Book List

<h2 style="text-align: center;">အခန်း (၄၅၇)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ပဲ့ထင်ထပ်နေသော ဓမ္မသီချင်းသံများနှင့်အတူ ပလက်တီနမ်ရောင် အလင်းတန်းများမှာ ပြင်းထန်စွာ တဖျတ်ဖျတ် တောက်ပနေသည်။</p> <p> </p> <p>ဤသည်မှာ ‘အနှစ်သာရနတ်ဘုရားကျောင်း’ ၏ ယဇ်ပုရောဟိတ် ကိုင်ဆောင်ထားသော ‘ဘုန်းတန်ခိုးအာဏာစက်လှံတော်မှ ဖြာထွက်နေသည့် အရောင်အဝါ အလင်းတန်းများပင် ဖြစ်သည်။</p> <p> </p> <p>ထိုပလက်တီနမ်ရောင် အလင်းတန်းမှာ သမုဒ္ဒရာတစ်စင်းကဲ့သို့ ကျယ်ပြောလှသလို အကျဉ်းထောင်တစ်ခုကဲ့သို့လည်း ချုပ်နှောင်ထားသည်။ ပဲ့တင်ထပ်နေသော ဓမ္မသီချင်းသံ မှာ ထိုနေရာတွင် ရှိနေသူတိုင်းကို တုန်လှုပ်ခြောက်ခြားစေခဲ့ပြီး၊ လူတိုင်း၏ တာအိုပညာရပ် များမှာ အရောင်အဝါများ မှေးမှိန်သွားသကဲ့သို့ ခံစားရစေသည်။</p> <p> </p> <p>ယခင်က သဲကန္တာရပြည်နယ်၏ ရှေးဟောင်းလမ်းမပေါ်တွင် ဟုန်ယွိသည် ဤယဇ်ပုရော ဟိတ် စိတ်ဝိညာဉ် ကိုယ်ပွား၏ လုပ်ကြံမှုကို ကြုံခဲ့ဖူးသည်။ ထိုစဉ်ကပင် သူမ၏ အစွမ်းမှာ ကမ္ဘာမြေကို တုန်လှုပ်စေခဲ့သည်။ ဟွာလျိုနိုင်ငံ နန်းတော်တွင်လည်း ဟုန်ယွိသည် အလောတကြီး ထွက်ခွာခဲ့ရသဖြင့် ယဇ်ပုရောဟိတ်ကြီးမှာ အဆင်သင့် မဖြစ်ခဲ့ပေ။ သို့သော် ယခုမူ သူမသည် သူမ၏ စစ်မှန်သော အစွမ်းအစများကို အပြည့်အဝ ထုတ်ဖော် ပြသနေခြင်း ဖြစ်သည်။</p> <p> </p> <p>ရှေ့တန်းစစ်မျက်နှာသို့ ချဉ်းကပ်လာသော ဟုန်ယွိပင်လျှင် ထိုဓမ္မသီချင်းများအတွင်း ပါဝင်နေသော အကန့်သတ်မဲ့ ကံကြမ္မာကို စူးစမ်းခံရခြင်းနှင့် ကမ္ဘာကြီး၏ နိမိတ်ဖတ်ခြင်း ဆိုင်ရာ စွမ်းအားများကို ခံစားနေရသည်။ ထိုအသံမှာ လူတိုင်း၏ အတွေးစများထဲသို့ စီးဝင်နေပြီး အတွေးစတိုင်းမှာ တုန်လှုပ်ခြောက်ခြားမှုဖြင့် ပြည့်နှက်နေသဖြင့် မည်သည့် တာအိုမှော်ပညာကိုမျှ ထုတ်ဖော်ရန် အချိန်မရတော့ပေ။ ရက်စက်ကြမ်းကြုတ်သော လူမိုက်တစ်ဦးပင်လျှင် ဤဓမ္မသီချင်းကို ကြားလိုက်ရပါက စိတ်နှလုံး ပြောင်းလဲသွားနိုင် လောက်ပေသည်။</p> <p> </p> <p>ဤအခိုက်အတန့်တွင် စစ်တလင်းပေါ်ရှိ အခြေအနေမှာ ရှင်းလင်းနေပြီ ဖြစ်သည်။ နဂါးသမီးတော်၊ ယွမ်ရှန်းရှန်း၊ ရှဲ့ဝန်ယွမ်၊ ကျိရှန်းထျန်း၊ ချီလင်နှင့် ဆန်းဝေဝေ တို့မှာ လုံးဝ ဥဿုံ ဝိုင်းရံပိတ်ဆို့ခြင်း ခံထားရပြီး အရေးနိမ့်နေကြသည်။</p> <p> </p> <p>အပြင်ဘက်တွင်မူ သူ့ခန္ဓာကိုယ်ထက်ပင် ပို၍ရှည်လျားကာ မြေပြင်ပေါ်၌ တရွတ်တိုက် ကျနေသည့် မုတ်ဆိတ်မွေးရှည်ကြီးများဖြင့် အနောက်တိုင်းဒေသမှ ပညာရှင် သူတော်စင် တစ်ဦးနှင့် တူသော မဟာပညာရှင်ခန်း၊ မဟာဧကရာဇ် နာလန်ယိဟုန်၊ ဟွာလျို ဧကရာဇ် နှင့် အနှစ်သာရ နတ်ဘုရားကျောင်း၏ ယဇ်ပုရောဟိတ် ကြီးတို့ ရှိနေကြသည်။ သူတို့သည် အတွင်းရှိ လူစုကို ချုပ်နှောင်ရန် နတ်ဘုရားလက်နက်တစ်ခုကို အသုံးပြုထားကြသည်။</p> <p> </p> <p>ထိုနတ်ဘုရားလက်နက်မှာ လေးထောင့်ပုံသဏ္ဌာန် ရှိပြီး သံတိုင်များ၊ သံကြိုးများဖြင့် ချိတ်ပိတ်ထားသည်။ မျက်နှာပြင်ပေါ်တွင် အဆုံးမရှိသော ကျမ်းစာများနှင့် သင်္ကေတများ မှာ လှိုင်းများကဲ့သို့ လှုပ်ခတ် စီးဆင်းနေသည်။ ၎င်းမှာ ယခင်က ဟုန်ယွိ၏ ‘လူသား အင်မော်တယ် ကိုယ်ပွား’ ကို ချုပ်နှောင်ခဲ့ဖူးသော ‘ကံကြမ္မာလှောင်အိမ်’ ပင် ဖြစ်သည်။</p> <p> </p> <p>ထိုစဉ်က ဟုန်ယွိ၏ လူသားအင်မော်တယ် ကိုယ်ပွားသည် ကောင်းကင်အလင်းဦးချို နတ်ဘုရားချပ်ဝတ်ကို ဝတ်ဆင်ထားပြီး အဆုံးမဲ့ စွမ်းအားရှိသော်လည်း ဤလှောင်အိမ်၏ ချိတ်ပိတ် ချုပ်နှောင်မှုကို ခံလိုက်ရသည်။ သူသည် အပြင်လောကနှင့်ပင် အဆက်အသွယ် ပြတ်တောက်သွားခဲ့ရသည်။ ကံကောင်းထောက်မစွာဖြင့် ဟုန်ယွိသည် ‘အလင်းနှင့် အမှောင် မဟာအတားအဆီး’ ကို ကျင့်ကြံထားသဖြင့် အခြေအနေကို ပြောင်းပြန်လှန်နိုင်ခဲ့ ခြင်း ဖြစ်သည်။</p> <p> </p> <p>သို့သော် ထိုစဉ်က လုပ်ကြံတိုက်ခိုက်မှုတွင် ဧကရာဇ် ယန်ဖန်၏ ‘မဟာလေဟာနယ် လက်ဝါး’ သာ ကြားဖြတ် မဝင်လာခဲ့ပါက ဟုန်ယွိအနေဖြင့် ထိုတိုက်ပွဲမှာ အလွန်ပင် ခက်ခဲသွားလိမ့်မည်။</p> <p> </p> <p>ထို့ကြောင့် ဤနတ်ဘုရားလက်နက်ကို ရင်ဆိုင်ရမည်ဆိုလျှင် ဟုန်ယွိသည် အလွန်ပင် သတိကြီးစွာ ထားရသည်။ အထူးသဖြင့် ယဇ်ပုရောဟိတ်ကြီး၏ ‘ကံကြမ္မာဓမ္မတေးသံ’၊ ‘ဘုံသုံးပါးမဟာ ဗျာဒိတ်တော်’ တို့နှင့် ပေါင်းစပ်လိုက်သည့်အခါ ဤနတ်ဘုရားလက်နက် သည် အတွေးတစ်ချက်ဖြင့်ပင် နတ်ဘုရားများနှင့် ဗုဒ္ဓများကိုပင် ချုပ်နှောင်နိုင်လောက် အောင် အစွမ်းထက်လှသည်။</p> <p> </p> <p>သို့သော် ယခုအခါ ဟုန်ယွိတွင် ဖန်ဟွမ်အသက်ဝိညာဉ်ဓား ရှိနေပြီဖြစ်ရာ အခြေအနေမှာ ပြောင်းလဲသွားခဲ့ပြီ။ ဤနတ်ဘုရားဓား၏ စွမ်းအားတစ်ခုတည်းနှင့်ပင် လှောင်အိမ်ကို ဖျက်ဆီးပစ်ရန် လုံလောက်ပေသည်။</p> <p> </p> <p>ရွှပ်….။</p> <p> </p> <p>ပလက်တီနမ်ရောင် လှောင်အိမ်ကြီးက အရာအားလုံးကို ပိတ်ဆို့ထားပြီး ကံကြမ္မာဓမ္မ သီချင်းသံများမှာ ဟင်းလင်းပြင်ထဲတွင် ပဲ့တင်ထပ်နေသည်ကို မြင်လိုက်ရသည့်အခါ ဟုန်ယွိသည် တွန့်ဆုတ်မနေဘဲ ဓားဖြင့် ခုတ်ပိုင်းလိုက်တော့သည်။ နတ်ဘုရားလက်နက် ဖန်ဟွမ်အသက်ဝိညာဉ်ဓားမှ ကြီးမားလှသော ရွှေရောင်အလင်းတန်းကြီး ပေါက်ကွဲထွက် လာပြီး၊ မိုင်ပေါင်းများစွာ ကျယ်ပြန့်ရှည်လျားကာ ပိုသားတစ်စကဲ့သို့ ဖြန့်ကျက်သွားလေ သည်။ တဟုန်ထိုး မြည်ဟီးနေသော ဓားစွမ်းအင်သည် ဟင်းလင်းပြင်ကို တိုက်ရိုက် ဆွဲဖြဲပြီး ‘ကံကြမ္မာလှောင်အိမ်’ ဆီသို့ တရှိန်ထိုး ပြေးဝင်သွားတော့သည်။</p> <p> </p> <p>“အား…၊ သတိထားကြ။ ပုတ်သင်နဂါး နတ်ဘုရားနှိမ်နင်းရေးလှံ... နတ်ဘုရားနဂါးအဖြစ် အသွင်ပြောင်းပြီး ဒီအပြစ်သားကို ချေမှုန်းလိုက်ပစ်စမ်း။”</p> <p> </p> <p>ဟုန်ယွိသည် လက်ထဲတွင် ဓားကို ကိုင်ဆောင်ကာ ရွှေရောင်အလင်းတန်းများဖြင့် ပျံသန်း လာသည်ကို မြင်သောအခါ အနောက်ဘက်ဒေသ မဟာမှော်တပ်မတော်၏ ခေါင်းဆောင် ခန်းသည် မျက်နှာပျက်သွားသည်။ သူသည် သူ၏လက်ထဲရှိ သစ်သားလှံတံကို လေထဲသို့ ပစ်တင်လိုက်ရာ ထိုလှံတံမှာ ပေါက်ကွဲသွားပြီး  မရေမတွက်နိုင်သော သစ်သားအမျှင်များ မှာ ပေါင်းစပ်သွားပြီး အသားစတောင်ပံ နှစ်ခုပါသော၊ ပုတ်သင်နှင့် တူသည့် ဧရာမ ‘နတ်ဘုရားသားရဲ’ ကြီးအဖြစ် ပြောင်းလဲသွားသည်။</p> <p> </p> <p>ထိုတောင်ပံပါ ပုတ်သင်နဂါးကြီး၏ ဦးခေါင်းပေါ်တွင် အလင်းတောင်ပံများကဲ့သို့ အမွေး အမျှင်ဝိုင်းများ ရှိနေပြီး အတိုင်းအဆမဲ့သော ခန့်ညားထည်ဝါမှုနှင့်အတူ ရှေးဦးခေတ်မှ နက်နဲသော အငွေ့အသက်များကို သယ်ဆောင်လျက် ဤကမ္ဘာလောကသို့ ဆင်းသက် လာခဲ့သည်။</p> <p> </p> <p>“ရှေးဦး နတ်ဘုရားသားရဲလား။ အတောင်ပံပါ ပုတ်သင်နဂါးပေါ့။”</p> <p> </p> <p>ဟုန်ယွိသည် တစ်ချက်ကြည့်ရုံဖြင့် ၎င်းမှာ ဒိုင်ဇင်ဘုရားကျောင်း၏ ‘ရှေးဦးနတ်ဘုရား မှတ်တမ်း’ တွင် မှတ်တမ်းတင်ထားသော နဂါးနှင့်ပုတ်သင်ကြား နတ်ဘုရားသားရဲ တစ်မျိုး ဖြစ်ကြောင်း သိလိုက်သည်။ ၎င်း၏ အစွမ်းမှာ အတိုင်းအဆ ကြီးမားလှသည်။ ချီလင်၏ သူတော်စင် သွေးမျိုးဆက်နှင့် မနှိုင်းယှဉ်နိုင်သော်လည်း ၎င်း၏ မှော်စွမ်းအားမှာ အကန့်သတ် မရှိပေ။</p> <p> </p> <p>ဤလှံတံမှာ ထိုပုတ်သင်နဂါး၏ ဝိညာဉ်၊ အနှစ်သာရသွေးနှင့် အဖိုးတန်ပစ္စည်းများစွာကို ပေါင်းစပ် သန့်စင်ထားသော ရှေးဦးမှော်ရတနာတစ်ခု ဖြစ်သည်။</p> <p> </p> <p>သို့သော် ဤလှံတံသည် ချက်ချင်းပင် ပုတ်သင်နဂါးအဖြစ် ပြောင်းလဲသွားပြီး ကောင်းကင် သို့   အစိမ်းရောင် မီးခိုးငွေ့များကို အဆုံးမရှိ မှုတ်ထုတ်လျက် ဖန်ဟွမ်အသက်ဝိညာဉ်ဓား၏ ဓားစွမ်းအင်ကို ဆီးကြိုတိုက်ခိုက်သည်။ နှစ်ဖက်စလုံး ထိတွေ့မိသည့်အခါ ပြင်းထန်သော ဓားစွမ်းအင်မှာ ကြီးမားလှသော ပုတ်သင်နဂါးကြီးကို လွှမ်းခြုံသွားသည်။</p> <p> </p> <p>ထို့နောက် ပုတ်သင်နဂါးကြီးမှာ နာကျင်စွာ အော်ဟစ်ပြီး ထပ်မံ ပေါက်ကွဲသွားတော့သည်။ တချိန်တည်းမှာပင် ဓားစွမ်းအင်မှာလည်း အမှုန်အမွှားများအဖြစ် ပြန့်ကျဲသွားသည်။</p> <p> </p> <p>နှစ်ဖက်စလုံး အပြင်းထန် တိုက်မိပြီး တစ်ဖက်နှင့်တစ်ဖက် ချေဖျက်သွားကြခြင်း ဖြစ်သည်။</p> <p> </p> <p>ဧရာမ ပုတ်သင်နဂါးကြီးမှာ သစ်သားပုံစံများအဖြစ် ပြန်လည် ပြောင်းလဲသွားပြီး ပုတ်သင် နဂါး နတ်ဘုရားနှိမ်နင်းရေးလှံအဖြစ် ပြောင်းလဲကာ ခန်း၏လက်ထဲသို့ ပြန်လည် ရောက်ရှိ သွားသည်။</p> <p> </p> <p>ခရက်…။</p> <p>ကန်းသည် လှံတံကို ဖမ်းဆုပ်လိုက်သည်နှင့် သူ့တစ်ကိုယ်လုံး ပြင်းထန်စွာ တုန်ခါသွားပြီး လှံတံမှာ ချက်ချင်းပင် ဖုန်မှုန့်အဖြစ် ကြေမွသွားတော့သည်။ တစ်ချိန်တည်းမှာပင် သူ၏ နှာခေါင်းမှ သွေးစီးကြောင်းနှစ်ခု စီးကျလာပြီး သူ၏ မုတ်ဆိတ်ရှည်ပေါ်သို့ ကျရောက်သွား သည်။ ဤသည်မှာ အလွန်ထိတ်လန့်ဖွယ် ကောင်းသော မြင်ကွင်းပင်။</p> <p> </p> <p>ဓားစွမ်းအင် တစ်ချက်တည်းနှင့်ပင် အနောက်ဘက်ဒေသ ကျင့်ကြံခြင်းလောကတွင် ကျော်ကြားလှသော ဤပုတ်သင်နဂါး နတ်ဘုရားနှိမ်နင်းရေးလှံမှာ ပျက်စီးသွားရုံမက ခန်း၏ စိတ်ဝိညာဉ်ကိုပါ ထိခိုက်သွားစေပြီး သူ၏ရုပ်ခန္ဓာကိုပါ သက်ရောက်မှု ရှိသွားစေ ခြင်း ဖြစ်သည်။</p> <p> </p> <p>“ကျုပ်ဓားစွမ်းအင်ကို တောင့်ခံနိုင်တာပဲ... ဒီမှော်ရတနာက မဆိုးဘူး။”</p> <p> </p> <p>ဟုန်ယွိက အေးစက်စွာ ပြုံးလိုက်သည်။ သူသည် ရပ်တန့်မနေဘဲ လက်ထဲရှိ နတ်ဘုရားဓား ကို ထပ်မံ ဝှေ့ယမ်းလိုက်သည်။</p> <p> </p> <p>ရွပ်…၊ ရွပ်…၊ ရွပ်…၊</p> <p> </p> <p>နောက်ထပ် ဓားစွမ်းအင် များစွာ ထွက်ပေါ်လာပြန်သည်။ ယခုတစ်ကြိမ်တွင် ဓားစွမ်းအင် မှာ ယခင်လောက် မကျယ်ပြန့်သော်လည်း ပိုမို စုစည်းနေပြီး အဖျက်စွမ်းအားမှာ ပိုမို ကြီးမားလှသည်။</p> <p> </p> <p>“ငါ့တာဝန်ထားလိုက်”</p> <p> </p> <p>ဧကရာဇ် နာလန်ယိဟုန်သည် သူ၏ မျက်လုံးများ လက်ခနဲ ဖြစ်သွားပြီး အလျှော့မပေး လိုသည့်ဟန်ဖြင့် သူ၏ ရင်ဘတ်အတွင်းမှ ပိုးပဝါကဲ့သို့ ရှည်လျားသော ‘တိမ်တိုက်ကွန်ရက် ပုံရိပ်’ ကို ထုတ်ဖော်လိုက်သည်။ လက်ကို ဝှေ့ယမ်းလိုက်သည်နှင့် ကောင်းကင်တစ်ခုလုံး အပြာရောင် မီးခိုးငွေ့ကဲ့သို့ တိမ်တိုက်များဖြင့် ပြည့်နှက်သွားသည်။ ထိုတိမ်တိုက်များ၏ အလယ်တွင် အတောင်ပံများ ခတ်လျက် ကောင်းကင်သို့ ပျံတက်တော့မည့် ငှက်ကြီး တစ်ကောင် ရှိနေသည်။</p> <p> </p> <p>ထိုဧရာမငှက်ကြီး၏ အောက်တွင်မူ အလွန်ကြီးမားသော ငါးကြီး တစ်ကောင် ရှိနေသည်။ ထိုငါးကြီး၏ ကျောပေါ်တွင် သက်ရှိထင်ရှားရှိနေသော ကုန်းမြေတစ်ခု ရှိပြီး၊ ထိုကုန်းမြေ ပေါ်တွင် မရေမတွက်နိုင်သော သတ္တဝါများ ရှင်သန်နေထိုင်နေကြသည်။</p> <p> </p> <p>ထိုပုံရိပ်အတွင်းမှ ကြီးကျယ်ခမ်းနားသော တန်ခိုးစွမ်းအားများ ပေါက်ကွဲထွက်လာသည်။ အထူးသဖြင့် ထိုငါးကြီးမှာ ကမ္ဘာမြေတစ်ခုလုံးကို မတင်ထားနိုင်စွမ်း ရှိသကဲ့သို့ပင်။</p> <p> </p> <p>သမုဒ္ဒရာပေါ်တွင် လွင့်မျောပါနေသော ကုန်းမြေတစ်ခုလုံးကို ဤငါးကြီးက ထောက်ပံ့ပေး ထားခြင်း ဖြစ်သည်။</p> <p> </p> <p>ဤပုံရိပ်တစ်ခုလုံးသည် ကမ္ဘာမြေ၏ အလေးချိန်ကို ထမ်းပိုးထားနိုင်ပြီး ကောင်းကင်ပြာကို ထိုးဖောက်နိုင်စွမ်းရှိသော သဘောတရားကို ဖော်ပြနေသည်။</p> <p> </p> <p>ဤသည်မှာ ယွန်မင်နိုင်ငံ တော်ဝင်မျိုးနွယ်၏ အဖိုးတန်ဆုံး ရတနာဖြစ်သော ‘ခွန်ပန် သန့်စင်ပုံရိပ်’ ပင် ဖြစ်သည်။ ၎င်းမှာ ရှေးဟောင်းခေတ်မှ ဆင်းသက်လာသော နတ်ဘုရား လက်နက် တစ်ခုလည်း ဖြစ်သည်။</p> <p> </p> <p>“ခွန်ပန်သန့်စင်ပုံရိပ်”</p> <p> </p> <p>ဟုန်ယွိသည် ဤအရာကို မြင်လိုက်ရသည့်အခါ ရင်ခုန်သွားသည်။ ဤပုံရိပ်သည် ရှေးဟောင်းခေတ် ပညာရှင်ကြီးတစ်ဦး သန့်စင်ခဲ့သော မှော်ရတနာ ပန်းချီကားတစ်ချပ် ဖြစ်ပြီး နာမည်ကျော်လှသည့် ရှေးဦးနတ်ဘုရားလက်နက်တစ်ခု ဖြစ်ကာ၊ ‘အနန္တနဂါး လက်စွပ်’ ကဲ့သို့ နတ်ဘုရားလက်နက်များထက်ပင် ပိုမိုကျော်ကြားသည်။ ဤရတနာကို လွန်ခဲ့သော နှစ်ပေါင်း ထောင်ချီကတည်းက ယွန်မင်နိုင်ငံ၏ ပထမဆုံး မဟာဧကရာဇ် ‘ကူ’က ပိုင်ဆိုင်ခဲ့သည်ဟု သိရသည်။</p> <p> </p> <p>နာလန်ယိဟုန်သည် ‘ရှေးဟောင်းရာရှိုမွန်’ ကို ဟုန်ယွိက ရုတ်တရက် လုယူသွားသည်ကို ကူရာမဲ့ ကြည့်နေရသဖြင့် သူ၏ ဧကရာဇ်ဂုဏ်သိက္ခာမှာ လုံးဝ ပျက်စီးခဲ့ရသည်။ ထို့ကြောင့် ယခုအခါတွင် သူသည် ဤနိုင်ငံတော်ကို အကာကွယ်ဖြစ်သော ဤနတ်ဘုရားလက်နက်ကို ထုတ်ဖော်လိုက်ခြင်း ဖြစ်သည်။</p> <p> </p> <p>မျှော်လင့်ထားသည့်အတိုင်းပင် ‘ခွန်ဖန်သန့်စင်ပုံရိပ်’ ပေါ်လာသည်နှင့် ဧရာမငှက်ကြီးမှာ ကောင်းကင်တွင် ပေါ်လာပြီး ၎င်း၏ကျောပေါ်တွင် ငါးကြီးကို သယ်ဆောင်ထားသည်။ ငါးကြီးမှာ ဟိန်းဟောက်လိုက်ပြီး ပုံရိပ်ပန်းချီကား အတွင်းမှ ထွက်ပေါ်လာသော အသံလှိုင်း များမှာ ဖန်ဟွမ်အသက်ဝိညာဉ်ဓားမှ ထွက်ပေါ်လာသော ဓားစွမ်းအင်ကို ခုခံကာကွယ် လိုက်သည်။ တခဏချင်းမှာပင် ဓားစွမ်းအင်မှာ အင်အားနည်းသွားပြီး ငါးကြီးက ပါးစပ်ကို ဟကာ ထိုဓားစွမ်းအင်ကို ဝါးမျိုလိုက်တော့သည်။</p> <p> </p> <p>ဇိ... ဇိ... ဇိ!</p> <p> </p> <p>ဖန်ဟွမ်အသက်ဝိညာဉ်ဓား၏ ဓားစွမ်းအင်မှာ ဧရာမငါးကြီး၏ ဝမ်းဗိုက်အတွင်းသို့ အမှန်တကယ်ပင် ဝါးမျိုခံလိုက်ရသည်။</p> <p> </p> <p>ဒိုင်း... ဒိုင်း... ဒိုင်း…</p> <p> </p> <p>ငါးကြီး၏ ဝမ်းဗိုက်အတွင်းမှ ပြင်းထန်သော ပေါက်ကွဲသံများ ထွက်ပေါ်လာပြီး ငါးကြီးမှာ နာကျင်စွာ အော်ဟစ်လိုက်သည်။ ဓားစွမ်းအင်သည် ၎င်း၏ ခန္ဓာကိုယ်အတွင်း၌ ပြုပြင်၍ မရနိုင်သော ထိခိုက်ပျက်ဆီးမူများကို ပေးခဲ့ခြင်း ဖြစ်သည်။</p> <p> </p> <p>တစ်ချိန်တည်းမှာပင် ပုံရိပ်အတွင်းရှိ ငါးကြီး မတင်ထားသော ‘ကုန်းမြေကြီး’ မှာ ငလျင်လှုပ် သကဲ့သို့ တုန်ခါသွားပြီး ကျောက်တောင်များ ပြိုကျခြင်း၊ ဆူနာမီမုန်တိုင်းများ ဖြစ်ပေါ်ခြင်း တို့ကြောင့် အတွင်းရှိ သတ္တဝါများစွာ ဒုက္ခရောက်ကုန်ကြသည်။</p> <p> </p> <p>သို့သော်လည်း ထိုငါးကြီးသည် ဓားစွမ်းအင်ကို အောင်မြင်စွာ ဝါးမျိုနိုင်ခဲ့သည်။</p> <p> </p> <p>“ဒီလိုအစွမ်းမျိုးကို ပိုင်ဆိုင်ထားလို့လဲ ယွန်မင်နိုင်ငံက တော်ဝင်ချန်နဲ့ ရင်ပေါင်တန်းနိုင်တဲ့ အင်ပါယာဖြစ်နေတာကိုး။ ဒီလိုအစွမ်းမျိုး မရှိရင် သူတို့ ပြိုလဲသွားတာ ကြာလှပြီ။” ဟုန်ယွိ က လှောင်ပြောင်လိုက်သည်။</p> <p> </p> <p>“ဟုန်ယွိ, မင်းက ချန်ပီယံမြို့စားရဲ့ ဖန်ဟွမ်အသက်ဝိညာဉ်ဓားကို လုယူထားတာပဲ။ ဒါပေမဲ့ ငါက ဒီဓားနဲ့ မစိမ်းပါဘူး။ အရင်တုန်းက ငါ သူ့ကို လိုက်လံတိုက်တုန်းက သူ အန္တရာယ် ကြုံတော့ ဒီဓားက ထွက်ပေါ်လာပြီး ငါ့ကို တိုက်ခိုက်ခဲ့ဖူးတယ်။ ကံကောင်းလို့ ဒီ ‘ခွန်ပန် သန့်စင်ပုံရိပ်’နဲ့ ခုခံနိုင်ခဲ့တာ။ ဒီပုံရိပ်ရှိနေသရွေ့ မင်း ငါ့ကို သတ်လို့ မရဘူး။” နာလန်ယိဟုန်က ကြုံးဝါးလိုက်သည်။</p> <p> </p> <p>“ခင်ဗျားရဲ့ ခွန်ပန်ကျင့်စဉ်ပုံရိပ်ကို ကျုပ် မဖျက်ဆီးနိုင်တာ မဟုတ်ဘူး၊ အဲဒီအတွင်းထဲက လူတွေကို သနားစဖွယ် မခံစားရစေချင်လို့ပဲ။ ဒီခွန်ပန်ကျင့်စဉ်ပုံရိပ်က သေဆုံးသွားတဲ့ လူတွေရဲ့ ဝိညာဉ်အနှစ်သာရတွေကို စုပ်ယူပြီး တည်ဆောက်ထားတဲ့ ကမ္ဘာငယ်လေးဆို တာ ငါ သိတယ်။ တိုက်ခိုက်မှုတွေ ရှိလာရင် အဲဒီဝိညာဉ်စွမ်းအားတွေကို သုံးပြီး ကာကွယ် တာ မဟုတ်လား။ အဲဒီဝိညာဉ်စွမ်းအားတွေ အားလုံး မကုန်မချင်း ဒီပုံရိပ်က မပျက်ဆီးဘူး။ ဒါပေမဲ့ ဖန်ဟွမ်အသက်ဝိညာဉ်ဓားက ဒါကို ဖျက်ဆီးပစ်နိုင်တယ်။” ဟုန်ယွိက အေးစက်စွာ ပြောလိုက်သည်။</p> <p> </p> <p>“သတ္တဝါတွေ ဒုက္ခရောက်ကုန်မယ် ဟုတ်လား။” နာလန်ယိဟုန်က နှာခေါင်းရှုံ့ကာ လှောင်ပြောင်လိုက်ပြီး “ဒီ ‘ခွန်ပန်သန့်စင်ပုံရိပ်’ ထဲက ကမ္ဘာဆိုတာ ဝိညာဉ်အနှစ်သာရတွေ အသွင်ပြောင်းထားရုံ သက်သက်ပဲ။ ဒါဟာ ပုံရိပ်တစ်ခုပဲလေ။ လာပြီး သူတော်ကောင်း ဟန်ဆောင် ပြမနေနဲ့။ တကယ်တော့ မင်းလည်း သိနေတာပဲ... မင်းဆီမှာ ဖန်ဟွမ်အသက် ဝိညာဉ်ဓားရဲ့ စွမ်းအားရှိနေရင်တောင် ဒီနတ်ဘုရားလက်နက်ကို အပြီးတိုင် ဖျက်ဆီးပစ်ဖို့ ဆိုရင် ဓားစွမ်းအင်ပေါင်း တစ်သိန်းလောက် သုံးရလိမ့်မယ်ဆိုတာကို။”</p> <p> </p> <p>“အခုခေတ်မှာ ဧကရာဇ်တွေတောင် ရှေးဦးသူတော်စင်တွေရဲ့ အကျင့်သီလလေးပါးကို နားမလည်ကြတော့ဘူး၊ မင်းလို လူရိုင်းဘုရင်ဆိုရင် ပိုဆိုးတာပေါ့။ ဒါကြောင့်လည်း ရှေးခေတ် ပညာရှင် သူတော်စင်တွေက အကျင့်သီလလေးပါးကို ဖြတ်တောက်ပြီး ကိုးကိုးလုံးတာအိုကနေ ကိုးငါးလုံးအဖြစ် ပြောင်းလဲပစ်ချင်ခဲ့ကြတာ မဆန်းတော့ပါဘူး။” ဟုန်ယွိသည် မျက်တောင်ကို အနည်းငယ် ကျဉ်းမြောင်းလျက် တိုက်ခိုက်သင့်၊ မတိုက်ခိုက် သင့်ကို တွက်ချက်နေသည်။</p> <p> </p> <p>အကယ်၍ နာလန်ယိဟုန် တစ်ယောက်တည်းသာ ဤနေရာ၌ ရှိနေပါက ဟုန်ယွိသည် ဖန်ဟွမ်အသက်ဝိညာဉ်ဓား၏ ဓားစွမ်းအင်များကို နာရီပေါင်းများစွာ အသုံးပြုပြီး သူ့ကို သတ်ကာ သူ၏ ‘ခွန်ပန်သန့်စင်ပုံရိပ်’ကို ဖျက်ဆီးပစ်နိုင်မည် ဖြစ်သည်။</p> <p> </p> <p>သို့သော် ယခုမူ သူသည် အနည်းငယ် စိုးရိမ်ထိတ်လန့်နေဆဲ ဖြစ်သည်။</p> <p> </p> <p>သူသည် မျက်မှောင်ကြုတ်လျက် အလယ်ရှိ ကြီးမားသော ပလက်တီနမ် လှောင်အိမ်ကြီးကို ကြည့်လိုက်သည်။ အနှစ်သာရ နတ်ဘုရားကျောင်း၏ ယဇ်ပုရောဟိတ်သည် ပလက်တီနမ် အလင်းရောင်အဖြစ် ပြောင်းလဲကာ ဓမ္မသီချင်းများ အဆက်မပြတ် ဆိုလျက် လှောင်အိမ်ကို ကျုံ့သွားအောင် လုပ်ဆောင်နေသည်။</p> <p> </p> <p>သို့သော်လည်း လှောင်အိမ်အတွင်းမှ ကြီးမားသော စွမ်းအားတစ်ခုက ပြန်လည် ထောက်ပံ့ တွန်းကန်ထားသဖြင့် ကျုံ့သွားခြင်း မရှိဘဲ တောင့်ခံထားဆဲ ဖြစ်သည်။</p> <p> </p> <p>“ဟုန်ယွိ၊ မင်း ရောက်လာပြီလား။ ငါတို့ကို စိတ်မပူနဲ့။ ငါက ဒီ ‘ရှေးဟောင်းရာရှိုမွန်’ ကို ဖိနှိပ်ထားလို့၊ မဟုတ်ရင် ဒီလှောင်အိမ်ကို ငါ အစောကြီးကတည်းက ဖျက်ဆီးပစ်လိုက်ပြီ။”</p> <p> </p> <p>ထိုအခိုက်မှာပင် လှောင်အိမ်အတွင်းမှ ယွမ်ရှန်းရှန်း၏ အသံ ထွက်ပေါ်လာသည်။ သူမ ဘာမှမဖြစ်ပေ။</p> <p> </p> <p>“ရှေးဟောင်းရာရှိုမွန်ကို မဖိနှိပ်နိုင်သေးဘူးလား” ဟုန်ယွိ၏ စိတ်ထဲတွင် အတွေးစတစ်ခု လက်ခနဲ ဖြစ်သွားသည်။ ရုတ်တရက်ဆိုသလိုပင် “အလိုလိုအာရုံခံစားမူ” ဟုခေါ်သော ကြီးမားသည့် အန္တရာယ် အငွေ့အသက်ကို သူ ခံစားလိုက်ရသည်။</p> <p> </p> <p>“မကောင်းတော့ဘူး။”</p> <p> </p> <p>ထိုခံစားမူနှင့်အတူ ယွမ်ရှန်းရှန်း၏ ထိတ်လန့်တကြား အော်ဟစ်သံက ကံကြမ္မာလှောင် အိမ်အတွင်းမှ ထွက်ပေါ်လာသည်။</p> <p> </p> <p>တစ်ချိန်တည်းမှာပင် ကြယ်တစ်လုံး ပေါက်ကွဲသံအလား ပေါက်ကွဲအသံကြီးတစ်ခုက လှောင်အိမ်အတွင်းမှ ထွက်ပေါ်လာတော့သည်။</p> <p> </p> <p>“မူလဝိညာဉ်…. မင်းက ရာရှိုမွန်ထဲကနေ တကယ်ပဲ ထွက်လာချင်နေတာလား။” ယွမ်ရှန်းရှန်း၏ တုန်လှုပ်ခြောက်ခြားနေသော အသံမှာ ထပ်မံ ထွက်ပေါ်လာပြန်သည်။</p> <p> </p> <p>ဤမြင်ကွင်းကို သိလိုက်ရသည်နှင့် ဟုန်ယွိသည် တွန့်ဆုတ်မနေတော့ပေ။ သူသည် လက်ထဲရှိ ဖန်ဟွမ်အသက်ဝိညာဉ်ဓားကို ရုတ်တရက် ဝှေ့ယမ်းလိုက်သည်။ ‘ချီလာ၊ ချီလာ’ ဟူသော လေခွဲသံများနှင့်အတူ ဓားစွမ်းအင် ရာပေါင်းများစွာသည် လှောင်အိမ်ဆီသို့ တိုးထွက်သွားပြီး ဟင်းလင်းပြင်ထဲရှိ နာလန်ယိဟုန်နှင့် ယဇ်ပုရောဟိတ်တို့ဆီသို့ တရှိန်ထိုး ပြေးဝင်သွားတော့သည်။</p> <p>***</p> <p> </p>


Save