Book List

<h2 style="text-align: center;">အခန်း (၄၂)</h2> <h2 style="text-align: center;">စီနီယာအစ်ကိုနင်း... ကျေးဇူးပြုပြီး ရပ်ပါတော့ မင်းက တောင်ကြားတစ်ခုလုံးကို ရှင်းလုနီးပါး ဖြစ်နေပြီ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>ရွှီယိုဝေ စကားပြောပြီးသည်နှင့် တပည့်များစွာသည် ရုတ်ရုတ်သဲသဲ ဖြစ်သွားကြလေ၏။</p> <p> </p> <p>အကြီးအကဲ အချို့မှာ သူတို့၏ နှလုံးသားများ တုန်လှုပ်သွားခဲ့သည်ကို မခံစားဘဲ မနေနိုင်ကြချေ။</p> <p> </p> <p>အချိန်တိုလေးအတွင်း ယှဉ်ပြိုင် တိုက်ခိုက်ပြီးနောက် သူသည် ပြိုင်ဘက်၏ တိုက်ခိုက်ရေး အလေ့အထ များကို ဆုပ်ကိုင်နိုင်ပြီး ပြီးပြည့်စုံစွာ ရှောင်တိမ်းနိုင်ခဲ့သည်ပင်။</p> <p> </p> <p>နင်းဖန်၏ တိုက်ခိုက်ရေး ပါရမီမှာ မည်မျှပင် မြင့်မားနေပါသနည်း။</p> <p> </p> <p>သူသည် တိုက်ခိုက်ရန်အတွက် မွေးဖွားလာခဲ့ခြင်းပင် ဖြစ်သည်။</p> <p> </p> <p>ယွီရူရွှမ်းပင်လျှင် ဤအချိန်တွင် သဘောတူသည့်အနေဖြင့် ခေါင်းညိတ်လိုက်၏။</p> <p> </p> <p>"တကယ်ပါပဲ... အရင် တိုက်ပွဲတွေမှာ နင်းဖန်ရဲ့ တိုက်ပွဲအတွင်း သင်ယူနိုင်စွမ်းနဲ့ လေ့လာနိုင်စွမ်းက ယုံကြည်နိုင်စရာ မရှိလောက်အောင် အားကောင်းတာကို ငါ မြင်ခဲ့တယ်...။"</p> <p> </p> <p>"သူ့ရဲ့ တိုက်ခိုက်ရေး ထက်မြက်မှုက ငါ့ဘဝမှာ တစ်ခါမှ မမြင်ဖူးတဲ့ အမြင့်ဆုံး အဆင့်ပဲ...။"</p> <p>ဂိုဏ်းတွင် အသန်မာဆုံးဖြစ်သော တောင်ထိပ်အရှင်သခင်အဆင့် အကြီးအကဲထံမှ ဤမျှ မြင့်မားသော အကဲဖြတ်မှုကို ကြားရသောအခါ တပည့်များမှာ ပို၍ပင် အံ့အားသင့်သွားကြ၏။</p> <p> </p> <p>မကြာသေးမီ အခိုက်အတန့်လေးကပင် ဤ မီးတောက်ခြေဖဝါး ဝက်ဝံ ကြောင့်နင်းဖန် မည်သို့ အခက် တွေ့နိုင်ကြောင်း သူတို့ ဆွေးနွေးနေခဲ့ကြသည်။</p> <p> </p> <p>မျက်စိတစ်မှိတ်အတွင်းမှာပင် သူသည် ပြိုင်ဘက်ကို ရယ်စရာတစ်ခုအဖြစ် သဘောထားကာ တိုက်ခိုက် မှု အားလုံးကို တည်ငြိမ်ပြီး ပြီးပြည့်စုံစွာ ရှောင်တိမ်းနိုင်ခဲ့လေ၏။</p> <p> </p> <p>ဤသည်မှာ အလွန် အံ့အားသင့်စရာ ကောင်းလွန်းလှသည်ပင်။</p> <p> </p> <p>ထိုက်ရီ သူတော်စင်မှာ စကားမပြောနိုင်အောင် မှင်တက်သွားခဲ့၏။</p> <p> </p> <p>နင်းဖန်၏ ပါရမီမှာ အလွန် မြင့်မားပြီး သိုင်းပညာများကို အလွန် မြန်ဆန်စွာ ကျင့်ကြံနိုင်သဖြင့် အမှန် တကယ် တိုက်ပွဲတွင် သူ့၌ အားနည်းချက် ရှိရမည်ဟု သူ မူလက ထင်ခဲ့လေသည်။</p> <p> </p> <p>မည်သို့ပင်ဆိုစေ မည်သူမျှ ပြီးပြည့်စုံနိုင်ခြင်း မရှိချေ။</p> <p> </p> <p>သို့သော် တိုက်ပွဲသည်လည်း သူ၏ အားသာချက် ဖြစ်နေမည်ဟု မည်သူက ထင်မည်နည်း။</p> <p>အင်အားကြီးမားသော ရန်သူနှင့် ရင်ဆိုင်ရချိန်တွင် ဤမျှ တည်ငြိမ်အေးဆေးမှု အဆင့်မှာ သူ နှိုင်းယှဉ်၍ ရနိုင်သောအရာထက် များစွာ သာလွန်နေခဲ့သညပင်။</p> <p> </p> <p>သူတော်စင်သည် ပြိုင်ဘက်၏ တိုက်ခိုက်မှုများအောက်တွင် သူ၏ ရုပ်ခန္ဓာကိုယ်ကို ပေါ့ပေါ့ဆဆ ထုတ်ဖော်ပြသခြင်းဖြင့် သူ့ကိုယ်သူ ဘယ်သောအခါမျှ အန္တရာယ်ကျရောက်စေမည် မဟုတ်ချေ။</p> <p> </p> <p>အကယ်၍ သူသာ ဤ မီးတောက်ခြေဖဝါး ဝက်ဝံ နှင့် ရင်ဆိုင်ရပါက ၎င်း အနီးသို့ပင် မရောက်နိုင်မီ အဝေးမှနေ၍ နတ်ဘုရားစွမ်းရည်များနှင့် နည်းစနစ်များဖြင့် နှိမ်နင်းပစ်လောက်ပေသည်။</p> <p> </p> <p>အနည်းဆုံးတော့ ၎င်းကို ရင်ဆိုင်ရန် သူ လက်နက်တစ်ခုကို အသုံးပြုမည် ဖြစ်၏။</p> <p> </p> <p>ပူလောင်နေသော ခြေသည်း တိုက်ခိုက်မှုများ မိုးရွာသကဲ့သို့ကျနေသည့်အောက်တွင် လက်ချည်းသက် သက်ဖြင့် တည်ငြိမ်စွာ ရှောင်တိမ်းနေသော နင်းဖန်ကဲ့သို့ သူ မည်သို့ ဖြစ်နိုင်မည်နည်း။</p> <p> </p> <p>"တကယ့် အရူးပဲ...။"</p> <p> </p> <p>အံ့အားသင့်နေစဉ်မှာပင် သူတော်စင်သည် အတွင်းစိတ်တွင် မကျိန်ဆဲဘဲ မနေနိုင်ခဲ့ချေ။</p> <p> </p> <p>ဤ မီးတောက်ခြေဖဝါး ဝက်ဝံ သည် ရုပ်ခန္ဓာကိုယ်သန့်စင်ခြင်း အဆင့် သတ္တမအလွှာနှင့် ယှဉ်နိုင်သော ကျင့်ကြံမှုရှိပြီး စတုတ္ထအဆင့် သွေးမျိုးဆက်လည်း ရှိကာ ၎င်း၏ တိုက်ခိုက်ရေး စွမ်းအားမှာ သေချာ ပေါက် မအားနည်းချေ။</p> <p>ခြေသည်း ရိုက်ချက်တိုင်းတွင် အင်အား ဂျင် ငါးသောင်းကျော် ပါဝင်နေ၏။ နင်းဖန်တွင် မည်သည့် ကာကွယ်ရေး ရုပ်ခန္ဓာကိုယ်မှ မရှိချေ။ အကယ်၍ သူ မရှောင်နိုင်ဘဲ အထိခံလိုက်ရပါက သူ၏ ခေါင်း ချက်ချင်း ကျေမွသွားရန်မှာ မဖြစ်နိုင်သောအရာတော့ မဟုတ်ချေ။</p> <p> </p> <p>သူ၏ ရှောင်တိမ်းမှုကို လေ့ကျင့်ရန် ပြိုင်ဘက်ကို သွေးကျောက်တုံးအဖြစ် အသုံးပြုရဲအောင် သူ့တွင် မည်သို့သော သတ္တိမျိုး ရှိနေပါသနည်း။</p> <p> </p> <p>သူ့တွင် ထိုမျှ ကြီးမားသော အာရုံကြောများ ရှိနေသည်ပင်။</p> <p> </p> <p>သူတော်စင်သည် ဇဝေဇဝါဖြစ်နေပြီး နင်းဖန်ကို အကြောင်းပြချက်မရှိသော အရူးတစ်ယောက်အဖြစ် သာ သတ်မှတ်လိုက်၏။</p> <p> </p> <p>အမှန်တကယ်တော့ အမှန်တရားမှာ အလွန် ရိုးရှင်းပေသည်။</p> <p> </p> <p>၎င်းမှာ နင်းဖန်သည် ဤ မီးတောက်ခြေဖဝါး ဝက်ဝံ ကို လုံးဝ မသိသောကြောင့်ပင်။</p> <p> </p> <p>၎င်းသည် စတုတ္ထအဆင့် သွေးမျိုးဆက် နတ်ဆိုးသားရဲ တစ်ကောင်ဖြစ်ကြောင်း သူ မသိသလို အထိခံ ရပါက သူ၏ အသက်ကို ဆုံးရှုံးသွားနိုင်ကြောင်းကိုလည်း သူ မသိချေ။</p> <p> </p> <p>ယခုအချိန်တွင် သူသည် "မသိခြင်းသည် ကောင်းချီးတစ်ခု" ဟူသော ခံစားချက် အနည်းငယ်နှင့် ရွှေရောင် အဆင့် ပါရမီများကို ပိုင်ဆိုင်ထားခြင်း၏ ယုံကြည်မှုဖြင့် ထိုနေရာတွင် ရပ်နေခဲ့၏။</p> <p> </p> <p>အကြိမ်ကြိမ် ရှောင်တိမ်းပြီးနောက် သူ၏ အပြုအမူက နတ်ဆိုးသားရဲ ကို လုံးဝ ဒေါသထွက်သွားစေ ခဲ့သည်။</p> <p> </p> <p>၎င်းရှေ့ရှိ လူသားသည် သူ့ကို ကစားနေကြောင်း ခံစားလိုက်ရပြီး နင်းဖန်ကို ရုတ်တရက် မာန်ဖီလိုက်၏။ ဝက်ဝံ၏ မာန်ဖီသံမှာ မိုးကြိုးပစ်သံကဲ့သို့ဖြစ်သွားပြီး တောင်ကြား တစ်ခုလုံးတွင် ဟိန်းထွက်သွားကာ မရေမတွက်နိုင်သော ငှက်များကို လန့်ဖြတ်သွားစေခဲ့သည်။</p> <p> </p> <p>နင်းဖန်၏ ဆံပင်များ အနောက်သို့ လွင့်ထွက်သွားပြီး သူ၏ မျက်လုံးများတွင် သတ်ဖြတ်ချင်စိတ်များ ခိုင်မာလာခဲ့၏။</p> <p> </p> <p>"မင်းက အသံကျယ်တာကို အထူးအဆန်းလို့ ထင်နေတာလား...။ ငါ့အတွက် သေလိုက်စမ်း...။"</p> <p> </p> <p>နောက်စက္ကန့်တွင် နင်းဖန်သည် လက်သီးကို ဆုပ်လိုက်ရာ ဂျင် သုံးသောင်းသုံးထောင်ရှိသော အင်အား များ သူ၏ ကြွက်သားများနှင့် အရိုးများအတွင်းမှ ဖြတ်သန်းသွားခဲ့၏။ သူ၏ ခြေလှမ်းများမှာ တောင်များ ကို နင်းနေသကဲ့သို့ဖြစ်ပြီး ဘယ်ခြေဖြင့် ရှေ့သို့ လှမ်းကာ ညာဘက်လက်မောင်းကို မြင့်မြင့်လွှဲလိုက်ပြီး ဧရာမ လက်သီးတစ်ခုက ဝက်ဝံ၏ ဦးခေါင်းဆီသို့ ပျံသန်းသွားခဲ့လေသည်။</p> <p> </p> <p>တောင်ငါးလုံး ဖိနှိပ်ခြင်း ပုံစံ။</p> <p>ဤသည်မှာ တောင်ငါးလုံး စစ်မှန်သော ပုံစံ လက်သီး မှ ဂန္ထဝင် အစပြု ကိုယ်နေဟန်ထားတစ်ခု ဖြစ်ပြီး ခန္ဓာကိုယ်ကို တည်ငြိမ်စေရန် အနိမ့်ပိုင်း ကိုယ်နေဟန်ထားကို အသုံးပြုကာ ခါးမှတစ်ဆင့် စွမ်းအားကို ဖန်တီးပြီးနောက် လက်သီး၏ အစွမ်းကုန် အင်အားဖြင့် ပေါက်ကွဲထွက်စေခြင်းပင် ဖြစ်၏။</p> <p> </p> <p>သူ တိုက်ခိုက်လိုက်သည်နှင့် သွေးစွမ်းအင်များနှင့် ဝိညာဉ်အင်အားများသည် သူ၏ ခြေလက်များနှင့် အရိုးများအတွင်းမှ ဖြတ်သန်း စီးဆင်းသွားခဲ့လေသည်။ သူ၏ ပတ်လည်ရှိ ချီ များသည် တောင်အရိပ် များကဲ့သို့ ထပ်နေပြီး သူ၏ ကြွက်သားများသည် သံမဏိကြိုးများကဲ့သို့ တင်းမာသွားခဲ့၏။</p> <p> </p> <p>အလယ်တောင် အိုးကြီးကို တည်ငြိမ်စေခြင်း။</p> <p> </p> <p>နောက်ဆုံးတွင် လက်သီး ရောက်ရှိလာပြီး ဝက်ဝံ၏ ခေါင်းပေါ်သို့ ပြင်းထန်သောဖိအားဖြင့်  ကျရောက် သွားခဲ့လေသည်။</p> <p> </p> <p>ပြိုင်ဘက်၏ မာန်ဖီနေသံက ရုတ်တရက် ရပ်တန့်သွား၏။ "ဒိုင်း" ဟူသော အသံကျယ်ကြီးနှင့်အတူ ကာကွယ်ရေး စွမ်းအားကြောင့် နာမည်ကြီးသော မီးတောက်ခြေဖဝါး ဝက်ဝံ သည် ၎င်း၏ ခေါင်းတစ်ခု လုံး ဖရဲသီးတစ်လုံးကဲ့သို့ ပေါက်ကွဲသွားခဲ့လေတော့သည်။</p> <p> </p> <p>လက်သီး၏ ရက်စက်ကြမ်းကြုတ်သော တုန်လှုပ်မှုလှိုင်းသည် ဝက်ဝံ၏ ခေါင်းကို ဖောက်ထွင်းသွား ပြီးနောက် မပျောက်ကွယ်သွားခဲ့သေးချေ။၎င်းသည် ရှေ့တွင် လေဟာနယ်တစ်ခုကို ဖန်တီးလိုက်ပြီး လေလှိုင်းများက ကျယ်ပြန့်သော လှိုင်းဂယက်များအဖြစ် ဖြစ်ပေါ်လာခဲ့၏။</p> <p> </p> <p>အမြင်အာရုံ သက်ရောက်မှုမှာ အမြင့်ဆုံးသို့ ရောက်ရှိသွားခဲ့သည်။</p> <p> </p> <p>ထိုက်ရီအကြွင်းအကျန်နယ်မြေ အတွင်း၌ အားလုံး မှင်တက်သွားကြပြီး သူတို့၏ မျက်ခွံများမှာ အရူး အမူး တုန်လှုပ်နေခဲ့၏။</p> <p> </p> <p>"သူ... သူ အဲဒါကို သတ်လိုက်တာလား...။"</p> <p> </p> <p>"အဲဒါက စတုတ္ထအဆင့် သွေးမျိုးဆက် နတ်ဆိုးသားရဲ မီးတောက်ခြေဖဝါး ဝက်ဝံ လေ ဒါပေမယ့် နင်းဖန် ရဲ့ လက်သီးတစ်ချက်ကိုတောင် ခံနိုင်ရည် မရှိခဲ့တာလား...။"</p> <p> </p> <p>"ကောင်းကင်ဘုံ အဆင့်မြင့် သိုင်းပညာတစ်ခုမှာက အောင်မြင်မှုအသေးစား ရရှိတာက တကယ်ပဲ ဒီလောက်တောင် ကြောက်စရာကောင်းတာလား...။"</p> <p> </p> <p>"အဆင့်မြင့် သိုင်းပညာတွေက ကျင့်ကြံဖို့ အချိန်အများကြီး ယူရတာ အံ့သြစရာ မဟုတ်ပါဘူး။  တစ်ခါ ကျွမ်းကျင်သွားရင် လုံးဝကို ပြိုင်ဘက်ကင်းတာပဲ...။ တူညီတဲ့ နယ်မြေအတွင်းမှာ အလျားလိုက် လမ်းလျှောက်လို့ ရတယ်...။"</p> <p> </p> <p>"အဲဒါက နင်းဖန်ရဲ့ အခြေခံအုတ်မြစ်က အရမ်းကောင်းနေလို့လည်း ဖြစ်တယ်... ။ ရုပ်ခန္ဓာကိုယ်သန့်စင် ခြင်း ဒုတိယအလွှာမှာ သူ့ရဲ့ ရုပ်ခန္ဓာကိုယ်က ပဉ္စမ ဒါမှမဟုတ် ဆဋ္ဌမအလွှာက လူတွေထက် ပိုသန်မာ တယ်...။ ဒီလောက် မြင့်မားတဲ့ တိုက်ခိုက်ရေး ပါရမီနဲ့ဆိုရင် ဒီ မီးတောက်ခြေဖဝါး ဝက်ဝံ ကို အနိုင်ယူ နိုင်တာက သဘာဝကျပါတယ်...။"</p> <p>"ဒီတိုက်ပွဲနဲ့အတူ နင်းဖန်က သူ့ကိုယ်သူ သက်သေပြလိုက်ပြီ...။ ကျင့်ကြံခြင်း ပါရမီ၊ သတ္တိ ဒါမှမဟုတ် တိုက်ခိုက်ရေး ပါရမီပဲဖြစ်ဖြစ် သူဟာ အကုန်ပိုင်ဆိုင်ထားတယ်...။ အချိန်တန်ရင် သူ သေချာပေါက် နောက်ထပ် ပြိုင်ဘက်ကင်း ပါရမီရှင် တစ်ယောက် ဖြစ်လာမှာပဲ...။"</p> <p> </p> <p>မရေမတွက်နိုင်သော တပည့်များသည် တုန်လှုပ်နေသော နှလုံးသားများဖြင့် စောင့်ကြည့်နေကြပြီး ဤမြင်ကွင်းသည် စိတ်နှလုံးကို တုန်လှုပ်စေသလို သွေးများကိုဆူပွက်စေသည်ဟု ခံစားခဲ့ကြရ၏။</p> <p> </p> <p>အချို့သော အမျိုးသမီး တပည့်များသည် နင်းဖန်၏ ချောမောသော အသွင်အပြင်နှင့် ကျက်သရေရှိသော ကိုယ်နေဟန်ထားကို ကြည့်ရင်း သူတို့၏ နှလုံးသားများ ခုန်ပေါက်လာခြင်းကို မထိန်းချုပ်နိုင်ခဲ့ကြချေ။</p> <p> </p> <p>"ကောင်းတယ်...။"</p> <p> </p> <p>ထိုက်ရီဂိုဏ်းချုပ် ဖေ့ချင်းယွီသည် သူ၏ လက်များကို အပြင်းအထန် လက်ခုပ်တီးလိုက်ပြီး သူ၏ မျက်လုံးများတွင် ဝမ်းသာမှုများ အပြည့်ဖြစ်နေခဲ့၏။</p> <p> </p> <p>နင်းဖန်၏ စွမ်းဆောင်ရည်သည် သူ၏ မျှော်လင့်ချက်များထက် လုံးဝ သာလွန်သွားခဲ့သည်။</p> <p> </p> <p>တိုက်ပွဲနှင့် ရင်ဆိုင်ရချိန်တွင် သူသည် အန္တရာယ်များကြား တည်ငြိမ် ရဲရင့်ပြီး ဗျူဟာမြောက်ကာ စေ့စပ်သေချာလေ၏။</p> <p> </p> <p>ဤလက္ခဏာများ အားလုံးသည် ပြိုင်ဘက်ကင်း ပါရမီရှင်တစ်ဦး၏ ဝိသေသလက္ခဏာများနှင့် ပြီးပြည့် စုံစွာ ကိုက်ညီနေပေသည်။</p> <p> </p> <p>"ဂုဏ်ပြုပါတယ် ဂိုဏ်းချုပ် စီနီယာအစ်ကို...။ ငါတို့ ဂိုဏ်းက နောက်ထပ် ချီလင်သားတော် တစ်ယောက် ရလိုက်ပြီပဲ...။ တပည့်ခေါင်းဆောင် နင်းရဲ့ အနာဂတ် အောင်မြင်မှုတွေက ခန့်မှန်းလို့ မရနိုင်ဘူး...။ သူက အဲဒီတုန်းက ဂိုဏ်းချုပ်စွန်း ရဲ့ ဂုဏ်ကျက်သရေကို ပြန်လည်ဖန်တီးဖို့ဆိုတာ မဖြစ်နိုင်တာ မဟုတ်ဘူး...။"</p> <p> </p> <p>အကြီးအကဲများစွာက တညီတညွတ်တည်း ဂုဏ်ပြုစကားများ ပြောကြားခဲ့ကြ၏။</p> <p> </p> <p>ဤတစ်ကြိမ်တွင် သူတို့သည် အမှန်တကယ် ယုံကြည်သွားကြပြီ ဖြစ်သည်။ အဘယ်ကြောင့်ဆိုသော် နင်းဖန်သည် သူ့တွင် ကျင့်ကြံခြင်း ပါရမီသာမက တိုက်ခိုက်ရေး ထက်မြက်မှုလည်း ရှိကြောင်း အားလုံး ကို သက်သေပြလိုက်သောကြောင့်ပင်။</p> <p> </p> <p>အရာရာတိုင်းက ပြီးပြည့်စုံလွန်းနေခဲ့သည်။</p> <p> </p> <p>ဂိုဏ်းချုပ် ဖေ့ချင်းယွီသည်လည်း သူ၏ နှလုံးသားထဲတွင် ပျော်ရွှင်နေခဲ့၏။ နင်းဖန်၏ ဦးဆောင်မှု အောက်တွင် ထိုက်ရီအစစ်အမှန်ဂိုဏ်းသည် နယ်မြေလေးခုနှင့် ပြည်နယ်တစ်ခုကို နောက်တစ်ကြိမ် လွှမ်းမိုးနိုင်မည့်နေ့ကို သူ မြင်တွေ့နိုင်ပါက သူ၏ ဘဝသည် အချည်းနှီး ဖြစ်မည် မဟုတ်တော့ချေ။</p> <p> </p> <p>သူ သူရဲကောင်းဆန်သော စကားအချို့ ပြောရန် ပြင်လိုက်စဉ် ပတ်ဝန်းကျင်ရှိ တပည့်များ အော်ဟစ်လိုက် သည်ကို ရုတ်တရက် ကြားလိုက်ရလေ၏။</p> <p>"ကြည့်စမ်း... နင်းဖန်က နောက်ထပ် နတ်ဆိုးသားရဲ တစ်ကောင်နဲ့ တွေ့နေပြန်ပြီ...။"</p> <p> </p> <p>သူ အောက်သို့ ငုံ့ကြည့်လိုက်ရာ အောက်ဘက်တွင် တိုက်ပွဲ မြင်ကွင်း ပြန်လည်စတင်နေသည်ကို အမှန် တကယ် မြင်တွေ့လိုက်ရလေသည်။</p> <p> </p> <p>တိုက်ပွဲတွင် အနိုင်ရပြီးနောက် နင်းဖန်သည် ဆုတ်ခွာရန် အလျင်စလို မလုပ်ဘဲ ရှေ့ဆက်သွားခဲ့ရာ မကြာ မီမှာပင် အင်အားကြီးမားသော ရန်သူနှင့် နောက်တစ်ကြိမ် တွေ့ဆုံခဲ့ခြင်း ဖြစ်လေ၏။</p> <p> </p> <p>ဤနတ်ဆိုးသားရဲ သည်လည်း စတုတ္ထအဆင့် သွေးမျိုးဆက် ရှိသော်လည်း ၎င်း၏ အင်အားမှာ ရုပ်ခန္ဓာ ကိုယ်သန့်စင်ခြင်း အဆင့် အဋ္ဌမအလွှာနှင့် ယှဉ်နိုင်သဖြင့် ၎င်းကို မီးတောက်ခြေဖဝါး ဝက်ဝံ ထက်ပင် ပိုမို အားကောင်းစေခဲ့သည်။</p> <p> </p> <p>နင်းဖန်သည် ၎င်းကို တိုက်ခိုက်ခဲ့ပြီး သတ်ဖြတ်ခြင်းမှတစ်ဆင့် သူ၏ ရုပ်ခန္ဓာကိုယ်ကို သန့်စင်နေစဉ် သူ၏ တိုက်ပွဲဝိညာဉ် ပါရမီကို အသက်သွင်းခဲ့၏။</p> <p> </p> <p>အကြိမ်အနည်းငယ် ယှဉ်ပြိုင်ပြီးနောက် သူသည် နောက်ဆုံးတွင် ၎င်းကို သတ်ဖြတ်နိုင်ခဲ့သည်။</p> <p> </p> <p>အကြီးအကဲများစွာသည် ကြည့်ရှုရင်း ခေါင်းညိတ်လိုက်ကြ၏။</p> <p> </p> <p>"နင်းဖန် မီးတောက်ခြေဖဝါး ဝက်ဝံ ကို သတ်တုန်းက သူတို့ အကြိမ်များစွာ အပြန်အလှန် တိုက်ခိုက်ခဲ့ သလို ထင်ရပေမယ့် တကယ်တော့ သူက ရှောင်တိမ်းနေခဲ့တာပဲ...။ သူ တကယ် တိုက်ခိုက်ခဲ့တာ တစ်ကြိမ်တည်းပါပဲ...။ သူ့အတွက်ကတော့ ချက်ချင်း သတ်လိုက်တာနဲ့ မကွာခြားပါဘူး ဒါကြောင့် သူ ဆက်ပြီး ရှေ့ဆက်သွားတာ သဘာဝကျပါတယ်...။"</p> <p> </p> <p>"ဟုတ်တယ်... ဒီ နတ်ဆိုးသားရဲ အသစ်က သူ့ကို ခဏတာ ဒုက္ခပေးနိုင်ခဲ့ပေမယ့် နင်းဖန်မှာ အင်အားတွေ ကျန်နေသေးတာ ထင်ရှားတယ်...။ ရှေ့ဆက်ပြီး သူ ဆက်ရှာဖွေမယ်လို့ ငါ ထင်တယ်...။"</p> <p> </p> <p>"ဟေး... မင်းပြောတာ မှန်တယ် နင်းဖန်က တကယ်ပဲ နောက်တစ်ကြိမ် ရှေ့ဆက်သွားနေပြန်ပြီ...။"</p> <p> </p> <p>"ငါ့ကို ကြည့်ခွင့်ပေးပါဦး ဒီတစ်ကြိမ် ပြိုင်ဘက်က ဟင်း… ပဉ္စမအဆင့် သွေးမျိုးဆက် နတ်ဆိုးသားရဲ ပဲ...။ ယုံကြည်နိုင်စရာ မရှိဘူး အန္တရာယ် ရှိနိုင်မလား...။"</p> <p> </p> <p>"နင်းဖန် လှုပ်ရှားလိုက်ပြီ...။ ကြည့်ရတာ သူ အဲဒါကို မသတ်မချင်း ရပ်မှာမဟုတ်ဘူး...။"</p> <p> </p> <p>"အချီ ငါးဆယ်...။ နင်းဖန် ဒဏ်ရာ နည်းနည်း ရသွားတယ်ဆိုပေမယ့် အခြေအနေက အားနည်းချက် ကနေ အားသာချက်အဖြစ် ပြန်ပြောင်းသွားပြီ...။ ဒီတိုက်ခိုက်ရေး ပါရမီက အရမ်း အစွမ်းထက်လွန်း တယ်...။"</p> <p> </p> <p>"သေသွားပြီ... ။ ပဉ္စမအဆင့် သွေးမျိုးဆက် နတ်ဆိုးသားရဲ က နင်းဖန်ရဲ့ လက်ချက်နဲ့ အချီ ရှစ်ဆယ် မြောက်မှာ သေဆုံးသွားခဲ့ပြီ...။ တောင်ငါးလုံး စစ်မှန်သော ပုံစံ လက်သီး ဟာ အောင်မြင်မှုအသေးစား လေးမှာတင် ဒီလောက် စွမ်းအားရှိဖို့ဆိုတာ ငါတို့ဂိုဏ်းရဲ့ နံပါတ်တစ် သိုင်းပညာဆိုတဲ့ နာမည်နဲ့ တကယ် ကို ထိုက်တန်ပါတယ်...။"</p> <p> </p> <p>"နင်းဖန် အခုတော့ ကျေနပ်သွားလောက်ပြီ...။ သူ အနားယူဖို့ သေချာပေါက် ပြန်သွားတော့မှာပဲ...။"</p> <p>"ဘာ...။ သူ ဘာလို့ ရှေ့ဆက်သွားနေသေးတာလဲ...။"</p> <p> </p> <p>"သူက ပဉ္စမအဆင့် သွေးမျိုးဆက် နတ်ဆိုးသားရဲ တွေရဲ့ နယ်မြေထဲ ရောက်နေပြီလေ...။ ဒါက အရမ်း အန္တရာယ်များတယ်...။ တကယ်လို့ သူ သားရဲ နှစ်ကောင်ရဲ့ ဝိုင်းတိုက်တာကို ခံရရင် သူ့အသက် အန္တရာယ် ရှိနိုင်တယ်...။"</p> <p> </p> <p>"တောက်... ငါတို့က ဒီမှာနေရင်း အလကား စိတ်ပူနေတာပဲ...။ ငါတို့ ပြောတာ တစ်ခွန်းမှ သူ မကြားရ ဘူးလေ...။"</p> <p> </p> <p>အကြီးအကဲများသည် မူလက ပွဲကို ကျေနပ်အားရစွာ ကြည့်ရှုနေခဲ့ကြခြင်း ဖြစ်၏။</p> <p> </p> <p>သို့သော် ပဉ္စမအဆင့် သွေးမျိုးဆက် နတ်ဆိုးသားရဲ ကို သတ်ပြီးနောက် သွေးထွက်နေသော်လည်း နင်းဖန်သည် ဆုတ်ခွာခြင်း မရှိဘဲ ရှေ့ဆက်သွားချင်နေသေးကြောင်း သူတို့ သိလိုက်ရသောအခါ သူတို့ မထိတ်လန့်ဘဲ မနေနိုင်ကြတော့ချေ။</p> <p> </p> <p>သူ မည်သည့်အရာကို လုပ်ရန် ကြိုးစားနေပါသနည်း။</p> <p> </p> <p>လိဖုန်း တောင်ကြား တစ်ခုလုံးကို ရှင်းလင်းပစ်ချင်နေခြင်းလော။</p> <p> </p> <p>သူ အမှန်တကယ်ပင် ထိုသို့ လုပ်ချင်နေခြင်း ဖြစ်လေသည်။</p> <p>နင်းဖန် တစ်ယောက်တည်းသာ ခြေတစ်လှမ်းမျှ မရပ်တန့်ခဲ့ချေ။ သူ၏ ရုပ်ခန္ဓာကိုယ်သန့်စင်ခြင်း ဒုတိယ အလွှာ အခြေအနေတွင် တောင်ငါးလုံး စစ်မှန်သော ပုံစံ လက်သီး ၏ စွမ်းအားကို သယ်ဆောင်ကာ သူ၏ တိုက်ပွဲဝိညာဉ် ကို အကန့်အသတ်အထိ တွန်းပို့ခဲ့၏း</p> <p> </p> <p>အချိန်တိုင်း တိုးတက်နေသော သူ၏ တိုက်ခိုက်ရေး ထက်မြက်မှုက သူ့ကို အချိန်တိုင်း အန္တရာယ်မှ ဘေးကင်းရာသို့ ပြောင်းလဲနိုင်စေခဲ့သည်ပင်။</p> <p> </p> <p>သူသည် ပိုမို အင်အားကြီးမားသော ပဉ္စမအဆင့် သွေးမျိုးဆက် နတ်ဆိုးသားရဲ သုံးကောင်ကိုပင် ဆက်တိုက် ဖြတ်ကျော်နိုင်ခဲ့၏။</p> <p> </p> <p>ဤမြင်ကွင်းက အားလုံးကို လုံးဝ မှင်တက်သွားစေခဲ့သည်။</p> <p> </p> <p>သားရဲတစ်သောင်း တောင်ထိပ်၏ တောင်ထိပ်အရှင်သခင် ကျုံးတင်း ပင်လျှင် အော်ဟစ်လိုက်၏။</p> <p> </p> <p>"စီနီယာအစ်ကိုနင်း... သတ်တာကို ရပ်လိုက်ပါတော့ မင်းက တောင်ကြားတစ်ခုလုံးကို ရှင်းလင်းလုနီးပါး ဖြစ်နေပြီ...။"</p> <p>***</p> <p> </p>


Save