Book List

<h2 style="text-align: center;">ရော်နယ်ဒိုလက်သစ် ကျွန်တော်</h2> <h2 style="text-align: center;">အခန်း (၄၃၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">ဝင်ဘလေကွင်းကြီး တစ်ခုလုံး ဆူညံသွားတော့သည်။ ကိုင်လီ ဝေါ်ကာမှာ တိုက်စစ်ရော ခံစစ်ပါ လိုက်ပါနေရသဖြင့် သူ၏ ခံနိုင်ရည်မှာ ကန့်သတ်ချက်သို့ ရောက်ရှိနေလောက်ပြီ ဖြစ်သည်။ </p> <p style="text-align:justify">သို့သော် ရက်ရှ်ဖို့ဒ်က အစပိုင်းတွင် ကိုယ်နှစ်ခြမ်းစာခန့် အသာစီး ရသွားခဲ့သော်လည်း အမြန်နှုန်း ကောင်းသော ကိုင်လီ ဝေါ်ကာက တဖြည်းဖြည်း အမီလိုက်လာခဲ့ပြီး နောက်ဆုံးတွင် ရက်ရှ်ဖို့ဒ်ရော ဘောလုံးပါ မြေပြင်ပေါ်သို့ လဲကျသွားအောင် လျှောထိုး ဖျက်ထုတ်လိုက်လေသည်။</p> <p style="text-align:justify">"ဒီကောင်က တော်တော်လေး ကြမ်းတဲ့ကောင်ပဲ။ တစ်ခါတလေ ညဘက်တွေမှာ မိန်းမ နှစ်ယောက်လောက်နဲ့တောင် အချစ်ပွဲ ဝင်နေတာကို... ဘယ်လိုလုပ် ပြိုင်ပွဲဝင်နိုင်တဲ့ ပုံစံမျိုးကို ထိန်းထားနိုင်သေးတာလဲ..."</p> <p style="text-align:justify">ချူဖုန်းက အံ့ဩတကြီးဖြင့် စုပ်သပ်လိုက်မိသည်။</p> <p style="text-align:justify">သူ ဟေးလ်ဒေသတွင် နေ့စဉ် မနက်ပိုင်း ပြေးလေ့ကျင့်စဉ်က အမျိုးသမီးများစွာ ကိုင်လီ ဝေါ်ကာ၏ အိမ်ထဲမှ ထွက်လာသည်ကို မကြာခဏ မြင်တွေ့ခဲ့ရဖူးသည် မဟုတ်ပါလား…။ </p> <p style="text-align:justify">သူက လက်ပစ်ဘောကို လက်ခံရယူရန် ပြင်ဆင်နေစဉ် အားကစားကွင်း ဒီဂျေက သူ၏ နာမည်ကို ခေါ်လိုက်သံ ကြားလိုက်ရပြီး ကွင်းဘေးရှိ စတုတ္ထ ဒိုင်လူကြီးကလည်း သူ၏ ဆိုင်းဘုတ်ကို မြှောက်ပြလိုက်သည်။</p> <p style="text-align:justify">၇ - ၁၄</p> <p style="text-align:justify">"မော်ရင်ညိုက သူ့ရဲ့ နောက်ဆုံး လူစားလဲမှုကို အသုံးပြုလိုက်ပါပြီ... ရှောင်ချူ နေရာမှာ လင်ဂတ် ဝင်ရောက်လာပါတယ်။ မန်ယူတို့ အသေအလဲ ခံစစ် ပိတ်ကစားတော့မှာ သေချာပါပြီ..."</p> <p style="text-align:justify">"လင်ဂတ်က ပြီးခဲ့တဲ့ တစ်ခေါက်က အသင်းစည်းကမ်း ဖောက်ဖျက်မှုကြောင့် လူငယ်အသင်းကို သီတင်းနှစ်ပတ် နီးပါးလောက် ပို့ခံထားရတာပါ။ ပြန်ရောက်လာပြီး ကတည်းက လူစာရင်းမှာ ပါဝင်ခဲပါတယ်။ ဒီနေ့မှပဲ နောက်ဆုံးတော့ လူစားဝင် ကစားဖို့ အခွင့်အရေး ရလာတာပါ..."</p> <p style="text-align:justify">"မော်ရင်ညိုက ဒီလိုအချိန်မှာ လင်ဂတ်ကို ထည့်လိုက်တာက သူ့ရဲ့ ပြင်းထန်တဲ့ ဖိအားပေးနိုင်စွမ်းနဲ့ နေရာအနှံ့ ပြေးလွှားနိုင်စွမ်းကို အသုံးပြုပြီး မန်စီးတီးရဲ့ ကွင်းလယ်နဲ့ ခံစစ်မှာ ဘောလုံး ပေးပို့မှုတွေကို အနှောင့်အယှက်ပေးဖို့ မျှော်လင့်နေတာ ဖြစ်နိုင်ပါတယ်။ ဒါမှ ကိုယ့်နောက်တန်း အပေါ် ကျရောက်နေတဲ့ ဖိအားတွေကို လျှော့ချနိုင်မှာလေ..."</p> <p style="text-align:justify">ချူဖုန်းက အသင်းခေါင်းဆောင် လက်ပတ်ကို ဒီဂီယာထံ ကမ်းပေးလိုက်ပြီးနောက် ခရုတစ်ကောင်လို နှေးကွေးစွာဖြင့် ကွင်းဘေးသို့ တဖြည်းဖြည်း လျှောက်သွားလိုက်သည်။</p> <p style="text-align:justify">အချိန်ဆွဲခြင်းမှာ ရှက်စရာ မဟုတ်ပေ။ </p> <p style="text-align:justify">ဘောလုံး စူပါစတားများ အားလုံးကလည်း အလားတူ နည်းလမ်းများကို အသုံးပြုခဲ့ကြဖူးပြီး ချူဖုန်းကလည်း သူ့ကိုယ်သူ လူကြီးလူကောင်း တစ်ယောက်ဟု မသတ်မှတ်ထားချေ။ </p> <p style="text-align:justify">ပွဲကို တရားမျှတစွာ အနိုင်ယူရမည်... အမည်းစက်လေး တစ်ခုမှ အဖြစ်မခံနိုင်ဘူး ဆိုတာမျိုးက ဟန်ဆောင်လွန်းရာ ကျပေသည်။ </p> <p style="text-align:justify">သို့သော် မန်စီးတီး ကစားသမားများကတော့ သေချာပေါက် ကျေနပ်မည် မဟုတ်ချေ။ ဆာနေးက ဒေါသတကြီး ပြေးလာပြီး ချူဖုန်းကို ကွင်းထဲမှ အတင်း တွန်းထုတ်လိုက်သေးသည်။</p> <p style="text-align:justify">ဂွါဒီယိုလာကလည်း ဝင်ရောက် ဆဲဆိုချင်နေသည်။ </p> <p style="text-align:justify">သို့သော် ချူဖုန်းက သူ၏ အနာဂတ် သမက် ဖြစ်သည်ကို ရုတ်တရက် သတိရသွားပြီး ထွက်လာတော့မည့် ဆဲရေးတိုင်းထွာမှုများကို အမြန် မျိုချလိုက်ရလေသည်။ </p> <p style="text-align:justify">ဂွါဒီယိုလာ၏ အမူအရာကို မြင်လိုက်ရသဖြင့် ချူဖုန်းက အနာဂတ် ယောက္ခမလောင်းကို မျက်နှာသာ ပေးရမည်ဟု သိကာ ကွင်းထဲမှ အမြန် ထွက်လာခဲ့လိုက်သည်။ </p> <p style="text-align:justify">"သွားကွာ... ဂျက်စီ…"</p> <p style="text-align:justify">ချူဖုန်းက လင်ဂတ်နှင့် လက်ဝါးချင်း ရိုက်လိုက်ပြီး မော်ရင်ညိုကို ဖက်လိုက်သည်။ "ဘော့စ်... ဒီနေလုံးကြီးသာ မရှိဘူးဆိုရင် ကျွန်တော် တစ်ပွဲလုံး သေချာပေါက် ကစားနိုင်သေးတယ်..."</p> <p style="text-align:justify">"မင်း အများကြီး လုပ်ပေးခဲ့ပြီးပါပြီကွာ... သွား... ခုံတန်းမှာ ထိုင်ပြီး နားတော့..." မော်ရင်ညိုက ချူဖုန်း၏ ပခုံးကို ပုတ်ကာ ပြောလိုက်သည်။ </p> <p style="text-align:justify">ချူဖုန်းက ရေခွက်ကို ကိုင်ကာ အရန်ခုံတန်းတွင် ထိုင်လိုက်ပြီး မော့ကြည့်လိုက်သောအခါ မာရီယာ၏ မျက်နှာကို မြင်လိုက်ရသည်။ </p> <p style="text-align:justify">ဟင်... နင်က ဟိုဘက် ပွဲကြည့်စင်မှာ မဟုတ်ဘူးလား... </p> <p style="text-align:justify">"ပွဲတစ်ပိုင်း နားချိန်တုန်းက ပြောင်းလာတာလေ..."</p> <p style="text-align:justify">"..."</p> <p style="text-align:justify">ဝင်ဘလေကွင်းကြီး၏ ပွဲကြည့်စင်များမှာ အရန်ခုံတန်းနှင့် အလွန် နီးကပ်လှသဖြင့် သူတို့နှစ်ဦး အနည်းငယ် ကျယ်ကျယ် ပြောလိုက်ရုံဖြင့် အချင်းချင်း ကြားနိုင်လေသည်။ သူတို့က ပွဲကို ကြည့်ရင်း စကားစမြည် ပြောလာကြသည်။ </p> <p style="text-align:justify">ဒါက ဂွါဒီယိုလာကို တကယ်ကို ဒေါသထွက်စေပြီး အသံထွက်ပြီးသာ ဆဲလိုက်ရရင် ကောင်းမယ်ဟု သူ တွေးလိုက်မိသည်။ </p> <p style="text-align:justify">အနည်းဆုံးတော့ အဲဒီလို လုပ်လိုက်ရရင် ငါ နည်းနည်းလောက် သက်တောင့်သက်သာ ဖြစ်သွားမှာပဲ... </p> <p style="text-align:justify">အသင်းနှစ်သင်းလုံး လူစားလဲမှု အားလုံး အသုံးပြုပြီးသွားပြီ ဖြစ်ရာ ကျန်သည့် အချိန်များမှာ ကစားသမားများ အပေါ်တွင်သာ မူတည်တော့သည်။ သို့သော် အသင်းနှစ်သင်းလုံးမှ ကစားသမားများမှာ သိသိသာသာကို ပင်ပန်းနွမ်းနယ်နေကြပြီ ဖြစ်သည်။ </p> <p style="text-align:justify">ဒုတိယပိုင်း ပွဲချိန် ၈၅ မိနစ်။ </p> <p style="text-align:justify">မန်ယူ၏ ထောင့်ကန်ဘောကို အော်တာမန်ဒီက ခေါင်းတိုက် ရှင်းထုတ်လိုက်ပြီး ပေါ့ဘာက ပင်နယ်တီ ဧရိယာ အပြင်ဘက်မှနေ၍ အဝေးကန်ချက် ကန်သွင်းရန် ကြိုးစားလိုက်သော်လည်း ဖာနန်ဒင်ဟိုက မျှော်လင့်မထားဘဲ သူ၏ ခြေထောက်ကို ခေါင်းဖြင့် ဝင်တိုက်လိုက်လေသည်။ </p> <p style="text-align:justify">သူက ဘောလုံးကို ဘာအကာအကွယ်မှ မပါဘဲ ခေါင်းဖြင့် ဝင်တိုက်ကာ ရှင်းထုတ်လိုက်ခြင်း ဖြစ်သည်။ </p> <p style="text-align:justify">"အရေးပါတဲ့ ရှင်းထုတ်မှုပါပဲ... မန်ယူတို့ အန္တရာယ် ရှိနေပါပြီ..."</p> <p style="text-align:justify">"ဒေးဗစ်ဆေးလ်ဗား"</p> <p style="text-align:justify">"မှော်ဆရာကြီးက အလယ်ကို ဖြတ်တင်ပေးလိုက်ပြီး ဒီဘရိုင်းက ချက်ချင်းပဲ အဝေးပေးပို့မှု တစ်လုံး လုပ်လိုက်ပြန်ပါပြီ..."</p> <p style="text-align:justify">မန်စီးတီး ပရိသတ်များ၏ စိုးရိမ်တကြီး စောင့်ကြည့်နေသော အကြည့်များအောက်တွင်... </p> <p style="text-align:justify">ဘောလုံးက မြေပြင်မှ ပျံတက်သွားပြီး ဘယ်ဘက်တောင်ပံဆီသို့ လေခွင်းသံ ဝှစ်ခနဲ အော်မြည်ကာ ပျံသန်းသွားလေသည်။ </p> <p style="text-align:justify">ဆာနေး…</p> <p style="text-align:justify">သူက လူစားဝင်လာသူ ဖြစ်ပြီး ခွန်အား အပြည့် ရှိနေသည်။ မာတစ်ကို အလွယ်တကူ ခါချလိုက်ပြီး မန်ယူ ပင်နယ်တီ ဧရိယာဆီသို့ ဘောလုံးကို ဆွဲပြေးသွားလေသည်။</p> <p style="text-align:justify">"နောက်ဆုတ် နောက်ဆုတ်ကြ…"</p> <p style="text-align:justify">မက်ဂွိုင်းယားက အသံကုန် အော်ဟစ်လိုက်သည်။ ဆာနေးသာ အရှိန်ရသွားရင် မန်ယူ ခံစစ်မှာ သူ့ကို ဘယ်သူ တားနိုင်မှာလဲ...</p> <p style="text-align:justify">ချူဖုန်းလည်း မတ်မတ် ထိုင်လိုက်ပြီး ဆာနေးကို စူးစူးရဲရဲ ကြည့်နေလိုက်သည်။ </p> <p style="text-align:justify">ရှေ့သို့ တိုးမည့် အစား ဝမ်-ဘစ်ဆာကာက အကွာအဝေး တစ်ခု ရစေရန် နောက်သို့ ဆက်တိုက် ဆုတ်ပေးနေပြီး သူ၏ ခံစစ်ကို ပြန်လည် တည်ဆောက်ရန် နေရာလွတ်ကို အသုံးပြုကာ အချိန်ဆွဲနေခြင်း ဖြစ်သည်။</p> <p style="text-align:justify">သို့သော် ဆာနေးက သူ့ကို အခွင့်အရေး မပေးဘဲ ရုတ်တရက် အရှိန်တင်ကာ ဘေးစည်းတစ်လျှောက် ပြေးတက်လာလေသည်။</p> <p style="text-align:justify">ဝမ်-ဘစ်ဆာကာက အလိုအလျောက် လျှောထိုး ဖျက်ထုတ်ရန် ပြင်လိုက်သော်လည်း သူ လှုပ်ရှားမှု စတင်လိုက်သည့် အခိုက်အတန့်မှာပင် တစ်ခုခု မှားယွင်းနေကြောင်း သတိပြုမိလိုက်သည်။ </p> <p style="text-align:justify">ထင်သည့် အတိုင်းပါပင်…။</p> <p style="text-align:justify">ဆာနေးက ညာခြေဖြင့် ချိတ်ယူလိုက်ပြီးနောက် ဘယ်ခြေဖြင့် တစ်ချက် ထပ်ပုတ်လိုက်သည်။ </p> <p style="text-align:justify">ခြေနှစ်ဖက်ပြောင်း လိမ်ခေါက်ကွက်ဖြင့် ဝမ်-ဘစ်ဆာကာကို လှလှပပ လိမ်ခေါက်သွားခဲ့ခြင်း ဖြစ်သည်။ မန်စီးတီး ပရိသတ်များ၏ အားပေးသံများ ချက်ချင်း ပေါက်ကွဲထွက်လာပြီး ဝင်ဘလေကွင်းကြီး၏ ထောင့်တိုင်းတွင် ဟိန်းထွက်သွားတော့သည်။ </p> <p style="text-align:justify">“တစ်ယောက်ချင်း တွေ့ပြီဟေ့…”</p> <p style="text-align:justify">ဒါက တစ်သက်မှာ တစ်ခါသာ ရနိုင်တဲ့ အခွင့်အရေးပင်။ မန်စီးတီးသာ ချေပဂိုး သွင်းနိုင်ခဲ့လျှင် သူတို့ ပွဲကို အချိန်ပိုအထိ ဆွဲခေါ်သွားနိုင်မည် ဖြစ်သည်။ </p> <p style="text-align:justify">မန်ယူ၏ အဓိက ကစားသမားများ ကွင်းထဲမှ ထွက်ခွာသွားပြီ ဖြစ်ရာ ချန်ပီယံဆုအတွက် မန်စီးတီးကို သူတို့ ဘာနဲ့ သွားယှဉ်ပြိုင်ကြမည်နည်း။ </p> <p style="text-align:justify">ပရိသတ်များ စောင့်ကြည့်နေစဉ်မှာပင် ဆာနေး၏ အမြန်နှုန်းက လျော့မသွားသည့်အပြင် ပို၍ပင် မြန်လာကာ လေးမှ ပစ်လွှတ်လိုက်သော မြားတစ်စင်းအလား မန်ယူ ဂိုးပေါက်ဆီသို့ ပြေးဝင်သွားလေသည်။ </p> <p style="text-align:justify">ဒီဂီယာက ဆာနေးကို စူးစူးရဲရဲ ကြည့်ကာ အချိန်မရွေး ကာကွယ်ရန် အသင့်ပြင်ထားလိုက်သည်။</p> <p style="text-align:justify">သို့သော် ချူဖုန်းက နောက်သို့ လှမ်းကြည့်လိုက်ရာ ဆာနေး၏ နောက်သို့ ကောင်လေး တစ်ယောက် ရူးသွပ်စွာ ပြေးဝင်သွားသည်ကို မြင်လိုက်ရသည်။ ကြက်ဥပြုတ်ကြီး တစ်လုံးပါလား…။</p> <p style="text-align:justify">ကန်တေ၏ ခြေထောက်တိုတိုလေးများက မီးဘီးများအလား ရွေ့လျားနေပြီး ဆာနေးထက်ပင် သာလွန်သော အမြန်နှုန်းဖြင့် ပြေးနေလေသည်။</p> <p style="text-align:justify">သူတို့နှစ်ဦးကြား အကွာအဝေးက တဖြည်းဖြည်း နီးကပ်လာချိန်တွင်... </p> <p style="text-align:justify">ဂျေဇူးက မနေနိုင်ဘဲ "ငါ့ဆီ ဘောလုံး ပေးလိုက်လေ..." ဟု အော်ဟစ်လိုက်သည်။</p> <p style="text-align:justify">ဒါပေမဲ့ ဆာနေးဆိုတာ ဘယ်သူလဲ။ </p> <p style="text-align:justify">စကားလှလှ ပြောရမယ် ဆိုရင် ကိုယ့်ကိုယ်ကိုယ် ယုံကြည်တတ်သူပေါ့...။</p> <p style="text-align:justify">မညှာတမ်း ဝေဖန်ရမယ် ဆိုရင် တစ်ကိုယ်ကောင်းဆန်သူပင်…။</p> <p style="text-align:justify">ဆာနေးက ဘောလုံးနှင့်အတူ ရုတ်တရက် ရပ်တန့်လိုက်ပြီး ကန်တေကို သူ့ရှေ့သို့ ကျော်သွားအောင် လုပ်ဖို့ ကြိုးစားလိုက်သည်။ သို့သော် အရပ်ပုခြင်းက ဆွဲငင်အား ဗဟိုချက် နိမ့်ကျသည်ဟု အဓိပ္ပာယ် ရပြီး ဆွဲငင်အား ဗဟိုချက် နိမ့်ကျခြင်းက အမြန် ပြန်လည် ချိန်ညှိနိုင်စွမ်း ရှိသည်ဟု အဓိပ္ပာယ်ရပေသည်။ </p> <p style="text-align:justify">ကန်တေက သူ၏ ခန္ဓာကိုယ်ကို ပစ်ချလိုက်ပြီး ဘယ်ခြေကို ပြင်းထန်စွာ ဆန့်ထုတ်လိုက်လေသည်။</p> <p style="text-align:justify">ဘောင်း…</p> <p style="text-align:justify">ကန်တေ၏ ခြေထောက်က ဘောလုံးကို ထိသွားသည်။ ထို့နောက် ဘောလုံးက ဒီဂီယာထံသို့ လိမ့်ထွက်သွားရာ ဒီဂီယာက အဝေးသို့ အမြန် ရှင်းထုတ်လိုက်လေသည်။ </p> <p style="text-align:justify">"သောက်ကျိုးနည်း..."</p> <p style="text-align:justify">ချူဖုန်း၏ ပါးစပ် အနည်းငယ် ဟသွားပြီး လဲကျနေသော ကန်တေကို စိုက်ကြည့်နေမိသည်။ </p> <p style="text-align:justify">ကြက်ဥပြုတ်ကြီးက တောက်ပနေသည်ဟုပင် သူ ခံစားလိုက်ရလေသည်။ </p> <p style="text-align:justify">"ကန်တေ..." </p> <p style="text-align:justify">"သူက သူရဲ့ မရပ်မနား ပြေးလွှားမှုတွေနဲ့ မန်ယူအသင်းကို ကယ်တင်သွားခဲ့ပါပြီ... ပြီးတော့ ပထမ မိနစ် ၈၅ မိနစ်အတွင်းက အသင်းရဲ့ ကြိုးစားအားထုတ်မှု အားလုံးကိုပါ ကယ်တင်သွားခဲ့တာပါ..."</p> <p style="text-align:justify">"အဲဒီ ဖျက်ထုတ်မှုက ဂိုးသွင်းတာထက် လုံးဝ မလျော့တဲ့ ဖျက်ထုတ်မှုမျိုးပါပဲ..."</p> <p style="text-align:justify">"ကျော်လွှားလို့ မရနိုင်တဲ့ အတားအဆီး ဆိုတာ မရှိပါဘူး... ကျော်လွှားလို့ မရနိုင်တဲ့ စိန်ခေါ်မှုတွေပဲ ရှိတာပါ..."</p> <p style="text-align:justify">"လှလိုက်တာဗျာ... အိုး... လှလိုက်တာ..."</p> <p style="text-align:justify">ကျန်းကျွင်းမှာ အလွန်အမင်း စိတ်လှုပ်ရှားနေသဖြင့် အသံများပင် တုန်ယင်နေလေပြီ။ </p> <p style="text-align:justify">ကွင်းထဲရှိ မန်စီးတီး ကစားသမားများမှာ စိတ်ဓာတ်ကျသွားကြပြီး ဒီဘရိုင်းက ပြီးခဲ့သည့် ရာသီတုန်းက သူ ကန်တေ၏ တားဆီးခြင်းကို ခံခဲ့ရသဖြင့် ဘောလုံးကိုပင် ပေးပို့ခွင့် မရခဲ့သည်ကို ပြန်လည် သတိရသွားသည်။ </p> <p style="text-align:justify">မန်ယူရဲ့ မိစ္ဆာကောင်လေး ထွက်သွားပြီဆိုတော့ ငါတို့ ချေပဂိုး သွင်းဖို့ အခွင့်အရေး ရပြီလို့ ထင်ခဲ့တာ... </p> <p style="text-align:justify">ဒါပေမဲ့ သူတို့ဆီမှာ နောက်ထပ် မိစ္ဆာကောင် တစ်ကောင် ရှိနေသေးတယ် ဆိုတာ ဘယ်သူက သိမှာလဲ...</p> <p style="text-align:justify">မက်ဂွိုင်းယားက ကန်တေကို ဆွဲထူလိုက်ပြီး စိတ်လှုပ်ရှားစွာဖြင့် အော်ပြောလိုက်သည်။ "အန်ဂိုလို... ငါ မင်းကို သေလောက်အောင် ချစ်သွားပြီကွာ... မင်း ရေချိုးရင် အတွင်းခံ ဝတ်ပြီး ချိုးတဲ့ ကိစ္စကို ငါ ဘယ်တော့မှ ထပ်ပြီး မညည်းတွားတော့ဘူးကွာ..."</p> <p style="text-align:justify">မန်ယူ ကစားသမားများကလည်း သူတို့၏ ချီးကျူးစကားများကို အသီးသီး ဆိုလာကြသည်။ </p> <p style="text-align:justify">ကန်တေက ရှက်ရွံ့စွာဖြင့် သူ၏ ခေါင်းကို ပွတ်သပ်လိုက်သည်။ ဒါက သူ လုပ်သင့်လုပ်ထိုက်တာကို လုပ်တာပဲလို့ သူ ခံစားရသည်။ </p> <p style="text-align:justify">သို့သော် ချီးကျူးခံရတာကတော့ တကယ်ကို ခံစားလို့ ကောင်းလှပေသည်။ </p> <p style="text-align:justify">မန်စီးတီး၏ အကောင်းဆုံး တိုက်စစ် အခွင့်အရေးကြီး ပျက်ပြယ်သွားခဲ့ပြီး ပွဲကလည်း ပြီးဆုံးလုနီးပါး ဖြစ်နေလေပြီ။ </p> <p style="text-align:justify">မော်ရင်ညို၏ ညွှန်ကြားမှုအောက်တွင် မန်ယူတို့က ဘတ်စ်ကား ပိတ်ရပ်သည့် ကစားကွက်ကို စတင် အသုံးပြုကာ အသေအလဲ ခံစစ် ကစားကြတော့သဖြင့် မန်စီးတီး၏ မျှော်လင့်ချက်များကို လုံးဝ ရိုက်ချိုးပစ်လိုက်လေသည်။</p> <p style="text-align:justify">ဆာနေး၏ အဝေးကန်ချက် ပွဲကြည့်စင်ပေါ်သို့ ပျံတက်သွားချိန်တွင် ဒိုင်လူကြီးက နောက်ဆုံးတွင် ဝီစီမှုတ်လိုက်လေတော့သည်။ </p> <p style="text-align:justify">တီ… တီ… တီ…</p> <p style="text-align:justify">*</p>


Save