင်းကျန်းယွမ်နောက်သို့ ပြေးလိုက်သွားစေ၏။ လင်းကျန်းယွမ်က မတတ်သာဘဲ သူ၏ ဓားပျံကိုသုံးကာ ပြန်လည်တိုက်ခိုက်ရသည်။</p> <p style="text-align:justify"> </p> <p style="text-align:justify">ချက်ချင်းပင် ဓားပျံနှင့် စက္ကူဓားက ဆယ်ကြိမ်ကျော် ဆက်တိုက်ထိခတ်ပြီး နားစည်ကို ပြင်းထန်စွာတုန်ခါစေသည့် စူးရှသော အသံများ ထွက်ပေါ်လာ၏။</p> <p style="text-align:justify"> </p> <p style="text-align:justify">သူက ခံစစ်အနေအထားဖြင့် သိပ်ကြာကြာနေလို့မရသည်ကို လင်းကျန်းယွမ်က သိရှိထားသည်။ ထို့ကြောင့် သူက တိုက်ခိုက်ရင်း နောက်သို့ဆုတ်နေ၏။ နောက်ဆုံးမှာတော့ စက္ကူဓားက သူ့ကို ခုတ်ပိုင်းချပြီး သူ၏ ရင်ဘတ်မှာ ရှည်လျားသောဒဏ်ရာတစ်ခု ပေါ်ထွက်စေကာ သွေးမြူများက လေထဲမှာ ပြန့်ကျဲသွား၏။ သို့သော်လည်း လင်းကျန်းယွမ်သည် အခွင့်အလမ်းကိုချိန်ဆကာ တပ်မှူးရုံးကနေ အလျင်အမြန်ပြေးထွက်သွား၏။</p> <p style="text-align:justify"> </p> <p style="text-align:justify">ကျန်းယွဲ့လုက နောက်ကနေ လိုက်ပါသွားပြီး သူတို့နှစ်ယောက်က ခြံဝန်းအပြင်ဘက်သို့ ခုန်ထွက်သွားကြသည်။  ကျန်းယွဲ့လုက စက္ကူဓားကို ပစ်ထုတ်ပြီး ရှေ့ကနေ ပြန်ပတ်စေကာ လင်းကျန်းယွမ်ကို နှစ်ဘက်ညှပ်ကာတိုက်ခိုက်လိုက်သည်။</p> <p style="text-align:justify"> </p> <p style="text-align:justify">စက္ကူဓားက ဓားတစ်လက်ကဲ့သို့ အလွန်တရာမြန်ဆန်၍ ထက်ရှသည်။ တစ်ခဏချင်းမှာပင် လင်းကျန်းယွမ်၏ ခန္ဓာကိုယ်ပေါ်မှာ နောက်ထပ်ဓားဒဏ်ရာသုံးခု ပေါ်ထွက်လာပြီး ဒဏ်ရာများအားလုံးက အတော်လေးပြင်းထန်လေသည်။ မင်ကဲ့သို့ နက်မှောင်သောသွေးများက သူ့ခန္ဓာကိုယ်ကနေ သွင်သွင်စီးကျလာသော်လည်း လင်းကျန်းယွမ်က  သေဆုံးမသွားပေ။</p> <p style="text-align:justify"> </p> <p style="text-align:justify">ကျန်းယွဲ့လုက ဤသို့ဖြစ်လာဖို့ မျှော်လင့်ထားပြီးသားဖြစ်သည်။ ရှေးဟောင်းအင်မော်တယ်ယုံကြည်သူများအားလုံးက နတ်ဆရာများမဟုတ်သော်လည်း ရှေးဟောင်းအင်မော်တယ်ယုံကြည်သူများသည် အခြားသောနတ်ဆရာများထက် ပိုမို၍ ပြင်ပပစ္စည်းများကနေတစ်ဆင့် ရှေးဟောင်းအင်မော်တယ်များထံကနေ ဂမ္ဘီရစွမ်းအားကို ငှားရမ်းအသုံးချနိုင်ကြသည်။</p> <p style="text-align:justify"> </p> <p style="text-align:justify">ထို့ကြောင့် ကျန်းယွဲ့လုက လင်းကျန်းယွမ်ကို သူမ၏ စက္ကူဓားဖြင့် တိုက်ရိုက်သတ်ဖြတ်ဖို့ မရည်ရွယ်ပေ။ ထိုအစား သူမက သူ့ကို ချုပ်ထိန်းထားလိုသည်။ သူမက အခွင့်အလမ်းကိုချိန်ဆပြီး လင်းကျန်းယွမ်နားကို ချဉ်းကပ်ကာ သူ၏ လက်ကောက်ဝတ်ကို ဖမ်းဆွဲ၍ လေဟာနယ်ကပ်ဘေးခြောက်ပါးကို ပို့လွှတ်လိုက်သည်။</p> <p style="text-align:justify"> </p> <p style="text-align:justify">ဤကဲ့သို့သောပုံစံဖြင့် ကျန်းယွဲ့လုသည် ရှုခိုကို အနိုင်ယူခဲ့ဖူးသည်။ အထူးသဖြင့် ပြိုင်ဘက်က ကြိုတင်ပြင်ဆင်ထားမှုမရှိဘဲ ခုခံနိုင်စွမ်းမရှိတော့သလောက်နီးပါးအချိန်မှာ ၎င်းက ထိရောက်မှုပြင်းလေသည်။</p> <p style="text-align:justify"> </p> <p style="text-align:justify">လက်ကောက်ဝတ်ဖမ်းချုပ်ခံရပြီးနောက် ပြင်ပစီးကြောင်းခြောက်ခုက သူ့ခန္ဓာကိုယ်ထဲသို့ ကျူးကျော်ဝင်ရောက်လာသည်ဟု လင်းကျန်းယွမ် ခံစားလိုက်ရသည်။ သူက ရုန်းထွက်လိုသော်လည်း ကျန်းယွဲ့လုက သူမ၏ ဒြပ်စင်ငါးမျိုး ချီဒိုင်းကာကို အသုံးပြုကာ လက်ထိပ်တစ်ခုကဲ့သို့ သူ၏လက်ကောက်ဝတ်ကို ဖမ်းချုပ်ထား၏။</p> <p style="text-align:justify"> </p> <p style="text-align:justify">လင်းကျန်းယွမ်၏ချီက လျင်မြန်စွာ လျော့ကျလာနေသည်။</p> <p style="text-align:justify"> </p> <p style="text-align:justify">လေဟာနယ်ကပ်ဘေးခြောက်ပါးသည် ရွှမ်အရှင်မြတ်၏ ဆရာသုံးဦးထဲမှတစ်ဦး ပထမမျိုးဆက် မြေကမ္ဘာဆရာသခင်ဟု ကျော်ကြားခဲ့သော ရှုဝူကွေ့ထံမှ ဆင်းသက်လာခဲ့ခြင်းဖြစ်သည်။ လေဟာနယ်ကပ်ဘေးခြောက်ပါးမှာ ပုံသဏ္ဍာန်ခြောက်ခုရှိပြီး ယခုအချိန်မှာ ကျန်းယွဲ့လုက အခြေခံအကျဆုံးပုံစံကို အသုံးပြုနေခြင်းသာဖြစ်သည်။</p> <p style="text-align:justify"> </p> <p style="text-align:justify">ပြင်ပချီစီးကြောင်းခြောက်ခုက မရီးဒါန်များတစ်လျှောက် သူ၏ ပင်မဒါန်ထျန်သုံးခုရှိရာသို့ ရောက်ရှိလာသည်ဟု ခံစားလိုက်ရသည့်အချိန်မှာ လင်းကျန်းယွမ်က ထိတ်လန့်တကြားဖြစ်သွားသည်။ သူသည် ကျန်းယွဲ့လု၏ လက်ကနေ လွတ်မြောက်ဖို့ ကြံမိကြံရာ ကြံလာရတော့သည်။</p> <p style="text-align:justify"> </p> <p style="text-align:justify">သေရေးရှင်ရေးအခိုက်အတန့်မှာ လင်းကျန်းယွမ်က သူ၏ ဓားပျံကို ထိန်းချုပ်ပြီး သူ့လက်ကိုသူ ရက်ရက်စက်စက်ခုတ်ပိုင်းချလိုက်၏။ သို့သော်လည်း သူသည် ရုပ်ပိုင်းဆိုင်ရာအရသာ ကျန်းယွဲ့လု၏ ဖမ်းချုပ်မှုကနေ လွတ်မြောက်လာနိုင်ခဲ့သည်။ သူ့ခန္ဓာကိုယ်ထဲကို ကျူးကျော်ဝင်ရောက်လာသည့် စိတ်ပျက်စရာကောင်းသော ပြင်ပစွမ်းအင်ကို မတားဆီးနိုင်သေးပေ။ ထူးဆန်းသော စွမ်းအင်စီးကြောင်းခြောက်ခုက သူ၏ ခန္ဓာကိုယ်ထဲသို့ ဝင်ရောက်၍ သူ၏ ချီနှင့် ပေါင်းစည်းကာ ၎င်းကို တွန်းထုတ်လို့မရဖြစ်နေသည်။</p> <p style="text-align:justify"> </p> <p style="text-align:justify">ကျန်းယွဲ့လုက သူမလက်ထဲမှာကျန်ခဲ့သည့် လက်ပြတ်ကို ပစ်ထုတ်ပြီး လင်းကျန်းယွမ်၏ ရင်ဘတ်ကို လက်ဝါးဖြင့် ပစ်ရိုက်ချလိုက်၏။ လင်းကျန်းယွမ်က ပြန်လည်တိုက်ခိုက်တော့မည့်ဆဲဆဲမှာ သူ့ခန္ဓာကိုယ်ထဲရှိ ပြင်ပချီက သူ၏ ပင်ကိုယ်ချီကို မထုတ်ဖော်နိုင်အောင် တားဆီးထားသည်။</p> <p style="text-align:justify"> </p> <p style="text-align:justify">လင်းကျန်းယွမ်က ခဏမျှ ကြောင်အနေမိ၏။</p> <p style="text-align:justify"> </p> <p style="text-align:justify">ထိုခဏမှာ ကျန်းယွဲ့လုက သူ၏ ရင်ဘတ်ကို ပစ်ရိုက်ချလိုက်၏။ ရိုက်ခတ်မှုက သူ၏ခန္ဓာကိုယ်ထဲ စိမ့်ဝင်၍ သူ၏ ကိုယ်တွင်းအင်္ဂါများအားလုံးကို ပျက်စီးသွားစေ၏။</p> <p style="text-align:justify"> </p> <p style="text-align:justify">သို့သော်လည်း လင်းကျန်းယွမ်က အသက်ရှင်နေဆဲဖြစ်သည်။ သူ၏ ရင်ဘတ်မှာ သွေးနီရောင်အကွက်တစ်ကွက်က ဖြည်းဖြည်းချင်းပြန့်ကားသွားပြီး အတော်လေးထူးဆန်းသည့်ပုံပေါ်နေ၏။</p> <p style="text-align:justify"> </p> <p style="text-align:justify">သူမက အသာစီးရရှိလာသည့်အချိန်မှာ ကျန်းယွဲ့လုက အလျှော့မပေးပေ။ သူမက မခုခံနိုင်တော့သည့်သူ့ကို ထပ်တလဲလဲတိုက်ခိုက်လိုက်၏။ လင်းကျန်းယွမ်က သူမကို တားဆီးရန် ဓားပျံကိုသုံးဖို့ ကြိုးစားသော်လည်း ပြင်ပချီစီးကြောင်းခြောက်ခုက အပြောင်းအလဲမြန်စွာရွေ့လျားပြီး သူ့ပင်ကိုယ်ချီကို တိုက်ခိုက်နေသည်။ သူက ထိုပြင်ပချီကို တွန်းထုတ်ဖို့ တွေးလိုက်သည်နှင့် ၎င်းက သူ၏ပင်ကိုယ်ချီနှင့်ရောနှောကာ ပျောက်ကွယ်သွားတတ်၏။</p> <p style="text-align:justify"> </p> <p style="text-align:justify">လင်းကျန်းယွမ်သည် အစကတည်းက ကျန်းယွဲ့လုထက် နိမ့်ကျနေခဲ့ပြီးသားဖြစ်သည်။ ပြင်ပချီနှင့်အတူ သူက လုံးဝကို ချိုးနှိမ်ခံလိုက်ရ၏။</p> <p style="text-align:justify"> </p> <p style="text-align:justify">နောက်ဆုံးမှာတော့ ကျန်းယွဲ့လုက သူ၏ ဦးခေါင်းကို ပစ်ရိုက်ချလိုက်၏။</p> <p style="text-align:justify"> </p> <p style="text-align:justify">သူက ဒူးထောက်ကျသွားပြီး သူ၏ ဒွာရပေါက်များအားလုံးကနေ သွေးများစီးကျလာ၏။ သို့သော်လည်း သူက မသေသေးပေ။ သူ၏ ဇွဲနပဲနှင့် ခန္ဓာကိုယ်မာကျောမှုသည် အဆင့်တူချင်းမှာရှိသော ချီသန့်စင်သူများထက် များစွာသာလွန်နေပြီဖြစ်သည်။ သူ့ခန္ဓာကိုယ်သည် ကိုယ်ခံပညာသိုင်းသမားများ၏ ကိုယ်ကာယနှင့် အတော်လေးနီးစပ်နေပြီဖြစ်သည်။</p> <p style="text-align:justify"> </p> <p style="text-align:justify">သေရေးရှင်ရေးအခိုက်အတန့်မှာ တည်းခိုခန်းထဲမှ စာပေပညာရှင်က တပ်မှူးရုံးထဲမှာပေါ်ထွက်လာပြီး လက်ခုပ်တီးလိုက်သည်။</p> <p style="text-align:justify"> </p> <p style="text-align:justify">ထိုလက်ခုပ်သံက မိုးကြိုးသံကဲ့သို့ ကျယ်လောင်ပြီး ဗုဒ္ဓကျောင်းတော်များမှ ခြင်္သေ့ဟိန်းသံနှင့် ဆင်တူလေသည်။</p> <p style="text-align:justify"> </p> <p style="text-align:justify">သာမန်မျက်စိဖြင့်မြင်နိုင်သော အသံလှိုင်းတစ်ခုက စာပေပညာရှင်ရပ်နေသောနေရာကနေ ဖြာထွက်သွားပြီး မြေပြင်မှာရှိသော ကျောက်ချပ်များကို လှုပ်ခါသွားစေ၏။ လမ်း၏ တစ်ဘက်တစ်ချက်စီမှာရှိသောနံရံများကလည်း ထိုအသံလှိုင်းကြောင့် ပြိုကျသွားသည်။</p> <p style="text-align:justify"> </p> <p style="text-align:justify">မထင်မှတ်ထားစွာဖြင့် ကျန်းယွဲ့လုက ခပ်သဲ့သဲ့ညည်းပြီး ခေတ္တခဏငေးငိုင်သွားလေသည်။</p> <p style="text-align:justify"> </p> <p style="text-align:justify">စာပေပညာရှင်က ဤအခိုက်အတန့်ကို အသုံးချ၍ စိတ်စွမ်းအားဖြင့် ပစ္စည်းတစ်ခုကို ဆွဲယူလိုက်သလို လင်းကျန်းယွမ်ကို ဆွဲခေါ်သွားသည်။ သူက ယင်နှင့်ယန်နယ်ပယ်ကနေတစ်ဆင့် လေဟာနယ်တံခါးတစ်ချပ်ကိုဖွင့်ကာ လျှောက်လှမ်းဝင်ရောက်သွားသည်။</p> <p style="text-align:justify"> </p>


Save