Book List

<h2 style="text-align: center;">အခန်း (၁၅၅)</h2> <h2 style="text-align: center;">အရှင်သခင်ကြီး ဝင်ရောက်တိုက်ခိုက်ခြင်း၊ ကောင်းကင်ဘုံကိုးခု တိမ်တိုက်ဓား</h2> <h2 style="text-align: center;">*</h2> <p style="text-align:justify"> </p> <p style="text-align:justify">ဘုန်း…</p> <p style="text-align:justify">သူတို့ စကားပြောနေစဉ်မှာပင် ကောင်းကင်ယံက လှုပ်ခတ်သွား၏။</p> <p style="text-align:justify">အစိမ်းရောင် ဇာထီးနှင့် ကျောက်မင်ဓားတို့ ထိပ်တိုက်တွေ့သွားကြသည်။</p> <p style="text-align:justify">မနက်ခင်းနေရောင်က ဟင်းလင်းပြင်ကို လောင်ကျွမ်းစေပြီး ဟင်းလင်းပြင်က တိမ်ပင်လယ်ကြီးကို ဝါးမျိုသွား၏။</p> <p style="text-align:justify">ယွီတောင်တန်း အထက်ရှိ ကောင်းကင်တစ်ဝက်က နေ့လယ်နေ့ခင်းကဲ့သို့ လင်းထိန်နေပြီး ကျန်တစ်ဝက်ကတော့ ပိန်းပိတ်အောင် မှောင်မည်းနေသော ညဉ့်ယံအဖြစ် ဖုံးလွှမ်းနေသည်။</p> <p style="text-align:justify">ဖူရှောင်ကွမ်းက တိုက်ပွဲကို ကြည့်ရန် ရုတ်တရက် ခေါင်းမော့လိုက်၏။ ငွေရောင်ဆံပင်နှင့် မိစ္ဆာသခင် အာရုံလွှဲသွားသည်ကို အခွင့်ကောင်းယူ၍ ဆုန့်ဝမ်ထောင်က မသိချင်ယောင်ဆောင်ကာ မတ်တပ်ရပ်လျက် ကောင်းကင်ကိုသာ မော့ကြည့်နေလိုက်သည်။</p> <p style="text-align:justify">လူသား သံတမန်အဖွဲ့ကလည်း သဘာဝကျကျပင် သူ၏ အပြုအမူအတိုင်း လိုက်လုပ်ကြ၏။</p> <p style="text-align:justify">ဤမဟာတိုက်ပွဲ၏ ရလဒ်က မဟာယွီ မင်းဆက်အတွက် အလွန်အရေးကြီးလှပေသည်။</p> <p style="text-align:justify">အကယ်၍ မိစ္ဆာဘုရင်မ ရှုံးနိမ့်ပြီး ဓားနတ်ဘုရား ဟန်ကွမ်၏ လက်ချက်ဖြင့် ကျဆုံးသွားပါက သို့မဟုတ် သူတို့နှစ်ဦးစလုံး အတူတူ သေဆုံးသွားပါက မကြာသေးမီကမှ လက်မှတ်ရေးထိုးထားသော မဟာမိတ်စာချုပ်က ချက်ချင်း ပျက်ပြယ်သွားမည် ဖြစ်၏။</p> <p style="text-align:justify">ယွီတောင်တန်းက လူသားမျိုးနွယ်စုနှင့် စေ့စပ်ဆွေးနွေးရန် ရပ်တည်ချက် ရှိတော့မည် မဟုတ်ဘဲ ယွီတောင်တန်း မိစ္ဆာမျိုးနွယ်စု၏ တည်ရှိမှုက မဟာယွီ၏ သဘောထားအပေါ်တွင်သာ လုံးလုံးလျားလျား မူတည်သွားမည် ဖြစ်သည်။</p> <p style="text-align:justify">အကယ်၍ မိစ္ဆာဘုရင်မ အနိုင်ရခဲ့ပါက ယွီတောင်တန်းအပေါ် သူတို့၏ သဘောထားကို ပို၍ပင် သတိထားရတော့မည် ဖြစ်၏။</p> <p style="text-align:justify">ကောင်းကင်ယံတွင် တိမ်ပင်လယ်ကြီးက ဝါးမျိုခံလိုက်ရပြီး ဟင်းလင်းပြင်၏ တစ်ဝက်ခန့်က ပျောက်ကွယ်သွားသော်လည်း ကျန်တစ်ဝက်ကတော့ မနက်ခင်းနေရောင်နှင့်အတူ အရှုံးအနိုင် မပေါ်ဘဲ အားပြိုင်နေဆဲ ဖြစ်သည်။</p> <p style="text-align:justify">ဓားနတ်ဘုရား ဟန်ကွမ်၏ မျက်နှာတွင် လုံးဝ မယုံကြည်နိုင်သည့် အမူအရာများ ပေါ်လွင်နေ၏။ အသစ်တက်လှမ်းလာသော မိစ္ဆာဘုရင်မ တစ်ပါးက သူ၏ ဂိုဏ်းမှ လျှို့ဝှက်ရတနာကို အသုံးပြုထားချိန်တွင်ပင် သူ့ကို တောင့်ခံနိုင်လိမ့်မည်ဟု မထင်ထားခဲ့ပေ။</p> <p style="text-align:justify">သူမတွင် ဝိညာဉ်ရတနာတစ်ခု ရှိနေလျှင်တောင်မှ သူကတော့ ယုံကြည်ရခက်နေဆဲပင်။ ယုတ္တိတန်တန် တွေးကြည့်မည်ဆိုလျှင် သူမက အချိန်ကြာမြင့်စွာကတည်းက ရှုံးနိမ့်သွားသင့်သည် မဟုတ်ပါလား။ အကယ်၍...</p> <p style="text-align:justify">“သောက်မိစ္ဆာမ... မင်း အဆင့်တက်တုန်းက ပြိုင်ဘက်ကင်း မိစ္ဆာဘုရင် ဘေးအန္တရာယ်ကို ဖြတ်ကျော်ခဲ့တာလား”</p> <p style="text-align:justify">ထိုကဲ့သို့သော မိစ္ဆာဘုရင်များက အလွန် ရှားပါးလှ၏။</p> <p style="text-align:justify">သူတို့တစ်ဦးစီတိုင်းက ကောင်းကင်ဘုံ ကိုးခုအထိ တက်လှမ်းနိုင်သည့် အလားအလာ ရှိရုံသာမက သတ္တမ သို့မဟုတ် အဋ္ဌမမြောက် ကောင်းကင်ဘုံသို့ ရောက်ရှိသည်နှင့် တစ်ပြိုင်နက် သူတို့အဆင့်၏ အထွတ်အထိပ်တွင် ရပ်တည်နိုင်စွမ်းရှိသော မိစ္ဆာမျိုးနွယ်စု၏ ပြိုင်ဘက်ကင်း ပါရမီရှင်များ ဖြစ်ကြသည်။</p> <p style="text-align:justify">သူမနှင့် မျက်နှာချင်းဆိုင်ရှိ အံ့အားသင့်နေသော လူယုတ်မာအိုကြီးကို တစ်ချက်ကြည့်လိုက်ပြီးနောက် ယွီလီ၏ မျက်နှာပေါ်တွင် မထီမဲ့မြင်ပြုမှုများက ဖုံးကွယ်မထားနိုင်အောင် ပေါ်လွင်လာ၏။ သူမ၏ အေးစက်သော စရိုက်ကို ထိန်းသိမ်းထားရင်း သူမ၏ မျက်နှာက ဤသို့ ရှင်းရှင်းလင်းလင်း ဖော်ပြနေသည်။</p> <p style="text-align:justify">တိုက်မယ်ဆိုရင်လည်း တိုက်လေ… စကားတွေ အများကြီး ပြောမနေနဲ့…</p> <p style="text-align:justify">ဓားနတ်ဘုရား ဟန်ကွမ်က သူမ၏ အမူအရာကို နားလည်သွားပြီး ဒေါသများကို မျိုသိပ်ထားရသဖြင့် အတွင်းဒဏ်ရာပင် ရလုနီးပါး ဖြစ်သွား၏။</p> <p style="text-align:justify">“သောက်မိစ္ဆာမ... မင်း အရမ်းလွန်နေပြီ”</p> <p style="text-align:justify">သူက ဓမ္မစွမ်းအား ထုတ်လွှတ်မှုကို တိုးမြှင့်လိုက်သည်။ လောင်ကျွမ်းနေသော နေမင်းကြီးက ပို၍ နီရဲလာပြီး ဧရာမ ရွှေနီရောင် အလင်းဝန်းတစ်ခုကို ထုတ်လွှတ်ကာ ကျောက်မင်ဓား၏ စွမ်းအားက နှစ်ဆ တိုးလာ၏။</p> <p style="text-align:justify">ယွီလီက ဓားနတ်ဘုရား ဟန်ကွမ်၏ စကားများကို ဆက်လက် လျစ်လျူရှုထားပြီး စွမ်းအားများကို ထပ်မံ ဖြည့်သွင်းလိုက်သည်။ ဟင်းလင်းပြင် အတွင်းရှိ ဝါးတောက ပို၍ အသက်ဝင်လာပြီး ဝါးရွက်များက ရွှေနီရောင် သန်းလာကာ လောင်ကျွမ်းနေသော နေမင်းကြီးထဲတွင် အမြစ်တွယ်နေပြီး ကြီးထွားရန်အတွက် ထိုအလင်းဝန်းထံမှ အာဟာရများကို စုပ်ယူနေသကဲ့သို့ ဖြစ်လာ၏။</p> <p style="text-align:justify">…</p> <p style="text-align:justify">အချိန်အတော်ကြာသည့်တိုင် မိစ္ဆာမကို အနိုင်မယူနိုင်သည်ကို မြင်လျှင် ဓားနတ်ဘုရား ဟန်ကွမ်က ဒေါသများ ဆူပွက်လာကာ သူ၏ နှာခေါင်းနှင့် နားရွက်များမှ အပူငွေ့များပင် ထွက်ပေါ်လာသည်။</p> <p style="text-align:justify">သူ၏ ယွီတောင်တန်းသို့ ဝင်ရောက်လာသည့် လုပ်ရပ်က မသင့်လျော်ကြောင်း သူ သိ၏။ အချိန်ကြာလာသည်နှင့်အမျှ သူ၏ အခြေအနေက ပို၍ ဆိုးရွားလာမည် ဖြစ်သည်။ နောက်ထပ် ပြဿနာများ မဖြစ်ပေါ်စေရန်အတွက် ဓားနတ်ဘုရား ဟန်ကွမ်က ဆုံးဖြတ်ချက်တစ်ခု ချလိုက်သည်။ သူက လက်ချောင်းများကို ဓားပုံစံ ယှက်လိုက်ပြီး ဂါထာရွတ်ဆိုလိုက်၏။</p> <p style="text-align:justify">“ဓားနတ်ဘုရားတောင်တန်းရဲ့ နက်နဲတဲ့ ချီစွမ်းအင်... တောက်ပပြီး ကျူးကျော်လို့မရဘူး... တရားမျှတမှုကို ထိန်းသိမ်းပြီး မကောင်းဆိုးဝါးတွေကို သတ်ဖြတ်မယ်... အသက်ရှူပေါက် သုံးချက်ကို တစ်ချက်တည်းအဖြစ် ပေါင်းစပ်မယ်...”</p> <p style="text-align:justify">ထန်း…</p> <p style="text-align:justify">ဟင်းလင်းပြင်ကို ဖြတ်သန်း၍ ကျယ်လောင်သော မြည်သံတစ်ခု ထွက်ပေါ်လာ၏။</p> <p style="text-align:justify">ဓားနတ်ဘုရား ဟန်ကွမ်၏ အရှိန်အဝါက မြင့်တက်လာပြီး သူ၏ ဒွါရခုနစ်ပေါက်မှ သွေးများ ယိုကျလာသည်။ သူ၏ သွေးအနှစ်သာရ၊ ဓမ္မစွမ်းအားနှင့် မူလဝိညာဉ်တို့က ကျောက်မင်ဓားထဲသို့ အဆက်မပြတ် စီးဝင်သွား၏။</p> <p style="text-align:justify">မနက်ခင်းနေရောင်က လောင်ကျွမ်းနေသော နေမင်းကြီးတစ်ခုအဖြစ် အသွင်ပြောင်းသွားသည်။ ထက်မြက်သော ဓားအလင်းတန်းက ဟင်းလင်းပြင်ကို စစ်မှန်သော မီးလျှံကဲ့သို့ လောင်ကျွမ်းသွားစေပြီး ဝါးတောကို မီးပင်လယ်အဖြစ် ပြောင်းလဲသွားစေကာ ထို့နောက် ပြာများအဖြစ် လွင့်စင်သွားစေ၏။</p> <p style="text-align:justify">ဟင်းလင်းပြင်က သာမန်မျက်စိဖြင့် မြင်နိုင်သော အမြန်နှုန်းဖြင့် အငွေ့ပျံသွားသည်။</p> <p style="text-align:justify">မဟာမိစ္ဆာသခင် လေးပါး၏ မျက်နှာအမူအရာများမှာ အကြီးအကျယ် ပြောင်းလဲသွားကြ၏။</p> <p style="text-align:justify">ကျောင်းအုပ်ကြီး ဂျီမိုက အံတင်းတင်းကြိတ်ကာ ဇီးပန်းပွင့်ကိုင်း တစ်ကိုင်းကို လျင်မြန်စွာ ဆွဲထုတ်လိုက်သည်။</p> <p style="text-align:justify">ဧကရီယွီလီက ယွီတောင်တန်း၏ ကောင်းကင်ကြီးဖြစ်ပြီး သူမ ဘာမှ ဖြစ်သွား၍ မရပေ။ သူမ ဝင်ရောက်စွက်ဖက်ခြင်းက ရထားကို တားဆီးရန် ကြိုးစားနေသည့် ပုစဉ်းရင်ကွဲ တစ်ကောင်ကဲ့သို့ ကိုယ့်သေတွင်းကိုယ် တူးနေခြင်း ဖြစ်ကြောင်း သိနေလျှင်တောင်မှ သူမက အစွမ်းကုန် ကြိုးစားမည်သာ ဖြစ်၏။</p> <p style="text-align:justify">သူမ လက်မြှောက်လိုက်ချိန်မှာပင် ဖူရှောင်ကွမ်းက သူမကို တားလိုက်သည်။</p> <p style="text-align:justify">“ကျောင်းအုပ်ကြီး... အရှင်မကို ယုံကြည်လိုက်ပါ”</p> <p style="text-align:justify">ထိုစကားကို ကြားသောအခါ သူမက လက်ကို ရုပ်သိမ်းလိုက်သော်လည်း စိတ်မချနိုင်သေးဘဲ အချိန်မရွေး ကိုယ်ကျိုးစွန့်ရန် ပြင်ဆင်ထားဆဲပင်။</p> <p style="text-align:justify">ကောင်းကင်ကြီးက ပူပြင်းလောင်မြိုက်နေပြီး ထက်ဝက်ခန့်က အနီရောင် ဆိုးထားသကဲ့သို့ ဖြစ်နေ၏။</p> <p style="text-align:justify">ယွီတောင်တန်းသို့ လာရာလမ်းတစ်လျှောက်ရှိ ခရိုင်သုံးခုကပင် ဤအနီရောင် အလင်းတန်းကို မြင်တွေ့နိုင်ပေသည်။ စောစောထသော သာမန်ပြည်သူများက တွေဝေသွားကြပြီး နိုးထလာသော မဟာမိစ္ဆာများကမူ ထိတ်လန့် တုန်လှုပ်သွားကြ၏။</p> <p style="text-align:justify">ယွီလီ၏ မျက်နှာအမူအရာက တည်ကြည်လေးနက်နေပြီး နောက်ဆုံးတွင် သူမ စကားပြောလိုက်သည်။</p> <p style="text-align:justify">“လူယုတ်မာအိုကြီး... မင်းက အစွမ်းကုန်ထုတ်ပြီး ငါ အဘွားကြီးနဲ့ အတူတူ သေချင်နေရင်တောင်မှ ငါ အဘွားကြီးက ခွင့်ပြုမပြုဆိုတာကို မင်း ကြည့်ရဦးမယ်”</p> <p style="text-align:justify">သူမက စကားဆုံးသည်နှင့် သူမ၏ အမွေဆက်ခံထားသော မှတ်ဉာဏ်များထဲမှ လျှို့ဝှက်နည်းစနစ်တစ်ခုကို အသုံးပြုရန် ပြင်လိုက်ချိန်မှာပင် လေကိုခွင်း၍ ဝှီးခနဲ မြည်သံတစ်ခု ထွက်ပေါ်လာ၏။</p> <p style="text-align:justify">…</p> <p style="text-align:justify">ဝှစ်...</p> <p style="text-align:justify">အနောက်တောင်ဘက်မှ ခရမ်းရင့်ရောင် အလင်းတန်းတစ်ခု ရောက်လာပြီး မျက်စိတစ်မှိတ်အတွင်းမှာပင် ပေတစ်ရာမြင့်သော သစ်ခွပင်ကြီး တစ်ပင်အဖြစ် အသွင်ပြောင်းသွားသည်။ ၎င်း၏ ပင်စည်က မြစိမ်းရောင်ဖြစ်ပြီး ပန်းပွင့်များက ခရမ်းရင့်ရောင်ဖြစ်ကာ တောက်ပပြီး မျက်နှာစာ အများအပြား ပါဝင်နေ၏။</p> <p style="text-align:justify">သစ်ခွပင် ရောက်လာသည်နှင့် တစ်ပြိုင်နက် ခရမ်းရင့်ရောင် မိစ္ဆာအလင်းတန်းကို ထုတ်လွှတ်လိုက်သည်။ ၎င်း၏ ခန္ဓာကိုယ်ကို တစ်ချက်ခါရမ်းလိုက်သည်နှင့် ပန်းပွင့်ဖတ်များက မိုးရွာချသကဲ့သို့ ကျဆင်းလာပြီး သာယာမွှေးပျံ့သော ရနံ့တစ်ခုကိုပါ ထုတ်လွှတ်ပေးနေသည့် လှပသော မြင်ကွင်းတစ်ခု ဖြစ်ပေါ်လာ၏။</p> <p style="text-align:justify">ပန်းပွင့်ဖတ်များက လောင်ကျွမ်းနေသော နေမင်းကြီးပေါ်သို့ လွင့်မျောသွားပြီး ဓားအလင်းတန်းကို ပွန်းပဲ့စေကာ မီးတောက်လှိုင်းများကို ငြိမ်းသတ်ပစ်လိုက်သည်။</p> <p style="text-align:justify">ပန်းပွင့်ဖတ်များ တစ်ခုပြီးတစ်ခု လောင်ကျွမ်းသွားပြီး ပြင်းထန်သော နေမင်းကြီးက တစ်လက်မချင်း အေးစက်သွား၏။</p> <p style="text-align:justify">ဤရုတ်တရက် အပြောင်းအလဲကြောင့် ဓားနတ်ဘုရား ဟန်ကွမ်မှာ မှင်တက်သွားပြီးနောက် မိုးခြိမ်းသံကဲ့သို့ ဒေါသပေါက်ကွဲသွားသည်။ အခြား မိစ္ဆာဘုရင်တစ်ပါးက ကြားဝင်စွက်ဖက်လာလိမ့်မည်ဟု သူမထင်ထားခဲ့ပေ။</p> <p style="text-align:justify">အတူတကွ သေဆုံးရန် သူ၏ ဆုံးဖြတ်ချက်က ပို၍ပင် ခိုင်မာလာ၏။ သူက ဓားသေတ္တာကို အတင်းအကျပ် ဖွင့်လိုက်ရာ ဓားတစ်ထောင်က ထပ်မံ ပျံသန်းထွက်ပေါ်လာပြီး ကောင်းကင်ကို ဖောက်ထွင်းသွားသော ကြီးမားသော ဓားတစ်လက်အဖြစ် ပေါင်းစပ်သွားသည်။</p> <p style="text-align:justify">သူက ထိုဓားကြီးဖြင့် သစ်ခွမိစ္ဆာဘုရင်မကို တားဆီးရန် ခုတ်ချလိုက်ပြီး ဝါးမိစ္ဆာမကို သတ်ဖြတ်ကာ သူ၏ ဆန္ဒကို ဖြည့်ဆည်းရန် ရည်ရွယ်ထား၏။</p> <p style="text-align:justify">သစ်ခွပင်တွင် ပင်စည်တစ်ခုတည်း၌ ပန်းပွင့် ခုနစ်ပွင့် ရှိသည်။ ထိုသစ်ခွပန်းများထဲရှိ တစ်ပွင့်ထဲမှ ဖြူဝင်းသော ကျောက်စိမ်းလက်တစ်ဖက် ထွက်ပေါ်လာပြီး သစ်ခွပန်း ခုနစ်ပွင့် ပွင့်နေသော သစ်ကိုင်းတစ်ခုကို ဝှေ့ယမ်းလိုက်၏။</p> <p style="text-align:justify">ထိုပန်း ခုနစ်ပွင့်က ဧရာမ သစ်ခွပန်းကြီး တစ်ပွင့်အဖြစ် ပေါင်းစပ်သွားပြီး ၎င်း၏ ပန်းပွင့်ဖတ်များက ကောင်းကင်ကို ဖောက်ထွင်းသွားသော ဓားကြီးကို တည့်တည့် ဝင်ရောက်လာစေရန် ဖြန့်ကားပေးလိုက်ပြီးနောက် ဓားကို ဖမ်းဆီးရန် လျင်မြန်စွာ ပိတ်ချလိုက်သည်။</p> <p style="text-align:justify">ပန်းပွင့်ဖတ်မိုးများက ဆက်လက် ရွာသွန်းနေဆဲပင်။</p> <p style="text-align:justify">တစ်ချိန်တည်းမှာပင် နုနယ်လှပသော မျက်နှာတစ်ခုက သစ်ခွပန်းများထဲရှိ တစ်ပွင့်တွင် ပေါ်လာပြီး သူမ၏ နဖူးပေါ်တွင် သစ်ခွပန်း အလှဆင်တစ်ခု ရှိနေ၏။ သွယ်လျသော မျက်ခုံးများ၊ တောက်ပသော မျက်လုံးများ၊ စင်းလုံးချော နှာတံနှင့် ပါးစပ်ငယ်လေးဖြင့် သူမက တိုက်တွန်းလိုက်သည်။</p> <p style="text-align:justify">“ဘာရပ်လုပ်နေတာလဲ... အခု မတိုက်ရင် ဘယ်တော့ တိုက်မှာလဲ”</p> <p style="text-align:justify">ယွီလီက သူမ၏ မူလ မိစ္ဆာချီစွမ်းအင် တစ်ချက်ကို မှုတ်ထုတ်လိုက်ပြီး အစိမ်းရောင် ဇာထီးထဲသို့ ဖြည့်သွင်းလိုက်၏။ သူမက အစိမ်းရောင် ဇာထီးကို ထပ်မံ လှည့်ပတ်လိုက်ပြီး ဟင်းလင်းပြင် နတ်ဘုရားစွမ်းရည်ကို ထုတ်လွှတ်လိုက်ကာ အစွမ်းထက်သော ရန်သူထံသို့ တိုးဝင်သွားလျက် သူမက ခေါင်းမာစွာဖြင့် ပြန်ပြောလိုက်၏။</p> <p style="text-align:justify">“ငါ အဘွားကြီးက နင့်ရဲ့ တိုက်တွန်းမှုတွေ မလိုသလို နင့်အကူအညီလည်း မလိုဘူး… ငါ့ဖာသာ ဖြေရှင်းနိုင်တယ်”</p> <p style="text-align:justify">“အဓိပ္ပာယ်မရှိတာတွေ ပြောမနေနဲ့... နင် သဘောမတူရင် ဒီလူအိုကြီးကို သတ်ပြီးမှ ငါတို့ ထပ်တိုက်ကြတာပေါ့”</p> <p style="text-align:justify">“ငါ့စိတ်ကူးနဲ့ ကွက်တိပဲ”</p> <p style="text-align:justify">ဓားနတ်ဘုရား ဟန်ကွမ်မှာ မိစ္ဆာဘုရင်မ နှစ်ပါးက သူ့ကို တိုက်ခိုက်ရန် ပူးပေါင်းလိုက်သည်ကို မြင်သောအခါ လူအင်အား သာလွန်နေရုံသာမက သူ့ကို သူတို့ စိတ်ကြိုက် ကိုင်တွယ်ရမည့် သားစဉ်းတုံးပေါ်မှ အသားတစ်တုံးကဲ့သို့ သဘောထားကာ အချင်းချင်း ငြင်းခုံနေကြသောကြောင့် သူက ဒေါသထွက်လွန်း၍ သွေးအန်လုနီးပါး ဖြစ်သွား၏။</p> <p style="text-align:justify">ဤမိစ္ဆာဘုရင်မ နှစ်ပါးက တကယ်ကို လွန်လွန်းလှပေသည်။</p> <p style="text-align:justify">“ဒီဆင်းရဲတဲ့ တာအိုဘုန်းကြီးက မင်းတို့ကို အသေခံ တိုက်သွားမယ်”</p> <p style="text-align:justify">ဓားနတ်ဘုရား ဟန်ကွမ်မှာ အလွန်အမင်း ဒေါသထွက်နေပြီ ဖြစ်၏။</p> <p style="text-align:justify">နေမင်းကြီးက ပို၍ ပူပြင်းလာသော်လည်း လက်နှစ်ဖက်က လက်လေးဖက်ကို မယှဉ်နိုင်ပေ။ မိစ္ဆာဘုရင်မ နှစ်ပါး၏ ပူးပေါင်းတိုက်ခိုက်မှုကို ရင်ဆိုင်ရချိန်တွင် သူက နောက်ဆုံး၌ ရှုံးနိမ့်သွားခဲ့သည်။ သူ၏ ခန္ဓာကိုယ်က တဖြည်းဖြည်း ညှိုးနွမ်းသွားပြီး သူ၏ အနီရောင်ဆံပင်များက မျက်စိတစ်မှိတ်အတွင်း ဖြူစွတ်သွားကာ သေမင်းတံခါးဝသို့ ရောက်နေသူတစ်ယောက်ကဲ့သို့ ဖြစ်သွား၏။</p> <p style="text-align:justify">ကျန်းထျန်းမင်က စိုးရိမ်ပူပန်နေသည်။</p> <p style="text-align:justify">“သခင်ကြီး... ဓားနတ်ဘုရား ဟန်ကွမ်က ဘယ်လောက်ပဲ မှားခဲ့ပါစေ… သူက ကျွန်တော်တို့ လူသားမျိုးနွယ်စုရဲ့ နတ်ဘုရားသခင် တစ်ပါးပါ… သူ ဒီလို ကျဆုံးသွားတာက ကျွန်တော်တို့ မျိုးနွယ်စုအတွက် ဆုံးရှုံးမှုတစ်ခုပါပဲ”</p> <p style="text-align:justify">ဆုန့်ဝမ်ထောင်က ခေါင်းခါ၍ သက်ပြင်းချလိုက်၏။</p> <p style="text-align:justify">“ဒါကို ငါက ဘယ်လိုလုပ် နားမလည်ဘဲ နေပါ့မလဲ… ဒါပေမဲ့ ဓားနတ်ဘုရား ဟန်ကွမ်က အရင် မှားခဲ့တာလေ… ပြီးတော့ ငါတို့က မဟာမိတ် စာချုပ်ကိုလည်း လက်မှတ်ထိုးပြီးသွားပြီ…”</p> <p style="text-align:justify">“ခုနကပဲ ငါတို့က မဟာယွီအနေနဲ့ လူသားဂိုဏ်းတွေနဲ့ ယွီတောင်တန်း မိစ္ဆာမျိုးနွယ်စုကြားက ကိစ္စတွေမှာ ဝင်စွက်ဖက်မှာ မဟုတ်ဘူးလို့ အထပ်ထပ်အခါခါ ပြောပြီး မိစ္ဆာမျိုးနွယ်စုကို စကားနဲ့ အချိန်ဆွဲခဲ့တာလေ… အခုမှ ငါတို့ စကားကို ပြန်ရုပ်သိမ်းလိုက်ရင် ဒီခရီးစဉ်က အလဟဿ ဖြစ်သွားမှာကို ငါ စိုးရိမ်တယ်”</p> <p style="text-align:justify">“နောက်ပြီး မိစ္ဆာဘုရင်မကလည်း ဆုံးဖြတ်ချက်ချပြီးသွားပြီ… သူတို့ကို ငါတို့ ဘယ်လိုလုပ် တားနိုင်မှာလဲ… ပြန်ရောက်ရင် ငါတို့ ဘယ်လို ရှင်းပြကြမလဲ… ဗဟိုနယ်မြေ မိစ္ဆာမျိုးနွယ်စုနဲ့ လူသားမျိုးနွယ်စုကြားမှာ နောက်ထပ် စစ်ပွဲကြီးတစ်ခု စတင်တာကို မလိုချင်ဘူးဆိုရင် ဓားနတ်ဘုရား ဟန်ကွမ် သေဖို့က သေချာသလောက် ရှိနေပြီ”</p> <p style="text-align:justify">ကျန်းထျန်းမင်မှာ နာကြည်းချက်များ ပြည့်နှက်နေသော်လည်း အကူအညီမဲ့နေ၏။ သူက လက်သီးကို ဆုပ်ထားပြီး ဓားနတ်ဘုရား ဟန်ကွမ် အရိုးစုအဖြစ် ပြောင်းလဲသွားကာ လေတစ်ချက်အဝှေ့တွင် ပြာများအဖြစ် လွင့်စင်သွားသည်ကိုသာ ရပ်ကြည့်နေနိုင်တော့သည်။</p> <p style="text-align:justify">ဖူရှောင်ကွမ်း၏ နှလုံးသားက လှုပ်ရှားသွား၏။ သူက ပြာများကို စုဆောင်းရန် အင်္ကျီလက်ကို ဝှေ့ယမ်းလိုက်ပြီး ဝါးကျည်တောက်တစ်ခုထဲသို့ ထည့်လိုက်သည်။</p> <p style="text-align:justify">ဤလူယုတ်မာအိုကြီးက သူ၏ အနှစ်သာရ၊ စွမ်းအင်နှင့် ဝိညာဉ်တို့ကို ကုန်ဆုံးစေခဲ့ပြီး သူ၏ ပြာများက သာမန်ပြည်သူတစ်ဦး၏ ပြာများနှင့် မခြားနားတော့သော်လည်း သူ၏ အဆင့်အတန်းက ကွဲပြားသည်။ ထို့ကြောင့် အဓိပ္ပာယ်ကလည်း ကွဲပြားပေသည်။ အကယ်၍ သေချာ ကိုယ်တွယ်နိုင်မည်ဆိုပါက ရင်းမြစ်များစွာကို ရရှိနိုင်ကောင်း ရရှိနိုင်ပေမည်။</p> <p style="text-align:justify">မိစ္ဆာသခင်မ ကျိုကွမ်းက သိချင်စိတ်ဖြင့် မေးလိုက်သည်။</p> <p style="text-align:justify">“မိစ္ဆာမိတ်ဆွေ... ဒါက ဘာလဲ”</p> <p style="text-align:justify">ဖူရှောင်ကွမ်းက ပြန်ဖြေလိုက်သည်။</p> <p style="text-align:justify">“အမှိုက်ကို ပြန်လည် အသုံးချတာပါ… အလဟဿ မဖြစ်စေရဘူးလေ”</p> <p style="text-align:justify">ထိုစကားကို ကြားသောအခါ ဆုန့်ဝမ်ထောင်၏ နှုတ်ခမ်းများက တွန့်ကွေးသွားပြီး အခြားသူများကဲ့သို့ပင် သူ၏ ရင်ထဲတွင်လည်း ဧရာမ တုန်လှုပ်ချောက်ချားမှု လှိုင်းတံပိုးကြီးတစ်ခု ရိုက်ခတ်သွားကာ တည်ငြိမ်ရန် ခက်ခဲနေ၏။</p> <p style="text-align:justify">ဂုဏ်သိက္ခာရှိသော ဓမ္မနယ်ပယ် သတ္တမမြောက် ကောင်းကင်ဘုံမှ နတ်ဘုရားသခင် တစ်ပါး၊ ဗဟိုနယ်မြေ တစ်ခုလုံးကို တုန်လှုပ်စေနိုင်သည့် တည်ရှိမှုတစ်ခုက တကယ်ပဲ ဒီလို ရိုးရိုးရှင်းရှင်းလေး ကျဆုံးသွားခဲ့တာလား။</p> <p style="text-align:justify">ဆန့်ကျင်ဘက်အနေဖြင့် ယွီတောင်တန်း မိစ္ဆာဘုရင်မက သူမ၏ မူလ မိစ္ဆာချီစွမ်းအင် တစ်ချက်ကိုသာ ဆုံးရှုံးခဲ့ရသည်လား။ ဘယ်လိုပဲ ကြည့်ကြည့် ဤအရာက လက်တွေ့မကျသလို ခံစားရသည်။</p> <p style="text-align:justify">အချို့က မျက်လုံးများကို ပွတ်သပ်ကြပြီး အချို့က သူတို့၏ လုပ်ဖော်ကိုင်ဖက်များ၏ လက်မောင်းများကို ပြင်းပြင်းထန်ထန် ဆွဲဆိတ်ကြကာ အချို့ကတော့ ကြောင်ငေးနေသော အမူအရာများဖြင့် ရှိနေကြ၏။</p> <p style="text-align:justify">ဆုန့်ဝမ်ထောင်၏ မျက်လုံးများက ဟိုဟိုဒီဒီ ကစားနေပြီး သံတမန်အဖွဲ့ကို ဦးဆောင်၍ ခိုးထွက်သွားရန် တွေးတောနေသည်။</p> <p style="text-align:justify">ထိုအချိန်တွင် လေခွင်းသံများ ထွက်ပေါ်လာပြီး ဓမ္မနယ်ပယ်၏ စတုတ္ထမြောက် ကောင်းကင်ဘုံမှ ဒုတိယစစ်သူကြီး အချို့က ရေကန်စပ်သို့ အပြေးအလွှား ရောက်ရှိလာကြ၏။</p> <p style="text-align:justify">အခြေအနေက ဆိုးရွားလာပြီဟု သူ စိတ်ထဲမှ တွေးလိုက်မိသည်။ သူထင်သည့်အတိုင်းပင် နောက်တစ်ခဏ၌ ဖူရှောင်ကွမ်းက သူတို့ရှေ့တွင် ပြုံးရွှင်စွာဖြင့် ရပ်နေ၏။</p> <p style="text-align:justify">“မဟာမိတ် စာချုပ် ကိစ္စက ပြီးဆုံးသွားပြီဆိုတော့ ကျွန်တော်တို့ ထွက်ခွာတော့မလို့ပါ… မိစ္ဆာသခင် ရှောင်ကွမ်းမှာ ဘာများ ပြောစရာ ရှိသေးလဲ မသိဘူး”</p> <p style="text-align:justify">မသိချင်ယောင်ဆောင်နေသော ဆုန့်ဝမ်ထောင်ကို ကြည့်ရင်း ဖူရှောင်ကွမ်းက စကားပြောရန် ပြင်လိုက်ချိန်မှာပင် ကောင်းကင်ယံတွင် ရုတ်တရက် လေပြင်းများနှင့် တိမ်တိုက်များ ထကြွလာ၏။</p> <p style="text-align:justify">ခေါင်းမော့ကြည့်လိုက်သောအခါ ဓားနတ်ဘုရား ဟန်ကွမ် ကျဆုံးပြီးနောက် ချန်ရစ်ခဲ့သော ဓားက ရုတ်တရက် အဝေးဆီသို့ ပျံသန်းသွားသော်လည်း ဧကရီယွီလီက သူမ၏ အစိမ်းရောင် ဇာထီးကို လှည့်ပတ်၍ ကြားဖြတ် ဟန့်တားလိုက်သည်။</p> <p style="text-align:justify">ချက်ချင်းဆိုသလိုပင် ဓား၏ ပတ်လည်တွင် တိမ်များနှင့် မြူခိုးများ ပေါ်လာပြီး လူ့မျက်နှာတစ်ခုအဖြစ် အသွင်ပြောင်းကာ စကားပြောလာ၏။</p> <p style="text-align:justify">“သောက်မိစ္ဆာမ... မင်းက ငါ့ဓားကို ကြားဖြတ်ဟန့်တားရဲတယ်ပေါ့”</p> <p style="text-align:justify">ဧကရီယွီလီက ဟန်ဆောင်မနေတော့ဘဲ ပြတ်ပြတ်သားသား ပြန်လည် တုံ့ပြန်လိုက်သည်။</p> <p style="text-align:justify">“ဘာလဲ... မင်းက နတ်ဘုရားအာရုံ အငွေ့အသက်လေးတစ်ခုပဲ ရှိတာတောင် မျက်နှာကြီးနေရုံနဲ့ ငါ အဘွားကြီးက မင်းကို ကြောက်မယ် ထင်နေလား”</p> <p style="text-align:justify">“ရိုင်းစိုင်းလိုက်တာ”</p> <p style="text-align:justify">မိုးခြိမ်းသံကဲ့သို့ အော်ဟစ်သံတစ်ခု ထွက်ပေါ်လာ၏။</p> <p style="text-align:justify">ဓားကို ဝန်းရံထားသော တိမ်တိုက်များက လှိုင်းတံပိုးများကဲ့သို့ ထကြွလာပြီး ကောင်းကင်ဘုံကိုးခု တိမ်တိုက်ဓားတစ်ခုအဖြစ် အသွင်ပြောင်းကာ အပေါ်သို့ တည့်တည့် ထိုးစိုက်သွားသည်။</p> <p style="text-align:justify">ယွီလီက ရုတ်တရက် ခုန်လိုက်ပြီး နှင်းကဲ့သို့ ဖြူဝင်းသော ကျောက်စိမ်းခြေဖဝါး တစ်ဖက်က အစိမ်းရောင် ဇာထီး၏ လက်ကိုင်ပေါ်တွင် ရပ်တည်နေ၏။ ထီး၏ ထိပ်ဖျားက အောက်ဘက်သို့ လှည့်ပတ်သွားပြီး တိမ်ပင်လယ်ကြီးဆီသို့ ထိုးနှက်သွားသည်။</p> <p style="text-align:justify">အစိမ်းရောင် အလင်းတန်းက ရွှေနီရောင်ကို ဖယ်ရှားပစ်လိုက်၏။ အစိမ်းရောင် ဇာထီးက ကောင်းကင်ဘုံကိုးခု တိမ်တိုက်ဓားနှင့် ထိပ်တိုက်တွေ့သွားပြီး အသက်ရှူချိန် အနည်းငယ်မျှ အားပြိုင်ပြီးနောက်တွင် ဟင်းလင်းပြင်က ကောင်းကင်ဘုံကိုးခု တိမ်တိုက်ဓားကို ဝါးမျိုသွားသည်။</p> <p style="text-align:justify">ကျောက်မင်ဓားက အစိမ်းရောင် ဇာထီးထဲသို့ သိမ်းဆည်းခံလိုက်ရ၏။ ထိုအရှင်သခင်ကြီး၏ နတ်ဘုရားအာရုံကလည်း ချေမွခံလိုက်ရသည်။</p> <p style="text-align:justify">ထိုအချိန်တွင် ကောင်းကင်ဘုံ၏ အနက်ရှိုင်းဆုံးနေရာမှ မိုးခြိမ်းသံတစ်ခု ထွက်ပေါ်လာ၏။</p> <p style="text-align:justify">…</p> <p style="text-align: center;">***</p> <p style="text-align:justify"> </p>


Save