Book List

<h2 style="text-align: center;">အခန်း (၄၃၃)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">“မင်း သိလား...”</p> <p style="text-align:justify">မော်ရင်ညိုက တိုးတိုးလေး ရယ်မောလိုက်ပြီး ပြောလိုက်သည်။ "လူတစ်ယောက်တည်းက အသင်း တစ်သင်းလုံးကို ပြောင်းလဲပစ်နိုင်တယ်ကွ... မာရာဒိုနာရဲ့ နာပိုလီ၊ ခရိုက်ဖ်ရဲ့ ဘာစီလိုနာ... စသဖြင့်ပေါ့..."</p> <p style="text-align:justify">"ဘော့စ်က ဘော့စ် ကိုယ်တိုင် မန်ယူကို ပြောင်းလဲပစ်ခဲ့တယ်လို့ ဆိုလိုချင်တာလား..."</p> <p style="text-align:justify">ဖာရီယာက အဖြေရရန် အတင်း မေးလိုက်သည်။</p> <p style="text-align:justify">မော်ရင်ညို: "..."</p> <p style="text-align:justify">စကား မပြောတတ်ရင် မပြောနဲ့လေ။ ဘယ်သူကမှ မင်းကို ဆွံ့အ နေတယ်လို့ မထင်ပါဘူး။</p> <p style="text-align:justify">ငါကိုယ်တိုင် ဒီမေးခွန်းကို ဘယ်လို ဖြေရမှာလဲ။</p> <p style="text-align:justify">ဟုတ်တယ်လို့ ဖြေရင် ငါ နည်းနည်း ရှက်စရာ ကောင်းနေမယ်။</p> <p style="text-align:justify">မဟုတ်ဘူးလို့ ဖြေပြန်ရင်လည်း... အဟမ်း။</p> <p style="text-align:justify">"မနက်ဖြန် မနက် ၈ နာရီ မထိုးခင် ဒီနေ့ပွဲရဲ့ အသေးစိတ် ဗီဒီယို ပြန်လည် သုံးသပ်ချက် ငါ့ကို လာပေး..."</p> <p style="text-align:justify">မော်ရင်ညိုက အသံဩဩဖြင့် ပြောလိုက်သည်။</p> <p style="text-align:justify">"ဟင်... ဘော့စ်... ကျွန်တော်တို့ ချန်ပီယံ ဖြစ်သွားပြီလေ။ စည်းမျဉ်းတွေအရ ကျွန်တော်တို့ နားရမှာ မဟုတ်ဘူးလား..." ဖာရီယာက ညည်းတွားလိုက်သည်။</p> <p style="text-align:justify">"အခု စည်းမျဉ်းတွေ ပြောင်းသွားပြီ..."</p> <p style="text-align:justify">မော်ရင်ညိုက ခေါင်းပင် မလှည့်ဘဲ ပြောလိုက်သည်။</p> <p style="text-align:justify">ဖာရီယာ: "ဘော့စ်... ကျွန်တော် ဘော့စ်နဲ့ အတူတူ တွဲလုပ်လာတာ ၁၅ နှစ် ရှိပြီနော်။ ကျွန်တော့်ကို သေတဲ့အထိ ခိုင်းစားနေရင် ဒီလောက်ကောင်းတဲ့ လက်ထောက်နည်းပြမျိုး ဘယ်က သွားရှာမှာလဲ..."</p> <p style="text-align:justify">သူတို့နှစ်ဦး စကားပြောနေစဉ် ဝန်ထမ်းများက ဆုပေးစင်မြင့်ကို ပြင်ဆင်ပြီးစီးသွားပြီး မန်ယူ ကစားသမားများကလည်း အဝတ်အစား သန့်သန့်လေးများ လဲဝတ်ပြီးကြပြီ ဖြစ်သည်။</p> <p style="text-align:justify">ချူဖုန်းက ကစားသမား ဥမင်လှိုဏ်ခေါင်းထဲမှ ထွက်လာပြီး ဆုပေးစင်မြင့်ရှေ့တွင် ရပ်လိုက်သည်။</p> <p style="text-align:justify">အက်ဖ်အေဖလား ဆုဖလားကြီး…</p> <p style="text-align:justify">ယင်းက လိဂ်ဖလားထက် အဆပေါင်းများစွာ ပိုကြီးပြီး ပို၍ ခမ်းနားထည်ဝါသော အသွင်အပြင် ရှိလေသည်။</p> <p style="text-align:justify">ချူဖုန်းက သူ၏ လက်မောင်းရှိ အသင်းခေါင်းဆောင် လက်ပတ်ကို ငုံ့ကြည့်လိုက်သည်။ ဤသည်မှာ အသင်းခေါင်းဆောင် အနေဖြင့် သူ ပထမဆုံးအကြိမ် ဆုဖလား ကိုင်မြှောက်ခွင့် ရခြင်းဖြစ်ပြီး သူ့အတွက် အလွန် အထူးခြားဆုံး အဓိပ္ပာယ် တစ်ခု ရှိလေသည်။</p> <p style="text-align:justify">ငါ ဒီလောက်အထိ ခရီးရောက်လာခဲ့တာကိုတောင် သတိမထားမိလိုက်ဘူးပဲ...</p> <p style="text-align:justify">အက်ဖ်အေ ဥက္ကဋ္ဌက ချူဖုန်းကို ဆုတံဆိပ် ဆွဲပေးရင်း ပြောလိုက်သည်။ "ဂုဏ်ယူပါတယ်ကွာ... ပြီးခဲ့တဲ့ တစ်ခေါက် တွေ့ကတည်းက မင်းကို ငါ ဆုထပ်ချီးမြှင့်ရမလားလို့ တွေးနေမိတာ... ငါ ထင်တာ မှန်သွားတာပေါ့..."</p> <p style="text-align:justify">"ရာသီသိမ်း အနားယူချိန်မှာ ပရီးမီးယားလိဂ်ရဲ့ ပြောရေးဆိုခွင့်ရှိသူ တစ်ယောက်ကို ငါတို့ ရွေးချယ်ရလိမ့်မယ်။ အဲဒီလူက မင်းကလွဲရင် တခြားသူ မဖြစ်နိုင်ဘူးလို့ ငါ ထင်တယ်..."</p> <p style="text-align:justify">စာရင်းဇယား အချက်အလက်များကို ကြည့်သည်ဖြစ်စေ၊ ရရှိထားသော ဂုဏ်ပြုဆုများကို ကြည့်သည်ဖြစ်စေ...</p> <p style="text-align:justify">ပရီးမီးယားလိဂ် တစ်ခုလုံးတွင် ချူဖုန်းကို မည်သူကမျှ ယှဉ်နိုင်မည် မဟုတ်ချေ။</p> <p style="text-align:justify">ထို့အပြင် ချူဖုန်းက အလွန် ယုံကြည် စိတ်ချရသူ ဖြစ်သည်။ သူ့တွင် ရှုပ်ထွေးသော ကိုယ်ပိုင်ဘဝမျိုး မရှိဘဲ ဖြောင့်မတ်မှန်ကန်မှု၏ ပြယုဂ် တစ်ခုပင် ဖြစ်လေသည်။</p> <p style="text-align:justify">စဉ်းစားသာ ကြည့်လိုက်ပါ။</p> <p style="text-align:justify">ပရီးမီးယားလိဂ်ကသာ ကိုင်လီ ဝေါ်ကာကို ပရိုမိုးရှင်း လုပ်ပေးလိုက်မည် ဆိုပါက ဒီကောင်က မနက်ဖြန်ကျလျှင် အမျိုးသမီးများကို နှောင့်ယှက်ပြီး သူ့အိမ်တွင် ပါတီပွဲတွေ လုပ်နေလိမ့်မည်။</p> <p style="text-align:justify">အဲဒီလိုဆိုရင် ပရီးမီးယားလိဂ် မျက်နှာပျက်စရာ မဖြစ်သွားဘူးလား။</p> <p style="text-align:justify">ထို့ကြောင့် ပရီးမီးယားလိဂ်ကို ဆက်လက် မြှင့်တင်လိုပါက အလွန် ထူးချွန်သော ကစားသမား တစ်ဦး ရှိရန် လိုအပ်ပေသည်။</p> <p style="text-align:justify">ရီးရဲလ်မက်ဒရစ်၏ ခရစ္စတီယာနို ရော်နယ်ဒိုနှင့် ဘာစီလိုနာ၏ မက်ဆီတို့လိုမျိုးပင် ဖြစ်သည်။</p> <p style="text-align:justify">"ကျေးဇူးတင်ပါတယ်..."</p> <p style="text-align:justify">ချူဖုန်း မငြင်းဆန်ခဲ့ပေ။</p> <p style="text-align:justify">၎င်းမှာ အပြန်အလှန် အကျိုးရှိစေသော အစီအစဉ်တစ်ခု ဖြစ်သည်မှာ ထင်ရှားပြီး သူကလည်း အနှီ အခွင့်အရေးကို အသုံးချကာ သူ၏ ဩဇာလွှမ်းမိုးမှုကို မြှင့်တင်ပြီး လာမည့်နှစ် ဇန်နဝါရီလတွင် ပြုလုပ်မည့် ဘလွန်းဒီအောဆု အတွက် ပြင်ဆင်လိုပေသည်။</p> <p style="text-align:justify">ဘလွန်းဒီအောဆုသည် ကမ္ဘာ့ဘောလုံးလောကတွင် အမြင့်မားဆုံးသော တစ်ဦးချင်း ဆုတံဆိပ်ပင် ဖြစ်သည်။</p> <p style="text-align:justify">ပရော်ဖက်ရှင်နယ် ကစားသမားတိုင်းက ယင်းကို အိမ်မက်မက်ခဲ့ကြဖူးသည်။</p> <p style="text-align:justify">ချူဖုန်းသည် မန်ယူ လူငယ်အကယ်ဒမီသို့ စတင် ဝင်ရောက်ခဲ့စဉ်က သူ၏ ရင်ဘတ်ကို ပုတ်ကာ မက်တော်မီနေးကို "နောင်တစ်ချိန်ကျရင် ငါက ဘလွန်းဒီအောဆု ရတဲ့ ပထမဆုံး တရုတ်လူမျိုး ဖြစ်လာစေရမယ်" ဟု ပြောခဲ့သည်ကို မှတ်မိနေဆဲပင်။</p> <p style="text-align:justify">သူ အရွယ်ရောက်လာသည်နှင့်အမျှ ၎င်းက မည်မျှ ခက်ခဲကြောင်းကို သဘောပေါက်လာခဲ့သည်။</p> <p style="text-align:justify">ကံကောင်းလို့ ငါ့မှာ လှည့်စားတဲ့ စနစ် တစ်ခု ရှိနေတာပဲ...</p> <p style="text-align:justify">အားလုံး စင်ပေါ်သို့ ရောက်ရှိသွားပြီးနောက် အက်ဖ်အေ ဥက္ကဋ္ဌက ဆုဖလားကြီးကို ကောက်ယူကာ မော်ရင်ညိုထံသို့ ကမ်းပေးလိုက်သည်။ မော်ရင်ညိုက သူ၏ တပည့်ဖြစ်သူကို ကြည့်ကာ ဖလားကြီးကို လွှဲပြောင်းပေးလိုက်သည်။</p> <p style="text-align:justify">၎င်းမှာ အစဉ်အလာ တစ်ခုလိုပင်။</p> <p style="text-align:justify">ချူဖုန်းက လေးလံသော ဆုဖလားကြီးကို လက်ခံရယူလိုက်ပြီး အသက်ပြင်းပြင်း တစ်ချက် ရှူကာ ဆုဖလားကို ဖြည်းဖြည်းချင်း အောက်သို့ နှိမ့်ချလိုက်သည်။</p> <p style="text-align:justify">"ချန်ပီယံဟေ့..."</p> <p style="text-align:justify">ကျယ်လောင်သော ဟစ်အော်သံနှင့်အတူ သူက ဆုဖလားကြီးကို ရုတ်တရက် အပေါ်သို့ မြှောက်တင်လိုက်လေသည်</p> <p style="text-align:justify">မန်ယူ ကစားသမားများ၊ ပရိသတ်များနှင့် ဝန်ထမ်းများ အားလုံးက လက်များကို မြှောက်လိုက်ကြသည်။</p> <p style="text-align:justify">ဘန်း... ဘန်း... ဘန်း...</p> <p style="text-align:justify">မီးရှူးမီးပန်းများက ကောင်းကင်ယံသို့ ပျံတက်သွားပြီး အရောင်အသွေး စုံလင်သော ဖဲကြိုးလေးများက လေထဲတွင် တလူလူ လွင့်ဝဲနေကြသည်။</p> <p style="text-align:justify">"ယူနိုက်တက်... မန်ယူနိုက်တက်..."</p> <p style="text-align:justify">"ဂုဏ်ကျက်သရေဆိုတာ မန်ချက်စတာ ယူနိုက်တက်နဲ့ပဲ ထိုက်တန်တယ်..."</p> <p style="text-align:justify">"..."</p> <p style="text-align:justify">စိတ်အားထက်သန်ဖွယ် ကောင်းလှသော မန်ယူ သီချင်းကြီး စတင်ထွက်ပေါ်လာပြီး အားလုံးက လိုက်ပါ သီဆိုကြလေသည်။ ချူဖုန်းက မော့ကြည့်ကာ ရှေ့သို့ ငေးမောကြည့်လိုက်သည်။</p> <p style="text-align:justify">သီချင်းစာသားထဲမှာ ပြောထားသလိုပါပဲ။</p> <p style="text-align:justify">မင်းတို့ အားလုံး သရဲနီတွေရဲ့ အလံတော်ကြီး မြင့်မားစွာ လွင့်ဝဲနေတာကို မြင်တွေ့ရလိမ့်မယ်... ပြီးတော့ လူတွေ ဂုဏ်ယူဝင့်ကြွားစွာ သီဆိုနေကြတာကို ကြားရလိမ့်မယ်...</p> <p style="text-align:justify">ငါတို့ အားလုံးဟာ အနီရောင်ဝတ် လူငယ်လေးတွေပါပဲ။</p> <p style="text-align:justify">—</p> <p style="text-align:justify">ချန်ပီယံ အောင်ပွဲခံ အခမ်းအနား ပြီးဆုံးပြီးနောက် မန်ယူ ကစားသမားများနှင့် သူတို့၏ မိသားစုဝင်များက အတူတူ ဓာတ်ပုံများ စတင် ရိုက်ကူးကြသည်။</p> <p style="text-align:justify">ချူဖုန်းကို တရားဝင် မီဒီယာများက ပွဲအပြီး အင်တာဗျူး ဖြေကြားရန် ဖိတ်ခေါ်ခဲ့ကြသည်။</p> <p style="text-align:justify">"အက်ဖ်အေဖလားကို ဆွတ်ခူးနိုင်ခဲ့တဲ့ အပေါ် ဘယ်လို ခံစားရပါသလဲ ခင်ဗျာ..." သတင်းထောက်က မေးခွန်းထုတ်လိုက်သည်။</p> <p style="text-align:justify">"အင်း... ပထမဆုံး အနေနဲ့ ကျွန်တော့်ရဲ့ အသင်းဖော်တွေကို ကျေးဇူးတင်ချင်ပါတယ်။ သူတို့ အားလုံးက ခြေစွမ်းပြနိုင်ခဲ့ကြတယ်။ သူတို့ထဲက တစ်ယောက်ယောက်သာ လိုအပ်သွားခဲ့ရင် ကျွန်တော်တို့ ချန်ပီယံဆု ရနိုင်မှာ မဟုတ်ပါဘူး..."</p> <p style="text-align:justify">"ဒုတိယ အနေနဲ့ကတော့ မန်ယူမှာ ကမ္ဘာပေါ်က အကောင်းဆုံး ကစားသမားတွေနဲ့ နည်းပြတွေ ရှိတယ်။ ငါတို့ ဒီပွဲကို ရှုံးစရာ အကြောင်းမရှိဘူးလို့ ပြောခဲ့တဲ့ ကျွန်တော်တို့ရဲ့ နည်းပြကြီးပေါ့..."</p> <p style="text-align:justify">"နောက်ဆုံး အနေနဲ့တော့ ကျွန်တော်တို့ကို အားပေးခဲ့ကြတဲ့ ပရိသတ်တွေကို ကျေးဇူးတင်ချင်ပါတယ်။ သရဲနီ ပရိသတ်တွေက တကယ်ကို အံ့မခန်းပါပဲ။ ပွဲချိန် တစ်လျှောက်လုံး သူတို့ရဲ့ အားပေးသံတွေကို ကျွန်တော် ကြားနေရပါတယ်..."</p> <p style="text-align:justify">ချူဖုန်းက သူ့ရင်ထဲရှိ အဖြေကို ပေးလိုက်သည်။</p> <p style="text-align:justify">"ဒါဆိုရင်... ဒီရာသီရဲ့ နောက်ဆုံး ပွဲစဉ်မှာရော မန်စီးတီးကို ခင်ဗျားတို့ ထပ်ပြီး အနိုင်ယူနိုင်မယ်လို့ ထင်ပါသလား..."</p> <p style="text-align:justify">သတင်းထောက်က ထပ်မံ မေးမြန်းလိုက်သည်။</p> <p style="text-align:justify">"ဒီကိစ္စကို စဉ်းစားရမှာက မန်စီးတီး ဖြစ်သင့်တယ်လို့ ကျွန်တော် ထင်ပါတယ်။ ကျွန်တော်တို့က ဒီရာသီ လေးကြိမ် တွေ့ဆုံခဲ့ရာမှာ လေးကြိမ်စလုံး အနိုင်ရထားတာလေ..."</p> <p style="text-align:justify">ချူဖုန်းက မော်ရင်ညို၏ အမူအရာကို အတုခိုးကာ ကင်မရာဘက်သို့ လက်ညှိုးထိုးပြလိုက်သည်။</p> <p style="text-align:justify">နောက်ဆုံးတွင် သူက လက်ညှိုးကို ခါပြရင်း ပြုံးကာ "ခင်ဗျားတို့က ကျွန်တော်တို့ကို ယှဉ်နိုင်သေးတယ်လို့ ထင်နေတုန်းပဲလား..." ဟု မေးခွန်းထုတ်လိုက်သည်။</p> <p style="text-align:justify">ချူဖုန်း၏ စကားမှာ အလွန် ဩဇာတိက္ကမ အပြည့်ဖြင့် ထွက်ပေါ်လာခြင်းဖြစ်ပြီး မော်ရင်ညိုက သတင်းထောက်များကို သူသည် အထူးခြားဆုံးလူ ဖြစ်ကြောင်း ပြောဆိုခဲ့သည်ကို ပြန်လည် အမှတ်ရစေသည်ဟု ဆိုရပေမည်။</p> <p style="text-align:justify">သတင်းထောက်များမှာ ချူဖုန်း၏ စကားကြောင့် မှင်သက်သွားကြပြီး အချိန်အတန်ကြာမှသာ သူတို့၏ နောက်ဆုံး မေးခွန်းကို မေးလိုက်ကြသည်။</p> <p style="text-align:justify">"ဒီရာသီရဲ့ ဘလွန်းဒီအောဆုကို ဘယ်သူ ရမယ်လို့ ထင်ပါသလဲ ခင်ဗျာ..."</p> <p style="text-align:justify">"ကျွန်တော်ပဲ ဖြစ်မှာပါ..."</p> <p style="text-align:justify">ဘယ်လိုပဲဖြစ်ဖြစ် မာနကြီးပြီးသား ဖြစ်နေမှတော့ အဆုံးထိ မာနကြီးလိုက်တာပဲ ကောင်းပါတယ်...</p> <p style="text-align:justify">သူ့ဘေးတွင် ရပ်နေသော လူကာကူမှာ ချူဖုန်းကို မနာလိုစွာဖြင့် ငေးကြည့်နေလေသည်။</p> <p style="text-align:justify">ဟုတ်တယ်လေ…။ သူကလည်း ဖြစ်နိုင်ရင် ဘလွန်းဒီအောဆုကို လိုချင်တာပေါ့။</p> <p style="text-align:justify">ထို့ကြောင့် သူက နောက်ရာသီတွင် ချူဖုန်းကို ယှဉ်ပြိုင်ရန် စိတ်ထဲ၌ ဆုံးဖြတ်လိုက်သည်။ သူက အင်တာမီလန်၏ ကမ်းလှမ်းမှုကို လက်ခံထားပြီး ဖြစ်ရာ ကျန်သည့်ကိစ္စများကို ကလပ်အသင်းကသာ ကိုင်တွယ် ဖြေရှင်းရတော့မည် ဖြစ်သည်။</p> <p style="text-align:justify">သေချာသည့် အရာတစ်ခုမှာတော့ သူ ထွက်ခွာတော့မည် ဆိုတာပင်။</p> <p style="text-align:justify">လက်ရှိတွင် အင်တာမီလန်၌ လော်တာရို အမည်ရှိ တိုက်စစ်မှူး တစ်ဦး ရှိနေကြောင်း သူ ကြားထားသည်။ ဘာကြောင့်မှန်း မသိသော်လည်း ထိုသူ၏ ဓာတ်ပုံကို မြင်လိုက်ရချိန်တွင် လူကာကူက ထူးဆန်းသော ရင်းနှီးကျွမ်းဝင်မှု တစ်ခုကို ခံစားလိုက်ရသည်။</p> <p style="text-align:justify">အင်း... ငါတို့ အချင်းချင်း သိနေတာ ကြာပြီ ဖြစ်တဲ့ အတိုင်းပဲ။ ပြီးတော့ သူနဲ့ အတူတူ သေနတ်သမား အောင်ပွဲခံတဲ့ ပုံစံကိုတောင် လုပ်ချင်သေးတယ်။</p> <p style="text-align:justify">ဒါပေမဲ့ ဒါက ချူကို သစ္စာဖောက်ရာ မကျဘူးလား။</p> <p style="text-align:justify">လူကာကူက ခေါင်းကို ကုတ်ကာ တွေဝေသွားသော်လည်း မကြာမီ ထိုကိစ္စကို စိတ်ထဲမှ ထုတ်ပစ်လိုက်သည်။</p> <p style="text-align:justify">"အင်တာမီလန်မှာ ချူလို ဖြစ်ရပ်မျိုးကို ငါ ထပ်မံ ပုံဖော်ချင်တယ်။ ပြီးတော့ အင်တာမီလန်ကို အီတလီ ကျွန်းဆွယ်ရဲ့ ထိပ်ဆုံးကို ခေါ်သွားပေးမယ်..."</p> <p style="text-align:justify">လူကာကူက သူ့ဘာသာသူ တိတ်တဆိတ် အားပေးလိုက်သည်။</p> <p style="text-align:justify">ပွဲအပြီး အင်တာဗျူးများ ပြီးဆုံးသွားပြီးနောက် ချူဖုန်းက မာရီယာကို လိုက်ရှာရန် ပြင်လိုက်သော်လည်း ဂွါဒီယိုလာက သူမကို ခေါ်သွားပြီ ဖြစ်ကြောင်း တွေ့လိုက်ရပြီး မာရီယာက သူ့အတွက် စာတိုလေး တစ်စောင်သာ ချန်ထားခဲ့လေသည်။</p> <p style="text-align:justify">"ငါ့ ယောက္ခမလောင်းက တော်တော် သဘောထား သေးသိမ်တာပဲ..."</p> <p style="text-align:justify">ချူဖုန်း ပြောစရာ စကားပင် မရှိတော့ချေ။ ကံမကောင်းစွာဖြင့် သူ၏ မိဘ နှစ်ပါးစလုံးလည်း မလာခဲ့ကြသဖြင့် အောင်ပွဲခံရန် မည်သူ့ကိုမျှ ရှာမတွေ့ခဲ့ပေ။</p> <p style="text-align:justify">ထို့ကြောင့် သူက အသင်းဖော်များ၏ ကလေးများကိုသာ စောင့်ကြည့်ပေးနေရုံသာ တတ်နိုင်တော့သည်။</p> <p style="text-align:justify">မာရက်ဇ်၏ သားလေးက ဂိုးပေါက်ဆီသို့ ဘောလုံး ဆွဲပြေးသွားပြီး ဒဏ်ရာရနေသော ဖခင်ဖြစ်သူ အတွက် ဂိုးသွင်းရန် ကြိုးစားနေသည်။ သို့သော်...</p> <p style="text-align:justify">ချူဖုန်းက ကလေးကို လျှောထိုး ဖျက်ထုတ်ပြီး မြေပြင်ပေါ်သို့ လဲကျစေလိုက်ရာ ကလေးမှာ အော်ငိုတော့သည်။</p> <p style="text-align:justify">ယင်းကို မြင်သောအခါ ချူဖုန်းက သူ၏ ဂျာစီကို ကမ်းပေးလိုက်ပြီး တိုးတိုးလေး ပြောလိုက်သည်။ "ဒီအင်္ကျီက သကြားလုံး ငါးသောင်းလောက်နဲ့ လဲလို့ရတယ်ကွ... မင်းအဖေကို မတိုင်နဲ့နော်..."</p> <p style="text-align:justify">ကောင်လေးက ချက်ချင်း အငိုတိတ်သွားပြီး ရယ်မောလာကာ ဂျာစီကို တင်းကျပ်စွာ ဆုပ်ကိုင်ထားပြီး ပြန်မပေးတော့ချေ။</p> <p style="text-align:justify">မာရက်ဇ်မှာ ချူဖုန်းကို ကြည့်ကာ အကူအညီ မဲ့နေလေတော့သည်။ သို့သော် သေချာ စဉ်းစားကြည့်ပြီးနောက် ချူဖုန်းက ထိုမျှလောက် အသက်မကြီးသေးကြောင်း သူ သဘောပေါက်သွားသည်။</p> <p style="text-align:justify">မက်ဂွိုင်းယားမှာ သမီးဖြစ်သူကို ပခုံးပေါ် တင်ထားပြီး အက်ဖ်အေဖလားကြီးကို လက်ထဲ ကိုင်ထားကာ ရိုလာကိုစတာ တစ်စီးလို ရှေ့နောက် ပြေးလွှား ဆော့ကစားနေလေသည်။</p> <p style="text-align:justify">မန်ယူ ကစားသမားတိုင်းက အောင်ပွဲ၏ ပျော်ရွှင်မှုကို ခံစားနေကြသည်။ သူတို့ အားလုံး အတူတကွ ပိုမိုများပြားသော ဆုဖလားများကို ရရှိလိမ့်မည်ဟု ခိုင်မာစွာ ယုံကြည်နေကြလေတော့သည်။</p> <p style="text-align:justify">*</p>


Save