Book List

<h2 style="text-align: center;">အခန်း (၇၃၀)</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">မကြာမီပင် အမျိုးသားအစောင့်တပ်ဖွဲ့မှ လူတိုင်း ဒူးထောက်ကာ လက်နက်ချ အရှုံးပေးနေကြသည်။ သူတို့သည် ငွေအတွက်သာ တိုက်ခိုက်နေကြခြင်း ဖြစ်သောကြောင့် သေသည်အထိ တိုက်ခိုက်မည့် စိတ်ပိုင်းဖြတ်မှု မရှိကြပေ။</p> <p style="text-align:justify">လေကြောင်းပစ်ဗုံးများက သူတို့ကို ခြေမှုန်းပစ်ခဲ့ပြီး ဖြစ်သော်လည်း သူတို့၏ စိတ်များမှာ ပေါက်ကွဲမှုကြောင့် ရှုပ်ထွေးနေသဖြင့် တုံ့ပြန်ရန် အချိန်မရလိုက်ခြင်းသာ ဖြစ်သည်။</p> <p style="text-align:justify">ယခု ကျဲခယ် အဖွဲ့၏ စစ်သားများ ချီတက်လာသည်ကို မြင်လိုက်ရသောအခါ သူတို့တွင် ခုခံရန် သတ္တိ မည်ကဲ့သို့ ရှိတော့မည်နည်း။ သူတို့သည် လက်နက်များကို အမြန် လွှင့်ပစ်ကာ လက်မြှောက်၍ အရှုံးပေးလိုက်ကြသည်။</p> <p style="text-align:justify">အမျိုးသား အစောင့်တပ်ဖွဲ့ဝင် အများအပြားသည် သူတို့ကို ငှားရမ်းခဲ့သော ချမ်းသာသည့် စီးပွားရေးသမားများကို ကျိန်ဆဲနေကြသည်။ </p> <p style="text-align:justify">အလုပ်ခေါ်တုန်းက လေယာဉ်နဲ့ ဗုံးကြဲခံရမယ်လို့ တစ်ခွန်းမှ မပြောခဲ့ဘူးလေ။</p> <p style="text-align:justify">အကယ်၍ ရှင်းရှင်းလင်းလင်းသာ ပြောခဲ့လျှင် ဘယ်လောက်ပဲ ပိုက်ဆံပေးပေး သူတို့ လာခဲ့မည် မဟုတ်ပေ။ </p> <p style="text-align:justify">သုံးဖို့ အသက်မရှိရင် ပိုက်ဆံရှိလည်း ဘာလုပ်ရမှာလဲ။</p> <p style="text-align:justify">ထို့ကြောင့် ကျဲခယ် အဖွဲ့သည် လူတစ်ထောင်ကျော် ပါဝင်သော အမျိုးသား အစောင့်တပ်ဖွဲ့ လက်နက်ကိုင် အဖွဲ့အစည်းကို လွယ်ကူစွာ ချေမှုန်းနိုင်ခဲ့သည်။</p> <p style="text-align:justify">ကျန်တာကတော့ ရိုးရှင်းပါသည်။ ဗီလာအိမ်ရာထဲရှိ ဩဇာတိက္ကမ ကြီးမားသော လူကုံထံများနှင့် ချမ်းသာသော စီးပွားရေးသမားများ အားလုံးကို ကျဲခယ် အဖွဲ့က ဖမ်းဆီးကာ လက်ထိပ်ခတ်၍ ခေါ်ဆောင်သွားခဲ့သည်။</p> <p style="text-align:justify">သူတို့သည် အမျိုးသား အစောင့်တပ်ဖွဲ့များကို ဖွဲ့စည်းခဲ့သောကြောင့် သူတို့၏ ရာဇဝတ်မှုများမှာ ပိုမို ကြီးလေးလာမည်ဖြစ်ပြီး ပိုမို နာကျင်စရာ ကောင်းသော ကံကြမ္မာက သူတို့ကို စောင့်ကြိုနေလေသည်။</p> <p style="text-align:justify">ဩဇာတိက္ကမ ကြီးမားသော လူကုံထံများသည် မိမိကိုယ်ကိုယ် ကာကွယ်ရန်အတွက် ကိုယ်ပိုင် လက်နက်ကိုင် အဖွဲ့အစည်းများ ဖွဲ့စည်းကာ အစွမ်းကုန် ကြိုးစားခဲ့ကြသော်လည်း နောက်ဆုံးတွင် ကျဲခယ်အဖွဲ့ကို အံတုရန် ဆိုသည်မှာ စိတ်ကူးယဉ် အိပ်မက်သက်သက်သာ ဖြစ်ကြောင်း သက်သေပြသွားခဲ့သည်။</p> <p style="text-align:justify">သူတို့၏ ပုံမှန်စစ်တပ်ပင်လျှင် ကျဲခယ် အဖွဲ့နှင့် ထိတွေ့လိုက်သည်နှင့် ပြိုကျသွားခဲ့ရာ ဤကဲ့သို့ ပုဂ္ဂလိက တပ်ဖွဲ့များဆိုလျှင် ပြောနေစရာပင် မလိုတော့ချေ။</p> <p style="text-align:justify">ကိုယ်ပိုင် လက်နက်ကိုင် အဖွဲ့အစည်းများ ဖွဲ့စည်းသည့်အပြင် ဩဇာတိက္ကမ ကြီးမားသော လူကုံထံများသည် ဒေသခံ ပြည်သူများကိုလည်း လှုံ့ဆော်ခဲ့ကြပြီး အင်ဒိုနီးရှားလူမျိုးများ၏ ကျဲခယ် အဖွဲ့အပေါ် မကျေနပ်မှုကို အသုံးပြုကာ ကျဲခယ် အဖွဲ့အတွက် ပြဿနာများ ဖန်တီးရန် ကြိုးစားခဲ့ကြ၏။</p> <p style="text-align:justify">ယင်းအချိန်တွင် ကျဲခယ် အဖွဲ့၏ နည်းလမ်းမှာလည်း အလွန် ရိုးရှင်းပြီး ကြမ်းတမ်းလှသည်။ ပြဿနာ ဖန်တီးဝံ့သော ဤအင်ဒိုနီးရှားလူမျိုးများကို စစ်တပ်အား တိုက်ခိုက်မှု စွဲချက်ဖြင့် ဖမ်းဆီးကာ အသုတ်လိုက် ကွပ်မျက်ပြီး နာမည်များကို လူသိရှင်ကြား ထုတ်ပြန်ခဲ့သည်။ </p> <p style="text-align:justify">ဤအရာက ကျန်ရှိနေသော လူများကို လျင်မြန်စွာ ခြိမ်းခြောက်နိုင်ခဲ့သည်။ ဤကဲ့သို့ ခြိမ်းခြောက်မှုက အချိန် မည်မျှကြာကြာ ခံမည်ကို မသိရသော်လည်း အနည်းဆုံးတော့ ကျဲခယ် အဖွဲ့၏ ချီတက်မှုကို ထိခိုက်စေမည် မဟုတ်ပေ။</p> <p style="text-align:justify">……………….</p> <p style="text-align:justify">ဇွန်လ ၂၈ ရက်၊ ဂျကာတာမြို့ပြင်…</p> <p style="text-align:justify">အင်ဒိုနီးရှား၏ မြို့တော်ဖြစ်သော ဤနေရာသည် အင်ဒိုနီးရှားတွင် ခုခံမှု ကျန်ရှိနေသေးသည့် နောက်ဆုံးနေရာ ဖြစ်သည်။</p> <p style="text-align:justify">ဤသည်ကလည်း ဂျာကာတာရှိ အင်ဒိုနီးရှား တပ်များ၏ ခုခံမှုက အားကောင်းနေ၍ မဟုတ်ဘဲ ကျဲခယ် အဖွဲ့က ဖားကို အရှင်လတ်လတ် ရေနွေးအိုးထဲထည့်ပြီး ဖြည်းဖြည်းချင်း ပြုတ်နေသောကြောင့် ဖြစ်သည်။</p> <p style="text-align:justify">အကယ်၍ ဂျကာတာမြို့ကို လျင်မြန်စွာ သိမ်းပိုက်လိုက်ပါက ကျဲခယ် အဖွဲ့အနေဖြင့် နိုင်ငံရပ်ခြားရောက် တရုတ်လူမျိုးများအား လက်နက်ကိုင် အကာအကွယ်ပေးရေး ဟူသော ခေါင်းစဉ်အောက်မှနေ၍ အတိုက်အခံ အားလုံးကို အကြီးအကျယ် ဖမ်းဆီးနိုင်တော့မည် မဟုတ်ပေ။</p> <p style="text-align:justify">အင်ဒိုနီးရှား၏ ဩဇာတိက္ကမ ကြီးမားသော လူကုံထံများကို စာရင်းရှင်းပြီးနောက် ကျဲခယ် အဖွဲ့၏ ပင်မတပ်ဖွဲ့များသည်လည်း ဂျကာတာမြို့သို့ ရောက်ရှိလာခဲ့ပြီ ဖြစ်သည်။ ၁၅၀,၀၀၀ အင်အားရှိသော ဧရာမ စစ်တပ်ကြီးက ဂျကာတာမြို့ကို ရေစက်တောင် မကျနိုင်အောင် ပိတ်ဆို့ထားပြီး စစ်တိမ်မည်းကြီးက မြို့လေထုအား လေးလံစွာ ဖုံးလွှမ်းနေသည်။</p> <p style="text-align:justify">ဂျကာတာမြို့တွင်းတွင် အင်ဒိုနီးရှားအစိုးရ၏ ကွပ်ကဲမှုအောက်ရှိ ပုံမှန်စစ်တပ် အင်အား ၅၀,၀၀၀ အောက်သာ ကျန်ရှိတော့ပြီး ကျန်သူများမှာ အရေးပေါ် စုဆောင်းထားသူများ၊ ရက်အနည်းငယ်သာ လေ့ကျင့်မှု ပေးသော တပ်သားသစ်များ (ခေါ်) အမြောက်စာများ ဖြစ်ကြကာ အရေအတွက်အားဖြင့် ၂၀၀,၀၀၀ ကျော် ရှိသည်။</p> <p style="text-align:justify">သို့သော် လူအင်အား များပြားနေ၍လည်း အလကားပင်။ တပ်သားသစ် အများအပြားတွင် သေနတ်ပင် မရှိကြပေ။ အကြောင်းမှာ လက်နက် အများအပြားကို ထောက်ပံ့ရေး အရာရှိများက အမျိုးသား အစောင့်တပ်ဖွဲ့များထံ လက်လွှဲရောင်းချထားသောကြောင့်ပင်…။</p> <p style="text-align:justify">ဤကဲ့သို့သော အခြေအနေမျိုးတွင် ကျဲခယ် အဖွဲ့၏ အပြင်းအထန် ဝိုင်းရံပိတ်ဆို့မှုနှင့် ရင်ဆိုင်ရချိန်၌ သူတို့၏ ကံကြမ္မာမှာ အဆုံးအဖြတ် ပေးပြီးသား ဖြစ်နေလေပြီ။</p> <p style="text-align:justify">ထောက်ပံ့ပို့ဆောင်ရေး ပစ္စည်းများ ရောက်ရှိလာရန် ၃ ရက်ကြာ ခေတ္တ အနားယူပြီးနောက် ကျဲခယ် အဖွဲ့သည် ဇူလိုင်လ ၁ ရက်နေ့တွင် ဂျကာတာမြို့ကို တရားဝင် စတင် တိုက်ခိုက်ခဲ့သည်။ ၎င်းသည် အင်ဒိုနီးရှားအပေါ် နောက်ဆုံးသော အလုံးစုံ ထိုးစစ်ဆင်မှုလည်း ဖြစ်သည်။</p> <p style="text-align:justify">အရှေ့တောင်အာရှ၏ အကြီးဆုံး မြို့တော်ကြီး တစ်ခွင်တွင် အမြောက်သံများနှင့် သေနတ်သံများ ပျံ့နှံ့သွားပြီး ကျဲခယ် အဖွဲ့ထံမှ ထွက်ပေါ်လာသော အကြောက်တရားကို သူတို့ကို ပြန်လည် သတိရစေခဲ့သည်။</p> <p style="text-align:justify">ဂျကာတာမြို့ရှိ ကူရှီလမ်းမပေါ်တွင်...</p> <p style="text-align:justify">ထိုလမ်းမပေါ်တွင် အင်ဒိုနီးရှားတပ်ဖွဲ့ဝင် ခြေလျင်တပ်ရင်း တစ်ဝက်ခန့် တပ်စွဲထားပြီး အနည်းစုကသာ အင်ဒိုနီးရှား ပုံမှန်စစ်တပ်ဖြစ်ကာ အများစုမှာ တပ်သားသစ်များ ဖြစ်ကြသည်။</p> <p style="text-align:justify">“ကျဲခယ် အဖွဲ့က မြို့ပြင်မှာ ရောက်နေတာ နှစ်ရက်ရှိပြီ။ သူတို့ ထိုးစစ်မဆင်တော့ဘူးလား။ ဘာပဲဖြစ်ဖြစ် နိုင်ငံတကာ လူထုအမြင်ရဲ့ သက်ရောက်မှုကိုလည်း သူတို့ ထည့်သွင်းစဉ်းစားရမှာပဲလေ”</p> <p style="text-align:justify">“ငါတို့က ဒီပတ်ဝန်းကျင်ကို ကျွမ်းဝင်တယ်။ ကျဲခယ် အဖွဲ့သာ ဝင်လာရဲရင် သူတို့ အသက်ရှင်လျက် ပြန်မထွက်သွားနိုင်အောင် ငါတို့ သေချာပေါက် လုပ်ပြမယ်”</p> <p style="text-align:justify">“ဂျကာတာကို ကာကွယ်ထား။ အမေရိကန်က စစ်ပွဲထဲ ဝင်ပါလာတဲ့အထိ ငါတို့ တောင့်ခံထားနိုင်ရင် ကျဲခယ် အဖွဲ့ရဲ့ နိဂုံးချုပ်သွားမှာပဲ”</p> <p style="text-align:justify">“ငါတို့ အင်ဒိုနီးရှားက ကျဲခယ် အဖွဲ့ရဲ့ လက်အောက်ခံ လုံးဝ မဖြစ်စေရဘူး။ ငါ့ရဲ့ မွေးရပ်မြေ အတွက် ဆိုရင် ငါ့အသက်ကိုတောင် စတေးရဲတယ်”</p> <p style="text-align:justify">“ကျဲခယ် အဖွဲ့က သိပ်ထူးဆန်းတာ မဟုတ်ပါဘူး။ ငါတို့ စည်းလုံးနေသရွေ့ သူတို့ ငါတို့ကို မအောင်နိုင်ပါဘူး”</p> <p style="text-align:justify">“သူတို့ကို ဂျကာတာမြို့ထဲ လုံးဝ ပေးဝင်လို့ မဖြစ်ဘူး။ ငါ့မိဘတွေက အရင်တုန်းက တရုတ် ဆန့်ကျင်ရေး အုံကြွမှုတွေမှာ ပါဝင်ခဲ့ဖူးတယ်။ ကျဲခယ် အဖွဲ့သာ ဝင်လာရင် ငါ့မိဘတွေ ရှင်းလင်းခံရမှာပေါ့။ သူတို့ကို တားဆီးဖို့ ငါ့အသက်ကို စတေးပြီး တိုက်မယ်”</p> <p style="text-align:justify">အဆောက်အအုံ အတွင်း၌ အင်ဒိုနီးရှား တပ်သားသစ်များ အချင်းချင်း ဆွေးနွေးနေကြသည်။ စစ်ပွဲ၏ ရက်စက် ကြမ်းကြုတ်မှုကို မကြုံဖူးသေးသောကြောင့် သူတို့သည် အနာဂတ်အတွက် လှပသော မျှော်လင့်ချက်များ ထားရှိကာ ယုံကြည်မှု အပြည့် ရှိနေကြသည်။</p> <p style="text-align:justify">တစ်ချိန်က ဒတ်ချ် ကိုလိုနီ ဖြစ်ခဲ့ပြီး နောက်ပိုင်းတွင် ဂျပန်နိုင်ငံ၏ သိမ်းပိုက်ခြင်းကို ခံခဲ့ရသော အင်ဒိုနီးရှားနိုင်ငံသည် တပ်သားသစ်များ၏ ပါးစပ်ဖျားတွင် ကမ္ဘာ့သူရဲကောင်း နိုင်ငံကြီး တစ်နိုင်ငံ ဖြစ်နေလေသည်။</p> <p style="text-align:justify">“ပါးစပ်ပိတ်ထားစမ်း... သောက်ကောင်လေးတွေ တိတ်တိတ်နေ။ မင်းတို့ပြောသလို ကျဲခယ် အဖွဲ့က အဲဒီလောက် အသုံးမကျဘူးဆိုရင် မင်းတို့ အခု ဒီမှာ ရှိနေမှာ မဟုတ်ဘူး။ ထိုင်းမှာ ဒါမှမဟုတ် လာအိုနိုင်ငံမှာ ဒါမှမဟုတ် လောင်နမ်သက ကျဲခယ် အဖွဲ့ ဌာနချုပ် အဆောက်အအုံ ရှေ့မှာပဲ ရှိနေလောက်တယ်”</p> <p style="text-align:justify">အင်ဒိုနီးရှား ပုံမှန်စစ်သား တစ်ယောက်က သူတို့ အရမ်း ဆူညံနေသဖြင့် ဒေါသတကြီး အော်ဟစ်လိုက်ရာ အခန်းတစ်ခုလုံး ချက်ချင်း တိတ်ဆိတ်သွားတော့သည်။</p> <p style="text-align:justify">“တပ်ကြပ်ကြီး ဘာဘူ... ကျဲခယ် အဖွဲ့က တကယ်ပဲ အဲဒီလောက် ကြောက်စရာ ကောင်းလို့လား”</p> <p style="text-align:justify">တပ်သားသစ် တစ်ယောက်က ဒေါသထွက်နေသော ပုံမှန်စစ်သားကို ကြည့်ကာ သတိထား၍ မေးလိုက်သည်။</p> <p style="text-align:justify">“သောက်ရူးစကားတွေ... အဲဒီလိုမှ မဟုတ်ရင်…”</p> <p style="text-align:justify">အင်ဒိုနီးရှား ပုံမှန်စစ်သားက စကားပြောရန် ပြင်လိုက်စဉ်မှာပင် အနီးအနားမှ ရုတ်တရက် ထွက်ပေါ်လာသော ကျယ်လောင်သည့် ပေါက်ကွဲသံကြီး တစ်ခုက သူ၏ စကားကို ဖြတ်တောက်သွားပြီး သူ၏ မျက်လုံးများ တင်းမာသွားတော့သည်။</p> <p style="text-align:justify">ပြတင်းပေါက်မှတစ်ဆင့် ကြည့်လိုက်ရာ ခုနစ်ထပ် အဆောက်အအုံ တစ်လုံးကို ဗုံးထိမှန်သွားသည်ကို မြင်လိုက်ရသည်။ ပေါက်ကွဲမှုကြောင့် အဆောက်အအုံမှာ ပျက်စီးပြိုကျသွားပြီး မီးတောက်များ ကောင်းကင်သို့ ထိုးတက်သွားသည်။ ထိုနေရာတွင် တပ်စွဲထားသော စစ်သားတစ်စုမှာ ဗုံးဒဏ်မှ မလွတ်မြောက်နိုင်ခဲ့ချေ။</p> <p style="text-align:justify">“ကျဲခယ် အဖွဲ့ တိုက်ခိုက်မှု စတင်ပြီ”</p> <p style="text-align:justify">အင်ဒိုနီးရှား ပုံမှန်စစ်သားက အော်ဟစ်လိုက်ပြီး ကြောက်မက်ဖွယ် ပေါက်ကွဲမှု မြင်ကွင်းကို တွေ့လိုက်ရသော အခန်းတွင်းရှိ အင်ဒိုနီးရှား တပ်သားသစ်များမှာ ခေါင်းနပန်းကြီးသွားကာ ခြေထောက်များ ပျော့ခွေသွားတော့သည်။</p> <p style="text-align:justify">နောက်ထပ် ဒုံးကျည်များနှင့် အမြောက်ဆန်များ ကျရောက်လာပြီး နားကွဲမတတ် ပေါက်ကွဲသံများက ထိုနေရာရှိ အင်ဒိုနီးရှား စစ်သားများ၏ နှလုံးသားများကို တုန်ယင်သွားစေသည်။ အများအပြားမှာ ဘောင်းဘီထဲ သေးပန်းထွက်ကုန်ပြီး အချို့မှာ ပေါက်ကွဲမှုကြောင့် အလွန်အမင်း ကြောက်လန့်ကာ စိတ်ဖောက်ပြန်သွားပြီး ဟိုဟိုဒီဒီ ပြေးလွှားရင်း အော်ဟစ်နေကြသည်။</p> <p style="text-align:justify">နာရီဝက်ကြာပြီးနောက် ဗုံးကြဲတိုက်ခိုက်မှု ပြီးဆုံးသွားသည်။</p> <p style="text-align:justify">ဗုံးဒဏ်ကြောင့် ကူရှီလမ်းမပေါ်ရှိ အဆောက်အအုံ အများအပြား ပြိုကျသွားပြီး နေရာအနှံ့ အပျက်အစီးများသာ ကျန်ရစ်တော့သည်။</p> <p style="text-align:justify">ထိုနေရာတွင် တပ်စွဲထားသော ခြေလျင်တပ်ရင်း တစ်ဝက်မှာ အသေအပျောက် အလွန်များပြားခဲ့သည်။ တစ်ချိန်က ကြီးကျယ်ခမ်းနားသော စကားများ ပြောခဲ့ကြသည့် တပ်သားသစ် အများအပြားမှာ ယခုအခါ အေးစက်နေသော အလောင်းများ ဖြစ်နေကြပြီ သို့တည်းမဟုတ် အပိုင်းပိုင်း အစစ ဖြစ်သွားကြလေပြီ။</p> <p style="text-align:justify">ဗုံးဒဏ်ကြောင့် ကြောင်အမ်းအမ်း ဖြစ်နေသော အင်ဒိုနီးရှား စစ်သားများ သူတို့၏ ခံစစ်နေရာများသို့ မဝင်ရောက်နိုင်မီမှာပင် ကောင်းကင်မှ ရဟတ်ယာဉ် ဒလက်များ၏ တဝီဝီ မြည်သံများ ထွက်ပေါ်လာသည်။</p> <p style="text-align:justify">ရဟတ်ယာဉ် တစ်အုပ်စုသည် ကူရှီလမ်းမပေါ်သို့ ပျံသန်းလာပြီး အဆောက်အအုံများ အထက်တွင် ဝဲပျံနေကြသည်။ ရဟတ်ယာဉ် တံခါးများ ပွင့်သွားသည်နှင့် မီတာ တစ်ဒါဇင်ကျော် အမြင့်မှ လူရိပ်များ ခုန်ဆင်းလာကြသည်။</p> <p style="text-align:justify">သူတို့သည် ပြဒါးကဲ့သို့ စီးဆင်းနေသော တိုက်ပွဲဝင် သံချပ်ကာ ဝတ်စုံများဖြင့် တစ်ကိုယ်လုံးကို ဖုံးကွယ်ထားပြီး အရပ်အမြင့် ၂ ဒသမ ၅ မီတာခန့် ရှိသည်။ ငွေရောင် သံချပ်ကာသည် သူတို့၏ ခန္ဓာကိုယ် အစိတ်အပိုင်းတိုင်းကို ဖုံးကွယ်ထားပြီး နေရောင်အောက်တွင် အေးစက်သော သတ္တုရောင်များ တောက်ပနေကာ စက်ကိရိယာနှင့် ဇီဝဗေဒ ပေါင်းစပ်ထားသော အနာဂတ် စစ်သည်တော်များနှင့် တူနေသည်။</p> <p style="text-align:justify">ဤပုဂ္ဂိုလ်များသည် သံမဏိ တပ်ရင်းမှ မျိုးဗီဇ စစ်သည်များ ဖြစ်ကြသည်။ သူတို့သည် ဒုတိယ မျိုးဆက် ဇီဝသံချပ်ကာ ဝတ်စုံများကို ဝတ်ဆင်ထားပြီး သူတို့နှင့် အသင့်တော်ဆုံး ဖြစ်သော မြို့ပြ စစ်မြေပြင်သို့ ရောက်ရှိလာကြခြင်း ဖြစ်သည်။</p> <p style="text-align:justify">“ဒီနေရာကို ရှင်းလင်းလိုက်”</p> <p style="text-align:justify">မြောင်လွန်းက နားကြပ်မှတစ်ဆင့် စစ်ဆင်ရေး တာဝန်ကို အမိန့်ပေးလိုက်ပြီး ခေါင်မိုးစွန်းမှ ဖြည်းညှင်းစွာ လျှောက်သွား၏။ သူ၏ ခြေလှမ်းတိုင်းက လေးလံသော မြည်သံများကို ဖြစ်ပေါ်စေသည်။</p> <p style="text-align:justify">လေထုထဲတွင် ယမ်းငွေ့နှင့် သွေးနံ့များ ပြည့်နှက်နေသည်။ ခေါင်မိုးပေါ်မှ အောက်သို့ ငုံ့ကြည့်လိုက်ရာ အဆောက်အအုံ အပျက်အစီးများ၊ ပေါ်ထွက်နေသော သံချောင်းများ၊ ပြန့်ကျဲနေသော ကွန်ကရစ်တုံးများ၊ လောင်ကျွမ်းနေသော မီးတောက်များနှင့် ထိတ်လန့် တုန်လှုပ်နေသော အင်ဒိုနီးရှား တပ်ဖွဲ့ဝင်များကို နေရာတိုင်းတွင် မြင်တွေ့နေရသည်။</p> <p style="text-align:justify">စစ်မြေပြင် ပတ်ဝန်းကျင်ကို အကဲခတ်ပြီးနောက် မြောင်လွန်း၏ လက်မောင်းများတစ်လျှောက် ပြဒါးများ ပြန့်နှံ့သွားပြီး ငွေဖြူရောင် ဓားသွားနှစ်လက် အဖြစ် ပြောင်းလဲသွားသည်။ မျက်နှာဖုံးအောက်ရှိ သူ၏ မျက်နှာမှာ အေးစက်ပြီး ရက်စက်ကြမ်းကြုတ်နေသည်။</p> <p style="text-align:justify">သူ ရှေ့သို့ လှမ်းလိုက်ရာ သူ၏ ခြေထောက်များမှ ထက်မြက်သော သစ်မြစ်ကဲ့သို့ ဆူးချွန်များ ထွက်ပေါ်လာပြီး နံရံထဲသို့ ထိုးဖောက် ဝင်ရောက်သွားသည်။ ထို့နောက် သူသည် အထပ်မြင့် အဆောက်အအုံ၏ အပြင်ဘက် နံရံတစ်လျှောက် ပြေးဆင်းသွားတော့သည်။</p> <p style="text-align:justify">ခွပ်</p> <p style="text-align:justify">၁၂ ထပ်သို့ ရောက်သောအခါ မြောင်လွန်းသည် မှန်ပြတင်းပေါက်ကို အကြမ်းပတမ်း ရိုက်ခွဲကာ အထဲသို့ ခုန်ဝင်လိုက်သည်။</p> <p style="text-align:justify">ဤအထပ်တွင် အင်ဒိုနီးရှား စစ်သား ငါးယောက် ရှိနေသည်။ မြောင်လွန်း ရုတ်တရက် ဝင်လာသည်ကို မြင်လိုက်ရသောအခါ သူတို့သည် သေနတ်များ မြှောက်ရန် သို့မဟုတ် အရှုံးပေးရန်ပင် အချိန် မရလိုက်ဘဲ သူတို့၏ လည်ပင်းများတွင် စူးရှသော နာကျင်မှုကို ခံစားလိုက်ရပြီးနောက် သေဆုံးသွားကြတော့သည်။</p> <p style="text-align:justify">***<br />  </p>


Save