Book List

<h2 style="text-align: center;">အခန်း (၄၃၄) </h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ချန်ပီယံလိဂ် ဗိုလ်လုပွဲ မတိုင်မီ ၁၁ ရက် အလိုတွင် မော်ရင်ညိုက မန်ယူ ကစားသမားများကို သဘောကောင်းစွာဖြင့် တစ်ရက် နားရက် ပေးလိုက်လေသည်။</p> <p style="text-align:justify">လန်ဒန်မြို့က မန်ချက်စတာမြို့ထက် ပိုပြီး စည်ကားလှသည်မှာ သေချာပါသည်။</p> <p style="text-align:justify">လက်မှတ်ဈေးနှုန်းများကို ကြည့်လိုက်ရုံဖြင့် သိနိုင်လေသည်။</p> <p style="text-align:justify">ထို့ကြောင့် အက်ဖ်အေဖလား ချန်ပီယံ ဖြစ်ခဲ့သည့် ညနေခင်းတွင် မန်ယူ ကစားသမားများက အိမ်မပြန်ကြတော့ဘဲ လန်ဒန်မြို့ရှိ ဘားတစ်ခုကို ရှာကာ အားရပါးရ အောင်ပွဲခံကြလေသည်။</p> <p style="text-align:justify">သို့သော် နောက်ဆုံးမိနစ်မှ ရုတ်တရက် ဆုံးဖြတ်လိုက်ခြင်း ဖြစ်သောကြောင့် ဘားတစ်ခုလုံးကို သီးသန့် ငှားရမ်းရန် အချိန်မရလိုက်ချေ။ ကံမကောင်းစွာဖြင့် သူတို့က မန်စီးတီး ကစားသမားများနှင့် သွားဆုံကြလေသည်။</p> <p style="text-align:justify">ဒီဘရိုင်းနှင့် သူ၏ သူငယ်ချင်းများမှာ စိတ်အခြေအနေ မကောင်းကြသဖြင့် စိတ်အပန်းဖြေရန် ထွက်လာကြရာမှ တိုက်တိုက်ဆိုင်ဆိုင် ဆုံတွေ့သွားကြခြင်း ဖြစ်သည်။ ခဏတဖြုတ် နှုတ်ဆက်စကား ပြောကြပြီးနောက် အသင်းနှစ်သင်းက ကိုယ့်အစီအစဉ်နှင့်ကိုယ်သာ ဆက်လုပ်ကြသည်။</p> <p style="text-align:justify">မက်ဂွိုင်းယားက ခေါင်းကို မော့ကာ ဘီယာတစ်ပုလင်းလုံးကို မော့သောက်လိုက်ပြီး လေချဉ် အရှည်ကြီး တစ်ချက် တက်လိုက်သည်။ "သောက်ရမ်း မိုက်တာပဲကွာ... မကြာသေးခင်ကမှ ဘော့စ်က ငါ့ကို ဝိတ်ချဖို့ အမိန့်ပေးထားတော့ ဘီယာ မသောက်ရတာ တစ်လနီးပါး ရှိနေပြီ... ဒီနေ့မှပဲ ငါ့ကိုယ်ငါ ဆုချဖို့ အခွင့်အရေး ရတော့တယ်..."</p> <p style="text-align:justify">ထိုသို့ ပြောပြီးနောက် ခေါင်းကြီး မက်ဂွိုင်းယားက ချူဖုန်းထံ သွားကာ အရက်ခွက် ချင်းတိုက်လိုက်သည်။</p> <p style="text-align:justify">"ချူ... မင်း သိလား။ အဲဒီတုန်းက ငါ့ကို မန်စီးတီးရော မန်ယူကပါ ကမ်းလှမ်းခဲ့ကြတာ... ငါက အရမ်း တော်လွန်းလို့လေ။ ဒါပေမဲ့ မန်ယူ ဝန်ထမ်းတွေက ငါ့ကို စကားတစ်ခွန်းပဲ ပြောခဲ့တယ်။ အဲဒီစကားက ငါ့ကို မန်စီးတီးအစား မန်ယူကို ရွေးချယ်ဖို့ ဆုံးဖြတ်စေခဲ့တာပဲ..."</p> <p style="text-align:justify">ချူဖုန်း မဖြေခင်မှာပင် မက်ဂွိုင်းယားက သူ့ဘာသာ ပြန်ဖြေလိုက်သည်။ "သူတို့က ပြောတယ်... နောက်ခံလူ တစ်ယောက် အနေနဲ့ မင်းရှေ့မှာ ဘယ်သူ့ကို ရှိစေချင်လဲတဲ့... ဂိုးတွေ အများကြီး လွဲတတ်တဲ့ စတာလင်းကိုလား... ဒါမှမဟုတ် ချန်ပီယံလိဂ် ဗိုလ်လုပွဲမှာ ဟက်ထရစ် သွင်းခဲ့တဲ့ စူပါ တိုက်စစ်မှူးကိုလားတဲ့လေ..."</p> <p style="text-align:justify">"မင်း သိလား... ငယ်ငယ်ကတည်းက ငါ့အိမ်မက်က မန်ယူမှာ ကစားဖို့ပဲ။ တီဗီကနေ ချန်ပီယံလိဂ် ဗိုလ်လုပွဲကို ကြည့်ပြီးတဲ့နောက် ငါက မင်းရဲ့ အသင်းဖော် ဖြစ်ရမယ်လို့ကို ခံစားလိုက်ရတာ..."</p> <p style="text-align:justify">"..."</p> <p style="text-align:justify">ခေါင်းကြီး မက်ဂွိုင်းယားမှာ အရက်သောက်နိုင်စွမ်း အလွန် နည်းပါးသည်လားတော့ မသိ။ ဘီယာ အနည်းငယ် သောက်လိုက်ရုံဖြင့် အဓိပ္ပာယ်မရှိသည့် စကားများ စတင် ပြောဆိုလာတော့သည်။</p> <p style="text-align:justify">"ပြီးခဲ့တဲ့ ရာသီက လက်စတာစီးတီးနဲ့ ပွဲမှာ မင်းက ပါရမီပါတဲ့ ဗဟိုနောက်ခံလူ တစ်ယောက်မှန်း ငါလည်း မြင်ပါတယ်။ မင်းနဲ့ ဒေးဗစ်က သေချာပေါက် တွဲဖက်ညီညီ ကစားနိုင်မှာပါ..." ချူဖုန်းက မက်ဂွိုင်းယား၏ ခေါင်းကြီးကို ပုတ်လိုက်ပြီးနောက် ဒီဂီယာကို မျက်ခုံးပင့်ပြလိုက်သည်။</p> <p style="text-align:justify">ဒီဂီယာမှာ တော်တော်လေး မာနကြီးသူ ဖြစ်သည်။ သူက နှုတ်ခမ်းကို ဆူကာ ပြောလိုက်သည်။ </p> <p style="text-align:justify">"အရင်တုန်းက ရိုမဲရိုး ငါ့ဆီ ငိုယိုပြီး လာသေးတယ်။ ဟယ်ရီက သူ့ရဲ့ ပေးဂိုးမရှိ ဆုကြေးကို ဖျက်ဆီးပစ်တာ တစ်ပွဲတည်း မဟုတ်ဘူးတဲ့... သူ့သမီးလေးအတွက် နို့မှုန့်ဝယ်ဖို့ ပိုက်ဆံတောင် မရှိတော့ဘူး တဲ့လေ..."</p> <p style="text-align:justify">ထိုဟာသကြောင့် မန်ယူ ကစားသမားများ အားလုံး အော်ဟစ် ရယ်မောလိုက်ကြသည်။</p> <p style="text-align:justify">အသင်းဖော်များ အားလုံးက သူတို့၏ မိသားစုများကို ခေါ်လာကြသည်ကို မြင်သောအခါ ချူဖုန်းက တိတ်တဆိတ် သက်ပြင်းချလိုက်ပြီး သူ၏ အနာဂတ် ယောက္ခမလောင်းကို စိတ်ထဲမှ ကျိန်ဆဲလိုက်မိသည်။</p> <p style="text-align:justify">"ချူ... အက်ဖ်အေဖလား ရတာ ဂုဏ်ယူပါတယ်နော်..."</p> <p style="text-align:justify">ချူဖုန်းက ဂွါဒီယိုလာ၏ အရုပ်လေး တစ်ရုပ် ဆွဲနေစဉ် ရုတ်တရက် သူ့နာမည် ခေါ်သံကို ကြားလိုက်ရသည်။ မော့ကြည့်လိုက်သောအခါ...</p> <p style="text-align:justify">ဝိုး…</p> <p style="text-align:justify">မက်ဂွိုင်းယားနှင့် ခြောက်ဆယ်ရာခိုင်နှုန်းခန့် တူနေသော မိန်းကလေး တစ်ယောက်ကို တွေ့လိုက်ရသည်။ သူက ရုပ်ရည်ကို အကဲဖြတ်ပြီး ခွဲခြားဆက်ဆံခြင်းတော့ မဟုတ်ပေ။</p> <p style="text-align:justify">သို့သော် မက်ဂွိုင်းယား မိဘများ၏ မျိုးရိုးဗီဇကိုတော့ တကယ် ချီးကျူးရမည် ဖြစ်သည်။</p> <p style="text-align:justify">တစ်ပုံစံတည်း တူတဲ့ သားနဲ့သမီးကို ဘယ်လိုများ မွေးထုတ်နိုင်ခဲ့တာလဲ...</p> <p style="text-align:justify">"ဒါ ငါ့ညီမ ဒေစီလေ... မင်းရဲ့ အမာခံ ပရိသတ်ပေါ့။ မင်းနဲ့ တွေ့ချင်နေတာ ကြာပြီ..."</p> <p style="text-align:justify">မက်ဂွိုင်းယားက မျက်စိတစ်ဖက် မှိတ်ပြရင်း ပြောလိုက်သည်။</p> <p style="text-align:justify">ချူဖုန်းက မက်ဂွိုင်းယား၏ အမူအရာကို ဂရုမစိုက်ဘဲ သဘောကောင်းစွာဖြင့် လက်ကို ကမ်းပေးကာ ပြုံးလျက် "မင်္ဂလာပါ... မက်ဂွိုင်းယားက အစ်ကိုကောင်း တစ်ယောက် ဖြစ်မှာ သေချာပါတယ်။ အဝတ်လဲခန်းထဲမှာ သူ ခင်ဗျားတို့ အကြောင်း ပြောနေတာ ကျွန်တော် ခဏခဏ ကြားရတယ်..." ဟု ပြောလိုက်သည်။</p> <p style="text-align:justify">ဒေစီက ချူဖုန်း၏ လက်ကို ညင်သာစွာ ဆုပ်ကိုင်လိုက်ပြီး သူမ၏ မျက်လုံးများမှာ အိုင်ဒေါလ်နှင့် အောင်မြင်စွာ တွေ့ဆုံခွင့်ရသွားသည့် ပရိသတ် တစ်ဦး၏ မျက်လုံးများကဲ့သို့ တောက်ပနေလေသည်။</p> <p style="text-align:justify">ချူဖုန်းက သိပ်ပြီး ဂရုမစိုက်ဘဲ ဒေစီနှင့် မိနစ်အနည်းငယ်ခန့် စကားစမြည် ပြောလိုက်သည်။</p> <p style="text-align:justify">သူသည် လူတစ်ယောက်ကို ရုပ်ရည်ဖြင့် ဘယ်သောအခါမှ အကဲဖြတ်လေ့ မရှိချေ။ ထိုသို့မဟုတ်လျှင် ဝမ်-ဘစ်ဆာကာ၏ ရုပ်ရည်မျိုးဖြင့် ချူဖုန်းက သူ့ကို အပေါင်းအသင်း စာရင်းထဲ လုံးဝ ထည့်သွင်းမည် မဟုတ်ပေ။</p> <p style="text-align:justify">အရက်၏ အရှိန်ကြောင့် အားလုံးက တဖြည်းဖြည်း စကားများလာကြပြီး ချန်ပီယံလိဂ် ဗိုလ်လုပွဲ၊ လာမည့်ရာသီ အစီအစဉ်များနှင့် နေ့စဉ်ဘဝ အကြောင်းများကို ပြောဆို ဆွေးနွေးလာကြသည်။</p> <p style="text-align:justify">မကြာမီ လူတစ်ယောက်က အန်စာတုံးများ ထုတ်လာပြီး ဂိမ်း စတင် ကစားကြလေသည်။</p> <p style="text-align:justify">"ခြောက် သုံးလုံး"</p> <p style="text-align:justify">"ခြောက် လေးလုံး"</p> <p style="text-align:justify">"ခြောက် ငါးလုံး"</p> <p style="text-align:justify">"ဖွင့်ဟေ့"</p> <p style="text-align:justify">"..."</p> <p style="text-align:justify">မန်ယူ ကစားသမားများမှာ တော်တော်လေး ပျော်ရွှင်နေကြသည်။</p> <p style="text-align:justify">ချူဖုန်းက ထိုအရာများကို စိတ်မဝင်စားပေ။ သူက ဗလင်စီယာ အပါအဝင် အခြား ဝါရင့် ကစားသမားများနှင့်အတူ ဘေးဘက်သို့ သွားကာ ရော့ခ်ဂီတကို နားထောင်ရင်း မန်ယူ၏ အတိတ်အကြောင်းများကို စကားစမြည် ပြောနေလိုက်သည်။</p> <p style="text-align:justify">"အင်း... ခင်ဗျား တကယ်ရော ငှက်ချေး စားဖူးလား..."</p> <p style="text-align:justify">ချူဖုန်းက စပ်စုတတ်သော ကလေးတစ်ယောက်လိုပင်။ သူက အစပိုင်းတွင် အားလုံးနှင့် သိပ်မရင်းနှီးသေးသဖြင့် အက်ရှလေယန်းကို မေးရန် အားနာနေခဲ့ရာ နောက်ဆုံးတွင် ထိုကိစ္စကို မေ့သွားခဲ့သည်။</p> <p style="text-align:justify">ယခုအခါ အက်ရှလေယန်း မထွက်ခွာမီ မေးရန် အကောင်းဆုံး အချိန်ပင် ဖြစ်သည်။ အခွင့်အရေးကို လက်လွတ်ခံ၍ မဖြစ်ပေ။</p> <p style="text-align:justify">အက်ရှလေယန်း၏ မျက်နှာမှာ မူလကတည်းက မည်းနေပြီး ဖြစ်ရာ ဤစကားကို ကြားသောအခါ ပို၍ပင် မည်းမှောင်သွားလေသည်။ သို့သော် သူက သူ့ကိုယ်သူ သရော်သည့်ဟန်ဖြင့် ရယ်မောလိုက်ပြီး "တိတိကျကျ ပြောရရင် အဲဒါက ငှက်ချေး မဟုတ်ဘူး... ခိုချေးလေ... ပြီးတော့..."</p> <p style="text-align:justify">အက်ရှ်လေယန်းက သူ့ကိုယ်သူ ရှင်းပြရန် ကြိုးစားသော်လည်း ပွဲစဉ်၏ ကြည်လင်ပြတ်သားသော ဗီဒီယိုတွင် သူသည် ငှက်ချေးစင်ခံရရုံသာမက စကားပြောနေစဉ် ယင်းကို မျိုချလိုက်ကြောင်းပါ အထင်းသား မြင်တွေ့နေရလေသည်။</p> <p style="text-align:justify">"အန်တိုနီယို... ခင်ဗျားက ဘာလို့ ရယ်လေ့ရယ်ထ မရှိတာလဲ။ ကျွန်တော် ပထမအသင်းကို ရောက်ကတည်းက ခင်ဗျား ရယ်တာ လေးငါးခါလောက်ပဲ မြင်ဖူးသေးတယ်..."</p> <p style="text-align:justify">ထို့နောက် ချူဖုန်းက သူ၏ အတင်းပြောချင်သော စွမ်းအင်များကို ဗလင်စီယာထံသို့ လှည့်ပြောင်းလိုက်သည်။</p> <p style="text-align:justify">မန်ယူ ဝါရင့် ကစားသမားကြီးမှာ ယင်းစကားကို ကြားသောအခါ ခါးသက်သက် ပြုံးလိုက်လေသည်။</p> <p style="text-align:justify">သူသည် ဘောလုံးကစားသည့်အခါ အလွန် လေးနက်တည်ကြည်သူ ဖြစ်သည်။ သူ၏ မျက်နှာအမူအရာ လုံးဝ မပြောင်းလဲလောက်အောင် လေးနက်လွန်းသဖြင့် အချိန်ကြာလာသောအခါ "မပျော်ရွှင်သူ" ဟု ထင်မှတ်ခံလာရခြင်း ဖြစ်သည်။</p> <p style="text-align:justify">"ချူ... မင်းက အခု မန်ယူရဲ့ အသင်းခေါင်းဆောင် ဖြစ်နေပြီ။ မင်းရဲ့ တာဝန်တွေကို သတိရရမယ်... ဥရောပ စူပါဖလား ဗိုလ်လုပွဲတုန်းကလို စိတ်လိုက်မာန်ပါ မလုပ်သင့်ဘူးနော်..."</p> <p style="text-align:justify">ဗလင်စီယာက လေးနက်စွာ အကြံပေးလိုက်သည်။</p> <p style="text-align:justify">ရိုးရိုးသားသား ပြောရလျှင် ချူဖုန်းက အလွန် ရင့်ကျက်ပြီး စိတ်ခံစားမှုနောက်သို့ လိုက်ခဲသည်ဟု သူ ထင်ခဲ့သည်။ သို့သော် တစ်ခါတစ်ရံတွင်မူ လုံးဝ မတူညီသော လူတစ်ယောက်အဖြစ် ပြောင်းလဲသွားသကဲ့သို့ပင်။</p> <p style="text-align:justify">"ခင်ဗျား ပြောတာ အဓိပ္ပာယ် မရှိဘူးလေ... လိပ်တစ်ကောင်လို အေးဆေးတည်ငြိမ်နေမယ် ဆိုရင်တော့ ဘောလုံးကစားတာမှာ စိတ်အားထက်သန်မှုတွေ ပျောက်ဆုံးသွားမှာပေါ့..."</p> <p style="text-align:justify">"ကန်တိုနာနဲ့ ကိန်းတို့ အသင်းခေါင်းဆောင် လုပ်တုန်းကဆိုရင် အသင်းက တံဆိပ်ရိုက်နှိပ်ထားသလိုပဲ... သူတို့က ပိုပြီး စိတ်အားထက်သန်မှု အပြည့်နဲ့ ကစားခဲ့ကြတာ မဟုတ်ဘူးလား..."</p> <p style="text-align:justify">အက်ရှလေယန်းက ဝင်ရောက် ချေပလိုက်သည်။</p> <p style="text-align:justify">သူတို့နှစ်ဦးက ထိုပြဿနာနှင့် ပတ်သက်၍ အကြိတ်အနယ် ဆွေးနွေးနေကြစဉ် ချူဖုန်းက ဆိုဖာပေါ်တွင် မှီထိုင်ကာ ဝိုင်ကို တစ်ငုံချင်း သောက်ရင်း အောင်ပွဲအပြီး အားလပ်ချိန်ကို ဇိမ်ကျကျ ခံစားနေလေသည်။</p> <p style="text-align:justify">သန်းခေါင်ယံ အချိန်လောက် ရောက်မှသာ ချူဖုန်းက ကျသင့်ငွေ ရှင်းရန် ထလိုက်သည်။ မည်သို့ပင် ဆိုစေကာမူ သူသည် မန်ယူတွင် လစာအများဆုံး ရရှိသူ ဖြစ်ရာ တစ်ခါတစ်ရံတွင် အသင်းဖော်များကို ကျွေးမွေး ပြုစုရမည်မှာ ဓမ္မတာပင်…။</p> <p style="text-align:justify">ထို့အပြင် အသင်းဖော်များက သူ့ကို ဖန်တီးပေးခဲ့သော ဂိုးဖန်တီးမှုများမှာလည်း အလကားရသော ငွေများပင် ဖြစ်လေသည်။</p> <p style="text-align:justify">သို့သော် သူ ရေချိုးခန်း အနီးမှ ဖြတ်သွားစဉ် မက်ဂွိုင်းယား၏ ညီမဖြစ်သူကို သူစိမ်း အမျိုးသား တစ်ဦးက ဖက်ထားသည်ကို တွေ့လိုက်ရသည်။</p> <p style="text-align:justify">“ဒေစီလား”</p> <p style="text-align:justify">သူက ရှေ့တိုးပြီး မေးရန် ပြင်လိုက်စဉ်မှာပင် အခြား လူအချို့က သူ့ကို တားဆီးလိုက်ကြသည်။ လက်ဆေးကန်ပေါ်ရှိ ဆေးထိုးအပ်ကို ချူဖုန်း တွေ့လိုက်ရချိန်တွင် ဘာဖြစ်သွားသည်ကို ချက်ချင်း သဘောပေါက်လိုက်လေသည်။</p> <p style="text-align:justify">မကြာသေးမီက ဗြိတိန်နိုင်ငံရှိ ဘားများစွာတွင် အမျိုးသမီးများကို အမည်မသိ အရည်များဖြင့် မသမာသော ရည်ရွယ်ချက်ဖြင့် ထိုးသွင်းသည့် ဖြစ်ရပ်များ ရှိနေကြောင်း သတင်းများတွင် သူ တွေ့ခဲ့ရသည်။</p> <p style="text-align:justify">"ထွက်သွားစမ်း"</p> <p style="text-align:justify">ခေါင်းဆောင်လုပ်သူက ပတ်ဝန်းကျင်ကို သတိထားကာ အကဲခတ်လိုက်ပြီး သူ၏ အပေါင်းအပါများကို အတူတကွ ထွက်ခွာရန် လက်ဟန်ပြလိုက်သည်။</p> <p style="text-align:justify">ချူဖုန်း နောက်သို့ ခြေလှမ်း အနည်းငယ် ဆုတ်လိုက်သည်။</p> <p style="text-align:justify">သူ မတုံးအပေ။ လူခြောက်ယောက်ကို တစ်ယောက်တည်း ရင်ဆိုင်ရန်မှာ အလွန် ခက်ခဲသော ကိစ္စပင် ဖြစ်သည်။</p> <p style="text-align:justify">သူသည် ဘောလုံး ကစားသမား တစ်ယောက် ဖြစ်နေလျှင်တောင်မှပေါ့။</p> <p style="text-align:justify">အကယ်၍ တစ်ဖက်လူများတွင် လက်နက် ပါလာပါက ဓားတစ်ချက် အထိုးခံရရုံဖြင့် အသက်ဆုံးရှုံးသွားနိုင်သည်။ ထို့ကြောင့် တည်ငြိမ်မှ ဖြစ်မည်။</p> <p style="text-align:justify">"ဒီကို တစ်ယောက်ယောက် လာကြပါဦးဟေ့"</p> <p style="text-align:justify">ချူဖုန်းက ဘတ်စကက်ဘော ကွင်းထဲတွင် အော်သကဲ့သို့ သူ၏ အသင်းဖော်များကို အသံကုန် အော်ခေါ်လိုက်သည်။</p> <p style="text-align:justify">ထိုအသံကြီးက သီချင်းသံများကိုပင် ဖုံးလွှမ်းသွားပြီး ဘား၏ ထောင့်တိုင်းတွင် ဟိန်းထွက်သွားကာ မန်ယူ ကစားသမားများ၏ နားထဲသို့ ရောက်ရှိသွားလေသည်။</p> <p style="text-align:justify">ဝှစ်</p> <p style="text-align:justify">မျက်စိတစ်မှိတ်အတွင်းမှာပင် မန်ယူ ကစားသမားများက စုရုံးရောက်ရှိလာကြပြီး ထိုလူစုကို ရေချိုးခန်းထဲတွင် ထောင့်ပိတ် ဖမ်းထားလိုက်ကြသည်။ မန်စီးတီး ကစားသမားများကလည်း နောက်မှ လိုက်ပါလာကြသည်။</p> <p style="text-align:justify">ငါတို့က ကွင်းထဲမှာတော့ ပြိုင်ဘက်တွေ ဖြစ်ပေမဲ့ ကွင်းပြင်မှာတော့ သူငယ်ချင်းတွေပဲ။ တစ်ခုခု ဖြစ်ရင် ငါ တတ်နိုင်သလောက် ကူညီပေးရမှာပေါ့...</p> <p style="text-align:justify">ဒီဘရိုင်းမှာ တကယ်ကို သဘောကောင်းလှပေသည်။</p> <p style="text-align:justify">"ဒေးဗစ် (ဒီဂီယာ)... ရဲကို အရင် ဖုန်းဆက်... ပြီးရင် ဘားပိုင်ရှင်ကို ဒီကို ခေါ်ခဲ့"</p> <p style="text-align:justify">***</p>


Save