Book List

<h2 style="text-align: center;">အခန်း (၂၀၉)</h2> <h2 style="text-align: center;">လျော်ကြေးတောင်းခြင်း</h2> <h2 style="text-align: center;">*</h2> <p> </p> <p>ချင်ကျန့်ရှန်း၏ နဖူးပေါ်ရှိ အကြောများမှာ တင်းနေသော်လည်း သူသည် စိတ်ကို အတင်းငြိမ်အောင် ထားလိုက်ရသည်။</p> <p>သူ၏ ရွှေတိမ်တိုက်ဂိုဏ်းသည် နတ်သားတော်တစ်ပါး ကျဆုံးပြီးပြီဖြစ်ရာ အခြားသော နတ်သမီးတစ်ပါးကိုပါ ထပ်မံဆုံးရှုံးရမည့် အကျိုးဆက်ကို လုံးဝ လက်ခံနိုင်စွမ်း မရှိတော့ချေ။</p> <p>ချင်ကျန့်ရှန်းက အသက်ကို ပြင်းပြင်းရှူလိုက်ပြီး "ဝူမုန့်......... မင်း ဘာလုပ်နေလဲဆိုတာ မင်းကိုယ်မင်း သိရဲ့လား။ လမ်းမှန်လမ်းစဉ်နဲ့ မိစ္ဆာလမ်းစဉ်ကြားမှာ စစ်ပွဲဖြစ်အောင် ဆွပေးနေတာလား"</p> <p>နတ်သမီး ဝူမုန့်၏ အပြုံးမှာ ပိုမိုကျယ်ပြန့်လာသည်။ "ရွှေတိမ်တိုက်ဂိုဏ်းက ဂျူနီယာလေးတစ်ယောက်ကို ဆုံးမရုံတင်ပါပဲ။ အခြေအနေက အဲဒီအဆင့်အထိ မရောက်သေးပါဘူး မဟုတ်လား။ ဒါပေမဲ့ ငါတို့ ရွှမ်ယင်ဂိုဏ်းကလူတွေ ငြိမ်နေတာ ကြာပြီဆိုတော့ ရှင်တို့အားလုံးက ငါတို့ကို လက်တစ်လုံးခြား လုပ်ချင်နေကြတာပဲ"</p> <p>နတ်သမီး ဝူမုန့်၏ မျက်ဝန်းများမှာ အေးစက်သွားပြီး သူမ၏ အကြည့်မှာ ပို၍ပင် ထိတ်လန့်စရာ ကောင်းလာသည်။ "ဒီအခွင့်အရေးကို သုံးပြီးတော့ သတ်ဖြတ်ပွဲကြီးတစ်ခု လုပ်လိုက်ပြီး အားလုံးကို အပြောင်းအလဲ လုပ်ပစ်ရတာလည်း မဆိုးဘူးပဲ"</p> <p>ရွှမ်ကျီဇီက သူ၏ မုတ်ဆိတ်ကို သပ်ရင်း ဖျန်ဖြေသူအဖြစ် ဝင်ပြောလိုက်သည်။ "နတ်သမီး ဝူမုန့်......... ဒေါသကို လျှော့ပါ။ လူငယ်တွေကြားမှာ အဖုအထစ် ရှိတာကတော့ ရှောင်လွှဲလို့ မရပါဘူး၊ ဘာလို့ ဒီလောက်အထိ အလေးအနက် ထားနေရတာလဲ။ အကြီးအကဲ ချင်ကလည်း သူ့မြေးအတွက် စိုးရိမ်နေလို့ပါ၊ နတ်သမီးအနေနဲ့ သဘောထားကြီးကြီး ထားပေးစေချင်ပါတယ်"</p> <p>ထာဝရစိတ်ဝိညာဉ်ဂိုဏ်းမှ အကြီးအကဲကလည်း ပြုံးလျက် ထောက်ခံလိုက်သည်။ "ဟုတ်ပါတယ်၊ ဟုတ်ပါတယ်။ ဒါက နားလည်မှုလွဲတာသက်သက်ပါ။ ဒီအတိုင်းပဲ ထားလိုက်ကြရင် ဘယ်လိုလဲ"</p> <p>အခြားသူများကလည်း ဝိုင်းဝန်း အကြံပြုကြပြီး အချို့ကမူ အဖိုးတန်သော သွေးကြောပြန်လည်ပြုပြင်သည့် ဆေးလုံးတစ်ပုလင်းကို ထုတ်ယူကာ ချင်ကျန့်ရှန်းထံသို့ တိုက်ရိုက် ကမ်းပေးလိုက်ကြသည်။ "အကြီးအကဲ ချင်......... ဒီဆေးလုံးက ဂျူနီယာညီမလေး ရွှယ်ယန်ရဲ့ သွေးကြောတွေကို မြန်မြန် ပြန်ကောင်းစေပါလိမ့်မယ်။ ကျေးဇူးပြုပြီး လက်ခံပေးပါ"</p> <p>ချင်ကျန့်ရှန်း၏ မျက်နှာမှာ ပျက်ယွင်းနေသော်လည်း အခြေအနေအရ သူသည် အလျှော့ပေးလိုက်ရသည်။ သူသည် လမ်းမှန်လမ်းစဉ်နှင့် မိစ္ဆာလမ်းစဉ်ကြား စစ်ပွဲကို စတင်သူ အပြစ်သားအဖြစ် အဖြစ်မခံနိုင်ချေ။ "မိတ်ဆွေအားလုံးက ဒီလိုပြောနေမှတော့ ဒီကိစ္စကို ဒီမှာတင် ရပ်လိုက်ပါပြီ"</p> <p>သူသည် ဆေးလုံးကို ယူကာ မုရွှယ်ယန်ကို တိုက်ကျွေးလိုက်ပြီး လေးနက်သော အသံဖြင့် ဆိုလိုက်သည်။ "ရွှယ်ယန်......... စီနီယာတွေ အားလုံးကို မြန်မြန် ကျေးဇူးတင်လိုက်ဦး"</p> <p>သို့သော် နတ်သမီး ဝူမုန့်က နှာခေါင်းရှုံ့လိုက်သည်။ "နေဦး......."</p> <p>"ချင်ကျန့်ရှန်း......... ရှင်ပြောတာ မဟုတ်သေးဘူး။ ရှင့်ဘက်က အရင်ဆုံး ငါတို့ ရွှမ်ယင်ဂိုဏ်း တပည့်ကို ဒဏ်ရာရအောင် လုပ်ခဲ့တာလေ။ အခုကျမှ 'ဒီမှာတင် ရပ်လိုက်ရအောင်' ဆိုတဲ့ စကားတစ်ခွန်းတည်းနဲ့ အပြီးသတ်ချင်နေတာလား။ ရှင့်စိတ်ထဲမှာ ငါတို့ ရွှမ်ယင်ဂိုဏ်းကို အလေးမထားတာလား......."</p> <p>ချင်ကျန့်ရှန်းသည် ခေါင်းမော့ကြည့်လိုက်ရာ သူ၏ မျက်ဝန်းထဲမှ ဒေါသမီးများ ထွက်ပေါ်နေပြီး သွားများကို ကျစ်ကျစ်ပါအောင် ကြိတ်ထားသည်။ သို့သော် သူသည် ဒေါသကို အတင်းအကျပ် မျိုသိပ်လိုက်ပြီး လက်ယှက်၍ ဆိုလိုက်သည်။ "ငါ့ရဲ့ စိတ်လိုက်မာန်ပါ လုပ်ရပ်အတွက် ခွင့်လွှတ်ပေးပါ၊ နတ်သမီး ဝူမုန့်"</p> <p>သို့သော် နတ်သမီး ဝူမုန့်က အလျှော့မပေးသေးချေ။ "အကြီးအကဲ ချင်......... ဒါက တောင်းပန်တဲ့သူရဲ့ အမူအရာလား။ ရှင်က ငါတို့ ရွှမ်ယင်ဂိုဏ်း တပည့်ကို ဒဏ်ရာရအောင် လုပ်ခဲ့ပြီးတော့ နှုတ်နဲ့ပဲ တောင်းပန်ရုံနဲ့ ပြီးရောလား။ အဲဒါက ရိုးသားမှု မရှိလွန်းဘူး မဟုတ်လား။ ငါတို့ ရွှမ်ယင်ဂိုဏ်း တပည့် စိတ်ကျေနပ်အောင် တစ်ခုခုကို လက်တွေ့ကျကျ လျော်ကြေးပေးသင့်တယ်"</p> <p>သူမသည် ချင်ကျန့်ရှန်းကို အထက်အောက် ကြည့်လိုက်ပြီး လှောင်ပြုံးပြုံးလိုက်သည်။ "ဒါပေါ့......... ဒီလျော်ကြေးက အကြီးအကဲ ချင်ရဲ့ အဆင့်အတန်းနဲ့လည်း လိုက်ဖက်ရမယ်နော်။ တန်ဖိုးနည်းတဲ့ အရာဆိုရင်တော့ ငါတို့က လှည့်တောင် ကြည့်မှာ မဟုတ်ဘူး"</p> <p>လေထုမှာ ချက်ချင်းပင် တိတ်ဆိတ်သွားသည်။ အားလုံးက အသက်ကို အောင့်ထားရင်း ချင်ကျန့်ရှန်းကို စိုးရိမ်တကြီး စောင့်ကြည့်နေကြသည်။ သူ ဒေါသပေါက်ကွဲပြီး တစ်ခုခု လုပ်မိသွားမည်ကို အားလုံးက ကြောက်ရွံ့နေကြခြင်း ဖြစ်သည်။</p> <p>ချင်ကျန့်ရှန်း၏ မျက်ဝန်းများမှာ နီရဲနေပြီး ဒေါသမီးများ ဟုန်းဟုန်းတောက်နေသည်။ ဂုဏ်သိက္ခာရှိသော ရွှေတိမ်တိုက်ဂိုဏ်း အကြီးအကဲ တစ်ဦးအနေဖြင့် ဤကဲ့သို့ အရှက်ခွဲခံရခြင်းမျိုး တစ်ခါမျှ မကြုံဖူးချေ။</p> <p>သို့သော် နောက်ဆုံးတွင် သူ၏ တင်းတင်းဆုပ်ထားသော လက်သီးများမှာ ဖြည်းဖြည်းချင်း ပြေလျော့သွားပြီး အံကြိတ်ကာ မေးလိုက်သည်။ "နတ်သမီး ဘာလိုချင်လို့လဲ"</p> <p>နတ်သမီး ဝူမုန့်၏ အကြည့်မှာ မုန့်ဝမ်နှင့် အခြားနှစ်ဦးထံသို့ ရောက်ရှိသွားပြီး သူမ၏ နီမြန်းသော နှုတ်ခမ်းလွှာများ ဟလိုက်သည်။ "ရှင့်ရဲ့ဂိုဏ်းမှာ ငါ့တပည့် သုံးယောက် ကျင့်ကြံဖို့ အလွန်သင့်တော်တဲ့ အဆင့်နိမ့် ထူးချွန်သုံးပါး ဓားအစီအရင် ရှိတယ်လို့ ငါကြားမိတယ်။ အဲဒါကိုပဲ လျော်ကြေးအဖြစ် ပေးလိုက်ရင် ဘယ်လိုလဲ"</p> <p>ထိုအစီအရင်မှာ ချင်ကျန့်ရှန်း ပိုင်ဆိုင်သမျှထဲတွင် အဖိုးတန်ဆုံးသော အရာတစ်ခု ဖြစ်ပြီး အစွမ်းမှာလည်း အလွန်ပင် ကြီးမားလှသည်။ ၎င်းကို ကြားလိုက်ရသောအခါ ချင်ကျန့်ရှန်း၏ မျက်နှာမှာ သိသိသာသာ ပျက်ယွင်းသွားပြီး သွေးအန်မတတ် ခံစားလိုက်ရသည်။</p> <p>ဤအစီအရင်မှာ ဂျူနီယာ သုံးယောက်အတွက် မဟုတ်ဘဲ နတ်သမီး ဝူမုန့် ကိုယ်တိုင် လိုချင်နေခြင်း ဖြစ်ကြောင်း သူ သိလိုက်သည်။</p> <p>နတ်သမီး ဝူမုန့်က အခြေအနေကို အခွင့်ကောင်းယူနေခြင်းပင် ဖြစ်၏....... "ဘာလဲ......... အကြီးအကဲ ချင်က မပေးချင်ဘူးလား" နတ်သမီး ဝူမုန့်က မျက်ခုံးပင့်ကာ မထီမဲ့မြင်ပြုသော အသံဖြင့် မေးလိုက်ပြီး သူမ၏ လေသံမှာ တဖြည်းဖြည်း အေးစက်လာသည်။ "အဲဒီလိုဆိုရင်တော့ ငါ ရွှမ်ယင်ဂိုဏ်းကို ချက်ချင်း သတင်းပို့ပြီး ငါ့ရဲ့ ဂျူနီယာ မောင်နှမတွေကို စစ်သည်တွေ စုစည်းခိုင်းလိုက်ရမှာပဲ........."</p> <p>ချင်ကျန့်ရှန်းသည် အသက်ကို ပြင်းပြင်းရှူလိုက်ပြီး ရင်ထဲမှ ဒေါသကို အတင်းအကျပ် နှိမ်နင်းကာ ခက်ခက်ခဲခဲ ပြောလိုက်ရသည်။ "ကောင်းပြီ....... နတ်သမီး ပြောတဲ့အတိုင်း ဖြစ်စေရမယ်......." စကားအဆုံးတွင် သူသည် လက်ရာမြောက်သော သစ်သားသေတ္တာလေးကို ထုတ်ယူကာ မုန့်ဝမ်ထံသို့ ပစ်ပေးလိုက်သည်။</p> <p>မုန့်ဝမ်က သစ်သားသေတ္တာကို ဖမ်းယူကာ ဖွင့်ကြည့်လိုက်ရာ ထူးချွန်သုံးပါး ဓားအစီအရင် အတွက် ကျောက်စိမ်းပြား တစ်စုံကို တွေ့ရှိလိုက်ရသည်။ သူမ၏ နှုတ်ခမ်းထောင့်တွင် တောက်ပသော အပြုံးတစ်ခု ပေါ်လာသည်။ "ရတနာအတွက် ကျေးဇူးတင်ပါတယ်၊ အကြီးအကဲ ချင်"</p> <p>"ငါ လုပ်စရာ ကိစ္စလေးတွေ ရှိသေးတာ သတိရလို့ အရင် သွားနှင့်တော့မယ်" ချင်ကျန့်ရှန်းသည် သူ၏ မျက်နှာ အကြီးအကျယ် ပျက်သွားပြီဟု ခံစားရသဖြင့် လျော်ကြေးပေးပြီးသည်နှင့် အင်္ကျီလက်ကို ဝှေ့ယမ်းကာ ထွက်ခွာသွားတော့သည်။</p> <p>သူ လှည့်ထွက်သွားစဉ် သူ၏ မျက်ဝန်းထဲ၌ ပြင်းထန်သော သတ်ဖြတ်လိုစိတ်များ ပေါက်ကွဲထွက်လာသည်။ မြေးဖြစ်သူကို သတ်ခံရခြင်း၊ နတ်သမီးတော် ဒဏ်ရာရခြင်းနှင့် ယခု လျော်ကြေးပါ ပေးလိုက်ရခြင်း စသည့် အာဃာတများကို သူ သေချာပေါက် မှတ်ထားပေလိမ့်မည်။</p> <p>ချင်ကျန့်ရှန်း ထွက်သွားပြီးနောက် အားလုံးမှာ ရွှမ်ယင်ဂိုဏ်း၏ အနိုင်ကျင့်လိုသော အမူအရာကို စိတ်ပျက်နေကြသော်လည်း ရွှမ်ယင်ဂိုဏ်းမှ မိစ္ဆာကျင့်ကြံသူများမှာ အရူးတစ်သိုက် ဖြစ်ကြရာ မည်သူကမှ အရူးများနှင့် ယုတ္တိတန်တန် စကားပြောရန် မဝံ့ရဲကြချေ။</p> <p>ထို့ကြောင့် လူတိုင်းက ဤကိစ္စကို တိတ်တဆိတ် ကျော်ဖြတ်လိုက်ကြပြီး ဖမ်းဆီးရမိသော ကျင့်ကြံသူ အရေအတွက်အပေါ် မူတည်ကာ အဆင့်သတ်မှတ်ခြင်းကို စတင်လိုက်ကြသည်။</p> <p>ရလဒ်များအရ မျောလွင့်နန်းတော်က ပထမ ရရှိပြီး ရွှန်ထျန်းဓားဂိုဏ်းက ဒုတိယ ရရှိသည်။ ရွှမ်ယင်ဂိုဏ်းမှာမူ တတိယ၊ ထာဝရစိတ်ဝိညာဉ်ဂိုဏ်းက စတုတ္ထနှင့် ရွှေတိမ်တိုက်ဂိုဏ်းက နောက်ဆုံးမှ ရရှိလေသည်။ အဆင့်များ သတ်မှတ်ပြီးနောက် ဂိုဏ်းအသီးသီးမှ အကြီးအကဲများသည် သတ္ထုတွင်းပြင်ပဧရိယာ ခွဲဝေရေးအတွက် ဆွေးနွေးကြသည်။ မျောလွင့်နန်းတော်မှာ အကောင်းဆုံးသော သတ္ထုတွင်းဧရိယာကို ရရှိပြီး ရွှန်ထျန်းဓားဂိုဏ်းက ဒုတိယ အကောင်းဆုံးနေရာကို ရရှိသည်။ ရွှမ်ယင်ဂိုဏ်းနှင့် ထာဝရစိတ်ဝိညာဉ်ဂိုဏ်းတို့မှာလည်း သတ္ထုကြောတစ်ခုစီ ရရှိကြသည်။</p> <p>ရွှေတိမ်တိုက်ဂိုဏ်း အလှည့်ရောက်သောအခါ အပြင်ဘက်ရှိ အနည်းငယ် ကောင်းမွန်သော သတ္ထုကြောများမှာ ခွဲဝေပြီး ဖြစ်နေသဖြင့် သူတို့မှာ အညံ့စား မြေကွက်လပ်တစ်ခုကိုသာ နောက်ဆုံးတွင် ရရှိလိုက်ရသည်။ အခြားသော ဂိုဏ်းငယ်လေးများ၏ ရလဒ်မှာမူ ဂိုဏ်းကြီး (၅) ဂိုဏ်းနှင့် အလှမ်းဝေးလှသည်။</p> <p>အရင်းအမြစ်များ ခွဲဝေပြီးနောက် မကျေနပ်သော ဂိုဏ်းငယ်တစ်ခုမှ အကြီးအကဲက တိုးတိုးလေး ကန့်ကွက်လိုက်သည်။ "ကျွန်တော်တို့ကို ခွဲဝေပေးတဲ့ နယ်မြေက အရမ်းနည်းလွန်းတယ်။ သတ္ထုတွင်းရဲ့ အတွင်းပိုင်းမှာလည်း အကျယ်ကြီး ကျန်သေးတာပဲ၊ အဲဒါကိုရော ဘာလို့ ထုတ်ပြီး မခွဲဝေပေးရတာလဲ"</p> <p>"ဟုတ်တယ်၊ ဂိုဏ်းကြီး (၅) ဂိုဏ်းကလူတွေ ပူးပေါင်းပြီး ငါတို့ကို အနိုင်ကျင့်နေတာလား"</p> <p>"ဒီကိစ္စကို ငါတို့ကို သေချာ ရှင်းပြရမယ်......."</p> <p>ပတ်ဝန်းကျင်မှ ဆွေးနွေးသံများ ကျယ်လောင်လာသည်ကို မြင်သောအခါ ရွှမ်ကျီဇီက ခေါင်းကို အသာအယာ ခါယမ်းလိုက်ပြီး အားလုံးကို ရှင်းပြလိုက်သည်။ "ကျေးဇူးပြုပြီး မလောကြပါနဲ့။ ငါတို့က သတ္ထုကြောတွေကို လက်ဝါးကြီးအုပ်ချင်လို့ မဟုတ်ပါဘူး၊ သတ္ထုတွင်းရဲ့ အတွင်းပိုင်း အခြေအနေက နည်းနည်း ထူးခြားနေလို့ပါ"</p> <p>"ထူးခြားတယ်....... ဘယ်လိုမျိုး ထူးခြားတာလဲ ပြောပြဦးလေ"</p> <p>"ဒါ ဆင်ခြေပေးနေတာ မဟုတ်လား။ မင်းတို့ရဲ့ ရည်ရွယ်ချက်က ငါတို့ကို သတ္ထုကြောတွေ ခွဲမပေးချင်လို့ပဲ"</p> <p>ရွှမ်ကျီဇီ၏ အမူအရာမှာ တည်ငြိမ်နေပြီး ဤသံသယများကို မကြားချင်ယောင် ဆောင်ထားသည်။ "ဘယ်လို အခြေအနေမျိုးလဲဆိုတာ သတ္ထုတွင်းရဲ့ အနက်ပိုင်းထဲကို ငါနဲ့အတူ လိုက်ခဲ့ရင် အားလုံး သိသွားပါလိမ့်မယ်"</p> <p>ထိုအခါမှသာ ဂိုဏ်းငယ်အသီးသီးမှ အကြီးအကဲများ ကျေနပ်သွားကြသည်။ သူတို့သည် တပည့်များကို ခေါ်ဆောင်ကာ သတ္ထုတွင်းအတွင်းပိုင်းသို့ စနစ်တကျ စတင် ဝင်ရောက်သွားကြလေသည်။ တစ်နာရီခန့် ကြာပြီးနောက် အားလုံးမှာ ထူးဆန်းသော မြူခိုးများကြောင့် လမ်းပိတ်သွားရသည်။</p> <p>ဤမြူခိုးများသည် မှင်အိုးကဲ့သို့ မည်းမှောင်နေပြီး သားကောင်ကို စောင့်ဆိုင်းနေသော သားရဲတစ်ကောင်အလား စိတ်မသက်မသာဖြစ်စရာ အရှိန်အဝါများကို ထုတ်လွှတ်နေသည်။</p> <p>ဂိုဏ်းအသီးသီးမှ အကြီးအကဲများက ရှေ့သို့တိုးကာ စုံစမ်းစစ်ဆေးလိုက်ရာ ဤမြူခိုးများထဲတွင် လျှို့ဝှက်ဆန်းကြယ်သော စွမ်းအားများ ပါဝင်နေကြောင်း တွေ့ရှိလိုက်ရသည်။ ရွှေအမြုတေအဆင့် ကျင့်ကြံသူတစ်ဦး ဝင်ရောက်သွားပါက သူတို့၏ ကျင့်ကြံခြင်းစွမ်းအားမှာ အတင်းအကျပ် ဖိနှိပ်ခံရပြီး အခြေခံတည်ဆောက်ခြင်းအဆင့် စွမ်းအားလောက်သာ ထုတ်သုံးနိုင်တော့မည် ဖြစ်သည်။</p> <p>ရွှမ်ကျီဇီက လူအုပ်အစွန်မှ ဆံပင်ဖြူအဖိုးအိုတစ်ဦးကို ကြည့်လိုက်သည်။ "ထျန်းဆွမ်ကျိ......... မင်းက ဗေဒင်တွက်တာ ကျွမ်းကျင်တယ် မဟုတ်လား။ ဒီထဲမှာ ဘယ်လို လျှို့ဝှက်ချက်တွေ ရှိနေလဲဆိုတာ တွက်ကြည့်ပေးပါဦး" အားလုံးက ထိုအဖိုးအိုထံသို့ မသိမသာ ဝိုင်းကြည့်လိုက်ကြသည်။ ထျန်းဆွမ်ကျိက လက်ချောင်းများကို သုံး၍ တွက်ချက်လိုက်ရာ သူ၏ အမူအရာမှာ တဖြည်းဖြည်း လေးနက်လာသည်။</p> <p> </p> <p> </p> <p style="text-align: center;">***</p> <p> </p>


Save