Book List

<h2 style="text-align: center;">အခန်း (၄၃၆)</h2> <h2 style="text-align: center;">*</h2> <p> </p> <p> </p> <p style="text-align:justify">ဇွန်လ၏ ပထမ နှစ်ရက်အတွင်းတွင် ဥရောပ ထိပ်တန်း ဘောလုံးလိဂ် ငါးခုလုံး ပြီးဆုံးသွားခဲ့လေပြီ။</p> <p style="text-align:justify">လာလီဂါတွင် ဘာစီလိုနာအသင်းက ရမှတ် ၈၇ မှတ်ဖြင့် ချန်ပီယံဆုကို ဆွတ်ခူးသွားခဲ့ပြီး အက်သလက်တီကို မက်ဒရစ်ကို ၁၁ မှတ်၊ ရီးရဲလ်မက်ဒရစ်ကို ၁၉ မှတ် အသာဖြင့် အပြတ်အသတ် ဗိုလ်စွဲသွားခဲ့သည်။ </p> <p style="text-align:justify">မက်ဆီက သွင်းဂိုး ၃၆ ဂိုးဖြင့် ဂိုးသွင်းအများဆုံး ကစားသမား စာရင်းတွင် ထိပ်ဆုံးမှ ရပ်တည်ခဲ့ပြီး ရီးရဲလ်မက်ဒရစ်၏ ဘန်ဇီမာက ဒုတိယ နေရာတွင် ရှိနေသည်။</p> <p style="text-align:justify">ရီးရဲလ်မက်ဒရစ် နည်းပြဟောင်း ဆန်တီယာဂို ဆိုလာရီမှာမူ မတ်လအတွင်းက ရာထူးမှ ထုတ်ပယ်ခံခဲ့ရပြီး သူ၏ နေရာတွင် ဇနက်ဒင်း ဇီဒန်းက ဒုတိယအကြိမ် ပြန်လည် တာဝန်ယူခဲ့လေသည်။</p> <p style="text-align:justify">သို့သော် ရီးရဲလ်မက်ဒရစ်သည် လိဂ်အစောပိုင်း ကာလများတွင် ရမှတ်များစွာ ဆုံးရှုံးခဲ့ရသဖြင့် ဇီဒန်း၏ မှော်ဆန်သော စွမ်းရည်များဖြင့်ပင် ဘာစီလိုနာနှင့် အက်သလက်တီကို မက်ဒရစ်တို့ကို အမီမလိုက်နိုင်ခဲ့ချေ။</p> <p style="text-align:justify">ကံကောင်းထောက်မစွာဖြင့် သူတို့သည် ချန်ပီယံလိဂ် ဝင်ခွင့်ကိုတော့ ဆက်လက် ထိန်းသိမ်းထားနိုင်ခဲ့ပြီး လာမည့်ရာသီတွင် ချန်ပီယံလိဂ် ဖလားကို ယှဉ်ပြိုင်လုယူရန် အခွင့်အရေး ရှိနေဆဲ ဖြစ်သည်။</p> <p style="text-align:justify">စီးရီးအေတွင်မူ ဂျူဗင်တပ်စ်က ချန်ပီယံ ဖြစ်မည်မှာ သေချာနေပြီး ဖြစ်သော်လည်း ခရစ္စတီယာနို ရော်နယ်ဒို၏ အခြေအနေက ပို၍ စိတ်ဝင်စားစရာ ကောင်းနေလေသည်။ </p> <p style="text-align:justify">သူသည် ယခင်ကလို ဂိုးသွင်းနှုန်း မြင့်မားမှုကို မထိန်းသိမ်းနိုင်ခဲ့ဘဲ ဤရာသီတွင် သွင်းဂိုး ၂၁ ဂိုးသာ သွင်းယူနိုင်ခဲ့ကာ ဂိုးသွင်းအများဆုံး စာရင်းတွင် အဆင့် ၄ သာ ချိတ်ခဲ့လေသည်။ ပထမနေရာတွင် ရပ်တည်နေသူမှာ ဆမ်ဒိုးရီးယားအသင်းမှ ကွာဂလီယာရယ်လာ ဖြစ်သည်။ </p> <p style="text-align:justify">ဤလူက ရော်နယ်ဒိုထက် အသက် နှစ်နှစ် ပိုကြီးသော်လည်း သွင်းဂိုး ၂၆ ဂိုးအထိ သွင်းယူနိုင်ခဲ့ပြီး ထိုအထဲမှ ၉ ဂိုးမှာ ပင်နယ်တီမှတစ်ဆင့် သွင်းယူခဲ့ခြင်း ဖြစ်သည်။</p> <p style="text-align:justify">ဘွန်ဒက်စ်လီဂါတွင် ဘိုင်ယန်မြူးနစ် အသင်းမှာ အနည်းငယ် အခက်တွေ့လုနီးပါး ဖြစ်ခဲ့ရပြီး ဒေါ့မွန်အသင်းကို ရမှတ် ၂ မှတ်အသာဖြင့်သာ ဗိုလ်စွဲနိုင်ခဲ့သည်။</p> <p style="text-align:justify">ဤနေရာတွင် အထူးသတိပြုရမည့် အချက်တစ်ခု ရှိလေသည်။</p> <p style="text-align:justify">ဆန်ချိုသည် ဒေါ့မွန်အတွက် အလွန် ထူးချွန်စွာ ခြေစွမ်းပြနိုင်ခဲ့ပြီး ၂၀၁၇ ခုနှစ်တွင် ပထမအသင်းသို့ ရောက်ရှိလာကတည်းက သွင်းဂိုး ၁၃ ဂိုးနှင့် ဂိုးဖန်တီးမှု ၁၈ ကြိမ် ဆိုသော အထင်ကြီးဖွယ် စွမ်းဆောင်ရည်ကို ရယူထားနိုင်ခဲ့သည်။</p> <p style="text-align:justify">ထို့ကြောင့် ဆန်ချိုသည် ထိပ်တန်း ကလပ်အသင်း အများအပြား၏ အာရုံစိုက်မှုကို ရရှိလာခဲ့လေသည်။</p> <p style="text-align:justify">ဘွန်ဒက်စ်လီဂါ နောက်ဆုံးပွဲစဉ်ဖြစ်သော မိုချန်ဂလာဘတ်နှင့် ပွဲအပြီးတွင် သတင်းထောက် တစ်ဦးက ဆန်ချိုကို မေးခွန်းထုတ်ခဲ့သည်။ "ခင်ဗျားတို့ နှစ်ယောက်က မန်စီးတီးနဲ့ မန်ယူ လူငယ်အကယ်ဒမီ ထွက်တွေ ဖြစ်ကြပြီး ဘယ်တောင်ပံနဲ့ ညာတောင်ပံ နေရာတွေကနေ စတင်ခဲ့ကြတာဆိုတော့... လူတွေက ခင်ဗျားကို ချူဖုန်းလက်သစ်လို့ နာမည်ပြောင် ပေးထားကြတယ်။ ဒီအပေါ် ဘယ်လို မြင်ပါသလဲ..." </p> <p style="text-align:justify">ဆန်ချိုက ပြန်ဖြေခဲ့သည်။ "မန်ယူက ကြီးကျယ်ခမ်းနားတဲ့ ကလပ်အသင်း တစ်ခုပါ။ ပြီးတော့ ချူကလည်း အလွန် ထူးချွန်တဲ့ ကစားသမား တစ်ယောက်ပါ။ ဘောလုံးလောကက လူငယ်တွေ အများကြီးက သူ့ကို စံပြအဖြစ် သဘောထားကြပါတယ်။ အဲဒီအထဲမှာ ကျွန်တော်လည်း ပါတာပေါ့..."</p> <p style="text-align:justify">"ဒါ့အပြင် ဒီနာမည်ပြောင်လေးကို ကျွန်တော် တကယ် သဘောကျပါတယ်။ ကျွန်တော်လည်း ချူလိုမျိုး အသင်းကို ဦးဆောင်ပြီး ဆုဖလားတွေ ရယူနိုင်ဖို့နဲ့ အဲဒီလုပ်ငန်းစဉ်တွေကနေတစ်ဆင့် ကိုယ့်ကိုယ်ကိုယ် တန်ဖိုးထားမှုကို ဖော်ဆောင်နိုင်ဖို့ ဆန္ဒရှိပါတယ်..."</p> <p style="text-align:justify">"ကျွန်တော်တို့ နှစ်ယောက်သာ တွဲကစားရရင် နားလည်မှု တော်တော် ကောင်းမယ်လို့ ထင်တယ်။ နောင်တစ်ချိန်ကျရင် ကျွန်တော်တို့ အသင်းဖော်တွေ ဖြစ်လာဖို့ အခွင့်အရေး ရကောင်း ရနိုင်ပါတယ်..."</p> <p style="text-align:justify">ဆန်ချိုက ကင်မရာဘက်သို့ လက်လှမ်းပြလိုက်ပြီးနောက် ဟာသလေးတစ်ခု ဖောက်လိုက်သည်။</p> <p style="text-align:justify">"မန်ယူရဲ့ စားသောက်ခန်းက အရမ်း ကောင်းတယ်လို့ ကြားဖူးတယ်။ တစ်ချိန်ချိန်ကျရင် အဲဒီမှာ သွားစားဖို့ အခွင့်အရေး ရမယ်လို့ မျှော်လင့်ပါတယ်..."</p> <p style="text-align:justify">ထိုဗီဒီယို၏ မှတ်ချက်များအောက်တွင် လူများစွာက ချူဖုန်းကို တွဲကာ မန်ယူ၏ အပြောင်းအရွှေ့ အစီအစဉ်များကို အမြန်ဆုံး အကောင်အထည်ဖော်ရန် တိုက်တွန်းခဲ့ကြသည်။ မည်သို့ပင်ဆိုစေကာမူ ထူးချွန်သော လူငယ် ကစားသမားများ ဆိုသည်မှာ ဘောလုံးလောကတွင် ရှားပါးသော ရတနာများပင် မဟုတ်ပါလား။</p> <p style="text-align:justify">ယင်းကို မြင်သောအခါ ချူဖုန်းမှာ ရယ်ချင်စိတ်ကို မနည်း ထိန်းထားရလေသည်။</p> <p style="text-align:justify">ဆန်ချိုက မန်ယူ စားသောက်ခန်းကို တကယ် စိတ်ဝင်စားနေပုံရသည်။ သို့သော် လက်ရှိတွင် မန်ယူ၌ ကစားသမား လိုအပ်ချက် မရှိသေးပေ။ မာရက်ဇ်က သူ၏ အကောင်းဆုံး အချိန်ကာလတွင် ရှိနေပြီး အရန်ခုံတန်းတွင်လည်း လင်ဂတ်လို ကစားသမားမျိုး ရှိနေသေးသည်။</p> <p style="text-align:justify">ဆန်ချိုကို ခေါ်ယူရန် အသည်းအသန် ကြိုးစားစရာ မလိုသေးချေ။</p> <p style="text-align:justify">စားသောက်ခန်း ဘုရင်ကြီးကို ဒေါ့မွန်မှာပဲ အတွေ့အကြုံ ဆက်ယူခိုင်းထားလိုက်တာ အကောင်းဆုံးပဲ။</p> <p style="text-align:justify">လီဂူး-၁ တွင်လည်း အများကြီး ပြောစရာ မရှိပေ။ ပီအက်စ်ဂျီ အသင်းက အမှားအယွင်း မရှိဘဲ လိဂ်ချန်ပီယံဆုကို သိမ်းပိုက်သွားခဲ့ပြန်သည်။</p> <p style="text-align:justify">ထို့အပြင် ကမ္ဘာ့ဖလား ချန်ပီယံသစ်လေး အမ်ဘာပေက သွင်းဂိုး ၂၇ ဂိုးဖြင့် အလက်ဇန္ဒား လာကာဇက်ကို ကျော်ဖြတ်ကာ ဂိုးသွင်းအများဆုံး စာရင်းတွင် ထိပ်ဆုံးမှ ရပ်တည်ခဲ့ပြီး သူ၏ ဈေးကွက်တန်ဖိုးမှာလည်း ယူရို သန်း ၁၉၀ အထိ ထိုးတက်သွားခဲ့လေသည်။ </p> <p style="text-align:justify">စကားမစပ်... ထိုအချိန်အတောအတွင်း ချူဖုန်းက အက်ဖ်အေဖလား ချန်ပီယံဆုကို ဖွင့်ဖောက်ခဲ့ရာ စနစ်ထံမှ ပလက်တီနမ် ရတနာသေတ္တာ ဆုလာဘ် တစ်ခုကို ရရှိခဲ့လေသည်။ </p> <p style="text-align:justify">[ရော်ဘင် ဗန်ပါစီ၏ လေထဲတွင် မြေမကျကန်သွင်းခြင်း မော်ဂျူး]</p> <p style="text-align:justify">ဘောလုံးလောကတွင် ဟာသတစ်ခု ရှိလေသည်။ "ဗန်ပါစီက ဘောလုံးကို မထိန်းနိုင်ဘူး" တဲ့လေ။</p> <p style="text-align:justify">ဗန်ပါစီ၏ သွင်းဂိုး ဟိုက်လိုက်များကို ကြည့်လိုက်မည် ဆိုပါက သူ၏ သွင်းဂိုး အများစုမှာ ဘောလုံးကို တစ်ချက်တည်း တိုက်ရိုက် ကန်သွင်းယူခဲ့ခြင်းများ ဖြစ်နေသည်ကို သင် တွေ့ရမည် ဖြစ်သည်။ သူက အလွန် တိုတောင်းသော အချိန်အတွင်း နေရာယူမှုကို ချိန်ညှိကာ အရည်အသွေး မြင့်မားသော ကန်ချက်များကို ကန်သွင်းနိုင်စွမ်း ရှိသည်။ </p> <p style="text-align:justify">ဤနေရာတွင် သတိပြုစရာ အချက်များစွာ ရှိပေသည်။</p> <p style="text-align:justify">ဥပမာအားဖြင့် ခြေလှမ်း ရွှေ့ပြောင်းမှု၊ ကိုယ်ဟန် အနေအထား၊ အင်အား ထုတ်ယူမှုနှင့် ဘောလုံးနှင့် ထိတွေ့ရမည့် နေရာတို့ကို အတိအကျ သိနေခြင်းမှာ ထင်ထားသလောက် လွယ်ကူလှသည် မဟုတ်ချေ။ ဤအရာက ကစားသမား၏ ပင်ကိုယ် အာရုံခံစားနိုင်စွမ်း အပေါ်တွင်လည်း မူတည်နေသေးသည်။</p> <p style="text-align:justify">ဘောလုံး၏ အလှတရားသည် တိကျစွာ တွက်ချက်ထားသော နည်းဗျူဟာများ၌သာ ရှိနေသည် မဟုတ်ဘဲ ထိုအခိုက်အတန့်တွင် ပေါ်ထွက်လာသော စိတ်ကူးဉာဏ် အလင်းပြမှုများကို လွတ်လပ်စွာ ဖော်ပြနိုင်စွမ်း၌လည်း ရှိနေသည် ဆိုသော စကားပုံဟောင်း တစ်ခု ရှိလေသည်။</p> <p style="text-align:justify">ဗန်ပါစီ ကိုယ်တိုင်ကို မေးကြည့်လျှင်ပင် သူ ဘယ်လို လုပ်လိုက်သလဲ ဆိုတာကို ရှင်းပြနိုင်မည် မဟုတ်ချေ။ </p> <p style="text-align:justify">ထိုနေ့တွင်ပင် ချူဖုန်းက လေထဲတွင် မြေမကျ ကန်သွင်းသည့် လေ့ကျင့်ခန်း အကြိမ်ရေ အများအပြားကို အပိုဆောင်း လေ့ကျင့်ခဲ့လေသည်။ သို့သော် ထိုကဲ့သို့ စက်ရုပ်ဆန်ဆန် ပြိုင်ဆိုင်မှု မရှိသော လေ့ကျင့်ရေးမျိုးက စိတ်လှုပ်ရှားစရာ ခံစားချက်မျိုး မပေါ်ထွက်လာစေနိုင်ချေ။</p> <p style="text-align:justify">ပြိုင်ပွဲဝင် ကွင်းပြင်ပေါ်ရောက်မှသာ စိတ်ကူးဉာဏ် အလင်းပြမှုက ပေါ်ထွက်လာနိုင်ပေလိမ့်မည်။</p> <p style="text-align:justify">ညနေခင်း အချိန်...</p> <p style="text-align:justify">ကာရင်တန် လေ့ကျင့်ရေး စခန်း...</p> <p style="text-align:justify">"ဒါ ဝမ်ဒါ မက်ထရိုပိုလီတာနိုကွင်းကို ငါတို့ ဒုတိယအကြိမ် သွားရတာ မဟုတ်လား..."</p> <p style="text-align:justify">မာရက်ဇ်က အဝတ်လဲခန်းထဲရှိ ဘီဒိုကို မှီကာ မေးလိုက်သည်။ </p> <p style="text-align:justify">"အေးလေ... ပြီးခဲ့တဲ့ အကြိမ်က ချန်ပီယံလိဂ် အုပ်စုအဆင့်တုန်းက ငါတို့က ဝမ်ဒါ မက်ထရိုပိုလီတာနို ကွင်းကြီးကို စာကြည့်တိုက်လို တိတ်ဆိတ်သွားအောင် လုပ်ပစ်ခဲ့တာလေ..."</p> <p style="text-align:justify">မက်ဂွိုင်းယားက ဘဝင်မြင့်သည့် လေသံဖြင့် ပြောလိုက်သည်။ </p> <p style="text-align:justify">အားလုံးသိကြသည့်အတိုင်း အက်သလက်တီကို မက်ဒရစ်နှင့် မန်ယူတို့ကြား ပဋိပက္ခမှာ ဘောလုံးကွင်း အတွင်း ပြိုင်ဆိုင်မှုထက် များစွာ ကျော်လွန်နေလေပြီ။ ဘောလုံးသမိုင်း တစ်လျှောက်လုံးတွင် ပွဲအပြီး ခိုက်ရန်ဖြစ်ပွားမှုမျိုးမှာ အလွန် ရှားပါးလှသည် မဟုတ်ပါလား…။</p> <p style="text-align:justify">အက်သလက်တီကို ပရိသတ်တွေကများ ငါတို့ကို လှောင်ပြောင် ကြိမ်းမောင်းကြမလား...</p> <p style="text-align:justify">ဒီဂီယာက ထိုပြဿနာကို ရုတ်တရက် တွေးမိသွားသည်။ </p> <p style="text-align:justify">"ကိစ္စမရှိပါဘူးကွာ... ငါတို့ အခုလောက်ဆို လှောင်ပြောင်ခံရတာ ကျင့်သားရနေလောက်ပြီ မဟုတ်ဘူးလား..."</p> <p style="text-align:justify">ချူဖုန်းက လက်နှစ်ဖက်ကို ခေါင်းနောက်တွင် ပိုက်ထားလိုက်သည်။ ပြိုင်ပွဲကွင်းအတွင်း အခြေအနေကို သူ သိပ်မစိုးရိမ်သော်လည်း ခံစစ်ပိုင်းအတွက်ကိုတော့ တော်တော်လေး စိုးရိမ်နေမိသည်။ </p> <p style="text-align:justify">ယခုရာသီတွင် ကန်တေသည် ချယ်လ်ဆီး အတွက် ချန်ပီယံလိဂ်တွင် ပွဲထွက် ကစားပေးခဲ့ဖူးသဖြင့် မန်ယူအတွက် ချန်ပီယံလိဂ်တွင် ဝင်ရောက် ကစားခွင့် မရှိချေ။  </p> <p style="text-align:justify">ထို့ကြောင့် မန်ယူ၏ ကွင်းလယ်နှင့် ခံစစ်ပိုင်းမှာ အဓိက ကစားသမား တစ်ဦးကို ဆုံးရှုံးထားရသည် ဟု ဆိုနိုင်လေသည်။ မန်စီးတီးနှင့် ကစားခဲ့သော အက်ဖ်အေဖလား ဗိုလ်လုပွဲတွင် ကန်တေ၏ ထူးချွန်သော ခြေစွမ်းပြမှုသာ မပါဝင်ခဲ့ပါက မန်ယူတို့ အက်ဖ်အေဖလား ရရန် အလွန် ခက်ခဲသွားနိုင်သည်ကို သတိပြုရပေမည်။</p> <p style="text-align:justify">ယင်းကြောင့်ပင် ချူဖုန်းက ခံစစ်အတွက် အနည်းငယ် စိုးရိမ်နေခြင်း ဖြစ်၏။</p> <p style="text-align:justify">သို့သော် မော်ရင်ညိုနှင့် သူ၏ နည်းပြအဖွဲ့က ကြိုတင် ပြင်ဆင်မှုများ လုပ်ဆောင်ထားပြီး ဖြစ်ကာ လွန်ခဲ့သည့် ရက်အနည်းငယ်ကတည်းက ကစားသမားများနှင့် နည်းဗျူဟာပိုင်းဆိုင်ရာ ပြဿနာများကို ဆွေးနွေးခဲ့ကြသည်။ </p> <p style="text-align:justify">သို့သော် သီအိုရီက တစ်ပိုင်း၊ လက်တွေ့က တစ်ပိုင်းပင်။ </p> <p style="text-align:justify">ချူဖုန်းကတော့ အနည်းငယ် စိုးရိမ်နေဆဲပင်။ </p> <p style="text-align:justify">"မန်စီးတီးက လျှို့ဝှက် လက်နက်တစ်ခု ပြင်ဆင်ထားတယ်လို့ ငါ ကြားတယ်။ ချူ... မင်းနဲ့ ဂွါဒီယိုလာရဲ့ သမီးက အချိတ်အဆက် ကောင်းနေတာဆိုတော့... သတင်းလေး ဘာလေး မရှိဘူးလား..."</p> <p style="text-align:justify">ဒေးဗစ်လူးဝစ်၏ မျက်လုံးများက အတင်းအဖျင်း စပ်စုချင်စိတ်ဖြင့် တောက်ပနေလေသည်။ </p> <p style="text-align:justify">"ဘာရှိရမှာလဲ..." </p> <p style="text-align:justify">ချူဖုန်းက ဒေါသတကြီးဖြင့် ပြန်အော်လိုက်သည်။ "ငါက နည်းဗျူဟာတွေ သွားမေးနေရင် အဲဒါ ဗြောင်ကျကျ သူလျှိုလုပ်တာပေါ့..."</p> <p style="text-align:justify">သူ သိနေရင်တောင် ပြောပြမည် မဟုတ်ချေ။ </p> <p style="text-align:justify">ဒါက နောက်ဆုံးတော့ လူတစ်ယောက်ရဲ့ ကိုယ်ကျင့်တရားနဲ့ ဆိုင်တဲ့ ကိစ္စပဲလေ။</p> <p style="text-align:justify">"ဟေး... ငါက နောက်နေတာပါ။ ဒါပေမဲ့ မင်း သတိထားတာတော့ ပိုကောင်းမယ်။ ငါတို့ မန်စီးတီးကို အကြိမ်ကြိမ် အနိုင်ရခဲ့တာတွေကို ကြည့်လိုက်ရင် မင်းရဲ့ ဂိုးတွေကြောင့် ချည်းပဲလေ..." </p> <p style="text-align:justify">ဒေးဗစ်လူးဝစ်က သတိပေးလိုက်သည်။ "မင်းရဲ့ အနာဂတ် ယောက္ခမလောင်းက သေချာပေါက် အကြံအစည် တစ်ခုခု ရှိနေမှာပဲ။ မင်း ကြိုတင် ပြင်ဆင်ထားဖို့ အကြံပေးချင်တယ်..."</p> <p style="text-align:justify">အားလုံး၏ အံ့ဩမှုများကြားတွင် မက်ဂွိုင်းယား၏ မျက်လုံးများက အရောင်လက်သွားလေသည်။ "ချူ... ပြီးခဲ့တဲ့ တစ်ခေါက်က မင်း ငါ့ညီမကို ကယ်ပေးခဲ့လို့ သူက ကျေးဇူးဆပ်တဲ့ အနေနဲ့ မင်းကို ထမင်းဝယ်ကျွေးချင်နေတာတဲ့… အဲ့ဒါ မင်း…”</p> <p style="text-align:justify">"အဲဒီတုန်းက တစ်သင်းလုံး ရဲစခန်းကို ရောက်သွားကြတာဆိုတော့ ထမင်းဝယ်ကျွေးမယ် ဆိုရင်လည်း အကုန်လုံးကို ဝယ်ကျွေးမှ ရမှာပေါ့။ တစ်ယောက်တည်း ဝယ်ကျွေးတာက သိပ်ပြီး အဆင်မပြေဘူးလေ..." </p> <p style="text-align:justify">မက်ဂွိုင်းယား စကားမဆုံးခင်မှာပင် ချူဖုန်းက လက်ကာပြကာ စကားဖြတ်ပြောလိုက်သည်။ "ခင်ဗျား သဘောတူတယ် မဟုတ်လား ဒေးဗစ် (ဒီဂီယာ)..." </p> <p style="text-align:justify">ဘဲကြီး ဒီဂီယာက ချူဖုန်း၏ ဆိုလိုရင်းကို သေချာပေါက် နားလည်သဖြင့် သဘောတူကြောင်း အမြန် ခေါင်းညိတ်ပြလိုက်သည်။ </p> <p style="text-align:justify">"ဟုတ်တယ်... ဟုတ်တယ်... အကုန်လုံးကို ဖိတ်ရမှာပေါ့။ ပြီးတော့ ပိုက်ဆံရှင်းရမှာက ဟယ်ရီ (မက်ဂွိုင်းယား) ပဲ ဖြစ်ရမယ်..."</p> <p style="text-align:justify">"မက်ဒရစ်မှာ စားသောက်ဆိုင်ကောင်းကောင်း တစ်ခု ငါ သိတယ်။ ဈေးတော့ နည်းနည်း ကြီးတယ်... ဒါပေမဲ့ ဟယ်ရီရဲ့ လစာနဲ့ဆိုရင်တော့ ရှင်းနိုင်ပါတယ်..."</p> <p style="text-align:justify">အခြား အသင်းဖော်များကလည်း အုံးအုံးကြွက်ကြွက် ဝင်ရောက် ထောက်ခံကြရာ မက်ဂွိုင်းယားမှာ သက်ပြင်းချကာ အရှုံးပေးလိုက်ရုံသာ တတ်နိုင်တော့သည်။</p> <p style="text-align:justify">ချူဖုန်းလည်း သက်ပြင်းတစ်ချက် ချလိုက်မိသည်။</p> <p style="text-align:justify">သူ့မှာ အခု ချစ်သူ ရှိနေပြီ ဆိုတာကို ဘေးဖယ်ထားဦး။ မက်ဂွိုင်းယားနှင့် တစ်ပုံစံတည်း တူနေသည့် ဒေစီ၏ မျက်နှာကြီးကို မျက်လုံးမှိတ်ပြီးတောင် သူ မကြည့်ရဲချေ။</p> <p style="text-align:justify">ဒါက ရုပ်ရည်ကို ခွဲခြားဆက်ဆံတာတော့ မဟုတ်ပါဘူးလေ။</p> <p style="text-align:justify">အချိန်ကျလာသောအခါ မော်ရင်ညို ဝင်လာပြီး လက်လှမ်းပြကာ "သွားကြစို့ ကောင်လေးတို့... ရာသီရဲ့ နောက်ဆုံး ပွဲစဉ်အတွက် ငါတို့ စပိန်နိုင်ငံ၊ မက်ဒရစ်မြို့ကို သွားရမယ်..." ဟု ပြောလိုက်သည်။</p> <p style="text-align:justify"><br /> ***</p>


Save