Book List

<h2 style="text-align: center;">အခန်း (၁၈၉) - ဝံပုလွေအသိုက်ကို တိုက်ခိုက်လာသော လူသားမဟာမိတ်တပ်ဖွဲ့ (၁)</h2> <h2 style="text-align: center;">*</h2> <p> </p> <p> </p> <p> </p> <p>ဝံပုလွေအသိုက်အထက်ရှိ နွယ်ပင်ပုံရိပ်ယောင် လုံးဝပျောက်ကွယ်သွားသည်မှာ ခြောက်နာရီတိတိ ကြာမြင့်ခဲ့ပြီဖြစ်သော်လည်း ကြောက်မက်ဖွယ်ကောင်းသော ဖိအားက မည်းမှောင်နေသည့် တိမ်တိုက်များပမာ ထိုနေရာတွင် ဖုံးလွှမ်းနေဆဲပင်။</p> <p> </p> <p>တိုတမ်မိခင်သစ်ပင်၏ ပင်စည်ပေါ်ရှိ အက်ကွဲကြောင်းများမှာ အမာရွတ်များပမာ ဖြစ်နေပြီးမြစိမ်းရောင် ဂြိုဟ်သားစွမ်းအင်များ၏ ဖြည်းညင်းစွာတိုက်စားခြင်းကို ခံနေရဆဲဖြစ်သည်။</p> <p> </p> <p>လင်းထျန်းလုံသည် မိခင်သစ်ပင်ရှေ့တွင် တိတ်ဆိတ်စွာ ရပ်နေပြီး သူ၏ငွေပြာဘုရင်မျက်၀န်းကို အစွမ်းကုန်အသုံးပြုကာ ကျန်ရှိနေသော စွမ်းအင်ဖွဲ့စည်းပုံအား ခွဲခြမ်းစိတ်ဖြာနေလေသည်။</p> <p> </p> <p>‘ပြန်လာမယ်’ ဆိုသည့် သတိပေးချက်မှာ သူ၏ခေါင်းပေါ်တွင် ချိတ်ဆွဲထားသော ဓားတစ်လက်အလား ဖြစ်နေပြီး တစ်ခဏမျှပင် စိတ်အေးလက်အေးမနေနိုင်အောင် ဖြစ်နေရသည်။</p> <p> </p> <p>“ဘုရင်မင်းမြတ်၊ အနောက်မြောက်ဘက်ခြမ်းက အကာအကွယ်အချက်အချာ ဆယ့်နှစ်ခုလုံးကို အားဖြည့်ပြီးပါပြီ” ထျန်းပင်းသည် လေးလံသော ခြေလှမ်းများဖြင့် ချဉ်းကပ်လာ၏။ သူ၏ရွှေရောင်ရင့်ရင့် အမွေးများသည် ကြယ်ရောင်အောက်တွင် သတ္တုရောင်ဝါများ တလက်လက် တောက်ပနေသည်။</p> <p> </p> <p>“မဟာနှင်းအစောင့်အရှောက်တွေကတော့ အခု အလှည့်ကျ နားနေကြပါတယ်”</p> <p> </p> <p>လင်းထျန်းလုံ၏ အသိစိတ်နေရာလွတ်အတွင်း အကာအကွယ်နယ်နမိတ်၏ မြေပုံအပြည့်အစုံ ပေါ်ထွက်လာသည်။</p> <p> </p> <p>“အရှေ့တောင်ဘက်ခြမ်းမှာ အားဖြည့်ဖို့လိုနေသေးတဲ့ ဒုတိယအချက်အချာ ရှစ်ခု ရှိသေးတယ်၊ အတွေ့အကြုံရအောင် ရေပြာကြေးခွံအစောင့်အရှောက်တွေကို အဲဒီအလုပ်မှာ ပါဝင်ခိုင်းလိုက်”</p> <p> </p> <p>“နားလည်ပါပြီ” ထျန်းပင်းလှည့်ထွက်သွားပြီး မကြာမီမှာပင် လေ့ကျင့်ရေးကွင်းပြင်တစ်ခုလုံးတွင် ညွှန်ကြားချက်အသစ်များ ထွက်ပေါ်လာသည်။</p> <p> </p> <p>ထိုအချိန်တွင် ရန့်မြဲ့သည် ရေပြာကြေးခွံအစောင့်အရှောက်များကို လျှို့ဝှက်ရေခဲကြေးခွံချပ်ဝတ်၏ ပူးပေါင်းကာကွယ်ရေးကို လေ့ကျင့်ရာတွင် လမ်းညွှန်ပေးနေသည်။ </p> <p>အစိမ်းနုရောင် ကြေးခွံချပ်ဝတ်တန်ဆာ ဝတ်ဆင်ထားသော နှင်းဝံပုလွေငါးကောင်သည် သူ၏ အမိန့်ပေးမှုအောက်တွင် ဖွဲ့စည်းပုံကို အဆက်မပြတ်ပြောင်းလဲနေပြီး သူတို့၏ ချပ်ဝတ်များပေါ်ရှိ အေးစက်စက်အလင်းများက တဖြည်းဖြည်း တစ်သားတည်းအဖြစ် ပေါင်းစပ်သွားသည်။</p> <p> </p> <p>“စွမ်းအင်စီးဆင်းမှုက ချောမွေ့နေရမယ်” ရန့်မြဲ့က ကိုယ်တိုင် သရုပ်ပြလိုက်ရာ သူ၏ ရေခဲကြေးခွံချပ်ဝတ်တန်ဆာမှ ထူးဆန်းသောအလင်းရောင်က ရေပြာကြေးခွံအစောင့်အရှောက်များနှင့် ပဲ့တင်ထပ်သွားသည်။ “မှတ်ထား၊ အစောင့်အရှောက်တွေဆိုတာ တစ်သားတည်းပဲ”</p> <p> </p> <p>အသစ်နိုးထလာသော ဝိညာဉ်အေးခဲခြင်းလက္ခဏာရပ်ကြောင့် ဤအအေးဓာတ်က ဝိညာဉ်ကိုပင် တိုက်ရိုက် ထိုးဖောက်သွားကာ အဝေးမှ စောင့်ကြည့်နေသော နှင်းဝံပုလွေများကိုပင် ခြေတစ်ဝက်ခန့် နောက်ဆုတ်သွားစေသည်။</p> <p> </p> <p>ယင်းဖုန်း၏ ပုံရိပ်သည် ဝံပုလွေအသိုက်၏ပတ်လည်တွင် ပေါ်လာလိုက် ပျောက်သွားလိုက် ဖြစ်နေပြီး ပတ်ဝန်းကျင် မိုင်တစ်ရာပတ်လည်ကို အသေးစိတ် ကင်းထောက်ခြင်း ပြီးစီးသွားပြီဖြစ်သည်။</p> <p> </p> <p>“အရှေ့ဘက်က ကျောက်နက်ချောက်ကမ်းပါးမှာ ပုံမှန်မဟုတ်တဲ့ စွမ်းအင်အကြွင်းအကျန်တွေ ရှိနေပါတယ်၊ လူသားတွေရဲ့ လှုပ်ရှားမှု ခြေရာတွေလို့ သံသယရှိတယ်”</p> <p> </p> <p>“တောင်ဘက်က ဝိညာဉ်နယ်မြေအပျက်အစီးက အလွန်မတည်မငြိမ်ဖြစ်နေတယ်၊ သတိပေးမျဉ်းတစ်ခု သတ်မှတ်ထားပြီးပါပြီ”</p> <p> </p> <p>အရပ်မျက်နှာအနှံ့မှ သတင်းအချက်အလက်များကို လုပ်ဆောင်နေစဉ် လင်းထျန်းလုံသည် သူ၏ အသိစိတ်နေရာလွတ်အတွင်း ကာကွယ်ရေးစနစ်ကို စီစဉ်နေသည်။</p> <p> </p> <p>အဆင့် ၃၂ သို့ ချိုးဖျက်ဝင်ရောက်ပြီးနောက် သူ၏တွေးခေါ်မှုအမြန်နှုန်းမှာ သိသိသာသာ တိုးတက်လာပြီး ရှုပ်ထွေးသောအလုပ်များစွာကို တစ်ပြိုင်နက်တည်း ကိုင်တွယ်ဖြေရှင်းနိုင်လာသည်။</p> <p> </p> <p>“ဖေဖေ သစ်ပင်ကြီးက နည်းနည်းပိုသက်သာလာသလိုပဲ” ရှောင်ယင်းသည် မိခင်သစ်ပင်၏အမြစ်နားတွင် ထိုင်နေပြီး သူမ၏လက်လေးများက သစ်ခေါက်ကို ညင်သာစွာ ပွတ်သပ်ပေးနေသည်။</p> <p> </p> <p>ရှောင်လန်ကတော့ အခြားတစ်ဖက်တွင်မှီရင်း လေးနက်စွာ ခေါင်းညိတ်ပြန်လိုက်သည်။ “ဟိုအစိမ်းရောင်အလင်းတွေလည်း မှေးမှိန်သွားပြီ”</p> <p> </p> <p>အမှန်တကယ်ပင် ကလေးငယ်နှစ်ဦး အနီးတွင်ရှိနေသောအခါ မိခင်သစ်ပင်၏ တုန်ခါမှုမှာ သိသိသာသာ လျော့ကျသွားသည်။ </p> <p>ကြယ်ရောင်များက သူတို့ကို နူးညံ့သော လိုက်ကာတစ်ခုပမာ ရစ်ပတ်ထားပြီး ကျေးဇူးတင်ကြောင်း ဖော်ပြနေသကဲ့သို့ ရှိသည်။ လင်းထျန်းလုံက သမီးများကို မိခင်သစ်ပင်နှင့် အချိန်ပိုပေးရန် ဆုံးဖြတ်လိုက်၏။ ၎င်းက မည်သည့်ဆေးဝါးထက်မဆို ပိုမိုထိရောက်လေသည်။</p> <p> </p> <p>သူ မိခင်သစ်ပင်ကိုကုသရန် မြေကမ္ဘာအမြုတေ မီးကြာပန်းကို ထုတ်ယူတော့မည့်ဆဲဆဲတွင် ယင်းဖုန်း၏ အရေးပေါ်သတင်းပို့သံ ရုတ်တရက် ထွက်ပေါ်လာသည်။</p> <p> </p> <p>“ဘုရင်မင်းမြတ် အရေးကြီးတဲ့ သတင်းရထားပါတယ်။ အနောက်ဘက် မိုင်သုံးရာအကွာက ထုံးကျောက်တောင်တန်းတွေမှာ အကြီးစားတိုက်ပွဲတစ်ခု ဖြစ်ပွားနေပါတယ်၊ လူသားတပ်ဖွဲ့တွေက အဲဒီက ကျောက်ဝက်ဝံရိုင်း မျိုးနွယ်စုတွေကို ရှင်းလင်းနေတယ်”</p> <p> </p> <p>လင်းထျန်းလုံ၏ မျက်၀န်းများ အနည်းငယ် ကျဉ်းမြောင်းသွားသည်။ “အတိအကျဆို အရေအ‌တွက်က ဘယ်လောက်ရှိလဲ”</p> <p> </p> <p>“သူတို့ရဲ့ ပင်မတပ်ဖွဲ့က အပြည့်အဝဖြန့်ကျက်ထားတယ်၊ လူ နှစ်ရာကျော်တယ်။ သူတို့ တိုက်နေတာ သုံးရက်ရှိပြီ”</p> <p> </p> <p>လူသားများဘက်တွင်။</p> <p> </p> <p>တစ်ပြိုင်နက်တည်းလိုလိုပင်…..</p> <p> </p> <p>လောင်ကျွမ်းမီးလျှံဂိုဏ်းထံမှသာမက တောင်ဘက်မှလည်း သတင်းများ ရောက်ရှိလာသည်။ သံမဏိဒိုင်းကာ ကင်းစခန်း၏ ပင်မတပ်ဖွဲ့သည် ချန်နင်လွင်ပြင်တွင် ပေါ်လာပြီး ထိုနေရာရှိ လေပြေကျားသစ်အုပ်စုများကို အမဲလိုက်နေသည်။</p> <p> </p> <p>မြောက်ဘက်တွင် မီးပွားသုသေသနပညာရှင်အသင်းက စက်ရုပ်တပ်ဖွဲ့အများအပြားကို စုဆောင်းကာ ယွင်လင်ရှိ သလင်းကျောက်ကင်းမြီးကောက် အုပ်စုများကို အထွေထွေ ထိုးစစ်ဆင်နေလေသည်။</p> <p> </p> <p>ဤအရပ်သုံးမျက်နှာမှ တစ်ပြိုင်နက်တည်း လှုပ်ရှားမှုများက လင်းထျန်းလုံကို ချက်ချင်း အထူးသတိထားမိစေသည်။ ဤသည်မှာ တိုက်ဆိုင်မှုလုံးဝမဟုတ်ပေ။</p> <p> </p> <p>“ဘုရင်မင်းမြတ် သူတို့က သိသိသာသာကို ညှိနှိုင်းပြီး လှုပ်ရှားနေတာပဲ” ယင်းဖုန်း၏အသံမှာ လေးနက်နေသည်။</p> <p> </p> <p>“အရပ်သုံးမျက်နှာကနေ တစ်ပြိုင်နက်တည်း ချီတက်လာတာဆိုတော့ သူတို့ရဲ့ရည်ရွယ်ချက်က အရမ်းရှင်းနေတယ်”</p> <p> </p> <p>လင်းထျန်းလုံသည် ဤကာလအတွင်း သူ၏ လေ့လာတွေ့ရှိချက်များကို ပြန်လည်တွေးတောလိုက်သည်။ ဤလူသားတပ်ဖွဲ့ သုံးဖွဲ့သည် သီးခြားစီ တိုက်ခိုက်နေကြသော်လည်း သူတို့၏ လှုပ်ရှားမှုများမှာ အံ့သြဖွယ်ကောင်းလောက်အောင် တစ်သားတည်းကျနေ၏။</p> <p> </p> <p>ယခု သူတို့အားလုံး တစ်ပြိုင်နက်တည်း အင်အားအပြည့်ဖြင့် လှုပ်ရှားလာသောကြောင့် သူတို့၏ပစ်မှတ်မှာ ဝံပုလွေအသိုက်ဖြစ်မှန်း အလွန်သေချာနေလေသည်။</p> <p> </p> <p>“သူတို့က ငါတို့ဆီလာနေတာပဲ” လင်းထျန်းလုံက တည်ငြိမ်စွာ ခွဲခြမ်းစိတ်ဖြာလိုက်သည်။ အစီအစဉ်အတိအကျကို မသိရသော်လည်း သုံးဘက်သုံးတန်မှ ဖိအားပေးလိုသည့် ရည်ရွယ်ချက်မှာ အလွန်ထင်ရှားနေသည်။</p> <p> </p> <p>“သူတို့က သတိထားနေကြတာပဲ” ရန့်မြဲ့က အေးစက်စွာ ပြောလိုက်၏။ “သူတို့က ငါတို့ကို ကိုင်တွယ်ဖို့ အင်အားမစုစည်းခင် ဖြစ်လာနိုင်တဲ့ အန္တရာယ်တွေကို အရင်ရှင်းထုတ်ချင်နေတာ”</p> <p> </p> <p>ထျန်းပင်းက ခပ်သြသြ ဟိန်းဟောက်လိုက်သည်။ “ဒါဆိုလည်း သူတို့ကို လာခိုင်းလိုက်။ ငါ့ရဲ့ အဆင့်ချိုးဖျက်ဝင်ရောက်ထားတဲ့ စွမ်းအားအသစ်ကို စမ်းသပ်ဖို့ အကောင်းဆုံးအချိန်ပဲ”</p> <p> </p> <p>သို့သော် လင်းထျန်းလုံက ပိုမိုနက်ရှိုင်းစွာ တွေးတောနေသည်။ ဤတပ်ဖွဲ့သုံးဖွဲ့ တစ်ပြိုင်နက်တည်း လှုပ်ရှားမှုက သူတို့၏ မဟာမိတ်အဖွဲ့မှာ ထင်ထားသည်ထက် ပိုမိုခိုင်မာကြောင်း ပြသနေသည်။</p> <p> </p> <p>ထို့အပြင် ဤအချိန်ကို ရွေးချယ်၍ လှုပ်ရှားခြင်းမှာ မိခင်သစ်ပင်၏ ပုံမှန်မဟုတ်သော အခြေအနေနှင့် ဆက်စပ်နေပုံရသည်။</p> <p> </p> <p>“ယင်းဖုန်း ကင်းထောက်တဲ့အကွာအဝေးကို ချဲ့လိုက်။ သူတို့တပ်ဖွဲ့တစ်ခုစီရဲ့ တပ်ဖြန့်မှုနဲ့ ချီတက်မှုအမြန်နှုန်းကို ငါအတိအကျသိချင်တယ်”</p> <p> </p> <p>“ထျန်းပင်း အကာအကွယ်ကို ဆက်ပြီးအားဖြည့်ထား၊ အထူးသဖြင့် အနောက်ဘက်စစ်မျက်နှာစာကိုပဲ”</p> <p> </p> <p>“ရန့်မြဲ့ ရေပြာကြေးခွံအစောင့်အရှောက်တွေရဲ့ လေ့ကျင့်မှုကို အရှိန်မြှင့်လိုက်။ သုံးရက်အတွင်းမှာ သူတို့တိုက်ခိုက်နိုင်စွမ်း တိုးလာရမယ်”</p> <p> </p> <p>အမိန့်များ ထွက်ပေါ်လာသည်နှင့်အမျှ ဝံပုလွေအသိုက်၏ စစ်ရေးပြင်ဆင်မှုများမှာ အဆင့်အသစ်တစ်ခုသို့ ရောက်ရှိသွားသည်။ အစစ်အမှန် စမ်းသပ်မှုကြီး ရောက်ရှိလာတော့မည်ကို နှင်းဝံပုလွေတိုင်း နားလည်ထားကြသည်။</p> <p> </p> <p>နောက်နှစ်ရက်အတွင်း သတင်းအချက်အလက်များက နှင်းပွင့်များပမာ ရောက်ရှိလာသည်။</p> <p> </p> <p>အနောက်ဘက်တွင် မီးတောက်တံဆိပ်နှင့် လူသားများသည် ထုံးကျောက်တောင်တန်းများမှ ကျောက်ဝက်ဝံရိုင်းများကို လုံးဝ ရှင်းလင်းပြီးဖြစ်ကာ လက်ရှိတွင် အနားယူနေကြသည်။</p> <p> </p> <p>တောင်ဘက်တွင် ဒိုင်းတံဆိပ်နှင့် လူသားများသည် ချန်နင်လွင်ပြင်ကို လုံးဝ ထိန်းချုပ်လိုက်ပြီဖြစ်ပြီး ရှေ့တန်း တပ်စခန်းတစ်ခုကို တည်ဆောက်ထားသည်။</p> <p> </p> <p>မြောက်ဘက်တွင် ဂီယာတံဆိပ်နှင့် လူသားများသည် စက်ရုပ်တပ်မတော်ဖြင့် ယွင်လင်ကို ရှင်းလင်းပြီးဖြစ်ကာ ကင်းထောက်စက်ပစ္စည်းများကို တပ်ဆင်နေကြသည်။</p> <p> </p> <p>ဤအရပ်သုံးမျက်နှာမှ တည်ငြိမ်စွာ ချီတက်လာမှုသည် ကြိုတင်သတ်မှတ်ထားသော ရှင်းလင်းရေးအစီအစဉ်ကို အကောင်အထည်ဖော်နေခြင်းဖြစ်ကြောင်း ရှင်းလင်းနေသည်။ သူတို့၏ အမြန်နှုန်းနှင့် လမ်းကြောင်းအရ အများဆုံးငါးရက်အတွင်း ဝံပုလွေအသိုက်ကို ဝိုင်းရံလာနိုင်ပေသည်။</p> <p> </p> <p>“ဘုရင်မင်းမြတ် သူတို့ရဲ့ဗျူဟာက အရမ်းရှင်းနေတယ်” ယင်းဖုန်းက အရိပ်များထဲမှ သတင်းပို့လိုက်သည်။ “သူတို့က လက်ရှိမှာ အရပ်သုံးမျက်နှာလုံးမှာ ထောက်ပံ့ရေးလမ်းကြောင်းတွေ တည်ဆောက်နေတယ်။ ရေရှည်စစ်ပွဲအတွက် ပြင်ဆင်နေပုံရတယ်”</p> <p> </p> <p>လင်းထျန်းလုံသည် ဝံပုလွေအသိုက်၏ အမြင့်ဆုံးနေရာတွင်ရပ်ကာ သူ၏ ပိုင်နက်တစ်ခုလုံးကို ငုံ့ကြည့်နေသည်။</p> <p> </p> <p>အဆင့် ၃၂ သို့ ချိုးဖျက်ဝင်ရောက်ပြီးနောက် သူ၏အာရုံခံနိုင်စွမ်းအကွာအဝေးမှာ သိသိသာသာ ကျယ်ပြန့်လာပြီး အရပ်သုံးမျက်နှာမှ လာနေသော သတ်ဖြတ်လိုသည့် အငွေ့အသက်များကို မှိန်ဖျော့ဖျော့ ခံစားနေရပြီဖြစ်သည်။</p> <p> </p> <p>“သူတို့က ငါတို့ကို ဝိုင်းရံချင်နေမှတော့ ငါတို့ကလည်း ထိုင်ပြီး သေဖို့စောင့်နေလို့မဖြစ်ဘူး” လင်းထျန်းလုံ၏ မျက်လုံးများတွင် ထက်ရှသော အလင်းတန်းတစ်ခု လျှပ်တစ်ပြတ် ပေါ်လာသည်။</p> <p> </p> <p>“ယင်းဖုန်း အတော်ဆုံးအမဲလိုက်သမားတွေကို ရွေးပြီး ရန်သူ့နောက်တန်းကို ထိုးဖောက်ဖို့ ကင်းထောက်တပ်ဖွဲ့ သုံးဖွဲ့ ဖွဲ့လိုက်”</p> <p> </p> <p>“ထျန်းပင်း လုပ်ကြံသတ်ဖြတ်သူတွေထဲက ကျွမ်းကျင်တဲ့ တိုက်ခိုက်ရေးသမားတွေကို ရွေးပြီး အမြန်တုံ့ပြန်တပ်ဖွဲ့တစ်ခု ဖွဲ့လိုက်။ ရန်သူ့စစ်ကြောင်းတွေမှာ အားနည်းချက်ကို တွေ့တာနဲ့ ချက်ချင်း တိုက်ခိုက်”</p> <p> </p> <p>“ရန့်မြဲ့ လေ့ကျင့်မှုကို အရှိန်မြှင့်လိုက်၊ ရေပြာကြေးခွံအစောင့်အရှောက်တွေ နှစ်ရက်အတွင်းမှာ လက်တွေ့ကွင်းဆင်းတိုက်ခိုက်နိုင်စွမ်း ရှိရမယ်”</p> <p> </p> <p>အမိန့်များ ပေးလိုက်သည်နှင့်အမျှ ဝံပုလွေအသိုက်၏ စစ်ယန္တရားကြီးမှာ အစွမ်းကုန် လည်ပတ်လာတော့သည်။</p> <p> </p> <p>ရှောင်ယင်းနှင့် ရှောင်လန်တို့သည်လည်း တင်းမာနေသော လေထုကို ခံစားမိပြီး မိခင်သစ်ပင်ကို နှစ်သိမ့်ပေးရန် ကိုယ်တိုင် အစပျိုးကူညီလာကြသည်။</p> <p> </p> <p>သူတို့၏ အဖော်ပြုပေးမှုကြောင့် မိခင်သစ်ပင်၏ အခြေအနေမှာ သိသိသာသာ တိုးတက်လာပြီး အက်ကွဲကြောင်းများ ဖြည်းညင်းစွာ ပြန်လည်ကျဥ်းမြှောင်းလာကာ ကြယ်ရောင်များမှာလည်း ပိုမိုတောက်ပလာသည်။</p> <p> </p> <p>“ဖေဖေ သစ်ပင်ကြီးက စွမ်းအင်ပိုလိုတယ်လို့ ပြောနေတယ်” ရှောင်ယင်းက မော့ကြည့်ရင်း ရုတ်တရက်ပြောလိုက်သည်။</p> <p> </p> <p>ရှောင်လန်ကလည်း လေးနက်စွာ ခေါင်းညိတ်လိုက်သည်။ “အွင်း သစ်ပင်ကြီး အရမ်းဗိုက်ဆာနေတယ်”</p> <p> </p> <p>လင်းထျန်းလုံ၏ နှလုံးသား လှုပ်ခတ်သွားပြီး မြေကမ္ဘာအမြုတေ မီးကြာပန်းနှင့် မြေအောက်မီးလျှံနှလုံးသားတို့ကို ချက်ချင်း ထုတ်ယူလိုက်သည်။</p> <p> </p> <p>ဤမီးဓာတ်ရတနာနှစ်ပါးသည် ဝံပုလွေအသိုက်၏ အလွန်အမင်း ထူထပ်နေသော ရေခဲပတ်ဝန်းကျင်ကို ပြီးပြည့်စုံစွာ မျှခြေဖြစ်စေနိုင်ပြီး မိခင်သစ်ပင် အရေးတကြီးလိုအပ်နေသော စွမ်းအင်ဖြည့်တင်းမှုကို ပေးစွမ်းနိုင်မည်ဖြစ်သည်။</p> <p> </p> <p>သူ ဤရတနာနှစ်ပါးကို မိခင်သစ်ပင်၏အမြစ်နားတွင် ချထားလိုက်သောအခါ အံ့မခန်း ပြောင်းလဲမှုတစ်ခု ဖြစ်ပေါ်လာသည်။</p> <p> </p> <p>မိခင်သစ်ပင်၏ပင်စည်ပေါ်ရှိ အက်ကွဲကြောင်းများမှာ သာမန်မျက်စိဖြင့် မြင်နိုင်သော အမြန်နှုန်းဖြင့် ကျက်လာပြီး မြစိမ်းရောင် ဂြိုဟ်သားစွမ်းအင်များမှာ လျင်မြန်စွာ သန့်စင်သွားသည်။</p> <p> </p> <p>ကြယ်ရောင်များ ရေတံခွန်ပမာ စီးကျလာပြီး ဝံပုလွေအသိုက်တစ်ခုလုံး၏ ဝိညာဉ်စွမ်းအင်သိပ်သည်းဆမှာ ချက်ချင်းပင် အဆပေါင်းများစွာ မြင့်တက်သွားသည်။</p> <p> </p> <p>[စနစ်အသိပေးချက်]။  ။တိုတမ်မိခင်သစ်ပင်သည် မြေကမ္ဘာအမြုတေ မီးကြာပန်း (ရွှေရောင် အဆင့်မြင့်) နှင့် မြေအောက်မီးလျှံနှလုံးသား (ရွှေရောင် အဆင့်မြင့်) တို့ကို စုပ်ယူလိုက်ပြီး နောက်ဆုံးအသွင်ပြောင်းလဲမှုကို စတင်နေပါပြီ။ </p> <p>ခန့်မှန်းခြေ ပြီးစီးမည့်အချိန် - ၇၁ နာရီ ၅၉ မိနစ်...</p> <p> </p> <p> </p> <p> </p> <p> </p> <p> </p> <p>***</p> <p> </p>


Save