Book List

<h2 style="text-align: center;"> အပိုင်း(၂၄၅၃)</h2> <h2 style="text-align: center;">သူ ကျွမ်းကျင်သော နည်းစနစ်တိုင်းကို အသုံးပြုခြင်း </h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p>        သွမ့်လင်းထျန်၏ ကျောပြင်ပေါ်ရှိ မီးတောက်နေသော တောင်ပံများကို မြင်သောအခါ သွမ့်လင်းထျန်သည် မီးပူဇော်ခြင်းဂိုဏ်း၏ ဒုတိယအသန်မာဆုံး ပါရမီရှင် ဖြစ်ကြောင်း ရှဲကျုံ ချက်ချင်း သိလိုက်သည်။ မီးပူဇော်ခြင်းဂိုဏ်းမှ သွမ့်လင်းထျန်၏ ပုံတူပန်းချီကားကို သူ မြင်ဖူးသော်လည်း သွမ့်လင်းထျန်၏ ပုံပန်းသဏ္ဌာန်မှာ စောစောက အသွင်အပြင်နှင့်ရော အဇူရာတိမ်ရဲတိုက်တွင် ရှိစဉ်က အသွင်အပြင်နှင့်ပါ လုံးဝ ကွာခြားနေသည်။ ထို့ပြင် မီးပူဇော်ခြင်းဂိုဏ်းမှ လူများက သွမ့်လင်းထျန်သည် သူ၏ ရုပ်သွင်ကို ဖုံးကွယ်ထားခြင်း မရှိကြောင်း အတည်ပြုထားခဲ့သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      သို့သော်လည်း သွမ့်လင်းထျန်သည် လျှို့ဝှက်ဆန်းကြယ်သော နည်းစနစ်တစ်ခုဖြင့် သူ၏ ရုပ်သွင်အား ဖုံးကွယ်ထားခဲ့သည်ကို ရှဲကျုံ ကိုယ်တိုင် မြင်တွေ့ခဲ့ရပြီး ဖြစ်သည်။ သွမ့်လင်းထျန်သည် နာမည်တူကို အသုံးပြုခဲ့သော်လည်း မီးပူဇော်ခြင်းဂိုဏ်းတွင်လည်း သူ၏ ရုပ်သွင်ကို ဖုံးကွယ်ထားခဲ့ကြောင်း ခန့်မှန်းရန် သူ့အတွက် မခက်ခဲပေ။   </p> <p> </p> <p> </p> <p> </p> <p>      “ငါ့ရဲ့ နတ်ဘုရားစွမ်းရည် နှစ်ခုကို ကြည့်ရုံနဲ့ ငါက မီးပူဇော်ခြင်းဂိုဏ်းက သွမ့်လင်းထျန်မှန်း မင်း ခန့်မှန်းနိုင်လိမ့်မယ်လို့ ငါ မထင်ထားခဲ့ဘူး”   </p> <p> </p> <p> </p> <p> </p> <p>      အကယ်၍ သွမ့်လင်းထျန် သူ၏ နတ်ဘုရားစွမ်းရည် နှစ်ခုကို အသုံးပြုလိုက်ပြီးနောက်တွင်ပင် ရှဲကျုံက ပဟေဠိများကို မဆက်စပ်နိုင်သေးပါက သူသည် အလွန်အမင်း ဗဟုသုတ နည်းပါးသူ သို့မဟုတ် တုံးအသူ ဖြစ်သည်။ </p> <p> </p> <p> </p> <p> </p> <p> </p> <p> </p> <p> </p> <p> </p> <p>      မီးပူဇော်ခြင်းဂိုဏ်းမှ ပါရမီရှင် သွမ့်လင်းထျန်သည် လက်ကိုးချောင်းနဂါးစစ်သည်တော် တစ်ဦး ဖြစ်ကြောင်း သတင်းများ ပျံ့နှံ့နှံ့ခြင်း မရှိသောကြောင့် ဤအချက်ကို သတိပြုမိရန် ရှဲကျုံ အချိန်အနည်းငယ် ယူလိုက်ရခြင်း ဖြစ်သည်။ သတင်းများ ပေါက်ကြားသွားခဲ့သော်လည်း လူအများစုက ၎င်းကို မယုံကြည်ခဲ့ကြပေ။ ထို့ကြောင့် သတင်းများမှာ အရှိန်မရမီမှာပင် ပျောက်ကွယ်သွားခဲ့သည်။ ဘာပဲဖြစ်ဖြစ် လက်ကိုးချောင်းနဂါးစစ်သည်တော် ဆိုသည်မှာ ဒဏ္ဍာရီလာ သတ္တဝါတစ်ကောင်ကဲ့သို့ ဖြစ်နေသည်။ လူများ သံသယဝင်ကြသည်မှာ သဘာဝကျသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      အကယ်၍ မီးပူဇော်ခြင်းဂိုဏ်းမှ သွမ့်လင်းထျန်မှာ လက်ကိုးချောင်းနဂါးစစ်သည်တော် တစ်ဦး ဖြစ်ကြောင်း သတင်းများ ပျံ့နှံ့နှံ့သွားခဲ့ပါက မီးပူဇော်ခြင်းဂိုဏ်းမှ သွမ့်လင်းထျန်နှင့် အောက်ပိုင်းပြည်နယ်ရှိ အဇူရာတိမ်ရဲတိုက်မှ သူ နတ်ဆိုးချိပ်ပိတ်ကျောက်ပြားကို လုယူခဲ့သော သွမ့်လင်းထျန်တို့မှာ တစ်ယောက်တည်း ဖြစ်ကြောင်း ရှဲကျုံ ဆက်စပ်မိနိုင်မည် ဖြစ်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “ငါလည်း ဒါကို မထင်ထားဘူး”   </p> <p> </p> <p> </p> <p> </p> <p>      ရှဲကျုံ၏ မျက်လုံးများ အေးစက်သွားပြီး အက်ကွဲသောအသံဖြင့် ပြောလိုက်သည်။   </p> <p> </p> <p> </p> <p> </p> <p>      “ဒီလောက် အချိန်တိုအတွင်းမှာ မင်း ဒီလောက် အစွမ်းထက်လာမယ်ဆိုတာကိုသာ ငါ သိခဲ့ရင် အဇူရာတိမ်ရဲတိုက်မှာတုန်းက ငါ မင်းကို ညှာတာပေးခဲ့မှာ မဟုတ်ဘူး”   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ရှဲကျုံ၏ စကားကို ကြားသောအခါ သွမ့်လင်းထျန် ရယ်မောလိုက်သည်။   </p> <p> </p> <p> </p> <p> </p> <p>      “ညှာတာတယ် ဟုတ်လား... ရှဲကျုံ... ငါ့ရဲ့ မှတ်ဉာဏ်တွေ မမှားဘူးဆိုရင် မင်းက  လက်ကိုးချောင်းနဂါးစစ်သည်တော်ဆိုတဲ့ အဆင့်အတန်းကို စိုးရိမ်လို့ အဲဒီတုန်းက ငါ့ကို မသတ်ခဲ့တာ မလား... ပြီးတော့ ငါ့ရဲ့ ပင်ကိုပါရမီနဲ့ဆိုရင် မင်းကို ငါ မီလာနိုင်မယ်လို့ မင်း မထင်ခဲ့လို့လေ... မဟုတ်ရင် မင်းက ညှာတာနေဦးမှာလား... ရယ်ရတယ်ကွာ”   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန်၏ စကားများက ထိုအချိန်က ရှဲကျုံ၏ အတွေးများကို ဖော်ထုတ်လိုက်သကဲ့သို့ ဖြစ်သွားသည်။ ၎င်းက ရှဲကျုံ၏ မျက်နှာထားကို ပြောင်းလဲသွားစေသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန်က မေးလိုက်သည်။   </p> <p> </p> <p>      “အဲဒီတုန်းက ငါ့ကို မသတ်ခဲ့ရလို့ မင်း နောင်တမရဘူးလား”   </p> <p> </p> <p> </p> <p> </p> <p>      ရှဲကျုံ၏ မျက်နှာပေါ်တွင် အမူအရာ အမျိုးမျိုး ဖြတ်ပြေးသွားပြီး သူ မည်မျှ တိတ်ဆိတ်နေသည်ကို မြင်သောအခါ သွမ့်လင်းထျန်က ဆက်ပြောလိုက်သည်။   </p> <p> </p> <p> </p> <p> </p> <p>      “တကယ်လို့ မင်းသာ အဲဒီတုန်းက ငါ့ကို သတ်ခဲ့ရင် အခု ငါ ဒီမှာ ရပ်နေနိုင်မှာ မဟုတ်ဘူးလို့ မင်း တွေးနေတာလား... နောင်တအတွက် ကုသစရာ ဆေးမရှိတာဆိုးတာပဲ... ဒီနေ့တော့ ငါ့ကိုယ်ငါ ပေးထားတဲ့ ကတိကို ဖြည့်ဆည်းပြီး အကြီးအကဲကူမီနဲ့ အဇူရာတိမ်ရဲတိုက်က ချပ်ဝတ်နက်တပ်ဖွဲ့ဝင် ဆယ်ယောက်အတွက် လက်စားချေဖို့ ငါ မင်းကို သတ်မယ်”   </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန် စကားပြောနေစဉ် သူ၏ အသံမှာ မိုးကြိုးပစ်ချလိုက်သည့်အလား ကျယ်လောင်သွားသည်။   </p> <p> </p> <p> </p> <p> </p> <p>      “နောင်တ”   </p> <p> </p> <p>      သွမ့်လင်းထျန်၏ မိုးခြိမ်းသံကဲ့သို့ အသံက ရှဲကျုံကို လက်တွေ့ဘဝသို့ ပြန်လည် ရောက်ရှိသွားစေသည်။ သူ၏ တည်ငြိမ်မှုကို သူ အမြန် ပြန်လည် ရယူလိုက်သည်။ ရှဲကျုံက လှောင်ပြုံးပြုံးကာ ပြောလိုက်သည်။   </p> <p> </p> <p> </p> <p> </p> <p>      “သွမ့်လင်းထျန်... မင်းကိုယ်မင်း အထင်ကြီးလွန်းနေတယ်လို့ မထင်ဘူးလား... မင်း အတော်လေး အစွမ်းထက်တယ်ဆိုတာကိုတော့ ငါ ဝန်ခံပါတယ်... ဒါပေမဲ့ ငါတို့ နှစ်ယောက်ထဲမှာ ဘယ်သူက ပိုအစွမ်းထက်လဲဆိုတာက မသေချာသေးပါဘူး... ဘာလို့ မင်း နိုင်မယ်လို့ ထင်နေတာလံ”   </p> <p> </p> <p> </p> <p> </p> <p>      စကားပြောပြီးနောက် ရှဲကျုံက ရယ်မောလိုက်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “ငါ နိုင်မနိုင်ဆိုတာကို မကြာခင် မင်း မြင်ရလိမ့်မယ်”   </p> <p> </p> <p>      သွမ့်လင်းထျန်က ရှဲကျုံနှင့် စကားပြောကာ အချိန်မဖြုန်းတော့ရန် ဆုံးဖြတ်လိုက်ပြီး စတင် လှုပ်ရှားလိုက်သည်။ သူ၏ ရွှေကျီးကန်းတောင်ပံများကို ခတ်လိုက်သည်။   </p> <p> </p> <p> </p> <p> </p> <p> </p> <p> </p> <p>      နောက်တစ်ခဏတွင်...   </p> <p> </p> <p> </p> <p> </p> <p> </p> <p> </p> <p>      ဘုန်း... ဘုန်း... ဘုန်း... ဘုန်း... ဘုန်း.....   </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန်၏ ခန္ဓာကိုယ် လှုပ်ရှားသွားသည်နှင့်အမျှ လေထု ပေါက်ကွဲသံများ ထွက်ပေါ်လာသည်။ သူ ရှိနေသော နေရာမှ ပျောက်ကွယ်သွားပြီး ရှဲကျုံဆီသို့ အလွန် လျင်မြန်သော အမြန်နှုန်းဖြင့် ပြေးဝင်သွားသည်။ သူ၏ အမြန်နှုန်းမှာ စိန့်ကောင်းကင် တတိယပုံစံ စွမ်းအားရှင်များနှင့် ညီမျှသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “မီးပူဇော်ခြင်းဂိုဏ်းရဲ့ ဒုတိယအသန်မာဆုံး ပါရမီရှင်က ဘယ်လောက် အစွမ်းထက်လဲဆိုတာကို ငါ ကြည့်ချင်သေးတယ်”   </p> <p> </p> <p> </p> <p> </p> <p>      ရှဲကျုံက ဂရုမစိုက်သည့် လေသံဖြင့် ပြောလိုက်သည်။ လျှပ်စီးလက်သကဲ့သို့ အမြန်နှုန်းဖြင့် သူ့ဆီ ပြေးဝင်လာသော သွမ့်လင်းထျန်ကို ရင်ဆိုင်ရချိန်တွင် သူ ကြောက်ရွံ့ခြင်း မရှိပေ။ သူ စုဆောင်းထားသော သူတော်စင်မူရင်းစွမ်းအင်များက မျက်စိတစ်မှိတ်အတွင်း သူ၏ ခန္ဓာကိုယ်ထဲမှ ပေါက်ကွဲထွက်လာသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      နောက်တစ်ခဏတွင် ရှဲကျုံသည် ကောင်းကင်သို့ အမြန် ပျံတက်သွားသည်။ သူ၏ အမြန်နှုန်းမှာ သွမ့်လင်းထျန်၏ အမြန်နှုန်းထက် မနှေးပေ။ လတ်တလောတွင် သူသည်လည်း အကူအညီအမျိုးအစား နတ်ဘုရားစွမ်းရည်နှင့် လှုပ်ရှားမှုနတ်ဘုရားစွမ်းရည်တို့ကို အသုံးပြုလိုက်သည်။ ထို့ကြောင့် သူ၏ အမြန်နှုန်းမှာ အလွန် မြန်ဆန်နေခြင်း ဖြစ်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      မကြာသေးခင် အချိန်ကလေးတင် သူက ငါ့ရှေ့မှာ ပုရွက်ဆိတ်တစ်ကောင်လို ဖြစ်နေခဲ့တာ... အခုတော့ ငါနဲ့ တန်းတူ အစွမ်းထက်နေပြီ.....   </p> <p> </p> <p> </p> <p> </p> <p>      ရှဲကျုံ စိတ်ထဲမှ တွေးလိုက်သည်။ သွမ့်လင်းထျန်၏ အမြန်နှုန်းမှာ သူ၏ အမြန်နှုန်းထက် မနှေးကြောင်း တွေ့ရှိလိုက်ရသောအခါ သူ၏ ရင်ထဲတွင် လေးလံသွားပြီး သူ၏ မျက်နှာထားမှာ ပို၍ပို၍ မှုန်ကုပ်သွားသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ဘာပဲဖြစ်ဖြစ် သွမ့်လင်းထျန်သည် လက်ကိုးချောင်းနဂါးစစ်သည်တော်အဖြစ် အသွင်မပြောင်းရသေးပေ။ လက်ကိုးချောင်းနဂါးစစ်သည်တော်အဖြစ် အသွင်ပြောင်းလိုက်သည်နှင့် တစ်ပြိုင်နက် သူ၏ အမြန်နှုန်းမှာ ပို၍ မြင့်တက်လာလိမ့်မည် ဖြစ်သည်။ ထိုအချိန်တွင် သွမ့်လင်းထျန်က သူ့ထက် သာလွန်ဖို့ မဖြစ်နိုင်တာ မဟုတ်ပေ။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      *ီး... ဒီလောက် အချိန်တိုအတွင်းမှာ သွမ့်လင်းထျန်က ဒီအစွမ်းထက်တဲ့ အဆင့်မြင့်နတ်ဘုရားစွမ်းရည် နှစ်ခုကို ဘယ်လိုများ ကျွမ်းကျင်သွားတာလဲ... ပြီးတော့ အဆင့်မြင့်တိုက်ခိုက်ရေးနတ်ဘုရားစွမ်းရည်နဲ့ အဆင့်မြင့်အကာအကွယ်အမျိုးအစား နတ်ဘုရားစွမ်းရည် တစ်ခုကိုလည်း သူ ကျွမ်းကျင်ထားသေးတယ်.....   </p> <p> </p> <p> </p> <p> </p> <p>      သူ ကျွမ်းကျင်ထားတဲ့ အဆင့်မြင့်အကာအကွယ်နတ်ဘုရားစွမ်းရည်က မီးပူဇော်ခြင်းဂိုဏ်းရဲ့ နံပါတ်တစ် အကာအကွယ်နတ်ဘုရားစွမ်းရည်ဖြစ်တဲ့ လိပ်နက်အတားအဆီးပဲ ဖြစ်ရမယ်.....   </p> <p> </p> <p> </p> <p> </p> <p>      ဤအကြောင်းကို တွေးမိသောအခါ ရှဲကျုံ စိတ်အနှောင့်အယှက် ဖြစ်သွားသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ရှဲကျုံ၏ အမြန်နှုန်းကို မြင်သောအခါ သွမ့်လင်းထျန် အနည်းငယ် အံ့အားသင့်သွားသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      အမှောင်နယ်မြေဂိုဏ်းရဲ့ ဦးသျှောင်လေးပါးထဲက တစ်ပါးဖြစ်တဲ့ ရွှေခြင်္သေ့ဘုရင်ရဲ့ သားဆိုတဲ့ ဂုဏ်ပုဒ်နဲ့ သူ တကယ် တန်တယ်... ရှဲကျုံက စိန့်ကောင်းကင် တတိယပုံစံကို မကြာခင်ကမှ ရောက်ထားတာ ဖြစ်ပေမဲ့ အမြန်နှုန်းအရဆိုရင် စိန့်ကောင်းကင် တတိယပုံစံမှာ ရှိတဲ့ ပုဟုန်က သူ့ထက် နိမ့်ကျတယ်.....   </p> <p> </p> <p> </p> <p> </p> <p>      ရှဲကျုံသည်လည်း အဆင့်မြင့်လှုပ်ရှားမှုနတ်ဘုရားစွမ်းရည်ကို အသုံးပြုထားကြောင်း သွမ့်လင်းထျန် သိသည်။ ရှဲကျုံ အသုံးပြုထားသော အကူအညီအမျိုးအစား နတ်ဘုရားစွမ်းရည်မှာ အလယ်အဆင့် နတ်ဘုရားစွမ်းရည်သာ ဖြစ်ပုံရသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “လက်ကိုးချောင်းနဂါးစစ်သည်တော်”   </p> <p> </p> <p> </p> <p> </p> <p>      သွမ့်လင်းထျန်သည် ရှဲကျုံကို တစ်ချက်တည်းဖြင့် သတ်ရန် နဂါးသွဲ့ကျောက်ဓားကို အသုံးပြုဖို့ အစီအစဉ် မရှိသော်လည်း သူ့တွင်ရှိသော အခြား နည်းလမ်းများကို အသုံးမပြုဘူးဟု မဆိုလိုပေ။ ရှဲကျုံသည် သူနှင့် အမြန်နှုန်း တူညီနေကြောင်း တွေ့ရှိလိုက်ရသောအခါ သူသည် လက်ကိုးချောင်းနဂါးစစ်သည်တော်အဖြစ် ချက်ချင်း အသွင်ပြောင်းလိုက်သည်။ မျက်စိတစ်မှိတ်အတွင်းမှာပင် သူသည် လူပုံစံ နဂါးတစ်ကောင်အဖြစ်သို့ ပြောင်းလဲသွားသည်။ သူ၏ ခေါင်းမှာ လူခေါင်းဖြစ်သော်လည်း သူ၏ ခန္ဓာကိုယ်မှာ နဂါးတစ်ကောင်၏ ခန္ဓာကိုယ် ဖြစ်သည်။ ဤသည်မှာ လက်ကိုးချောင်းနဂါးစစ်သည်တော်၏ ပုံစံ ဖြစ်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ငါ ဘာကိုမှ ဖုံးကွယ်ထားစရာ မလိုတော့ဘူး... ဒီနေ့ မျှော်လင့်ချက်မဲ့ခြင်းဆိုတဲ့ အဓိပ္ပာယ်ကို ရှဲကျုံကို ငါ သင်ပေးမယ်.....   </p> <p> </p> <p> </p> <p> </p> <p>      လက်ကိုးချောင်းနဂါးစစ်သည်တော် တစ်ဦး၏ အပြည့်အဝ စွမ်းအားကို ထုတ်ဖော်လိုက်စဉ် သွမ့်လင်းထျန် စိတ်ထဲမှ တွေးလိုက်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      လတ်တလောတွင် သွမ့်လင်းထျန်သည် နဂါးသွဲ့ကျောက်ဓားမှလွဲ၍ သူ ကျွမ်းကျင်ထားသော နည်းစနစ်များ အားလုံးကို အသုံးပြုနေသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      စောစောက သွမ့်လင်းထျန်၏ အမြန်နှုန်းမှာ ရှဲကျုံနှင့် တူညီနေခဲ့သည်။ ယခု လက်ကိုးချောင်းနဂါးစစ်သည်တော်အဖြစ် အသွင်ပြောင်းလိုက်ပြီးနောက် သူ၏ အမြန်နှုန်းမှာ ပို၍ပင် မြန်ဆန်လာခဲ့သည်။ သူသည် ရှဲကျုံကို လုံးဝ သာလွန်သွားပြီ ဖြစ်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန်က အော်ဟစ်လိုက်သည်။   </p> <p> </p> <p> </p> <p> </p> <p>      “ရှဲကျုံ”   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      သူသည် သူတို့ နှစ်ဦးကြားရှိ အကွာအဝေးကို ကျဉ်းမြောင်းစေကာ ရှဲကျုံဆီသို့ အမြန် ပြေးဝင်သွားသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “*ီးပဲ”   </p> <p> </p> <p> </p> <p> </p> <p>      သွမ့်လင်းထျန်၏ မြင့်တက်လာသော အမြန်နှုန်းကို မြင်သောအခါ ရှဲကျုံ ဆဲရေးလိုက်သည်။ အမြန်နှုန်းနှင့် ပတ်သက်လာလျှင် သူ့တွင် အားသာချက် မရှိတော့ကြောင်း သူ သိလိုက်သည်။ ထို့ကြောင့် သူ၏ လှုပ်ရှားမှုကို ရပ်တန့်ရန် ဆုံးဖြတ်လိုက်သည်။ ထို့နောက် သူ၏ လက်တစ်ဖက်ကို မြှောက်လိုက်ရာ သူ၏ လက်ထဲတွင် ခုနစ်ပေရှည်သော လှံတစ်လက် ပေါ်လာသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ဝုန်း...   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ရှည်လျားသော လှံ ရွေ့လျားသွားသောအခါ ၎င်း၏ ပတ်ဝန်းကျင်ရှိ လေထုကို မွှေနှောက်သွားသည်။ ၎င်းထံမှ ထက်ရှလှသော အော်ရာတစ်ခု ထွက်ပေါ်လာသည်။ ထိုအော်ရာမှာ သာမန် သူတော်စင်လက်နက်တစ်ခုနှင့် မသက်ဆိုင်ကြောင်း ထင်ရှားလှသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “ကမ္ပည်းတစ်ထောင်သူတော်စင်လက်နက်”   </p> <p> </p> <p> </p> <p> </p> <p>      သွမ့်လင်းထျန် ချက်ချင်း အံ့သြတကြီး ရေရွတ်မိလိုက်သည်။ စိန့်ကောင်းကင် တတိယပုံစံ အမှောင်နယ်မြေဂိုဏ်း အကြီးအကဲ တစ်ဦးသာ ဖြစ်သူထံတွင် ကမ္ပည်းတစ်ထောင်သူတော်စင်လက်နက် ရှိနေလိမ့်မည်ဟု သူ မထင်ထားခဲ့ပေ။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ခဏအကြာတွင် သူသည် အလွန် ရိုးအလွန်းနေကြောင်း သဘောပေါက်သွားသည်။ အဆုံး၌ ရှဲကျုံသည် ရွှေခြင်္သေ့ဘုရင်၏ တစ်ဦးတည်းသော သားဖြစ်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “မင်းက ကမ္ပည်းတစ်ထောင်သူတော်စင်လက်နက်ကို မှတ်မိလိမ့်မယ်လို့ ငါ မထင်ထားဘူး”   </p> <p> </p> <p> </p> <p> </p> <p>      သူ၏ သူတော်စင်မူရင်းစွမ်းအင်များ ကောင်းကင်ယံသို့ ထိုးတက်သွားစဉ် ရှည်လျားသော လှံကို ဝှေ့လည်လိုက်ရင်း ရှဲကျုံက လှောင်ပြုံးပြုံးကာ ပြောလိုက်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ဤအချိန်တွင် ရှဲကျုံသည် သူ၏ လက်ထဲရှိ ကမ္ပည်းတစ်ထောင်သူတော်စင်လက်နက်ဖြင့် သူ ကျွမ်းကျင်ထားသော နည်းစနစ်များနှင့် နတ်ဘုရားစွမ်းရည်များ အပါအဝင် သူ၏ စွမ်းအား အားလုံးကို ထုတ်ဖော်လိုက်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ဝုန်း...   </p> <p> </p> <p> </p> <p> </p> <p> </p> <p> </p> <p> </p> <p> </p> <p>    ရှဲကျုံက ရှည်လျားသော လှံကို ရှေ့သို့ ထိုးသွင်းလိုက်ရာ လေထုထဲတွင် ပေါက်ကွဲသံများ ထွက်ပေါ်လာပြီး အခြား ဆူညံသံများ အားလုံးကို ဖုံးလွှမ်းသွားသည်။ </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ဝှစ်...   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      တစ်ချိန်တည်းမှာပင် တိုတောင်းသော ဓားအော်သံတစ်ခု လေထုထဲတွင် ထွက်ပေါ်လာသည်။ ကမ္ပည်းတစ်ထောင်သူတော်စင်လှံဆီသို့ ကောင်းကင်ယံမှတစ်ဆင့် ပျံသန်းလာသော ဓားအလင်းတစ်ခုကို မြင်တွေ့နိုင်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန် လှုပ်ရှားလိုက်သောအခါ ဓားအလင်းကို ရှဲကျုံ လျှပ်တစ်ပြက်မြင်လိုက်ရသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “ကမ္ပည်းတစ်ထောင်သူတော်စင်ဓား”   </p> <p> </p> <p> </p> <p> </p> <p>      ရှဲကျုံ၏ ဝိညာဉ်မျက်လုံးများဖြင့် သွမ့်လင်းထျန်၏ ဓားမှာ သာမန်မဟုတ်ကြောင်း ပိုင်းခြားသိမြင်ရန် သူ့အတွက် လွယ်ကူသည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      ခဏအကြာတွင် ရှဲကျုံမှာ အားနည်းသော အနေအထားသို့ ရောက်သွားသည်။ သူသည် အနောက်သို့ လွင့်စင်သွားသည်။ မြေပြင်ပေါ်သို့ သူ ကျသွားသောအခါ သူ၏ မျက်နှာမှာ ဖြူရော်နေပြီး သွေးတစ်လုတ် အန်ချလိုက်သည်။ ကောင်းကင်တွင် ဖွာထွက်သွားသော သူ၏ သွေးများကို မြင်ရသည်မှာ စူးရှတောက်ပပြီး မျက်စိဖမ်းစားနိုင်လှသည်။ </p> <p> </p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save