Book List

<h2 style="text-align: center;">အခန်း ၈၈</h2> <h2 style="text-align: center;">အလုပ်အကိုင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>အက်ဒဝပ်ဟာ နိုးကြားဖျတ်လတ်သော အမှုအရာရှိဖြစ်သဖြင့် အိုင်ဗီ ရောက်ရှိနေသည်ကို မသိကျိုးကျွန် ပြု၍မရခဲ့ပေ။</p> <p> </p> <p>သူ့အနားရှိ ဇမ်ဘီအားလုံးကို ရှင်းလင်းပြီးသည်နှင့် အိုင်ဗီ့ဘက်သို့ လှည့်ကာ နွေးထွေးစွာ ပြုံးပြလိုက်သည်။</p> <p> </p> <p>အိုင်ဗီ၏ ကူညီမှုကို သူ မမေ့သေးပါ။ အိုင်ဗီက သူ့ကို တစ်လစာ ရိက္ခာများ ပေးခဲ့သော်လည်း ယခုအခါ နှစ်ပတ်ခန့် ကုန်ဆုံးသွားပြီဖြစ်ရာ ရိက္ခာပြတ်လပ်တော့မည်ကို သူ စိုးရိမ်နေမိသည်။</p> <p> </p> <p>ထို့ကြောင့်ပင် ယနေ့တွင် အပြင်ထွက်ရန် ဆုံးဖြတ်ခဲ့ခြင်းဖြစ်သည်။ သူသည် လွန်ခဲ့သော နှစ်ပတ်ကို အလဟဿ အကုန်မခံခဲ့ပါ။ မိမိအိမ်တံခါးကို အကာအကွယ်အဖြစ် အသုံးချပြီး ဇမ်ဘီများကို ထိရောက်တိကျစွာ သတ်ဖြတ်နည်းကို လေ့ကျင့်ခဲ့သည်။</p> <p>တကယ်လို့သာ ထိုနှစ်ပတ်စာ အချိန်စောင့်ဆိုင်းခွင့် မရခဲ့လျှင် သူ၏အဆုံးသတ်မှာ ဘယ်လိုဖြစ်မည်ကို ဘုရားသခင်သာ သိပေလိမ့်မည်။ သူသည် ခွန်အားရှိပြီး မိမိအရည်အချင်းကို သိသူဖြစ်သော်လည်း၊ ဝတ္ထုဖတ်လေ့မရှိသလို ဇမ်ဘီကားလည်း မကြည့်ဖူးသူတစ်ဦးအတွက် ဇမ်ဘီ ဆိုသည်မှာ လုံးဝသစ်လွင်သော အယူအဆတစ်ခု ဖြစ်နေသည်။</p> <p> </p> <p>ထို့ကြောင့် ထိုရရှိထားသော အချိန်အတွင်း ဇမ်ဘီများအကြောင်း ဖတ်ရှုလေ့လာပြီး တိုက်ခိုက်ခြင်းဖြင့် သူ၏အရည်အချင်းမှာ သိသိသာသာ တိုးတက်လာခဲ့ခြင်းဖြစ်သည်။</p> <p> </p> <p>"နေကောင်းလား အိုင်ဗီ" ဟု သူက နှုတ်ဆက်လိုက်ရာ သူ၏မျက်နှာထားမှာ မသိစိတ်မှပင် ပျော့ပျောင်းသွားသည်။</p> <p> </p> <p>"နေကောင်းပါတယ် အက်ဒဝပ်" ဟု အိုင်ဗီက ပြန်လည်နှုတ်ဆက်လိုက်သော်လည်း သူမ၏ တည်ငြိမ်သောမျက်နှာထားက အတွင်းစိတ်ကူးများကို ဖုံးကွယ်ထားသည်။</p> <p> </p> <p>"ရိက္ခာရှာဖို့ အပြင်ထွက်မလို့လား"</p> <p> </p> <p>အက်ဒဝပ်က ခေါင်းညိတ်ပြသည်။ အိုင်ဗီ့ကို သူ ဘာမှမဖုံးကွယ်ထားသလို မသိစိတ်ကလည်း သူမကို ယုံကြည်နေမိသည်။ သူမ ကြီးပြင်းလာသည်ကို စောင့်ကြည့်ခဲ့ရုံသာမက သူမကလည်း ကျေးဇူးတုံ့ပြန်သည့်အနေဖြင့် သူ့ကို ကူညီခဲ့ဖူးသည်။</p> <p> </p> <p>ထိုအချက်ကပင် သူ၏သတိထားမှုကို အနည်းငယ် လျော့ကျသွားစေရန် လုံလောက်ခဲ့သည်။</p> <p> </p> <p>"ဒါပေမဲ့ အပြင်မှာ ရိက္ခာတွေ ကုန်နေတာ ကြာပြီလေ" အိုင်ဗီက အက်ဒဝပ်၏ စိတ်ကူးယဉ်မှုများကို နူးညံ့သော်လည်း ပြတ်သားစွာ ရိုက်ချိုးလိုက်ရာ သူသည် ထိုနေရာမှာပင် မှင်သက်ကာ ရပ်တန့်သွားတော့သည်။</p> <p> </p> <p>သူ၏မျက်ဝန်းတွင် အကူအညီမဲ့ရိပ်များ ဖြတ်ပြေးသွားပြီးနောက် "ငါ့ကံကိုတော့ စမ်းကြည့်ချင်သေးတယ်" ဟု ဝေခွဲမရစွာ ပြောလိုက်သည်။</p> <p> </p> <p>သူ၏ မျှော်လင့်ချက်အပြည့်ရှိသော ပုံစံမှာ တည်ငြိမ်မှုအောက်တွင် ဖုံးကွယ်ထားသော စိုးရိမ်ပူပန်မှုများကို အိုင်ဗီ့မျက်စိထဲတွင် ဖုံးကွယ်၍မရပါ။</p> <p> </p> <p>"ရှင် ဘာတွေးနေလဲဆိုတာ ကျွန်မ သိပါတယ် အက်ဒဝပ်၊ ဒါပေမဲ့ အိမ်ပြန်ပြီး ထပ်လေ့ကျင့်တာ၊ စွမ်းအားတစ်ခုခု နိုးထလာအောင် စောင့်တာက ပိုကောင်းပါလိမ့်မယ်" ဟု အိုင်ဗီက ရှင်းပြလိုက်သည်။</p> <p> </p> <p>အက်ဒဝပ် နှုတ်ခမ်းကို တင်းတင်းစေ့ထားပြီးမှ ခေါင်းခါယမ်းလိုက်သည်။ အိုင်ဗီ၏ စူးရှသော အကြည့်အောက်တွင် သူ၏ တည်ငြိမ်သော ဟန်ဆောင်မှုများ ပြိုကွဲသွားရသည်။</p> <p> </p> <p>"ငါ မရတော့ဘူး... ငါ့မှာရှိတဲ့ ရိက္ခာတွေ မကြာခင် ကုန်တော့မယ်" ဟု သူက ပွင့်ပွင့်လင်းလင်း ပြောချလိုက်သည်။ ဆုပ်ထားသော သူ၏ လက်သီးများက စိတ်ထဲမှ ရုန်းကန်နေရမှုကို ဖော်ပြနေသည်။</p> <p> </p> <p>"ဩော်... ဒါနဲ့ တိုက်တိုက်ဆိုင်ဆိုင်ပဲ တစ်ယောက်ယောက်က ကျွန်မကို အလုပ်တစ်ခု မိတ်ဆက်ပေးထားတယ်၊ ကျွန်မက အလုပ်များနေတော့ အဲ့ဒါကို မလုပ်နိုင်ဘူးဖြစ်နေတာ၊ ဘယ်လိုလဲ... ရှင့်ကို အဲ့ဒီအလုပ်နဲ့ မိတ်ဆက်ပေးရမလား" ဟု အိုင်ဗီက အကြံပြုလိုက်သည်။</p> <p> </p> <p>အက်ဒဝပ်က ချက်ချင်း သဘောမတူသေးဘဲ "အလုပ်ခက ဘယ်လောက်လဲ" ဟု သတိကြီးစွာ မေးလိုက်သည်။</p> <p> </p> <p>တကယ်လို့ တစ်လကို ရွှေ ၄ ဂရမ်ဆိုလျှင် သူ စဉ်းစားမည်၊ ၅ ဂရမ်ဆိုလျှင် လက်ခံမည်၊ ၅ ဂရမ်ထက် ပိုလျှင်တော့ ချက်ချင်းပင် လျှောက်ထားပေလိမ့်မည်။</p> <p> </p> <p>တစ်ချိန်တည်းမှာပင် အိုင်ဗီ၏ အကြိမ်ကြိမ် ကူညီမှုအတွက် တစ်လစာ လစာဖြင့် ကျေးဇူးဆပ်ရန် သူ ဆုံးဖြတ်ထားသည်။</p> <p>ပထမဆုံးက ရိက္ခာ၊ အခုတော့ အလုပ်အကိုင်... သူ၏ရင်ထဲတွင် ကျေးဇူးတင်စိတ်များ လျှံထွက်နေပြီး အိုင်ဗီ့အပေါ် အကြွေးပိုတင်သွားသလို ခံစားနေရသည်။</p> <p> </p> <p>"အလုပ်က အန္တရာယ်နည်းနည်း ရှိတော့ အလုပ်ရှင်က ဆန် ၁၀ ကီလို၊ ငါးအသား ၂၀ ကီလိုနဲ့ ဆား ၁၀ ထုပ် ပေးဖို့ အသင့်ရှိနေတယ်" ဟု အိုင်ဗီက သူမ၏ အစီအစဉ်အတိုင်း ဖြေလိုက်သည်။</p> <p> </p> <p>အက်ဒဝပ် မျက်တောင်တခတ်ခတ် ဖြစ်သွားသည်။ အိုင်ဗီ၏ စကားကို နားလည်ရန် အချိန်အတော်ယူလိုက်ရသည်။ ဘာတွေလဲအလုပ်ရှင်က ရွှေ ၂၀ ဂရမ်ဖိုးနီးပါး တန်ဖိုးရှိတဲ့ ရိက္ခာတွေကို ပေးရလောက်အောင် ဒီအလုပ်က ဘယ်လောက်တောင် အန္တရာယ်များနေလို့လဲ။</p> <p> </p> <p>အက်ဒဝပ်၏ အတွေးကိုသာ အိုင်ဗီ သိလျှင် လက်ခါပြမိပေလိမ့်မည်။ ရွှေ ၂၀ ဂရမ်ဆိုတာ သူမအတွက်တော့ သမုဒ္ဒရာထဲက ရေတစ်စက်လောက်သာ ရှိသည်။ ဆန်နှင့် ဆားကို သူမ ပွားယူနိုင်သလို၊ ရေ‌နေသတ္တဝါ အသားတွေကလည်း သူမမှာ အလျှံပယ် ရှိနေသည်။</p> <p> </p> <p>"ဘာအလုပ်မျိုးလဲ" ဟု အက်ဒဝပ်က ရင်ခုန်တုန်ရင်စွာ မေးလိုက်သည်။ ဆန် ၁၀ ကီလိုဆိုလျှင်ပင် သူနှင့် သူ့သမီးအတွက် ၂ လစာ ရိက္ခာပူစရာ မလိုတော့ပေ။</p> <p> </p> <p>"အဲလ်ရိုး တောင်ကုန်းဘေးက မြေနေရာကို စောင့်ရှောက်ပေးရမှာပါ၊ မြို့တော်ဝန် ဒန်နီရယ် အဲ့ဒီကို ရောက်လာရင် အလုပ်ရှင်ကို အကြောင်းကြားပေးရုံပါပဲ။</p> <p> </p> <p>အဲ့ဒီနေရာမှာ အဆင့် (၁) ဇမ်ဘီအချို့ ရှိနေနိုင်တော့... ထိခိုက်ဒဏ်ရာ မရအောင် နေဖို့ကတော့ နည်းနည်း ခက်ခဲလိမ့်မယ်" ဟု အိုင်ဗီက ရှင်းပြသည်။</p> <p> </p> <p>သို့သော် အက်ဒဝပ်၏ မျက်ဝန်းများက တောက်ပသွားသည်။ အလုပ်က ခက်ခဲသည်ဆိုသော်လည်း ၎င်းမှာ စွမ်းအားမနိုးထသေးသူများအတွက်သာ ဖြစ်သည်။</p> <p> </p> <p>သူက အိုင်ဗီ့ကို ကြည့်ပြီး အလေးအနက် ပြောလိုက်သည်။ "တကယ်ကို ကျေးဇူးတင်ပါတယ် အိုင်ဗီ"</p> <p> </p> <p>[ဒေါင်။ သင်သည် ၂၀၀ KB ရရှိပါပြီ! လက်ရှိလက်ကျန်- ၄၆၆.၇]</p> <p> </p> <p>ရရှိလိုက်သော KB ပမာဏကြောင့် အိုင်ဗီ အံ့အားသင့်သွားသည်။ ၂၀၀ KB တောင် ပြန်စဉ်းစားကြည့်လျှင်... ယခင်က တစ်ခါသာ ဤမျှများပြားသော ပမာဏကို ရဖူးသည်။</p> <p> </p> <p>အချက်ကျကျဆိုရင် အက်ဒဝပ်ကို ပထမဆုံးအကြိမ် ရိက္ခာပေးစဉ်က ပိုရသင့်သော်လည်း ယခုမှသာ ဤမျှများပြားသော ပမာဏကို ရရှိခြင်းဖြစ်သည်။</p> <p> </p> <p>ဟင်း... ဖြစ်နိုင်သည်မှာ အက်ဒဝပ်သည် ထိုရိက္ခာများ၏ တန်ဖိုးကို နောက်မှ ပို၍ နားလည်သွားခြင်း ဖြစ်နိုင်သလို၊ ယခု အလုပ်အကိုင်ပါ ရရှိသည့်အတွက် သူ၏ ကျေးဇူးတင်စိတ်မှာ ပိုမို ပြင်းထန်သွားခြင်း ဖြစ်နိုင်သည်။ အိုင်ဗီက သူမ၏ အတွေးကို ခေါင်းညိတ် ထောက်ခံလိုက်သည်။</p> <p> </p> <p>"တကယ်တော့... ကျွန်တော့်မှာ စွမ်းအားတစ်ခု နိုးထနေပြီ" အက်ဒဝပ်၏ စကားကြောင့် အိုင်ဗီ၏ အတွေးစပြတ်သွားပြီး အံ့အားသင့်သွားရသည်။</p> <p> </p> <p>"ရှင်ကလား" အိုင်ဗီ စိတ်ဝင်စားသွားသော်လည်း စည်းကျော်ပြီးတော့ မမေးရဲပါ။ သူတို့က အရာရာကို မေးမြန်းနိုင်လောက်အောင် ရင်းနှီးကြသည် မဟုတ်သေးပေ။</p> <p> </p> <p>"ကျွန်တော့်မှာ စိတ်စွမ်းအား ရှိတယ်" ဟု အက်ဒဝပ်က စိတ်လှုပ်ရှားစွာ ရှင်းပြသည်။ အိုင်ဗီ ကြောင်သွားသည်။ စိတ်စွမ်းအားလား။</p> <p> </p> <p>၎င်းမှာ အရှားပါးဆုံးနှင့် အစွမ်းအထက်ဆုံး စွမ်းအားများထဲမှ တစ်ခုဖြစ်သည်။ ကောင်းကောင်း လေ့ကျင့်နိုင်လျှင် အက်ဒဝပ်သည် အနာဂတ်တွင် ထိပ်တန်း အစွမ်းထက်သူတစ်ဦး အလွယ်တကူ ဖြစ်လာနိုင်သည်။</p> <p> </p> <p>သူ့ကို သူမ၏ အခြေစိုက်စခန်းသို့ ခေါ်ယူရန် ပို၍ပင် ဆုံးဖြတ်ချက် ခိုင်မာသွားပြီး ပြုံးလျက် ပြောလိုက်သည်။</p> <p> </p> <p>"ဂုဏ်ယူပါတယ်ရှင်၊ အခုမှ ကျွန်မက ခင်မင်ခွင့် တောင်းရင် နောက်ကျသွားပြီလား"</p> <p> </p> <p>အက်ဒဝပ်က ရယ်မောလိုက်သော်လည်း အလေးအနက် ပြန်ပြောသည်။ "နင်က ငါနဲ့ ခင်မင်ပြီးသားပါ။ နောင်တစ်ချိန်မှာ ပြဿနာ တစ်ခုခု ကြုံလာရင် ငါ့ကို ဆက်သွယ်လိုက်ပါ။ ငါ အသက်ရှင်နေသရွေ့ နင့်ကို ကူညီမှာပါ"</p> <p> </p> <p>အိုင်ဗီက အဖြစ်အပျက်အားလုံးကို မသိနိုင်မှန်း သူ သိသဖြင့် ထပ်မံ ရှင်းပြလိုက်သည်။</p> <p> </p> <p>"ငါ့သမီးက ဆာလောင်ငတ်မွတ်လို့ မေ့လဲလုနီးပါး ဖြစ်ခဲ့တာ။ သူက အမျိုးအစား အဆင့် (၁) ဆီးချိုရောဂါရှင်လေ။ နင်သာ အချိန်မီ မကူညီခဲ့ရင် ငါ့သမီးက..."</p> <p>သူ စကားကို အဆုံးမသတ်သော်လည်း အတိတ်က အဖြစ်အပျက်များက အရာအားလုံးကို ဆက်စပ်ပေးနေမှန်း အိုင်ဗီ နားလည်လိုက်သည်။</p> <p> </p> <p>ဩော်... ဒါကြောင့် သူက ငါ့ကို ဒီလောက် ကျေးဇူးတင်နေတာကိုး၊ ငါပေးတဲ့ ရိက္ခာတွေကြောင့် သူ အိမ်မှာ နေနိုင်ခဲ့ပြီး သမီးဖြစ်သူကို အင်ဆူလင် ထိုးပေးနိုင်ခဲ့တာပဲ၊ အဲ့ဒါက သမီးလေးရဲ့ အသက်ကို ကယ်တင်ခဲ့သလို သူ့ကိုလည်း ဆက်လက် ရှင်သန်ဖို့ သတ္တိတွေ ပေးခဲ့တာပဲ'</p> <p> </p> <p>***</p> <p> </p>


Save