Book List

<h2 style="text-align: center;">အခန်း (၇၂၅)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ထိုစကားများ ကြားလိုက်သည်နှင့် ပတ်ဝန်းကျင် တစ်ခုလုံး ချက်ချင်း ဆူညံသွားတော့သည်။</p> <p style="text-align:justify">ထိုနေရာရှိ တရုတ်လူမျိုးများသည် ကျဲခယ် အဖွဲ့က ဤမျှ ကြမ်းတမ်းသော အရေးယူမှုမျိုး လုပ်မည်ဟု မမျှော်လင့်ထားခဲ့ပေ။ အစက သူတို့သည် ကျဲခယ် အဖွဲ့အနေဖြင့် အဓိက တရားခံဖြစ်သော အကောက်ခွန် ညွှန်ကြားရေးမှူး ကဲတုကိုသာ ရှင်းလင်းမည်ဟု ထင်ထားခဲ့သော်လည်း ကျဲခယ် အဖွဲ့က ဤသည်မှာ အစသာဖြစ်ပြီး မည်သူ့ကိုမျှ အလွတ်မပေးရန် ဆုံးဖြတ်ထားကြောင်း ပြသလိုက်သည်။</p> <p style="text-align:justify">ကျဲခယ် အဖွဲ့၏ ကတိကို ရရှိပြီးနောက် တရုတ်လူမျိုးများသည် စိတ်အားထက်သန်စွာဖြင့် စတင် စွပ်စွဲကြတော့သည်။</p> <p style="text-align:justify">“ဒီတစ်ယောက်... ဒီတစ်ယောက်။ ပြီးတော့ ဟိုတစ်ယောက်။ သူတို့အားလုံး ကျွန်တော်တို့ကို အနိုင်ကျင့်ခဲ့တာ။ သူတို့လက်တွေမှာ ကျွန်တော်တို့ တရုတ်တွေရဲ့ သွေးတွေ ပေနေတယ်”</p> <p style="text-align:justify">“ဒီကောင်ဆို ပိုဆိုးတယ်။ သူက ဝက်စာတွေကို ယူလာပြီး ကျွန်တော်တို့ကို အတင်း စားခိုင်းတာ”</p> <p style="text-align:justify">“ဒီမိန်းမက ကင်းမြီးကောက်လို အဆိပ်ပြင်းတဲ့ စိတ်နှလုံးရှိတယ်။ သူ့ထက် ငါ့သမီးက ပိုလှလို့ ဆိုပြီး မနာလိုဖြစ်ပြီး ငါ့သမီး မျက်နှာကို ရက်ရက်စက်စက် အမာရွတ် ဖြစ်အောင် လုပ်ခဲ့တာ။ သူ့ကို အလွတ်မပေးပါနဲ့”</p> <p style="text-align:justify">တရုတ်လူမျိုးများ အလွန်အမင်း စိတ်လှုပ်ရှားနေကြသည်။ သူတို့ကို အကောက်ခွန် ဦးစီးဌာနသို့ ခေါ်ဆောင်လာကတည်းက အနိုင်ကျင့်ခဲ့သူများ အလွန်များပြားလှသည်။</p> <p style="text-align:justify">စွပ်စွဲမှု တစ်ခုထွက်လာတိုင်း ကျဲခယ် အဖွဲ့က ချက်ချင်းပင် ထိုစွပ်စွဲခံရသော အကောက်ခွန် ဝန်ထမ်းများကို လူအုပ်ထဲမှ ဆွဲထုတ်ဖမ်းဆီးတော့သည်။</p> <p style="text-align:justify">ထိုအကောက်ခွန် ဝန်ထမ်းအချို့က ပြင်းပြင်းထန်ထန် ရှင်းပြရန် ကြိုးစားကြပြီး အချို့မှာ အကြောက်လွန်ကာ သွေးပျက်နေကြပြီး အချို့မှာမူ ဒူးထောက်ကာ ကရုဏာသက်ရန် တောင်းပန်နေကြသော်လည်း မည်သည့်အရာကမျှ အသုံးမဝင်တော့ချေ။</p> <p style="text-align:justify">သူတို့အားလုံးသည် အရွယ်ရောက်ပြီးသူများ ဖြစ်ပြီး လူတိုင်းက မိမိလုပ်ရပ်အတွက် မိမိ တာဝန်ယူရမည် ဖြစ်သည်။ ထိုအချိန်က သူတို့ ရဲရဲဝင့်ဝင့် လုပ်ရဲခဲ့သည် မဟုတ်ပါလား…။</p> <p style="text-align:justify">ကျဲခယ် အဖွဲ့က တရုတ်လူမျိုးများအတွက် တရားမျှတမှု ဖော်ဆောင်ပေးရန် ရောက်လာချိန်မှ နောင်တရနေ၍ အသုံးဝင်မည်ဆိုပါက ကျဲခယ် အဖွဲ့ ကိုင်စွဲထားသော စစ်အင်အားများက အချည်းနှီး ဖြစ်သွားပေမည်။</p> <p style="text-align:justify">“သူတို့ကို သေနတ်ပစ်ကွင်းဆီ ခေါ်သွား”</p> <p style="text-align:justify">ဗိုလ်မှူးကြီး ဖန်ကူက အေးစက်သော အမိန့်တစ်ရပ်ကို ထုတ်ပြန်လိုက်သည်။ စွပ်စွဲခံရသော အကောက်ခွန် ဝန်ထမ်းအားလုံးသည် ၎င်းတို့၏ ပြစ်မှု ကြီးသည်ဖြစ်စေ၊ ငယ်သည်ဖြစ်စေ ပြစ်ဒဏ်တစ်ခုတည်းကိုသာ ခံစားရမည် ဖြစ်သည်။ ၎င်းမှာ သေနတ်ဖြင့် ပစ်ခတ် ကွပ်မျက်ခြင်းပင်ဖြစ်သည်။</p> <p style="text-align:justify">'ကွပ်မျက်ခြင်း' ဟူသော စကားလုံးကို ကြားလိုက်ရသောအခါ အကောက်ခွန် ဝန်ထမ်းများ မှင်သက်သွားကြပြီး သူတို့၏ နားကိုပင် မယုံနိုင်အောင် ဖြစ်သွားကြသည်။ ကျဲခယ် အဖွဲ့သည် အမှန်တကယ်ပင် အားလုံးကို တစ်ပြေးညီ ရှင်းလင်းရန် ကြိုးစားနေခြင်းဖြစ်သည်။ ဤသည်မှာ လူ့အခွင့်အရေးကို လုံးလုံးလျားလျား လျစ်လျူရှုလိုက်ခြင်းပင်။</p> <p style="text-align:justify">ဖောက် ဖောက် ဖောက် ဖောက် ဖောက်</p> <p style="text-align:justify">သူတို့၏ မကျေမနပ်ဖြစ်မှု၊ နောင်တရမှု မျက်လုံးများအောက်တွင်ပင် ကျဲခယ် အဖွဲ့ စစ်သားများက သူတို့၏ ရိုင်ဖယ်သေနတ်များကို ထိုသူတို့၏ နောက်စေ့များတွင် တေ့ကာ ခလုတ်ဆွဲလိုက်ကြသည်။</p> <p style="text-align:justify">သေနတ်ပြောင်းဝများ တုန်ခါသွားပြီးနောက် ခဲဆန်များက သူတို့၏ နောက်စေ့များကို ဖောက်ထွင်း ဝင်ရောက်ကာ ဦးနှောက်တစ်ရှူးများကို ဖျက်ဆီးပစ်လိုက်ပြီး အတွင်းရှိ ဦးနှောက်များကို ပျော့ဖတ်များ အဖြစ် ပြောင်းလဲသွားစေသည်။ သူတို့၏ ခန္ဓာကိုယ်များ ရှေ့သို့ ယိုင်ထွက်သွားပြီး မြေပြင်ပေါ်သို့ အကြီးအကျယ် ပုံကျသွားတော့သည်။</p> <p style="text-align:justify">အလောင်းတစ်ခုစီသည် အနည်းငယ် တုန်ယင်နေဆဲဖြစ်ပြီး သေဆုံးချိန်တွင် သူတို့၏ မျက်လုံးများ ပြူးကျယ်နေကာ မျက်စိမမှိတ်နိုင်ကြချေ။ သူတို့၏ တရုတ်ဆန့်ကျင်ရေး လုပ်ရပ်လေးတစ်ခုက ကျဲခယ် အဖွဲ့ထံမှ ဤမျှ ရက်စက်ကြမ်းကြုတ်သော လက်စားချေမှုကို ခံရလိမ့်မည်ဟု ဘယ်သောအခါမှ တွေးထင်မထားခဲ့ကြပေ။</p> <p style="text-align:justify">ကျဲခယ် အဖွဲ့၏ စစ်သားများက အလောင်းများကို ဆွဲထုတ်ကာ ဘေးသို့ ပေါ့ပေါ့ပါးပါး ပစ်ချလိုက်ပြီးနောက် နောက်ထပ် အကောက်ခွန် အကျဉ်းသားအုပ်စုကို ကွပ်မျက်ရန် ခေါ်ဆောင်လာကာ ယခင်အတိုင်း ကျည်ဆန်ကျွေးသည့် လုပ်ငန်းစဉ်ကို ထပ်မံ လုပ်ဆောင်ကြသည်။</p> <p style="text-align:justify">အကောက်ခွန် ဦးစီးဌာန အထက်တွင် သေနတ်သံများ တစ်သုတ်ပြီးတစ်သုတ် ပဲ့တင်ထပ်နေသည်။ ကွပ်မျက်မှုများ ပြီးဆုံးသွားချိန်တွင် အကောက်ခွန် ဦးစီးဌာနရှိ လုပ်သားအင်အား၏ သုံးပုံနှစ်ပုံမှာ ပျောက်ကွယ်သွားလေပြီ။</p> <p style="text-align:justify">ကံကောင်းထောက်မစွာ အသက်ရှင်ကျန်ရစ်ခဲ့သော အကောက်ခွန် ဝန်ထမ်းများသည် ယခုအခါ ကျဲခယ် အဖွဲ့ စစ်သားများကို မိစ္ဆာနတ်ဆိုးများကို ကြည့်သကဲ့သို့ ကြည့်နေကြသည်။</p> <p style="text-align:justify">တစ်ချိန်တည်းမှာပင် ထိုအချိန်က သူတို့၏ လုပ်ဖော်ကိုင်ဖက်များနှင့် မပူးပေါင်းဘဲ စိတ်ပျော့ခဲ့မိခြင်းက သူတို့၏ အသက်ကို ကယ်တင်ပေးခဲ့ခြင်းဖြစ်ကြောင်း တွေးကာ မိမိကိုယ်ကို ကံကောင်းသည်ဟု အားပေးနေကြသည်။</p> <p style="text-align:justify">“ကျေးဇူးတင်ပါတယ်... ကျေးဇူးအများကြီးတင်ပါတယ် အရာရှိမင်းတို့။ ခင်ဗျားတို့က တကယ့် တရားမျှတတဲ့ အရာရှိတွေပါပဲ”</p> <p style="text-align:justify">ကုန်းကော်ခိုင် မြေပြင်ပေါ်တွင် ဒူးထောက်ချလိုက်ပြီး ဗိုလ်မှူးကြီး ဖန်ကူကို အကြိမ်ကြိမ် ဦးညွှတ် ကန်တော့လေသည်။ သူ၏ စိတ်လှုပ်ရှားမှုကို ဖော်ပြ၍မရနိုင်တော့ဘဲ ဤကဲ့သို့ အရိုးရှင်းဆုံး နည်းလမ်းဖြင့်သာ သူ၏ ကျေးဇူးတင်မှုကို ဖော်ပြနိုင်တော့သည်။</p> <p style="text-align:justify">ဗိုလ်မှူးကြီး ဖန်ကူက လက်ကမ်းပေးကာ ကုန်းကော်ခိုင်ကို ထူမလိုက်ရင်း ရှင်းပြသည် “မြန်မြန် ထပါဗျာ။ ကျွန်တော်က အမိန့်ကို နာခံရုံတင်ပါ။ ခင်ဗျား တစ်ယောက်ယောက်ကို ကျေးဇူးတင်ချင်တယ် ဆိုရင် တပ်မှူးကြီး စုကျဲကိုပဲ ကျေးဇူးတင်ရမှာပါ”</p> <p style="text-align:justify">“ဟုတ်ကဲ့။ ဟုတ်ကဲ့။ ကျွန်တော် တပ်မှူးကြီး စုကျဲကို ကျေးဇူးတင်ရမှာပါ။ ကျွန်တော် ပြန်ရောက်ရင် ကျွန်တော်တို့ အင်ဒိုနီးရှားရောက် တရုတ်လူမျိုးတွေကို ကယ်တင် ကူညီပေးခဲ့တဲ့ တပ်မှူးကြီး စုကျဲရဲ့ ကျေးဇူးကို ဆပ်ဖို့ သူ့အတွက် နတ်ကွန်းတစ်ခု တည်ဆောက်ပါ့မယ်”</p> <p style="text-align:justify">ကုန်းကော်ခိုင်က သူ၏ စကားကို ပြင်ပြောလိုက်ပြီးနောက် ပတ်ဝန်းကျင်မှ ဆုတ်ခွာနေကြသော ကျဲခယ် အဖွဲ့ စစ်သားများကို ကြည့်ကာ သတိထား၍ မေးလိုက်သည် “အရာရှိမင်း... ခင်ဗျားတို့က အလယ်ပိုင်းနဲ့ တောင်ပိုင်း ကျွန်းဆွယ်ကို ပြန်ဆုတ်တော့မလို့လား။ ကျွန်တော်တို့လည်း ခင်ဗျားတို့နဲ့ အတူတူ လိုက်ခဲ့မယ်လေ”</p> <p style="text-align:justify">ဗိုလ်မှူးကြီး ဖန်ကူ တစ်ခဏမျှ မှင်သက်သွားပြီး တစ်ဖက်လူ နားလည်မှုလွဲနေကြောင်း သဘောပေါက်သွားကာ ပြုံးလိုက်သည် “မဟုတ်ဘူး။ ငါတို့ မပြန်ဘူး။ ဘာလို့လဲဆိုတော့ ဒီနေရာကလည်း အခု ငါတို့ ပိုင်သွားပြီလေ”</p> <p style="text-align:justify">“အာ”</p> <p style="text-align:justify">ကုန်းကော်ခိုင် စက္ကန့်အနည်းငယ်ခန့် ကြောင်အမ်းသွားသည်။ လွန်ခဲ့သည့် ရက်အနည်းငယ်က သူ အကောက်ခွန် ဦးစီးဌာနတွင် ဖမ်းဆီးခံထားရသဖြင့် အပြင်ဘက်တွင် ဘာတွေဖြစ်နေမှန်း မသိသလို ကျဲခယ် အဖွဲ့က အင်ဒိုနီးရှားကို အကြီးအကျယ် တိုက်ခိုက်နေကြောင်းကိုလည်း မသိခဲ့ပေ။ </p> <p style="text-align:justify">သူ ထင်ထားသည်မှာ ကျဲခယ် အဖွဲ့က အကောက်ခွန် ဦးစီးဌာနကို အလစ်အငိုက် ဝင်စီးရန် ၊ သူတို့ကို ကယ်တင်ရန်နှင့် ထို့နောက် ဆုတ်ခွာရန် အထူးတပ်ဖွဲ့တစ်ခုကိုသာ စေလွှတ်ခဲ့သည်ဟု ထင်မှတ်ထားခဲ့သည်။</p> <p style="text-align:justify">“အကောက်ခွန် ဦးစီးဌာန တစ်ခုတည်း မဟုတ်ဘူး။ ဆီလုံမြို့ကလည်း အခု ငါတို့ ထိန်းချုပ်မှုအောက် ရောက်နေပြီ။ ပြီးတော့ အနာဂတ်မှာ အင်ဒိုနီးရှား တစ်ခုလုံးကို ငါတို့ ကျဲခယ် အဖွဲ့က ထိန်းချုပ်တော့မှာ”</p> <p style="text-align:justify">ဗိုလ်မှူးကြီး ဖန်ကူ၏ စကားတစ်ခွန်းက ကုန်းကော်ခိုင်၏ ဦးနှောက် CPU ကို လောင်ကျွမ်းသွားစေသည်။ ထိုစကားများ၏ အဓိပ္ပာယ်ကို နားလည်ရန် အချိန်အတော်ကြာ ယူလိုက်ရသည်။</p> <p style="text-align:justify">သူ့ကိစ္စသည် အင်ဒိုနီးရှားအပေါ် ကျဲခယ် အဖွဲ့၏ စစ်ပွဲအတွက် မီးပွားတစ်ခု ဖြစ်လာခဲ့သည်ကို သူ သဘောပေါက်သွားသည်။ ကုန်းကော်ခိုင်သည် သမိုင်းတွင် ကိုယ်တိုင်ကိုယ်ကျ ပါဝင်ခဲ့ရသည်ဟု ခံစားလိုက်ရပြီး ရုတ်တရက် ထူးဆန်းသော ခံစားချက်တစ်ခု ရရှိသွားသည်။</p> <p style="text-align:justify">“အင်း... ကောင်းပြီ။ ငါ အခုပဲ လာခဲ့မယ်”</p> <p style="text-align:justify">ပေါ့ပေါ့ပါးပါး စကားစမြည်ပြောဆိုခြင်း ပြီးဆုံးသွားပြီး ဗိုလ်မှူးကြီး ဖန်ကူသည် ဆီလုံမြို့အတွင်းရှိ သူ၏ အထက်လူကြီးထံမှ ဖုန်းခေါ်ဆိုမှု တစ်ခုကို လက်ခံရရှိခဲ့သည်။</p> <p style="text-align:justify">မိနစ်အနည်းငယ် ကြာပြီးနောက် ဖုန်းချလိုက်ချိန်တွင် ဗိုလ်မှူးကြီး ဖန်ကူ၏ မျက်နှာထား လေးနက်သွားသည်။ သူက ထိုနေရာရှိ စစ်သားများကို အော်ဟစ် အမိန့်ပေးလိုက်သည်။</p> <p style="text-align:justify">“ကောင်လေးတို့... လှုပ်ရှားကြစို့ ငါ့နောက်ကနေ ဆီလုံမြို့ထဲ လိုက်ခဲ့။ အဲဒီမှာ ငါတို့ ရှင်းလင်းပစ်ဖို့ လိုအပ်နေတဲ့ မကောင်းဆိုးဝါးတွေ အများကြီး ကျန်သေးတယ်။ သွားကြစို့”</p> <p style="text-align:justify">“ဟုတ်ကဲ့ပါ”</p> <p style="text-align:justify">ညီညာသော တုံ့ပြန်သံများနှင့်အတူ ကျဲခယ် အဖွဲ့ စစ်သားများသည် အကောက်ခွန် ဦးစီးဌာနမှ ထွက်ခွာကာ ဆီလုံမြို့အတွင်းသို့ ဝင်ရောက်သွားပြီး သူတို့၏ ရှင်းလင်းရေး စစ်ဆင်ရေးကြီးကို ဆက်လက် လုပ်ဆောင်ကြတော့သည်။</p> <p style="text-align:justify">အင်ဒိုနီးရှား အကောက်ခွန် ဦးစီးဌာန၏ လုပ်ရပ်များသည် အစသာ ရှိသေးသည်။ ကျဲခယ် အဖွဲ့သည် ဆီလုံမြို့နှင့် ၎င်း၏ ပတ်ဝန်းကျင် ဒေသများအထိ ၎င်းတို့၏ စစ်ဆင်ရေး နယ်ပယ်ကို လျင်မြန်စွာ ချဲ့ထွင်လိုက်သည်။</p> <p style="text-align:justify">အကောက်ခွန် ဦးစီးဌာနမှ ကုန်းကော်ခိုင်အား ဖမ်းဆီးပြီး စက်ရုံကို ဝင်စီးခဲ့မှုကြောင့် ဆီလုံမြို့တွင်လည်း အလားတူ အကြီးစား အကြမ်းဖက် ဆူပူအုံကြွမှုများ ဖြစ်ပွားခဲ့သည်။ ဆူပူအုံကြွသူများသည် ရည်ရွယ်ချက်ရှိရှိဖြင့် ရိုက်ခွဲခြင်း၊ လုယက်ခြင်းနှင့် မီးရှို့ခြင်းများကို ကျူးလွန်ခဲ့ကြပြီး တရုတ်ဆိုင်များနှင့် ကုမ္ပဏီများစွာမှာ လုယက် ဖျက်ဆီးခံရကာ မီးရှို့ခံခဲ့ရသည်။</p> <p style="text-align:justify">တရုတ်လူမျိုးများသည်လည်း ရက်စက်ကြမ်းကြုတ်သော ရာဇဝတ်မှုများကို မကြာခဏ ခံခဲ့ရပြီး ရင်နာစရာ ဇာတ်လမ်းများ တစ်ခုပြီးတစ်ခု ပေါ်ပေါက်လာခဲ့သည်။</p> <p style="text-align:justify">ဤအရာအားလုံးနှင့် ပတ်သက်၍ အင်ဒိုနီးရှား ရဲတပ်ဖွဲ့သည် အကြမ်းဖက်မှုများ ပိုမိုဆိုးရွားလာစေရန် လွှတ်ထားခဲ့ပြီး ပြင်ပကမ္ဘာမှ မေးခွန်းထုတ်လာသောအခါတွင်လည်း အုံကြွမှုကို လျှော့ပေါ့ပြောဆိုကာ ဖုံးကွယ်ရန် ကြိုးစားခဲ့ကြသည်။ ထိုရာဇဝတ်ကောင်များကို မြင်လျက်နှင့် မမြင်ချင်ယောင် ဆောင်နေခဲ့ကြသည်။</p> <p style="text-align:justify">သူတို့၏ တာဝန်မဲ့မှုသည် ကျဲခယ် အဖွဲ့ ဝင်ရောက်စွက်ဖက်ရခြင်း၏ အဓိက အကြောင်းရင်းများထဲမှ တစ်ခုဖြစ်သည်။</p> <p style="text-align:justify">ကျဲခယ် အဖွဲ့ ဆီလုံမြို့ထဲသို့ ဝင်ရောက်လာချိန်တွင် ပြီးခဲ့သော ရက်များက မြို့ကို ဒုက္ခပေးခဲ့သော အကြမ်းဖက်မှု အရိပ်အယောင်များကို နေရာတိုင်းတွင် မြင်တွေ့နေရဆဲဖြစ်သည်။ ဖျက်ဆီးခံထားရသော တရုတ်ဆိုင်များ၊ မီးလောင်ကျွမ်းနေသော တရုတ်လူမျိုးများ၏ နေအိမ်များနှင့် နံရံများတွင် ဆွဲကြိုးချခံထားရသော တရုတ်လူမျိုးများ၏ အလောင်းများနှင့် ထိုအလောင်းများ၏ ဘေးတွင် ဆေးသုတ်တံဖြင့် ရေးသားထားသော ဆဲဆိုစော်ကားသည့် စာတမ်းများက ပြည့်နှက်နေသည်။</p> <p style="text-align:justify">အကယ်၍ အင်ဒိုနီးရှားအစိုးရသာ ဤကိစ္စအားလုံးကို ကိုင်တွယ်ဖြေရှင်းရမည်ဆိုပါက သူတို့သည် ဖြစ်ကတတ်ဆန်းသာ လုပ်ဆောင်ကြမည်ဖြစ်ပြီး အခြေအနေကို ငြိမ်သက်သွားစေရန် အများဆုံး အနေဖြင့် အပြစ်ဖို့ခံရမည့် ဆိတ်သူငယ် အနည်းငယ်ကိုသာ စတေးကြမည် ဖြစ်သည်။</p> <p style="text-align:justify">သို့သော် ကျဲခယ် အဖွဲ့ ရောက်လာခြင်းက အရာအားလုံးကို ပြောင်းလဲသွားစေခဲ့သည်။</p> <p style="text-align:justify">ကျဲခယ် အဖွဲ့၏ တပ်ဖွဲ့များ မြို့ထဲသို့ ဝင်ရောက်လာပြီးနောက် ဆီလုံတစ်မြို့လုံးကို အပြည့်အဝ ပိတ်ဆို့လိုက်ပြီး မည်သူ့ကိုမျှ အပြင်ထွက်ခြင်း သို့မဟုတ် လမ်းပေါ်ထွက်ခြင်း မပြုရန် တားမြစ်လိုက်သည်။</p> <p style="text-align:justify">ထို့နောက် ကျဲခယ် အဖွဲ့သည် ဆီလုံမြို့ရှိ ရဲစခန်းများ၊ ယာဉ်ထိန်းရဲဌာနများနှင့် အခြားသော အဖွဲ့အစည်း အသီးသီးကို သိမ်းပိုက်လိုက်ပြီး လွန်ခဲ့သော ရက်အနည်းငယ်က အချက်အလက်များနှင့် လမ်းပေါ်ရှိ ကင်မရာ မှတ်တမ်းများကို ရယူကာ ဆူပူအုံကြွမှုနှင့် ပတ်သက်၍ စေ့စေ့စပ်စပ် စုံစမ်းစစ်ဆေးမှုများ ပြုလုပ်တော့သည်။</p> <p style="text-align:justify">သက်သေအထောက်အထား အချို့ ရရှိပြီးနောက် ကျဲခယ် အဖွဲ့သည် ၎င်းတို့၏ စစ်ဆင်ရေးကို စတင်လိုက်သည်။</p> <p style="text-align:justify">***</p>


Save