Book List

<h2 style="text-align: center;">အခန်း (၁၃၈၀) - သွေးလနက္ခတ် (၂၀)</h2> <h2 style="text-align: center;">*</h2> <p> </p> <p>ရဲဌာန အဝတ်လဲခန်းရှိ မှန်ပြင်ထက်တွင် လန်ဒီမြို့၏ သမိုင်းတစ်လျှောက် အသက်အငယ်ဆုံး စုံထောက်တစ်ဦး ပေါ်ထွက်လာသည်။ ယင်းက အရပ်အမောင်း မြင့်မား၍ ခိုင်မာပြတ်သားသော ပုံပန်းသဏ္ဍာန်ကို ပိုင်ဆိုင်ထား၏။</p> <p> </p> <p>ငယ်ရွယ်နုပျိုသေးသည့် အရိပ်အယောင်များ ရှိနေသော်လည်း မျက်ဝန်းအစုံမှ တောက်ပပြတ်သားသော အကြည့်တို့က ထိုနုနယ်မှုကို ဖျောက်ဖျက်ထားပြီး သူ၏ကိုယ်တွင်း၌ ကိန်းအောင်းနေသော စွမ်းအားတို့ကို ခံစားရစေသည်။</p> <p> </p> <p>ရိုနန်သည် ချောမောသူတစ်ဦးဟု မဆိုသာသော်လည်း အင်ဗီယာ၏ စုံထောက်ဝတ်စုံသစ်က သူ၏ဆွဲဆောင်မှုကို များစွာတိုးပွားစေသည်။</p> <p> </p> <p>ခါးတွင်ချိတ်ထားသော ဓားကို ခပ်ဖွဖွပုတ်လိုက်ရင်း ရိုနန်တစ်ယောက် သူ့ကိုယ်သူ လက်မထောင်ကာ အားပေးလိုက်၏။</p> <p>အဝတ်လဲခန်းမှ ထွက်လာ၍ ရဲဌာန၏ ပင်မခန်းမဆောင်သို့ ပြန်ရောက်သည့်အခါ၌ပင် သူသည် လူအများ၏ အကြည့်တို့ကို ချက်ချင်းပင် ဆွဲဆောင်နိုင်ခဲ့သည်။</p> <p> </p> <p>လန်ဒီမြို့၏ တတိယရဲဌာနတွင် ရဲအရာရှိချုပ်၊ စုံထောက်နှင့် ရဲအရာရှိဟူ၍ အဆင့်သုံးဆင့် ရှိသည်။ အရာရှိချုပ်နှင့် ဒုတိယအရာရှိချုပ် သုံးဦး၊ စုံထောက် ခုနစ်ဦးနှင့် ရဲအရာရှိတစ်ရာကျော် ရှိရာ ယခုတိုးမြှင့်ပေးမှုက ရိုနန်အား သာမန်လူမဟုတ်ဘဲ အရာရှိတန်းစားများထဲသို့ ဝင်ရောက်လာစေခဲ့ပြီ ဖြစ်ပေသည်။</p> <p> </p> <p>ဆယ်လီနာ၏ မျက်ဝန်းတို့မှာ ကြည်နူးတောက်ပနေသည်။ သူမသည် စာရွက်စာတမ်းအိတ်ကို ကိုင်ဆောင်လျက် ရိုနန်ထံ ချဉ်းကပ်လာပြီး "စုံထောက်ရိုနန်၊ ရှင့်ရုံးခန်းဆီ ကျွန်မ လိုက်ပို့ပေးပါ့မယ်" ဟု ဆိုသည်။</p> <p> </p> <p>တတိယဌာန၏ ရဲအလှမယ်တစ်ဦးဖြစ်သူ သူမ၏အမြင်တွင် ယနေ့ ရိုနန်သည် အလွန်ပင် ခန့်ညားလှပနေသည်။</p> <p> </p> <p>"ကျေးဇူးပါပဲ" ရိုနန်က ပြုံး၍ ဆို၏။</p> <p>အရာရှိချုပ် သုံးဦးမှလွဲ၍ စုံထောက်တစ်ဦးချင်းစီတိုင်းတွင် ဒုတိယထပ်၌ သီးသန့်ရုံးခန်းတစ်ခန်းစီ ရှိကြသည်။</p> <p> </p> <p> အကယ်၍ စုံထောက်အဆင့်မြင့်ဖြစ်ပါက လက်ထောက်ရဲအရာရှိတစ်ဦးပင် ချပေးခံရပေမည်။ သို့သော် စုံထောက်တစ်ဦး၏ အာဏာမှာ ယင်းမျှသာ မဟုတ်ပေ။</p> <p> </p> <p>စုံထောက်တို့သည် အမှုများကို လွတ်လပ်စွာ စစ်ဆေးနိုင်သည့် အခွင့်အာဏာရှိပြီး စုံစမ်းထောက်လှမ်းရာတွင် ရဲအရာရှိတို့ကို ကွပ်ကဲခိုင်းစေနိုင်သည်။</p> <p> </p> <p>အရေးကြီးဆုံးမှာ စုံထောက်တို့သည် သေနတ်ကို အချိန်မရွေး ကိုင်ဆောင်ထားနိုင်သဖြင့် တာဝန်ချိန်ပြီးပါက လက်နက်ပြန်အပ်ရသည့် ရဲအရာရှိများထက် တိုက်ခိုက်ရေးစွမ်းအား ပိုမိုမြင့်မားစေသည်။</p> <p> </p> <p> ထို့အပြင် စုံထောက်များသည် ရဲအရာရှိများထက် ပိုမိုလွတ်လပ်ခွင့်ရှိကာ အရေးကြီးသည့်အမှုများ မရှိလျှင် တစ်ပတ်လျှင် နှစ်ရက် ခွင့်ရပြီး နှစ်ပတ်လည်ခွင့်ပင် လျှောက်ထားနိုင်ပေရာ အကျိုးကျေးဇူးများစွာ ရှိသည်။</p> <p> </p> <p>သို့သော် ရိုနန်အတွက်မူ ယင်းတို့မှာ အဓိကမဟုတ်ပေ။ တစ်လကျော်ကာလအတွင်း ရိုနန်သည် အလုပ်သင်အရာရှိအဆင့်မှ စုံထောက်အဆင့်သို့ တက်လှမ်းနိုင်ခဲ့ပြီး များပြားလှသော ဂုဏ်သတင်းနှင့် ဆုကြေးငွေတို့ကို ရရှိခဲ့သည်။</p> <p> </p> <p>သူသည် အလွန်ပင် ထင်ရှားကျော်ကြားလွန်းနေပြီ ဖြစ်သည်။ ထို့ကြောင့် နောင်လာမည့်ရက်များတွင် ရိုနန်တစ်ယောက် ခပ်အေးအေးပင် နေထိုင်ရန် ဆုံးဖြတ်လိုက်သည်။ သူသည် မိမိကိုယ်ကို ပန်းတိုင်အသစ်တစ်ခု ချမှတ်လိုက်၏။</p> <p> </p> <p>အဆင့်ကန့်သတ်ချက်ကို ချိုးဖျက်ပြီး အထူးစွမ်းအားရှင် နယ်ပယ်သို့ ဝင်ရောက်ကာ မိမိ၏ စွမ်းအင်ကို အဆင့်၄ အထိ တိုးမြှင့်ရန်ပင်။</p> <p> </p> <p>ယင်းအတွက် ရိုနန်သည် ရဲဌာနတွင် အာဏာကြီးမားသော ဒုတိယရဲအရာရှိချုပ် ရှောင်အိုကော့နှင့် အထူးတွေ့ဆုံ၍ စာကျက်ရန် အကြောင်းပြကာ အဲလ်ဘတ် အော်စတင်၏ အမည်ကို အသုံးချ၍ သူ၏တာဝန်များကို လျှော့ချပေးရန် တောင်းဆိုခဲ့သည်။</p> <p> </p> <p>ဤနည်းဖြင့် ရိုနန်သည် အလုပ်ချိန်အတွင်း၌သာ တာဝန်ရှိပြီး ကျန်အချိန်များတွင် မိမိသဘောအတိုင်း လွတ်လပ်စွာ နေထိုင်နိုင်တော့မည် ဖြစ်သည်။</p> <p> </p> <p>ခေတ္တခဏ လစာစားသူခိုးလေးအဖြစ် နေထိုင်ရခြင်းဖြစ်သော်လည်း ရှောင်အိုကော့၌ ကန့်ကွက်စရာ မရှိပေ။ ရိုနန်သည် အလွန်ငယ်ရွယ်ပြီး တာဝန်ထမ်းဆောင်သည့် သက်တမ်းမှာလည်း တိုတောင်းလွန်းသဖြင့် သူ့အား အရေးကြီးသည့် တာဝန်များကို ချက်ချင်းပေးအပ်ရန်မှာ မသင့်လျော်ဟု ယူဆထားသောကြောင့်ပင်။</p> <p> </p> <p> ဤသို့ဖြင့် ရဲအရာရှိချုပ်၏ သဘောတူညီချက်ဖြင့် ရိုနန်သည် တတိယရဲဌာနတွင် နဂါးတစ်ကောင်ကဲ့သို့ အလွယ်တကူ ရှာမတွေ့နိုင်သော ဖြစ်တည်မှုတစ်ခု ဖြစ်လာခဲ့သည်။</p> <p> </p> <p>အချိန်များမှာလည်း လျင်မြန်စွာ ကုန်လွန်သွားခဲ့ရာ နောက်ထပ်တစ်လပင် ရှိခဲ့ပြီ။ လန်ဒီမြို့တွင် မိုးရာသီသို့ ရောက်ရှိနေသည်။ မိုးဖွဲဖွဲတို့နှင့် မှိုင်းညို့နေသော ရာသီဥတုမှာ တစ်ပတ်ကြာမျှ တည်ရှိနေသဖြင့် ဆိပ်ကမ်းမြို့ရှိ မြို့သူမြို့သားတို့မှာ မှိုတက်သကဲ့သို့ ခံစားရပြီး စိတ်ဓာတ်များပင် နွမ်းလျလာကြ၏။</p> <p> </p> <p>ကံကောင်းထောက်မစွာပင် ပင်လယ်ပြင်မှ လေမုန်တိုင်းတစ်ခု လန်ဒီမြို့သို့ ရုတ်တရက် တိုက်ခတ်လာပြီး ကောင်းကင်မှ တိမ်ထူများကို ဖယ်ရှားပေးလိုက်သည်။</p> <p> </p> <p>နောက်တစ်နေ့တွင်မူ ကြာရှည်မျှော်လင့်ထားသော နေရောင်ခြည်တို့မှာ ကမ္ဘာမြေပြင်ပေါ်သို့ သက်ဆင်းလာခဲ့သည်။</p> <p>ပင်လယ်ကမ်းစပ်ရှိ ကျောက်ဆောင်ထက်တွင် တည်ရှိသော ဗီလာ၏ လသာဆောင်၌ ရိုနန်တစ်ယောက် ဘောင်းဘီတိုတစ်ထည်သာ ဝတ်ဆင်ကာ နွေးထွေးသော နေရောင်ခြည်အောက်တွင် မတ်မတ်ရပ်လျက်ရှိသည်။</p> <p> </p> <p>သူသည် အသက်မဲ့နေသော ရုပ်တုတစ်ခုနှင့် တူနေသော်လည်း ထိုရုပ်တုအတွင်း၌မူ အားကောင်းသော ချီ-သွေး တို့မှာ မြစ်ကြီးတစ်စင်းကဲ့သို့ လှိုင်းထန်လျက် စွမ်းအင်အနန္တတို့ကို ထုတ်လွှတ်နေသည်။</p> <p> </p> <p>ပြီးခဲ့သည့်တစ်လလုံး ရိုနန်သည် အဲလ်ဘတ် အော်စတင် သင်ပေးထားသော သံချပ်ကာ အသက်ရှူခြင်း ပညာရပ်ကို ကြိုးစားပမ်းစား လေ့ကျင့်ခဲ့သည်။</p> <p> </p> <p>သူ၏ အစွမ်းထက်သော ဝိညာဉ်စွမ်းအားနှင့် ခန္ဓာကိုယ်ကို ပုံသွင်းလေ့ကျင့်ခဲ့သော အတွေ့အကြုံများကြောင့် ယခုအခါတွင် သူ၏ ပညာရပ်မှာ ငွေရောင်အထူးစွမ်းအားရှင် အဲလ်ဘတ် အော်စတင်နှင့်ပင် ယှဉ်နိုင်လုနီးပါး ရှိနေပြီဖြစ်သည်။</p> <p> </p> <p>အကယ်၍သာ ရိုနန်သည် လိုချင်ပါက လွန်ခဲ့သည့် နှစ်ပတ်ကတည်းကပင် အဆင့်ကန့်သတ်ချက်ကို ချိုးဖျက်နိုင်ခဲ့ပြီ ဖြစ်သည်။ သို့သော် ရိုနန်သည် အလျင်မလိုဘဲ အခြေခံအုတ်မြစ်ကိုသာ ဆက်လက်ခိုင်မာစေခဲ့သည်</p> <p> </p> <p>သူရရှိထားသော ဆုကြေးငွေနှင့် ရွှေဒင်္ဂါးပေါင်များမှာ ရေကဲ့သို့ စီးထွက်ကုန်ပြီး စွမ်းအင်ကြွယ်ဝသော နတ်ဆိုးသွေးနှင့် အသားများအဖြစ် ပြောင်းလဲသွားသည်။</p> <p> </p> <p> ဤလောကတွင် နတ်ဆိုးများမှာ သွေးလနက္ခတ် ၏ စွမ်းအားကြောင့် ပြောင်းလဲလာသော သတ္တဝါများဖြစ်ပြီး ၎င်းတို့၏ အရိုး၊ အရေပြား၊ အသား၊ လက်သည်း၊ သွားနှင့် အကြေးခွံများမှာ လူတို့အတွက် အလွန်ကောင်းမွန်သော ပစ္စည်းများ ဖြစ်ကြသည်။</p> <p> </p> <p>သို့သော် နတ်ဆိုးများကို အမဲလိုက်ရန်မှာ မလွယ်ကူဘဲ အထူးစွမ်းအားရှင်များသာ ထိုလုပ်ငန်းကို လုပ်ဆောင်နိုင်သည်။ ထို့ကြောင့် စျေးကွက်အတွင်းရှိ စားသုံးနိုင်သော နတ်ဆိုးအသားများမှာ သာမန်လူတို့ ဝယ်ယူရန် မတတ်နိုင်လောက်အောင်ပင် စျေးကြီးမြင့်သည်။</p> <p> </p> <p>အရည်အသွေးပေါ် မူတည်၍ ဤနတ်ဆိုးအသားများသည် သာမန်လူများနှင့် အထူးစွမ်းအားရှင် နှစ်ဦးစလုံးအတွက် အကျိုးရှိသည်။</p> <p> </p> <p>ရိုနန်သည် ရွှေဒင်္ဂါးပေါင် ရာနှင့်ချီ၍ အသုံးပြုခဲ့ရာ သူ၏ခန္ဓာကိုယ်မှာ ယခင်ကထက် အဆပေါင်းများစွာ သန်မာလာခဲ့သည်။ အပြင်ပန်းတွင်မူ သိသာထင်ရှားသော အပြောင်းအလဲ မရှိသော်လည်း သူ၏ ခန္ဓာကိုယ် ကြံ့ခိုင်မှု မှာ အထွတ်အထိပ်သို့ ရောက်ရှိသွားပြီဖြစ်သည်။</p> <p> </p> <p>ဤထက် ပိုမိုမတိုးတက်နိုင်တော့သည့် အဆင့်သို့ပင်။</p> <p>ပူပြင်းသော နေရောင်ခြည်တို့သည် ရိုနန်၏ အရေပြားအတွင်းသို့ စိမ့်ဝင်လျက် ကိန်းအောင်းနေသော စွမ်းအင်တို့ကို လှုံ့ဆော်ပေးလိုက်ရာ အရေပြားအောက်ရှိ ကြွက်သားတို့မှာ တုန်ယင်လာပြီး အဆစ်အမြစ်တို့မှ ပွတ်တိုက်သံများ ထွက်ပေါ်လာသည်။</p> <p> </p> <p>နောက်တစ်ခဏတွင် ရိုနန်သည် မျက်ဝန်းတို့ကို ရုတ်တရက် ဖွင့်လိုက်၏။ မူလက အနက်ရောင်ဖြစ်သော သူ၏မျက်လုံးတို့မှာ ယခုအခါ သွေးရောင်လွှမ်းနေသည်။</p> <p> </p> <p>"ဟား"</p> <p>သူသည် ကောင်းကင်သို့ မော့၍ အော်လိုက်၏။ ရင်ဘတ်၊ လက်မောင်းနှင့် ခြေထောက်တို့မှ ကြွက်သားတို့မှာ ဖောင်းကြွလာပြီး အကြောများမှာလည်း ထင်းခနဲ ပေါ်လာသည်။</p> <p> </p> <p>ဤအချိန်၌ ရိုနန်၏ကိုယ်တွင်းမှ ချီ-သွေးတို့မှာ အထွတ်အထိပ်သို့ ရောက်ရှိနေသည်။ ပူပြင်းလှသော သွေးတို့သည် ဦးခေါင်းသို့ စီးဝင်လာသဖြင့် သူ၏စိတ်စွမ်းအားမှာ ချက်ချင်းပင် စမ်းသပ်ခြင်း ခံလိုက်ရသည်။</p> <p> </p> <p>သို့သော် ရိုနန်မှာ မယိမ်းမယိုင်ဘဲ ရပ်တည်နေပြီး သံချပ်ကာ အသက်ရှူခြင်း ပညာရပ်၏ လမ်းညွှန်ချက်အတိုင်း လှိုင်းထန်နေသော ချီ-သွေးတို့ကို ထိန်းချုပ်လျက် မမြင်နိုင်သော အတားအဆီးတစ်ခုနှင့် ပြင်းထန်စွာ တိုက်မိစေသည်။</p> <p> </p> <p>ဗြုန်း</p> <p>သူ၏ကိုယ်တွင်း၌ နျူကလီးယားဗုံးတစ်လုံး ပေါက်ကွဲသကဲ့သို့ပင်။ အရေပြားပေါက်တို့မှ ပုပ်သိုးနေသော သွေးညှော်များမှာ အမြောက်အမြား ပန်းထွက်လာသည်။</p> <p> </p> <p>ရိုနန်တစ်ယောက် ပုပ်သိုးနေသော သွေးမြူငွေ့များဖြင့် ဖုံးလွှမ်းသွား၏။ သွားများကြိတ်ကာ ပွတ်တိုက်သံနှင့်အတူ သူ၏ကိုယ်ခန္ဓာမှာ ရုတ်တရက် အဆမတန် ကြီးထွားလာပြီး အရပ်မှာလည်း တစ်ပေဝက်ခန့် မြင့်တက်သွားသည်။</p> <p> </p> <p>ထို့နောက် သူသည် တဖြည်းဖြည်း ပြန်လည်ကျုံ့ဝင်သွားသော်လည်း မူလပုံစံသို့ ပြန်မရောက်တော့ပေ။</p> <p> </p> <p>ခရက်</p> <p>ရိုနန်ရပ်နေသည့် မာကျောသော ကျောက်ပြားများမှာ ရုတ်တရက် ကွဲကြေသွား၏။ သူသည် အသက်ကို ပြင်းပြင်းရှူသွင်းလိုက်ရာ သွေးရောင်မျက်ဝန်းတို့မှာ စကြဝဠာ၏ ဗလာနယ်ကဲ့သို့ နက်မှောင်သော အနက်ရောင်သို့ ပြန်လည်ရောက်ရှိသွားသည်။</p> <p> </p> <p>သူ အောင်မြင်သွားပြီ။</p> <p>ရိုနန်တစ်ယောက် လက်သီးကို ဆုပ်လိုက်ရာ ကိုယ်တွင်း၌ အဆုံးမဲ့စွမ်းအားတို့ စီးဆင်းနေသည်ကို ခံစားလိုက်ရသည်။</p> <p> </p> <p>တစ်လတာ စုဆောင်းလေ့ကျင့်ခဲ့မှုကြောင့် သူသည် အဆင့်ကန့်သတ်ချက်ကို ချိုးဖျက်၍ အထူးစွမ်းအားရှင် နယ်ပယ်သို့ ချောမောစွာ ခြေချနိုင်ခဲ့ပြီ ဖြစ်သည်။</p> <p> </p> <p>အဆင့်ချိုးဖျက်သည့်အချိန်၌ပင် ရိုနန်၏ စွမ်းအင်မှာ သိသာစွာ တိုးတက်လာခဲ့ပြီး အဆင့်၄ သို့ ခိုင်မာစွာ ဝင်ရောက်သွားခဲ့သည်။</p> <p>ဤအောင်မြင်မှုမှာ မထင်မှတ်ထားသော်လည်း လွန်စွာ ယုတ္တိရှိပေသည်။</p> <p> </p> <p>သူ၏ ခန္ဓာကိုယ် ကြံ့ခိုင်မှု၊ စိတ်စွမ်းအား၊ အာရုံခံနိုင်စွမ်းနှင့် အမြင်အာရုံတို့မှာ နယ်ပယ်သစ်တစ်ခုသို့ ကူးပြောင်းသွားခဲ့ပြီဖြစ်သည်။ စွမ်းအားသစ်နှင့် အသားကျပြီးနောက် ရိုနန်သည် အခန်းတွင်းသို့ ပြန်ဝင်သွား၏။</p> <p> </p> <p>သူသည် ဦးစွာ ရေချိုး၍ ကိုယ်ပေါ်မှ အညစ်အကြေးတို့ကို ဆေးကြောပစ်လိုက်သည်။ ထို့နောက် အဝတ်အစားသစ် လဲလှယ်၍ ဗီလာ၏ မြေအောက်ခန်းဆီသို့ ဆင်းသွား၏။</p> <p> </p> <p>ဤဗီလာမှာ အမြဲလိုလို ထူးဆန်းသော အရိပ်အယောင်များ ရှိနေခဲ့သော်လည်း ယခင်က ရိုနန်မှာ ထိုအရာကို ဖြေရှင်းနိုင်လောက်အောင် စွမ်းအားမရှိခဲ့သဖြင့် နေ့ဘက်များတွင်သာ ခေတ္တဝင်ရောက်ရင်း သည်းခံနေခဲ့ရသည်။</p> <p> </p> <p>ယခုမူကား ဤနေရာရှိ လျှို့ဝှက်အန္တရာယ်ကို အပြီးတိုင် ဖြေရှင်းရမည့်အချိန် ရောက်ရှိလာပြီ ဖြစ်ပေတော့သည်။</p> <p> </p> <p style="text-align: center;">***</p> <p> </p>


Save