Book List

<h2 style="text-align: center;">အခန်း (၄၃၅)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ချူဖုန်းက အစီအစဉ်တကျ ညွှန်ကြားလိုက်သည်။ အမူး တော်တော်လေး ပြေသွားပြီ ဖြစ်သော ဒီဂီယာက ဖုန်းဆက်ရန် သူ၏ ဖုန်းကို အမြန် ထုတ်လိုက်သည်။</p> <p style="text-align:justify">အရက်၏ အရှိန်ကြောင့် လူရမ်းကား တစ်စုက မန်ယူ ကစားသမားများကို မှတ်မိသွားကြပြီး ရုတ်တရက် ရဲတင်းလာကြသည်။ လူသိများသော အကျော်အမော်များမှာ ပြဿနာများကို ကြောက်ရွံ့ကြပြီး အထူးသဖြင့် ဘားလိုမျိုး ရှုပ်ထွေးနိုင်သည့် နေရာများတွင် ပို၍ပင် ရှောင်ရှားလိုကြသည်ဟု သူတို့က ထင်မှတ်ထားကြသည်။</p> <p style="text-align:justify">"ခုနလေးတင် ဒီအမျိုးသမီးက နည်းနည်း အမူးလွန်နေတာ တွေ့လို့ ကျွန်တော်က သဘောကောင်းပြီး ကူညီပေးထားတာပါ..."</p> <p style="text-align:justify">ဒီစကားက ဘာသဘောလဲ။</p> <p style="text-align:justify">"ငါ့ရှေ့ကနေ အခုချက်ချင်း ဖယ်ကြစမ်း"</p> <p style="text-align:justify">"ပြီးတော့ မင်းတို့ ငါ့ကို လက်တစ်ဖျားလေးတောင် ထိရဲရင် မင်းတို့ရဲ့ ပရော်ဖက်ရှင်နယ် ကစားသမား ဘဝတွေ ပြီးဆုံးသွားပြီသာ မှတ်"</p> <p style="text-align:justify">ခေါင်းဆောင်လုပ်သူက ဒေစီကို တွန်းထုတ်လိုက်ပြီး သူ၏ အပေါင်းအပါများကို ထွက်ခွာရန် လက်ဟန်ပြလိုက်သည်။ မက်ဂွိုင်းယားမှာ အနည်းငယ် ဒေါသထွက်သွားပုံရသည်။</p> <p style="text-align:justify">သောက်ရူးစကားတွေပဲ။</p> <p style="text-align:justify">မည်သူမဆို မိမိ၏ ကိုယ်ပိုင် ညီမဖြစ်သူ ဆေးခတ်ခံရသည်ကို ကြည့်ပြီး ဘယ်လိုလုပ် သည်းခံနိုင်မည်နည်း။</p> <p style="text-align:justify">သူက ခေါင်းဆောင်လုပ်သူ၏ ကော်လာကို ဆွဲကိုင်ကာ "အားလုံး ရဲတွေ လာတဲ့အထိ စောင့်နေကြ။ ဒီမှာ စောင့်ကြည့်ကင်မရာတွေ ရှိတယ်... ဘယ်သူမှ ဘယ်မှ ထွက်သွားလို့ မရဘူး..." ဟု ပြောလိုက်သည်။</p> <p style="text-align:justify">ခေါင်းကြီး မက်ဂွိုင်းယားက အသိတရား ကပ်နေသေးသည်။ ချန်ပီယံလိဂ် ဗိုလ်လုပွဲက နီးကပ်လာပြီ ဖြစ်ရာ မည်သည့် ပြဿနာမှ မဖြစ်စေရန် အကောင်းဆုံး ဖြစ်ကြောင်း သူ သိထားသည်။</p> <p style="text-align:justify">အကယ်၍ တစ်စုံတစ်ယောက်က ခိုက်ရန်ဖြစ်ပွားမှုကြောင့် ရဲ၏ ဖမ်းဆီးထိန်းသိမ်းခြင်းကို ခံရပါက သို့မဟုတ် မကောင်းသော လူထုထင်မြင်ချက် တစ်ခုခု ဖြစ်ပေါ်လာပါက ကလပ်အသင်းနှင့် အသင်းဖော်များ အတွက် များစွာ ထိခိုက်နစ်နာစေမည် ဖြစ်သည်။</p> <p style="text-align:justify">ထို့ကြောင့် သူ ကိုယ်တိုင် လက်ပါခြင်း မပြုဘဲ ရဲရောက်လာသည်အထိ စောင့်ဆိုင်းရန် တောင်းဆိုခဲ့ခြင်း ဖြစ်သည်။ သို့သော် ထိုလူစုကတော့ မတူညီသော အကြံအစည်များ ရှိနေသည်မှာ ထင်ရှားပေသည်။</p> <p style="text-align:justify">မှိန်ပျပျ အလင်းရောင်နှင့် အရက်၏ လှုံ့ဆော်မှုတို့က လူသားများ၏ ရန်လိုမှုကို နှိုးဆွပေးလေသည်။ လူရမ်းကား တစ်စုက မက်ဂွိုင်းယား အနီးသို့ တဖြည်းဖြည်း ကပ်လာကြပြီး အချို့က ဘီယာပုလင်းများကို သူ၏ ခေါင်းပေါ်သို့ ရိုက်ခွဲလိုက်ကြသည်။</p> <p style="text-align:justify">“ဒါက ဘောလုံး မဟုတ်ဘူး... ဝိုင်ပုလင်းကွ”</p> <p style="text-align:justify">ခွပ်…</p> <p style="text-align:justify">ဖန်ကွဲသံက ဘားတစ်ခုလုံးကို တစ်ခဏမျှ တိတ်ဆိတ်သွားစေသည်။</p> <p style="text-align:justify">ချူဖုန်း၏ အမြင်အာရုံ မှတ်ဉာဏ်က ဖန်ကွဲစများနှင့် မက်ဂွိုင်းယား၏ နဖူးမှ စီးကျလာသော သွေးများကို ရှင်းလင်းစွာ မြင်တွေ့နိုင်စေခဲ့သည်။</p> <p style="text-align:justify">ချက်ချင်းပင်...</p> <p style="text-align:justify">သူ စိတ်လိုက်မာန်ပါ မလုပ်ဖို့ ဆိုတာတွေကို ဂရုမစိုက်နိုင်တော့ချေ။</p> <p style="text-align:justify">သူ့အတွက်တော့ အသင်းခေါင်းဆောင် တစ်ယောက်၏ တာဝန်ဆိုတာ ကိုယ့်အသင်းဖော်တွေ အနိုင်ကျင့်ခံရချိန်မှာ အရင်ဆုံး ပြေးထွက်သွားပြီး လက်စားချေပေးဖို့ပင်…။</p> <p style="text-align:justify">သူက ဘေးရှိ ဘားကောင်တာပေါ်မှ ဘီယာပုလင်း တစ်ပုလင်းကို ဆွဲယူလိုက်သည်။</p> <p style="text-align:justify">ရှေ့တစ်လှမ်း တိုးပြီး အတင်း ပြေးဝင်သွားလိုက်သည်။</p> <p style="text-align:justify">ပထမဆုံး မက်ဂွိုင်းယားကို ရိုက်နေသောသူကို မြေပြင်ပေါ် လဲကျသွားအောင် ကန်ချလိုက်ပြီးနောက် တစ်ဖက်ရှိ လူတစ်ယောက်၏ ခေါင်းပေါ်သို့ ပုလင်းဖြင့် ရိုက်ခွဲလိုက်လေသည်။</p> <p style="text-align:justify">ခွမ်း…</p> <p style="text-align:justify">"သောက်ကျိုးနည်း... ချကြဟေ့…"</p> <p style="text-align:justify">ယင်းကို မြင်သောအခါ မန်ယူ ကစားသမားများလည်း ဒေါသထွက်လာကြပြီး လူရမ်းကားများနှင့် ရူးသွပ်စွာ စတင် ချကြလေတော့သည်။</p> <p style="text-align:justify">တိုက်ပွဲက လျင်မြန်စွာ စတင်ခဲ့ပြီး လျင်မြန်စွာပင် ပြီးဆုံးသွားခဲ့သည်။</p> <p style="text-align:justify">ဝမ်-ဘစ်ဆာကာက ဘောလုံးကို ကန်သကဲ့သို့ ပြင်းထန်စွာ လျှောထိုး ဝင်တိုက်လိုက်ရာ လူတစ်ယောက် မြေပြင်ပေါ်သို့ လဲကျသွားသည်။</p> <p style="text-align:justify">ဒေးဗစ်လူးဝစ်ကမူ ရုပ်ပိုင်းဆိုင်ရာ အားသာချက်ကို အသုံးပြု၍ ဝင်ထိုးသည်။</p> <p style="text-align:justify">ထို့နောက် ကန်တေ ရှိသေးသည်။ သူ၏ အရပ်ပုခြင်းကို ကြည့်ပြီး အထင်မသေးလိုက်ပါနှင့်။ သူက မယုံနိုင်လောက်အောင် တည်ငြိမ်လှပေသည်။</p> <p style="text-align:justify">သူက လူတစ်ယောက်ကို မြေပြင်ပေါ်သို့ ချက်ချင်း ဖျက်ထုတ် လှဲချလိုက်လေသည်။</p> <p style="text-align:justify">အနှီ အရက်သမားများမှာ ပရီးမီးယားလိဂ် ကစားသမားများကို မည်သို့မျှ ယှဉ်နိုင်မည် မဟုတ်ချေ။</p> <p style="text-align:justify">သူတို့မှာ မြေပြင်ပေါ်တွင် လဲကျကာ နာကျင်စွာ ညည်းတွားနေကြရသည်။</p> <p style="text-align:justify">အချို့လူများက ထွက်ပြေးရန် ကြိုးစားကြသော်လည်း အပြင်ဘက်ရှိ ဒီဘရိုင်း၏ တားဆီးခြင်းကို ခံလိုက်ရပြီး စတာလင်းနှင့် သူ၏ အဖွဲ့က ထိုလူများကို အလွယ်တကူပင် ဖမ်းချုပ်လိုက်ကြသည်။</p> <p style="text-align:justify">"ခင်ဗျားက ဒီလောက် ချတတ်မှန်း ကျွန်တော် မသိခဲ့ဘူးဗျာ..."</p> <p style="text-align:justify">ချူဖုန်းက ကျေးဇူးတင်စကား ပြောလိုက်သည်။ လူအများစုက ဤကဲ့သို့သော ကိစ္စမျိုးကို သေချာပေါက် ရှောင်ရှားကြမည် ဖြစ်သည်။ ထို့ကြောင့် သူက ကျေးဇူးတင်စကား ပြောလိုက်ခြင်း ဖြစ်၏။</p> <p style="text-align:justify">"ဒါက ဘာလုပ်ရမလဲဗျ... အရင်တုန်းက ကျွန်တော် ဂျန့်ခ်မှာ ရှိတုန်းကလေ…"</p> <p style="text-align:justify">ဒီဘရိုင်းက စကားပြောနေရင်း တစ်ဝက်တစ်ပျက်နှင့် ရပ်တန့်သွားသည်။</p> <p style="text-align:justify">ထိုစဉ်က ကော်တွိုက်စ်က သူ့ချစ်သူကို လုယူခဲ့ပြီး နောက်ပိုင်း သူတို့နှစ်ဦး ပြန်လည် ဆုံတွေ့ကြသောအခါ သူက ကော်တွိုက်စ်နှင့် ထိပ်တိုက် ချခဲ့ဖူးလေသည်။</p> <p style="text-align:justify">ကော်တွိုက်စ်က ဒီဘရိုင်းထက် အရပ် ၂၀ စင်တီမီတာခန့် ပိုရှည်သော်လည်း ကော်တွိုက်စ်၏ ချနိုင်စွမ်းမှာ တကယ်တမ်းတွင် ဒီဘရိုင်းလောက် မကောင်းမွန်ချေ။ ၎င်းမှာ အပြစ်ရှိစိတ်ကြောင့်လည်း ဖြစ်ကောင်း ဖြစ်နိုင်ပေသည်။</p> <p style="text-align:justify">ချူဖုန်းက ပါးနပ်စွာဖြင့် အသေးစိတ် ဆက်မမေးတော့သော်လည်း ဘာအကြောင်းလဲ ဆိုတာကိုတော့ သူ အကြမ်းဖျင်း ခန့်မှန်းမိလိုက်သည်။ ၁၅ မိနစ်ခန့် အကြာတွင်တော့ ရဲများ ရောက်ရှိလာကြသည်။</p> <p style="text-align:justify">ခင်ဗျားတို့က အမှိုက်သိမ်းဖို့ လာတာလား...</p> <p style="text-align:justify">ချူဖုန်းက ဒေါသတကြီးဖြင့် စိတ်ထဲမှ ညည်းတွားလိုက်သည်။</p> <p style="text-align:justify">ထို့နောက်...</p> <p style="text-align:justify">ဘားပိုင်ရှင် အပါအဝင် အုပ်စု သုံးစုလုံး လန်ဒန် ရဲစခန်းသို့ ခေါ်ဆောင်ခြင်း ခံလိုက်ရလေသည်။</p> <p style="text-align:justify">"သူတို့က ပရော်ဖက်ရှင်နယ် ကစားသမားတွေလေ... ကျွန်တော်တို့က တော့တင်ဟမ် (စပါး) ပရိသတ်တွေ။ သူတို့ကို စကား နည်းနည်း ပြောလိုက်မိတာနဲ့ သူတို့က ဒေါသထွက်ပြီး ကျွန်တော်တို့ကို ထိုးကြိတ်ကြတာ..."</p> <p style="text-align:justify">"မင်းတို့ရဲ့ ကစားသမား ဘဝတွေတော့ ပြီးသွားပြီသာ မှတ်"</p> <p style="text-align:justify">"သောက်တောသား မန်ချက်စတာ ကောင်တွေ"</p> <p style="text-align:justify">ချူဖုန်းက သူ၏ ထွက်ဆိုချက်ကို ပေးရန် ပြင်နေစဉ် လူယုတ်မာများက ပြောင်းပြန် စွပ်စွဲနေသည်ကို ကြားလိုက်ရသည်။</p> <p style="text-align:justify">အို... စပါး ပရိသတ်တွေလား။ အဲဒါဆိုရင် အရမ်း ညှာတာလွန်းရာ ကျသွားပြီ...</p> <p style="text-align:justify">နာရီဝက် အကြာတွင်...</p> <p style="text-align:justify">The Sun သတင်းစာမှ သတင်းထောက် တစ်ဦး ရဲစခန်း အပေါက်ဝတွင် ပေါ်လာသည်။</p> <p style="text-align:justify">နှစ်နာရီ အကြာတွင်...</p> <p style="text-align:justify">မော်ရင်ညိုနှင့် ဂွါဒီယိုလာတို့က ကလပ်အသင်း နှစ်ခုလုံးမှ ရှေ့နေများနှင့်အတူ ရဲစခန်းသို့ ရောက်ရှိလာကြသည်။</p> <p style="text-align:justify">နှစ်ယောက်ပေါင်းလျှင် အသက် ရာဂဏန်းကျော်နေပြီ ဖြစ်သော အမျိုးသား နှစ်ဦးမှာ သူတို့၏ တပည့် အသီးသီးကို အကူအညီမဲ့သော အမူအရာများဖြင့် လှမ်းကြည့်နေကြလေသည်။</p> <p style="text-align:justify">ပြဿနာရှာတဲ့ နေရာမှာတော့ သောက်ရမ်း တော်ကြတာပဲကွာ</p> <p style="text-align:justify">ချူဖုန်းက အနာဂတ် ယောက္ခမလောင်းနှင့် သူ၏ ဘော့စ်ကို အဖြစ်အပျက် အကြောင်းစုံ အကြမ်းဖျင်း ရှင်းပြလိုက်သည်။</p> <p style="text-align:justify">"မာရီယာလည်း သိသွားပြီ။ မင်းဘာသာမင်း နောက်မှ သွားရှင်းပြလိုက်တော့..."</p> <p style="text-align:justify">"ကောင်းကောင်း လုပ်ခဲ့တယ်... ဒါက မန်ယူ ကစားသမားတွေ ဖြစ်သင့်တဲ့ ပုံစံပဲ။ ဒါပေမဲ့ နောက်တစ်ခါ ဆိုရင်တော့ ငါ့ကို စောစောလေး အကြောင်းကြားသင့်တယ်..."</p> <p style="text-align:justify">ချူဖုန်း: "..."</p> <p style="text-align:justify">ဤစကားများက သူတို့နှစ်ဦး၏ အများပြည်သူ ရှေ့မှောက်ရှိ ပုံရိပ်များနှင့် တကယ်ကို ကိုက်ညီလှပေသည်။</p> <p style="text-align:justify">လန်ဒန်ရဲများ၏ လုပ်ရည်ကိုင်ရည်မှာ စကားဖြင့်ပင် ဖော်ပြ၍ မရနိုင်လောက်အောင် အလွန် နှေးကွေးလွန်းလှသည်ဟု ဆိုရပေမည်။</p> <p style="text-align:justify">သက်သေများ၊ သက်သေခံ ပစ္စည်းများနှင့် စောင့်ကြည့်ကင်မရာ ဗီဒီယိုများလည်း အပြည့်အစုံ ရှိနေလေသည်။ ယင်းက ညဉ့်နက်သည်အထိ ကြာမြင့်နေပြီး သူတို့က ကစားသမားများကို အချုပ်ခန်းထဲသို့ပင် ခေါ်ဆောင်သွားလိုနေကြသေးသည်။</p> <p style="text-align:justify">မန်ယူ၏ ဥပဒေရေးရာ အဖွဲ့က ထိုတောင်းဆိုချက်ကို ငြင်းပယ်လိုက်ပြီး လန်ဒန်ရဲများကို ဥပဒေရေးရာ အကြံဉာဏ်များပင် ပြန်ပေးလိုက်သေးကာ သူတို့၏ အမှုသည်များမှာ ကိုယ့်ကိုယ်ကိုယ် ကာကွယ်ပိုင်ခွင့် အရ လုပ်ဆောင်ခဲ့ခြင်းသာ ဖြစ်ကြောင်း အခိုင်အမာ ပြောဆိုလိုက်ကြသည်။</p> <p style="text-align:justify">ဤကဲ့သို့ စုံစမ်းစစ်ဆေးမှုက ဥရောပ ဘောလုံးလောကတွင် ကြီးမားသော ဂယက်ရိုက်ခတ်မှုကို ဖြစ်ပေါ်စေခဲ့လေပြီ။</p> <p style="text-align:justify">[မန်ယူနှင့် မန်စီးတီး ကစားသမားများ ခိုက်ရန်ဖြစ်ပွားမှုတွင် ပါဝင်ပတ်သက်ခဲ့သဖြင့် ရဲစခန်းတွင် ထိန်းသိမ်းခံထားရ။ အတွင်းလူများ၏ အဆိုအရ သူတို့သည် ကိုယ်ထိလက်ရောက် ကျူးလွန်မှုဖြင့် တရားစွဲဆိုခံရနိုင်ပြီး ထောင်ဒဏ် ရက် ၂၀ မှ သုံးလအထိ (ဆိုင်းငံ့) ချမှတ်ခံရနိုင်ဖွယ် ရှိနေ — The Sun]</p> <p style="text-align:justify">[မန်ယူ အသင်းခေါင်းဆောင် ချူဖုန်းက စပါး ပရိသတ်နှင့် ထိုးကြိတ်ခဲ့ပြီးနောက် ဦးနှောက် အနည်းငယ် လှုပ်ရှားသွားသည့် ဒဏ်ရာ ရရှိခဲ့ကာ ချန်ပီယံလိဂ် ဗိုလ်လုပွဲကို လွဲချော်နိုင်ဖွယ် ရှိနေ — The Sun]</p> <p style="text-align:justify">[မန်ယူ ဗဟိုနောက်ခံလူ ဟယ်ရီ မက်ဂွိုင်းယား၏ ညီမဖြစ်သူကို အမည်မသိ အရည်တစ်မျိုး ထိုးသွင်းခံခဲ့ရပြီးနောက် ဘားတစ်ခုတွင် ခိုက်ရန်ဖြစ်ပွားမှုကြီး ပေါ်ပေါက်ခဲ့ကြောင်း The Guardian သတင်းစာက ဖော်ပြ။]</p> <p style="text-align:justify">[ကလပ်အသင်း အနေဖြင့် ယင်းဖြစ်ရပ်ကို သိရှိထားပြီး ချူနှင့် သူ၏ ကစားသမားများမှာ ခြိမ်းခြောက်ခံရပြီးနောက် ကိုယ့်ကိုယ်ကိုယ် ကာကွယ်ပိုင်ခွင့်အရ လုပ်ဆောင်ခဲ့ခြင်းသာ ဖြစ်ကြောင်း အခိုင်အမာ ယုံကြည်ပါသည်။ ရဲတပ်ဖွဲ့၏ စုံစမ်းစစ်ဆေးမှုများကို ကျွန်ုပ်တို့ အပြည့်အဝ ပူးပေါင်း ဆောင်ရွက်သွားမည် ဖြစ်သည်။ — မန်ချက်စတာယူနိုက်တက် ကလပ်အသင်း]</p> <p style="text-align:justify">"ချူရဲ့ စရိုက်ကို ကြည့်ရင် သူက ဘယ်တော့မှ လွယ်လွယ်နဲ့ ရန်ဖြစ်မယ့်လူမျိုး မဟုတ်ဘူးလို့ ကျွန်တော် ယုံကြည်တယ်။ Polaris Sport ရဲ့ ဥပဒေရေးရာ ဌာနက လန်ဒန်ကို ရောက်ရှိနေပြီ ဖြစ်ပြီး အခြေအမြစ် မရှိဘဲ ခန့်မှန်း ရေးသားနေကြတဲ့ မီဒီယာတွေကို ကျွန်တော်တို့ တရားစွဲဆိုသွားပါမယ်..."  မန်ဒက်စ်</p> <p style="text-align:justify">…………………</p> <p style="text-align:justify">ကမ္ဘာတစ်ဝှမ်းရှိ ပရိသတ်များမှာ ထိုသတင်းကြောင့် ရုတ်တရက် အိပ်ရာမှ နိုးထလာကြပြီး သတင်းမှတ်ချက်များ အောက်တွင် ဝင်ရောက် ရေးသားကြလေသည်။</p> <p style="text-align:justify">ခိုက်ရန်ဖြစ်ပွားမှုများမှာ တကယ်တမ်းတွင် အတော်လေး အဖြစ်များသော်လည်း ပရော်ဖက်ရှင်နယ် အားကစားသမားများကြားတွင် ဖြစ်ပွားသည်ကို မြင်ရခြင်းကတော့ ထူးခြားလှပေသည်။ အထူးသဖြင့် ချန်ပီယံလိဂ် ဗိုလ်လုပွဲတွင် ယှဉ်ပြိုင်ကြမည့် အသင်းနှစ်သင်းမှ ကစားသမားများကြားတွင် ဖြစ်ပွားခြင်းမှာ ပို၍ပင် ရှားပါးလှလေသည်။</p> <p style="text-align:justify">ယင်းက အလွန် ရှားပါးသော ဖြစ်ရပ်တစ်ခုပင်။</p> <p style="text-align:justify">[အသင်းနှစ်သင်းလုံးက ကစားသမားတွေ ဖမ်းဆီးထိန်းသိမ်း ခံရမယ်ဆိုရင် ချန်ပီယံလိဂ် ဗိုလ်လုပွဲကို လူငယ်အသင်းတွေနဲ့ ကန်ရတော့မှာလား...]</p> <p style="text-align:justify">[လူစာရင်းကို ကြည့်ရသလောက်တော့ မန်ယူက အကုန်လုံး ပါသွားလို့ အပြတ်အသတ် ရှုံးနိမ့်သွားတာပဲ။ မန်စီးတီးကတော့ ကစားသမား နည်းနည်းပဲ ပါသွားတော့ သူတို့ရဲ့ ပွဲထွက် လူစာရင်းအတွက် လုံလောက်သေးတယ်...]</p> <p style="text-align:justify">[ဒါက အရမ်းကို ဒရမ်မာ ဆန်လွန်းတယ်။ ဒီလိုမျိုး ဖြစ်လာလိမ့်မယ်လို့ ငါ လုံးဝ မထင်ထားခဲ့ဘူး။ ဒါပေမဲ့ ရှောင်ချူနဲ့ သူ့ရဲ့ အသင်းဖော်တွေကတော့ တကယ့် ယောကျ်ားကောင်းတွေပဲကွာ...]</p> <p style="text-align:justify">[ဗီဒီယိုကို မင်းတို့တွေ ကြည့်ပြီးကြပြီလား။ ရှောင်ချူက ပုလင်းကြီး ကိုင်ထားတာ သောက်ရမ်း မိုက်တာပဲ။ ဒါပေမဲ့ သူတော့ တရားစွဲခံရလောက်တယ်...]</p> <p style="text-align:justify">[ရပါတယ်ကွာ... အာမခံကြေး နည်းနည်း ပေးလိုက်ရင် အဆင်ပြေသွားမှာပါ။ သိပ်အများကြီး ထိခိုက်မှုတော့ မရှိနိုင်ပါဘူး...]</p> <p style="text-align:justify">[အက်ဖ်အေနဲ့ ယူအီးအက်ဖ်အေတို့ကများ ပြစ်ဒဏ် တစ်ခုခု ချမှတ်လာမလား မသိဘူးနော်...]</p> <p style="text-align:justify"><br /> နောက်တစ်နေ့တွင်...</p> <p style="text-align:justify">ချူဖုန်းနှင့် သူ၏ အသင်းဖော်များ ရဲစခန်းထဲမှ ထွက်လာကြပြီး အားလုံး သမ်းဝေနေကြသည်။</p> <p style="text-align:justify">မန်ယူနှင့် မန်စီးတီးတို့တွင် အလွန် အင်အားတောင့်တင်းသော ဥပဒေရေးရာ အဖွဲ့များ ရှိလေသည်။ လူရမ်းကားများမှာမူ ခိုက်ရန်ဖြစ်ပွားမှုနှင့် အဓမ္မ ပြုကျင့်ရန် ကြိုးပမ်းမှု စသည့် ပြစ်မှုများဖြင့် တရားစွဲဆိုခြင်း ခံရပြီး လပေါင်းများစွာ ထောင်ကျနိုင်ဖွယ် ရှိလေသည်။</p> <p style="text-align:justify">ကစားသမားများကလည်း တစ်ဦးချင်း အခြေအနေများအပေါ် မူတည်၍ မတူညီသော ပြစ်ဒဏ်များ ချမှတ်ခံခဲ့ရသည်။ သို့သော် အများစုမှာ ငွေဒဏ်များသာ ဖြစ်သည်။</p> <p style="text-align:justify">"သွားကြစို့... ဒါက အထူးခြားဆုံး အောင်ပွဲခံတဲ့ နည်းလမ်းပဲ... ဘောလုံး သမိုင်းမှာ တစ်ခုတည်းသော ဖြစ်ရပ် ဖြစ်လောက်တယ်..."</p> <p style="text-align:justify">ချူဖုန်းက ကုတ်အင်္ကျီကို ပခုံးပေါ် တင်လိုက်ပြီး မန်ယူ ကစားသမားများကို ဘတ်စ်ကားပေါ်သို့ ဦးဆောင် ခေါ်သွားလေသည်။ နောက်ဆုံးတော့လည်း ကလပ်အသင်း၏ ဘတ်စ်ကားနှင့်ပင် မန်ချက်စတာကို ပြန်ရတော့သည်ပင်…။</p> <p style="text-align:justify">***</p>


Save