Book List

<h2 style="text-align: center;">အခန်း (၁၃၇၄) သွေးလနက္ခတ် (၁၄)</h2> <h2 style="text-align: center;">*</h2> <p> </p> <p>အင်ဗီယာနိုင်ငံ၏ ရန်ဘက်ဖြစ်သော မုတ်ဆိတ်နက်ဓားပြအဖွဲ့သည် သွေးလနက္ခတ်ညတွင် လန်ဒီမြို့ရဲစခန်းအား စီးနင်းတိုက်ခိုက်ခဲ့ကြလေသည်။</p> <p> </p> <p>ယင်းဖြစ်ရပ်မှာ ညစောင့်တပ်ဖွဲ့နှင့် ဗဟိုရဲဌာနချုပ်တို့၏ စုံစမ်းစစ်ဆေးမှုများအရ ပေါ်ပေါက်လာသော ရလဒ်ပင် ဖြစ်ချေသည်။</p> <p> </p> <p>ဓားပြတို့က ရဲစခန်းအား ဤသို့ ဝံ့ဝံ့စားစား တိုက်ခိုက်ခဲ့ခြင်းမှာ လွန်ခဲ့သောလက အင်ဗီယာတော်ဝင်ရေတပ်မတော်မှ မုတ်ဆိတ်နက်ဓားပြတပ်ခွဲတစ်ခုအား ချေမှုန်းခဲ့သည်ကို လက်စားချေလိုခြင်းကြောင့် ဖြစ်တန်ရာ၏။</p> <p> </p> <p>၎င်းတို့သည် လန်ဒီမြို့ရှိ မြေအောက်မှောင်ခိုအင်အားစုများ၏ အကူအညီဖြင့် မြို့အောက်ပိုင်းရပ်ကွက်များအတွင်းသို့ တိတ်တဆိတ် ထိုးဖောက်ဝင်ရောက်ခဲ့ကြပြီးနောက်၊ သွေးလနက္ခတ်ည၌ ရုတ်တရက် အလစ်အငိုက် စီးနင်းတိုက်ခိုက်ကာ ဤမျှကြီးမားသော အမှုအခင်းကြီးကို ဖန်တီးခဲ့ကြခြင်းပင်။</p> <p> </p> <p> ထိုသို့ အောင်မြင်စွာ တိုက်ခိုက်ပြီးနောက်တွင်လည်း မြေအောက်မိလ္လာလမ်းကြောင်းများမှတစ်ဆင့် ပြန်လည်ဆုတ်ခွာသွားခဲ့ကြပေသည်။</p> <p> </p> <p>စုံစမ်းစစ်ဆေးမှုရလဒ်များကြောင့် လန်ဒီမြို့ အထက်ပိုင်းအာဏာပိုင်တို့မှာ အလွန်တရာ အမျက်ရှသဖြင့် မြို့ဝန်ကိုယ်တိုင် အမိန့်ထုတ်ပြန်ကာ ဓားပြများနှင့် ပူးပေါင်းခဲ့သော မြေအောက်မှောင်ခိုအဖွဲ့အစည်းများအား အမြစ်ပြတ်ချေမှုန်းရန် ဗဟိုရဲဌာနချုပ်သို့ အမိန့်ပေးခဲ့လေသည်။</p> <p> </p> <p> သို့ရာတွင် မိလ္လာလမ်းကြောင်းများ၌ အခြေစိုက်နေသော မှောင်ခိုအင်အားစုများအား ရဲတပ်ဖွဲ့ဝင်များ၏ အင်အားသက်သက်ဖြင့် နှိမ်နင်းရန်မှာ လုံးဝမဖြစ်နိုင်ကြောင်းကိုလည်း မြို့တော်အုပ်ချုပ်ရေးမှူးက ကောင်းစွာ သိရှိပေရာ ညစောင့်တပ်ခွဲအား ဤစစ်ဆင်ရေး၌ ပါဝင်ကူညီရန် တာဝန်ပေးအပ်ခဲ့လေသည်။</p> <p> </p> <p>ကူညီပေးရသည်ဟု ဆိုသော်ငြားလည်း လက်တွေ့တွင်မူ ညစောင့်တပ်ဖွဲ့ဝင်များကသာ အဓိက တိုက်ခိုက်ရေးအင်အားစု ဖြစ်လာပေလိမ့်မည်။</p> <p> </p> <p>ထိုစစ်ဆင်ရေးတွင် အဲလ်ဘတ် အော်စတင်လည်း ပါဝင်မည်ဖြစ်ရာ ရိုနန်က မနေနိုင်ဘဲ မေးမြန်းလိုက်သည်မှာ -</p> <p>“တပ်မှူး အဲလ်ဘတ်... ကျွန်တော့်ကို ဘာဖြစ်လို့ ဒီစစ်ဆင်ရေးမှာ ပါဝင်ခိုင်းရတာလဲ ”</p> <p> </p> <p>ဤစစ်ဆင်ရေးမှာ အလွန်အရေးကြီးသော အဆင့်အတန်းရှိသည့်အလျောက် ရာထူးတိုးကာစ အကြီးတန်းအရာရှိတစ်ဦးသာဖြစ်ပြီး အထူးစွမ်းအားရှင် ရဲတပ်ဖွဲ့၏ ထိပ်သီးပုဂ္ဂိုလ်လည်းမဟုတ်သော ရိုနန်အနေဖြင့် ပါဝင်ခွင့်ရရန် မဖြစ်နိုင်ပေ။</p> <p> </p> <p>အဲလ်ဘတ် အော်စတင်ကသာ ကိုယ်တိုင်ကိုယ်ကျ မပြောခဲ့ပါက ဤအကြောင်းကိုပင် သူ သိရှိရမည်မဟုတ်ချေ။</p> <p> </p> <p>“မင်းက ငါမြင်ဖူးသမျှ လူငယ်တွေထဲမှာ ပါရမီအရှိဆုံး အထူးစွမ်းအားရှင်တစ်ယောက်ပဲ”</p> <p>အဲလ်ဘတ် အော်စတင်က တုံ့ဆိုင်းခြင်းမရှိဘဲ ဆက်လက်၍- “ကံမကောင်းတာက မင်းရဲ့ မိသားစုနောက်ခံကြောင့် ဖွံ့ဖြိုးတိုးတက်မှု နောက်ကျခဲ့ရတယ်၊ ဒါပေမဲ့ ကံကောင်းတာက အခုထိတော့ မနောက်ကျသေးဘူး၊ ဒါကြောင့် ငါ မင်းကို အခွင့်အရေးတစ်ခု ပေးချင်တာ” ဟု ဆိုလေသည်။</p> <p> </p> <p>ရိုနန်မှာ နယ်မြို့ငယ်လေးတစ်ခုမှ အဆင့်နိမ့်မှူးမတ်မျိုးနွယ်ဝင်တစ်ဦး၏ တရားမဝင်သောသားဖြစ်ပြီး အသက် ၁၆ နှစ်အရွယ်တွင် ကိုယ်ပိုင်ကျောင်းသို့ စေလွှတ်ခံရခြင်းမှာ မိသားစုထံမှ ရရှိခဲ့သည့် တစ်ခုတည်းသော အထောက်အပံ့ပင် ဖြစ်ပေသည်။</p> <p> </p> <p> ယခင်က သူသည် အခြေခံလိုအပ်ချက်များ ပြည့်စုံရန်အတွက်ပင် ရုန်းကန်နေရသည်ဖြစ်ရာ မိမိ၏ ပါရမီနှင့် စွမ်းအားများကို နိုးထလာစေရန် မည်သို့မျှ မတတ်နိုင်ခဲ့ချေ။</p> <p> </p> <p>စင်စစ်မူ ရိုနန်မှာ မဖော်ထုတ်ရသေးသော ပါရမီရှင်တစ်ဦးပင် ဖြစ်ချေသည်။ သမိုင်းတစ်လျှောက်တွင် ဤသို့သော ပါရမီရှင်များစွာမှာ အခွင့်အလမ်းမသာသဖြင့် နစ်မြုပ်ပျောက်ကွယ်ခဲ့ကြရပေသည်။</p> <p> </p> <p>သို့ရာတွင် အဲလ်ဘတ် အော်စတင်ကမူ ရိုနန်၏အတွင်းသဏ္ဌာန်၌ ပြောင်းလဲလာသော ထူးကဲသည့် အရှိန်အဝါတစ်ခုကို မြင်တွေ့ခဲ့ခြင်း ဖြစ်သည်။</p> <p> </p> <p>ညစောင့်တပ်မှူးကြီးသည် ပါရမီရှင်တစ်ဦးအား မြေတောင်မြှောက်ပေးလိုသည့် စိတ်ဆန္ဒ ပြင်းပြလျက်ရှိချေသည်။</p> <p>သို့သော်လည်း သူ၏ ရာထူးအဆင့်အတန်းကြောင့် နတ်ဆိုးမုဆိုးများကဲ့သို့ ရိုနန်အား တပည့်အဖြစ်လက်ခံကာ အထူးစွမ်းအားပညာရပ်များကို တိုက်ရိုက်သင်ကြားပေး၍ မရနိုင်ပေ။</p> <p> </p> <p>ထို့ကြောင့် အဲလ်ဘတ် အော်စတင်သည် ရိုနန်အား ကောင်းမှုကုသိုလ်ပြုရန် အခွင့်အရေးတစ်ခု ဖန်တီးပေးလိုခြင်း ဖြစ်သည်။</p> <p> </p> <p>“ဒီစစ်ဆင်ရေး ပြီးသွားတာနဲ့ မင်းကို ‘သံမဏိချပ်ဝတ် အသက်ရှူနည်းပညာ’  သင်ပေးဖို့ ငါ ခွင့်ပြုချက်တောင်းပေးမယ်” ဟု ညစောင့်တပ်မှူးကြီးက ရိုးသားစွာ ပြောကြားလေသည်။</p> <p> </p> <p>“မင်းသာ မင်းရဲ့ ကန့်သတ်ချက်တွေကို ကျော်ဖြတ်နိုင်မယ်ဆိုရင် တို့ညစောင့်တပ်ဖွဲ့ထဲက တစ်ယောက် ဖြစ်လာနိုင်တာပေါ့”</p> <p> </p> <p>သံမဏိချပ်ဝတ် အသက်ရှူနည်းပညာမှာ ကန့်သတ်ချက်များကို ကျော်ဖြတ်နိုင်သည့် ထိပ်တန်းနည်းစနစ်တစ်ခုဖြစ်ပြီး အင်ဗီယာနိုင်ငံ ညစောင့်တပ်ခွဲ၏ လျှို့ဝှက်လက်နက်များအနက် တစ်ခုဖြစ်ပေရာ သာမန်အခြေအနေမျိုးတွင် ရိုနန်အနေဖြင့် သင်ယူခွင့်ရရန် မဖြစ်နိုင်ပေ။</p> <p> </p> <p>သို့သော်လည်း စစ်ဆင်ရေး၌ ရရှိမည့် အောင်မြင်မှုနှင့် အဲလ်ဘတ် အော်စတင်၏ ထောက်ခံချက်သာရှိပါက အထူးစွမ်းအားရှင်တစ်ဦး ဖြစ်လာရန် အခွင့်အလမ်းရှိပေသည်။</p> <p> </p> <p>သို့ရာတွင် ထိုထိပ်တန်းပညာရပ်၏ ဆွဲဆောင်မှုရှေ့၌ ရိုနန်သည် ခဏမျှ တုံ့ဆိုင်းသွားလေသည်။ အဲလ်ဘတ် အော်စတင်၏ အာရုံခံစားမှုမှာ အလွန်ထက်မြက်လှပေရာ သူက မျက်ခုံးတစ်ချက် ပင့်လိုက်ပြီးလျှင်- “ဘာလဲ... ငါတို့ ညစောင့်တပ်ဖွဲ့ထဲကို မဝင်ချင်ဘူးလား” ဟု မေးမြန်းလေသည်။</p> <p> </p> <p>ရိုနန်က စိတ်မကောင်းစွာ ပြုံးလိုက်ပြီး- “ကျွန်တော်က အခုလက်ရှိ ဘဝလေးကိုပဲ သဘောကျလို့ပါ” ဟု ပြန်လည်ဖြေကြားလေသည်။</p> <p> </p> <p>ညစောင့်တပ်ဖွဲ့ဝင်တစ်ဦး၏ အဆင့်အတန်းမှာ မြင့်မြတ်သော်လည်း များပြားလှသော ကန့်သတ်ချက်များနှင့်အတူ ရှိနေမည်ဖြစ်ရာ ၎င်းတပ်ဖွဲ့သို့ ဝင်ရောက်ပြီးနောက်တွင် လွတ်လပ်မှုများစွာ ဆုံးရှုံးရပေလိမ့်မည်။</p> <p> </p> <p>ယင်းမှာ ရိုနန် အမှန်တကယ် လိုလားသောအရာ မဟုတ်ပေ။ ကန့်သတ်ချက်ကို ကျော်ဖြတ်နိုင်မည့် ပညာရပ်အား မည်မျှပင် ရလိုပါစေဦးတော့။</p> <p> </p> <p>ရိုနန်၏ ယဉ်ကျေးစွာ ငြင်းဆိုမှုကို အဲလ်ဘတ် အော်စတင်က အမျက်မထွက်သည့်အပြင် အဓိပ္ပာယ်ပါသော အပြုံးတစ်ခုကို ပြလိုက်ကာ- “ကိစ္စမရှိပါဘူး၊ မင်း ညစောင့်တပ်ဖွဲ့ထဲ ဝင်မဝင်ဆိုတာ မင်းဘာသာ ဆုံးဖြတ်နိုင်ပါတယ်၊ ငါ အတင်းအကျပ် မတိုက်တွန်းပါဘူး” ဟု ဆိုလေသည်။</p> <p> </p> <p>ရိုနန်မှာ အနည်းငယ် ဝေခွဲမရ ဖြစ်သွားရ၏။ ဤသို့ဖြစ်ရန် အမှန်တကယ်ပင် ဖြစ်နိုင်ပါမည်လော။ စိတ်ထဲတွင် ဇဝေဇဝါ ဖြစ်နေသော်လည်း မိမိရှေ့ရှိ ညစောင့်တပ်မှူးကြီးထံမှ မည်သည့် မကောင်းသော အကြံအစည်ကိုမျှ မခံစားရချေ။</p> <p> </p> <p>ထိုသူသည် စိတ်ရင်းဖြင့်ပင် သူ့အား အထက်သို့ တွန်းတင်ပေးလိုဟန် ရှိချေသည်။</p> <p>ရိုနန်က- “ကျေးဇူးတင်ပါတယ်” ဟု စိတ်ရင်းမှန်ဖြင့် ဆိုလိုက်လေသည်။</p> <p> </p> <p>“အားနာမနေပါနဲ့” ဟု အဲလ်ဘတ် အော်စတင်က လက်ယမ်းပြလိုက်ကာ- “ပြင်ဆင်ထားလိုက်ဦး၊ စစ်ဆင်ရေးက မနက်ဖြန် မနက် ငါးနာရီမှာ စမယ်၊ အဲဒီအချိန်မတိုင်ခင်အထိတော့ ဘယ်သူ့ကိုမှ မပြောနဲ့ဦး၊ မင်းအတွက် လိုအပ်တဲ့ လက်နက်ကိရိယာတွေနဲ့ အထောက်အထားတွေကို ပြင်ဆင်ထားပြီးပါပြီ” ဟု ဆိုလေသည်။</p> <p> </p> <p>သူသည် ရိုနန်၏ ငြင်းဆိုမှုကို စိတ်ထဲထားပုံ မရချေ။ အကြောင်းမူကား ညစောင့်တပ်မှူးကြီးသည် ရိုနန်အနေဖြင့် နောက်ဆုံးတွင် ညစောင့်တပ်ဖွဲ့သို့ မဝင်မနေ ဝင်ရောက်လာရမည်ကို ကောင်းစွာ သိရှိနေသောကြောင့် ဖြစ်ပေသည်။</p> <p> </p> <p> အဲလ်ဘတ် အော်စတင် ဤမျှ ယုံကြည်ချက်ရှိနေခြင်းမှာ လန်ဒီမြို့ ဗဟိုရဲဌာနချုပ်မှ ‘သူရဲကောင်းလူငယ်’ ဟု ချီးကျူးခံထားရသော ရိုနန်အား မုတ်ဆိတ်နက်ဓားပြအဖွဲ့က မည်သို့မျှ အလွတ်ပေးမည်မဟုတ်ကြောင်း ကောင်းစွာ သိမြင်နေခြင်းကြောင့် ဖြစ်တန်ရာ၏။</p> <p> </p> <p>နောက်တစ်နေ့ အရုဏ်ဦးအချိန်တွင် ရိုနန်သည် မြို့အောက်ပိုင်းရပ်ကွက်ရှိ ဗဟိုရင်ပြင်သို့ အချိန်မီ ရောက်ရှိလာခဲ့လေသည်။</p> <p> </p> <p> မြို့အောက်ပိုင်း ဘုရားရှိခိုးကျောင်း၏ ဘေးတွင် မီးခိုးရောင် ဝတ်ရုံရှည်များ ဝတ်ဆင်ထားသော လက်နက်အပြည့်အစုံဖြင့် လူများမှာ အစီအရီ ရပ်တန့်နေကြချေပြီ။</p> <p> </p> <p>အဲလ်ဘတ် အော်စတင်နှင့် တွေ့ဆုံပြီးနောက်တွင် ညစောင့်တပ်မှူးကြီးက ရိုနန်အတွက် လက်နက်ကိရိယာတစ်စုံအား ပေးအပ်လေသည်။</p> <p> </p> <p>ရိုနန်မှာ အထူးစွမ်းအားရှင် မဟုတ်သေးသဖြင့် ကျည်ကာဦးထုပ်၊ အသက်ရှူမျက်နှာဖုံး၊ တိုက်ပွဲဝင်ဝတ်စုံ၊ ဖိနပ်နှင့် လက်အိတ်စသည်တို့ကို အဲလ်ဘတ်က စီစဉ်ပေးခဲ့ခြင်း ဖြစ်ပေသည်။</p> <p> </p> <p>ထို့ပြင် အနီးကပ်တိုက်ခိုက်ရေးအတွက် ‘ရှော့ဂန်း’  တစ်လက်၊ ‘ခြောက်လုံးပြူး’  နှစ်လက်နှင့် သင့်လျော်သော ကျည်ဆန်များကိုလည်း ပေးအပ်ခဲ့လေသည်။</p> <p> </p> <p>ရိုနန် ဝတ်စုံပြည့် ဝတ်ဆင်ပြီးသောအခါ ညစောင့်တပ်ဖွဲ့ဝင်တို့က မိလ္လာလမ်းကြောင်းသို့ ဦးတည်သော မြေအောက်ပေါက် အဖုံးအား ဖွင့်လှစ်လိုက်လေသည်။ ထို့နောက် တပ်ဖွဲ့ဝင်များမှာ တစ်စုပြီးတစ်စု မြေအောက်သို့ ဆင်းသွားကြပေတော့သည်။</p> <p> </p> <p>လန်ဒီမြို့တော်ကြီး၏ အောက်ခြေတွင်မူ အခြားကမ္ဘာတစ်ခု သီးခြား တည်ရှိနေချေသည်။ ဤမြေအောက်ကမ္ဘာမှာ လူအများ သွားလာနိုင်လောက်အောင် ကျယ်ဝန်းသော၊ ရှုပ်ထွေးလှပသည့် ဝင်္ကပါသဏ္ဌာန် မိလ္လာလမ်းကြောင်းများဖြင့် ဖွဲ့စည်းထားခြင်း ဖြစ်ပေသည်။</p> <p> </p> <p> ထိုလမ်းကြောင်းများစွာမှာ ဤဝင်္ကပါအတွင်း အခြေစိုက်နေသော မြေအောက်မှောင်ခိုအင်အားစုများက ကိုယ်တိုင် တူးဖော်ထားခြင်း ဖြစ်ပေရာသည်။</p> <p> </p> <p>ဤမြေအောက်၌ ရှင်သန်နေကြသူများမှာ သူတောင်းစားများနှင့် လေလွင့်နေထိုင်သူများ၊ စီးပွားပျက်သွားသော ကုန်သည်ငယ်များနှင့် မြို့ခံများ၊ ဝရမ်းပြေးများ</p> <p>သို့မဟုတ် တရားမဝင် အလုပ်များလုပ်ကိုင်နေသည့် ဂိုဏ်းဝင်များ ဖြစ်ကြလေသည်။</p> <p> </p> <p>၎င်းတို့အကြားတွင် ဓားပြသူလျှိုများ၊ ဂိုဏ်းသားများ စသည်ဖြင့် အလွန်တရာ ရှုပ်ထွေးလှသော လူတန်းစားပေါင်းစုံ ရောနှောနေကြပေသည်။</p> <p> </p> <p>လန်ဒီမြို့တော်၏ အောက်ခြေတွင် မည်မျှလောက်သော ‘ကြွက်’ များ နေထိုင်နေကြသည်ကို မည်သူမျှ အတတ်မပြောနိုင်သော်လည်း ဤမြေအောက်ဝင်္ကပါကြီးမှာ ဆိပ်ကမ်းမြို့တော်အတွက် ကြာရှည်စွာ အမြစ်တွယ်နေသော ကင်ဆာရောဂါကြီးသဖွယ် ဖြစ်နေခဲ့သည်မှာ ကြာချေပြီ။</p> <p> </p> <p>လန်ဒီမြို့၏ အထက်ပိုင်းအာဏာပိုင်တို့မှာ ဤရောဂါဆိုးအား အမြစ်ပြတ်ချေမှုန်းရန် လူအင်အား၊ ငွေအင်အား အမြောက်အမြား အသုံးပြု၍ ကြိုးစားခဲ့ကြဖူးသော်လည်း အရှင်းမပျောက်နိုင်ခဲ့ချေ။</p> <p> </p> <p> ဖယ်ရှားလိုက်သော မြေအောက်အဖွဲ့ဝင်များ၏ နေရာတွင် အသစ်အသစ်သော သူများက အစဉ်အမြဲ အစားထိုး ဝင်ရောက်လာကြပေသည်။</p> <p> </p> <p>အကြိမ်ကြိမ် နှိမ်နင်းပြီးနောက်တွင်မူ လန်ဒီမြို့ အာဏာပိုင်တို့နှင့် မြေအောက်အင်အားစုတို့အကြား တစ်ဦးနှင့်တစ်ဦး နားလည်မှု တစ်စုံတစ်ရာ ရယူထားခဲ့ကြလေသည်။</p> <p> </p> <p>သို့ရာတွင် ယခုတစ်ကြိမ်၌မူ မုတ်ဆိတ်နက်ဓားပြများနှင့် မြေအောက်အင်အားစုများ ပူးပေါင်းကာ မြို့အောက်ပိုင်းရပ်ကွက် ရဲစခန်းအား တိုက်ခိုက်ခဲ့ခြင်းမှာ ထိုနားလည်မှုအား ချိုးဖောက်လိုက်ခြင်းပင် ဖြစ်ပေသည်။</p> <p> </p> <p>ထို့ကြောင့် ၎င်းတို့သည် သနားညှာတာမှုကင်းမဲ့သော လက်စားချေမှုနှင့် ရင်ဆိုင်ရပေတော့မည်။</p> <p>ညစောင့်တပ်ဖွဲ့ မိလ္လာလမ်းကြောင်းအတွင်းသို့ ဝင်ရောက်လိုက်သည်နှင့် တိုက်ပွဲမှာ စတင်လေတော့သည်။</p> <p> </p> <p>ရန်သူတို့သည် ရှုပ်ထွေးလှသော မြေအောက်စနစ်အား အသုံးချကာ အရပ်မျက်နှာအနှံ့မှ ထွက်ပေါ်လာပြီး ညစောင့်တပ်ဖွဲ့အား နှောင့်ယှက်တိုက်ခိုက်ကြလေသည်။</p> <p> </p> <p>ရိုနန်သည် ညစောင့်တပ်ဖွဲ့ဝင်တစ်ဦးအဖြစ် ပါဝင်ရင်း၊ အထူးစွမ်းအားရှင်တို့က ရန်သူများအား အစုလိုက်အပြုံလိုက် သတ်ဖြတ်ချေမှုန်းနေသည့် မြင်ကွင်းအား မျက်ဝါးထင်ထင် တွေ့မြင်နေရပေတော့သတည်း။</p> <p> </p> <p style="text-align: center;">***</p> <p> </p>


Save