Book List

<h2 style="text-align: center;">အခန်း (၄၉)</h2> <h2 style="text-align: center;">ဒီဆေးညွှန်းက လူတစ်ယောက်ကို ရေထဲစိမ်ပြီး သတ်ပစ်နိုင်တယ်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>"မင်းက တကယ်ပဲ သင်ယူတော့မှာလား...။"</p> <p> </p> <p>စွန်းချီယွမ် သည် မျက်လုံးပြူးကာ စိုက်ကြည့်နေခဲ့၏။ နင်းဖန်က စကားသက်သက် ပြောနေခြင်း မဟုတ် ဟု သူ မမျှော်လင့်ထားခဲ့ချေ။</p> <p> </p> <p>သူသည် ဘေးဘက် ခန်းမသို့ အမှန်တကယ် ပြေးသွားပြီး စတင် ဖတ်ရှုနေခဲ့သည်။</p> <p> </p> <p>ထို ဝိညာဉ်အပင်များ အသေးစိတ် ရှင်းလင်းချက် စာအုပ်ကို သူ ရေးသားခဲ့ခြင်း ဖြစ်၏။</p> <p> </p> <p>သူသည် ၎င်းကို ပြင်ပလူများအား ပေးဖတ်ရန် ဘယ်သောအခါမျှ ရည်ရွယ်မထားခဲ့သဖြင့် အကြောင်း အရာများကို အခြေခံအားဖြင့် သူ၏ စိတ်ကူးပေါက်သလို တွေးမိသည့်အတိုင်း ရေးသားထားခြင်း ဖြစ် လေသည်။</p> <p> </p> <p>ဆေးဖက်ဝင်အပင်တစ်ရာတောင်ထိပ် ၏ အကြီးအကဲ တစ်ဦးလည်းဖြစ်သော ရှောင်ချာ သည် တစ်ခါက စာမျက်နှာ နှစ်မျက်နှာခန့်ကို အမှတ်မထင် လှန်လှောကြည့်မိခဲ့ဖူး၏။</p> <p> </p> <p>ထို့နောက် သူသည် သူ၏ နဖူးကို ပွတ်သပ်ကာ သူ့ကို အလေးအနက် အကြံပေးခဲ့သည်။</p> <p> </p> <p>"ဂျူနီယာညီလေးစွန်း... မင်း ဘယ်တော့မှ စာအုပ်မရေးသင့်ဘူး မဟုတ်ရင် ဖတ်တဲ့သူက မင်းကို သေချာပေါက် ရိုက်သတ်ချင်လိမ့်မယ်...။"</p> <p> </p> <p>အကြောင်းအရာများမှာ အမှန်တကယ်ပင် ရှုပ်ထွေးလွန်းပြီး ဟိုရောက်ဒီရောက် ဖြစ်နေခဲ့သည်။ သာမန် လူတစ်ယောက် ဖတ်ရန်မှာ အမှန်တကယ်ပင် ပင်ပန်းလွန်းလှ၏။</p> <p> </p> <p>ဤကိစ္စနှင့် ပတ်သက်၍ စွန်းချီယွမ်လည်း ဝန်ခံခဲ့လေသည်။</p> <p> </p> <p>ထို့ကြောင့် အချိန်တစ်လျှောက်လုံး ဤ ဝိညာဉ်အပင်များ အသေးစိတ် ရှင်းလင်းချက် ကို ပြင်ပလူများကို သူ ဘယ်သောအခါမျှ မပြခဲ့ချေ။</p> <p> </p> <p>သို့သော် ယခု နင်းဖန်က ၎င်းကို လေးနက်သော မျက်နှာဖြင့် ဖတ်ရှုနေပြီး တစ်ခါတစ်ရံ ဉာဏ်အလင်း ပွင့်သွားခြင်း သို့မဟုတ် အလွန်အမင်း ဝမ်းသာသွားခြင်းများ ဖြစ်ပေါ်နေသည်ကို သူ မြင်တွေ့လိုက်ရ၏။</p> <p> </p> <p>ဤမြင်ကွင်းက စွန်းချီယွမ် ကို လုံးဝ ဇဝေဇဝါ ဖြစ်သွားစေခဲ့သည်။</p> <p> </p> <p>"သူက... ငါ့ရဲ့ အရေးအသားကို ဝေဝါးပြီး နားလည်ရခက်တယ်လို့ မထင်ဘူးလား...။ သူက ဘယ်လိုလုပ် အဲဒါကို ဒီလောက် အရသာခံပြီး ဖတ်နိုင်ရတာလဲ...။"</p> <p> </p> <p>စွန်းချီယွမ် သည် သူ့ဘာသာသူ ရေရွတ်နေခဲ့၏။</p> <p> </p> <p>သူ၏ စိတ်ခံစားမှုများမှာ ရှုပ်ထွေးနေခဲ့သည်။</p> <p> </p> <p>လွန်ခဲ့သော အခိုက်အတန့်လေးကပင် သူသည် နင်းဖန်၏ မာနကြီးမှုနှင့် အသိပညာကင်းမဲ့မှုတို့ကြောင့် ဒေါသထွက်နေခဲ့၏။</p> <p> </p> <p>သို့သော် ယခု တစ်ဖက်လူက သူ၏ စာအုပ်ကို အလွန် အလေးအနက်ထား၍ ဖတ်ရှုနေပြီး အတု အယောင်မဟုတ်သော ဝမ်းသာမှု အမူအရာများဖြင့် ဖတ်နေသည်ကို မြင်သောအခါ သူ၏ ဒေါသသည် တစ်ခဏတာမျှ ထွက်ပေါ်မလာနိုင်တော့ချေ။</p> <p> </p> <p>"ဂျူနီယာညီလေးစွန်း... ကြည့်ရတာ နင်းဖန်က မင်းကို နားလည်ပုံရတယ်...။"</p> <p> </p> <p>ရှောင်ချာ က လျှောက်လာပြီး ပြုံးလျက် ပြောလိုက်၏။</p> <p> </p> <p>စွန်းချီယွမ် ၏ အမူအရာသည် ဤသည်ကို ကြားသောအခါ ပြောင်းလဲသွားပြီး သူသည် တိုးညင်းစွာ နှာခေါင်းရှုံ့လိုက်သည်။</p> <p> </p> <p>"သူသာ ငါ့ကို တကယ် နားလည်ခဲ့ရင် ငါ့ရဲ့ ဆေးညွှန်းက မကောင်းဘူးလို့ သူ ပြောခဲ့မှာ မဟုတ်ဘူး...။"</p> <p> </p> <p>"ငါထင်တာတော့ မင်းက မင်းရဲ့ မာနကို မစွန့်လွှတ်နိုင်သေးတာပဲ...။"</p> <p> </p> <p>ဟု ရှောင်ချာ က တိုက်ရိုက် ထောက်ပြလိုက်၏။</p> <p> </p> <p>ဤသည်ကို ကြားသောအခါ အခြားအကြီးအကဲများကလည်း စတင် ရယ်မောလာကြလေသည်။</p> <p> </p> <p>ဤနင်းဖန်သည် တကယ်ကို စိတ်ဝင်စားစရာ ကောင်းပေသည်။</p> <p> </p> <p>ပထမဦးစွာ သူသည် မာနကြီးပြီး စွန်းချီယွမ် ကို ဒေါသကြောင့် သေလုမတတ် ဖြစ်သွားစေခဲ့၏။</p> <p> </p> <p>ထို့နောက် မျက်စိတစ်မှိတ်အတွင်း သူသည် သူ၏ ဝိညာဉ်အပင်များ အသေးစိတ် ရှင်းလင်းချက် ကို စတင် ဖတ်ရှုနေခဲ့သည်။</p> <p> </p> <p>ဤစာအုပ်ကို အများပြည်သူအား ဘယ်သောအခါမျှ မပြသခဲ့သော်လည်း ဆေးဖက်ဝင်အပင်တစ်ရာ တောင်ထိပ် တွင် အတူတကွ အလုပ်လုပ်နေသော အကြီးအကဲ အချို့က ၎င်းကို အကြမ်းအဖျင်း လှန်လှောကြည့်ခဲ့ကြဖူး၏။</p> <p> </p> <p>သို့သော် စာမျက်နှာ နှစ်မျက်နှာ သို့မဟုတ် သုံးမျက်နှာခန့် ဖတ်ပြီးနောက် သူတို့ ဆက်၍ သည်းမခံနိုင် တော့ဘဲ အလျင်အမြန် ပြန်ထားလိုက်ကြသည်ပင်။</p> <p> </p> <p>ဤသည်က ဤစာအုပ်၏ အင်အားကို ပြသရန် လုံလောက်ပေသည်။ ၎င်းကို ဖတ်ရသည်မှာ ဦးနှောက် အတွက် အလွန် ပင်ပန်းလှ၏။</p> <p> </p> <p>သို့တိုင် အားလုံးက မကြိုက်သော ထိုသို့သော စာအုပ်မျိုးကို နင်းဖန်သည် ဤမျှ အရသာခံ၍ ဖတ်ရှုနိုင် ပေသည်။ ၎င်းက စွန်းချီယွမ် ဖော်ပြလိုသောအရာကို သူ နားလည်နိုင်ကြောင်း သက်သေပြနေခြင်းပင်။</p> <p> </p> <p>သူသည် သေချာပေါက် ရှားပါးသော စိတ်တူကိုယ်တူ သူငယ်ချင်း တစ်ယောက်ပင်။</p> <p> </p> <p>ထို့ကြောင့် အားလုံးက အတွင်းစိတ်တွင် ပြုံးလိုက်ကြပြီး စွန်းချီယွမ် သည် ယခုအချိန်တွင် ဒေါသထွက် သင့်သလား သို့မဟုတ် ပျော်ရွှင်သင့်သလားဟု တွေးတောနေခဲ့ကြ၏။</p> <p> </p> <p>"ဒါပေမယ့် ဆေးဖက်ဝင် အပင် လမ်းကြောင်းက ကျယ်ပြန့်ပြီး နက်နဲတယ်လေ...။ ဂျူနီယာညီလေးစွန်း က အောင်မြင်မှု ရဖို့ အနှစ်တစ်ထောင် ကြာအောင် လေ့လာခဲ့ရတာ...။ အခု နင်းဖန်က အဲဒါကို ဖတ်နေ တာ ဘာအသုံးဝင်မှာလဲ...။"</p> <p> </p> <p>"သူက တကယ်ပဲ ဂျူနီယာညီလေးစွန်းကို ကျော်လွန်ပြီး သူ့ရဲ့ ကိုယ်ပိုင် ဆေးညွှန်းကို ဖန်တီးချင်နေတာ လား...။"</p> <p> </p> <p>နောက်ပြောင်ပြီးနောက် ရှောင်ချာ သည် အနည်းငယ် ဇဝေဇဝါ ဖြစ်သွားခဲ့၏။</p> <p> </p> <p>နင်းဖန်၏ ဉာဏ်ရည်ဖြင့် ဤနေရာရှိ ယုတ္တိဗေဒကို သူ မမြင်ဘဲ မနေနိုင်ချေ။</p> <p> </p> <p>အထူးသဖြင့် ဝိညာဉ်အပင်များ အသေးစိတ် ရှင်းလင်းချက် ကို ဖတ်ပြီးနောက် ခက်ခဲမှုကို သူ ပို၍ပင် နားလည်သင့်ပေသည်။</p> <p> </p> <p>"သူ ဘာလို့ စာကြည့်တိုက် ခန်းမ ထဲမှာ အချိန်ဆွဲနေပြီး အပြင်မထွက်လာသေးတာလဲ…။"</p> <p> </p> <p>ရှောင်ချာ ဇဝေဇဝါ ဖြစ်နေခဲ့၏။</p> <p> </p> <p>ဂိုဏ်းတစ်ခုလုံးရှိ တပည့်များသည် ပို၍ပင် ဇဝေဇဝါ ဖြစ်နေခဲ့ကြသည်။</p> <p> </p> <p>"နင်းဖန် ဘာလုပ်နေတာလဲ...။"</p> <p> </p> <p>"စီနီယာအစ်ကိုနင်းရဲ့ ရိုင်းစိုင်းတဲ့ စကားတွေက သူ့မှာ ထက်မြက်တဲ့ လှုပ်ရှားမှု တစ်ခုခု ရှိတယ်လို့ ဆိုလိုတာလားလို့ ငါ ထင်ခဲ့တာ...။ ဒါပေမယ့် သူက နေရာမှာတင် သင်ယူနေတာလား...။"</p> <p> </p> <p>"ဘုရားရေ နင်းဖန်ရဲ့ စာဖတ်နှုန်းက အရမ်း မြန်လွန်းတယ်...။"</p> <p> </p> <p>"သူ ဝိညာဉ်အပင်များ အသေးစိတ် ရှင်းလင်းချက် ကို ဖတ်လို့ ပြီးသွားပြီလား...။ ပြီးတော့ နောက်စာအုပ် တစ်အုပ်ကို ကောက်ကိုင်လိုက်ပြီ...။"</p> <p> </p> <p>"နင်းဖန်က သူ့ရဲ့ ကိုယ်ပိုင် ရုပ်ခန္ဓာကိုယ် သန့်စင်ခြင်း ဆေးညွှန်းကို တကယ်ကြီး ဖန်တီးတော့မှာတော့ မဟုတ်ပါဘူးနော်...။"</p> <p> </p> <p>"ဘယ်လိုလုပ် ဖြစ်နိုင်မှာလဲ...။ ထိပ်တန်းအဆင့် သွေးကြော နွေးထွေးစေတဲ့ ဆေးညွှန်းတွေဆိုတာ ဂိုဏ်းကြီးတွေရဲ့ လျှို့ဝှက် နည်းစနစ်တွေလေ မျိုးဆက်ပေါင်းများစွာရဲ့ သွေးနဲ့ ချွေးတွေရဲ့ ရလဒ်ပဲ...။ အကယ်၍ နင်းဖန်က အကြီးအကဲစွန်း ရဲ့ ဆေးညွှန်းထက် ပိုအားကောင်းတဲ့ ဆေးညွှန်းတစ်ခုကို ဖန်တီးနို င်ရင် သူတော်စင်မိန်းမပျို ခန်းမ ထဲက ကြမ်းပြင် ကြွေပြားတွေ အားလုံးကို ငါ စားပစ်မယ်...။"</p> <p> </p> <p>"ဒီဂျူနီယာညီလေးက...။ မင်းက ဘာလို့ အလကား အစားအစာတစ်ခု ရဖို့ လှည့်စားဖို့ ကြိုးစားနေတာ လဲ...။"</p> <p> </p> <p>"..."</p> <p> </p> <p>တပည့်များစွာ ဆူညံစွာ ဆွေးနွေးနေကြ၏။</p> <p> </p> <p>အောက်ဘက်ရှိ နင်းဖန်၏ လှုပ်ရှားမှုများမှာ အမှန်တကယ်ပင် ထိတ်လန့်စရာ ကောင်းလှပေသည်။</p> <p> </p> <p>သူသည် စာအုပ်ပုံများကြားတွင် တင်ပျဉ်ခွေ ထိုင်ကာ လျင်မြန်စွာ ဖတ်ရှုနေခဲ့၏။</p> <p> </p> <p>စာကြောင်းဆယ်ကြောင်းကို တစ်ချက်ကြည့်ရုံဖြင့် ဖတ်နေသကဲ့သို့ သူသည် စာလိပ်တစ်ခုကို ကောက် ယူကာ စာမျက်နှာတိုင်းကို လျင်မြန်စွာ လှန်လှောကြည့်ပြီး နောက်တစ်ခုသို့ ချက်ချင်း ကူးသွားခဲ့သည်။</p> <p> </p> <p>ဤသည်မှာ နင်းဖန်က အချက်အလက်များကို မချေဖျက်ဘဲ အလုံးလိုက် မျိုချနေခြင်း မဟုတ်ချေ။ ၎င်းမှာ သူ၏ ထူးခြားသော စွမ်းရည် ဖြစ်၏။</p> <p> </p> <p>သူသည် ငယ်စဉ်ကတည်းက စာဖတ်မြန်သူ တစ်ဦး ဖြစ်ခဲ့လေသည်။</p> <p> </p> <p>မည်သည့် စာအုပ်မျိုးဖြစ်စေ သူသည် စာကြောင်းဆယ်ကြောင်းကို တစ်ချက်ကြည့်ရုံဖြင့် ဖတ်ရှုနိုင်ပြီး စာကြောင်းများကြားရှိ အဓိပ္ပာယ်တိုင်းသည် သူ၏ စိတ်ထဲတွင် အမှားအယွင်းမရှိ စွဲထင်သွားမည် ဖြစ်၏</p> <p> </p> <p>ယခု ဝိညာဉ်အပင်များ အကြောင်း လေ့လာနေစဉ် သူသည် မူလက ဖြည်းဖြည်းချင်း လုပ်ဆောင်လို ခဲ့သည်။</p> <p> </p> <p>သို့သော် သူ၏ ကျပ်တည်းနေသော အချိန်ဇယားကို ထည့်သွင်းစဉ်းစားပါက သူသည် ဤပါရမီကို အသုံးပြုရန်မှလွဲ၍ အခြား ရွေးချယ်စရာ မရှိချေ။</p> <p> </p> <p>နင်းဖန်သည် သင်ယူခြင်းတွင် လုံးဝ နစ်မြုပ်သွားသည်နှင့်အမျှ ကမ္ဘာပေါ်ရှိ အရာအားလုံး ရပ်တန့်သွား သကဲ့သို့ ဖြစ်သွားခဲ့၏။</p> <p> </p> <p>နေထွက်ပြီး နေဝင်သွားသည်...။ သုံးရက်တာ အချိန်သည် မျက်စိတစ်မှိတ်အတွင်း ကုန်လွန်သွားခဲ့လေ သည်။</p> <p> </p> <p>ဤသုံးရက်အတွင်း လိုအပ်သော နေ့စဉ် အစားအစာများမှလွဲ၍ နင်းဖန်သည် သူ၏ အချိန်အားလုံးကို စာအုပ်များ ဖတ်ရှုခြင်းနှင့် ဆေးဥယျာဉ် အတွင်းရှိ အမျိုးမျိုးသော ဝိညာဉ်အပင်များ နှင့် သစ်ပင်ပန်းမန် များကို ထိတွေ့လေ့လာခြင်းတွင် ကုန်ဆုံးခဲ့၏။</p> <p> </p> <p>ထိုက်ရီအကြွင်းအကျန်နယ်မြေ အတွင်း၌ တပည့်များစွာမှာ အချိန်အတော်ကြာကတည်းက မှင်တက် နေခဲ့ကြပြီ ဖြစ်သည်။</p> <p> </p> <p>အစပိုင်းတွင် နင်းဖန်သည် စိတ်ကူးယဉ်နေခြင်း ဖြစ်သည်ဟု သူတို့အားလုံး တညီတညွတ်တည်း ယုံကြည်ခဲ့ကြ၏။</p> <p> </p> <p>ထိပ်တန်းအဆင့် ဆေးရေချိုး ဆေးညွှန်းတစ်ခုကို ဖန်တီးခြင်း၊ နေရာမှာတင် သင်ယူခြင်း၊ ၎င်းအရာ အားလုံးသည် စိတ်ကူးယဉ် အိပ်မက်တစ်ခုသာ ဖြစ်လာပေလိမ့်မည်။</p> <p> </p> <p>အထူးသဖြင့် နင်းဖန်၏ သင်ယူခြင်းဆိုသောအရာသည် အခြေခံအားဖြင့် စာအုပ်များကို ကျပန်း လှန်လှောကြည့်နေရုံသာ ဖြစ်နိုင်၏။</p> <p> </p> <p>အကြီးအကဲစွန်း ရေးသားထားသော စာအုပ်များအားလုံးသည် လက်ရေးမှတ်စုများ ဖြစ်ကြောင်းကို သင် သိထားရမည် ဖြစ်သည်။ တိုက်ရိုက် အသိပညာ လွှဲပြောင်းပေးရန် ကျောက်စိမ်းပြား ကဲ့သို့သောအရာ မရှိချေ။</p> <p> </p> <p>၎င်းတို့ကို ဖတ်ရှုသူ မည်သူမဆို စကားလုံး တစ်လုံးချင်းစီကို လေ့လာကြရပေမည်။</p> <p> </p> <p>နင်းဖန်ကဲ့သို့ မည်သူက လှန်လှောကြည့်မည်နည်း။</p> <p> </p> <p>သို့သော် အဆုံးတွင် သုံးရက် ကုန်လွန်သွားသောအခါ နင်းဖန်သည် စာကြည့်တိုက် ခန်းမ မှ မထွက်ခွာ သေးဘဲ လေးနက်သော မျက်နှာဖြင့် စာအုပ်များကို လှန်လှောကြည့်နေသည့် ထိုအမြန်နှုန်းကို ထိန်းသိမ်း ထားဆဲဖြစ်သည်ကို သူတို့ မြင်တွေ့လိုက်ရ၏။</p> <p> </p> <p>တစ်ခဏတာတွင် သူတို့သည် ဇဝေဇဝါ ဖြစ်မသွားဘဲ မနေနိုင်ကြတော့ချေ...။ သူတို့ကိုယ်သူတို့ပင် သံသယဝင်လာကြသည်။</p> <p> </p> <p>"ဒီကောင် တကယ်ပဲ ဆေးဖက်ဝင် အပင်တွေအကြောင်း သင်ယူနေတာများလား...။"</p> <p> </p> <p>အထူးသဖြင့် နင်းဖန်သည် ထိုကာလအတွင်း ဆေးဥယျာဉ် သို့ အကြိမ်များစွာ ဝင်ရောက်ခဲ့ပြီး အမျိုးမျိုး သော ဝိညာဉ်အပင်များ နှင့် သစ်ပင်ပန်းမန်များကို လေးနက်သော အမူအရာဖြင့် နှိုင်းယှဉ်လေ့လာခဲ့ သောကြောင့်ပင်။</p> <p> </p> <p>ထိုအသွင်အပြင်သည် ဆေးဖက်ဝင် အပင်များကို သုတေသနပြုနေသော ဆေးဖက်ဝင်အပင်တစ်ရာ တောင်ထိပ် မှ တပည့်တစ်ဦးနှင့် တကယ်ကို တူညီနေခဲ့၏။</p> <p> </p> <p>ဤအခြေအနေသည် စတုတ္ထနေ့အထိ ဆက်လက် ဖြစ်ပွားခဲ့ပြီး နောက်ဆုံးတွင် ပြောင်းလဲသွားခဲ့သည်။</p> <p> </p> <p>ဤနေ့တွင် နင်းဖန် နောက်ဆုံး စာအုပ်ကို ပိတ်လိုက်ပြီးနောက်။ သူသည် မျက်လုံးများကို မှိတ်ကာ ခဏ တာ တွေးတောလိုက်ပြီးနောက် စက္ကူဖြူ တစ်ရွက်ပေါ်တွင် စတင် ရေးသားလေတော့၏။</p> <p> </p> <p>သူ၏ စုတ်တံသည် လေကဲ့သို့ ရွေ့လျားနေပြီး နဂါးများနှင့် မြွေများ အရူးအမူး ကခုန်နေသကဲ့သို့ ဖြစ်နေခဲ့ သည်။</p> <p> </p> <p>အချိန်တိုလေးအတွင်း သူသည် စက္ကူပေါ်တွင် ဆေးညွှန်းတစ်ခုကို ရေးသားပြီးစီးသွားခဲ့လေသည်...။ တစ်ချိန်တည်းမှာပင်။</p> <p> </p> <p>ထိုက်ရီအကြွင်းအကျန်နယ်မြေ အတွင်း၌ အကြီးအကဲများ အုပ်စုသည် စူးစိုက်စွာ ကြည့်နေကြ၏။</p> <p> </p> <p>အထူးသဖြင့် စွန်းချီယွမ်...။ နင်းဖန် စတင် ရေးသားသည့် အခိုက်အတန့်တွင် သူသည် ၎င်းအပေါ်သို့ သူ၏ အကြည့်များကို တင်းကျပ်စွာ စူးစိုက်ထားခဲ့လေသည်။</p> <p> </p> <p>ယခု ၎င်းပေါ်ရှိ လက်ရေးအတိုင်း သူက အသံကျယ်ကျယ်ဖြင့် ပြောလိုက်သည်။</p> <p> </p> <p>"အဓိက ပါဝင်ပစ္စည်းများ- လီဟွော့ ကြက်သွေးရောင် သစ်သီး သုံးလုံး၊ ရွှမ်မင် စစ်မှန်သော ရေ ကိုး စက်။ အရန် ပါဝင်ပစ္စည်းများ- မြေကြီး သွေးကြော ခရမ်းရောင် လင်းကျီးမှို တစ်ပွင့်၊ မိုးပြာရောင် နဂါး သစ်သား အူတိုင် အစအန နှစ်အောင်စ၊ ကျားဖြူ ထက်မြက်သော ရွှေရောင် သဲ ငါးမတ်။ ဆေးဓာတ်ကူ ပစ္စည်း- ရွှေရောင် အတောင်ပံများရှိသော ကောင်းကင် ပိုးကောင် အရေခွံ တစ်စုံ...။"</p> <p> </p> <p>သူ ဖတ်နေစဉ် သူ၏ အသံမှာ တဖြည်းဖြည်း တိုးဝင်သွားခဲ့၏။</p> <p> </p> <p>အကြီးအကဲများသည် တစ်ခုခု မှားယွင်းနေကြောင်း သတိပြုမိပြီး သူ့ကို အားလုံး ကြည့်လိုက်ကြသည်။</p> <p> </p> <p>"ဂျူနီယာညီလေးစွန်း... ဘယ်လိုနေလဲ...။"</p> <p> </p> <p>သို့သော် စွန်းချီယွမ် ၏ အမူအရာမှာ ပို၍ပင် လေးနက်သွားခဲ့၏။</p> <p> </p> <p>ဒေါသ အနည်းငယ် ရောယှက်ကာ အသက်ပြင်းပြင်း ရှူလိုက်ပြီးနောက် သူသည် ရုတ်တရက် အော်ဟစ် လိုက်လေသည်။</p> <p> </p> <p>"အဓိပ္ပာယ်မရှိတာ...။ ဒါက ဘယ်လို ဆေးညွှန်းမျိုးကြီးလဲ...။ တက်ယ်လို့များ တစ်ယောက်ယောက်က ဒီဆေးညွှန်းကို ဆေးရေချိုးအတွက် တကယ် အသုံးပြုမယ်ဆိုရင် ဘယ်သူမှ အသက်ရှင်မှာ မဟုတ်ဘူး လို့ ငါ စိုးရိမ်မိတယ်...။"</p> <p> </p> <p>"ဘာ..."</p> <p> </p> <p>အားလုံး လန့်သွားကြ၏။</p> <p> </p> <p>စွန်းချီယွမ် က အချက်တစ်ချက်ချင်းစီကို ဝေဖန်လိုက်သည်။</p> <p> </p> <p>"လီဟွော့ ကြက်သွေးရောင် သစ်သီး က မီးဓာတ် အလွန်အမင်းများတဲ့ ယန် ဝိညာဉ် သစ်သီး ဖြစ်တယ် ။ အဲဒါကို စားသုံးရင် သွေးကြော တွေကို လောင်ကျွမ်းစေတယ်...။ ရွှမ်မင် စစ်မှန်သော ရေ က အလွန် အေးစက်တဲ့ ရေ ဖြစ်တယ်၊ အဲဒါကို ထိလိုက်ရင် ရိုးတွင်းခြင်ဆီကို အေးခဲစေပြီး ဝိညာဉ်ကို ခဲသွားစေ တယ်...။ ဒီနှစ်ခုကို ဆေးထဲမှာ အသုံးပြုတဲ့အခါ သူတို့ကို သဟဇာတဖြစ်အောင် လုပ်ဖို့ အထူး ဝိညာဉ် အပင်တွေ လိုအပ်တယ်..။. သူတို့က တူညီတဲ့ ဆေးညွှန်းထဲမှာ ဘယ်တော့မှ မပါဝင်သင့်ဘူး...။"</p> <p> </p> <p>"အဲဒီလိုမှ မဟုတ်ရင် နှစ်ခု ဆုံတဲ့အခါ ဝိညာဉ်ချီ တွေရဲ့ ကမောက်ကမ စီးဆင်းမှုက မလွဲမသွေ ဖြစ်ပေါ် လာပြီး သွေးကြော တွေ အပိုင်းပိုင်းအစစ ဖြစ်သွားလိမ့်မယ်...။"</p> <p> </p> <p>"ရွှေရောင် အတောင်ပံများရှိသော ကောင်းကင် ပိုးကောင် အရေခွံ က ပြောဖို့တောင် မလိုအပ်ပါဘူး... ။အဲဒါက အလွန် အဆိပ်ပြင်းတဲ့ အရာတစ်ခုပဲ။ သာမန် ရုပ်ခန္ဓာကိုယ် သန့်စင်ခြင်း အတွက် ပျော့ပျောင်း တဲ့ ဆေး ဓာတ်ကူပစ္စည်း တစ်ခု လိုအပ်တယ် ဒါပေမယ့် ဒီအရာက ဓားနဲ့ အရိုးကို ခြစ်နေသလိုပဲ။ နာကျင် မှုက သည်းမခံနိုင်ရုံသာမက သွေးနဲ့ ချီ စီးဆင်းမှုကိုပါ အနှောင့်အယှက် ဖြစ်စေလိမ့်မယ်...။"</p> <p> </p> <p>"ပြီးတော့ ကျားဖြူ ထက်မြက်သော ရွှေရောင်သဲ ထဲက ထက်မြက်တဲ့ရွှေ ချီ က တံခါးပေါက်တွေကို တကယ်ပဲ ဖွင့်ပေးနိုင်တယ်။ ဒါပေမယ့် မိုးပြာရောင် နဂါး သစ်သား အူတိုင် အစအန တွေနဲ့ အသုံးပြုတဲ့ အခါ သတ္တုက သစ်သားကို လွှမ်းမိုးပြီး အသည်း သွေးကြော ကို အစားထိုး ထိခိုက်စေလိမ့်မယ်...။"</p> <p> </p> <p>စွန်းချီယွမ် ၏ ရှင်းပြချက်ကို ကြားပြီးနောက် အကြီးအကဲများ အားလုံး၏ အမူအရာများမှာ သိသိသာ သာ ပြောင်းလဲသွားခဲ့၏။</p> <p> </p> <p>အကယ်၍ နင်းဖန်သာ ဤဆေးညွှန်းကို ဆေးရေချိုးအတွက် တကယ် အသုံးပြုပါက သူ၏ အသက် အန္တရာယ် ရှိလာမည် မဟုတ်ပါလော။</p> <p> </p> <p>"ခေတ်တစ်ခေတ်၏ ပါရမီရှင်တစ်ဦးသည် ဤကဲ့သို့ ပြဇာတ်ဆန်သော နည်းစနစ်ဖြင့် တကယ်ပဲ ကျဆုံး သွားနိုင်မည်လား...။</p> <p>***</p> <p> </p>


Save