Book List

<h2 style="text-align: center;">အခန်း (၄၃၈)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ချန်ပီယံလိဂ် ချန်ပီယံ…။</p> <p style="text-align:justify">၎င်းသည် ဥရောပ၏ အထွတ်အထိပ်ကို ကိုယ်စားပြုပြီး အသင်းတိုင်း၏ အိမ်မက်ပင် ဖြစ်သည်။</p> <p style="text-align:justify">သို့သော် နှစ်စဉ် ချန်ပီယံလိဂ် ဖလားကြီးကို တစ်သင်းတည်းကသာ ကိုင်မြှောက်ခွင့် ရရှိမည် ဖြစ်သည်။ </p> <p style="text-align:justify">မည်သူကမျှ အရှုံးပေးမည် မဟုတ်သလို မည်သူကမျှ နောက်ဆုတ်မည် မဟုတ်ချေ။ ချန်ပီယံလိဂ် ဆုဖလားကြီး အတွက် သူတို့၏ နောက်ဆုံး အင်အားအထိ အစွမ်းကုန် တိုက်ပွဲဝင်ကြမည် ဖြစ်သည်။</p> <p style="text-align:justify">နေဝန်းကြီး ထွက်ပေါ်လာလိုက်၊ ဝင်သွားလိုက်ဖြင့် သုံးကြိမ်တိုင်တိုင် ထပ်ခါတလဲလဲ ဖြစ်ပေါ်ခဲ့ပြီးနောက်...</p> <p style="text-align:justify">ချန်ပီယံလိဂ် ဗိုလ်လုပွဲနေ့သို့ နောက်ဆုံးတွင် ရောက်ရှိလာခဲ့လေပြီ။</p> <p style="text-align:justify">(၆၄) ကြိမ်မြောက် ယူအီးအက်ဖ်အေ ချန်ပီယံလိဂ် ဗိုလ်လုပွဲကြီးကို ၂၀၁၉ ခုနှစ် ဇွန်လ ၁ ရက်နေ့တွင် စတင် ကျင်းပမည် ဖြစ်သည်။</p> <p style="text-align:justify">ဝမ်ဒါ မက်ထရိုပိုလီတာနို ကွင်းကြီး…</p> <p style="text-align:justify">ကြီးမားလှသော လူအုပ်ကြီး…</p> <p style="text-align:justify">ကမ္ဘာတစ်ဝှမ်းမှ ပရိသတ်များက ကွင်းကြီးထဲတွင် ပြည့်လျှံနေအောင် ဝင်ရောက် ကြည့်ရှုနေကြသည်။ ယနေ့တွင် ပွဲကြည့်စင်ကို အနီနှင့်အပြာ အရောင်များက အဓိက လွှမ်းမိုးထားရာ တစ်ချက် ကြည့်လိုက်ရုံဖြင့် စပိန်နိုင်ငံ မက်ဒရစ်မြို့ဟု မထင်ရဘဲ မန်ချက်စတာမြို့ဟုပင် ထင်မှတ် မှားနိုင်လေသည်။ </p> <p style="text-align:justify">အသင်းနှစ်သင်းလုံးမှ ကစားသမားများ မရောက်လာမီကတည်းက ဘောလုံးလောကမှ နာမည်ကျော် ပုဂ္ဂိုလ်ကြီးများ အများအပြား ရောက်ရှိနေကြလေပြီ။</p> <p style="text-align:justify">ဖာဂူဆန်၊ ဝင်းဂါ၊ ဇီဒန်း၊ အယ်လီဂရီနှင့် အခြားသော နာမည်ကျော် နည်းပြကြီးများ အားလုံးက သတင်းထောက်များ၏ ကင်မရာများရှေ့တွင် ပေါ်ထွက်လာကြသည်။ သူတို့က ပွဲနှင့် ပတ်သက်၍ သူတို့၏ အမြင်များကိုလည်း ပြောပြခဲ့ကြသည်။</p> <p style="text-align:justify">ဖာဂူဆန်: "မန်ယူ ရှုံးမှာ မဟုတ်ဘူး... မန်စီးတီးက မန်ယူကို နိုင်ဖို့ အခွင့်အရေး လုံးဝ မရှိဘူး”</p> <p style="text-align:justify">ဝင်းဂါ: "အသင်းနှစ်သင်းလုံး ချန်ပီယံဆု ရဖို့ အခွင့်အရေး ရှိပါတယ်။ နောက်ရာသီ အာဆင်နယ် နည်းပြလား... ဆောရီးပဲ။ ကျွန်တော် မသိဘူး..."</p> <p style="text-align:justify">ဇီဒန်း: "ချူ ရီးရဲလ်မက်ဒရစ်ကို ရောက်လာမလား... ကမ္ဘာပေါ်က အကောင်းဆုံး ကလပ်အသင်းက အကောင်းဆုံး ကစားသမားတွေနဲ့ တွဲဖက်သင့်တာပေါ့။ တကယ်လို့ ချူသာ တစ်ဦးချင်းဆုတွေနဲ့ ချန်ပီယံဆုတွေ ပိုပြီး ရချင်တယ်ဆိုရင် ကြီးကျယ်ခမ်းနားတဲ့ ကလပ်အသင်း တစ်ခုကို ငြင်းဆန်စရာ အကြောင်းမရှိပါဘူး..."</p> <p style="text-align:justify">အယ်လီဂရီ: "ရော်နယ်ဒိုက ပြိုင်ပွဲတိုင်းမှာ အနိုင်ရနိုင်တယ်ဆိုတဲ့ ယုံကြည်မှုကို ကျွန်တော်တို့ကို ပေးစွမ်းနိုင်ပါတယ်။ နောက်ရာသီကျရင် အဲဒီစကား မှန်ကန်ကြောင်း ကျွန်တော် သက်သေပြသွားပါမယ်..."</p> <p style="text-align:justify">……………………..</p> <p style="text-align:justify">ဝမ်ဒါ မက်ထရိုပိုလီတာနို ကွင်းကြီး</p> <p style="text-align:justify">နားကွဲမတတ် ဆူညံနေသော အားပေးသံများ ကြားတွင် အသင်းနှစ်သင်းလုံး ပွဲကြို သွေးပူလေ့ကျင့်ခန်းများ ပြုလုပ်အပြီး ကစားသမား ဥမင်လှိုဏ်ခေါင်းမှတစ်ဆင့် အဝတ်လဲခန်းများဆီသို့ အသီးသီး ပြန်ဝင်သွားကြသည်။</p> <p style="text-align:justify">"နည်းဗျူဟာ အသေးစိတ်တွေကို ငါ သိပ်အများကြီး မပြောတော့ဘူး... ကွင်းလယ်နဲ့ ခံစစ်ပိုင်းကိုပဲ အဓိက အာရုံစိုက်မယ်..."</p> <p style="text-align:justify">"အန်ဂိုလို မပါနိုင်တာကြောင့် ငါတို့ရဲ့ တောင်ပံနှစ်ဖက်စလုံးမှာ ဖိအား တော်တော်လေး များနေလိမ့်မယ်။ မန်စီးတီးကလည်း သေချာပေါက် ဒီနေရာတွေကို ပစ်မှတ်ထားပြီး သူတို့ရဲ့ တစ်ဦးချင်း စွမ်းရည်တွေကို အသုံးပြုကာ ထိုးဖောက်ဖို့ ကြိုးစားလာလိမ့်မယ်..."</p> <p style="text-align:justify">မော်ရင်ညိုက နည်းဗျူဟာပြ ဘုတ်ပြားကို လက်ညှိုးထိုးပြကာ တည်ငြိမ်အေးဆေးသော လေသံဖြင့် ပြောလိုက်သည်။ "ဒါကြောင့် ဒီပွဲကို အနိုင်ရဖို့ အဓိက သော့ချက်က ခံစစ်မှာပဲ ရှိတယ်။ အရင်ကလို တိုက်စစ်ဖွင့်ပြီး သွားကစားလို့ မရဘူး... အဲဒီလို လုပ်ရင် ငါတို့ ရှုံးဖို့ပဲ ရှိတယ်..."</p> <p style="text-align:justify">"ဒီနေ့ အဓိက ဗျူဟာက ခံစစ်နဲ့ တန်ပြန်တိုက်စစ်ပဲ"</p> <p style="text-align:justify">မော်ရင်ညိုက ချူဖုန်းကို ကြည့်ကာ ပြောလိုက်သည်။ "ချူ... မင်းနဲ့ ငါတို့ အားလုံး နောက်ဆုတ် ခံစစ်ကစားပြီး မန်စီးတီးရဲ့ အစောပိုင်း တိုက်စစ်တွေကို တတ်နိုင်သမျှ တားဆီးရမယ်။ ပွဲကို ဒုတိယပိုင်း အထိ ဆွဲခေါ်သွားရမယ်... အဲဒီအချိန်ကျမှ ငါတို့ရဲ့ အင်အား အစစ်အမှန်ကို ထုတ်သုံးကြမယ်..."</p> <p style="text-align:justify">"နားလည်ပါပြီ..." ချူဖုန်းက ခေါင်းညိတ်လိုက်သည်။ </p> <p style="text-align:justify">ကံကောင်းထောက်မစွာဖြင့် ချန်ပီယံလိဂ် ဗိုလ်လုပွဲကို ညဘက်တွင် ကစားရသဖြင့် သူ နေပူဒဏ်ကို ရင်ဆိုင်စရာ မလိုတော့ချေ။ ရုပ်ပိုင်းဆိုင်ရာ ကြံ့ခိုင်မှုအတွက်လည်း စိုးရိမ်စရာ မလိုတော့ပေ။</p> <p style="text-align:justify">"ပြီးခဲ့တဲ့ ရာသီ ချန်ပီယံလိဂ် ဗိုလ်လုပွဲ မတိုင်ခင်တုန်းက ဂုဏ်သိက္ခာနဲ့ ယုံကြည်မှုတွေ အကြောင်း မင်းတို့ကို ငါ အများကြီး ပြောပြခဲ့ဖူးတယ်။ ဒီနေ့တော့ ငါ သိပ်အများကြီး မပြောတော့ပါဘူး..."</p> <p style="text-align:justify">"ငါတို့ ဒီအထိ ရောက်လာခဲ့ပြီ... အများကြီးလည်း ဖြတ်သန်းခဲ့ရပြီးပြီ။ တကယ်တမ်းကျတော့ လီဗာပူးနဲ့ ပွဲမှာ ငါတို့ ပြုတ်ကျန်ခဲ့ပြီလို့တောင် ထင်ခဲ့တာ... ဒါပေမဲ့ နောက်ဆုံးမှာတော့…"</p> <p style="text-align:justify">မော်ရင်ညိုက ခေါင်းယမ်းလိုက်ပြီး သူ၏ စကားကို သူ့ဘာသာ ဖြတ်လိုက်သည်။ "ဒါကြောင့် မင်းတို့ရဲ့ အနိုင်ရချင်တဲ့ ဆန္ဒက တခြား ဘယ်သူ့ထက်မဆို ပိုပြီး ပြင်းပြနေမယ်လို့ ငါ ယုံကြည်တယ်။ အခု အဲဒါကို လက်တွေ့ လုပ်ရပ်တွေနဲ့ သက်သေပြလိုက်ကြစို့"</p> <p style="text-align:justify">ချူဖုန်းက မော်ရင်ညို၏ အနည်းငယ် ကွေးတက်သွားသော နှုတ်ခမ်းများကို ကြည့်ပြီး မနေနိုင်ဘဲ ပျော်ရွှင်စွာ ပြုံးလိုက်မိသည်။ </p> <p style="text-align:justify">ဘော့စ်က သူတို့ကို အထူးတလည် စိတ်ဓာတ်ခွန်အားပေး စကားတွေ မပြောခဲ့ပေမဲ့ အကျိုးသက်ရောက်မှုကတော့ အတူတူလောက် ကောင်းမွန်နေဆဲပင်။ </p> <p style="text-align:justify">မည်သို့ပင်ဆိုစေကာမူ အသက်ကြီးသော ဝိညာဉ်တစ်ခု ပိုင်ဆိုင်ထားသူပင် သူ၏ သွေးများ ဆူပွက်လာသည်ကို မနေနိုင်ဘဲ ခံစားနေရသည် မဟုတ်ပါလား။ ထို့ကြောင့် သူ၏ အသင်းဖော်များမှာလည်း ပို၍ပင် စိတ်လှုပ်ရှား တက်ကြွနေကြမည်မှာ သေချာပေသည်။</p> <p style="text-align:justify">သူက ဖိနပ်ကြိုးများကို သေချာ ချည်လိုက်ပြီး မတ်တတ်ရပ်ကာ ခြေစောင့်လိုက်ပြီး "ပြိုင်ပွဲ ရလဒ်က ဘယ်လိုပဲ ထွက်လာပါစေ... နောင်တရစရာတွေ မချန်ထားခဲ့ကြေးဟေ့..." ဟု အော်ပြောလိုက်သည်။ </p> <p style="text-align:justify">"အားတင်းထားကြဟေ့"</p> <p style="text-align:justify">ကျယ်လောင်သော အသံကြီးက အဝတ်လဲခန်းထဲတွင် ဟိန်းထွက်သွားလေသည်။ </p> <p style="text-align:justify">မက်တော်မီနေး၊ ဒီဂီယာ၊ မက်ဂွိုင်းယား နှင့် အခြားသူများကလည်း မတ်တတ်ရပ်ကာ သူတို့၏ ညာလက်များကို ထပ်လိုက်ကြသည်။ </p> <p style="text-align:justify">"ချကြဟေ့..."</p> <p style="text-align:justify">အားလုံး၏ မျက်လုံးများတွင် ပြတ်သားသော စိတ်ပိုင်းဖြတ်မှုများ အပြည့် ရှိနေပြီး အသံကုန် အော်ဟစ်လိုက်ကြသည်။ </p> <p style="text-align:justify">မော်ရင်ညို ပြောသလိုပင်။ </p> <p style="text-align:justify">ပန်းတိုင်သို့ ရောက်ရန် ခြေတစ်လှမ်းသာ လိုတော့သည့် အချိန်တွင် ဤနေရာ၌ မည်သူကမျှ နောက်ဆုတ်ရန် ရွေးချယ်မည် မဟုတ်ချေ။ </p> <p style="text-align:justify">လေးဘက်ထောက်ပြီး တွားသွားရရင်တောင်မှ ပန်းတိုင်ရောက်အောင် သွားကြမယ်</p> <p style="text-align:justify">ဒါက မန်ယူ ကစားသမားတိုင်း၏ စိတ်ထဲရှိ အတွေးပင် ဖြစ်သည်။</p> <p style="text-align:justify">တစ်ချိန်တည်းမှာပင် မန်စီးတီး အဝတ်လဲခန်းထဲ၌...</p> <p style="text-align:justify">ဂွါဒီယိုလာက အဝတ်လဲခန်းထဲမှ ထွက်လာပြီး သူ၏ နောက်ကွယ်တွင် တံခါးကို ပိတ်လိုက်သည်။</p> <p style="text-align:justify">ကွန်ပနီက ဘာတွေ ပြောခဲ့သလဲ ဆိုတာတော့ သူမသိပေ။ သို့သော် ဆယ်မိနစ်ကျော် အကြာတွင် မန်စီးတီး ကစားသမားများက နီရဲနေသော မျက်လုံးများဖြင့် အဝတ်လဲခန်းထဲမှ ထွက်လာကြလေသည်။ </p> <p style="text-align:justify">ကစားသမား ဥမင်လှိုဏ်ခေါင်းထဲတွင်...</p> <p style="text-align:justify">အသင်းနှစ်သင်းကြားရှိ လေထုမှာ အလွန်အမင်း တင်းမာမှုမျိုး မရှိဘဲ တော်တော်လေး ကောင်းမွန်နေဆဲပင်။</p> <p style="text-align:justify">သို့သော် ခရာသံ ထွက်ပေါ်လာသည်နှင့် သူတို့သည် အကြီးမားဆုံးသော ရန်သူကြီးများ ဖြစ်သွားကြမည် ဆိုတာကိုတော့ အားလုံး သိထားကြသည်။</p> <p style="text-align:justify">ချန်ပီယံ ဆိုတာ တစ်သင်းတည်းသာ ဖြစ်နိုင်သော်လည်း အားလုံးက ထိုနေရာကို ရချင်နေကြသည်။ </p> <p style="text-align:justify">သို့သော် ချန်ပီယံ ဖြစ်နိုင်ရန် စွမ်းရည်နှင့် တိုက်ခိုက်လိုစိတ်များ ရှိဖို့ လိုအပ်လေသည်။  အဘယ်ကြောင့် ဆိုသော် ဘောလုံးကွင်းထဲတွင် အခြေအနေက အမြဲတမ်း ပြောင်းလဲတတ်သောကြောင့်ပင်…။</p> <p style="text-align:justify">ရုတ်တရက် ချန်ပီယံလိဂ် သီချင်းသံကြီး စတင် ထွက်ပေါ်လာသည်။</p> <p style="text-align:justify">ဝမ်ဒါ မက်ထရိုပိုလီတာနို ကွင်းကြီးမှာ တောက်ပသော မီးရှူးမီးပန်းများဖြင့် လွှမ်းခြုံသွားပြီး မက်ဒရစ်မြို့၏ ခြောက်ကပ်နေသော ညကောင်းကင်ယံကို လင်းထိန်သွားစေသည်။</p> <p style="text-align:justify">"လူကြီးမင်းများ ခင်ဗျာ..."</p> <p style="text-align:justify">"၂၀၁၈-၁၉ ယူအီးအက်ဖ်အေ ချန်ပီယံလိဂ် ဗိုလ်လုပွဲကြီးကနေ ကြိုဆိုပါတယ်"</p> <p style="text-align:justify">"..."</p> <p style="text-align:justify">အစီအစဉ် တင်ဆက်သူက စင်မြင့် အလယ်တွင် ရပ်နေလေသည်။ ခေတ္တမျှ မိတ်ဆက်ပြီးနောက် ချန်ပီယံလိဂ် ဖွင့်ပွဲ အခမ်းအနား စတင်လေသည်။</p> <p style="text-align:justify">ဒီနှစ်တွင်တော့ ကြီးကြီးမားမား အံ့ဩစရာတွေ သိပ်မရှိခဲ့ပေ။ </p> <p style="text-align:justify">"Believer"  </p> <p style="text-align:justify">Imagine Dragons၏ ပေါက်ကွဲအားပြင်းသော သီချင်းသံကြီးက ကွင်းကြီး၏ ထောင့်တိုင်းတွင် ပြည့်နှက်သွားပြီး အလွန်အမင်း ပြင်းထန်သော လေထုကို ဖန်တီးပေးလိုက်သည်။ </p> <p style="text-align:justify">သို့သော် အထင်ကြီးစရာ အကောင်းဆုံး မြင်ကွင်းကတော့ လေးဖက်လေးတန် ရှိနေသော ပွဲကြည့်စင်ကြီးပင်။</p> <p style="text-align:justify">အနီရောင် မီးခိုးတန်းများ လှည့်ပတ် ပျံဝဲနေပြီး ဧရာမ ပိုစတာကြီး တစ်ခု ဖြန့်ကျက်လာကာ အလံများကလည်း လေထဲတွင် တလူလူ လွင့်ဝဲနေကြသည်။ </p> <p style="text-align:justify">စိတ်အားထက်သန်သော မန်ယူ ပရိသတ်များက အနှီ ကွင်းကြီးကို သူတို့၏ ကိုယ်ပိုင် အိုးထရက်ဖို့ဒ် ကွင်းကြီးအလား သဘောထားနေပုံရသည်။ မည်သို့ပင်ဆိုစေကာမူ မန်ယူတို့သည် ချန်ပီယံလိဂ် ဗိုလ်လုပွဲများစွာကို ပါဝင် ဆင်နွှဲခဲ့ဖူးသည် မဟုတ်ပါလား။</p> <p style="text-align:justify">"မန်ချက်စတာယူနိုက်တက်..."</p> <p style="text-align:justify">"မန်ချက်စတာယူနိုက်တက်..."</p> <p style="text-align:justify">နားကွဲမတတ် ကျယ်လောင်သော ဗုံသံများနှင့်အတူ မန်ယူ ပရိသတ်များက ကြွေးကြော်သံများ အော်ဟစ်လိုက်ကြရာ ကွင်းကြီး တစ်ခုလုံးပင် တုန်ခါသွားသကဲ့သို့ ထင်မှတ်ရလေသည်။ </p> <p style="text-align:justify">ထိုအချိန်တွင် Imagine Dragons ၏ သီချင်းမှာ ပြီးဆုံးလုနီးပါး ဖြစ်နေလေပြီ။ </p> <p style="text-align:justify">ဒါက "Radioactive" သီချင်းပါ။ </p> <p style="text-align:justify">"ငါ စစ်ပွဲအလံကို လွှင့်ထူလိုက်တယ်... သံချပ်ကာအင်္ကျီကို ဝတ်ဆင်လိုက်တယ်... တော်လှန်ရေး တစ်ခု စတင်တော့မယ် ဆိုတာ ငါ သိတယ်"</p> <p style="text-align:justify">"အန္တရာယ်ကို ကိုယ်စားပြုတဲ့ အနီရောင်ကို ဝတ်ဆင်ပြီး ငါတို့ ပါဝင်လာခဲ့ပြီ"</p> <p style="text-align:justify">"ငါ အသားကျနေပြီ... ငါ အသင့်ဖြစ်နေပြီ"</p> <p style="text-align:justify">"..."</p> <p style="text-align:justify">"ငါ့ခန္ဓာကိုယ်ထဲမှာ အနားမယူနိုင်တဲ့ စွမ်းအင်တွေ ရှိနေတယ်... ခန္ဓာကိုယ် တစ်ခုလုံးကို အပြည့်အဝ ပြန်လည် နုပျိုသွားစေနိုင်လောက်တဲ့ အထိပဲ"</p> <p style="text-align:justify">"ခေတ်သစ် ကမ္ဘာကြီးကနေ ကြိုဆိုပါတယ်"</p> <p style="text-align:justify">ချူဖုန်းက သီချင်းကို နားထောင်ရင်း တဖြည်းဖြည်း မသက်မသာ ခံစားလာရသဖြင့် မာတစ်ကို တိုးတိုးလေး မေးလိုက်သည်။ "ဒီသီချင်း စာသားတွေက ငါတို့ ခေတ်သစ် တစ်ခုကို စတင်တော့မယ်လို့ အရိပ်အမြွက် ပြောနေတာများလား..."</p> <p style="text-align:justify">မာတစ်: "..."</p> <p style="text-align:justify">မင်းကတော့ ဆက်စပ်တွေးတောတဲ့ နေရာမှာ တကယ်ကို ပါရမီ ပါတာပဲ...</p> <p style="text-align:justify">သို့သော် ယင်းက အဓိပ္ပာယ် ရှိနေပုံရသည်။ အနီရောင် ဆိုသည်မှာ မန်စီးတီးလား၊ မန်ယူလား ဆိုသည်ကို ဘယ်သူမဆို ရှင်းရှင်းလင်းလင်း သိနေသည် မဟုတ်ပါလား။ </p> <p style="text-align:justify">***</p>


Save