Book List

<h2 style="text-align: center;">အခန်း (၁၅၄)</h2> <h2 style="text-align: center;">လက်မှတ်ထိုးပြီးတာနဲ့ စာချုပ်ကို ချက်ချင်း ဖြဲပစ်လိုက်တာလား</h2> <h2 style="text-align: center;">*</h2> <p style="text-align:justify"> </p> <p style="text-align:justify">ဝါးမျှော်စင်ထဲတွင် ယွီလီက အဓိပ္ပာယ်မရှိသည့် စကားများကို ဂရုမစိုက်ဘဲ သူမ၏ ဖြူဝင်းသော လက်ကို ညင်သာစွာ မြှောက်လိုက်သည်။</p> <p style="text-align:justify">ဝါးလုံးတစ်ခုက ရုတ်တရက် ပေါ်လာပြီး ရှေ့သို့ ရိုက်ချလိုက်ရာ ဟင်းလင်းပြင်ကို ပြိုကျသွားစေ၏။</p> <p style="text-align:justify">သူမက မိစ္ဆာဘုရင်တစ်ပါး ဖြစ်လာခဲ့ပြီဖြစ်ရာ ဤဝါးလုံးကလည်း ဝိညာဉ်ရတနာတစ်ခုနှင့် နီးစပ်လာခဲ့ပြီ ဖြစ်သည်။ ကွေ့ယွမ်ဇီသာကဲ့သို့ပင် ဤဝါးလုံးက သူမ၏ ကိုယ်ပိုင် မိစ္ဆာရတနာ မဟုတ်သော်လည်း သူမ၏ မူလအသွင်သဏ္ဌာန်မှ မြစ်ဖျားခံလာခြင်း ဖြစ်၏။</p> <p style="text-align:justify">သူတို့၏ စိတ်များက ဆက်သွယ်နေပြီး ကြီးမားသော စွမ်းအားဖြင့် သူမ အလိုရှိသလို အသုံးပြုနိုင်ပေသည်။ မြေမှုန့်အဖြစ် လုံးဝ အကြိတ်မခံရသရွေ့ ဝါးလုံးက အကြိမ်ကြိမ် ပြန်လည် ရှင်သန်နိုင်စွမ်း ရှိသည်။</p> <p style="text-align:justify">မြစိမ်းရောင် ဝါးလုံးက နီရဲသော ဓမ္မဓားနှင့် အကြိတ်အနယ် ထိပ်တိုက်တွေ့သွား၏။</p> <p style="text-align:justify">ဟင်းလင်းပြင်က လှုပ်ခတ်သွားပြီး ကောင်းကင်ကို ဖောက်ထွင်းသွားသော ဓားအလင်းတန်းကို ချေမွပစ်လိုက်ရာ ညကောင်းကင်ယံတွင် အစိမ်းနှင့် အနီရောင်များ ပြည့်နှံ့သွားသည်။</p> <p style="text-align:justify">ယွီလီ၏ ကျောက်စိမ်းကဲ့သို့ ဖြူဝင်းသော ခြေဖဝါးများက အနည်းငယ် လှုပ်ရှားသွားပြီး လေထဲတွင် ချက်ချင်း ပေါ်လာ၏။</p> <p style="text-align:justify">မဟာမိစ္ဆာသခင် လေးပါးက ဝါးမျှော်စင်ထဲမှ လိုက်ထွက်လာကြပြီး လူသားမျိုးနွယ်စုကလည်း အနောက်မှ ကပ်လျက် လိုက်ပါလာကြသည်။</p> <p style="text-align:justify">ကောင်းကင်ယံတွင် နီရဲသော ဓမ္မဓားက နောက်ပြန်လွင့်သွားပြီး သူ၏ ကျောပေါ်ရှိ ဓားသေတ္တာထဲသို့ ပြန်လည် ကျရောက်သွား၏။ တာအိုဝတ်ရုံများက လွင့်ဝဲနေပြီး တောင့်တင်းခိုင်မာသော ခန္ဓာကိုယ်နှင့် တာအိုဘုန်းကြီးအိုကြီး တစ်ပါး ပေါ်လာသည်။ သူ၏ ဆံပင်နှင့် မုတ်ဆိတ်များက နီရဲနေပြီး မျက်လုံးများက ဒေါသကြောင့် ပြူးကျယ်နေ၏။</p> <p style="text-align:justify">ထိုဓားသေတ္တာကို မြင်လိုက်ရသည်နှင့် ရောက်လာသော ရန်သူ၏ မည်သူမည်ဝါဖြစ်ကြောင်းက ရှင်းလင်းသွားပြီ ဖြစ်သည်။</p> <p style="text-align:justify">ယွီလီက စိတ်ထဲတွင် နားလည်သွားပြီး စကားတစ်ခွန်းမှ မဆိုဘဲ တည့်တည့် ပျံတက်သွား၏။</p> <p style="text-align:justify">သူမ၏ နယ်ပယ်ကို ခိုင်မာအောင် လုပ်ပြီးကတည်းက သူမ၏ လက်များက ယားယံနေခဲ့ပြီး အဆင့်တူ ပြိုင်ဘက်တစ်ဦးနှင့် သေသေချာချာ တိုက်ခိုက်ချင်နေခဲ့ခြင်း ဖြစ်သည်။ သို့သော်လည်း မိစ္ဆာဘုရင်တစ်ပါး၏ အဆင့်အတန်းက မဟာမိစ္ဆာတစ်ကောင်နှင့် ကွာခြားလွန်းလှ၏။ အတိုင်းအတာ တစ်ခုအထိ သူမက ဗဟိုနယ်မြေ မိစ္ဆာမျိုးနွယ်စုကို ကိုယ်စားပြုနေပြီ ဖြစ်ရာ စစ်ပွဲတစ်ခုကို အလွယ်တကူ စတင်၍ မရနိုင်ပေ။</p> <p style="text-align:justify">သူမရှေ့မှ ဤလူယုတ်မာအိုကြီးက အချိန်ကိုက် ရောက်လာခြင်းပင် ဖြစ်၏။</p> <p style="text-align:justify">ဓားနတ်ဘုရား ဟန်ကွမ်က မူလက မိစ္ဆာဘုရင်ကို ပြစ်တင်ရှုတ်ချရန် ရည်ရွယ်ထားသော်လည်း မိစ္ဆာက တိုက်ရိုက် ဝင်ရောက်တိုက်ခိုက်လာသည်ကို မြင်သောအခါ သူက ပေါ့ပေါ့ဆဆ မနေရဲတော့ဘဲ စိန်ခေါ်မှုကို ချက်ချင်း ရင်ဆိုင်လိုက်သည်။</p> <p style="text-align:justify">သူ၏ လက်မောင်းများကို ဝှေ့ယမ်းလိုက်ရာ ဓားလက်ချောင်းများက နက်နဲဆန်းကြယ်သော လမ်းကြောင်းတစ်ခုကို ရေးဆွဲလိုက်၏။ ဓားသေတ္တာက တဝီဝီ မြည်လာပြီး ဓမ္မဓား ရာပေါင်းများစွာက ဒေါင်းမြီးဖြန့်သကဲ့သို့ အစီအရီ ထွက်ပေါ်လာကာ ကောင်းကင်ကြီးကို ဖုံးလွှမ်းသွားသည်။</p> <p style="text-align:justify">“သွားစမ်း”</p> <p style="text-align:justify">ဓားတစ်ထောင်က ထန်းခနဲ မြည်သံနှင့်အတူ ဒေါင်လိုက်မှ အလျားလိုက်သို့ ပြောင်းလဲသွားပြီး မြှားတစ်သောင်းကဲ့သို့ ပစ်ထွက်သွား၏။</p> <p style="text-align:justify">သူတို့က လေထဲတွင် အဆက်မပြတ် ပေါင်းစပ်သွားကြပြီး ပေတစ်ထောင်ခန့်ရှိသော ဓားကြီးတစ်လက်အဖြစ် စုစည်းသွားကြသည်။ ကောင်းကင်ကို ဖောက်ထွင်းသွားသော ဓားအလင်းတန်းက ယွီတောင်တန်း၏ ထက်ဝက်ခန့်ကိုပင် ဖြိုချပစ်လုနီးပါး ဖြစ်သွား၏။</p> <p style="text-align:justify">မဟာမိစ္ဆာသခင် အသီးသီးနှင့် လူသား သံတမန်အဖွဲ့တို့က ထိုမြင်ကွင်းကို ထိတ်လန့်တုန်လှုပ်စွာဖြင့် မြင်တွေ့လိုက်ရရုံသာမက တောင်အပြင်ဘက်တွင် စောင့်ဆိုင်းနေသော လူသားစစ်တပ်ကလည်း မြင်တွေ့လိုက်ရသည်။</p> <p style="text-align:justify">ခဏမျှ စဉ်းစားပြီးနောက် သံတမန်အဖွဲ့က တစ်ခုခု အမှားအယွင်း ဖြစ်မည်ကို စိုးရိမ်သဖြင့် ယွီတောင်တန်းထဲသို့ အလုံးအရင်းဖြင့် ဝင်ရောက်လာကြ၏။</p> <p style="text-align:justify">အစိမ်းရောင် ဝတ်ရုံများက တဖျပ်ဖျပ် လွင့်ဝဲနေပြီး အနက်ရောင် ဆံပင်များက လွင့်မျောနေကာ ယွီလီ၏ ရင်တွင်း၌ တိုက်ခိုက်လိုစိတ်များ ဆူပွက်နေပြီး သူမ၏ ဝါးလုံးကို ဝှေ့ယမ်းလိုက်သည်။</p> <p style="text-align:justify">ကောင်းကင်ကို ဖောက်ထွင်းသွားသော ဝါးလုံးကြီးတစ်ခုက လေခွင်းသံများနှင့်အတူ ဟင်းလင်းပြင်ကို ဖြတ်သန်းကာ ထွက်ပေါ်လာပြီး ကျောက်စိမ်းကဲ့သို့ မြစိမ်းရောင် အလင်းများ တောက်ပနေ၏။</p> <p style="text-align:justify">ဝါးလုံးနှင့် ဓားကြီးတို့ ပြင်းပြင်းထန်ထန် ထိပ်တိုက်တွေ့သွားကြသည်။ ဓားအလင်းတန်းနှင့် အစိမ်းရောင် အလင်းတန်းတို့က အားပြိုင်နေကြပြီး ညကောင်းကင်ယံတွင် ပင့်ကူအိမ်ကဲ့သို့ အက်ကွဲကြောင်းများစွာကို ဆွဲဖြဲပစ်လိုက်၏။ တိမ်ပင်လယ်ကြီးက ကောင်းကင်ကြီး အချိန်မရွေး ပြိုကျတော့မည့်အလား လှုပ်ခတ်လွင့်စင်သွားပြီး လမင်းကြီးက အရောင်မှိန်သွားကာ ကြယ်ရောင်များကလည်း မှေးမှိန်သွားသည်။</p> <p style="text-align:justify">ဓားသွားက ထက်မြက်ပြီး ဝါးခေါင်းက နက်ရှိုင်းလှ၏။</p> <p style="text-align:justify">ဓားအလင်းတန်းက ရွှံ့နွားတစ်ကောင် ပင်လယ်ထဲ ဝင်သွားသကဲ့သို့ ဝါးလုံးထဲသို့ ထိုးဖောက်ဝင်ရောက်သွားပြီး မည်သည့် အရိပ်အယောင်မျှ မကျန်ရစ်ဘဲ ပျောက်ကွယ်သွားကာ လှိုင်းတံပိုးလေး တစ်ချက်မျှပင် မဖြစ်ပေါ်စေခဲ့ပေ။</p> <p style="text-align:justify">တစ်ခုက သိုင်းကွက်တစ်သောင်းကို ချိုးဖျက်နိုင်သော ဓားစွမ်းရည်ဖြစ်ပြီး အခြားတစ်ခုက အရာအားလုံးကို ဝါးမျိုနိုင်သော စွမ်းရည် ဖြစ်သည်။</p> <p style="text-align:justify">တစ်ခုက နက်နဲသော ဓမ္မစွမ်းအားများနှင့် ရင့်ကျက်သော အတွေ့အကြုံများရှိသည့် အခြေတကျဖြစ်နေသော နတ်ဘုရားသခင် တစ်ပါးဖြစ်ပြီး အခြားတစ်ခုကတော့ ကြီးမားသော အလားအလာနှင့် ကြောက်မက်ဖွယ်ကောင်းသော တိုက်ခိုက်ရေးစွမ်းအားများရှိသည့် အသစ်တက်လှမ်းလာသော မိစ္ဆာဘုရင်တစ်ပါး ဖြစ်၏။</p> <p style="text-align:justify">လူသားနှင့် မိစ္ဆာတို့ ထိပ်တိုက်တွေ့ကြပြီး အကြိတ်အနယ် တိုက်ခိုက်နေကြကာ ခေတ္တမျှ အနိုင်အရှုံးကို ခွဲခြားရန် ခက်ခဲနေသည်။</p> <p style="text-align:justify">…</p> <p style="text-align:justify">ကျောင်းအုပ်ကြီး ဂျီမို၏ မျက်နှာက မှိုင်းညို့နေ၏။</p> <p style="text-align:justify">“ကြည့်ရတာ ဓားနတ်ဘုရားတောင်တန်းက လူယုတ်မာအိုကြီး ရောက်လာပြီထင်တယ်”</p> <p style="text-align:justify">ပုံမှန်အားဖြင့် ပြေပြစ်ယဉ်ကျေးလှသော ဤမိစ္ဆာမလေးက ယခုတော့ ခနဲ့တဲ့တဲ့နှင့် အဆိပ်ပြင်းလှပြီး ဓားနတ်ဘုရားတောင်တန်းအပေါ် အလွန်အမင်း မကျေမနပ် ဖြစ်နေကြောင်း သိသာလှ၏။</p> <p style="text-align:justify">မီးလျှံနီက မြေကြီးပေါ်သို့ တံတွေးထွေးချလိုက်သည်။</p> <p style="text-align:justify">“တကယ်ကို အရှက်မရှိတာပဲ”</p> <p style="text-align:justify">မိစ္ဆာသခင်မ ကျိုကွမ်းက ခေါင်းညိတ်လိုက်၏။</p> <p style="text-align:justify">“သူတို့ကို ထပ်ကျိန်ဆဲလိုက်ပါဦး”</p> <p style="text-align:justify">မီးလျှံနီ၏ စိတ်ဓာတ်က ချက်ချင်း တက်ကြွသွားသည်။ သူက အော်ဟစ်ဆဲရေးတော့မည့် အချိန်မှာပင် ဖူရှောင်ကွမ်းက သူ့ကို ဆွဲဖမ်းလိုက်ပြီး နားနားကပ်၍ တစ်စုံတစ်ခု တီးတိုး ပြောလိုက်၏။</p> <p style="text-align:justify">မီးလျှံနီ၏ မျက်လုံးများက ချက်ချင်း တောက်ပသွားသည်။ သူက အင်္ကျီလက်ကို ခါလိုက်ပြီး မေးစေ့ကို အနည်းငယ် မော့ကာ မထီမဲ့မြင်ပြုသည့် အကြည့်၊ ရွံရှာစက်ဆုပ်သည့် အမူအရာဖြင့် သူ၏ ပါးစပ်ကို ဟ၍ ကျိန်ဆဲလိုက်ရာ သူ၏ အသံက ခေါင်းလောင်းကြီးတစ်ခုကဲ့သို့ အလွန် ကျယ်လောင်လှ၏။</p> <p style="text-align:justify">“ဂုဏ်သိက္ခာရှိတဲ့ နတ်ဘုရားသခင်တဲ့လား... ထွီး”</p> <p style="text-align:justify">“ဂုဏ်သိက္ခာရှိတဲ့ ဓားနတ်ဘုရားတောင်တန်းတဲ့လား... ထွီး”</p> <p style="text-align:justify">“ဂုဏ်သိက္ခာရှိတဲ့ ဓားနတ်ဘုရားတောင်တန်းက ဘိုးဘေးကြီးတဲ့လား... ထွီး”</p> <p style="text-align:justify">“ဂုဏ်သိက္ခာရှိတဲ့ ဓားနတ်ဘုရား အရှင်သခင်ကြီးတဲ့လား... ထွီး”</p> <p style="text-align:justify">“ဂုဏ်သိက္ခာရှိတဲ့ လူသားမျိုးနွယ်စု ဓားနတ်ဘုရား မျိုးဆက်တဲ့လား... ထွီး”</p> <p style="text-align:justify">“ဂုဏ်သိက္ခာရှိတဲ့... ထွီး… ထွီး… ထွီး”</p> <p style="text-align:justify">လူသား သံတမန်အဖွဲ့က တုန်လှုပ်ချောက်ချားလျက် မီးလျှံနီကို ထူးဆန်းသော အမူအရာများဖြင့် ကြည့်လိုက်ကြပြီး အနည်းငယ် ကြောက်လန့်သွားကြသည်။</p> <p style="text-align:justify">ဤပေါ့တန်သော မိစ္ဆာသခင်က အော်ဟစ်ဆဲရေးရာတွင် ဤမျှလောက် ကြောက်စရာကောင်းလိမ့်မည်ဟု သူတို့ ဘယ်တုန်းကမှ မထင်ထားခဲ့ပေ။ ‘ထွီး’ ဟူသော စကားတစ်ခွန်းတည်းက မရေမတွက်နိုင်သော ရိုင်းစိုင်းသည့် စကားလုံးများထက် ပိုကောင်းနေပြီး အလွန်အမင်း ပြင်းထန်သော သေစေနိုင်စွမ်း ရှိ၏။</p> <p style="text-align:justify">ဓားနတ်ဘုရားတောင်တန်း၏ ဘိုးဘေးများနှင့် ပေါင်းစပ်လိုက်သောအခါ သူ၏ မထီမဲ့မြင်ပြုသော လေသံနှင့် ရွံရှာစက်ဆုပ်သည့် အမူအရာတို့က သေစေနိုင်စွမ်းကို အမြင့်ဆုံးသို့ ရောက်ရှိသွားစေကာ နားထောင်ရသည်မှာ မခံမရပ်နိုင်ဖြစ်ပြီး နှလုံးသားကို လုံးဝ ထိုးဖောက်သွားစေသည်။</p> <p style="text-align:justify">ပို၍ ကြောက်စရာကောင်းသည်မှာ သူတို့က တစ်ကြိမ်သာ ကြားလိုက်ရသော်လည်း ထိုစကားများကို မှတ်မိနေခြင်းပင် ဖြစ်၏။ ထိုစကားလုံးများက မိစ္ဆာဆန်သော အရည်အသွေးတစ်ခု ပါဝင်နေသကဲ့သို့ သူတို့၏ နားထဲတွင် အဆက်မပြတ် ပဲ့တင်ထပ်နေပြီး တစ်ချိန်လုံး နှင်ထုတ်၍ မရနိုင်အောင် ဖြစ်နေသည်။</p> <p style="text-align:justify">သံတမန်အဖွဲ့ဝင်များက သူ့ဘေးရှိ ငွေရောင်ဆံပင်နှင့် မိစ္ဆာသခင်ကို ချက်ချင်း လှမ်းကြည့်လိုက်ကြပြီး မနေနိုင်ဘဲ သတိထားလိုက်မိကြ၏။ မိစ္ဆာသခင် မီးလျှံနီကို ယခုလေးတင် အကြံပေးလိုက်သူမှာ သူဖြစ်ကြောင်း သူတို့ ရှင်းရှင်းလင်းလင်း မြင်တွေ့ခဲ့ရသည်။ သို့မဟုတ်ပါက ဤမျှလောက် ကြောက်စရာကောင်းသည့် အကျိုးသက်ရောက်မှုမျိုး ရရှိရန် ခက်ခဲပေလိမ့်မည်။</p> <p style="text-align:justify">ဆွေးနွေးပွဲအတွင်း သူပြောခဲ့သည့် စကားလုံးတိုင်းက အချက်ကျကျ ထိမှန်ခဲ့ပုံကို ပြန်လည်တွေးတောမိသောအခါ သူတို့က ပို၍ပင် စိုးရိမ်လာကြ၏။</p> <p style="text-align:justify">ကျန်းထျန်းမင်က ဤငွေရောင်ဆံပင်နှင့် မိစ္ဆာသခင်၏ အန္တရာယ်အဆင့်ကို မိစ္ဆာဘုရင်ပြီးလျှင် ဒုတိယအဆင့်အဖြစ် သတ်မှတ်လိုက်သည်။ အကယ်၍ အနာဂတ်တွင် သူနှင့် ဆက်ဆံရမည်ဆိုပါက သူတို့က အလွန်အမင်း သတိထားရပေမည်။</p> <p style="text-align:justify">နောက်တစ်ခဏတွင် ဖူရှောင်ကွမ်းက နှုတ်ခမ်းထောင့်ကို အနည်းငယ် ကွေးတက်၍ သူတို့ဘက်သို့ လှည့်ကြည့်လာသည်ကို မြင်လိုက်ရသောအခါ မျက်လုံးများအထိ မရောက်သော အပြုံးတစ်ခုကြောင့် လူသား သံတမန်အဖွဲ့၏ နှလုံးသားများက ရုတ်တရက် ဗုံတစ်လုံးကဲ့သို့ ခုန်ပေါက်သွားပြီး သူတို့၏ အာရုံကြောများက အလိုအလျောက် တင်းကျပ်သွား၏။</p> <p style="text-align:justify">“အားလုံးပဲ... ကျွန်တော်တို့ ယွီတောင်တန်းနဲ့ ဓားနတ်ဘုရားတောင်တန်းကြားက ရန်ငြိုးတွေအကြောင်း နားထောင်ချင်ကြလား”</p> <p style="text-align:justify">လူသား သံတမန်အဖွဲ့ ပြန်ဖြေသည်ကို မစောင့်ဘဲ ဖူရှောင်ကွမ်းက အကြီးအကဲလီရှု တောင်တန်းနက်များ အတွင်းသို့ ကျူးကျော်ဝင်ရောက်လာပြီး အမှားအမှန် မခွဲခြားဘဲ မိစ္ဆာဘုရင်ကို မည်သို့ တိုက်ခိုက်ခဲ့ကြောင်း သူ့ဖာသာ ပြောပြလိုက်သည်။</p> <p style="text-align:justify">သူက ပြောပြီးသွားသောအခါ အပြုံးတစ်ခုနှင့် မေးလိုက်၏။</p> <p style="text-align:justify">“အခု အကောင်ပေါက်လေး အရိုက်ခံရတော့ အကောင်ကြီး ရောက်လာပြီ… လူကြီးမင်းတို့ အနေနဲ့ ဘယ်လို လုပ်သင့်တယ်လို့ ထင်လဲ”</p> <p style="text-align:justify">ထိုသို့ပြောပြီးနောက် သူက ထပ်ဖြည့်ပြောလိုက်သည်။</p> <p style="text-align:justify">“မဟာမိတ် စာချုပ် လက်မှတ်ထိုးပြီးပြီးချင်း ဒီလိုကိစ္စမျိုး ဖြစ်လာတာက ကျုပ်ကို လူသားမျိုးနွယ်စုရဲ့ စရိုက်လက္ခဏာအပေါ် သံသယဝင်သွားစေတယ်”</p> <p style="text-align:justify">လူသား သံတမန်အဖွဲ့၏ တုံ့ပြန်မှုများက ကွဲပြားခြားနားကြ၏။</p> <p style="text-align:justify">အချို့၏ မျက်နှာများက ရေကဲ့သို့ နစ်မြုပ်သွားပြီး အချို့၏ မျက်ခုံးများက တင်းကျပ်စွာ တွန့်ချိုးသွားကာ အချို့ကတော့ စိုးရိမ်ပူပန်မှုများဖြင့် ပြည့်နှံ့နေကြသည်။</p> <p style="text-align:justify">အကြောင်းပြချက်များဖြင့် ငြင်းခုံချင်နေပြီး ဒေါသထွက်နေသူများလည်း ရှိသော်လည်း ဆုန့်ဝမ်ထောင်က သူတို့ကို ဟန့်တားလိုက်၏။</p> <p style="text-align:justify">သံတမန်အဖွဲ့၏ ခေါင်းဆောင်က ဖူရှောင်ကွမ်းကို တောင်းပန်လိုက်ပြီး သူ၏ ခန္ဓာကိုယ်တွင်းမှ ဟောက်ရန် ချီစွမ်းအင်များကို လှည့်ပတ်ကာ အသံနက်ကြီးဖြင့် အော်ဟစ်လိုက်သည်။</p> <p style="text-align:justify">“တာအိုဘုန်းကြီးက ဓားနတ်ဘုရားတောင်တန်းရဲ့ နတ်ဘုရားသခင် တစ်ပါးဖြစ်နေမှတော့ အရှင်သခင် လင်းရှောင်နဲ့ မိစ္ဆာမျိုးနွယ်စုကြားမှာ လက်မှတ်ရေးထိုးခဲ့တဲ့ တောင်တန်းနှစ်ခု စာချုပ်အကြောင်း သိထားသင့်တယ်… ဒီတစ်ကြိမ် ပဋိပက္ခကို ဖန်တီးလိုက်တဲ့အတွက် ဓားနတ်ဘုရားတောင်တန်းဆီ ပြဿနာတွေ ယူဆောင်လာပြီး ဂိုဏ်းကို ထိခိုက်မှာနဲ့ ဓားနတ်ဘုရားတောင်တန်းရော လူသားမျိုးနွယ်စုရဲ့ အပြစ်သည်ပါ ဖြစ်လာမှာကို မကြောက်ဘူးလား”</p> <p style="text-align:justify">…</p> <p style="text-align:justify">ဓားနတ်ဘုရား ဟန်ကွမ်က ဒေါသကြီးသူ ဖြစ်၏။</p> <p style="text-align:justify">မီးလျှံနီ၏ စကားများကြောင့် သူ အတော်လေး ဒေါသထွက်နေပြီ ဖြစ်သည်။</p> <p style="text-align:justify">အကယ်၍ သူသာ လက်မအားတာ မဟုတ်လျှင် ထိုလူယုတ်မာကောင်ကို ချက်ချင်း သတ်ပစ်ချင်နေမိ၏။</p> <p style="text-align:justify">ယခု အစိုးရအရာရှိ၏ မေးခွန်းထုတ်မှုကို ကြားလိုက်ရသောအခါ သူ စကားပြောရမည်ကို နားလည်သွားသည်။ ဝါးမိစ္ဆာမ၏ မုန်တိုင်းကဲ့သို့ တိုက်ခိုက်မှုများကို ရင်ဆိုင်နေရင်း သူက အသံနက်ကြီးဖြင့် ပြောလိုက်၏။</p> <p style="text-align:justify">“ဓားနတ်ဘုရားတောင်တန်းက ဒီလူအိုကြီး ကလဲ့စားချေချင်နေတာကို မကျေနပ်လို့ ငါ့နာမည်ကို ဖယ်ရှားပစ်ခဲ့ပြီးပြီ… ငါက ဓားနတ်ဘုရားတောင်တန်းက လူမဟုတ်တော့ဘူး… တောင်တန်းနှစ်ခု စာချုပ်နဲ့ ပတ်သက်ပြီးတော့ ဒီလူအိုကြီးက တပည့်အတွက် ကလဲ့စားချေပြီးသွားရင် ငါ့အပြစ်တွေအတွက် ကိုယ့်ကိုယ်ကိုယ် သတ်သေပြီး လူမျိုးစု နှစ်ခုစလုံးကို ရှင်းပြပေးမယ်”</p> <p style="text-align:justify">သူ စကားပြောနေစဉ်မှာပင် ယွီလီက အခွင့်အရေးတစ်ခုကို ရှာတွေ့သွားပြီး ဝါးလုံးဖြင့် တာအိုဘုန်းကြီးအိုကြီးကို အားကုန် လွှဲရိုက်လိုက်၏။</p> <p style="text-align:justify">ဤသည်က ဓားနတ်ဘုရား ဟန်ကွမ်ကို ဒေါသထွက်သွားစေသည်။ သူက အံကို တင်းတင်းကြိတ်လျက် ဓားသေတ္တာထဲမှ ဓားရှည်တစ်လက်ကို ထုတ်ယူလိုက်၏။ ဓားကိုယ်ထည်တစ်ခုလုံးက ရွှေနီရောင်ဖြစ်ပြီး တိမ်တိုက်ပုံစံများ ထွင်းထုထားကာ ရှေးကျသော ဒီဇိုင်းရှိသည်။ သုံးပေရှည်သော ဓားသွားပေါ်တွင် ရွှေရောင်နှင့် အနီရောင်တို့က ချောမွေ့စွာ ပေါင်းစပ်နေ၏။</p> <p style="text-align:justify">ဓားကို ဓားအိမ်ထဲမှ ဆွဲထုတ်လိုက်သည်နှင့် တစ်ပြိုင်နက် ကောင်းကင်ကြီးက အရောင်ပြောင်းသွားသည်။ တောက်ပသော နေမင်းကြီးက ကျယ်ပြန့်သော တိမ်ပင်လယ်ကြီးထဲမှ တဖြည်းဖြည်း ထွက်ပေါ်လာပြီး တိမ်လွှာများကို အရောင်ဆိုးကာ မနက်ခင်းနေရောင်ကို ရောင်ပြန်ဟပ်နေ၏။</p> <p style="text-align:justify">ယွီတောင်တန်း တစ်ခုလုံးက ချက်ချင်းပင် နေ့လယ်နေ့ခင်းကဲ့သို့ လင်းထိန်သွားသည်။</p> <p style="text-align:justify">ထိုဓားက ဓားနတ်ဘုရား ဟန်ကွမ် ဘိုးဘေးခန်းမထဲမှ ယူဆောင်လာခဲ့သော ကျောက်မင်ဓားပင် ဖြစ်၏။</p> <p style="text-align:justify">“ဝိညာဉ်ရတနာတစ်ခု”</p> <p style="text-align:justify">ထို့ပြင် သာမန် ဝိညာဉ်ရတနာတစ်ခု မဟုတ်ပေ။</p> <p style="text-align:justify">ယွီလီက မကြောက်ရွံ့သည့်အပြင် သူမ၏ မျက်နှာပေါ်တွင် စိတ်လှုပ်ရှားမှုများ ပေါ်လာ၏။</p> <p style="text-align:justify">သူမက လက်ဖြင့် အစိမ်းရောင် ဇာထီးကို ဖွင့်လိုက်သည်။ မိစ္ဆာနှင့် ထီးတို့က တစ်သားတည်း ဖြစ်သွားပြီး လည်ပတ်ကာ ဓားဆီသို့ တည့်တည့် ပျံတက်သွား၏။ လမ်းတစ်လျှောက်ရှိ ဟင်းလင်းပြင်က တစ်လွှာပြီးတစ်လွှာ ပြိုကျသွားပြီး မိစ္ဆာထီး၏ ရှေ့တွင် ဧရာမ ဟင်းလင်းပြင် ဝဲကတော့ကြီးတစ်ခု ပေါ်လာကာ အတွင်း၌ ခမ်းနားကြီးကျယ်သော ကမ္ဘာကြီးတစ်ခုက ဝိုးတဝါး လွင့်မျောနေသည်။</p> <p style="text-align:justify">ဤသည်က ကန်းသတ္တု သတ်ဖြတ်ခြင်း၊ အပျက်အစီးမရှိသော ခန္ဓာကိုယ်နှင့် ဟင်းလင်းပြင် ချိုးဖျက်ခြင်းဟူသော နတ်ဘုရားစွမ်းရည် သုံးခုကို ပေါင်းစပ်ပြီးနောက် သူမ ဖန်တီးခဲ့သည့် မဟာနတ်ဘုရားစွမ်းရည် ဖြစ်သော ဟင်းလင်းပြင်ကမ္ဘာပင် ဖြစ်၏။</p> <p style="text-align:justify">ထိုမဟာနတ်ဘုရားစွမ်းရည်က ပုံရိပ်ယောင် ကမ္ဘာတစ်ခုကို ဖန်တီးနိုင်သည်။ အကယ်၍ သူမက ကောင်းကင်ဘုံ ကိုးခုအထိ ကျင့်ကြံနိုင်မည်ဆိုပါက ကမ္ဘာကြီးက ပုံရိပ်ယောင်တစ်ဝက် အစစ်အမှန်တစ်ဝက် ဖြစ်လာပေလိမ့်မည်။</p> <p style="text-align:justify">ဤသည်က သူမ၏ မဟာနတ်ဘုရားစွမ်းရည်ကို ပထမဆုံးအကြိမ် အသုံးပြုခြင်းဖြစ်ပြီး ၎င်း၏ စွမ်းအားအတွက် မျှော်လင့်ချက်များစွာ ရှိနေ၏။</p> <p style="text-align:justify">ဝါးမျှော်စင်ထဲတွင်…</p> <p style="text-align:justify">ဆုန့်ဝမ်ထောင်၏ မျက်နှာက မည်းမှောင်နေသည်။ သူက မိစ္ဆာသခင် ရှောင်ကွမ်း၏ အသုံးချခြင်းကို ခံလိုက်ရကြောင်း သဘောပေါက်သွား၏။ သို့မဟုတ်ပါက ဓားနတ်ဘုရား ဟန်ကွမ်က ထိုဝါးလုံးရိုက်ချက်ကို ခံရမည် မဟုတ်ပေ။</p> <p style="text-align:justify">ဖူရှောင်ကွမ်းကို ကြည့်ရင်း သူက ပြောလိုက်သည်။</p> <p style="text-align:justify">“မိစ္ဆာသခင်လည်း ဓားနတ်ဘုရား ဟန်ကွမ်ရဲ့ စကားတွေကို ခုနက ကြားပြီးပြီပဲ… ဒီအရာရှိက အားနည်းပြီး မကူညီနိုင်ဘူး… နောက်ပြီး မဟာယွီ ဧကရာဇ်နန်းတော်က ယွီတောင်တန်း မိစ္ဆာမျိုးနွယ်စုနဲ့ လူသားမျိုးနွယ်စု ဂိုဏ်းတွေကြားက အငြင်းပွားမှုတွေမှာ ပါဝင်ပတ်သက်မှာ မဟုတ်ဘူးလို့ စာချုပ်ထဲမှာ ရှင်းရှင်းလင်းလင်း ရေးထားပြီးသားပါ”</p> <p style="text-align:justify">ဆုန့်ဝမ်ထောင်က ဤအချက်ကို ယခုလေးတင် ရှင်းလင်းထားခဲ့သည့်အတွက် ဝမ်းသာနေ၏။ မဟာယွီ မင်းဆက်က အဓိကအားဖြင့် ဗဟိုနယ်မြေရှိ လူသားများ၏ လုံခြုံရေးကို ကာကွယ်ပေးခြင်း ဖြစ်ပြီး သာမန်ပြည်သူများကို မထိခိုက်သရွေ့ မိစ္ဆာမျိုးနွယ်စုနှင့် ဂိုဏ်းများကို သူတို့ ဂရုစိုက်မည် မဟုတ်ပေ။</p> <p style="text-align:justify">ဖူရှောင်ကွမ်းက ပြန်ပြောလိုက်သည်။</p> <p style="text-align:justify">“ဒါက သဘာဝကျပါတယ်… ကျုပ်က လူသားမျိုးနွယ်စုရဲ့ စရိုက်လက္ခဏာကို သံသယဝင်တယ်ဆိုပြီး နောက်ပြောင်လိုက်တာပါ… သခင်ကြီးဆုန့်က တကယ် အလေးအနက်ထားပြီး ရှင်းပြဖို့ ဒီလောက်တောင် လောနေလိမ့်မယ်လို့ ဘယ်သူက ထင်မှာလဲ… အခုတော့ နားလည်မှုလွဲတာ ရှင်းသွားတာ ကောင်းပါတယ်…”</p> <p style="text-align:justify">“ဒါမှ ကျွန်တော်တို့ နှစ်ဖက်ကြားက သဟဇာတဖြစ်မှုကို မထိခိုက်မှာ… ကျုပ်တို့ ယွီတောင်တန်း မိစ္ဆာမျိုးနွယ်စုနဲ့ ဓားနတ်ဘုရားတောင်တန်းကြားက အငြင်းပွားမှုနဲ့ ပတ်သက်ပြီးတော့ ကျုပ်တို့ ယွီတောင်တန်းကပဲ သဘာဝကျကျ ဖြေရှင်းပါလိမ့်မယ်…”</p> <p style="text-align:justify">“တောင်အပြင်ဘက်မှာ စောင့်နေတဲ့ လူသားစစ်သည်တွေလည်း ဝင်လာလောက်ပြီ ထင်တယ်… ကျုပ် လိုက်မပို့တော့ဘူး… မလိုအပ်တဲ့ ပြဿနာတွေ မဖြစ်အောင် သခင်ကြီးဆုန့် အရင် ပြန်သွားပေးဖို့ အကူအညီတောင်းပါရစေ… ခင်ဗျားတို့လည်း စာချုပ်ကို လက်မှတ်ထိုးပြီးတာနဲ့ ချက်ချင်း ဖြဲပစ်လိုက်ချင်မှာ မဟုတ်ဘူးလို့ ကျုပ် ထင်ပါတယ်”</p> <p style="text-align:justify">ဆုန့်ဝမ်ထောင်မှာ ထိုစကားအားကြားလျှင် နှင်ထုတ်ခံလိုက်ရသလို ခံစားလိုက်ရ၏။</p> <p style="text-align:justify">အခုချိန်မှာတော့ ငါ တကယ် ထွက်မသွားချင်သေးဘူး…</p> <p style="text-align:justify">…</p> <p style="text-align: center;">***</p> <p style="text-align:justify"> </p>


Save