Book List

<h2 style="text-align: center;">အပိုင်း(၄၈၅) နိချီ</h2> <h2 style="text-align: center;">*</h2> <p> </p> <p> </p> <p>နိချီက ခါးမှ ဓားကို ဆွဲထုတ်လိုက်ပြီး ဒေါသတကြီး အော်ဟစ်လိုက်သည် "ထွက်သွားစမ်း"</p> <p> </p> <p>ငွေရောင်သတ္တုလူသားက နှုတ်ခမ်းကို သပ်လိုက်သည် "တော်တော်လေး ကြမ်းတာပဲ... ဟားဟား... မင်းလို အရိုင်းလေးမျိုးကို ငါက သဘောကျတာ"</p> <p> </p> <p>နိချီက အလွန် ဒေါသထွက်သွားပြီး ဓားကို အားကုန် လွှဲခုတ်လိုက်သည်။</p> <p> </p> <p>"ဝှစ်"</p> <p> </p> <p>ဓားကိုယ်ထည်ပေါ်တွင် ရေလှိုင်းများ ချက်ချင်း လင်းလက်သွားပြီး ရေဓားသွားတစ်ခုက ချက်ချင်း ထွက်ပေါ်လာသည်။</p> <p> </p> <p>ထို သန္ဓေပြောင်းစွမ်းအင် လက်နက်ပေါ်တွင် "ရေဓား" သင်္ကေတကို ထွင်းထုထားခြင်းပင် ဖြစ်သည်။</p> <p> </p> <p>ငွေရောင်သတ္တုလူသားက မထီမဲ့မြင် ပြုံးလိုက်ပြီး ရှောင်တိမ်းခြင်းပင် မရှိဘဲ လက်ကို ဝှေ့ယမ်းလိုက်သည်။</p> <p> </p> <p>သတ္တုလက်မောင်းက ဒိုင်းခနဲ အသံနှင့်အတူ ရေဓားသွားကို ကာကွယ်လိုက်သည်။</p> <p> </p> <p>ရေဓားသွားက ရွှမ်းခနဲ အသံနှင့်အတူ ရေစက်ရေပေါက်များအဖြစ်သို့ တိုက်ရိုက် ပေါက်ကွဲကျဆင်းသွားသည်။</p> <p> </p> <p>သူက လှောင်ပြောင်ရယ်မောလိုက်သည် "ကောင်လေး... မင်းရဲ့ သတ္တိကို ငါ တော်တော်လေး အသိအမှတ်ပြုတယ်... ဒါပေမဲ့ နှမြောစရာကောင်းတာက သာမန် အစွမ်းပိုင်ရှင်နဲ့ မျိုးရိုးဗီဇမျိုးစေ့ကို စုစည်းနိုင်တဲ့ အစွမ်းပိုင်ရှင်တွေကြားက ကွာဟချက်က ဘယ်လောက်တောင် ကြီးမားလဲဆိုတာကို မင်း လုံးဝ နားမလည်တာပဲ"</p> <p> </p> <p>ထိုသို့ပြောပြီးသည်နှင့် သူက ခြေကို အားကုန် ဆောင့်နင်းလိုက်ရာ တစ်ကိုယ်လုံးက ချက်ချင်း ပေါက်ကွဲထွက်သွားပြီး ငွေရောင် အရိပ်တစ်ခုအလား နိချီထံသို့ ချက်ချင်း ပြေးဝင်သွားတော့သည်။</p> <p> </p> <p>သူ၏ အလျင်က အလွန် မြန်ဆန်လှပြီး အလျင် အမျိုးအစား အစွမ်းပိုင်ရှင် မဟုတ်သော်လည်း ဤလူ၏ သွက်လက်မှု အရည်အသွေးက အလွန် မြင့်မားနေသည်မှာ သံသယဖြစ်ဖွယ် မရှိပေ။</p> <p> </p> <p>နိချီက သူ၏ ရင်ဘတ်ကို ကပျာကယာ ပုတ်လိုက်ရာ ချပ် ချပ် ချပ် ဟူသော အသံများ ထွက်ပေါ်လာသည်။</p> <p> </p> <p>နောက်တစ်စက္ကန့်တွင် သတ္တုချပ်ဝတ်တန်ဆာ အမြောက်အမြားက တစ်ကိုယ်လုံးကို ဖုံးလွှမ်းသွားသည်။</p> <p> </p> <p>ရွှေကြေးခွံချပ်ဝတ် သင်္ကေတကျောက်တုံးက စတင် အလုပ်လုပ်သွားပြီး ယင်းမျှမက သူ၏ တစ်ကိုယ်လုံးရှိ အရေပြားပေါ်တွင် မြေဝါရောင် အကြေးခွံအလွှာတစ်ခုကပါ ဖုံးလွှမ်းသွားသေးသည်။</p> <p> </p> <p>ကျောက်အကြေးခွံ အကာအကွယ်။</p> <p> </p> <p>သူ၏ တစ်ကိုယ်လုံးကို ချပ်ဝတ်တန်ဆာများ ဖုံးလွှမ်းသွားသည်ကို တွေ့လိုက်ရပြီး တစ်ချိန်တည်းမှာပင် သူ၏ ခန္ဓာကိုယ်က ရုတ်တရက် ကျုံ့ဝင်သွားကာ ထက်ဝက်ခန့် သေးငယ်သွားတော့သည်။</p> <p> </p> <p>ထို သတ္တုဓာတ် အစွမ်းပိုင်ရှင်၏ လက်သီးက ချက်ချင်း လွဲချော်သွားပြီး သူ၏ ခန္ဓာကိုယ်က အနည်းငယ် ယိုင်နဲ့သွားသည်။</p> <p> </p> <p>ထိုအချိန်မှာပင် နိချီ၏ ခန္ဓာကိုယ်က မူလပုံစံသို့ ပြန်လည်ရောက်ရှိသွားပြီး အလွန် လျင်မြန်စွာ ဆုတ်ခွာသွားသည့် တစ်ချိန်တည်းမှာပင် သန္ဓေပြောင်းစွမ်းအင် သေနတ်တစ်လက်ကို ဆွဲထုတ်လိုက်သည်။</p> <p> </p> <p>"ဒိုင်း"</p> <p> </p> <p>စွမ်းအင်ကျည်ဆန် တစ်တောင့်က တိုက်ရိုက် ပေါက်ကွဲထွက်ပေါ်လာသည်။</p> <p> </p> <p>ဤစွမ်းအင်ကျည်ဆန်မှာ မီးတောက်လို နီရဲနေပြီး ပစ်ခတ်လိုက်သည်နှင့် တစ်ပြိုင်နက် လေကို ခွင်းသွားသော စူးရှသည့် အသံတစ်ခု ချက်ချင်း ထွက်ပေါ်လာသည်။</p> <p> </p> <p>သတ္တုလူသားက နောက်လှည့်မကြည့်ဘဲ လက်ကို ဝှေ့ယမ်းကာ စွမ်းအင်ကျည်ဆန်ကို ရိုက်ထုတ်ရန် ကြံရွယ်လိုက်သည်။</p> <p> </p> <p>သို့သော် ထိုသို့ ရိုက်လိုက်မိသည်နှင့် တစ်ပြိုင်နက် ဘုန်းခနဲ အသံနှင့်အတူ စွမ်းအင်ကျည်ဆန်က တိုက်ရိုက် ပေါက်ကွဲသွားတော့သည်။</p> <p> </p> <p>ယင်းက ပေါက်ကွဲသင်္ကေတ ကျည်ဆန်တစ်တောင့် ဖြစ်နေခြင်းပင် ဖြစ်သည်။</p> <p> </p> <p>သတ္တုလူသား၏ လက်ဝါးက ချက်ချင်း မည်းတူးသွားသော်လည်း မည်းတူးသွားရုံသာ ဖြစ်ပေသည်။</p> <p> </p> <p>စွမ်းအင်ကျည်ဆန်၏ အစွမ်းက သူ၏ ခုခံကာကွယ်မှုကို ဖျက်ဆီးရန် မလုံလောက်ပေ။</p> <p> </p> <p>သူက မိမိ၏ လက်ဝါးကို တစ်ချက် ကြည့်လိုက်ပြီးနောက် လှောင်ပြောင်ရယ်မောလိုက်သည်။</p> <p> </p> <p>"ဒါက မင်းရဲ့ ဝှက်ဖဲလား"</p> <p> </p> <p>နိချီက မျက်မှောင်ပင့်လိုက်ပြီး နှုတ်ခမ်းထောင့်တွင် အပြုံးတစ်ခု ပေါ်လာသည် "ဘယ်ဟုတ်မှာလဲ"</p> <p> </p> <p>"ဟမ်"</p> <p> </p> <p>သတ္တုလူသားက မျက်မှောင် အနည်းငယ် ကြုတ်လိုက်သည်။</p> <p> </p> <p>နောက်တစ်စက္ကန့်တွင် သူက တစ်စုံတစ်ခုကို ရုတ်တရက် သတိထားမိသွားပြီး ပတ်ဝန်းကျင်ကို အလျင်အမြန် လှမ်းကြည့်လိုက်သည်။</p> <p> </p> <p>သို့သော် ပတ်ဝန်းကျင်ရှိ မြေပြင်ပေါ်တွင် မည်သည့်အချိန်ကတည်းက သင်္ကေတကျောက်တုံး အမြောက်အမြား ထွက်ပေါ်နေမှန်း မသိရပေ။</p> <p> </p> <p>"အစီအရင် ဖွင့်"</p> <p> </p> <p>နိချီက အားကုန် အော်ဟစ်လိုက်သည်။</p> <p> </p> <p>နောက်တစ်စက္ကန့်တွင် ထိုသင်္ကေတကျောက်တုံးများက ရုတ်တရက် အလင်းရောင်များ တောက်ပလာသည်။</p> <p> </p> <p>မျက်စိတစ်မှိတ်အတွင်းမှာပင် အနီးအနားတွင် ကြီးမားသော အနီရောင် အလင်းတန်း အစီအရင်ကြီး တစ်ခု ဖြစ်ပေါ်လာသည်။</p> <p> </p> <p>သတ္တုလူသားက ထိုအထဲတွင် ပိတ်မိသွားပြီး သူ၏ ခန္ဓာကိုယ်တွင်းရှိ သန္ဓေပြောင်းစွမ်းအင်များ လည်ပတ်မှု မချောမွေ့တော့ကြောင်း ချက်ချင်း ခံစားလိုက်ရသည်။</p> <p> </p> <p>သတ္တုပြောင်းလဲထားသော ခန္ဓာကိုယ်ကပင် သာမန် သွေးသားခန္ဓာကိုယ်အဖြစ်သို့ အလျင်အမြန် ပြန်လည် ဆုတ်ယုတ်သွားတော့သည်။</p> <p> </p> <p>"သန္ဓေပြောင်းစွမ်းအင် ချိတ်ပိတ်အစီအရင်"</p> <p> </p> <p>သတ္တုလူသား၏ မျက်နှာက ပျက်ယွင်းသွားပြီး ကပျာကယာ လှည့်ပြေးကာ အစီအရင် နယ်ပယ်အတွင်းမှ အမြန်ဆုံး ထွက်ခွာရန် ကြံရွယ်လိုက်သည်။</p> <p> </p> <p>သို့သော် သူ လှုပ်ရှားလိုက်သည်နှင့် ရုတ်တရက် သူ၏ ခြေအောက်တွင် ကြီးမားသော ခွန်အားနှစ်ခု ထွက်ပေါ်လာရာ သူ ပြန်လည် တုံ့ပြန်ရန် အချိန်မရလိုက်ဘဲ တစ်ကိုယ်လုံးက ရုတ်တရက် မ,တင်ခံလိုက်ရသည်။</p> <p> </p> <p>တစ်ချိန်တည်းမှာပင် သူ၏ စိတ်အာရုံကလည်း ချက်ချင်း ဝေဝါးသွားပြီး မျက်စိရှေ့တွင် ပြာဝေသွားကာ သူက သစ်တောထဲတွင် ရှိမနေတော့သည်ကို တွေ့လိုက်ရသည်။</p> <p> </p> <p>"စိတ်စွမ်းအင် အာရုံလှည့်စားမှု"</p> <p> </p> <p>သူ၏ စိတ်ထဲတွင် အံ့ဩဒေါသထွက်သွားပြီး အနည်းငယ် မယုံနိုင် ဖြစ်သွားသည်။</p> <p> </p> <p>အဘယ်ကြောင့်ဆိုသော် သူက အစမှအဆုံးတိုင်အောင် အခြား ရန်သူများ ချဉ်းကပ်လာသည်ကို မတွေ့ခဲ့ရသောကြောင့်ပင် ဖြစ်သည်။</p> <p> </p> <p>ထို့ပြင် စောစောက ကောင်လေးက ဘယ်အချိန်ကတည်းက အစီအရင်ကို ခင်းကျင်းထားခဲ့တာလဲ။</p> <p> </p> <p>အတွေးများ အလျင်အမြန် ပြောင်းလဲသွားစဉ် သူ၏ လည်ပင်းတွင် ရုတ်တရက် လည်ပတ်တစ်ခု ချက်ချင်း စွပ်ခံလိုက်ရကြောင်း ခံစားလိုက်ရသည်။</p> <p> </p> <p>ထို့နောက် သူ၏ သန္ဓေပြောင်းစွမ်းအင်ကို ထပ်မံ အသုံးပြု၍ မရတော့ကြောင်း သတိထားမိလိုက်သည်။</p> <p> </p> <p>"သန္ဓေပြောင်းစွမ်းအင် ချိတ်ပိတ်လည်ပတ်"</p> <p> </p> <p>"ဘယ်လိုလုပ် ဖြစ်နိုင်မှာလဲ... သူတို့ဆီမှာ ဘယ်လိုလုပ်ပြီး ဒီလိုပစ္စည်းတွေ ရှိနေရတာလဲ"</p> <p> </p> <p>သတ္တုဓာတ် အစွမ်းပိုင်ရှင်က မယုံနိုင် ဖြစ်နေသည်။ ဤ သန္ဓေပြောင်းစွမ်းအင် ချိတ်ပိတ်လည်ပတ်များက သူတို့ ဝိညာဉ်စွမ်းအင်ဂိုဏ်း၏ လျှို့ဝှက်လက်နက် ဖြစ်ရာ ထိုက်ယန်တောင်တွင် ဘယ်လိုလုပ်ပြီး ရှိနေရသနည်း။</p> <p> </p> <p>ဤသို့ တွေးတောနေစဉ် သူက အများကြီး စဉ်းစားရန် အချိန်မရတော့ဘဲ လောလောဆယ်တွင် လွတ်မြောက်အောင် လုပ်ရမည် ဖြစ်သည်။</p> <p> </p> <p>ချက်ချင်းပင် သူက သူ၏ ခန္ဓာကိုယ်တွင်းရှိ သန္ဓေပြောင်းစွမ်းအင်ကို ရူးသွပ်စွာ လှုံ့ဆော်လိုက်ပြီး တစ်ချိန်တည်းမှာပင် မျိုးရိုးဗီဇမျိုးစေ့က တိုက်ရိုက် ပေါက်ကွဲထွက်လာကာ မျိုးရိုးဗီဇ စွမ်းအင် အမြောက်အမြား စုစည်းရောက်ရှိလာတော့သည်။</p> <p> </p> <p>ပတ်ဝန်းကျင်ရှိ သန္ဓေပြောင်းစွမ်းအင် ချိတ်ပိတ်အစီအရင်၏ အလင်းရောင်များက အလျင်အမြန် တလက်လက် တောက်ပနေပြီး သင်္ကေတကျောက်တုံးများ အတွင်းရှိ စွမ်းအင်များက အလျင်အမြန် ကုန်ဆုံးသွားသည်။</p> <p> </p> <p>ဤမြင်ကွင်းကို မြင်လိုက်ရသောအခါ နိချီ၏ မျက်နှာက အကြီးအကျယ် ပျက်ယွင်းသွားပြီး စိုးရိမ်တကြီး အော်ဟစ်လိုက်သည် "အမကော... သူ့ကို သတ်လိုက်တော့... သူ့ကို ထိန်းချုပ်ထားလို့ မရတော့ဘူး"</p> <p> </p> <p>သို့သော် မြက်ခင်းပြင်ထဲမှ အရပ် ၁၂ လက်မခန့်သာ ရှိသော လူပုလေးတစ်ယောက် ခုန်ထွက်လာသည်ကို တွေ့လိုက်ရသည်။</p> <p> </p> <p>ထိုသူမှာ ကောပိုင်ကျွမ်း၏ အစုရှယ်ယာရှင်များထဲမှ တစ်ဦးဖြစ်သော ကောကျဲပင် ဖြစ်နေသည်။</p> <p> </p> <p>သူမက စိတ်စွမ်းအင် အာရုံလှည့်စားမှုဖြင့် တစ်ဖက်လူကို အစွမ်းကုန် ထိန်းချုပ်ထားသော်လည်း တစ်ဖက်လူ၏ အစွမ်းထက်သော စိတ်စွမ်းအင်ကို ခံစားလိုက်ရသည်။</p> <p> </p> <p>ချက်ချင်းပင် သူမက နောက်ကျောရှိ လှံတံတစ်ချောင်းကို ဆွဲယူလိုက်ပြီး အော်ဟစ်လိုက်သည် "အားလုံး အတူတူ တိုက်ကြ... သူ့ကို သတ်လိုက်"</p> <p> </p> <p>သတ္တုလူသား၏ ခြေနှစ်ဖက်ကို ဖမ်းဆွဲထားသော ၁၂ လက်မအရွယ် လူပုလေး နှစ်ယောက်ကလည်း တစ်ချိန်တည်းမှာပင် အော်ဟစ်လိုက်သည် "စမယ်"</p> <p> </p> <p>သူတို့က ကိုယ်စီ လက်နက်များကို ဆွဲထုတ်လိုက်ကြပြီး နောက်တစ်စက္ကန့်တွင် နိချီ၏ သန္ဓေပြောင်းစွမ်းအင် ထိန်းချုပ်မှုအောက်၌ ...</p> <p> </p> <p>ထိုသူ သုံးယောက်၏ ခန္ဓာကိုယ်များက ချက်ချင်း ကြီးမားလာပြီး ပုံမှန် အရပ်အမောင်းသို့ ပြန်လည်ရောက်ရှိသွားတော့သည်။</p> <p> </p> <p>သူတို့ သုံးယောက်က အတူတကွ တိုက်ခိုက်လိုက်ကြရာ လှံတံ၊ အရိုးဓားနှင့် အရိုးဓားရှည်တို့က အသီးသီး ကျဆင်းလာသည်။</p> <p> </p> <p>"စွပ်... စွပ်... စွပ်"</p> <p> </p> <p>ဓားနှင့် လှံများက သတ္တုဓာတ် အစွမ်းပိုင်ရှင်၏ ဆုတ်ယုတ်သွားသော သွေးသားခန္ဓာကိုယ်ထဲသို့ ချက်ချင်း ထိုးဖောက်ဝင်ရောက်သွားသည်။</p> <p> </p> <p>ချက်ချင်းပင် ထိုသတ္တုဓာတ် အစွမ်းပိုင်ရှင်က ဒေါသတကြီး အော်ဟစ်လိုက်သည်။</p> <p> </p> <p>"အား"</p> <p> </p> <p>သူ၏ ခန္ဓာကိုယ် မျက်နှာပြင်ပေါ်တွင် ငွေရောင် အလင်းတန်းများ တလက်လက် တောက်ပလာပြီး အားကုန် ရုန်းကန်လိုက်သည်ကို တွေ့လိုက်ရသည်။</p> <p> </p> <p>မျိုးရိုးဗီဇမျိုးစေ့က အစွမ်းကုန် ပေါက်ကွဲထွက်လာမှုအောက်တွင် သန္ဓေပြောင်းစွမ်းအင် ချိတ်ပိတ်အစီအရင်၏ ဖိနှိပ်မှုမှ ချက်ချင်း ရုန်းထွက်သွားနိုင်ခဲ့သည်။</p> <p> </p> <p>တစ်ချိန်တည်းမှာပင် တစ်ကိုယ်လုံးတွင် သတ္တုအရောင်များ အဆက်မပြတ် လည်ပတ်နေပြီး လက်သီးတစ်ချက် ပစ်သွင်းလာသည်။</p> <p> </p> <p>သူ၏ လက်မောင်းက ချွန်ထက်သော လှံရှည်ကြီး တစ်ချောင်းအလား ပတ်ဝန်းကျင်ရှိ အရာအားလုံးကို ရူးသွပ်စွာ ထိုးနှက်လိုက်သည်။</p> <p> </p> <p>ထိုက်ယန်တောင်ဘက်မှ ခွန်အား အမျိုးအစား အစွမ်းပိုင်ရှင်က ရှောင်တိမ်းရန် အချိန်မရလိုက်ဘဲ ဖွတ်ခနဲ အသံနှင့်အတူ ရင်ဘတ်ကို လက်သီးဖြင့် အထိုးခံလိုက်ရသည်။</p> <p> </p> <p>ကျောက်အကြေးခွံ အကာအကွယ်က ပေါက်ကွဲသွားပြီး သူက လိပ်ခွံစွမ်းအင်အကာအကွယ်နှင့် အခြား ကာကွယ်ရေး ချပ်ဝတ်တန်ဆာများကို ဖွင့်လှစ်ရန် အချိန်မရလိုက်ပေ။</p> <p> </p> <p>ချက်ချင်းပင် အသက်ပျောက်သွားတော့သည်။</p> <p> </p> <p>ဤမြင်ကွင်းကို မြင်လိုက်ရသောအခါ အခြား ခွန်အား အမျိုးအစား အစွမ်းပိုင်ရှင်က ချက်ချင်း မျက်လုံးများ ပြူးကျယ်သွားပြီး အော်ဟစ်လိုက်သည်။ "အစ်ကိုဆွန်း"</p> <p> </p> <p>ချက်ချင်းပင် သူက ကျယ်လောင်စွာ အော်ဟစ်လိုက်ပြီး သတ္တုလူသား၏ ခန္ဓာကိုယ်ပေါ်သို့ အားကုန် ခုန်အုပ်လိုက်ကာ တစ်ကိုယ်လုံးရှိ ခွန်အားများကို အသုံးပြု၍ တစ်ဖက်လူကို တင်းကြပ်စွာ ဖက်ထားလိုက်သည်။</p> <p> </p> <p>သတ္တုလူသားက အစွမ်းကုန် ရုန်းကန်သော်လည်း ခွန်အားက သူ၏ အားသာချက် မဟုတ်သောကြောင့် တစ်ခဏအတွင်း တစ်ဖက်လူကို ခါထုတ်ပစ်ရန် မတတ်နိုင်ဖြစ်နေသည်။</p> <p> </p> <p>ခွန်အား အမျိုးအစား အစွမ်းပိုင်ရှင်က ကောကျဲနှင့် နိချီတို့ဘက်သို့ လှည့်ကာ ဒေါသတကြီး အော်ဟစ်လိုက်သည် "လုပ်ကြလေ"</p> <p> </p> <p>ကောကျဲက သွားကို တင်းတင်းကြိတ်လိုက်ပြီး ရှေ့သို့ တစ်လှမ်း တိုးကာ ပြောလိုက်သည် "သေလိုက်စမ်း"</p> <p> </p> <p>လှံတံက သတ္တုလူသား၏ နဖူးဆီသို့ အားကုန် ထိုးစိုက်သွားသည်။</p> <p> </p> <p>သတ္တုလူသားက ယခုအခါတွင် သတ္တုပြောင်းလဲထားပြီးဖြစ်ရာ လှံတံကို လုံးဝ မကြောက်ရွံ့ပေ။</p> <p> </p> <p>ချွင်ခနဲ အသံတစ်သံကိုသာ ကြားလိုက်ရပြီး လှံတံ၏ ထိပ်ဖျားကပင် ကွေးကောက်သွားသည်။</p> <p> </p> <p>သို့သော် သူ၏ ဦးခေါင်းကိုတော့ ဖောက်ထွင်းနိုင်ခြင်း မရှိပေ။</p> <p> </p> <p>တစ်ချိန်တည်းမှာပင် ဤသတ္တုလူသားက ခေါင်းဖြင့် အားကုန် ဆောင့်ကာ ခွန်အား အမျိုးအစား အစွမ်းပိုင်ရှင်ကို ပြင်းထန်စွာ တိုက်ခိုက်လိုက်သည်။</p> <p> </p> <p>ဤခွန်အား အမျိုးအစား အစွမ်းပိုင်ရှင်က ခေါင်းကို ကပျာကယာ စောင်းလိုက်ပြီး သူနှင့် အားကုန် တင်းကြပ်စွာ ဖက်ထားလိုက်ကာ လည်ပင်းချင်း ကပ်ထားလိုက်သည်။</p> <p> </p> <p>ဤတစ်ကြိမ်တွင် သတ္တုဓာတ် အစွမ်းပိုင်ရှင်က အသေအချာ မတိုက်မိလိုက်သော်လည်း သူက သာမန် သတ္တုဓာတ် အစွမ်းပိုင်ရှင်များနှင့် မတူဘဲ အရည်အဖြစ်သို့ ပြောင်းလဲနိုင်သည်။</p> <p> </p> <p>သူ၏ ခန္ဓာကိုယ်က အလျင်အမြန် ပျော့ပျောင်းသွားပြီး အရည်အိုင်တစ်ခုအလား ချက်ချင်း အရည်ပျော်ကျကာ ထွက်ပြေးရန် စတင်လိုက်သည်ကို တွေ့လိုက်ရသည်။</p> <p> </p> <p>ထိုသို့ မြင်လိုက်ရသောအခါ ရှိနေသူအားလုံးက အလွန် စိုးရိမ်သွားကြသည်။</p> <p> </p> <p>မျိုးရိုးဗီဇမျိုးစေ့ အစွမ်းပိုင်ရှင်တစ်ယောက်ကို သန္ဓေပြောင်းစွမ်းအင် ချိတ်ပိတ်အစီအရင်က ဖိနှိပ်ထား၍ မရနိုင်ဘဲ လူသုံးယောက် ပူးပေါင်းတိုက်ခိုက်လျှင်တောင်မှ တစ်ဖက်လူကို သတ်ဖြတ်နိုင်ခြင်း မရှိပေ။</p> <p> </p> <p>အန္တရာယ်များသော အချိန်တွင် နိချီက ကပျာကယာ ပြေးလာပြီး အလွန် သေးငယ်သော ဆေးတောင့်ပုံစံ ပစ္စည်းတစ်ခုကို ထုတ်ယူကာ ထိုသတ္တုအစုအဝေးဆီသို့ အားကုန် ပစ်ပေါက်လိုက်သည်။</p> <p> </p> <p>"ဝုန်း"</p> <p> </p> <p>ဆေးတောင့်က ပေါက်ကွဲသွားပြီး ချက်ချင်းဆိုသလို ဟင်းလင်းပြင် ပူဖောင်းတစ်ခု ထွက်ပေါ်လာသည်။</p> <p> </p> <p>ဤဟင်းလင်းပြင် ပူဖောင်းက ဆေးတောင့်ကို ဖောက်ထွက်လာသည့် တစ်ခဏအတွင်း ချက်ချင်း ကြီးမားလာပြီး အရပ် ၇ ပေကျော် မြင့်သော ဟင်းလင်းပြင် ပူဖောင်းအဖြစ်သို့ ချက်ချင်း ပြန်လည်ရောက်ရှိသွားသည်။</p> <p> </p> <p>ဤပူဖောင်းက ထိုအရည်သတ္တု အစုအဝေးကို ချက်ချင်း ဖုံးအုပ်လိုက်သည်။</p> <p> </p> <p>တစ်ချိန်တည်းမှာပင် ဟင်းလင်းပြင် ပူဖောင်း အတွင်းတွင် အစိမ်းနုရောင် ဓာတ်ငွေ့များက အဆက်မပြတ် လည်ပတ် ထွက်ပေါ်နေသည်။</p> <p> </p> <p>ဟင်းလင်းပြင် ပူဖောင်း အတွင်းတွင် ဝိညာဉ်စွမ်းအင်ဂိုဏ်းမှ ဤသတ္တုဓာတ် အစွမ်းပိုင်ရှင်က ခေါင်းမော့လာသော်လည်း အရပ်မျက်နှာကို မခွဲခြားနိုင်ဘဲ ဘယ်ညာ ထိုးဖောက်ရန် ကြိုးစားသော်လည်း ဟင်းလင်းပြင် ပူဖောင်းပေါ်သို့သာ ဝင်တိုက်မိနေတော့သည်။</p> <p> </p> <p>တစ်ချိန်တည်းမှာပင် အစိမ်းရောင် ဓာတ်ငွေ့ အမြောက်အမြားက သူ၏ ခန္ဓာကိုယ်ထဲသို့ စိမ့်ဝင်သွားရာ သူက ပုံမှန် မဟုတ်ကြောင်းကို သတိထားမိလိုက်သည်။</p> <p> </p> <p>သူ၏ စိတ်စွမ်းအင်က ကောကျဲ၏ စိတ်စွမ်းအင် အာရုံလှည့်စားမှုကြောင့် တွေဝေနေဆဲ ဖြစ်ရာ ယခု အခြေအနေကို မခွဲခြားနိုင် ဖြစ်နေသည်။</p> <p> </p> <p>ယခုအခါ သူက သတ္တုလက်သီးကို အားကုန် လွှဲယမ်းကာ ပတ်ဝန်းကျင်ရှိ ဟင်းလင်းပြင် အကာအရံများကို ရူးသွပ်စွာ ထုရိုက်နေရုံသာ တတ်နိုင်တော့သည်။</p> <p> </p> <p>"အုန်း... အုန်း... အုန်း"</p> <p> </p> <p>လက်သီးတစ်ချက်... လက်သီးနှစ်ချက်... လက်သီးသုံးချက်...</p> <p> </p> <p>မသိမသာဖြင့် သူ၏ လက်သီးလွှဲသည့် အရှိန်က တဖြည်းဖြည်း နှေးကွေးလာပြီး တဖြည်းဖြည်း အားနည်းလာသည်။</p> <p> </p> <p>"အဆိပ်တွေရှိနေတာပဲ"</p> <p> </p> <p>သတ္တုဓာတ် အစွမ်းပိုင်ရှင်က အံ့ဩဒေါသထွက်သွားပြီး မျှော်လင့်ချက် ကင်းမဲ့စွာဖြင့် ဟင်းလင်းပြင် အကာအရံ အတွင်းတွင် ရူးသွပ်စွာ ထုရိုက်နေတော့သည်။</p> <p> </p> <p>သို့သော် ဤဟင်းလင်းပြင် အကာအရံမှာ လီချင်းဟွာ ဖန်တီးထားသော ဟင်းလင်းပြင် ပူဖောင်းဖြစ်ရာ ထိုမျှ လွယ်လွယ်ကူကူ ဖျက်ဆီးပစ်နိုင်စွမ်း မရှိပေ။</p> <p> </p> <p>မည်သို့ပင်ဆိုစေ လီချင်းဟွာက ဤဟင်းလင်းပြင် ပူဖောင်းကို ဖန်တီးသည့်အချိန်တွင် အဓိက အရည်အသွေးက အမှတ် ၅၀ ရောက်နေပြီဖြစ်ပြီး မျိုးရိုးဗီဇမျိုးစေ့ အစွမ်းပိုင်ရှင်များနှင့် ခြေတစ်လှမ်းသာ ကွာဝေးတော့သည်။</p> <p> </p> <p>ထို့ကြောင့် သူ၏ ဟင်းလင်းပြင် ပူဖောင်း အကာအရံမှာ အစပိုင်းကလို လင်းယွမ်က အကြမ်းဖက်ပြီး အတင်းအဓမ္မ ဖွင့်လှစ်နိုင်သည့် အဆင့်မျိုး မဟုတ်တော့ပေ။</p> <p> </p> <p>အနည်းဆုံးတော့ မျက်စေ့အောက်ရှိ ဤသတ္တုဓာတ် မျိုးရိုးဗီဇမျိုးစေ့ အစွမ်းပိုင်ရှင်က ဖျက်ဆီးပစ်နိုင်စွမ်း မရှိပေ။</p> <p> </p> <p>အစိမ်းနုရောင် အဆိပ်ငွေ့များက တဖြည်းဖြည်း မှေးမှိန်သွားပြီး အဆိပ်ငွေ့ အများစုကို သတ္တုဓာတ် အစွမ်းပိုင်ရှင်က စုပ်ယူသွားပြီ ဖြစ်သည်။</p> <p> </p> <p>သူ၏ ငွေရောင် အရေပြားပေါ်တွင် ကြီးမားသော အစိမ်းရောင် အစက်အပြောက်များ ထွက်ပေါ်လာသည်ကို တွေ့လိုက်ရသည်။</p> <p> </p> <p>သူ၏ သန္ဓေပြောင်းစွမ်းအင်များက အဆက်မပြတ် လှုပ်ခတ်နေသော်လည်း အလျင်အမြန် အားနည်းသွားသည်။</p> <p> </p> <p>သူ၏ အရေပြားက ငွေရောင်မှနေ၍ တဖြည်းဖြည်း အသားရောင်အဖြစ်သို့ ပြောင်းလဲသွားပြီးနောက် အစိမ်းရောင်အဖြစ်သို့ ထပ်မံ ပြောင်းလဲသွားသည်။</p> <p> </p> <p>မိနစ်အနည်းငယ် အကြာတွင် သူက လုံးဝ မလှုပ်ရှားတော့ပေ။</p> <p> </p> <p>ဤမြင်ကွင်းကို မြင်လိုက်ရသောအခါ နိချီက သက်ပြင်းတစ်ချက် ချလိုက်ပြီး ကပျာကယာ ပြေးသွားကာ ဟင်းလင်းပြင် ပူဖောင်းကို ကျုံ့ဝင်သွားစေပြီးနောက် အလျင်အမြန် သိမ်းဆည်းလိုက်ကာ ပြောလိုက်သည် "မြန်မြန် သွားရအောင်"</p> <p> </p> <p>ကောကျဲက မနေနိုင်ဘဲ မေးလိုက်သည်။ "သူ သေသွားပြီလား"</p> <p> </p> <p>နိချီက ပြန်ဖြေလိုက်သည်။ "သေဖို့ ရာခိုင်နှုန်း များတယ်... အဲဒီ အစိမ်းရောင် ဓာတ်ငွေ့တွေက ဒေါက်တာရန် ထိုက်ယန်တောင်က သန္ဓေပြောင်း အပင်တွေဆီကနေ ထုတ်ယူထားတဲ့ သန့်စင်နှုန်း မြင့်မားတဲ့ အဆိပ်ငွေ့တွေပဲ"</p> <p> </p> <p>"ကောင်းတယ်... သေတာ ကောင်းတယ်" ဘေးမှ ခွန်အား အမျိုးအစား အစွမ်းပိုင်ရှင်က မောဟိုက်စွာဖြင့် ပြောလိုက်သည်။</p> <p> </p> <p>သူတို့ သုံးယောက်က မူလနေရာမှ အလျင်အမြန် ထွက်ခွာသွားကြသည်။</p> <p> </p> <p>အလားတူ တိုက်ပွဲများက နေရာအနှံ့အပြားတွင် ဖြစ်ပွားနေသည်။</p> <p> </p> <p>ယခုအချိန်တွင် ထိုက်ယန်တောင်၏ မြို့ရိုးအောက်ကသာ အဓိက စစ်တလင်း ဖြစ်နေပေသည်။</p> <p> </p> <p>ဂိုဏ်းကြီးသုံးဂိုဏ်းမှ အစွမ်းပိုင်ရှင်များက ထိုက်ယန်တောင်၏ မီးဝါးတော အနီးသို့ တဖွဲဖွဲ စုရုံးရောက်ရှိလာကြသည်ကို တွေ့လိုက်ရသည်။</p> <p> </p> <p>ရေနတ်ဘုရားဂိုဏ်း၏ ကပ်ရောဂါ ယဇ်ပုရောဟိတ် ဟန်ထိုက်၊ မြေမိခင်ဂိုဏ်း၏ ဂိုဏ်းအုပ်ကြီး သုံးပါးထဲမှ တစ်ပါးဖြစ်သော သစ်တောဂိုဏ်းအုပ် လင်းကွမ်ချွန်း၊ ဝိညာဉ်စွမ်းအင်ဂိုဏ်း၏ ကောင်စီဥက္ကဋ္ဌ ခုနစ်ဦးထဲမှ တစ်ဦးဖြစ်သော ကျန်းကော်ချန်။</p> <p> </p> <p>ခေါင်းဆောင် သုံးဦးစလုံး ရောက်ရှိနေကြပြီ ဖြစ်သည်။</p> <p> </p> <p>ထိုအထဲတွင် လင်းကွမ်ချွန်းမှာ အသက် လေးဆယ်ကျော် အရွယ်ခန့် ရှိပုံရသော လူလတ်ပိုင်း တစ်ဦးဖြစ်ပြီး အသားအရည်က မည်းနက်ကာ လယ်သမားအိုကြီး တစ်ဦးအလား ဝတ်ဆင်ထားပြီး ဝါးဖြင့် ရက်လုပ်ထားသော ခမောက်တစ်လုံးကို ဆောင်းထားကာ လက်ထဲတွင် ထမ်းပိုးနှင့်တူသော တုတ်ရှည်ကြီး တစ်ချောင်းကို ကိုင်ဆောင်ထားသည်။</p> <p> </p> <p>ကျန်းကော်ချန်ကလည်း အသက် လေးဆယ်ဝန်းကျင်ခန့် ရှိပုံရပြီး ဘေးနှစ်ဖက်ရှိ ဆံပင်စပ်များက သိသိသာသာ နောက်ဆုတ်နေကာ ခေါင်းပေါ်တွင် ပါးလွှာသော ဦးရေပြား တစ်လွှာသာ ရှိပေသည်။</p> <p> </p> <p>သူ၏ ခန္ဓာကိုယ်က ကြွက်သားများ ထစ်ဖုနေပုံရပြီး အလွန် ဖိနှိပ်နိုင်စွမ်း ရှိပေသည်။</p> <p> </p> <p>သူတို့ သုံးဦး စုဆုံမိကြပြီး နောက်ကျောဘက်ရှိ အစွမ်းပိုင်ရှင်များကလည်း အနည်းအကျဉ်း မဟုတ်ဘဲ ရှေ့ဘက်ရှိ ထိုက်ယန်တောင်၏ မီးဝါးတောကို တိုက်ခိုက်နေသော အစွမ်းပိုင်ရှင်များမှာ လူရာဂဏန်းအထိ ရှိနေပေသည်။</p> <p> </p> <p>သို့သော် မီးဝါးတော ဘက်တွင်မူ တောင်ပတ်လမ်းပေါ်၌ ခိုင်ခံ့သော နံရံကြီးများကို စောစောစီးစီးကပင် တည်ဆောက်ထားခဲ့ပြီ ဖြစ်သည်။</p> <p> </p> <p>နံရံကြီးပေါ်တွင် ကင်းစင်များ အစီအရီ ရှိနေပြီး လေးသမားများက မြှားများကို အဆက်မပြတ် ပစ်ခတ်နေကြသည်။</p> <p> </p> <p>မြှားများက လေကို ခွင်းကာ ပျံသန်းလာပြီး ချိတ်ပိတ်မြှား၊ ပေါက်ကွဲမြှား၊ ရေမြှား စသည့် သန္ဓေပြောင်းစွမ်းအင် မြှားအမျိုးမျိုး ရှိပေသည်။</p> <p> </p> <p>အောက်ဘက်ရှိ မျိုးရိုးဗီဇမျိုးစေ့ အစွမ်းပိုင်ရှင်များမှာ အယောက်နှစ်ဆယ်အထိ ရှိပြီး ဤမြှားများကို လုံးဝ မကြောက်ရွံ့ကြပေ။</p> <p> </p> <p>ချိတ်ပိတ်မြှားများကို ရှောင်တိမ်းရန် လိုအပ်သည်မှလွဲ၍ အခြား မြှားများအားလုံးကို လျစ်လျူရှုထားကြပြီး ယခုအခါ အစွမ်းပိုင်ရှင် အတော်များများက နံရံထိပ်သို့ပင် ရောက်လုနီးပါး ဖြစ်နေကြပြီ ဖြစ်သည်။</p> <p> </p> <p>ထိုက်ယန်တောင် ဘက်တွင်မူ မာကောချိုင်ဖြစ်စေ၊ ရှီဟိုင်ကျူးတို့ ဖြစ်စေ အားလုံးက ရှေ့တန်းတွင် တိုက်ပွဲဝင်နေကြပြီ ဖြစ်သည်။</p> <p> </p> <p>သန္ဓေပြောင်းစွမ်းအင် အလင်းရောင် အမျိုးမျိုးက အဆက်မပြတ် တလက်လက် တောက်ပနေပြီး ပေါက်ကွဲသံများက အဆက်မပြတ် ထွက်ပေါ်နေသည်။</p> <p> </p> <p>ထိုအထဲတွင် အထူးခြားဆုံးမှာ ရေခဲချပ်ဝတ်ကို ဝတ်ဆင်ထားပြီး ရွှေရောင် ဦးထုပ်ဆောင်းထားသော ကျောက်ခိုင်ပင် ဖြစ်ပေသည်။</p> <p> </p> <p>ယခုအခါ ကျောက်ခိုင်က ပေတံတစ်ချောင်းကို ကိုင်ဆောင်ထားပြီး မျက်နှာပေါ်တွင် အေးစက်စက် အမူအရာများ ပြည့်နှက်နေကာ ပတ်ဝန်းကျင်တွင် ရေခဲချွန်များ ဝိုင်းရံနေပြီး ရေခဲဓားများက အဆက်မပြတ် လွင့်ပျံနေသည်။</p> <p> </p> <p>ရှေ့ဘက်တွင် မျိုးရိုးဗီဇမျိုးစေ့ အစွမ်းပိုင်ရှင် လေးယောက်က ကျောက်ခိုင်ကို ဝိုင်းရံထားကြပြီး ယခုအခါ သူတို့၏ မျက်နှာပေါ်တွင် ပွဲကြည့်နေသည့် အမူအရာများ အသီးသီး ရှိနေကြသည်။</p> <p> </p> <p>"ဟားဟား... အမှတ် ၅၄ မှတ်တောင် မပြည့်သေးဘူးဆိုတော့ မျိုးရိုးဗီဇမျိုးစေ့ကို အခုမှ ဖောက်ထွက်နိုင်တဲ့ လူသစ်လေး ဖြစ်မယ်... မင်းတို့ထဲက ဘယ်သူ အရင် သွားမလဲ"</p> <p> </p> <p>သူတို့ထဲမှ တစ်ယောက်က ခပ်ဖွဖွ ရယ်မောကာ မေးလိုက်သည်။</p> <p> </p> <p>ဤလူက မြေဝါရောင် ချပ်ဝတ်တန်ဆာကို ဝတ်ဆင်ထားပြီး ခေါင်းပေါ်တွင်လည်း ရွှေဖြင့် သွန်းလုပ်ထားသော ဦးထုပ်ကို ဆောင်းထားကာ ခန္ဓာကိုယ်က ကြီးမားထွားကျိုင်းလှသည်။</p> <p> </p> <p>စဉ်းစားနေစရာပင် မလိုဘဲ ဤလူက မြေမိခင်ဂိုဏ်းမှ အစွမ်းပိုင်ရှင် ဖြစ်ကြောင်း သိနိုင်သည်။</p> <p> </p> <p>"သူက ထိုက်ယန်တောင်ရဲ့ ခေါင်းဆောင်လား... ကြည့်ရတာလည်း သိပ်ဟုတ်လှတဲ့ပုံ မပေါ်ပါဘူး" အကြေးခွံချပ်ဝတ် ဝတ်ဆင်ထားသော လူငယ်တစ်ယောက်က လှောင်ပြောင်ရယ်မောလိုက်သည်။</p> <p> </p> <p>မျက်နှာချင်းဆိုင် မလှမ်းမကမ်းတွင် အပြာရောင် ဝတ်ရုံရှည်ကို ဝတ်ဆင်ထားသော ရေနတ်ဘုရားဂိုဏ်းမှ အမျိုးသားက ခပ်အေးအေးပင် ပြောလိုက်သည် "တောကြိုတောင်ကြားမှာတောင် မျိုးရိုးဗီဇမျိုးစေ့ကို စုစည်းနိုင်တယ်ဆိုတော့ ပါရမီ ပါတယ်လို့ ပြောလို့ရတယ်"</p> <p> </p> <p>အခြား ရေနတ်ဘုရားဂိုဏ်းမှ အမျိုးသားတစ်ဦးက ပြောလိုက်သည် "ငါ သွားမယ်"</p> <p> </p> <p>သူ၏ ခန္ဓာကိုယ်က တစ်ချက် လင်းလက်သွားပြီး ခန္ဓာကိုယ်က ရေခိုးရေငွေ့ အစုအဝေး တစ်ခုအဖြစ်သို့ တိုက်ရိုက် ပြောင်းလဲသွားကာ ဝှစ်ခနဲ လွင့်ပျံထွက်သွားတော့သည်။</p> <p> </p> <p>ကျောက်ခိုင်က မိန်းတံခါးတွင် အမြဲတမ်း စောင့်ကြပ်နေခဲ့ပြီး ထိုလူများကို ကြည့်ကာ အေးစက်စက် အမူအရာကို ပြသလိုက်သည်။</p> <p> </p> <p>"ရေဓာတ် ပြောင်းလဲတာလား" သူက အေးစက်စက် ရယ်မောလိုက်သည်။</p> <p> </p> <p>ဆက်ရန်...</p> <p>***</p> <p> </p>


Save