Book List

<h2 style="text-align: center;">အခန်း (၄၃၉) </h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">မကြာမီ...</p> <p style="text-align:justify">ဒိုင်လူကြီးအဖွဲ့ ဦးဆောင်မှုဖြင့် ကစားသမားများက ကစားသမား ဥမင်လှိုဏ်ခေါင်းထဲမှ ထွက်လာကြလေသည်။ </p> <p style="text-align:justify">ဝိုး...</p> <p style="text-align:justify">ကွင်းကြီး တစ်ခုလုံး ရေနွေးအိုး ဆူပွက်လာသကဲ့သို့ ရုတ်တရက် ဆူညံ ပေါက်ကွဲထွက်သွားတော့သည်။ </p> <p style="text-align:justify">ချူဖုန်းက ချန်ပီယံလိဂ်ဖလား အနီးမှ ဖြတ်သွားစဉ် သူက လက်လှမ်းကာ ဆုဖလားကြီးကို ပွတ်သပ်လိုက်သေးရာ မက်ဂွိုင်းယားမှာ လန့်သေမတတ် ဖြစ်သွားရလေသည်။</p> <p style="text-align:justify">ဘောလုံးလောက၏ ကြောက်မက်ဖွယ် အကောင်းဆုံး ကျိန်စာတစ်ခုကို သူ အလွန် ကောင်းကောင်း သိထားလေသည်။ ပွဲမစခင် ဆုဖလားကို ကိုင်တွယ်တဲ့ ဘယ်သူမဆို အရှုံးနဲ့ ရင်ဆိုင်ရလိမ့်မယ်တဲ့လေ။ </p> <p style="text-align:justify">"ပြီးခဲ့တဲ့ ရာသီတုန်းကလည်း ငါ အဲဒီဆုဖလားကြီးကို ကိုင်ခဲ့တယ် ဆိုတာ မင်း သိလား..."</p> <p style="text-align:justify">ချူဖုန်းက ပြုံးရင်း အမေးကို အမေးဖြင့် ပြန်လည် တုံ့ပြန်လိုက်သည်။</p> <p style="text-align:justify">မက်ဂွိုင်းယား: "အဲဒါကြောင့်ကိုး..."</p> <p style="text-align:justify">သူက စိတ်လှုပ်ရှားစွာဖြင့် ဟိုဒီ လှည့်ပတ် ကြည့်ရှုနေပြီး ရှုခင်းလှလှလေးတွေ မြင်ရတဲ့ ရွာသူမကြီး လျှောက်ကြည့်နေသလိုမျိုး ဖြစ်နေလေသည်။</p> <p style="text-align:justify">ချန်ပီယံလိဂ် ဗိုလ်လုပွဲကြီး…</p> <p style="text-align:justify">ကစားသမား အများအပြားမှာ သူတို့၏ တစ်သက်တာလုံး ဤကဲ့သို့သော ပွဲမျိုးကို ကစားခွင့် မရကြသော်လည်း သူကတော့ သူ၏ ကစားသမားဘဝ အစောပိုင်းမှာပင် ဘောလုံးလောက၏ အမြင့်မားဆုံး စင်မြင့်ထက်တွင် ရပ်တည်ခွင့် ရနေလေပြီ။ </p> <p style="text-align:justify">"ပါရမီဆိုတာ ငါ့ရဲ့ နားလည်နိုင်စွမ်း အတွက် အောက်ခြေ အဆင့်လေး တစ်ခုမျှသာပါပဲ..."</p> <p style="text-align:justify">မက်ဂွိုင်းယားက ဘယ်ကနေ ကောက်ရလာမှန်း မသိသော စကားတစ်ခွန်းကို ပြောလိုက်ပြီး စိတ်ခံစားချက် အပြည့် ပါဝင်နေဟန်ဖြင့် သက်ပြင်းချလိုက်သည်။</p> <p style="text-align:justify">"ငါကတော့ ဒီစကားအတွက် ၁၀ မှတ်မှာ ၈.၅ မှတ် ပေးချင်တယ်... ဘာလို့လဲဆိုတော့ ငါ ပြောစရာ စကားတောင် မရှိတော့လို့လေ..."</p> <p style="text-align:justify">ချူဖုန်းက စိတ်ထဲမှ ညည်းတွားလိုက်သည်။ </p> <p style="text-align:justify">မကြာမီ အသင်းနှစ်သင်းလုံး တန်းစီ ရပ်လိုက်ကြသည်။</p> <p style="text-align:justify">ကင်မရာက ကစားသမား တစ်ယောက်ချင်းစီကို အလှည့်ကျ ရိုက်ကူးသွားပြီး ချူဖုန်းဆီ ရောက်သောအခါ အချိန်အကြာဆုံး ရပ်တန့်နေလေသည်။ အဘယ်ကြောင့်ဆိုသော် သူသည် အသင်းနှစ်သင်းလုံးတွင် အထူးချွန်ဆုံး စူပါစတား တစ်ဦး အဖြစ် သတ်မှတ်ခံထားရသောကြောင့် ဖြစ်သည်။ </p> <p style="text-align:justify">ပြီးခဲ့သည့် ရာသီက ချန်ပီယံလိဂ် ဗိုလ်လုပွဲကို ပရိသတ် အများအပြားက ဂန္ထဝင်မြောက် ပွဲစဉ်တစ်ခု အဖြစ် သတ်မှတ်ထားကြသည်။</p> <p style="text-align:justify">ချူဖုန်း၏ ဟက်ထရစ်၊ ဆက်တိုက် ချေပဂိုးများနှင့် ပင်နယ်တီ အဆုံးအဖြတ်ဖြင့် အနိုင်ရရှိခဲ့မှု။ </p> <p style="text-align:justify">ထိုအချက်များထဲမှ တစ်ချက် ပါဝင်လာလျှင်ပင် သင့်သွေးများကို ဆူပွက်လာစေရန် လုံလောက်နေပြီ ဖြစ်ရာ ယင်းအချက်များ အားလုံး ပါဝင်နေမည် ဆိုပါက ဆိုဖွယ်ရာ မရှိတော့ချေ။</p> <p style="text-align:justify">"Goal" ဆိုသော နာမည်ကျော် ဘောလုံးရုပ်ရှင်ပင် ယင်းပွဲစဉ်ကို ယှဉ်နိုင်မည် မဟုတ်ချေ။</p> <p style="text-align:justify">လက်ရှိတွင် ချူဖုန်းသည် ကမ္ဘာပေါ်၌ အကျော်ကြားဆုံး လူငယ် ဘောလုံးကြယ်ပွင့် ဖြစ်နေလေပြီ။</p> <p style="text-align:justify">ကမ္ဘာ့ဖလား ချန်ပီယံသစ်လေး အမ်ဘာပေပင်လျှင် သူ့ကို ယှဉ်နိုင်မည် မဟုတ်ချေ။  အဘယ်ကြောင့် ဆိုသော် ပြင်သစ် လီဂူး-၁ မှာ အင်္ဂလိပ် ပရီးမီးယားလိဂ်လောက် ဩဇာလွှမ်းမိုးမှု မရှိသောကြောင့် ဖြစ်သည်။ </p> <p style="text-align:justify">လက်ဆွဲနှုတ်ဆက်ခြင်း၊ အသင်းအလံများ ဖလှယ်ခြင်းနှင့် ကွင်းရွေးချယ်ခြင်း စသည့် လုပ်ငန်းစဉ်များ အားလုံး ပြီးဆုံးသွားပြီးနောက် မန်ယူ ကစားသမားများက ကွင်းဘေးသို့ လာကာ အသင်းလိုက် မှတ်တမ်းတင် ဓာတ်ပုံ ရိုက်ကူးကြသည်။</p> <p style="text-align:justify">ထိုအချိန်တွင် အသံလွှင့်ခန်း၌...</p> <p style="text-align:justify">နဗီးလ်နှင့် ကာရေဂါ၊ ကျန်းကျွင်းနှင့် ဆရာကျန်းလု အစရှိသော ဝါရင့် တွဲဖက် ဋီကာဆရာများက အနှီ ဘောလုံး ပွဲတော်ကြီးကို အသံလွှင့် တင်ဆက်ရန် စုဝေးရောက်ရှိနေကြလေပြီ။</p> <p style="text-align:justify">"အားလုံးပဲ မင်္ဂလာညချမ်းပါ ခင်ဗျာ..."</p> <p style="text-align:justify">"ကျွန်တော်တို့ အခု ၂၀၁၈-၁၉ ယူအီးအက်ဖ်အေ ချန်ပီယံလိဂ် ဗိုလ်လုပွဲကြီးကို တိုက်ရိုက် ထုတ်လွှင့် တင်ဆက်နေပါပြီ"</p> <p style="text-align:justify">"မန်ချက်စတာယူနိုက်တက်နဲ့ မန်ချက်စတာစီးတီးတို့ရဲ့ ပွဲစဉ်ပါ"</p> <p style="text-align:justify">"ဒါဟာ ဒီရာသီမှာ မန်ချက်စတာ ကလပ်အသင်း နှစ်သင်းကြား (၅) ကြိမ်မြောက် ထိပ်တိုက် တွေ့ဆုံမှုလည်း ဖြစ်ပါတယ်"</p> <p style="text-align:justify">"အချိန်မဆွဲတော့ဘဲ အသင်းနှစ်သင်းလုံးရဲ့ ပွဲထွက် လူစာရင်းကို မိတ်ဆက်ပေးပါမယ်။ မန်ယူက အနီရောင် ဂျာစီကို ဝတ်ဆင်ထားပြီး မော်ရင်ညိုက ၄-၂-၃-၁ ကစားကွက်ကို အသုံးပြုထားပါတယ်။ ဂိုးသမားက..."</p> <p style="text-align:justify">"အဓိက ခံစစ် ကစားသမား ကန်တေ မပါဝင်နိုင်တာကြောင့် မော်ရင်ညိုက ဟန်ချက်ညီတဲ့ ၄-၂-၃-၁ ကစားကွက်ကို ရွေးချယ်ခဲ့တာပါ။ ဒါကြောင့် ဒီပွဲက သိပ်ပြီး စိတ်လှုပ်ရှားစရာ ကောင်းလာမှာတော့ မဟုတ်ပါဘူး..."</p> <p style="text-align:justify">ကျန်းကျွင်းက တစ်ခဏမျှ စဉ်းစားလိုက်ပြီး တစ်ခုခု လွဲချော်နေသည်ကို သတိပြုမိသွားသဖြင့် အကြောင်းအရာကို ပြောင်းကာ ဆက်လက် တင်ဆက်လိုက်သည်။ </p> <p style="text-align:justify">"မန်စီးတီးရဲ့ ပွဲထွက် လူစာရင်းကိုလည်း ကြည့်ရအောင်ဗျာ... အမ်…"</p> <p style="text-align:justify">"အရေးကြီးတဲ့ ပွဲစဉ်တွေမှာ ဂွါဒီယိုလာက လှည့်ကွက်တွေ သုံးရတာ ကြိုက်တယ်လို့ အရင်က ကြားဖူးပေမဲ့ ဒီနေ့တော့ နောက်ဆုံး ကိုယ်တိုင် မျက်မြင်ကိုယ်တွေ့ ကြုံလိုက်ရပြီဗျာ..."</p> <p style="text-align:justify">"မန်စီးတီးရဲ့ ၃-၂-၂-၃ ကစားကွက်ဗျ... ဂိုးသမားက..."</p> <p style="text-align:justify">"၂၀၁၁ ခုနှစ် မေလတုန်းက ဘာစီလိုနာအသင်းက ဝင်ဘလေကွင်းမှာ မန်ယူကို အနိုင်ရခဲ့တယ်။ အဲဒီတုန်းက အရန်ခုံတန်းမှာ ဖာဂူဆန်ရဲ့ လက်တွေ တုန်ယင်နေတာကို မြင်လိုက်ရတာကတင် အဲဒီအချိန်က ဘာစီလိုနာ ဘယ်လောက် အင်အားကြီးလဲ ဆိုတာကို ထင်ဟပ်နေပါတယ်..."</p> <p style="text-align:justify">"ဒါပေမဲ့ အဲဒီနောက်ပိုင်း ၈ နှစ်တာ ကာလအတွင်းမှာ ဂွါဒီယိုလာက ချန်ပီယံလိဂ် ဖလားကို ထပ်မရခဲ့တော့ဘူး။ ကံမကောင်းတာအပြင် သူရဲ့ အမြဲတမ်း လှည့်ကွက်တွေ သုံးတတ်တဲ့ အကျင့်က သူ့ကို အကြိမ်ကြိမ် ပြိုင်ပွဲကနေ ထွက်ခွာစေခဲ့တဲ့ အရေးကြီးဆုံး အကြောင်းရင်း ဖြစ်နိုင်ပါတယ်..."</p> <p style="text-align:justify">"ဥပမာ နည်းနည်းလောက် ပေးပါရစေ..."</p> <p style="text-align:justify">"၂၀၁၁-၁၂ ရာသီတုန်းက ဘာစီလိုနာ ဆီမီးဖိုင်နယ်ကို ရောက်ခဲ့တယ်။ ပထမအကျော့ အဝေးကွင်းမှာ ချယ်လ်ဆီးကို ၀-၁ နဲ့ ရှုံးခဲ့ပြီးတဲ့နောက် ဒုတိယအကျော့မှာ ဂွါဒီယိုလာက ၃-၃-၁-၃ ကစားကွက်ကို သုံးဖို့ ဆုံးဖြတ်ခဲ့တယ်။ ဒီနည်းဗျူဟာက အချိန်အတိုင်းအတာ တစ်ခုအထိ အလုပ်ဖြစ်ခဲ့ပြီး ဘာစီလိုနာက ၂-၀ နဲ့ ဦးဆောင်နိုင်ခဲ့တယ်။ ဒါပေမဲ့ ရာမီးရက်ဇ်နဲ့ တောရက်စ်တို့က တန်ပြန်တိုက်စစ်ကနေ ဂိုးတွေ သွင်းသွားခဲ့လို့ ဘာစီလိုနာ ပြုတ်ခဲ့ရတယ်..."</p> <p style="text-align:justify">"၂၀၁၃-၁၄ ရာသီမှာ ဘိုင်ယန်မြူးနစ်ကို ကိုင်တွယ်တဲ့ ဂွါဒီယိုလာက အသင်းကို ဖလား ၄ လုံး ရအောင် စွမ်းဆောင်ပေးနိုင်ခဲ့ပေမဲ့ ချန်ပီယံလိဂ် ဆီမီးဖိုင်နယ်မှာ ရီးရဲလ်မက်ဒရစ်ကို ရှုံးပြီး ထွက်ခဲ့ရတယ်။ ပထမအကျော့မှာ ၀-၁ နဲ့ ရှုံးခဲ့ပြီးနောက် ဂွါဒီယိုလာက ဒုတိယအကျော့မှာ ၄-၂-၄ ကစားကွက်ကို သုံးဖို့ ဆုံးဖြတ်ခဲ့တယ်။ အကျိုးဆက် အနေနဲ့ကတော့ ပြိုင်ဘက်က ပထမ ၃၄ မိနစ် အတွင်းမှာပဲ ၃ ဂိုး သွင်းသွားခဲ့တယ်..."</p> <p style="text-align:justify">"၂၀၁၄-၁၅ ရာသီမှာ ဘိုင်ယန်မြူးနစ်က ချန်ပီယံလိဂ် ဆီမီးဖိုင်နယ်ကို တက်လာခဲ့ပြီး ဘာစီလိုနာနဲ့ တွေ့တယ်။ ပထမအကျော့ အဝေးကွင်းမှာ ဂွါဒီယိုလာက ၃-၅-၂ ကစားကွက်ကို ပြောင်းသုံးခဲ့ပြီး လီဝန်ဒေါစကီးနဲ့ မူလာတို့ကို တိုက်စစ်မှူး နှစ်ယောက် အဖြစ် တွဲသုံးခဲ့တယ်။ ရလဒ်အနေနဲ့ မက်ဆီက လေးမိနစ် အတွင်း နှစ်ဂိုး သွင်းခဲ့ပြီး နေမာက နောက်ဆုံး မိနစ်ပိုင်းလေးမှာ တစ်ဂိုး ထပ်သွင်းခဲ့လို့ ဘိုင်ယန်က ပထမအကျော့မှာ ၀-၃ နဲ့ ရှုံးခဲ့တယ်။ ဒုတိယအကျော့မှာ နောက်ခံလူ လေးယောက် ကစားကွက် ပြန်ပြောင်းပြီး ၃-၂ နဲ့ နိုင်ခဲ့ပေမဲ့လည်း ပြိုင်ပွဲကနေ ထွက်ခဲ့ရတာပဲ..."</p> <p style="text-align:justify">"..."</p> <p style="text-align:justify">ကံကောင်းထောက်မစွာဖြင့် ကျန်းကျွင်းသည် ပွဲမစမီကတည်းက သတင်းအချက်အလက်များကို ကြိုတင် ပြင်ဆင်ထားသဖြင့်သာ တော်တော့သည်။ သို့မဟုတ်ပါက အချိန်တိုအတွင်း ဤမျှ အများကြီး ပြောနိုင်မည် မဟုတ်ချေ။</p> <p style="text-align:justify">"အခု ဒီနေ့ သုံးလာတဲ့ ၃-၂-၂-၃ ကစားကွက် အကြောင်း ပြောရအောင်။ မန်ယူရဲ့ ကွင်းလယ်ကို အဓိက အာရုံစိုက်ထားတာ ဆိုတာကို ကျွန်တော် နားလည်ပါတယ်။ ပြီးတော့ တခြား ကစားသမားတွေရဲ့ နေရာယူမှုကလည်း သင့်တော်ပါတယ်..."</p> <p style="text-align:justify">"ဒါပေမဲ့ စတုန်းစ်ကို ကွင်းလယ်ခံစစ် နေရာမှာ သုံးတာက ဘာအဓိပ္ပာယ်လဲ။ ဂွါဒီယိုလာက ဆန်းသစ် တီထွင်မှုတွေ လုပ်ချင်လို့ ကွင်းလယ်ခံစစ်-နောက်ခံလူ ဆိုတာမျိုး တစ်ခုခု ထုတ်သုံးလာတာများလား..."</p> <p style="text-align:justify">ကျန်းကျွင်းက ပေါ့ပေါ့ပါးပါး မှတ်ချက်ချလိုက်ခြင်း ဖြစ်သော်လည်း ၎င်းက အချက်ကျကျ မှန်ကန်သွားမည်ကို သူ မသိခဲ့ချေ။ </p> <p style="text-align:justify">ယခုအချိန်တွင် ပရိသတ် မည်သူကမျှ နားမလည်ကြသော်လည်း ဂွါဒီယိုလာ ဆိုလိုရင်းကို ချူဖုန်းကတော့ ကောင်းကောင်း သိလေသည်။ </p> <p style="text-align:justify">လှည့်စားမှုပင်…။</p> <p style="text-align:justify">မန်စီးတီး၏ လက်ရှိ လူစာရင်းနှင့် စတုန်းစ်၏ စွမ်းရည်တို့ လိုအပ်နေသေးသဖြင့် အနှီ "ကွင်းလယ်ခံစစ်-နောက်ခံလူ" နည်းဗျူဟာက လာမည့်ရာသီမှသာ ပေါ်ထွက်လာမည်ဟု သူ ထင်ထားခဲ့သည်။ သို့သော် မန်ယူတို့က ဂွါဒီယိုလာကို ဖိအား အလွန်အမင်း ပေးထားသောကြောင့် ဖြစ်မည်။ ဂွာဒီယိုလာက သူ၏ ဆန်းသစ်သော စိတ်ကူးကို စောစောစီးစီးပင် အကောင်အထည် ဖော်နေလေပြီ။</p> <p style="text-align:justify">“ငါ့ရဲ့ အနာဂတ် ယောက္ခမလောင်းက တကယ်ကို မလွယ်တဲ့လူပဲ...”</p> <p style="text-align:justify">ချူဖုန်းက ရင်ထဲမှနေ၍ လှိုက်လှဲစွာ ချီးကျူးလိုက်မိသည်။ </p> <p style="text-align:justify">ဒါပေမဲ့ ဒီနည်းဗျူဟာက တကယ်ရော ထိရောက်နိုင်ပါ့မလား။ </p> <p style="text-align:justify">ချူဖုန်းကတော့ သိပ်ပြီး မျှော်လင့်ချက် မထားခဲ့ပေ။ အဘယ်ကြောင့်ဆိုသော် ယင်းကို လက်တွေ့ ပြိုင်ပွဲများတွင် စမ်းသပ်ထားခြင်း သို့မဟုတ် ချိန်ညှိထားခြင်းမျိုး မရှိသေးသောကြောင့် ဖြစ်သည်။ </p> <p style="text-align:justify">လေ့ကျင့်ရေး သက်သက်ဖြင့် ပြဿနာ အများအပြားကို မဖော်ထုတ်နိုင်ချေ။ </p> <p style="text-align:justify">ဘောလုံးတွင် တည်ငြိမ်မှုက အရေးအကြီးဆုံးပင်…</p> <p style="text-align:justify">ဂွါဒီယိုလာသည်လည်း ဤအခြေခံသဘောတရားကို သေချာပေါက် နားလည်ထားသည်။ အဘယ်ကြောင့် ဆိုသော် သူသည် တစ်ချိန်က ဘာစီလိုနာ အိမ်မက်အသင်းကို ကိုင်တွယ်စဉ်က တည်ငြိမ်မှုကို ထိန်းသိမ်းရန် ဘောလုံးပိုင်ဆိုင်မှု အသားပေး ကစားဟန်ကို အသုံးပြုခဲ့သောကြောင့် ဖြစ်သည်။ </p> <p style="text-align:justify">သို့သော် သူက ခေါင်းမာသော လူစားမျိုး ဖြစ်နေသည်လေ။ </p> <p style="text-align:justify">သူ့ကို မာနကြီးတယ်လို့ပဲ ခေါ်ခေါ်၊ ကိုယ့်ကိုယ်ကိုယ် အထင်ကြီးစိတ် ဝင်နေတယ်လို့ပဲ ခေါ်ခေါ် ကိစ္စမရှိပါဘူး။ </p> <p style="text-align:justify">"မင်းက ပြိုင်ဘက်ရဲ့ တိုက်စစ်မှူး နှစ်ယောက်ကို ကာကွယ်ဖို့ နောက်ခံလူ လေးယောက်ကို သုံးမယ် ဆိုရင်... ကွင်းလယ်မှာ မင်းမှာ ကစားသမား ခြောက်ယောက်ပဲ ကျန်တော့မယ်။ ပြိုင်ဘက်ကတော့ ရှစ်ယောက် ရှိနေမှာပေါ့..."</p> <p style="text-align:justify">“ဒီလိုမျိုးနဲ့တော့ ကွင်းလယ်တိုက်ပွဲမှာ မင်း နိုင်မှာ မဟုတ်ဘူး။ ဒါကြောင့် မင်းရဲ့ နောက်ခံလူ တစ်ယောက်ကို ရှေ့ကို တက်ခိုင်းရမယ်လေ”</p> <p style="text-align:justify">ဂွါဒီယိုလာက သူ့ဘာသာသူ တိုးတိုးလေး ရေရွတ်လိုက်သည်။ </p> <p style="text-align:justify">၎င်းမှာ ခရိုက်ဖ် ၏ စကားတစ်ခွန်း ဖြစ်ပြီး သူ၏ နည်းဗျူဟာများအတွက် စိတ်ကူးဉာဏ် ရင်းမြစ်လည်း ဖြစ်ပေသည်။ </p> <p style="text-align:justify">ဘောလုံးလောကသည်လည်း အသင့်တော်ဆုံးသူသာ ရှင်သန်နိုင်သည် ဆိုသော နိယာမ အတိုင်းသာ လည်ပတ်နေလေသည်။ </p> <p style="text-align:justify">နေရာတစ်ခုတည်းမှာ အမြဲတမ်း ရပ်တန့်နေမယ် ဆိုရင် ဘာအဓိပ္ပာယ် ရှိမှာလဲ။</p> <p style="text-align:justify">ဂွါဒီယိုလာ အနေဖြင့်တော့ ယင်းသို့ ရပ်တန့်နေခြင်းမျိုးကို လုံးဝ မကြိုက်ချေ။ ချန်ပီယံဆု ရမည် ဆိုလျှင်တောင်မှပေါ့။</p> <p style="text-align:justify">***</p>


Save