Book List

<h2 style="text-align: center;">အခန်း (၁၉၀) - ဝံပုလွေအသိုက်ကို တိုက်ခိုက်လာသော လူသားမဟာမိတ်တပ်ဖွဲ့ (၂)</h2> <h2 style="text-align: center;">*</h2> <p> </p> <p> </p> <p> </p> <p>“ရေး” ရှောင်ယင်းက ဝမ်းသာအားရ လက်ခုပ်တီးလိုက်သည်။</p> <p> </p> <p>ရှောင်လန်၏မျက်နှာတွင်လည်း အပြုံးတစ်ခု ပေါ်လာလေသည်။ “သစ်ပင်ကြီး ပိုပြီးသန်မာလာပြီ”</p> <p> </p> <p>သို့သော် မိခင်သစ်ပင်၏ အသွင်ပြောင်းမှုသည် အချိန်လိုအပ်ပြီး ရန်သူက သူတို့ကို ထိုအချိန်ပေးမည်မဟုတ်ကြောင်း လင်းထျန်းလုံ သိနေသည်။ မိခင်သစ်ပင် အသွင်ပြောင်းမှု မပြီးဆုံးမီ ဝံပုလွေအသိုက်ကို သူ ကာကွယ်ထားရပေမည်။</p> <p> </p> <p>ထိုအချိန်တွင် ယင်းဖုန်း၏ အရေးပေါ်သတင်းပို့သံ နောက်တစ်ကြိမ် ထွက်ပေါ်လာသည်။</p> <p> </p> <p>“ဘုရင်မင်းမြတ် အနောက်ဘက်စစ်မျက်နှာစာက အရေးပေါ်သတင်းပါ။ မီးတောက်တံဆိပ်နဲ့ လူသားတွေက အနားယူတာကို စောစောစီးစီးအဆုံးသတ်လိုက်ပြီး ဝံပုလွေအသိုက်ဆီကို အရှိန်အဟုန်နဲ့ ချီတက်လာနေပါတယ်၊ ရှေ့ပြေးတပ်ဖွဲ့က မနက်ဖြန်ရောက်လာဖို့ မှန်းထားပါတယ်”</p> <p> </p> <p>လင်းထျန်းလုံ၏ ငွေပြာဘုရင်မျက်၀န်းများ ချက်ချင်း လင်းလက်သွားသည်။ “သူတို့ ရောက်လာတာ အချိန်ကိုက်ပဲ၊ ဝံပုလွေအသိုက်တစ်ခုလု ပြောင်းလဲဖို့အတွက် ဒီလူသားတွေကို ပထမဆုံး ယဇ်ကောင်အဖြစ် ပြောင်းလဲပစ်လိုက်မယ်”</p> <p> </p> <p>သူသည် အသင့်ဖြစ်နေသော ဝံပုလွေအုပ်ဆီသို့ လှည့်လိုက်ပြီး သူ့အသံက အဖွဲ့ဝင်တိုင်း၏ အသိစိတ်ထဲသို့ ရောက်ရှိသွားသည်။</p> <p> </p> <p>“တပ်ဖွဲ့အားလုံး အမြင့်ဆုံး တိုက်ပွဲဝင်ပုံစံကို ပြောင်းလဲကြ။ ဝံပုလွေအသိုက်ရဲ့ ဘုန်းကျက်သရေက ကျူးကျော်လို့မရဘူးဆိုတာ ဒီလူသားတွေကို ငါတို့ သိအောင်လုပ်ပေးရမယ်”</p> <p> </p> <p>ဝံပုလွေအုပ်စု၏ ဟိန်းဟောက်သံများက တိမ်တိုက်များကိုပင် တုန်လှုပ်စေပြီး သူတို့၏ တိုက်ပွဲဝင်လိုစိတ်များက ကောင်းကင်ယံအထိ ထိုးဖောက်သွားသည်။</p> <p> </p> <p>ဝံပုလွေအသိုက်ထဲတွင် စစ်ရေးပြင်ဆင်မှုများကို တက်ကြွစွာ လုပ်ဆောင်နေစဉ် လူသားတပ်ဖွဲ့ သုံးဖွဲ့၏ ခေါင်းဆောင်များသည်လည်း သူတို့၏ အသီးသီးသော စခန်းများတွင် နောက်ဆုံး အစီအစဥ်များကို ပြုလုပ်နေကြသည်။</p> <p> </p> <p>အနောက်ဘက်စစ်မျက်နှာစာ၊ လောင်ကျွမ်းမီးလျှံဂိုဏ်း ယာယီကွပ်ကဲရေးစခန်း။</p> <p> </p> <p>ဟော်ကျန်းသည် ထုံးကျောက်တောင်တန်းများ၏ အမြင့်ဆုံးနေရာတွင် ရပ်ကာ ရှင်းလင်းထားခါစဖြစ်သော ကျောက်ဝက်ဝံရိုင်းအသိုက်ကို ငုံ့ကြည့်နေသည်။</p> <p> </p> <p>သူ၏ လက်မောင်းတံဆိပ်ပေါ်ရှိ လောင်ကျွမ်းနေသော ဦးခေါင်းခွံက သူ၏ မျက်လုံးများထဲရှိ ဒေါသမီးတောက်များကို ရောင်ပြန်ဟပ်နေသည့်ဟန်ပင်။</p> <p> </p> <p>“ခေါင်းဆောင်၊ ရှေ့ပြေးတပ်ဖွဲ့ လှုပ်ရှားဖို့ အသင့်ဖြစ်နေပါပြီ” လက်ထောက်က ရိုသေစွာ သတင်းပို့လိုက်သည်။</p> <p> </p> <p>ဟော်ကျိန်းက နောက်လှည့်မကြည့်ဘဲ အေးစက်စက် အသံဖြင့် ပြောလိုက်လေသည်။ “အဲဒီ နှင်းဝံပုလွေဘုရင်... ဒီတစ်ကြိမ်တော့ သူ့ကို သေချာပေါက် တန်ဖိုးပေးဆပ်ခိုင်းမယ်”</p> <p> </p> <p>အရှက်ရဖွယ် မှတ်ဉာဏ်နှစ်ခု သူ၏ခေါင်းထဲတွင် လျှပ်တစ်ပြတ်ပေါ်လာသည်။</p> <p> </p> <p>ပထမတစ်ခုမှာ ထျန်းစန်းတောအုပ်တောင်ကြားတွင် သူ ဖမ်းတော့မည့် အရိပ်မီးလျှံကျားသစ်ဘုရင်ကို ထိုနှင်းဝံပုလွေဘုရင်က လုယူသွားသဖြင့် သူ၏ ပင်ကိုယ်စွမ်းရည် မီးခဲအစားထိုးမှု ကို အသုံးပြုကာ အသေခံပြီး ထွက်ပြေးခဲ့ရလေသည်။</p> <p>နောက်ပိုင်းတွင် ဝိညာဉ်နယ်မြေသို့ သူစေလွှတ်လိုက်သော အထူးတပ်ဖွဲ့တစ်ခုလုံး သုတ်သင်ခံလိုက်ရပြီး ဌာနချုပ်၏ လျှို့ဝှက်အခန်းထဲတွင် သိမ်းဆည်းထားသော အသက်ကျောက်ပြားများ အားလုံးပင် အက်ကွဲသွား‌လေ၏။</p> <p> </p> <p>“အသက်ကျောက်ပြားတွေပေါ်မှာ ကျန်ခဲ့တဲ့ အငွေ့အသက်က... လုံးဝမမှားဘူး” ဟော်ကျန်းက လက်သီးကို ဆုပ်လိုက်သည်။ “ဒီတစ်ကြိမ်တော့ ငါကိုယ်တိုင် ဦးဆောင်ပြီးလာခဲ့မယ်။ သူ ဘယ်ကိုများ ထွက်ပြေးနိုင်ဦးမလဲ ကြည့်ကြသေးတာပေါ့”</p> <p> </p> <p>တောင်ဘက်စစ်မျက်နှာစာ၊ သံမဏိဒိုင်းကာ ကင်းစခန်း ရှေ့တန်းစခန်း</p> <p> </p> <p>လိန့်ဟောင်သည် မြေပုံပေါ်ရှိ ရှင်းလင်းပြီး' ဟု အမှတ်အသားပြုထားသော ချန်နင် လွင်ပြင်ဧရိယာကို မျက်နှာကြောတင်းတင်းဖြင့် ကြည့်နေသည်။</p> <p> </p> <p> ဝိညာဉ်နယ်မြေခရီးစဉ်၏ အရှက်ရမှုက သူ့ကို ဧရာမ ကျောက်တုံးကြီးဖြင့် ဖိထားသည့်အလား လေးလံနေစေခဲ့သည်။</p> <p> </p> <p>“ခေါင်းဆောင်၊ စခန်းရဲ့ ကာကွယ်ရေးစနစ်ကို ဖြန့်ကျက်ပြီးပါပြီ”</p> <p> </p> <p>လိန့်ဟောင်က အေးစက်စွာ နှာမှုတ်လိုက်သည်။ “ဒုတိယနဲ့ တတိယ တိုက်ခိုက်ရေးအဖွဲ့တွေကို ထွက်ခွာဖို့ ပြင်ခိုင်းထားလိုက်။ အနောက်ဘက်စစ်မျက်နှာစာက တိုက်ပွဲစတာနဲ့ ငါတို့က တောင်ဘက်ကနေ ချက်ချင်းဝင်ရောက်ပူးပေါင်းမယ်”</p> <p> </p> <p>နှင်းဝံပုလွေဘုရင်ကိုယ်တိုင် ဝိညာဉ်နယ်မြေမှ သူ့အားနှင်ထုတ်ခဲ့သည့် မြင်ကွင်းကို သူ ဘယ်တော့မှ မေ့မည်မဟုတ်ပေ။</p> <p> </p> <p>‘မယိမ်းယိုင်သော ကျောက်ဆောင်ဘုရင်' ဆိုသည့် ဂုဏ်ပုဒ်က ထိုဝံပုလွေဘုရင်ရှေ့တွင် ဟာသတစ်ခုပမာ ဖြစ်သွားခဲ့ရသည်။ ဤတစ်ကြိမ် သုံးဖွဲ့ပေါင်းပြီး လာရောက်ရာတွင် သူ၏ ယခင်ကအရှက်ရမှုများကို ဆေးကြောရန် သူသန္နိဋ္ဌာန်ချထားလေသည်။</p> <p> </p> <p>မြောက်ဘက်စစ်မျက်နှာစာ၊ မီးပွားသုသေသနပညာရှင်အသင်း၊ ကင်းထောက်စင်တာ။</p> <p> </p> <p>ယန်ချင်းယွမ်သည် မျက်မှောင်ကြုတ်လျက် ဟိုလိုဂရမ်ပုံရိပ်ဖော်ပြစက်ပေါ်ရှိ စွမ်းအင်ဖြန့်ကျက်မှုမြေပုံကို ကြည့်နေသည်။ ပုံရိပ်၏ဗဟိုချက်တွင် ဝံပုလွေအသိုက်ကို ကိုယ်စားပြုသော ဧရိယာက တည်ငြိမ်မှုမရှိသော စွမ်းအင်လှိုင်းများကို ထုတ်လွှတ်နေသည်။</p> <p> </p> <p>“ပရော်ဖက်ဆာ၊ အဝေးထိန်းအာရုံခံကိရိယာတွေအရ ဝံပုလွေအသိုက်ပတ်လည်က စွမ်းအင်အဆင့်က တဟုန်ထိုးမြင့်တက်နေပါတယ်”</p> <p> </p> <p>ယန်ချင်းယွမ်က စားပွဲကို လက်ချောင်းဖြင့် ခေါက်လိုက်သည်။ “ငါထင်တဲ့အတိုင်းပဲ၊ အဲဒီ နှင်းဝံပုလွေဘုရင်က တစ်ခုခု ပြင်ဆင်နေတာ... ဌာနအားလုံးကို အစီအစဉ်အတိုင်းချီတက်ဖို့ အကြောင်းကြားလိုက်၊ လုံခြုံတဲ့ အကွာအဝေးကိုတော့ ထိန်းသိမ်းထား လို့ပါမှာလိုက်”</p> <p> </p> <p>သုသေသနအသင်း၏ ခေါင်းဆောင်တစ်ဦးအနေဖြင့် သူသည် အခြားနှစ်ဖွဲ့ထက် ပိုမိုသတိထားတတ်လေသည်။</p> <p> </p> <p>သူ၏ လက်ထောက်သုသေသီကို အလွယ်တကူ နောက်ဆုတ်သွားစေနိုင်ပြီး စွမ်းအားကို တိကျစွာ ထိန်းချုပ်နိုင်သည့် ထိုနှင်းဝံပုလွေဘုရင်အပြင် ထူးဆန်းသော အကာအကွယ်တို့က သူ့ကို အန္တရာယ်များသည်ဟု ခံစားရစေလေသည်။</p> <p> </p> <p>ဤသည်မှာ သူ သုံးဖွဲ့ပူးပေါင်းဆောင်ရွက်ရန် အဆိုပြုခဲ့ရသည့် အကြောင်းရင်းလည်း ဖြစ်သည်။ ဤရန်သူကို တစ်ယောက်တည်းရင်ဆိုင်ရခြင်းမှာ အလွန်အန္တရာယ်များလှသည်။</p> <p> </p> <p>သုံးဖွဲ့ဆက်သွယ်ရေး ချန်နယ်။</p> <p> </p> <p>သုံးဖွဲ့လုံးသည် လိုင်းပေါ်မှ တိုတောင်းသော အစည်းအဝေးတစ်ခု ကျင်းပနေကြလေသည်။</p> <p> </p> <p>ယန်ချင်းယွမ်က အရင်စပြောလိုက်သည်။ “နောက်ဆုံးရ သတင်းတွေအရ ဝံပုလွေအသိုက်ပတ်လည်က စွမ်းအင်လှိုင်းတွေက ပုံမှန်မဟုတ်ဘူး၊ အသွင်ပြောင်းလဲမှုတစ်ခုခု ဖြစ်နေပုံရတယ်။ မူလအစီအစဉ်အတိုင်းသွားဖို့ ကျွန်တော် အကြံပြုချင်တယ်၊ အနောက်ဘက်စစ်မျက်နှာစာက ပထမဆုံး စမ်းသပ်တိုက်ခိုက်ပြီး မြောက်ဘက်နဲ့ တောင်ဘက်က အကူအညီပေးရမယ်”</p> <p> </p> <p>ဟော်ကျ်န်းက လှောင်ပြုံးပြုံးလိုက်သည်။ “မင်းမပြောလည်း ငါ အဲဒီအတိုင်းလုပ်မှာပဲ။ မနက်ဖြန်ဆို ငါ့ရဲ့ ရှေ့ပြေးတပ်ဖွဲ့က ဝံပုလွေအသိုက်ရဲ့ အစွန်အဖျားကို ရောက်ပြီ”</p> <p> </p> <p>လိန့်ဟောင်က လေးနက်သောအသံဖြင့် ပြောလိုက်သည်။ “တောင်ဘက်စစ်မျက်နှာစာက နေရာယူပြီးပြီမို့ အချိန်မရွေး ပူးပေါင်းတိုက်ခိုက်နိုင်တယ်”</p> <p> </p> <p>ယန်ချင်းယွမ် ခေါင်းညိတ်လိုက်သည်။ “မှတ်ထား၊ ပထမအဆင့်က စမ်းသပ်တာပဲ။ ဝံပုလွေအသိုက်ရဲ့ ကာကွယ်ရေးစနစ်နဲ့ နှင်းဝံပုလွေဘုရင်ရဲ့ အစစ်အမှန် စွမ်းအားကို ငါတို့သိဖို့လိုတယ်”</p> <p> </p> <p>မဟာမိတ်အဖွဲ့သည် သူတို့၏ တွက်ချက်မှုအသီးသီးများကြားတွင် ဆက်လက် လည်ပတ်နေပြီး တပ်ဖွဲ့သုံးဖွဲ့မှာ ဝံပုလွေအသိုက်၏ အလယ်ဗဟိုကို တိုက်ရိုက် ချိန်ရွယ်ထားသော ထက်ရှသည့် ဓားသုံးလက်ပမာ ဖြစ်နေလေတော့‌သည်။</p> <p> </p> <p>……</p> <p> </p> <p>ဆည်းဆာရောင်ခြည်က ဝံပုလွေအသိုက်ကို ဖုံးလွှမ်းသွားပြီး မိခင်သစ်ပင်၏ အသွင်ပြောင်းလဲမှုမှ ထွက်ပေါ်လာသော ခမ်းနားသည့် စွမ်းအင်များကြောင့် ကြယ်တာရာအကာအကွယ်မှာ အနည်းငယ် လှုပ်ခတ်နေခဲ့သည်။</p> <p> </p> <p>လင်းထျန်းလုံ၏ အသိစိတ်က အသိစိတ်နေရာလွတ်အတွင်းရှိ အရေးပါသော သိုလှောင်ပစ္စည်းများအပေါ် ဖြတ်သန်းသွားပြီး စစ်မတိုင်မီ နောက်ဆုံး အားဖြည့်မှုများကို စတင်စီစဉ်တော့သည်။</p> <p> </p> <p>“ထျန်းပင်း ဒီကိုလာခဲ့”</p> <p> </p> <p>ရွှေရောင်ရင့်ရင့် ဧရာမဝံပုလွေကြီးက ချက်ချင်း ရှေ့ထွက်လာသည်။ သူ၏ ပါးစပ်ထဲတွင် မြေအောက်မီးလျှံနှလုံးသားကို ကိုက်ထားဆဲပင်။</p> <p> </p> <p>ပူလောင်သော မီးစွမ်းအင်များက သူ၏ ကိုယ်ပိုင် ရေခဲခန္ဓာကိုယ်နှင့် အဆက်မပြတ် ပွတ်တိုက်နေပြီး ခန္ဓာကိုယ်မျက်နှာပြင်ပေါ်တွင် ရေနွေးငွေ့များ ပါးပါးလေး ဖြစ်ပေါ်နေသည်။</p> <p> </p> <p>“ဘယ်လိုခံစားရလဲ” လင်းထျန်းလုံက မေးလိုက်သည်။</p> <p> </p> <p>“အရမ်းထူးဆန်းတယ် ဘုရင်မင်းမြတ်” ထျန်းပင်းက ခပ်သြသြဟိန်းသံဖြင့် ပြန်ဖြေလာသည်။</p> <p> </p> <p>“ကျွန်တော့်ကိုယ်ထဲမှာ ရေခဲနဲ့မီးက ပွတ်တိုက်နေတယ်၊ ဒါပေမယ့် ထာ၀ရဗာဂျရာခန္ဓာက ဒီအပြောင်းအလဲနဲ့ အသားကျလာနေတယ်”</p> <p> </p> <p>လင်းထျန်းလုံ ခေါင်းညိတ်လိုက်ပြီး ကြေးနီမြေအောက်မီးနဂါး အမြုတေကို ထုတ်ယူလိုက်သည်။ “ဒါနဲ့ ပေါင်းလိုက်ရင် ပေါင်းစပ်တဲ့လုပ်ငန်းစဉ်ကို ပိုမြန်သွားစေလိမ့်မယ်”</p> <p> </p> <p>[စနစ်အသိပေးချက်]။  ။ကြေးနီမြေအောက်မီးနဂါး အမြုတေတွင် ချော်ရည်နှလုံးသား (ရွှေရောင် အဆင့်မြင့်) နှင့် နဂါးအရှိန်အဝါ ခြောက်လှန့်ခြင်း (ခရမ်းရောင် အဆင့်မြင့်) ပင်ကိုစွမ်းရည်များ ပါဝင်ပါသည်။</p> <p> </p> <p>ထျန်းပင်း၏ မျက်လုံးများထဲတွင် စိတ်လှုပ်ရှားမှု အရိပ်အယောင်များ လင်းလက်သွားပြီး အမြုတေကို ပါးစပ်ဖြင့် ဂရုတစိုက် ကိုက်ယူလိုက်သည်။</p> <p> </p> <p>ချက်ချင်းပင် အနီရင့်ရောင် စွမ်းအင်များက မြေအောက်မီးလျှံနှလုံးသားနှင့် ပဲ့တင်ထပ်သွားပြီး သူ့ကို ဝန်းရံထားသော ရွှေရောင်ရင့်ရင့် အလင်းများကြားတွင် ချော်ရည်ပုံစံများ စတင်ပေါ်ထွက်လာတော့သည်။</p> <p> </p> <p>“သွားကျင့်ကြံတော့၊ ရလဒ်ကို သုံးရက်အတွင်း ငါမြင်ချင်တယ်”</p> <p> </p> <p>“ဘုရင်မင်းမြတ်ရဲ့ မျှော်လင့်ချက်တွေကို စိတ်ပျက်စေမှာ မဟုတ်ပါဘူး” ထျန်းပင်း ခပ်သြသြ ဟိန်းဟောက်လိုက်ပြီး ကျင့်ကြံမည့်နေရာသို့ လျင်မြန်စွာ ထွက်သွားသည်။</p> <p> </p> <p>နောက်တစ်ယောက်မှာတော့ ရန့်မြဲ့ပင်။ အစောင့်အရှောက်ခေါင်းဆောင်သည် ဘေးတွင် တိတ်တဆိတ် ရပ်နေပြီး အကြွင်းမဲ့ရေခဲဝိညာဉ်၏ အအေးဓာတ်ကြောင့် ပတ်ဝန်းကျင်လေထုမှာ ရပ်တန့်နေပုံရသည်။</p> <p> </p> <p>“မင်းရဲ့ လမ်းစဉ်က အဆုံးစွန်ထိန်းချုပ်မှုပဲ” လင်းထျန်းလုံသည် ရေခဲနဂါးစပါးအုံး အမြုတေကို ထုတ်ယူလိုက်သည်။ “ဒါက မင်းအတွက် အထောက်အကူဖြစ်လိမ့်မယ်”</p> <p> </p> <p>[စနစ်အသိပေးချက်]။  ။ရေခဲနဂါးစပါးအုံး အမြုတေတွင် အစွန်းရောက်ယင်နဂါးဝိညာဉ် (ရွှေရောင် အဆင့်မြင့်) နှင့် လျှို့ဝှက်ရေခဲကြေးခွံချပ်ဝတ် (ရွှေရောင် အဆင့်မြင့်) ပင်ကိုစွမ်းရည်များ ပါဝင်သည်။</p> <p> </p> <p>ရန့်မြဲ့က အမြုတေကို လေးနက်စွာ လှမ်းယူလိုက်သည်။ “ကျေးဇူးတင်ပါတယ် ဘုရင်မင်းမြတ်၊ ဝိညာဉ်အေးခဲခြင်း လက္ခဏာရပ်ကို ပြီးပြည့်စုံအောင်လုပ်ဖို့ ပိုနက်ရှိုင်းတဲ့ ရေခဲနိယာမ ပစ္စည်းတစ်ခုကို ကျွန်တော်လိုအပ်နေတာနဲ့ အတော်ပဲ”</p> <p> </p> <p>အမြုတေက သူ၏လက်ဖြင့် ထိတွေ့လိုက်သည်နှင့် ဖြူဖျော့ဖျော့ ရေခဲမီးတောက်များ အလိုအလျောက်လောင်ကျွမ်းလာပြီး အမြုတေအတွင်းရှိ အစွန်းရောက်အအေးဓာတ်များနှင့် ပြီးပြည့်စုံစွာ ပေါင်းစပ်သွားသည်။</p> <p> </p> <p>ရန့်မြဲ့၏ မျက်လုံးများထဲတွင် နားလည်သဘောပေါက်သွားသည့် အရိပ်အယောင်တစ်ခု လျှပ်တစ်ပြတ် ပေါ်လာသည်။ သူ အသိဉာဏ်အသစ်တစ်ခု ရရှိသွားပြီဖြစ်ကြောင်း ထင်ရှားလေ၏။</p> <p> </p> <p>နောက်ဆုံးတစ်ယောက်က ယင်းဖုန်းပင် ဖြစ်သည်။ ကင်းထောက်ခေါင်းဆောင်သည် အရိပ်တစ်ခုပမာ တိတ်ဆိတ်စွာ ပေါ်လာသည်။ သူသည် မျက်လုံးသုံးလုံးပုတ်သင်ညို အကြေးခွံကို ကိုယ်နှင့်မကွာ သိမ်းဆည်းထားပြီး ၎င်းထံမှ မှိန်ဖျော့ဖျော့ ဟင်းလင်းပြင်လှုပ်ခတ်မှုများ ထွက်ပေါ်နေသည်။</p> <p> </p> <p>“ယင်းဖုန်း၊ မင်းရဲ့ တစ္ဆေရေခဲအရိပ်ထွက်ပြေးခြင်းက နောက်တစ်ဆင့် တက်ဖို့လိုတယ်” လင်းထျန်းလုံက ဧရာမချော်ရည်ပုတ်သင်ညို အမြုတေကို သူ့ထံ ကမ်းပေးလိုက်သည်။</p> <p> </p> <p>“ဟင်းလင်းပြင်နဲ့ အရိပ်ပေါင်းစပ်မှု... ဒီလမ်းစဉ်က မင်းနဲ့ အတော်ကိုက်ညီတယ်”</p> <p> </p> <p>ယင်းဖုန်းက ရိုသေစွာ လှမ်းယူလိုက်စဉ် သူ၏ပုံရိပ်မှာ အနည်းငယ် မှုန်ဝါးသွားလေသည်။ “ဒီစွမ်းအားကို အကောင်းဆုံး အသုံးချပါ့မယ်”</p> <p> </p> <p>စစ်သူကြီးသုံးဦးအတွက် အဆင့်တိုးတက်ရန် ပစ္စည်းများကို ကိုင်တွယ်ပြီးနောက် လင်းထျန်းလုံ ကျန်ရှိသော အရင်းအမြစ်များကို ကြည့်လိုက်သည်။ </p> <p>နဂါးသွေးအရိုးအပိုင်းအစမှာ ပါရမီရှင်အဆင့်သာ ရှိသော်လည်း ၎င်းအတွင်းရှိ နဂါးသွေးမျိုးဆက် အနှစ်သာရမှာ သာမန်နှင်းဝံပုလွေများအတွက် များစွာအသုံးဝင်ဆဲပင်။</p> <p> </p> <p>“မဟာနှင်းအစောင့်အရှောက်တွေ ရှေ့ထွက်ခဲ့”</p> <p>နှင်းခဲခံတပ်ကြီးခြောက်ခုသည် အမိန့်ကို တုံ့ပြန်သည့်အနေဖြင့် ချက်ချင်းထွက်လာကြပြီး သူတို့၏ နှင်းခဲအကာအကွယ် အလင်းတန်းများက တစ်ခုတည်းအဖြစ် ဆက်သွယ်နေကြသည်။</p> <p> </p> <p>“မင်းတို့က ဝံပုလွေအုပ်စုရဲ့ အခိုင်ခံ့ဆုံး ဒိုင်းတွေပဲ” လင်းထျန်းလုံက နဂါးသွေးအရိုးအပိုင်းအစကို အပိုင်းခြောက်ပိုင်း ခွဲလိုက်လေသည်။ “ဒီအထဲက နဂါးအနှစ်သာရကို စုပ်ယူပြီး မင်းတို့ရဲ့ ခံစစ်ကို နောက်တစ်ဆင့်ကို မြှင့်တင်လိုက်”</p> <p> </p> <p>“ဘုရင်မင်းမြတ်ရဲ့ အမိန့်ကို နာခံပါ့မယ်” မဟာနှင်းအစောင့်အရှောက်များက တစ်ပြိုင်နက်တည်း ဟိန်းဟောက်လိုက်ကြပြီး အရိုးအပိုင်းအစများကို လက်ခံရရှိပြီးနောက် ချက်ချင်း စတင်စုပ်ယူကြတော့သည်။</p> <p> </p> <p>ထိုအချိန်တွင် ရှောင်ယင်းက စူးစမ်းလိုစိတ်ဖြင့် ကပ်လာလေသည်။</p> <p> </p> <p>ရှောင်လန်ကလည်း အရင်းအမြစ်ခွဲဝေမှုကို မျက်လုံးပြူးလေးဖြင့် ကြည့်နေသည်။</p> <p> </p> <p> </p>


Save