Book List

<h2 style="text-align: center;">အခန်း (၂၁၆)</h2> <h2 style="text-align: center;">မိစ္ဆာဖြစ်ရခြင်း၏ အကြောင်းရင်း</h2> <h2 style="text-align: center;">*</h2> <p> </p> <p>လီဖော်တျန်း၏ အတွေးများကို ကြားလိုက်ရသောအခါ မုန့်ဝမ်က ကျေနပ်စွာ ပြုံးလိုက်ပြီး "အကြောင်းရင်းကို သိချင်တာလား။ အဲဒါက တကယ်တော့ ရိုးရိုးလေးပါ"</p> <p>သူမ၏ အကြည့်က ထိုနေရာရှိ လူတိုင်းကို ဝေ့ကြည့်လိုက်ရာ သူမ၏ မျက်ဝန်းထဲတွင် လှောင်ပြောင်လိုသော အရိပ်အယောင်များ ပြည့်နှက်နေသည်။</p> <p>"နင်တို့တွေ ဒဏ်ရာရတာနဲ့ မိစ္ဆာအဖြစ် ပြောင်းလဲသွားလိမ့်မယ်။ ဒဏ်ရာက ပြင်းထန်လေလေ၊ သွေးထွက်တာ များလေလေ၊ မိစ္ဆာအဖြစ် ပြောင်းလဲတဲ့နှုန်းက ပိုမြန်လေလေပဲ။</p> <p>ဒါကြောင့် နင်တို့တွေ မိစ္ဆာမဖြစ်ချင်ဘူးဆိုရင်တော့... ဘယ်တော့မှ၊ ဘယ်တော့မှ ဒဏ်ရာ အရမခံကြနဲ့"</p> <p>မုန့်ဝမ်၏ စကားကို ကြားလိုက်ရသောအခါ အားလုံး မှင်သက်သွားကြသည်။ ဒဏ်ရာရတာနဲ့ မိစ္ဆာဖြစ်သွားတယ် ဟုတ်လား....... ဒါက တကယ်ကို ယုံကြည်ရခက်လွန်းလှသည်။</p> <p>"နတ်သားတော် မုန့်......... မင်း ငါတို့ကို လှည့်စားနေတာတော့ မဟုတ်ဘူးမလား"</p> <p>လီရွှမ်ရိက အေးစက်စွာ မေးလိုက်ပြီး သူ၏မျက်ဝန်းထဲတွင် မယုံကြည်မှုများ သိသိသာသာ ပေါ်လွင်နေသည်။ အခြားသူများကလည်း ဝိုင်းပြောကြသည်။</p> <p>"အနည်းဆုံးတော့ ယုံကြည်လောက်တဲ့ အကြောင်းပြချက်မျိုး ပေးသင့်တာပေါ့။ ဒီလိုစကားမျိုးကို ဘယ်သူက ယုံမှာလဲ"</p> <p>"ယုံတာ မယုံတာက နင်တို့ အပိုင်းပဲ"</p> <p>မုန့်ဝမ်က တစ်ချက် နှာခေါင်းရှုံ့လိုက်ပြီး ထပ်မံ ရှင်းပြမနေတော့ချေ။ "ငါက စေတနာနဲ့ သတိပေးရုံတင်ပါ။ နင်တို့ကမှ အသိအမှတ်မပြုတာဆိုတော့လည်း ထားလိုက်တော့"</p> <p>စကားအဆုံးတွင် သူမသည် ရွှမ်ကျီ၊ ချင်းယွီနှင့် မိစ္ဆာအသွင်ပြောင်းနေသော လီဖော်တျန်းတို့ကို ခေါ်ဆောင်ကာ ထွက်ခွာရန် ပြင်လိုက်သည်။</p> <p>"ရပ်လိုက်စမ်း......."</p> <p>လီရွှမ်ရိက ခက်ထန်စွာ အော်ဟစ်လိုက်သည်။ "နင် အဲဒီမိစ္ဆာကို ခေါ်သွားလို့မရဘူး။ ဒီနေ့ ဖြစ်ပျက်ခဲ့တာတွေအတွက် ငါတို့ကို ရှင်းပြချက်တစ်ခု ပေးရမယ်......."</p> <p>မုန့်ဝမ်က မျက်ခုံးပင့်လိုက်ပြီး မောက်မာသောလေသံဖြင့် ပြန်ပြောသည်။</p> <p>"ရှင်းပြချက်....... ငါက ဘာကို ရှင်းပြရမှာလဲ။ နင် ငါ့လမ်းကို ထပ်ပိတ်မယ်ဆိုရင် လီဖော်တျန်းကို လွှတ်ပြီး လူကိုက်ခိုင်းလိုက်ရုံတင်မကဘူး၊ နင်တို့ကိုပါ လမ်းဆုံးအောင် အစောကြီး ပို့ပေးလိုက်မယ်......."</p> <p>၎င်းကို ကြားသောအခါ လီရွှမ်ရိနှင့် အခြားသူများ၏ မျက်နှာမှာ ပျက်ယွင်းသွားသည်။</p> <p>အကယ်၍ သူတို့သည် မိစ္ဆာတစ်ကောင်တည်းကိုသာ ရင်ဆိုင်ရမည်ဆိုပါက ဒဏ်ရာမရအောင် ထိန်းချုပ်နိုင်မည်ဟု ယုံကြည်ချက် ရှိသော်လည်း မုန့်ဝမ်၊ ချင်းယွီနှင့် ရွှမ်ကျီတို့ပါ ပေါင်းလိုက်ပါကမူ သူတို့တွင် အနိုင်ရရန် အခွင့်အရေး လုံးဝ မရှိချေ။</p> <p>အကယ်၍ မုန့်ဝမ် ပြောသကဲ့သို့ ဒဏ်ရာရရုံနှင့် မိစ္ဆာဖြစ်သွားမည်ဆိုပါက ဇွတ်တိုးခြင်းက ကိုယ့်ကိုယ်ကိုယ် သတ်သေခြင်းနှင့် အတူတူပင် မဟုတ်ပါလား။</p> <p>ထိုအတွေးကြောင့် လူတိုင်း၏ မျက်နှာများမှာ အကျည်းတန်သွားပြီး တိတ်ဆိတ်သွားကြသည်။</p> <p>၎င်းကို မြင်သောအခါ မုန့်ဝမ်မှာ ပြုံးလိုက်ပြီး ရွှမ်ကျီ၊ ချင်းယွီနှင့် လီဖော်တျန်းတို့ကို ခေါ်ကာ ထွက်ခွာသွားသည်။</p> <p>လီရွှမ်ရိနှင့် အခြားသူများမှာမူ မကျေနပ်သော်လည်း မုန့်ဝမ်တို့အဖွဲ့ ထွက်သွားသည်ကို ကြည့်နေရုံမှတစ်ပါး အခြားမရှိချေ။</p> <p>မုန့်ဝမ်တို့ ထွက်သွားပြီးနောက် ကျန်ရစ်သူများမှာ အုပ်စုနှစ်စု ကွဲသွားသည်။</p> <p>လင်းချင်းယွဲ့က အကြီးအကဲများထံ သတင်းပို့ရန် ချက်ချင်း ပြန်လှည့်သွားချင်သော်လည်း သခင်လေးကျွယ်နှင့် မုရွှယ်ယန်တို့ကမူ ဆက်လက် ရှာဖွေရန် ဆုံးဖြတ်ကြသည်။</p> <p>သူတို့၏ ရည်ရွယ်ချက်မှာ သတ္ထုတွင်း၏ အနက်ပိုင်းမှ ကံကောင်းမှု ကို ရှာရန်ဖြစ်ရာ ယခုမှ စတင်ရုံရှိသေးသဖြင့် အလွယ်တကူ လက်မလျှော့လိုကြချေ။</p> <p>နှစ်ဖက်စလုံး ညှိနှိုင်းမရသဖြင့် နောက်ဆုံးတွင် လမ်းခွဲလိုက်ကြသည်။</p> <p>လင်းချင်းယဲ့နှင့် လီရွှမ်ရိတို့က ပြန်လှည့်သွားကြပြီး သခင်လေးကျွယ်၊ လင်းယွီနှင့် မုရွှယ်ယန်တို့ကမူ မုန့်ဝမ်တို့ သွားရာဘက်သို့ ဆက်လက် ချီတက်ကြသည်။</p> <p>"ဂျူနီယာညီမလေးမုန့်........." ချင်းယွီက နောက်ဘက်မှ အမည်းရောင်မြူထုကို လှည့်ကြည့်ရင်း မေးလိုက်သည်။ "ငါတို့ ဟိုလူတွေနောက်ကို ဆက်လိုက်နေရဦးမှာလား"</p> <p>"မလိုတော့ဘူး" မုန့်ဝမ်၏ အကြည့်က လီဖော်တျန်းထံ ကျရောက်သွားပြီး မေးစေ့ကို အသာပင့်ပြလိုက်သည်။</p> <p>"ရှေ့က လမ်းပြပေးမယ့် အဆင်သင့် လူတစ်ယောက် ရှိနေတာပဲ၊ အသုံးမချရင် နှမြောစရာကြီး"</p> <p>လီဖော်တျန်းမှာ ထိတ်လန့်သွားပြီး မသွားနိုင်ကြောင်း ငြင်းဆန်သည့်အနေဖြင့် ခေါင်းယမ်းပြသည်။ လမ်းပြခြင်းဆိုသည်မှာ နားထောင်ကောင်းအောင် ပြောခြင်းသာ ဖြစ်သည်၊ အမှန်တကယ်မှာမူ "အသေခံ" ခိုင်းခြင်းပင် ဖြစ်၏။</p> <p>"ဒါက နင့်သဘောနဲ့ ဆိုင်တာ မဟုတ်ဘူး......." မုန့်ဝမ်က အေးအေးလူလူပင် ဆိုသည်။ "နင်က မလိုက်ချင်ဘူးဆိုရင် ငါတို့ သုံးယောက်က နင် သဘောတူတဲ့အထိ ဝိုင်းတိုက်ကြရုံပေါ့"</p> <p>လီဖော်တျန်း၏ အမူအရာ ပျက်ယွင်းသွားသည်။</p> <p>မိစ္ဆာဖြစ်သွားပြီးနောက် သူမ၏ စွမ်းအားက အဆမတန် တိုးလာသည်မှာ မှန်သော်လည်း သူမ၏ ခန္ဓာကိုယ်အတွင်းမှ သူမနှင့် မသက်ဆိုင်သော စွမ်းအားကို သုံးလိုက်သည်နှင့် သူမ၏ အသိစိတ်များ လျင်မြန်စွာ ပျောက်ကွယ်သွားပြီး လုံးဝ မိစ္ဆာစစ်စစ် ဖြစ်သွားမည်ကို သူမ ခံစားမိနေသည်။</p> <p>ထို့ကြောင့် လီဖော်တျန်းမှာ ရွေးချယ်စရာမရှိဘဲ လမ်းပြအဖြစ် အဖွဲ့၏ အရှေ့ဆုံးမှ လျှောက်လှမ်းပေးရတော့သည်။</p> <p>ထူးဆန်းသည်မှာ အစောပိုင်းက သူမသည် စိတ်လှုပ်ရှားလွန်းသဖြင့် သတိမထားမိသော်လည်း ယခု မိစ္ဆာဖြစ်သွားပြီးနောက် မြူခိုးများကြားတွင် အနည်းငယ် ပိုမြင်လာရခြင်းပင်။</p> <p>ဤတွေ့ရှိချက်ကြောင့် လီဖော်တျန်း၏ စိတ်ထဲတွင် အကြံတစ်ခု ပေါ်လာသည်။</p> <p>မုန့်ဝမ်က သူမကို တမင် မိစ္ဆာဖြစ်အောင် လုပ်ခဲ့ပြီး ချင်းယွီကလည်း သူမ၏ အကူအညီတောင်းသံကို လျစ်လျူရှုခဲ့သည်။ သူမက မိစ္ဆာဖြစ်နေရချိန်မှာ သူတို့က ဘာလို့ လူအဖြစ် နေနိုင်ရမှာလဲ.......</p> <p>သူမ ကလဲ့စားချေချင်သည်၊ သူတို့ကိုလည်း ဤလူမဆန်သော ဘဝမျိုး မြည်းစမ်းစေချင်သည်။ ရွှမ်ကျီသည်လည်း မုန့်ဝမ်၏ နောက်လိုက်ဖြစ်သဖြင့် လွတ်ငြိမ်းခွင့် မရှိပေ.......</p> <p>လီဖော်တျန်းသည် အန္တရာယ်ကို သေချာစစ်ဆေးနေဟန် ဆောင်ရင်း အခြားမိစ္ဆာများ၏ အစအနကို ရှာဖွေရန် မျက်လုံးကို အတင်းပြူးကြည့်နေတော့သည်။</p> <p>သူမသည် အတွေးနှင့်တင် ပြုံးလိုက်မိသည်၊ မုန့်ဝမ်တို့ သုံးယောက် မိစ္ဆာများ ဝိုင်းဝန်းခြင်းခံရပြီး အပိုင်းပိုင်း ပြတ်သွားမည့်ပုံကို မြင်ယောင်နေမိသည်။</p> <p>သို့သော် သူမ မသိသည်မှာ မုန့်ဝမ်သည် နှလုံးစားပိုး (Heart-Corroding Worm) ဖြင့် သူမ၏ အတွေးများကို အကုန်ကြားနေရသည် ဆိုသည်ကိုပင်။</p> <p>မုန့်ဝမ်၏ နှုတ်ခမ်းတွင် အေးစက်သော အပြုံးတစ်ခု ပေါ်လာသည်။ ဤလီဖော်တျန်းကတော့ အုတ်ဂူမြင်မှ မျက်ရည်ကျမည့်ပုံပင်။ ကောင်းပြီလေ၊ သူက သေချင်နေမှတော့ ကူညီပေးရတာပေါ့။</p> <p>အဖွဲ့သားများ အနက်ပိုင်းသို့ ဆက်လက် တိုးဝင်လာသည်နှင့်အမျှ မြူခိုးများမှာ ပိုမို ထူထပ်လာပြီး မြင်ကွင်းမှာ ပို၍ ဝေဝါးလာကာ လေထုမှာလည်း အေးစက်စိုစွတ်လာသည်။</p> <p>လီဖော်တျန်းက သတိထားနေဟန်ဖြင့် အရှိန်ကို တမင် လျှော့လိုက်သော်လည်း အမှန်တကယ်မှာမူ အခွင့်အရေးကို စောင့်နေခြင်း ဖြစ်သည်။</p> <p>နောက်ဆုံးတွင် အမည်းရောင်မြူထုကြား၌ လှုပ်ရှားနေသော ဝေဝါးသည့် အရိပ်မည်းတစ်ခုကို သူမ မြင်လိုက်ရသည်။</p> <p>လီဖော်တျန်းသည် ရင်ထဲမှ စိတ်လှုပ်ရှားမှုကို ထိန်းချုပ်ကာ ဘာမှမမြင်သည့်အလား ထိုအရိပ်မည်းရှိရာသို့ အဖွဲ့ကို ဦးဆောင်ခေါ်သွားသည်။</p> <p>ထိုအရိပ်မည်းမှာလည်း တစ်ခုခုကို သိရှိသွားပုံရပြီး အဖွဲ့သားများရှိရာသို့ အရှိန်အဟုန်ဖြင့် ပြေးဝင်လာတော့သည်။</p> <p>ထိုအရိပ်မည်းသည် အဖွဲ့နှင့် ဆယ်လံ အကွာသို့ ရောက်ရှိလာသောအခါမှ လီဖော်တျန်းက အမွှေးရှည်မိစ္ဆာတစ်ကောင် သူတို့ကို ပစ်မှတ်ထားနေပြီဖြစ်ကြောင်း မုန့်ဝမ်တို့ကို သတိပေးသည့်အနေဖြင့် အော်ဟစ်လိုက်သည်။</p> <p>မုန့်ဝမ်မှာမူ သွေးစက်ဝန်းမျက်လုံးနှင့် နှလုံးစားပိုးကောင်ကို အသုံးချကာ လီဖော်တျန်း၏ လှည့်ကွက်ကို ကြိုမြင်နေခဲ့ပြီးသားပင်။</p> <p>သူမက အခွင့်ကောင်းယူ ထွက်ပြေးချင်နေသည်ကို သိသဖြင့် မုန့်ဝမ်သည် သွေးပင်လယ် ပုံရိပ်ယောင်ကို ချက်ချင်း အသက်သွင်းလိုက်ပြီး မိစ္ဆာ၏ အာရုံခံစားမှုကို ဝင်ရောက်နှောင့်ယှက်လိုက်သည်။</p> <p>ထို့ကြောင့် လီဖော်တျန်း၏ အမြင်တွင် မုန့်ဝမ်တို့ကို ဦးတည်နေသော မိစ္ဆာမှာ ဘာကြောင့်မှန်းမသိဘဲ ရုတ်တရက် လှည့်လာပြီး သူမအပေါ်သို့ ခုန်အုပ်လာတော့သည်။</p> <p>တောက်.......</p> <p>လီဖော်တျန်းမှာ ဘာမှားသွားလဲဆိုတာ နားမလည်သော်လည်း အံကြိတ်ကာ ထိုမိစ္ဆာကို ပြန်လည် တိုက်ခိုက်ရတော့သည်။ မိစ္ဆာ၏ လက်သည်းများက လေထုကို ဖြတ်သန်းကာ အေးစက်သော အလင်းတန်းများ ထွက်ပေါ်နေသည်။</p> <p>လီဖော်တျန်းသည် အသည်းအသန် ခုခံနေရသော်လည်း သူမ၏ ခန္ဓာကိုယ် စွမ်းအားထက် ကျော်လွန်သော အင်အားကို သုံးရန် မဝံ့ရဲချေ။ ဆန့်ကျင်ဘက်အားဖြင့် ထိုမိစ္ဆာမှာမူ မည်သည့် ကန့်သတ်ချက်မျှ မရှိဘဲ ကြမ်းတမ်းသော သတ်ဖြတ်လိုစိတ်များဖြင့် ရူးသွပ်နေသည်။</p> <p>မုန့်ဝမ်သည် ဘေးတွင် ငြိမ်သက်စွာ ရပ်ကြည့်ရင်း လီဖော်တျန်းနှင့် အခြားမိစ္ဆာတို့၏ ခြားနားချက်ကို သွေးစက်ဝန်းမျက်လုံးဖြင့် သေချာလေ့လာနေသည်။ ထို့နောက် နှလုံးစားပိုးကို အသုံးချကာ ထိုမိစ္ဆာ၏ အတွေးများကို နားထောင်ရန် ကြိုးစားလိုက်သော်လည်း ဘာမျှမကြားရချေ။ ထိုမိစ္ဆာတွင် မည်သည့် အတွေးမျှ မရှိတော့ဘဲ ကျင့်ကြံသူတစ်ယောက်မှ မိစ္ဆာစစ်စစ်အဖြစ် လုံးဝ ပြောင်းလဲသွားပြီ ဖြစ်သည်။</p> <p>ပြင်းထန်သော တိုက်ပွဲအပြီးတွင် လီဖော်တျန်းသည် ထိုမိစ္ဆာကို နောက်ဆုံး၌ သတ်ပစ်နိုင်ခဲ့သည်။ သူမသည် အမောတကော အသက်ရှူရင်း မုန့်ဝမ်ကို သတိကြီးစွာဖြင့် စိုက်ကြည့်လိုက်မိသည်။</p> <p>မုန့်ဝမ်သည် ပုံရိပ်ယောင်အတတ်တွင် ကျွမ်းကျင်သူဖြစ်ရာ မိစ္ဆာက သူမကို ပစ်မှတ်မထားဘဲ မိမိကို ပြန်တိုက်ခိုက်ခြင်းမှာ မုန့်ဝမ်၏ လက်ချက်ဖြစ်နိုင်ကြောင်း နောက်ကျမှ သတိပြုမိသွားခြင်းပင်။</p> <p>သို့သော် ဤကိစ္စတွင် သူမကိုယ်တိုင်က အစကတည်းက အမှားလုပ်ခဲ့သူဖြစ်ရာ လီဖော်တျန်းသည် မကျေမနပ်ဖြစ်သော်လည်း ထပ်မံ စကားမပြောရဲဘဲ ကြိတ်မှိတ် သည်းခံလိုက်ရတော့သည်။</p> <p>မိစ္ဆာကို ရှင်းလင်းပြီးနောက် အဖွဲ့သားများ ဆက်လက် ထွက်ခွာရန် ပြင်လိုက်ကြသည်။ သို့သော် ထိုအချိန်တွင် လီဖော်တျန်းသည် ရုတ်တရက် ရင်တုန်သွားရသည်။ မြူခိုးများ၏ အနက်ပိုင်းမှ တစ်စုံတစ်ရာသော စွမ်းအားက သူမကို လှမ်းခေါ်နေသကဲ့သို့ပင်။</p> <p> </p> <p style="text-align: center;">***</p> <p> </p>


Save