Book List

<h2 style="text-align: center;">အခန်း (၁၈၂) - ဝိညာဉ်နယ်မြေမှ ဘုရင်အဆင့် နဂါးနှစ်ကောင်၏တိုက်ပွဲ (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>တောင်ဘက်မှလာသော ဟင်းလင်းပြင်လှုပ်ခတ်မှုများသည် အဆက်မပြတ်ခုန်နေသော နှလုံးခုန်သံပမာ တစ်ချက်ပြီးတစ်ချက် ပိုမိုရှင်းလင်းလာကာ လင်းထျန်းလုံ၏ အာရုံကို ဆွဲဆောင်ထားသည်။ သူ ဆက်စောင့်မနေနိုင်တော့ချေ။</p> <p> </p> <p>“ယင်းဖုန်း”</p> <p> </p> <p>“ရှိပါတယ်”</p> <p> </p> <p>အရိပ်များ လိမ်ကောက်သွားပြီးနောက် အဆင့် ၂၄ သို့ တက်လှမ်းထားသော မုဆိုးခေါင်းဆောင် ပေါ်ထွက်လာသည်။ သူ၏ အငွေ့အသက်မှာ အရိပ်နှင့် နှင်းခဲများကြားတွင် ပြီးပြည့်စုံစွာ ပေါင်းစပ်ပျော်ဝင်နေသည်။</p> <p> </p> <p>“တောင်ဘက်က ထူးခြားတဲ့ဖြစ်ရပ်ကို ကိုယ်တိုင်သွားစုံစမ်းချေ။ မင်းရဲ့ အတော်ဆုံး လက်အောက်ငယ်သားတွေကို ခေါ်သွား၊ အဲဒီ လှိုင်းတွေရဲ့ နောက်ကွယ်က အကြောင်းစုံကို ငါသိချင်တယ်”</p> <p> </p> <p>“နားလည်ပါပြီ”</p> <p> </p> <p>ယင်းဖုန်းသည် အပိုဆာလာစကားများ ပြောမနေတော့ချေ။ ယင်းဖုန်း၏ ပုံရိပ်သည် အတော်ဆုံး မုဆိုးအချို့နှင့်အတူ ရုတ်တရက် ချက်ချင်းပျောက်ကွယ်သွားတော့သည်။</p> <p> </p> <p>ယင်ဖုန်းတို့အဖွဲ့သည် တစ္ဆေရေခဲအရိပ်ထွက်ပြေးခြင်း ပင်ကိုစွမ်းရည်ကို အစွမ်းကုန်အသုံးချကာ ဝိညာဉ်နယ်မြေ၏ ပျက်စီးနေသော အစိတ်အပိုင်းများကြားတွင် အစစ်အမှန်နှင့် ဗလာဟင်းလင်းပြင်ကြား လမ်းလျှောက်နေသကဲ့သို့ အလွန်လျင်မြန်စွာ ဖြတ်သန်းသွားလာနေကြသည်။</p> <p> </p> <p> သူတို့သွားရာလမ်းတွင် ရေခဲတစ္ဆေပုံရိပ်ယောင်များသာ ကျန်ရစ်ခဲ့သည်။</p> <p> </p> <p>တစ်နာရီကျော်ကြာပြီးနောက် တိကျသော သတင်းအချက်အလက်များ လင်းထျန်းလုံ၏ အသိစိတ်ထဲသို့ ရောက်ရှိလာသည်။</p> <p> </p> <p>“ဘုရင်မင်းမြတ်၊ အရင်းအမြစ်ကို တွေ့ပါပြီ၊ ဟင်းလင်းပြင်ပြိုကျတဲ့နေရာမှာ တည်ငြိမ်တဲ့ အက်ကွဲကြောင်းတစ်ခု ပွင့်နေပြီး အဲဒီနောက်ကွယ်မှာ အသက်ဝင်နေတဲ့ မီးတောင်တစ်ခု ရှိပါတယ်”</p> <p> </p> <p> </p> <p>“အဲဒီထဲမှာ ဧရာမသားရဲကြီး နှစ်ကောင် အသေအကြေ တိုက်ခိုက်နေကြတယ်၊ တစ်ကောင်က ပေ ၁၃၀ ကျော်ရှည်ပြီး ကိုယ်ပေါ်မှာ ရေခဲသလင်းကြေးခွံတွေနဲ့ ခေါင်းပေါ်မှာ ဦးချိုတစ်ချောင်းပါတဲ့ နဂါးစပါးအုံးကြီးပါ”</p> <p> </p> <p>“နောက်တစ်ကောင်ကတော့ အရွယ်အစား နည်းနည်းသေးပေမယ့် ပိုပြီးသန်မာထွားကြိုင်းတယ်၊ ကျောရိုးမှာအဆူးတွေနဲ့ နီရဲရဲ ချော်ရည်ကြေးခွံတွေ ဖုံးလွှမ်းထားတဲ့ ကြေးနီရောင် မြေအောက်မီးနဂါးပါ"</p> <p> </p> <p>“သူတို့က မီးတောင်အလယ်က ချော်ရည်အိုင်ထဲမှာရှိတဲ့ စွမ်းအင်အလွန်မြင့်မားတဲ့ ကြာပန်းပုံသဏ္ဌာန် ရတနာတစ်ခုအတွက် တိုက်နေကြတာပါ”</p> <p> </p> <p>“နှစ်ကောင်လုံး ဒဏ်ရာရထားကြတယ်၊ ရေခဲစပါးအုံးက ဘယ်ဘက်မျက်လုံး လောင်ကျွမ်းထားပြီး မီးနဂါးကတော့ ဝမ်းဗိုက်မှာ အရိုးထိအောင်နက်တဲ့ ဒဏ်ရာရထားပေမယ့် သူတို့ရဲ့ ရက်စက်ကြမ်းကြုတ်မှုကတော့ လျော့မသွားသေးပါဘူး”</p> <p> </p> <p>လင်းထျန်းလုံ စိတ်ကူးလိုက်သည်နှင့် စနစ်မျက်နှာပြင် ပွင့်လာလေသည်။</p> <p> </p> <p>[စနစ်အသိပေးချက်]။  ။အစွမ်းထက်မိစ္ဆာသားရဲကို တွေ့ရှိသည်။</p> <p>မျိုးနွယ် - ရေခဲနဂါးစပါးအုံး (ရှေးဟောင်းနဂါးမျိုးဆက်)</p> <p>အဆင့် - ၃၈ (ပထမ ဘုရင်အဆင့်)</p> <p>ပင်ကိုစွမ်းရည်များ - အစွန်းရောက်ယင်နဂါးဝိညာဉ် (ရွှေရောင် အဆင့်မြင့်)၊ လျှို့ဝှက်ရေခဲကြေးခွံချပ်ဝတ် (ရွှေရောင် အဆင့်မြင့်)</p> <p>စွမ်းရည်လက္ခဏာရပ်များ - အကြွင်းမဲ့ရေခဲတိုက်ကွက် (ရွှေရောင်၊ အဆင့်မြင့်)၊ ရေခဲခွဲလက်သည်း (ခရမ်းရောင်၊ အဆင့်မြင့်)</p> <p> </p> <p>[စနစ်အသိပေးချက်]။  ။အစွမ်းထက်မိစ္ဆာသားရဲကို တွေ့ရှိသည်။ မျိုးနွယ် - ကြေးနီမြေအောက်မီးနဂါး (နဂါးမျိုးနွယ်ခွဲ)</p> <p>အဆင့် - ၃၇ (ပထမ ဘုရင်အဆင့်)</p> <p>ပင်ကိုစွမ်းရည်များ - ချော်ရည်နှလုံးသား (ရွှေရောင် အဆင့်မြင့်)၊ နဂါးအရှိန်အဝါ ခြောက်လှန့်ခြင်း (ခရမ်းရော အဆင့်မြင့်)</p> <p>စွမ်းရည်လက္ခဏာရပ်များ - မြေမီးလျှံပေါက်ကွဲခြင်း (ရွှေရောင် အဆင့်မြင့်)၊ တောက်လောင်နဂါးအသက်ရှူသံ (ခရမ်းရောင် အဆင့်မြင့်)</p> <p> </p> <p>[စနစ်အသိပေးချက်]။  ။သဘာဝရတနာ မြေကမ္ဘာအမြုတေ မီးကြာပန်း (ရွှေရောင် အဆင့်မြင့်) ကို တွေ့ရှိသည်။</p> <p> </p> <p>‘ဒဏ်ရာရနေတဲ့ ပထမ ဘုရင်အဆင့် နဂါးသားရဲ နှစ်ကောင်နဲ့ မြေကမ္ဘာအမြုတေ မီးကြာပန်းလား...’</p> <p> </p> <p>လင်းထျန်းလုံ၏ နှလုံးသားလေး ပြင်းထန်စွာ ခုန်သွားခဲ့သည်။ ဤသည်မှာ အန္တရာယ်မဟုတ်ဘဲ ဝံပုလွေအသိုက် စွမ်းအားတိုးတက်ပြီးနောက် ကံကြမ္မာက ပေးအပ်လိုက်သော အကောင်းဆုံး စမ်းသပ်မှုနှင့် လက်ဆောင်ပင် ဖြစ်သည်။</p> <p> </p> <p>အဆင့်တက်ခါစဖြစ်ပြီး လက်တွေ့တိုက်ပွဲဖြင့် အသားကျရန် အရေးတကြီးလိုအပ်နေသော ဝံပုလွေအုပ်စုအတွက် ဒဏ်ရာရနေသည့် ဤဧရာမသားရဲကြီးနှစ်ကောင်မှာ အသင့်တော်ဆုံး ပြိုင်ဘက်များဖြစ်သည်။</p> <p> </p> <p>ထို့အပြင် ကြီးမားသော မီးဓာတ်မူလစွမ်းအင် ပါဝင်သည့် မြေကမ္ဘာအမြုတေ မီးကြာပန်းမှာ ဝံပုလွေအသိုက်၏ အလွန်အမင်းအေးစက်နေသော ပတ်ဝန်းကျင်ကို မျှခြေဖြစ်စေရန်နှင့် တိုတမ်မိခင်သစ်ပင်၏ နောက်ထပ်ဆင့်ကဲပြောင်းလဲမှုကို လှုံ့ဆော်ပေးရန်အတွက် အဓိကသော့ချက်လည်း ဖြစ်နိုင်သည်။</p> <p> </p> <p>‘ဒီအခွင့်အရေးကို လက်လွတ်မခံနိုင်ဘူး'</p> <p> </p> <p>“အားလုံးးး”</p> <p> </p> <p>လင်းထျန်းလုံ ခေါင်းမော့ကာ အူသံရှည်ကြီး ပေးလိုက်သည်။ သူ၏အသံမှာ မိုးခြိမ်းသံပမာ ဟိန်းထွက်သွားပြီး စိတ်ချင်းဆက်သွယ်ခြင်းမှတစ်ဆင့် ဝံပုလွေတိုင်း၏ ဝိညာဉ်ထဲသို့ ရိုက်ခတ်သွားသည်။</p> <p> </p> <p>“မင်းတို့ရဲ့ လက်သည်းနဲ့ သွားတွေကို သွေးထား၊ တိုက်ပွဲဝိညာဉ်တွေကို နှိုးလိုက်ကြ၊ တောင်ဘက်မှာ ငါတို့ ခေါင်းဖြတ်ရမယ့် ရန်သူတွေနဲ့ သိမ်းပိုက်ရမယ့် အဖိုးတန်ရတနာတွေ ရှိနေတယ်”</p> <p> </p> <p>“ဒီတိုက်ပွဲက စမ်းသပ်မှုဖြစ်သလို ရှင်းလင်းရေးဆိုလည်း မမှားဘူး၊ ငါ့နောက်က လိုက်ခဲ့ကြ... ချီတက်မယ်”</p> <p> </p> <p>“အာ၀ူးးးး”</p> <p> </p> <p>ဖိနှိပ်ထားသော တိုက်ပွဲဝင်လိုစိတ်များ မီးတောင်ပေါက်ကွဲသကဲ့သို့ ထွက်ပေါ်လာသည်။</p> <p> </p> <p>ရန့်မြဲ့ ရှေ့ထွက်လာစဉ် သူ၏ အကြွင်းမဲ့ရေခဲဝိညာဉ်က ပတ်ဝန်းကျင်မှ အအေးဓာတ်နှင့် ပဲ့တင်ထပ်နေပြီး ရေခဲသလင်းကြေးခွံများမှ တစ္ဆေဆန်ဆန် အလင်းတန်းများ စီးဆင်းနေသည်။</p> <p> </p> <p>ထျန်းပင်းသည် ကြမ်းတမ်းစွာ ဟိန်းဟောက်လိုက်ပြီး သူ၏ ထာ၀ရဗာဂျရာခန္ဓာမှ ရွှေရောင်အလင်းများမှာ စစ်နတ်ဘုရားတစ်ပါးပမာ တောက်ပနေလေသည်။</p> <p> </p> <p>ယင်းဖုန်း ပေါ်မလာသော်လည်း လေထုထဲရှိ အေးစက်သော အငွေ့အသက်များက ရုတ်တရက် ထက်ရှလာလေသည်။</p> <p> </p> <p>မဟာနှင်းအစောင့်အရှောက် ခြောက်ဦးလုံး တစ်ပြိုင်နက်တည်း ရှေ့တက်လာရာ လေးလံသော ခြေလှမ်းများကြောင့် မြေကြီးပင် တုန်ခါသွားပြီး ရွေ့လျားနေသော မဟာနှင်းတံတိုင်းကြီးသဖွယ် ဖွဲ့စည်းလိုက်သည်။</p> <p> </p> <p>ရေပြာကြေးခွံအစောင့်အရှောက် ငါးဦးကလည်း နောက်မှကပ်လိုက်လာပြီး သူတို့၏ အကြေးခွံများမှ ပွတ်တိုက်သံများ ထွက်ပေါ်နေသည်။</p> <p> </p> <p>ပျမ်းမျှအဆင့် ၂၂ ရှိသော ပါရမီရှင်အဆင့် နှင်းဝံပုလွေ တစ်ရာကျော်သည်လည်း ခေါင်းမော့ကာ တစ်ပြိုင်နက် အူလိုက်ကြရာ ထွက်ပေါ်လာသော အသံလှိုင်းများမှာ တိမ်တိုက်များကို ထိုးဖောက်သွားပြီး ကြယ်တာရာအကာအကွယ်ကိုပင် အနည်းငယ် တုန်ခါသွားစေသည်။</p> <p> </p> <p>နှင်းဝံပြလွေအသိုက်ဆီမှ သံမဏိရေစီးကြောင်းကြီးသည် တောင်ဘက်ဆီသို့ တစ်ဖန် ဦးတည်ချီတက်လာပြန်လေပြီ။</p> <p> </p> <p>လင်းထျန်းလုံက ရှေ့ဆုံးမှ ဦးဆောင်နေပြီး ရှောင်လန်နှင့် ရှောင်ယင်းတို့ကို သူ၏ ကျောပေါ်တွင် စိတ်စွမ်းအားဖြင့် သေချာ ထိန်းထားပေးသည်။</p> <p> </p> <p>ဝံပုလွေအုပ်စုသည် အကာအကွယ်ကို ဖြတ်ကျော်ကာ ဝိညာဉ်နယ်မြေအပျက်အစီးများထဲသို့ အရှိန်အဟုန်ဖြင့် ဝင်ရောက်သွားသော်လည်း တိုက်ပွဲဝင်ပုံစံကို စနစ်တကျ ထိန်းသိမ်းထားသည်။</p> <p> </p> <p>အမဲလိုက်သမားများက ပတ်ဝန်းကျင်ကို ကင်းထောက်နေကြပြီး ပင်မတပ်ဖွဲ့က အလယ်တွင်ရှိကာ စနစ်တကျ လေ့ကျင့်ထားသော စစ်တပ်ကြီးတစ်ခုပမာ အားသွန်ခွန်စိုက် ချီတက်နေကြလေသည်။</p> <p> </p> <p>ပစ်မှတ်နှင့် နီးကပ်လာလေ ပတ်ဝန်းကျင် အခြေအနေမှာ ပြောင်းလဲလာလေ ဖြစ်သည်။</p> <p> </p> <p>ခြေထောက်အောက်ရှိ အေးခဲနေသော မြေပြင်မှာ မာကျောမည်းနက်လာပြီး နှင်းများ လုံးဝပျောက်ကွယ်သွားကာ ကန့်နံ့နံနေသော အနက်ရောင် ကျောက်တုံးများက အစားထိုးလာလေသည်။</p> <p> </p> <p>လေထုထဲတွင် အအေးဓာတ်များအစား ပူပြင်းခြောက်သွေ့မှုတစ်ခု ရှိနေပြီး လေအေးနှင့် လေပူတို့ ဆုံရာတွင် လေပြင်းများတိုက်ခတ်နေကာ မြေပြင်မှ အနက်ရောင် ဖုန်မှုန့်များကို လွင့်ပျံနေစေသည်။</p> <p> </p> <p>“ဖေဖေ အရမ်းပူတာပဲ”</p> <p> </p> <p>ရှောင်ယင်းက သူမ၏ လက်လေးဖြင့် ယပ်ခပ်ရင်း အပူရှိန်ကြောင့် မျက်နှာလေး နီမြန်းနေရင်း ပြောလိုက်သည်။</p> <p> </p> <p>“အင်း အနံ့ကလည်း နည်းနည်း စူးလွန်းတယ်”</p> <p> </p> <p>ရှောင်လန်က နှာခေါင်းရှုံ့လိုက်သော်လည်း ထူးခြားလွန်းသော ပတ်ဝန်းကျင်ကို မျက်တောင်မခတ် ကြည့်နေခဲ့သည်။</p> <p> </p> <p>“ဟို အနက်ရောင်တောင်ကြီးက ဧရာမမီးဖိုကြီးနဲ့ တူနေတယ်”</p> <p> </p> <p>“ရှောင်ယင်း... ဒီနေရာက ဝိညာဉ်ခေတ် အကြွင်းအကျန်တွေထဲမှာ ဖော်ပြထားတဲ့ မီးလျှံနက်တောင် နဲ့ လုံးဝကို ကိုက်ညီနေတာပဲ”</p> <p> </p> <p>“ရှောင်လန်… နင်ပြောတာ မှန်တယ်၊ မှတ်တမ်းတွေအရ နောက်ပိုင်းမှာ ဘုရင်တစ်ပါးဖြစ်လာတဲ့ လျိုယင်းက ဒီလိုမျိုး လူသူမရှိတဲ့ မြေရိုင်းထဲမှာ သူ့ကို နာမည်‌ကြီးလာစေတဲ့ ချော်ရည်အမြုတေကို ရခဲ့တာလေ”</p> <p> </p> <p>“ချော်ရည်အမြုတေလား၊ မဟုတ်သေးဘူး... ငါ ခံစားနေရတဲ့ စွမ်းအင်ပုံစံက မြေကမ္ဘာအမြုတေ မီးကြာပန်းနဲ့ ပိုနီးစပ်တယ်၊ အဲဒီသန့်စင်ပြီး ကြီးမားတဲ့ မီးဓာတ်မူလစွမ်းအင်ကို မှားစရာ အကြောင်းမရှိဘူး”</p> <p> </p> <p>“အရင်က မြေအနှစ်သာရပါတဲ့ အဝါနက်ရောင် မြေစွမ်းအင်၊ အခု မြေကမ္ဘာမီးတောက်တွေ စုစည်းနေတဲ့ မြေကမ္ဘာအမြုတေ မီးကြာပန်း... ရွှေ၊ မြေ၊ မီး... ဒီဝိညာဉ်နယ်မြေက ငါးပါးဓာတ်သံသရာရဲ့ လျှို့ဝှက်ချက် တစ်ခုခုကို မွေးမြူနေတာလား”</p> <p> </p> <p>“ဒါက အပေါ်ယံ မြင်နေရသလို ပြိုကျတော့မယ့် အပိုင်းအစတစ်ခုထက် ပိုတာတော့ သေချာတယ်”</p> <p> </p> <p>ဝံပုလွေအုပ်စုသည် နောက်ဆုံးတွင် ယင်းဖုန်း ဖော်ပြခဲ့သော အက်ကွဲကြောင်းအနီးသို့ ရောက်ရှိလာခဲ့သည်။</p> <p> </p> <p>၎င်းမှာ ပေပေါင်းများစွာ မြင့်မားပြီး မူမမှန်သော အနားသတ်များရှိသည့် ဧရာမ ဟင်းလင်းပြင်အက်ကြောင်းကြီးတစ်ခု ဖြစ်ကာ ကောင်းကင်ယံကို ရုပ်ဆိုးအကျည်းတန်သော အမာရွတ်တစ်ခုပမာ ဖြတ်ပစ်ထားသကဲ့သို့ ရှိသည်။</p> <p> </p> <p>အက်ကွဲကြောင်းအတွင်းပိုင်းမှာ အပျက်အစီးများ မဟုတ်တော့ဘဲ ကန့်ငွေ့များ၊ အနီရင့်ရောင် အလင်းတန်းများဖြင့် ပြည့်နှက်နေသည့် တည်ငြိမ်သော မီးတောင်ကမ္ဘာတစ်ခု ဖြစ်နေလေသည်။</p> <p> </p> <p>နားကွဲမတတ် ဟိန်းဟောက်သံများ၊ ပြင်းထန်သော စွမ်းအင်တိုက်ခိုက်မှုများနှင့် ကျောက်တုံးများ ကွဲအက်သံများသည် အက်ကွဲကြောင်းအတွင်းမှ အဆက်မပြတ် ထွက်ပေါ်နေသည်။</p> <p> </p> <p>လင်းထျန်းလုံ ရှေ့ခြေထောက်ကို မြှောက်လိုက်ရာ ဝံပုလွေအုပ်ကြီးတစ်ခုလုံး ချက်ချင်း ငြိမ်သက်သွားပြီး အဖွဲ့ဝင်တိုင်း အသက်ရှူသံကို ထိန်းကာ အက်ကွဲကြောင်းအဝကို အာရုံစိုက်လိုက်ကြသည်။</p> <p> </p> <p>သူသည် စနစ်အချက်အလက်များကို ပြန်လည်အတည်ပြုလိုက်ပြီး စိတ်ထဲတွင် ဗျူဟာကို ချမှတ်လိုက်သည်။</p> <p> </p> <p>“ရန့်မြဲ့၊ ထျန်းပင်း”</p> <p> </p> <p>သူ၏အသံမှာ အေးစက်သော လေပြင်းတစ်ခုပမာ ခပ်သြသြ ထွက်ပေါ်လာသည်။</p> <p> </p> <p>“ရန့်မြဲ့ မင်း… ဟိုရေခဲစပါးအုံးကို  တိုက်ခိုက်ရမယ်၊ မင်းရဲ့ အကြွင်းမဲ့ရေခဲဝိညာဉ်နဲ့ ဝိညာဉ်အေးခဲခြင်း စွမ်းရည်တွေက သူ့ကို တန်ပြန်ဖို့ အကောင်းဆုံးပဲ”</p> <p> </p> <p>“ထျန်းပင်း မင်းရဲ့ တာဝန်က ဟိုမီးနဂါးပဲ၊ မင်းရဲ့ ထာ၀ရဗာဂျရာခန္ဓာနဲ့ ပြောင်းပြန်အကြေးခွံက မင်းရဲ့ အသန်မာဆုံး ဒိုင်းနဲ့ လှံပဲ၊ သူ့ရဲ့ တိုက်ခိုက်မှုတွေကို မင်း ခံနိုင်ရည်ရှိအောင်လုပ်ပြီး ရန့်မြဲ့တို့အတွက် အခွင့်အရေး ဖန်တီးပေးရမယ်"</p> <p> </p> <p>“ယင်းဖုန်း မင်းကတော့ အခြေအနေကြည့်ပြီး ကူညီပေး၊ အခွင့်သာရင် အသေသတ် တိုက်ကွက်ကိုထုတ်ပြီး မီးနဂါးရဲ့ လှုပ်ရှားမှုတွေကို နှောင့်ယှက်ပေး”</p> <p> </p> <p>“မဟာနှင်းအစောင့်အရှောက်တွေက နှင်းခဲအကာအကွယ် စွမ်းရည်ကို သုံးပြီး ပင်မတပ်ဖွဲ့ရဲ့ ဘေးဘက်ကို ကာကွယ်ပေးရမယ်၊ စွမ်းအင်ရိုက်ခတ်မှုတွေကို ခံယူပေး”</p> <p> </p> <p>“ရေပြာကြေးခွံအစောင့်အရှောက်တွေက မဟာနှင်းအစောင့်အရှောက်တွေနောက်က လိုက်ပြီး လိုအပ်တဲ့နေရာမှာ ၀င်ကူညီပေး"</p> <p> </p> <p>“တိုက်ပွဲကို နှောင့်ယှက်မယ့် ဘယ်လိုအရာကိုမဆိုတားဆီးထား၊ ကျန်တဲ့ ဝံပုလွေအုပ်စုကတော့ အနားမှာ ဝိုင်းထားပြီး ဘယ်သူ့မှ ထွက်မ‌ပြေးစေနဲ့”</p> <p> </p> <p>ညွှန်ကြားချက်တိုင်းကို အဖွဲ့၀င်တိုင်း၏ အသိစိတ်ထဲသို့ တိကျစွာ ပို့ဆောင်လိုက်သည်။ အဖွဲ့၀င်များထံတွင် မည်သည့် တုံ့ဆိုင်းမှု၊ မေးခွန်းထုတ်မှုမျှ မရှိဘဲ နာခံမှုအပြည့်နှင့် တောက်လောင်နေသော တိုက်ပွဲဝင်လိုစိတ်များသာ ရှိတော့သည်။</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save