Book List

<h2 style="text-align: center;">အခန်း (၇၂၇)</h2> <h2 style="text-align: center;">*</h2> <p> </p> <p> </p> <p style="text-align:justify">ဤကဲ့သို့ ဖမ်းဆီးမှု စစ်ဆင်ရေးသည် တစ်ပတ်ခန့် ကြာမြင့်ခဲ့သည်။ အခြေခံအားဖြင့် အုံကြွမှုတွင် ပါဝင်ခဲ့သော ဆူပူသူ အားလုံးနှင့် ထိုဆူပူသူများကို ရမ်းကားခွင့်ပြုခဲ့သော ဆီလုံမြို့ ရဲများ အားလုံးကိုပါ ကျဲခယ် အဖွဲ့က ဖမ်းဆီးကာ တရားစီရင်ရန် ပြင်ဆင်ကြ၏။</p> <p style="text-align:justify">ဆီလုံမြို့တွင် ရှာမတွေ့သော သူများသည်လည်း ကျဲခယ် အဖွဲ့၏ ဖမ်းဝရမ်းနှင့် အလိုရှိသူ စာရင်းထဲသို့ ဝင်ရောက်သွားသည်။ အနာဂတ်တွင် ကျဲခယ် အဖွဲ့သည် အင်ဒိုနီးရှားရှိ မြို့တစ်မြို့ကို သိမ်းပိုက်တိုင်း ထိုစာရင်းထဲမှ လူများကို လိုက်လံ ဖမ်းဆီးမည် ဖြစ်သည်။</p> <p style="text-align:justify">သူ နိုင်ငံခြားသို့ ထွက်ပြေးလျှင်တောင်မှ ကျဲခယ် အဖွဲ့၏ ဖမ်းဝရမ်းက အသက်ဝင်နေဆဲ ဖြစ်လိမ့်မည်။</p> <p style="text-align:justify">ယင်းအတွက် မျိုးဗီဇ စစ်သည်များကို စေလွှတ်ရန်ပင် မလိုတော့ပေ။ ကျဲခယ် အဖွဲ့၏ ကမ္ဘာလုံးဆိုင်ရာ သွေးရွှေစျေးကွက်နှင့် မှောင်ခို ကွန်ရက်သည် ကမ္ဘာအနှံ့၌ ရှိပေသည်။</p> <p style="text-align:justify">ကျဲခယ် အဖွဲ့က ဖမ်းဝရမ်း ထုတ်လိုက်သည်နှင့် သာမန်လူ တစ်ယောက်ကို သတ်ဖြတ်ရန်မှာ လွယ်ကူလွန်းလှသည်။</p> <p style="text-align:justify">ဆီလုံမြို့တွင် ဖမ်းဆီးမှုများ ပြီးစီးသွားပြီးနောက် ဇွန်လ ၁၀ ရက်နေ့တွင် ကျဲခယ် အဖွဲ့သည် လူသိရှင်ကြား ကွပ်မျက်မှု တစ်ခုကို ပြုလုပ်ခဲ့ပြီး ဆီလုံမြို့၏ အကြီးဆုံး ဗဟိုရင်ပြင်ကြီးတွင် အုံကြွမှု၌ ပါဝင်ခဲ့သော ဆူပူသူများ အားလုံးကို သေနတ်ဖြင့် ပစ်ခတ် ကွပ်မျက်ခဲ့သည်။</p> <p style="text-align:justify">အသက်ရှင်ကျန်ရစ်သူ တရုတ်လူမျိုး အချို့အပြင် အင်ဒိုနီးရှားလူမျိုး အများအပြားလည်း မျက်မြင်သက်သေ အဖြစ် တက်ရောက်ခဲ့ကြသည်။</p> <p style="text-align:justify">သေနတ်သံများနှင့်အတူ တစ်ချိန်က ဆီလုံမြို့တွင် ပရမ်းပတာ ဖြစ်အောင် လှုံ့ဆော်ခဲ့သော ဆူပူသူများသည် သူတို့ထက် ပိုမို ရက်စက်ကြမ်းကြုတ်သော ကျဲခယ် အဖွဲ့၏ အပြစ်ပေးမှုကို ခံခဲ့ရပြီး သူတို့၏ အသက်များကို ကျည်ဆန်များက နုတ်ယူသွားခဲ့သည်။</p> <p style="text-align:justify">လူယုတ်မာတွေကို ပိုယုတ်မာတဲ့သူတွေက နှိမ်နင်းရတယ် ဆိုတဲ့ စကားလိုပဲပေါ့။</p> <p style="text-align:justify">ဆူပူသူများသည် လက်နက်မဲ့ အရပ်သားများကို အနိုင်ကျင့်ရန် သူတို့၏ လူအင်အားကိုသာ အားကိုးခဲ့ကြသော်လည်း ကျဲခယ် အဖွဲ့နှင့် တွေ့သောအခါ သူတို့၏ ကံကြမ္မာမှာ အဆုံးအဖြတ် ပေးပြီးသား ဖြစ်သွားတော့သည်။</p> <p style="text-align:justify">ကွပ်မျက်မှုများ ပြီးဆုံးသွားချိန်တွင် ဆီလုံမြို့ ဗဟိုပန်းခြံသည် သွေးချောင်းစီးကာ အလောင်းများ တောင်လိုပုံနေပြီး သောင်းနှင့်ချီသော ဆူပူသူများမှာ ကျဲခယ် အဖွဲ့၏ ကွပ်မျက်မှုကို ခံလိုက်ရသဖြင့် ရင်ပြင်တစ်ဝိုက်တွင် သေမတတ် တိတ်ဆိတ်ငြိမ်သက်နေတော့သည်။</p> <p style="text-align:justify">ဤနေရာရှိ အင်ဒိုနီးရှားလူမျိုးများ အားလုံးမှာ ထိတ်လန့်တုန်လှုပ် နေကြသည်။</p> <p style="text-align:justify">ကျဲခယ် အဖွဲ့၏ ဆောင်းရာသီကဲ့သို့ အေးစက် ရက်စက်သော လုပ်ရပ်များက သူတို့၏ အရိုးထဲအထိ အကြောက်တရားများ စိမ့်ဝင်သွားစေပြီး ကျဲခယ် အဖွဲ့ စစ်သားများအား ကြည့်ရာတွင် သူတို့၏ မျက်လုံးများမှာ ကလယ်ကလယ် ဖြစ်နေကာ မျက်လုံးချင်းပင် မဆုံရဲကြတော့ချေ။</p> <p style="text-align:justify">ဒါကလည်း ကျဲခယ် အဖွဲ့ လိုချင်သော ရလဒ်ပင် ဖြစ်သည်။</p> <p style="text-align:justify">တရုတ်ဆန့်ကျင်ရေး အစဉ်အလာရှိသော အင်ဒိုနီးရှားနိုင်ငံကို ကျဲခယ် အဖွဲ့ ထိန်းချုပ်ရန် လိုအပ်နေသဖြင့် လူအမြောက်အများကို သတ်ဖြတ်ပစ်ရန် လိုအပ်ခဲ့ခြင်း ဖြစ်သည်။</p> <p style="text-align:justify">အကယ်၍ သူတို့ကို တရုတ်လူမျိုးများနှင့် ကျဲခယ် အဖွဲ့ကို မကြောက်ရွံ့စေဘဲ ကျဲခယ် အဖွဲ့ကို စော်ကားပါက ဖြစ်လာမည့် ဆိုးကျိုးများကို နားမလည်စေခဲ့ပါလျှင် အနာဂတ်တွင် ဒုတိယအကြိမ်၊ တတိယအကြိမ် ၊ စတုတ္ထအကြိမ် တရုတ်ဆန့်ကျင်ရေး ဖြစ်စဉ်များကို ဖန်တီးကြဦးမည် ဖြစ်သည်။</p> <p style="text-align:justify">သွေးထွက်သံယိုမှုနှင့် သေဆုံးမှုများကသာလျှင် အရေးယူ ဆောင်ရွက်မှု မပြုမီ မိမိတို့ ခံစားရမည့် ဆိုးကျိုးများကို ခံစားနိုင်ရဲ့လား ဆိုသည်ကို သေချာစဉ်းစားရမည် ဖြစ်ကြောင်း သူတို့ကို နက်နက်ရှိုင်းရှိုင်း နားလည်သွားစေမည် ဖြစ်ပြီး ဤသင်ခန်းစာကို သူတို့၏ မျိုးဗီဇထဲအထိ ထွင်းထုကာ ထာဝရ မှတ်မိနေစေမည် ဖြစ်သည်။</p> <p style="text-align:justify">“ကျဲခယ် အဖွဲ့က ဆီလုံမြို့မှာ သည်းခံနိုင်စရာ မရှိလောက်အောင် ရက်စက်ကြမ်းကြုတ်မှုတွေ ကျူးလွန်ခဲ့တယ်”</p> <p style="text-align:justify">“ကျွန်တော်တို့ရဲ့ စုံစမ်းစစ်ဆေးမှုနဲ့ ကျဲခယ် အဖွဲ့က ထုတ်ပြန်ထားတဲ့ အချက်အလက်တွေအရ ဇွန်လ ၅ ရက်နေ့ကနေ ၁၀ ရက်နေ့အထိ ကျဲခယ် အဖွဲ့ရဲ့ စစ်တပ်က ဆီလုံမြို့မှာ စုစုပေါင်း လူ ၁၂,၀၃၉ ယောက်ကို ကွပ်မျက်ခဲ့ပါတယ်။ ဒါက လူသားတွေ အတွက် ခွင့်လွှတ်နိုင်စရာ မရှိတဲ့ ပြစ်မှုမျိုးပါပဲ။ လူသားတွေဟာ အမြဲတမ်း အချင်းချင်း သတ်ဖြတ်နေကြတာပါပဲ။ ကျဲခယ် အဖွဲ့နဲ့ အင်ဒိုနီးရှားတို့ သူတို့ရဲ့ နှစ်နိုင်ငံ ပဋိပက္ခကို အမြန်ဆုံး အဆုံးသတ်ကြဖို့ ကျွန်တော်တို့ တိုက်တွန်းပါတယ်”</p> <p style="text-align:justify">“ကျဲခယ် အဖွဲ့က သူတို့ရဲ့ ရက်စက်ကြမ်းကြုတ်တဲ့ သဘာဝကို နောက်ဆုံးတော့ ထုတ်ဖော် ပြသလိုက်ပါပြီ။ ဒီနေ့ ဆီလုံမြို့က သာမန်ပြည်သူတွေကို ဒုက္ခပေးနိုင်ရင် မနက်ဖြန် တခြားနိုင်ငံက ပြည်သူတွေကိုလည်း ဘေးဒုက္ခ ရောက်အောင် လုပ်နိုင်ပါတယ်”</p> <p style="text-align:justify">ဇွန်လ ၁၀ ရက်နေ့တွင် ကျဲခယ် အဖွဲ့သည် ၎င်းတို့၏ ကွပ်မျက်ရေး စာရင်းကို ထုတ်ပြန်ခဲ့သည်။</p> <p style="text-align:justify">ဤစာရင်း၏ ထိပ်ဆုံးတွင် ခေါင်းစဉ်အဖြစ် စာကြောင်းကြီး တစ်ကြောင်း ရေးသားထားသည် - ‘ငါတို့ မဟာဟန်လူမျိုးတွေကို စော်ကားတဲ့သူတွေ ဘယ်လောက်ပဲ ဝေးဝေး ပြစ်ဒဏ်ပေးခံရမယ်’</p> <p style="text-align:justify">ကွပ်မျက်ရေး စာရင်း ထွက်ပေါ်လာမှုက ချက်ချင်းပင် တစ်ကမ္ဘာလုံးဆိုင်ရာ လူထု သဘောထား အမြင်များတွင် ကြီးမားသော လှိုင်းလုံးကြီး တစ်ခုကို ဖြစ်ပေါ်စေခဲ့သည်။</p> <p style="text-align:justify">အနောက်ကမ္ဘာမှ မီဒီယာများသည် ကျဲခယ် အဖွဲ့၏ ခြိမ်းခြောက်မှု သီအိုရီကို ထပ်မံ၍ ချဲ့ကား စတင်လာကြပြီး ယနေ့ ဆီလုံမြို့သူမြို့သားများ အတွက် ငါတို့ အသံမထွက်လျှင် မနက်ဖြန် ငါတို့လည်ပင်းပေါ် သားသတ်ဓား ကျရောက်လာချိန်တွင် မည်သူကမျှ ငါတို့အတွက် အသံထွက်ပေးမည် မဟုတ်ဟု ပြောဆိုလာကြသည်။</p> <p style="text-align:justify">အနောက်တိုင်း မီဒီယာများသည် ကွပ်မျက်ခံရသူ စာရင်းတွင် ပါဝင်သူများ၏ သရုပ်မှန်ကို တမင် မျက်ကွယ်ပြုရန် ရွေးချယ်ခဲ့ကြသည်။ ဆီလုံမြို့တွင် ဆူပူအုံကြွမှုများ ဖြစ်ပွားခဲ့စဉ်က သူတို့သည် ယခုလောက် တက်တက်ကြွကြွ စည်းလုံးညီညွတ်စွာ ဆန့်ကျင်ခြင်း မရှိခဲ့ကြပေ။</p> <p style="text-align:justify">သို့သော် ကျဲခယ် အဖွဲ့က ဆူပူသူများကို အရေးယူလိုက်သောအခါ အနောက်တိုင်း မီဒီယာများသည် အလွန်တရာ စိတ်လှုပ်ရှားလာကြပြီး ကျဲခယ် အဖွဲ့၏ လုပ်ရပ်များကို တညီတညွတ်တည်း ပြစ်တင် ရှုတ်ချကြတော့သည်။</p> <p style="text-align:justify">အင်တာနက်ပေါ်တွင်မူ ဆွေးနွေးမှုများက ပိုမို ပြင်းထန်နေသည်။</p> <p style="text-align:justify">‘ကျွန်တော်က မလေးရှားက တရုတ်လူမျိုး တစ်ယောက်ပါ။ ကျဲခယ် အဖွဲ့ လုပ်ခဲ့တာတွေအတွက် ကျေးဇူးတင်ပါတယ်။ ခင်ဗျားတို့ အရမ်း ကောင်းကောင်း လုပ်နိုင်ခဲ့တယ်။’</p> <p style="text-align:justify">‘ကောင်းကောင်း သတ်ပစ်လိုက်တာပဲ။ ကျဲခယ် အဖွဲ့က နောက်ဆုံးတော့ ငါတို့ တရုတ်တွေအတွက် လက်စားချေပေးလိုက်ပြီ။ ဒီအင်ဒိုနီးရှား တိရစ္ဆာန်တွေကို ငါတို့ တရုတ်တွေဆိုတာ သွားမစမ်းရဘူး ဆိုတာကို နားလည်အောင် လုပ်ပေးသင့်တယ်။’</p> <p style="text-align:justify">“ကျဲခယ် အဖွဲ့က အရမ်း ရက်စက်လွန်းတယ်။ ဒါက လူသားဆန်မှုကို ဆန့်ကျင်တဲ့ လုပ်ရပ်ပဲ။ ခွင့်လွှတ်လို့ မရဘူး”</p> <p style="text-align:justify">“ဟုတ်တယ်။ ဆီလုံမြို့က လူတွေက ဘယ်လောက်တောင် အပြစ်ကင်းလိုက်သလဲ။ သူတို့က အရပ်သားတွေလေ။ ဒါပေမဲ့ ကျဲခယ် အဖွဲ့က သူတို့ကို နှိမ်နင်းဖို့ စစ်တပ်လွှတ်တယ်။ လူသားဆန်မှု ဆိုတာ နည်းနည်းလေးတောင် မရှိတော့ဘူးလား။ ဒါက တကယ်ကို ဆိုးရွားတဲ့ အကြမ်းဖက် အဖွဲ့အစည်းပဲ”</p> <p style="text-align:justify">“ဟားဟား... ဆီလုံမြို့က တရုတ်လူမျိုးတွေကျတော့ သနားစရာ မကောင်းဘူးလား။ အဲဒီတုန်းကရော မင်းတို့ ဘာလို့ သူတို့အတွက် အသံမထွက်ပေးခဲ့ကြတာလဲ”</p> <p style="text-align:justify">“ကွပ်မျက်ခံရသူ စာရင်းမှာ ပါတဲ့သူတွေ အားလုံးက ဆူပူအုံကြွမှုမှာ ပါဝင်ခဲ့တဲ့ ဆူပူသူတွေချည်းပဲ။ သူတို့ သေသင့်တာ လုံးဝ တန်ပါတယ်။ တကယ်လို့ သူတို့ကို အပြစ်ကင်းတဲ့ အရပ်သားတွေလို့ ယူဆရင် ရက်ရက်စက်စက် သေဆုံးခဲ့ရတဲ့ တရုတ်လူမျိုးတွေကျတော့ ဘယ်လိုလုပ်မလဲ”</p> <p style="text-align:justify">“ဒါပေမဲ့လည်း ကျဲခယ် အဖွဲ့ရဲ့ နည်းလမ်းတွေက အရမ်း ကြမ်းတမ်းလွန်းတယ်။ ဒီလောက်တောင် ရက်စက်ဖို့ မလိုပါဘူး။ သူတို့ထဲက အများစုက သေဒဏ်ပေးခံရလောက်တဲ့အထိ အပြစ်မကြီးပါဘူး။ ထောင်ချတာ ဒါမှမဟုတ် အလုပ်ကြမ်း လုပ်ခိုင်းတာမျိုး ရွေးချယ်လို့ ရတာပဲ။ ဘာလို့ ကွပ်မျက်ရတာလဲ။ အဲဒါတွေ အားလုံးက အသက်ရှင်နေတဲ့ လူတွေလေ။ သူတို့ကို ပြုပြင်ပြောင်းလဲဖို့ အခွင့်အရေး မပေးနိုင်ဘူးလား။ ကရုဏာတရား ဆိုတာ နည်းနည်းလေးတောင် မရှိဘူး”</p> <p style="text-align:justify">“ငါ အမုန်းဆုံးက အပေါ်ကလို လူမျိုးတွေပဲ။ လူဆိုးတွေက တခြားသူတွေကို အနိုင်ကျင့်တဲ့အခါကျရင် မင်းတို့က မမြင်ချင်ယောင် ဆောင်နေကြတယ်။ လူကောင်းတွေက ထပြီး ခုခံတဲ့အခါကျမှ မင်းတို့က သူတို့ဆီကနေ ကရုဏာတရားကို တောင်းဆိုလာကြတယ်။ ဘာလဲ... လူကောင်းတွေကပဲ သေနတ်ထောက်ခံထားရမှာလား”</p> <p style="text-align:justify">အင်တာနက်ပေါ်တွင် ကွန်ရက်သုံးစွဲသူများ နှစ်စုကွဲကာ ပြင်းပြင်းထန်ထန် ငြင်းခုံနေကြသည်။ အနောက်တိုင်း မီဒီယာများက အပုပ်ချနေသော်လည်း ပြည်သူများ၏ မျက်လုံးများကတော့ ရှင်းလင်းနေသည်။</p> <p style="text-align:justify">ဆီလုံမြို့ရှိ တရုတ်ဆန့်ကျင်ရေး အုံကြွမှုများ ဖြစ်ပွားခဲ့သည်မှာ ဘယ်လောက်တောင် ကြာသေးလို့လဲ။</p> <p style="text-align:justify">အင်တာနက်တွင် မှတ်ဉာဏ်မရှိဟု ဆိုလျှင်တောင် လူများက ထိုမျှလောက်အထိ မေ့လျော့လွယ်သူများ မဟုတ်ကြချေ။ ထို့ကြောင့် ကျဲခယ် အဖွဲ့၏ လုပ်ရပ်များသည် လူအများအပြားထံမှ ခိုင်မာသော ထောက်ခံမှုကို ရရှိခဲ့သည်။</p> <p style="text-align:justify">အထူးသဖြင့် တရုတ်လူမျိုးများမှာ အလွန်တရာ စိတ်လှုပ်ရှား ပျော်ရွှင်ကာ ရင်ထဲပေါ့သွားကြသည်။</p> <p style="text-align:justify">ကျဲခယ် အဖွဲ့သည် သူတို့ လုပ်ချင်သော်လည်း မလုပ်နိုင်ခဲ့သည့် အရာကို လုပ်ဆောင်ပေးခဲ့ပြီး ဆူပူသူများကို အပြစ်ပေးကာ အင်ဒိုနီးရှားသည် သူတို့ စိတ်ကြိုက် လုပ်ချင်တိုင်း လုပ်၍ရသည့် နေရာမဟုတ်ကြောင်း နားလည်အောင် လုပ်ပေးနိုင်ခဲ့သည်။</p> <p style="text-align:justify">အမှန်တကယ်တွင် ဆီလုံမြို့ ကွပ်မျက်မှု ဖြစ်စဉ်အပြီးတွင် အင်ဒိုနီးရှားအစိုးရသည် အထိတ်လန့်ဆုံး ဖြစ်ခဲ့ရသည်။</p> <p style="text-align:justify">ကျဲခယ် အဖွဲ့က သူတို့၏ နှာခေါင်းအောက်တွင်ပင် ဆီလုံမြို့ရှိ ရှင်းလင်းရေး လုပ်ငန်းစဉ် တစ်ပတ်ကို ပြီးမြောက်အောင် လုပ်ဆောင်သွားခဲ့သည်။ ခဏတာအတွင်း အင်ဒိုနီးရှားရှိ လူထုအမြင်များ ပွက်လောရိုက်လာပြီး ကျဲခယ် အဖွဲ့ကို ပြင်းပြင်းထန်ထန် အရေးယူရန် တောင်းဆိုမှုများမှာ ပိုမို ပြင်းထန်လာခဲ့သည်။</p> <p style="text-align:justify">သူတို့၏ နိုင်ငံသားများအပေါ် ကျဲခယ် အဖွဲ့၏ လုပ်ရပ်များကို သူတို့ သည်းမခံနိုင်ကြပေ။ သူတို့၏ နိုင်ငံသားများက အမှားသေးသေးလေး လုပ်မိလျှင်တောင်မှ ဒီကိစ္စကို ငြိမ်းငြိမ်းချမ်းချမ်း ဖြေရှင်းလို့ မရဘူးလား ဆိုသည့် အတွေးမျိုး တွေးနေကြသည်။ သူတို့၏ မျက်နှာပြောင်တိုက်မှုက ကမ်းကုန်လှသည်။</p> <p style="text-align:justify">ပိုမိုများပြားသော လူများကမူ အကယ်၍ သူတို့နိုင်ငံသာ ကျဲခယ် အဖွဲ့၏ သိမ်းပိုက်ခြင်းကို ခံရပါက သူတို့သည်လည်း ကျဲခယ် အဖွဲ့ ဖန်တီးထားသော အဖြူရောင် အကြောက်တရားထဲတွင် အမြဲတမ်း ထိတ်လန့်စွာ နေထိုင်ရတော့မည်လား ဟု တွေးတောလာကြသည်။</p> <p style="text-align:justify">အင်ဒိုနီးရှားလူမျိုးများ၏ ဆန္ဒပြမှုများ အလွန်အားကောင်းလာပြီး အင်ဒိုနီးရှားအစိုးရကလည်း ကျဲခယ် အဖွဲ့၏ ယုတ်မာမှုများကို ပြစ်တင်ရှုတ်ချကြောင်း ကြေညာချက်ကို ချက်ချင်း ထုတ်ပြန်ခဲ့သည်။</p> <p style="text-align:justify">သို့သော် လက်တွေ့ဘဝသို့ ပြန်ကြည့်မည်ဆိုလျှင် အင်ဒိုနီးရှား စစ်တပ်သည် ကျဲခယ် အဖွဲ့၏ ကြည်းတပ်ဖွဲ့များကို ရင်ဆိုင်ရာတွင် ဆက်တိုက် ဆုတ်ခွာနေရဆဲ ဖြစ်သည်။</p> <p style="text-align:justify">ကြည်းတပ်ဖွဲ့များ ဆီလုံမြို့သို့ ဆင်းသက်ပြီး ထိုးဖောက် ဝင်ရောက်နိုင်မည့် လမ်းကြောင်းကို ဖွင့်လှစ်လိုက်သည်နှင့် ကျဲခယ် အဖွဲ့သည် ရက်အနည်းငယ် အတွင်း အင်ဒိုနီးရှားသို့ မြေပြင်တပ်ဖွဲ့ဝင် အင်အား ၁၀၀,၀၀၀ အထိ ပို့ဆောင်နိုင်ခဲ့သည်။</p> <p style="text-align:justify">နှစ်ဖက်စလုံးမှာ မလက္ကာ ရေလက်ကြားဖြင့်သာ ပိုင်းခြားထားပြီး အလွန် နီးကပ်သောကြောင့် ဆီလုံမြို့ကို သိမ်းပိုက်ပြီးနောက် ကျဲခယ် အဖွဲ့အတွက် ထောက်ပံ့ပို့ဆောင်ရေး ဖိအား လုံးဝမရှိသလောက် ပင်ဖြစ်သည်။</p> <p style="text-align:justify">တပ်ဖွဲ့ဝင် ၁၀၀,၀၀၀ ဆင်းသက်ပြီးသည်နှင့် သူတို့သည် မြို့များနှင့် နယ်မြေများကို ချက်ချင်း စတင် သိမ်းပိုက်တော့သည်။</p> <p style="text-align:justify">ကျဲခယ် အဖွဲ့၏ စစ်တပ်မှ တပ်ဖွဲ့များသည် ဆီလုံမြို့မှ ထွက်ခွာလာပြီး အင်ဒိုနီးရှား၏ အချက်အချာကျသော ဒေသများဆီသို့ ပြင်းထန်သော ထိုးစစ်ကို စတင်လိုက်သည်။</p> <p style="text-align:justify">ကောင်းကင်တွင် မိစ္ဆာငှက် တိုက်လေယာဉ်များက လေကြောင်းမှ တောက်လျှောက် တိုက်ခိုက်မှုများ ပြုလုပ်ပေးသည်။ ပင်လယ်ပြင်တွင် မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးများက ဒုံးကျည်များဖြင့် ပစ်ခတ်ကာ ပံ့ပိုးမှုများ ပြုလုပ်ပေးပြီး မြေပြင်တွင် သံမဏိ တပ်ရင်းမှ မျိုးဗီဇ စစ်သည်များနှင့် ပင့်ကူ ပင်မ တိုက်ပွဲဝင် စက်ရုပ်များက ကျဲခယ် အဖွဲ့၏ ချီတက်မှုတွင် ဦးဆောင်နေရာ ကျဲခယ်စစ်တပ်ကို တားဆီးရန်မှာ မဖြစ်နိုင်သလောက်ပင်…။</p> <p style="text-align:justify">အင်ဒိုနီးရှား စစ်တပ်များသည် ကျဲခယ် အဖွဲ့၏ ထက်မြက်သော စစ်ရေးစွမ်းရည်နှင့် ရင်ဆိုင်ရချိန်တွင် ထိလိုက်သည်နှင့် ချက်ချင်း ပြိုလဲလုမတတ် ဖြစ်သွားကြသည်။</p> <p style="text-align:justify">ကျဲခယ် အဖွဲ့ ရောက်သွားသော နေရာတိုင်းတွင် သူတို့သည် သုံ့ပန်းများကို ဖမ်းဆီးနေခြင်း သို့မဟုတ် သုံ့ပန်းများကို ဖမ်းဆီးရန် ကြိုးပမ်းရခြင်းတို့သာ လုပ်ကြရသည်။ ကျားကုတ်ကျားခဲ တိုက်ခိုက်ရသည့် တိုက်ပွဲမျိုး နည်းပါးလှပေသည်။</p> <p style="text-align:justify">***</p>


Save