Book List

<h2 style="text-align: center;">​အခန်း ၄၃၀</h2> <h2 style="text-align: center;">အံ့ဖွယ်ဖြစ်ရပ်တစ်ခု ဖြစ်ပွားခြင်း</h2> <h2 style="text-align: center;">*</h2> <p> </p> <p>​နောက်တစ်လအတွင်းမှာပင် မိစ္ဆာပေါင်း တစ်သိန်းနီးပါးသည် သန့်စင်သောဘုရင်မြို့ရှိ နေထိုင်သူများအပေါ် စေတနာထားရှိကြောင်း ပြသခဲ့ကြသည်။။</p> <p>အစပိုင်းတွင် ရုပ်ဆိုးသော မျက်နှာများရှိသည့် မိစ္ဆာများမှာ မြို့သားများ၏ ရှေ့တွင် ပေါ်လာသောအခါ လူအများအပြားမှာ ထိတ်လန့်သွားကာ မျက်နှာများ ဖြူဖျော့သွားပြီး အသက်ချမ်းသာပေးရန် ဒူးထောက် တောင်းပန်ခဲ့ကြသည်။။</p> <p>ယင်းကြောင့် မိစ္ဆာများမှာ ဘာလုပ်ရမှန်းမသိ ဖြစ်သွားကြသည်။။ သူတို့သည်လည်း မြို့သားများ၏ ရှေ့တွင် ဒူးထောက်ကာ အခါခါ ရှင်းပြခဲ့ရသည်။။</p> <p>တဖြည်းဖြည်းနှင့် ထိုသတင်း ပျံ့နှံ့သွားသောအခါ ဤမိစ္ဆာများသည် သန့်စင်သောကလေးငယ်၏ သန့်စင်ခြင်းကို ခံယူထားကြပြီး သူတို့၏ အိမ်များကို ပြုပြင်ပေးရန် ရောက်ရှိလာခြင်း ဖြစ်ကြောင်း မြို့သားအားလုံး သိသွားကြသည်။။</p> <p>မြို့သားများမှာ လင်းချီယဲ့ထံမှ သတင်း ရရှိထားပြီး ဖြစ်သည်။။ အားလုံးမှာ လုံးဝ အခမဲ့ ဖြစ်သည်။။</p> <p>ဤကဲ့သို့သော သတင်းကောင်းမျိုးကို မည်သူက မပျော်ရွှင်ဘဲ နေပါမည်နည်း။။</p> <p>သူတို့သည် ပြောင်းရွှေ့နေထိုင်ရခြင်း မဟုတ်ပေ။။ သူတို့၏ အိမ်များကို တိုးချဲ့ပြီး ပြုပြင်ခြင်းသာ ဖြစ်သည်။။</p> <p>မည်မျှပင် အိမ်ကို သံယောဇဉ် ကြီးမားသူ ဖြစ်ပါစေ၊ အခမဲ့ အဆင့်မြှင့်တင်ခွင့် ရမည်ဆိုပါက မည်သူက ငြင်းပယ်ပါမည်နည်း။။</p> <p>ထို့ကြောင့် မိစ္ဆာများစွာ၏ အကူအညီဖြင့် လူနေအိမ် အသစ်များမှာ တစ်လုံးပြီးတစ်လုံး ဆောက်လုပ်ပြီးစီးခဲ့သည်။။</p> <p>လင်းချီယဲ့ သတ်မှတ်ထားသော စီရင်ထုံးအတွက် တင်းကျပ်သည့် လိုအပ်ချက် အချို့မှလွဲ၍ ကျန်သော ဒီဇိုင်းပုံစံများကို မြို့သားများက စိတ်ကြိုက် ရွေးချယ်နိုင်ကြသည်။။</p> <p>မိစ္ဆာများသည် ကြိုးကြိုးစားစား အလုပ်လုပ်ကြသည်။။ မြို့သားများက မည်သည့် တောင်းဆိုချက်မျိုး ပြုလုပ်ပါစေ၊ သူတို့သည် အလေးအနက် ထားကာ ဆောင်ရွက်ပေးကြသည်။။</p> <p>တစ်လအတွင်းမှာပင် တာတာကျေးရွာ အနီးရှိ ရွာပေါင်း ၃၀ ကျော်ကို ပြန်လည် တည်ဆောက်ပြီးစီးခဲ့သည်။။</p> <p>“အရှင်သခင်၊ အရှင်သခင်ရဲ့ တောင်းဆိုချက်အတိုင်း သန့်စင်သောဘုရင်မြို့ တောင်ဘက် ဒေသက ရွာတွေနဲ့ မြို့တွေကို ပြန်လည် တည်ဆောက်ပြီးပါပြီ။။ ငါတို့ နောက်ထပ် မိစ္ဆာတွေကို ခေါ်ယူဖို့ အတိုင်းအဆကို တိုးချဲ့သင့်ပြီလား။။”</p> <p>ချန်ရှီနှင့် အခြားသူများက လင်းချီယဲ့ထံသို့ အစီရင်ခံကြသည်။။</p> <p>“အလျင်မလိုပါနဲ့။။ အကျိုးသက်ရောက်မှု ပေါ်လာတဲ့အခါ အဲ့ဒီ ကောင်တွေက သူတို့ဘာသာသူတို့ တောင်းပန်ပြီး လာကြလိမ့်မယ်။။” လင်းချီယဲ့က ဂရုမစိုက်သလို ပြောလိုက်သည်။။</p> <p>သူသည် ဤအချိန်အတောအတွင်း ပြင်ပလမ်းဓမ္မကို လေ့လာနေခြင်း ဖြစ်သည်။။</p> <p>သူ၏ ရုပ်ပိုင်းဆိုင်ရာ ခန္ဓာကိုယ်ကို ပြန်လည် မတည်ဆောက်နိုင်မီတွင် သူ၏ စိတ်စွမ်းအားကို မသေမျိုးအဆင့်သို့ မတက်လှမ်းရဲသေးပေ။။</p> <p>သူ၏ အင်အားကို သာ၍ တိုးတက်စေလိုပါက သူလုပ်နိုင်သည်မှာ ပြင်ပလမ်းဓမ္မ တစ်ခုကို ဖွဲ့စည်းနိုင်ရန် ကြိုးစားခြင်းနှင့် ယင်းကို သူ၏ ရုပ်ပိုင်းဆိုင်ရာ ခန္ဓာကိုယ် အစားထိုးအဖြစ် အသုံးပြုနိုင်မလားဆိုသည်ကို စစ်ဆေးခြင်းသာ ရှိသည်။။</p> <p>မိစ္ဆာအသစ်များကို ခေါ်ယူပြီး ဒုတိယမြောက်လတွင် ရွာသားများ၏ အိမ်ရှိ အမွှေးနံ့သာများသည်လည်း တစ်လတိတိ လောင်ကျွမ်းခဲ့ပြီး ဖြစ်သည်။။</p> <p>လင်းချီယဲ့က တမင်တကာ ထိန်းချုပ်စရာ မလိုဘဲ ယုံကြည်ခြင်း အင်အားစုများ၏ အစအနများသည် မိစ္ဆာများထံသို့ ခွဲဝေရောက်ရှိသွားသည်။။</p> <p>ယင်းမှာ အစအနလေးမျှသာ ရှိသော်လည်း မိစ္ဆာများသည် အဓိကအားဖြင့် ဝိညာဉ်စွမ်းအင်ကို ကျင့်ကြံကြခြင်း ဖြစ်သည်။။ ထိုယုံကြည်ခြင်း အင်အားစု၏ ကောင်းချီးနှင့် လမ်းညွှန်မှုကြောင့် သူတို့၏ ခန္ဓာကိုယ်များမှာ တစ်ခုပြီးတစ်ခု သန့်စင်သွားပြီး သူတို့၏ ဝိညာဉ်အပေါက်ငယ်များမှာ တဖြည်းဖြည်းနှင့် ကြည်လင်လာခဲ့သည်။။</p> <p>ထို့အပြင် ပြောင်းလဲသွားသော နယ်မြေမှာ လင်းချီယဲ့ ဒီဇိုင်းထုတ်ထားသော စီရင်ထုံးအတွင်း၌ ရှိနေသည်။။</p> <p>ဝိညာဉ်စွမ်းအင် သိပ်သည်းမှုမှာလည်း အပြင်လောကထက် အဆပေါင်းများစွာ သာလွန်သည်။။</p> <p>မိစ္ဆာများ၏ ကျင့်ကြံမှု အရှိန်မှာ အရင်ကထက် အနည်းဆုံး ငါးဆ ပိုမြန်လာသည်။။</p> <p> </p> <p> </p> <p style="text-align: center;">***</p> <p> </p>


Save