Book List

<h2 style="text-align: center;">အခန်း (၇၂၉)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">“မဟုတ်ဘူး။ မဟုတ်ဘူး။ မဟုတ်ဘူး။ ဒါ မမှန်ဘူး။ အဲဒါက လွန်ခဲ့တဲ့ နှစ်ပေါင်းများစွာက ကိစ္စလေ။ ငါတို့ အင်ဒိုနီးရှား ဥပဒေမှာ ပြစ်မှုဆိုင်ရာ ကာလက ၂၅ နှစ်ပဲ ရှိတာ။ အဲဒီအချိန်က ကျော်လွန်သွားတာ ကြာလှပြီ။ မင်းတို့ ကျဲခယ် အဖွဲ့က ဒါမျိုး လုပ်လို့မရဘူး။ မင်း ငါ့ကို ထိလို့ မရဘူး”</p> <p style="text-align:justify">နူဒန်ရှာသည် အလွန်အမင်း ထိတ်လန့်တကြား အော်ဟစ်လိုက်သည်။ အစက ကျဲခယ် အဖွဲ့သည် ငွေညှစ်ရန် လာရောက်သည်ဟုသာ ထင်ထားခဲ့ပြီး ကျဲခယ် အဖွဲ့ ကျေနပ်စေရန် ငွေကြေးအချို့ ပေး၍ ကမ်းလှမ်းဖို့ပင် ပြင်ဆင်ထားပြီးသား ဖြစ်သည်။</p> <p style="text-align:justify">သို့သော် ကျဲခယ် အဖွဲ့က ငွေကို လိုချင်နေခြင်း မဟုတ်ဘဲ သူ၏ အသက်ကို လိုချင်နေမှန်း ဘယ်သူ သိမှာလဲ။ </p> <p style="text-align:justify">“ဘာကာလ၊ ညာကာလတွေ ငါ မသိဘူး။ အဲဒါက မင်းတို့ရဲ့ အင်ဒိုနီးရှား ဥပဒေပဲ။ ကျဲခယ် အဖွဲ့က ဒါကို အသိအမှတ် မပြုဘူး”</p> <p style="text-align:justify">အရာရှိက လက်ဝှေ့ယမ်းလိုက်ရာ စစ်သားများက ရှေ့တိုးလာပြီး နူဒန်ရှာကို ဖမ်းဆွဲကာ စစ်သုံးယာဉ် အပေါ်သို့ အတင်း ထိုးထည့်လိုက်သည်။</p> <p style="text-align:justify">“ဖေဖေ… နံစော်နေတဲ့ စစ်သားတွေ... မင်းတို့က ငါ့ဖေဖေကိုတောင် ဖမ်းရဲတယ်။ ငါ့ဖေဖေက ဘယ်သူလဲ ဆိုတာ မင်းတို့ သိလား။ လူတွေကို ခေါ်ပြီး မင်းတို့ကို ရိုက်သတ်ခိုင်းမယ်။ အတုံးတုံး ပိုင်းဖြတ်ပြီး ခွေးကျွေးပစ်မယ်”</p> <p style="text-align:justify">“ယောကျာ်း... ယောကျာ်း... ဘာတွေ ဖြစ်နေတာလဲ... ငါ့ကို မခြောက်ပါနဲ့”</p> <p style="text-align:justify">“ငါနဲ့ ဘာမှမဆိုင်ဘူး။ ငါနဲ့ မပတ်သက်ဘူး။ ငါ့မှာ အပြစ်မရှိဘူး”</p> <p style="text-align:justify">နူဒန်ရှာ ဖမ်းဆီးခံရသည့် မြင်ကွင်းကို မြင်လိုက်ရသော နူဒန်ရှာ၏ မိသားစုသည် တုံ့ပြန်မှု အမျိုးမျိုးကို ပြသကြသည်။ အချို့က ဒေါသထွက်ကြသည်။ အချို့က ကြောက်ရွံ့ကြပြီး အချို့ကမူ ထိုကိစ္စနှင့် ကင်းရှင်းကြောင်း ပြသရန် အလောတကြီး ကြိုးစားနေကြသည်။</p> <p style="text-align:justify">“မပူပါနဲ့။ မင်းတို့ အားလုံးကို အတူတူ ပို့ပေးမယ်။ မိသားစုဆိုတာ အတူတူ ရှိနေသင့်တယ်။ မင်းတို့မှာ အပြစ် ရှိ ၊ မရှိ ဆိုတာကို ကျဲခယ် အဖွဲ့က ဆုံးဖြတ်လိမ့်မယ်”</p> <p style="text-align:justify">ကျဲခယ် အဖွဲ့ အရာရှိက ပြုံးလိုက်ပြီး စစ်သားများက တစ်ယောက်ပြီး တစ်ယောက် ရှေ့တိုးလာကာ နူဒန်ရှာ၏ မိသားစုဝင်များ ရုန်းကန်နေသည့် ကြားမှပင် သူတို့ကို ကြိုးတုပ်ကာ စစ်ထရပ်ကားများပေါ်သို့ ပစ်တင်လိုက်ကြသည်။</p> <p style="text-align:justify">ဤအချိန်ရောက်မှသာ သူတို့သည် နောင်တရခြင်းနှင့် အကြောက်တရားဆိုသည်မှာ မည်သို့သော ခံစားချက် ဖြစ်ကြောင်း နောက်ဆုံးတွင် သိသွားကြသော်လည်း အချိန်နှောင်းသွားခဲ့ပြီ ဖြစ်သည်။</p> <p style="text-align:justify">“အားလုံးကို ခေါ်သွား။ ဒီမှာ စစ်သားတစ်ဖွဲ့ ချန်ထားပြီး တခြားတပ်ဖွဲ့တွေ လာလွှဲမယူမချင်း စောင့်နေခိုင်းလိုက်။ ကျန်တဲ့လူတွေ... နောက်အိမ်တစ်အိမ်ကို သွားဖို့ ငါ့နောက် လိုက်ခဲ့”</p> <p style="text-align:justify">အရာရှိက စစ်ဂျစ်ကား တစ်စီးပေါ်သို့ တက်ကာ နောက်ထပ် အိမ်တစ်အိမ်ဆီသို့ အဖွဲ့ကို ဦးဆောင် ခေါ်သွားတော့သည်။</p> <p style="text-align:justify">လက်ရှိ အင်ဒိုနီးရှားတွင် လူဦးရေ ၁ ရာခိုင်နှုန်းက အင်ဒိုနီးရှား၏ ကြွယ်ဝချမ်းသာမှု ၇၅ ရာခိုင်နှုန်းကို ထိန်းချုပ်ထားပြီး ပိုင်ဆိုင်မှု အများစုမှာ နိုင်ငံရပ်ခြားရောက် တရုတ်လူမျိုးများ၏ လက်မှ ရရှိလာခြင်း ဖြစ်သည်။</p> <p style="text-align:justify">ကျဲခယ် အဖွဲ့၏ လုပ်ရပ်များသည် ပြတ်သားလှပြီး အင်ဒိုနီးရှားရှိ လူကုံထံ အသိုင်းအဝိုင်းကို တိုက်ရိုက် ပစ်မှတ်ထားခြင်း ဖြစ်သည်။</p> <p style="text-align:justify">အတိတ်ကာလတွင် သူတို့သည် နိုင်ငံရပ်ခြားရောက် တရုတ်လူမျိုးများအပေါ် ရာဇဝတ်မှုများ ကျူးလွန်ကာ ကြွယ်ဝချမ်းသာမှုများကို လွှဲပြောင်းယူပြီး လူမှုအဆင့်အတန်းကို မြှင့်တင်နိုင်ခဲ့ကြသော်လည်း ဆယ်စုနှစ်များစွာ ကြာပြီးနောက်တွင် သူတို့အပေါ်သို့ ဝဋ်လည်လာလိမ့်မည်ဟု ဘယ်သောအခါမှ မမျှော်လင့်ထားခဲ့ကြပေ။</p> <p style="text-align:justify">ဖမ်းဆီးခံရချိန်တွင် လူအများအပြားမှာ ယုံတောင် မယုံနိုင်ကြသေးပေ။ ကျဲခယ် အဖွဲ့သည် ဆယ်စုနှစ်များစွာက အတိတ်က စာရင်းဟောင်းများကို အမှန်တကယ် ပြန်လှန်လာခဲ့သည်။ </p> <p style="text-align:justify">ဤအချိန်တွင် အင်ဒိုနီးရှား၏ ဩဇာတိက္ကမ ကြီးမားသော လူကုံထံများနှင့် ကိုယ်ကျိုးရှာသမားများ စိုးရိမ်ပူပန်လာကြသည်။ သူတို့ထဲမှ အများအပြားက ထွက်ပြေးချင်ကြသော်လည်း ပင်လယ်ပြင်ကို ကျဲခယ် အဖွဲ့က အပြည့်အဝ ပိတ်ဆို့ထားပြီး ဖြစ်သည်။</p> <p style="text-align:justify">လေကြောင်း စိုးမိုးမှုကိုလည်း ကျဲခယ် အဖွဲ့က အခိုင်အမာ ထိန်းချုပ်ထားပြီး ကျဲခယ် အဖွဲ့၏ ခွင့်ပြုချက် မရှိဘဲ အင်ဒိုနီးရှား ကောင်းကင်ယံတွင် ပေါ်လာသော မည်သည့် လေယာဉ်မဆို ပစ်ချခံရမည် ဖြစ်သည်။</p> <p style="text-align:justify">ထွက်ပြေးရန် မျှော်လင့်ချက် မရှိတော့ဘဲ ကျဲခယ် အဖွဲ့၏ ရှင်းလင်းရေးနှင့် ရင်ဆိုင်နေရသော အင်ဒိုနီးရှားမှ ချမ်းသာသော စီးပွားရေးသမားများနှင့် ဩဇာတိက္ကမ ကြီးမားသော လူကုံထံများသည် သဘာဝကျကျပင် ခုခံကာကွယ်လိုပြီး ရုန်းကန်လိုကြသည်။</p> <p style="text-align:justify">ဖမ်းဆီးမခံရသေးသော ကိုယ်ကျိုးရှာသမားများသည် ရူးသွပ်မတတ် ဖြစ်နေကြပြီး သူတို့၏ အသက်ကို ကယ်တင်နိုင်ရန် မျှော်လင့်ချက်ဖြင့် သူတို့၏ အဆက်အသွယ် အားလုံးကို အသည်းအသန် ဆက်သွယ်နေကြသည်။ ထို့အပြင် ကျဲခယ် အဖွဲ့၏ ကျူးကျော်မှုကို ခုခံရန် အမည်ခံ အမျိုးသား အစောင့်တပ်ဖွဲ့များ ဖွဲ့စည်းရန် ပြည်သူလူထုကို လှုံ့ဆော်ကာ ငွေကြေး အမြောက်အမြား အသုံးပြုနေကြသည်။</p> <p style="text-align:justify">သို့သော် ကျဲခယ် အဖွဲ့က အမေရိကန် သမ္မတကိုပင် မျက်နှာမထောက်ဘဲ အကြိမ်ကြိမ် အရှက်ခွဲခဲ့သည်။ သူတို့ ရှာတွေ့သော အဆက်အသွယ်များက အမေရိကန် သမ္မတထက် ပိုကြီးမားနိုင်ပါမည်လား။</p> <p style="text-align:justify">ဝူဖန်ပြည်နယ်တွင် အမျိုးသား အစောင့်တပ်ဖွဲ့ဝင် အမည်ခံ လက်နက်ကိုင် တစ်ထောင်ကျော်သည် သူတို့၏ နေရာများတွင် တပ်စွဲထားကြသည်။ သူတို့၏ နေရာမှာ အင်ဒိုနီးရှား၏ ချမ်းသာပြီး ဩဇာကြီးမားသူများသာ နေထိုင်သော အဆင့်မြင့် ဗီလာအိမ်ရာ တစ်ခုဖြစ်သည်။</p> <p style="text-align:justify">အမျိုးသား အစောင့်တပ်ဖွဲ့ကိုလည်း သူတို့က လစာများများပေးကာ ငှားရမ်းထားခြင်း ဖြစ်သည်။ လူအင်အား စုဆောင်းရုံသာမက သူတို့ကို တပ်ဆင်ပေးရန် လက်နက်များစွာကိုလည်း ဝယ်ယူထားကြသည်။</p> <p style="text-align:justify">မှတ်သားဖို့ ကောင်းသည်မှာ ကျဲခယ် အဖွဲ့သည် အင်ဒိုနီးရှား၏ အချက်အချာကျသော ဒေသများသို့ ချီတက်လာစဉ်တွင် အင်ဒိုနီးရှား ပုံမှန်စစ်တပ်၌ပင် လက်နက်နှင့် ခဲယမ်းမီးကျောက်များ ပြတ်လပ်ခဲ့၏။ သို့သော် အနှီ အမျိုးသား အစောင့်တပ်ဖွဲ့များ၌ ပုံမှန်စစ်တပ်ထက်ပင် ပိုမို ပြည့်စုံသော လက်နက်များ ရှိနေခြင်းက အဆင့်မြင့် ဗီလာအိမ်ရာ အတွင်းရှိ လူများ၏ အဆက်အသွယ်များ မည်မျှ အားကောင်းကြောင်း ပြသနေသည်။ စွမ်းရည်များ မရှိဘဲ ဤမျှ ရှားပါးသော လက်နက်များကို ဝယ်ယူနိုင်ရန် မဖြစ်နိုင်ပေ။</p> <p style="text-align:justify">သို့သော် သူတို့သည် အပေါ့စား လက်နက်များကို ဝယ်ယူနိုင်သော်လည်း လက်နက်ကြီးများမှာမူ သူတို့ လက်လှမ်းမမီနိုင်ပေ။ အမှန်တကယ်တွင် သူတို့ တင့်ကားများနှင့် အမြောက်များကို ဝယ်ယူနိုင်ခဲ့လျှင်တောင်မှ အမျိုးသား အစောင့်တပ်ဖွဲ့ဝင်များသည် ၎င်းတို့ကို မည်သို့ အသုံးပြုရမည်ကို သိမည် မဟုတ်ပေ။ </p> <p style="text-align:justify">ဝှစ်... ဝှစ်</p> <p style="text-align:justify">အဆင့်မြင့် ဗီလာအိမ်ရာသို့ သွားရာလမ်းတွင် ကျဲခယ် အဖွဲ့ တပ်ဖွဲ့တစ်ခု ချဉ်းကပ်လာသည်။</p> <p style="text-align:justify">သူတို့၏ အရေအတွက်မှာ အနည်းငယ်သာ ရှိပြီး လူတစ်ရာခန့်သာ ပါဝင်ကာ သံချပ်ကာ လူသယ်ယာဉ် အနည်းငယ်နှင့် ကျန်သည်များမှာ ထရပ်ကားများ ဖြစ်သည်။</p> <p style="text-align:justify">ဗီလာအိမ်ရာသို့ သွားရာလမ်းတွင် လမ်းပိတ်ဆို့မှုများနှင့် ကင်းစခန်းများ ရှိပြီး အမျိုးသား အစောင့်တပ်ဖွဲ့ဝင် အနည်းငယ်က ထိုနေရာတွင် ကင်းစောင့်နေကြသည်။</p> <p style="text-align:justify">ကျဲခယ် အဖွဲ့ ယာဉ်တန်းကို မြင်လိုက်ရသောအခါ သူတို့၏ မျက်လုံးများ ပြူးကျယ်သွားပြီးနောက် စကားတစ်ခွန်းမှ မပြောဘဲ နောက်လှည့်ကာ ထွက်ပြေးကြတော့သည်။</p> <p style="text-align:justify">သန့်စင်ခန်းမှ ယခုလေးတင် ထွက်လာပြီး တုံ့ပြန်မှု နှေးကွေးသော အမျိုးသား အစောင့်တပ်ဖွဲ့ဝင် တစ်ဦးတည်းသာ မထွက်ပြေးနိုင်ခဲ့ပေ။</p> <p style="text-align:justify">ကျဲခယ် အဖွဲ့ စစ်သားများကို တစ်ယောက်ပြီး တစ်ယောက် မြင်လိုက်ရသောအခါ သူ စိုးရိမ်တကြီး တံတွေးမျိုချလိုက်ပြီး အမျိုးသား အစောင့်တပ်ဖွဲ့ ခေါင်းဆောင်က စကားပြောစက်မှတစ်ဆင့် ပြောလာသော သတင်းစကားကို နားထောင်ကာ သတ္တိမွေးပြီး ပြောလိုက်သည်။</p> <p style="text-align:justify">“ခင်... ခင်... ခင်ဗျားတို့ ရပ်လိုက်။ ကျဲခယ် အဖွဲ့ကို ဒီမှာ ကြိုမဆိုဘူး၊ ဒီထက် ထပ်တိုးလာရင် ငါတို့ ပစ်ရလိမ့်မယ်”</p> <p style="text-align:justify">ပြောပြီးနောက် သူ့ကို ချိန်ရွယ်ထားသော သေနတ်ပြောင်းဝများကို မြင်လိုက်ရသောအခါ ချက်ချင်းပင် ငိုယိုတော့သည်။ “ခေါင်းဆောင်က ကျွန်တော့်ကို ပြောခိုင်းလို့ပါ။ ကျွန်တော့်ကို မသတ်ပါနဲ့။ ကျွန်တော် အရှုံးပေးပါတယ်”</p> <p style="text-align:justify">အဖွဲ့ကို ဦးဆောင်လာသော ကျဲခယ် အဖွဲ့ တပ်ခွဲမှူးက အဆင့်မြင့် ဗီလာအိမ်ရာကို ဒရုန်းဖြင့် အကဲခတ် ကြည့်ရာ အမျိုးသား အစောင့်တပ်ဖွဲ့ အမည်ခံ အဖွဲ့ဝင် တစ်ထောင်ကျော်ကို တွေ့ရှိခဲ့ပြီး သုံ့ပန်းထံမှလည်း အချက်အလက်အချို့ကို ရရှိခဲ့သည်။ တပ်ခွဲမှူးက ခေါင်းခါလိုက်မိသည်။</p> <p style="text-align:justify">“ဒီလူတွေက စစ်ပွဲဆိုတာ ဘာလဲဆိုတာ တကယ်ရော သိရဲ့လား”</p> <p style="text-align:justify">တပ်ခွဲမှူးက စကားပင် မပြောနိုင်အောင် ဖြစ်သွားသော်လည်း တုံ့ဆိုင်းမနေဘဲ လှည့်ကာ ညွှန်ကြားလိုက်သည်။</p> <p style="text-align:justify">“ရန်သူ့ တည်နေရာကို သတင်းပို့။ မိစ္ဆာငှက် တိုက်လေယာဉ်ကို လာပြီး ဗုံးကြဲခိုင်းလိုက်။ ပြီးရင် ငါတို့ နောက်ကနေ ဝင်မယ်”</p> <p style="text-align:justify">“လက်ခံရရှိပါတယ်။ နောက်တန်းမှာရှိတဲ့ B12 ကွပ်ကဲမှုနဲ့ ထိန်းချုပ်ရေး စင်တာကို ဆက်သွယ်နေပါတယ်”</p> <p style="text-align:justify">မကြာမီ သတင်းစကားကို နောက်တန်း စစ်မြေပြင် ကွပ်ကဲမှုစခန်းသို့ ပို့ဆောင်ပေးခဲ့ပြီး ကင်းလှည့်ကာ အသင့်အနေအထား ရှိနေသော ကျဲခယ် အဖွဲ့ မိစ္ဆာငှက် တိုက်လေယာဉ် တစ်စင်းက လမ်းကြောင်း ပြောင်းကာ ရှစ်မိနစ်အကြာတွင် ထိုနေရာသို့ ရောက်ရှိလာခဲ့သည်။</p> <p style="text-align:justify">ဂြိုဟ်တုနှင့် မြေပြင်တပ်ဖွဲ့များ၏ ညွှန်ကြားချက်အရ ၅၀၀ ကီလိုဂရမ် အလေးချိန်ရှိသော တိကျစွာ ပစ်မှတ် ရှာနိုင်သည့် ဗုံးနှစ်လုံးသည် မိစ္ဆာငှက် တိုက်လေယာဉ်၏ ဝမ်းဗိုက်မှ ပြုတ်ထွက်လာပြီး သူတို့၏ အမြီးပိုင်း အတောင်ပံများကို ထီးများကဲ့သို့ ဖြန့်ကားကာ လျှောဆင်းလာတော့သည်။</p> <p style="text-align:justify">ဘုန်း</p> <p style="text-align:justify">ဘုန်း</p> <p style="text-align:justify">ကျယ်လောင်သော ပေါက်ကွဲသံကြီး နှစ်ချက် ထွက်ပေါ်လာသည်။ ၅၀၀ ကီလိုဂရမ် အလေးချိန်ရှိသော လေကြောင်းပစ်ဗုံး တစ်လုံးတွင် ပေါက်ကွဲစေတတ်သော ယမ်းအလေးချိန် ၂၀၀ ကီလိုဂရမ်ကျော် ပါဝင်သည်။ </p> <p style="text-align:justify">ထိုကဲ့သို့ တိကျစွာ ပစ်မှတ်ရှာနိုင်သည့် ဗုံးတစ်လုံး ကျရောက်လာသောအခါ မီတာ ၃၀ အတွင်းရှိ တန် ၇၀ အလေးချိန်ရှိ တင့်ကားတစ်စီးကိုပင် မှောက်လှန် ဖျက်ဆီးပစ်နိုင်ပြီး မီတာ တစ်ရာ အတွင်း မည်သည့် သက်ရှိကိုမျှ အသက်ရှင်လျက် မကျန်ရစ်စေနိုင်ပေ။</p> <p style="text-align:justify">ဤကဲ့သို့ ဗုံးနှစ်လုံး ကျရောက်လာသောအခါ မြေပြင်တွင် ချက်ချင်းပင် နက်ရှိုင်းသော တွင်းကြီးနှစ်တွင်း ဖြစ်ပေါ်သွားသည်။ အမျိုးသား အစောင့်တပ်ဖွဲ့တွင် နည်းဗျူဟာပိုင်းဆိုင်ရာ လေ့ကျင့်မှု မရှိသောကြောင့် လူအများအပြားမှာ အလိုအလျောက် စုရုံးနေကြပြီး ၎င်းက သူတို့ကို ပိုမို လုံခြုံသည်ဟု ခံစားရစေသည်။</p> <p style="text-align:justify">သို့သော် ထိုကဲ့သို့ အပြုအမူက လူရာပေါင်းများစွာကို လေကြောင်းပစ်ဗုံး နှစ်လုံးဖြင့် ချက်ချင်း သေဆုံးသွားစေရန် တိုက်ရိုက် ဦးတည်သွားစေခဲ့ပြီး အားလုံးက တစ်စုတစ်ဝေးထဲ သေသွားကြ၏။</p> <p style="text-align:justify">ကံကောင်းထောက်မစွာ အသက်ရှင်ကျန်ရစ်ခဲ့သော အမျိုးသား အစောင့်တပ်ဖွဲ့ဝင်များသည် ပါးစပ်အဟောင်းသားဖြင့် ကြောင်အမ်းအမ်း ကြည့်နေကြသည်။ အများအပြားမှာ အော်ဟစ်ကာ လဲကျနေကြသော်လည်း သူတို့ ဘာမှ မကြားရတော့ပေ။ သူတို့၏ နားများမှာ ပေါက်ကွဲမှုကြောင့် ယာယီ ကန်းသွားခဲ့ပြီ ဖြစ်သည်။</p> <p style="text-align:justify">သူတို့ ပေါက်ကွဲမှုမှ သတိမဝင်လာမီမှာပင် ကျဲခယ် အဖွဲ့၏ မြေပြင်တပ်ဖွဲ့များ ရောက်ရှိလာခဲ့သည်။</p> <p style="text-align:justify">သံချပ်ကာ ယာဉ်များပေါ်တွင် တပ်ဆင်ထားသော စက်သေနတ်ကြီးများမှ ပစ်ခတ်လိုက်ရာ စက်သေနတ် ကျည်ဆန်များက လူ့ခန္ဓာကိုယ်များကို တစ်စစီ ဆွဲဖြဲပစ်လိုက်ပြီး သွေးများနှင့် ပြတ်တောက်သွားသော ကိုယ်လက်အင်္ဂါ အစိတ်အပိုင်းများမှာ နေရာအနှံ့ ပြန့်ကျဲသွားတော့သည်။</p> <p style="text-align:justify">ကျဲခယ် အဖွဲ့ ခြေလျင်တပ်သားများသည် အရေအတွက် နည်းပါးသော်လည်း လမ်းတစ်လျှောက် စနစ်တကျ ချီတက်လာကြသည်။ သူတို့၏ ပိုမို အဆင့်မြင့်သော တိုက်ခိုက်ရေး လေ့ကျင့်မှုများနှင့် စက်ကိရိယာများသည် ပစ်ခတ်မှု စတင်လိုက်သည်နှင့် အမျိုးသား အစောင့်တပ်ဖွဲ့များကို လျင်မြန်စွာ ချိုးနှိမ်ပစ်လိုက်နိုင်သည်။</p> <p style="text-align:justify">***</p>


Save