Book List

<h2 style="text-align: center;">အခန်း (၂၁၃)</h2> <h2 style="text-align: center;">နောက်ထပ် ဖြစ်ရပ်တစ်ခု</h2> <h2 style="text-align: center;">*</h2> <p> </p> <p>"အဲဒီ လျိုယီရန်က သူ့သူငယ်ချင်းဆီက အကူအညီတောင်းသံ ကြားရတယ်လို့ ပြောခဲ့တာ။ သူပြောတာက အမှန်လား၊ အမှားလားဆိုတာ ကျွန်မ တကယ် သိချင်မိတယ်"</p> <p>မုန့်ဝမ်၏ မျက်ဝန်းများက လက်ခနဲဖြစ်သွားပြီး သူမ၏ နှုတ်ခမ်းတွင် နောက်ပြောင်လိုသော အပြုံးတစ်ခု ပေါ်လာသည်။</p> <p>၎င်းကို ကြားသောအခါ ချင်းယွီ၏ အမူအရာက ပို၍ လေးနက်သွားသည်။</p> <p>"သူ တကယ် အကူအညီတောင်းသံ ကြားသည်ဖြစ်စေ၊ မကြားသည်ဖြစ်စေ သတိထားတဲ့အနေနဲ့ အဲဒီမိစ္ဆာကို သတ်ဖို့ နည်းလမ်းရှာရလိမ့်မယ်။ ကျင့်ကြံသူတစ်ယောက်က မိစ္ဆာအဖြစ် ပြောင်းလဲသွားပြီးရင် သူ့ရဲ့ ခွန်အားက အဆမတန် တိုးလာမှာ။</p> <p>အကယ်၍ သူက ရူးသွပ်ပြီး လူတွေကို ထပ်ပြီး ဒဏ်ရာပေးမယ်ဆိုရင် မိစ္ဆာတွေ ပိုများလာပြီး အခြေအနေက ထိန်းမနိုင်သိမ်းမရ ဖြစ်သွားလိမ့်မယ်"</p> <p>မုန့်ဝမ်က ဘာမျှမပြောဘဲ ခေါင်းသာ ညိတ်ပြလိုက်သည်။</p> <p>"သွားရအောင်။ ဟိုဘက်ကလူတွေ စပြီး လှုပ်ရှားနေကြပြီ။ ရှေ့မှာ ဘယ်လို စိတ်ဝင်စားဖို့ကောင်းတဲ့ အရာတွေက ငါတို့ကို စောင့်ကြိုနေမလဲဆိုတာ ကြည့်ကြတာပေါ့"</p> <p>ထို့ကြောင့် မုန့်ဝမ်တို့ လေးဦးအဖွဲ့သည် ရှေ့မှ လူအုပ်နောက်သို့ တိတ်တဆိတ် ဆက်လက် လိုက်ပါသွားကြသည်။</p> <p>သို့သော် နာရီဝက်ပင် မပြည့်သေးမီမှာပင် မထင်မှတ်ထားသော အပြောင်းအလဲတစ်ခု ထပ်မံ ဖြစ်ပေါ်လာသည်။</p> <p>လူအုပ်၏ အလယ်တွင် လျှောက်လှမ်းနေသော ရှောင်ရိသည် ရုတ်တရက် တုန်ယင်သွားပြီးနောက် မြေပြင်ပေါ်တွင် ဒူးထောက်ကျသွားကာ မျက်နှာတွင် နာကျင်မှုများဖြင့် ပြည့်နှက်နေသည်။</p> <p>သူသည် အသက်ရှူသံပြင်းပြင်းဖြင့် ညည်းတွားလိုက်ပြီး ခန့်ညားသော သူ၏ မျက်နှာမှာ ကြောက်မက်ဖွယ်ကောင်းအောင် တွန့်လိမ်နေကာ လက်နှစ်ဖက်ဖြင့် သူ၏ ဦးခေါင်းကို အတင်း ဆုပ်ကိုင်ထားသည်။ သူ၏ ခန္ဓာကိုယ် ချွေးပေါက်များမှ ထူးဆန်းသော အမည်းရောင် အငွေ့ များ စိမ့်ထွက်လာသည်။</p> <p>"ရှောင်ရိ......."</p> <p>ဟွာလီက အော်ဟစ်လိုက်ပြီး တုန်ယင်နေသော ရှောင်ရိကို ထိန်းပေးရန် ရှေ့သို့ တိုးသွားကာ စိုးရိမ်တကြီး မေးလိုက်သည်။ "နင် ဘာဖြစ်တာလဲ"</p> <p>ရှောင်ရိသည် နာကျင်စွာ အသက်ရှူနေရသော်လည်း သူသည် စကားပြောရန် ပါးစပ်ဟ၍မရချေ....... သူသည် စိတ်ချင်းဆက်သတင်းပို့စနစ်ဖြင့်သာ ပြတ်တောင်းပြတ်တောင်း ပြောနိုင်တော့သည်။</p> <p>"ဟွာလီ......... ငါ... ငါလည်း အစောပိုင်းက အမွှေးရှည်မိစ္ဆာလို... ပြောင်းလဲတော့မယ့်ပုံပဲ။ ငါ့ကို ကယ်ပါဦး၊ ငါ မိစ္ဆာတစ်ကောင် မဖြစ်ချင်ဘူး........."</p> <p>ဟွာလီ၏ မျက်နှာမှာ ချက်ချင်းပင် ပျက်ယွင်းသွားသည်။ ရှောင်ရိ သတင်းပို့လိုက်သော အကြောင်းအရာမှာ အစောပိုင်းက လျိုယီရန် ပြောခဲ့သည်နှင့် တစ်ထပ်တည်းပင်.......</p> <p>သူမသည်လည်း လွန်ခဲ့သော ခဏက လျိုယီရန် ရင်ဆိုင်ခဲ့ရသော အခက်အခဲမျိုးနှင့် မလွဲမသွေ ရင်ဆိုင်နေရပြီ ဖြစ်သည်။</p> <p>ရှောင်ရိကို ယုံကြည်ပြီး အခြားသူများနှင့် ရန်သူဖြစ်ရန် ရွေးချယ်မလား သို့မဟုတ် သူ မိစ္ဆာဖြစ်သွားသည်ကို ငြိမ်ခံနေမလား.......</p> <p>ဟွာလီသည် ရှောင်ရိ၏လက်ကို ကျစ်ကျစ်ပါအောင် ဆုပ်ကိုင်ထားရာ သူမ၏ လက်ချောင်းထိပ်များမှာ ဖြူလျော့နေပြီး ရင်ထဲတွင် လေးလံနေသည်။</p> <p>သို့သော် ဟွာလီ ဝေခွဲမရဖြစ်နေစဉ်မှာပင် အခြားသူများက ရှောင်ရိ၏ ခန္ဓာကိုယ်မှ ပုံမှန်မဟုတ်မှုများကို သတိပြုမိသွားကြသည်။</p> <p>သူတို့သည် ထိတ်လန့်တကြားဖြင့် အနောက်သို့ အလျင်အမြန် ဆုတ်ခွာသွားကြသည်။</p> <p>ရှောင်ရိမှာ ကူးစက်ရောဂါတစ်ခုခု သယ်ဆောင်လာသည့်အလား သူတို့အားလုံးက အဝေးသို့ အတင်း ပြေးရှောင်နေကြသည်။</p> <p>လင်းယွီကမူ ရက်စက်စွာပင် ကြိမ်းမောင်းလိုက်သည်။ "ဟွာလီ......... နင် ဘာလို့ သူ့ကို ကိုင်ထားသေးတာလဲ။ သူ မိစ္ဆာဖြစ်တော့မယ်လေ။ နင် လူအားလုံးကို သတ်ချင်နေတာလား"</p> <p>ခဏအတွင်းမှာပင် ဟွာလီသည် ဆုံးဖြတ်ချက် တစ်ခု ချလိုက်သည်။ သူမက လူတိုင်းကို မော့ကြည့်လိုက်ရာ သူမ၏ အကြည့်တွင် တောင်းပန်တိုးလျှိုးမှု အနည်းငယ် ပါဝင်နေသည်။</p> <p>"ရှောင်ရိက မိစ္ဆာရဲ့ တိုက်ခိုက်ခြင်းကို မခံခဲ့ရဘူး၊ သူ မိစ္ဆာဖြစ်မှာ မဟုတ်ဘူး။ ဒါက နားလည်မှုလွဲတာ တစ်ခုခု ဖြစ်ရမယ်....... ငါ့ကို ယုံကြပါ......."</p> <p>လျိုယီရန်က လှောင်ပြုံးပြုံးလိုက်ပြီး ရန်လိုသော လေသံဖြင့် ဆိုသည်။</p> <p>"နားလည်မှုလွဲတာ ဟုတ်လား....... နတ်သမီးတော် ဟွာလီ......... နင်ပြောတာက တကယ်ကို ရယ်စရာကောင်းတာပဲ။ အမှန်တရားက နင့်မျက်စိရှေ့မှာ ရှိနေတာကို နင်က ငြင်းချင်သေးတာလား။ ငါ့သူငယ်ချင်းတုန်းကလည်း ဘာမှမဟုတ်ဘဲ အခုလိုပဲ မိစ္ဆာဖြစ်သွားခဲ့တာပဲ.......</p> <p>ဒါပေမဲ့ သူက နင်တို့အားလုံး ဝိုင်းတိုက်တာကို ခံရပြီး ထွက်ပြေးခဲ့ရတယ်။ အခု နင့်အလှည့်ရောက်တော့မှ ကိုယ့်ကိုယ်ကိုယ် ဓားနဲ့ အမွှန်းခံရတဲ့ဒဏ်က ဘယ်လောက် နာကျင်လဲဆိုတာ နင် သိပြီလား"</p> <p>ဟွာလီက အလျင်အမြန် ရှင်းပြသည်။ "ရှောင်ရိရဲ့ အခြေအနေက မတူဘူး။ သူက ငါတို့နဲ့ တောက်လျှောက် အတူရှိနေခဲ့တာ၊ မိစ္ဆာရဲ့ တိုက်ခိုက်မှုကိုလည်း မခံခဲ့ရဘူး။ ဒီမှာ ကွယ်ဝှက်ထားတဲ့ အကြောင်းရင်းတစ်ခုခု ရှိနေရမယ်......."</p> <p>လျိုယီရန်က ဟွာလီ၏ ရှင်းပြချက်ကို လုံးဝ နားမထောင်ဘဲ သူမ၏ လေသံမှာ ပို၍ပင် ပြင်းထန်လာသည်။</p> <p>"ဘာကွယ်ဝှက်တဲ့ အကြောင်းရင်းလဲ။ နင့်ဦးနှောက်ကတော့ ရှုပ်ထွေးကုန်ပြီ ထင်တယ်။ ဟွာလီ......... နင်ကသာ ခေါင်းမာနေဦးမယ်ဆိုရင်တော့ ငါတို့ကို ယဉ်ကျေးမနေဘူးလို့ အပြစ်မတင်နဲ့တော့......."</p> <p>အခြားသူများကလည်း ဝိုင်းဝန်းဖျန်ဖြေကြသော်လည်း သူတို့၏ စကားလုံးများထဲတွင် စိုးရိမ်ထိတ်လန့်မှုများ ပြည့်နှက်နေသည်။</p> <p>"နတ်သမီးတော် ဟွာလီ......... စိတ်လှုပ်ရှားမနေပါနဲ့။ အခြေအနေအရ နင်က ပြတ်ပြတ်သားသား ဆုံးဖြတ်ချက်ချရလိမ့်မယ်"</p> <p>"ဟုတ်ပါတယ်၊ ဒီနေရာက အကြာကြီး နေဖို့ မသင့်တော်ဘူး။ နောက်ထပ် ပြဿနာတွေ မတက်ခင် ရှောင်ရိကို အမြန်ဆုံး ရှင်းပစ်ရမယ်"</p> <p>"ဟွာလီ......... နင်နဲ့ ရှောင်ရိကြားမှာ သံယောဇဉ်ကြီးတာကို ငါတို့ သိပါတယ်၊ ဒါပေမဲ့ ဒါက အသက်တွေနဲ့ ဆိုင်နေတာလေ။ စိတ်လိုက်မာန်ပါ မလုပ်ပါနဲ့......."</p> <p>ဟွာလီက ပတ်ဝန်းကျင်ကို ဝေ့ကြည့်လိုက်ရာ သူမဘက်က ရပ်တည်ပေးမည့်သူ တစ်ယောက်မျှ မရှိချေ။ သူတို့ပြောတာလည်း မမှန်ဘူးဟု သူမ မဆိုလိုပါ။</p> <p>သို့သော် သူမ ရှောင်ရိကို ဒီအတိုင်း အဆုံးရှုံးမခံနိုင်ချေ။ သူမ၏ ကိုယ်ပိုင်ဆုံးဖြတ်ချက်နှင့် ရှောင်ရိကို သူမ ယုံကြည်သည်၊ သူ မိစ္ဆာဖြစ်သွားမည် မဟုတ်ချေ.......</p> <p>ဟွာလီ၏ မျက်ဝန်းထဲတွင် ပြတ်သားမှုများ လက်ခနဲ ဖြစ်သွားသည်။ သူမက အသက်ကို ပြင်းပြင်းရှူလိုက်ပြီး အားလုံး အမှတ်မထင် ဖြစ်နေစဉ် ရှောင်ရိကို ဆွဲထူကာ အမည်းရောင်မြူထု၏ အနက်ပိုင်းဆီသို့ ပျံသန်း ထွက်ပြေးသွားတော့သည်။</p> <p>၎င်းကို မြင်သောအခါ လူအုပ်မှာ ထိတ်လန့်စိုးရိမ်မှုများဖြင့် ဆူညံသွားကြသည်။ လျိုယီရန် တစ်ယောက်သာ ဟွာလီ ပျောက်ကွယ်သွားသည့်ဘက်ကို မှင်သက်စွာ စိုက်ကြည့်နေမိသည်။</p> <p>"ဟွာလီ....... နင် ရူးနေတာလား။ ပြန်လာခဲ့......." လီရွှမ်ရိ၏ မျက်နှာမှာ ပျက်ယွင်းသွားပြီး ဟိန်းဟောက်လိုက်သည်။</p> <p>"တကယ်ကို မိုက်မဲတာပဲ....... သေခါနီး လူတစ်ယောက်အတွက်နဲ့ ငါတို့အားလုံးရဲ့ အသက်ကို ဂရုမစိုက်တော့ဘူးပေါ့......." လင်းယွီက နှာခေါင်းရှုံ့လိုက်သည်။</p> <p>"ဒီမိန်းမက တကယ်ကို ရူးနေတာပဲ....... သူ သေချင်ရင်လည်း သေပေါ့၊ ဘာလို့ ငါတို့ကိုပါ ဆွဲထည့်ချင်နေရတာလဲ......." အခြားတစ်ဦးကလည်း ဒေါသတကြီးဖြင့် မြေကြီးကို ဆောင့်ကန်လိုက်သည်။</p> <p>အားလုံးက ဝိုင်းဝန်း ဝေဖန်နေကြစဉ် လင်းချင်းယွဲ့ကမူ မျက်မှောင်ကြုတ်ကာ တစ်ခုခုကို စဉ်းစားနေသည်။</p> <p>"ဟွာလီက စိတ်လိုက်မာန်ပါ လုပ်တတ်တဲ့သူ မဟုတ်ဘူး။ သူ အခုလို လုပ်တာက နောက်ကွယ်မှာ တခြား အကြောင်းရင်းတစ်ခုခု ရှိနိုင်တယ်"</p> <p>သူမ ပြောလိုက်သည်နှင့် သံသယသံများ ဝိုင်းထွက်လာတော့သည်။</p> <p>"အကြောင်းရင်း....... ဘာအကြောင်းရင်းလဲ။ မိစ္ဆာဖြစ်သွားတဲ့သူက လူပြန်ဖြစ်လာနိုင်လို့လား"</p> <p>"ဟုတ်တယ်၊ အဲဒီလို သရဲသဘက်ပုံစံ ဖြစ်သွားပြီးမှ ဘာအကြောင်းရင်း ရှိဦးမှာလဲ"</p> <p>"ငါ့အမြင်တော့ ဟွာလီက ရှောင်ရိရဲ့ မှော်ဝင်တာ ခံလိုက်ရပြီး အသိစိတ် ပျောက်နေတာပဲ ဖြစ်ရမယ်......."</p> <p>လူတိုင်း၏ သံသယများကို ရင်ဆိုင်ရင်း လင်းချင်းယဲ့က မလှုပ်မယှက်ဘဲ ဆက်ပြောသည်။</p> <p>"အားလုံး မမေ့ပါနဲ့ဦး၊ ရှောင်ရိက မိစ္ဆာရဲ့ တိုက်ခိုက်မှုကို မခံခဲ့ရဘူး။ သူ ဘာလို့ ရုတ်တရက် အဲဒီလို ဖြစ်သွားတာလဲ။ ဒီကိစ္စက တကယ်ကို ထူးဆန်းတယ်။"</p> <p>သူမက ခဏရပ်လိုက်ပြီးမှ "ဖြစ်နိုင်တာက ငါတို့အားလုံး အစောပိုင်းက နတ်သမီးတော် လျိုကို နားလည်မှုလွဲခဲ့တာလည်း ဖြစ်နိုင်တာပဲ........."</p> <p>လင်းချင်းယဲ့ စကားမဆုံးမီ လင်းယွီက နှာခေါင်းရှုံ့လိုက်သည်။</p> <p>"နတ်သမီးလင်း......... နင်က အရမ်းကို ရိုးလွန်းနေပြီ။ ရှောင်ရိမှာ အခု အသိစိတ် ရှိနေဦးတော့၊ သူ ဘယ်လောက်အထိ ထိန်းထားနိုင်မှာလဲ။</p> <p>ဒါ့အပြင် သူက တိုက်ခိုက်မခံရဘဲနဲ့ ဒီလို ဖြစ်သွားတာလေ။ ဒါက ပိုပြီး ကြောက်စရာမကောင်းဘူးလား။ ခဏနေရင် ငါတို့အားလုံးကော အဲဒီလို ဖြစ်ကုန်မှာလား"</p> <p>လင်းယွီ၏ စကားမှာ မိုးကြိုးပစ်လိုက်သည့်အလား လူတိုင်း၏ နားထဲတွင် ဟိန်းထွက်သွားသည်။ အားလုံး တုန်လှုပ်သွားကြပြီး ရင်ထဲတွင် အရိပ်မည်းကြီးတစ်ခု ကျရောက်လာသည်။</p> <p>ခိုင်မာသော စိတ်ဓာတ်ရှိသည့် ပါရမီရှင်များပင်လျှင် သူတို့ကိုယ်တိုင် သွေးဆာပြီး အသိစိတ်မဲ့သော မိစ္ဆာများ ဖြစ်သွားမည်ကို တွေးမိသောအခါ ကြောက်ရွံ့လာကြသည်။</p> <p>ထိတ်လန့်မှုများမှာ လူအုပ်ထဲတွင် ကူးစက်ရောဂါအလား တိတ်တဆိတ် ပျံ့နှံ့သွားသည်။ အချို့ကလည်း ၎င်းမှာ သတ္ထုတွင်းဂူထဲရှိ မြူခိုးကြောင့်လား သို့မဟုတ် ထူးဆန်းသော သတ္ထုရိုင်းတစ်ခုခုကြောင့်လားဟု တိုးတိုးလေး ခန့်မှန်းနေကြသည်။</p> <p>အမျိုးမျိုးသော ခန့်မှန်းချက်များ ထွက်ပေါ်လာသော်လည်း မည်သူကမျှ အဖြေမှန်ကို မပေးနိုင်ချေ။ ဤအမည်မသိ ကြောက်ရွံ့မှုက လူတိုင်းကို တုန်လှုပ်စေသည်။</p> <p>လင်းချင်းယဲမှာ လူတိုင်းကို လေးနက်သော အမူအရာဖြင့် ကြည့်လိုက်သည်။</p> <p>"အားလုံးပဲ......... ဒီသတ္ထုတွင်းထဲက အပြောင်းအလဲတွေက ငါတို့ ထိန်းချုပ်နိုင်တဲ့ အဆင့်မှာ မရှိတော့ဘူး။ ငါ့အမြင်တော့ မူလလမ်းအတိုင်း ချက်ချင်း နောက်ဆုတ်ပြီး ကြုံတွေ့ခဲ့ရတဲ့ ထူးဆန်းမှုတွေကို အကြီးအကဲတွေဆီ သတင်းပို့သင့်တယ်။ ပြီးမှ ဂိုဏ်းအသီးသီးက အကြီးအကဲတွေ ဆုံးဖြတ်ပါစေ"</p> <p>လင်းယွီကလည်း သဘောတူဟန်ဖြင့် ခေါင်းညိတ်သည်။ "နတ်သမီးလင်း ပြောတာ မှန်တယ်။ ငါတို့ ဒီသတ္ထုတွင်းအကြောင်း သိတာ နည်းလွန်းတယ်။ ဇွတ်တိုးသွားရင် အန္တရာယ်ပဲ များလိမ့်မယ်"</p> <p>"ဒါပေမဲ့ အန္တရာယ်တွေ့လို့ နောက်ဆုတ်ရမယ်ဆိုတာ ငါတို့ ကျင့်ကြံသူတွေ လုပ်ရမယ့်အလုပ် မဟုတ်ဘူး" မုရွှယ်ယန်ကမူ သဘောထား ကွဲလွဲနေသည်။</p> <p>"မမေ့နဲ့ဦး၊ အန္တရာယ်ရှိတဲ့နေရာမှာ ကံကောင်းမှုလည်း ရှိနေတတ်တာပဲ။ အခက်အခဲတွေကို ရင်ဆိုင်ကျော်ဖြတ်နိုင်မှသာ ကျင့်ကြံသူတစ်ယောက်ရဲ့ စွမ်းရည်အစစ်အမှန်ကို ပြနိုင်မှာလေ"</p> <p>"ဒီနေရာက အန္တရာယ်ရှိတာ မှန်ပေမဲ့ ဒီအတိုင်း ပြန်လှည့်သွားရတာကတော့ ငါ့အတွက် အလွန် ရင်လေးစရာပဲ"</p> <p> </p> <p style="text-align: center;">***</p> <p> </p>


Save